رواية #رواية...انا هي نساؤك.. الفصل الحادي وثلاثون 31 - بقلم الكاتبه سمو العراق

البارت السابع والعشرون

رواية...انا هي جميع نساؤك
بقلمي..نور سمو العراق

💔💔💔💔💔💔💔

أحـقـر الـنسـاء !!!•••••

* امـرأة تـخـون زوجـهـا !!
* امـرأة تـفـرّق بـيـن صـديـقـيـن !!
* امـرأة تـفـرّق بـيـن زوجـهـا و أمـه !!
* امـرأة تـنـظـر لـلـرجـل عـلى أنـه وسـيلـة لـتـحقـيـق غـايـتـها !!
* امـرأة تـحـمـل حـقـد و تـورثـه لأبـنـاهـا !!
* امـرأة جـمـيـلـة لـكـن عـقـلـها أجـوف فـارغ !!

..................................

طلعت بره الغرفه جان الجوو مضلم والكلوبات مطفيه...

رحت العمتي لكيتها نايمه...

رجعت الغرفتي

اثار انتباهي صوت من غرفة مرة مؤيد

تضحك بدلع وهي دكله....اموووت عليك اغار من اشووفك ويه مرتك صح تفكيري غلط وحرام بس الحب وما قتل شسووي اتحمل الخاطرك

بلعت ريكي محد بالبيت معقوله ويه المنذر ياله ياربي ياله موش مصدكه...

المنذر مستحييل يخوون اخوو

صح هو ابو نسوان ويحب النسوان بس موش علئ كرابته

وبطل يعاين علئ النسوان...

جااا ويامن تحجي موش ويه مؤيد عبنه موش هنا

وتكول انت رجال متزوج...

عقلي ضال يجيب سالفه ويودي سالفه...

ضليت ارعش من الخوف عبالك انه لاحجي ويه واحد موش هيه

يربي اخافن ادخل واشوفها هي ونذري

ضربت خدي...يممممماي وروح ابووي وروح ابووي اذا هاي تضحك علئ نذري وكاعد وياها

اطكن روحي طلقه واكتلها....

رجعت اتصنت عليها سمعتها دكله....امممم كذااب لا بعد ما احببك

شنو شنو تسوي جسمي ازرك هههههه راحت عليك حبيبي طلعتي صارت صعبه...

اتاكدت هي موش واحد وياها بالغرفه ياله هي تخابر
بصاحبها

حسيت الموت سره بجسمي

خطيه مؤيد شنهي ذنبه يطيح بمره مثل هاي عار ما حفظت شرفه من اول ايام عرسه ولا حفظته بغيابه

احساس بداخلي جني انه مسويه مصيبه موش هي

رجعت كالت...حبيبي نعست حقفل السماعه مع السلامه

ضحكت بدلع وجاوبته...شكد منحرف...

لطمت صدري

ما اسمع اله بريك سيارة المنذر اصدر صوت مزعج...

طفئ السياره وفتح الباب...

انه بسرعه طكيتها ركضه الغرفتي

لفيت روحي بالنزله ونمت سويت روحي احلم وبسابع نوومه...

هو دخل وسمع صوت الباب انسد

كلش انقهرت اليوم...

اجت رويجه ام سيقان وهو. تغير عليه...

وطلع من العصر هسه يالله لفه...

اكيد عد ام سيقان عبن شنهي تركص شرقي

وانه اركص عمارجي...

حيل غثاني من راح وياها وطبو بالاستقبال وتاخرو

وتالي طلع من الاستقبال دش للغرفه اخذ ضرف انطاه الها

وهي راحت تطك بكعبها...كون انكسرتي انتي وكعبج

عبن شنهي داقتني دق...

وانه اذا حجيت حسين فهمي ينكلب عليه وحش ويضل بس يرزل بيه ويطلعني انه الغلطانه

تمنيت ارجع طفله وكل همي لعبتي ولوو انه ما عندي لعبه...

بس جانت جدتي تخيط النه لعابات انه وغرومه و ازهار...

ومره لعابة ازهار احله من لعابتنه

انه وغرومه انقهرنه نزعنه هدوم لعابتنه ولبسناها العابة زهوره...

وخمطنه لعابتها ههههه....

وهي ثوله ما انتبهت

الله يرحمج يبعد كلبي يا غرام عبن موش مصدكه طولج الحلوو ضمه التراب...

انه وياج توم تقاسمنه الحياة واحنه ببطن امي

بس غدرتيني يغرام عبن خليتني وحدي...

اي صدك غرومه انه اريد اسولف وياج وما اعتبرج متي وانتهيتي من الحياة...

ياله انتي عايشه بروحي...

تذكرين من حجينه انه وياج وكتلج اريدنه فارس واريدنه شاعر واريدنه جريئ...

انه حصلت عليه وحيل احبنه بس هو موش هلكد يحبني

صح هوواي يبوس من لهامه لجعوب...

بس شنهي اذا يكتل بووياي جدي صلف ارحم منه

جاا غير طكني بنطاق لهسه طابع بجسمي

بس شنهي زعلت وضل يراضي بيه اخذاني للحبانيه شكد حلووه...بس موش احله منج

ونسيت اكلج خطيه مؤيد مرته تخونه خطيه فقير وفاهي...ادعيله عند ربج تستعدل

شفته طلع من الحمام بسرعه. غمضت عيوني عبن اريدنه يعرف انه نايمه وموش منتظره جيته

فتحت عيوني الرؤيه عندي ضبابيه...

شفته ينشف بشعره بالخاولي...

اتمنيت اروحن اله واضلن اصيح واكله هسه تحجي شنطيت لام سيقان

بس انه كل ما احجي يتركب الحق عليه واضلن اجفص

واشبع طن بجي....

شفته تقرب مني غمضت صدك واصطكيت

هو سحب النزله مني وتغطه وياي حسيت عليه يتلمس خصلات شعري...

همس بصوت اقرب للنعاس...منووس تعوفيني وتنامين

انه ما صدكت كعدت كعده كتله...اي مثلك من عفتني من اجت ام سيقان لحد هسه

وين جنت احلف بروح ابوك موش وياها

هو ضحك بصوت عالي وضماني لصدره

كال..وشعندي وياها لايابه لا رايح ولا شئ هاي الافكار السلبية شيليها من عقلج

عندي اشغال اهم من روجين وابو روجين

مسحت دموعي بحسره ...بس من اجت انت تغيرت وطردتني كدامها

المنذر...لا ما طردتج بس كتلج روحي لان اعرفج بس تضلين تتعاركينها

درت شفايفي بزعل...وشنهي خايف عليها تزعل ام مشاعر ورديه يوو خايف علئ كفشتها تخرب التسريحه من العركه...

رد بسياسه...ترئ روجين اكبر منج واضخم واسمن واطول...واني عمري اخاف عليج انتي يخرب شعرج

تروحلج فدوه روجين وشعرها

باوعتله ببرائه وخجل...قصدك انه مجعوصه ومثل ما تكول قبل موش ناضجه

رفع حاجب ما عجبه كلامي...انتي مو ناضجه؟ كل هل نضووج ومو ناضجه

اسولفلج لو اسكت

جاوبته بعدم فهم...سولف

هو قرب وجهه من وجهي كال....يالله اسولفلج رحلتي علئ اجمل ارض خصبه وهي انوثتج ونضوجج

شفت اجمل المناظر الخلابه واستنشقت اجمل العطور الفرنسيه ترجمت احساسي علئ كل قطعه بجسمج

ضل يحجي بغزل صفني خلاني ابلع بريكي

من خجلي حطيت ايدي علئ شفايفه همست بخجل ...كافي ترئ استحي

سحب ايدي وباسها كال...مو تردين اسولفلج

خلي اكمل رحلتي وياج وصرت سائح محب المدينة سر انوثتج وطلبت اقامه عندج

ابتسمت بخجل يعرف شلون يأثر عليه بعد ضابط وابو نسوان وتربية روجين....

غيرت الموضوع...شتريد ام سيقان

هو سحبني الصدره وبهدوء وبصوت رومانسي...لانعل ابوها لج تعاي مشتاق

دفعته بخجل...ياله لا تتقرب ما عليه صلاه

ابتسم ورجع سحبني ضل يسولف وكل مااسئله شرادت روجينا

يغير الموضوع...

ومن كثر ما لحيت كال ..جوازها عندي انطيته الها

بس هو حذاب شلون مو قبل كال سفرتها للبنان

موتني يربي شسوي احبنه ومااريدن اصدك يخوني

وخطيه مؤيد مرته تخونه شنهي ذنبه مسكين...

ابو النسوان مرته شريفه والفقير مرته موش راحه

استغفر الله يربي شجاي يصير ماكوو معادله ولا عدل بهذا الموضوع...

نمت علئ صدر المنذر واحلام تراودني بس ما ميزتها

بس حلم فرزنته اختي غرام تباوعلي بحزن و لابسه ابيض ودكلي...انتي تكسرين خاطري انه احبنج بس ديري بالج انتي موش بخير

..........................

صحيت من النوم الغرفة ظلمة وضوء خفيف يتسلل من الستائر .. خليت ايدي جوة راسي وعيوني ع السكف واباوع بعشوائية .. وافكر شنو صار الفاروق فطس لو يصح بيدي اله اقطع لحمة وصلة وصلة واشمره للجلاب حقير يستاهل المووت الي سوا بعرضه وشرفه وبنت عمه حتى الحيوانات ميسووها ..

واني على هذا الحال انفتحت الباب ودخلت نيران مدت ايدها لنقطة الكهرباء وفتحت الضوء .. ظليت اباوع الها ومقلص عيوني مزعوج ..

تقربت مني ومبينه متوترة ظليت اباوعلها بتفحص منتظر منها تتكلم ..

كالت بصوت مرتجف مرعوب ؛ عمر هذا وثاب

كمت من مكاني مصدوم بس محاولت ابين الها

لزمتها من عكسها كتلها وينه ؟؟

ظلت تباوع لايدها وتباوعلي .. انتبهت عليها وفلتتها ..

كالت : اندكت الباب وانتَ نايم محبيت ازعجك طلعت وطليت من فتحة الباب شفته هو انرعبت ودخلت اصيحلك بس كولي شيريد هذا جاي ؟

تجاهلت سؤالها توجهت للزاوية اخت منها تيشيرت ولبسته بسرعة وهرعت للباب .. وكفت مقابيله متردد افتحه لزمة يدة الباب وبقيت واكف التقط انفاسي واسيطر على نفسي واستعيد هدوئي .

بعد لحظات فتحتها وصار مقابيلي الشيخ وثاب
ومبين كوة متحكم بغضبه ..
كتفت ايديه وكتله خير امر خدمة ؟

مانطق ولا حرف فات للكراج يمشي بهدوء تبعته وصرت وراه وسديت الباب ..

التاف وهو شايل طرف عباته كال : انتَ الي صوبت فاروق ولا تنكر اني شفتك واذا اشتكيت عليك تروح اعدام .

بعدني محافظ على هدوئي سبلت ايديه وخليتهم بجيب التراكسوت .. كتله بنبرة برود ماعندك دليل عليه وشتريد تسوي سوي

وثاب بحقاره: .... اني شفتك جنتك فوك بغرفتي وشفتك من شباج غرفتي

بس سكتت موش الخاطرك لا لان انه اريدن كلكم اوديكم بستين داهيه

عمر بهدء...اعلئ ما بخيلك اركبه و مالك شئ عندي لا  عندك دليل ضدي

وثاب...لا تنسئ بعد تحليل الطب العدلي وراح يبين الطلقه طلعت من يا مسدس واكيد مسدسك الطلق النار

عمر بتنهيده...اي روحو اشتكو عليه واني اشتكي علئ فاروق النذل غدر نيران وكانت فريسته

ابتزاز بشرفها وعرضها واخذها لشقه مشبوها واشتكي عليها دخلها السجن باطل

انت تشتكي واني اشتكي

وثاب بضحكه...ما عندك دليل؟

عمر ببتسامه تغث...عندي دليل وما ضربته اله واني املك دليل قووي ضده

نيران عرضي وشرفي اذا وصل الخبر لاخوها قسما بذات لله يترس حلكم تراب...

ما حبيت اوصله اله لان مااريد العشيره تنقسم

ثاري ويه فاروق واخذته

وثاب بعصبية...اذا فاروق مات وروح ابوووي ادفنكم وانتم عدلين

وانه هسه ساكت منا لمن يصير زين اذا مات انه عدوكم اليوم الدين وثاري اخذه لو يضل يوم بعمري

اشرت اله يطلع كلامه ميعجبني فوك شينة كوات عينه...

هذا شرف والشرف ما ينسكت عنه

هو لف عباته وطلع بسرعه ويعصر بسبحته

ويسب ويغلط وكل شويه وكال...المنذر هو دزة يكتل فاروق... بس والله اكتلهم كلهم وارمل نسوانهم

عمر ؛ توجهت للبيت فتحت الباب صارت مقابيلي نيران دموعها على خدها وترعش والخوف متوغل بكل ملامحها ..

سديت الباب ببرود وفتت .. صارت مقابيلي تحجي ومرعوبة ..
نيران : عمر انتَ شنو سويت لفاروق قتلته مووته خلاص ؟؟

عصبت مديت ايدي لزمتها من معصمها وسحبتها اليه بقووة طخت كلها بصدري صرخت بوجهه وانتِ شنووو ضايجة عليه ؟؟

تباوعلي بخوف ونشغت مرعوبة .. ملصت ايدها مني وابتعدت عني تحجي بتوسل وتبجي
_ لالالا عمر لتفهمني غلط اني خايفة عليك
ورجعت تقدمت بخطوات سريعة وخلت راسها على صدري وكفوف ايديها ثبتتهم على اكتافي وتبجي بنحيب ..

لزمتها من اكتافها وخرتها من صدري ثبتت نظراتي على وجهه اتفحص ملامحها واتأكد من صدق ادعائتها
لمعت نظرة بريئة بعيونها المغوركة بالدموع وشفايفها المفتوحة وترجف

وتكرر كلامها ؛ والله خايفة عليك كولي شراح يسوون الك كولي عمر عفية ..

تركتها بدون اجابة توجهت لتخم وكعدت بهدوء عكس البراكين المتفجرة بداخلي ..

اجت كعدت جوة التخم وخلت راسها على ركبي وتبجي بنحيب يقطع القلب .

خليت ايدي على راسها اتلمس خصلات شعرها بدون تعمق ونظراتي بالفراغ وداخلي يغلي ..

.............................

بعد مرور يومين....

رجع مؤيد من العماره وانه سالته عن اهلي وضليت ابجي

كال...زينين وان شاء لله امي تجي بس موش هسه

ضليت انضف بالبيت

اندك الباب رحت فتحته

ضجت شرفت بشيره وامها شايلات فواكهه

سلمت عليهن ودخلن...

راحن كبل الغرفة حنان...

انه ضليت اكمل تنضيف بس بصراحه ضجت عبن شنهي صايره خدامه بس مال تنضيف...

نذري يشوفني مكسور ضهري بس ما يحجي

وانه مااحب اشكي اريدن همه يحسون

المنذر دائما ما موجود وما يعرف شنهي يصير

بس العتب علئ عمتي تخاف علئ الفرخ...اء قصدي الجاهل...

اتمنئ احبل بلكي تداريني شوويه وما تخليني انضف

دخل المنذر كلت خليني اخطفه واخذه للغرفه عبن اخاف يشوف أم عطوب

لزمته كتله...الله يساعدك ادخل جوه بالغرفه عبن عدنه خطار

هو ضحك باسني بخدي وراح للغرفه

وماا اشوفن اله صرخه من غرفة حنينه

ركضنه اني والمنذر

انه دخلت للغرفه شفت حنان تصرخ واختها لازمته وامها واكفه تلطم وجهها

كالت بعصبية...صيحي المنذر بسرررعه

المنذر صاح...منارس اكوو شئ

كتله...نذري ادخل حنان مدري شبيها

هو دخل بس مدنگ كال..هااا شكوو شصاير

امها كلتله....شيلها خلي ناخذها للمستشفئ

هو شالها وهي السعدانه ما صدكت دفنت وجهها بركبته وتتنفس عليها

تخبلت انه ابدي اخذها منه واركعها بالكاع

حظن المنذر بس اخلي هاي شنهي ويحطها بحضنه

هو شالها وطلع بيها بره وبشيره وامها وياها

وهي دكله المنذر اااه بطني فدوه اروحلك لا تتركني

وبشرئ تلزم بيها وتعدل ملابسها وتطخ بي خبلني

عساجن بحادث ما يطلع مني سالم بس نذري

ضليت اكل بروحي

كل يوم اسمعها تخابر وذاك اليوم تخابر بااختها

وذاك اليوم دكلها اي اخلي يورط منارس

انه حييل خفت واخاف اكول لنذري ما يصدك

قررت اسولف لام طالب بلكي تنصحني...

بس شنهي اخاف تضل تتعيقل عليه عبن شنهي هي نجحت...

وانه طلعت بالدين....

بس هي تحبني اكللها...

ذاك اليوم اجن حمواتي ونسولف علئ النسوان تخون رجولتهن...

وحنان دكلهن نسوان...كح...مدري شلون تسول الهن نفسهن ويخونن رجولتهن

بس التريد تخون تخون لو تحطيها بقفص...

ولما تريد الخيانه ما تخون لو تحطيها بجيش مال زلم

تباوع عليه وتحجي

وانه فاتحه حلكي عرضين عبن متفاجئه من جذبها

عمتي موش هنا راحت الهاله

مرت نص ساعه ومحد بين منهم....

بعدها اندك الباب اني كلت منوو منوو

محد رد

بس الدك مستمر علئ الباب

فتحت الباب وانه شفت وجهه

انرعبت من الخووف سديت الباب بس هو جان قووي دفع الباب حييل

من دفعته للباب وكعت بالكاع حسيت ضهري انطر

صرخت بخووف...محد موجود شترريد

نهاية البارت...يتبع

كونوا انتم كونوا بخير...احبكم💔

نور سمو العراق