رواية _حافيه_القدمين💋 الفصل الخامس 5 - بقلم زهورا

غزوان،،،جنت اريد اروح لغرفتنا وسمعت صوت زهراء تصرخ رحت ولكت زيد يجرها من شعرها ويضربها صرخت بي وهدها تعاركنا وتضاربنا اجتي امي وخالتي فاككونا وطلع زيد من البيت ظلت امي تحاجيني ودكلي انت الجبير والاعقل منة هذا مخبل مو صاحي ليش تخلي عقلك بعقلة
غزوان،،،ليش يمد ايدة على زهراء ويستكوي عليها
زوجة عمي،،،اهووو هم زهراء والله مو بس راح تفارك بين الاخوة راح تموتني بحسرتي عليكم
غزوان ،، عفت امي ورحت لغرفتي واني اصلا جنت ضايج من شفتها مع فؤاد بالمطبخ كمت افكر بيها ومتروح من بالي ليش هيج ديصير وياية
زوجة العم تحجي مع اختها،،،شفتي على زهيران كلبت بيتي قلب خية والله راح تجيب اخرتي متندمة كد شعر راسي لان حويتها يمي اكو وحدة تجيب الضيم لنفسها يلامون يكولون ربيلج حية ولتربيلج بنية
الاخت،،،خطية ترة فقيرة زهراء وبنت حلال وشايلتكم بالصلاوات
زوجة العم،،،بس حية من جوة لجوة شفتيها شعلكت الاخوة بينهم اوف من مكر البنات ايمتة تنفك قسمتها واخلص
الاخت ،،،خية بعدها صغيرة يادوب بعدها بنت 14 سنة شتزوجيها
زوجة العم ،،،يمة بس خلي يندك بابها الا انطيها واخلص
زهراء ،،،ثاني يوم جان راح يسافر غزوان خبزتلة خبز وحضرت اكلة واغراضة بس مجنت اباوع بعينة
غزوان،،،جانت وين متصد اصير كبالها بس اريد اشوف عيونها
زهراء،،،رفعت عيني وصار بوجهي
غزوان،،،حسيت نفسي ضعت بعيونها همست اني اسف على الي صار البارحة بس والله من خوفي عليج انتي عرضنا هسة وفؤاد يبقى شاب اوعديني تديرين بالج على نفسج ومتتقربيلة
زهراء،،،دنكت وهمست ان شاء الله ردت اروح قبل لتجي زوجة عمي وتصير حجاية
غزوان،،،ليش تتهربين مني بعدج زعلانة زهراء
زهراء،،،لا مازعلانة بس عندي شغل
غزوان،،،راح امر لزيد بالمزرعة واحاجي واحذرة ممنوع يمد ايدة عليج
فجأة اجتي زوجة عمي وكالت غزوان قبل لتروح وليدي طيب خاطر اخوك متسوة تتزاعلون تظلون من لحم ودم بعض وتباوعلي
زهراء،،،دنكت وعفتة ورحت
وصحيح بعد ميحاجيني زيد ولا يحتك بية بس جنت احسة كام يكرهني اكثر مرت الايام وصارت الامتحانات النهائية لغزوان جنت من اصلي ادعيلة جان يريد طبية ومستواه كلش زين نجح وطلع معدلة ميأهلة طبية راح هندسة فرحنا كلش وعمي ذبحلة وسوة عزيمة كلش جبيرة وانجمعوا اقاربنا جنت اباوعلة تغير غزوان صار احلى طول بعرض واللحية والشوارب جنت كل مااشوفة يدك كلبي
غزوان ،،،، تغيرت نظرتي لزهراء خاصة من بعد ماصارت مرة كاملة مكملة ومعالم الانوثة كلها تجمعت بيها ومرة من المرات جانت تمسح بالبيت ورافعة دشداشتها صارت عيني على رجلها اليسرة بوسط الساق شامة مااعرف وحمة بكد حبة الحمص بس شكلها مميز وكلش حلوة برجلها عيوني جانت تاكلها اكل اتعوذت بالله ودخلت غرفتي ومنظر رجلها ماراح من بالي

زهراء،،،جان البيت كلة عليه ومعتمدين بكلشي وجان عمي ميحب ياكل الا من ايدي ويظل يمدحني اذا عجبة الاكل وزوجة عمي جانت دتتغير علية وبعد مطيقني مثل قبل بأول زيارة زارها النا غزوان بعد مادخل الجامعة جان متغير لبسة وشكلة كلش وصاير حلو ومرتب
زهراء ،،،من طلعنا نستقبلة جان يباوعلي ويبتسم ومكدرت اشيل عيوني عنة
زوجة العم،،،بمرور الوقت حسيت اني رجل كرسي بالبيت وصارت هالبزرة الصغيرة زهراء الكل بالكل وسيطرت على البيت بالي بي جنت حاسة نظراتهم هية وغزوان مو طبيعية واكوشي بس شنو لازم اعرف
غزوان،،،كمت اخجل منها وكل متصير عيني بعينها اتهرب وبنفس الوقت احب اشوفها كدامي
زهراء ،،،رتبت اغراضةواخذت الملابس حتى اغسلها مع ملابسنا جنت احضن قمصانة واشمها واروح بغير عالم واسرح واظل اتبسم طلعت من الحمام وجنت شايلة سطلين كبار كوة شايلتهن
غزوان،،،شفتها كوة تكدر تشيلها كتلها خلي عنج وين تريدين تخليها