زهراء،،،زهراء همست ورة البيت انشرها دياخذ مني السطل وتلامست ايدنا حسيت عبالك تكهربت ارتبكت ومشيت كدامة
غزوان،،،ابتسمت ومشيت وراها خليت يمها السطل وكامت تنشر بيها واني اراقبها
ام غزوان،،،باوعت من الشباك لكت زهراء دتنشر ملابس وملابسها مبللة ولازكة على جسمها وغزوان ديباوعلها وعبالك عيونة حتطلع منة صعد الدم لراسي ناديتلة لغزوان وكتلة تعال اشرب جاي يمة
وظليت اخزرها كون الله ياخذج يازهيران شماعندج حيا ولا خجل
زهراء،،،كملت نشر ملابس وجنت بعدني ممتغدية ومواعين الغدة متكومة بالمطبخ جنت جوعانة وكمت اكل بسرعة واني واكفة دخلت زوجة عمي وكانت راح تنفجر جرتني من ايدي وتالي وياج زهيران
زهراء،،،باوعت بخوف وهمست شكو يمة شسويت
زوجة عمي،،،شنو الدشداشة القصيفة شنو ماعندج لا خجل ولا حيا تفترين بيها كدام الولد فرحان ديتفرجون عليج
زهراء،،،جنت مصدومة من حجيعا ودموعي على خدي همست يمة مو انتي جبتيها الي ودائما جنت البسها
زوجة العم،،،،وطمة طمج لدكولين يمة اني مو امج وماخلفت بنية والحمدلله
غزوان،،،طبيت اخلي الاستكان وشفت امي تصرخ وزهراء تبجي ومدنكة
غزوان ،،،بأستغراب هاي شكو يمة شصاير؟؟
امي،،،ماكو شي يمة لتخلي بالك يلا زهراء كفكفي المطبخ تعال غزوان يمة رايدتك وطلعت
غزوان،،،جانت دموع زهراء تنزل باردة وتكسر القلب همست شنو صار شسويتي زهراء
زهراء،،،والله ماسويت شي غزوان امي اجتي تعيط علية ودنكت ابجي
غزوان،،،ميخالف زهراء امي نفسيتها تعبانة انتي اكثر وحدة تعرفين شنو الي صار بينة تقربت منها ونطيتها كلينسة وكتلها فدوة لهل العيون الحلوة لخاطري اسكتي
زهراء،،،تغيرت نبرة صوت غزوان من نطاني الكلينس باوعت وعيني بعينة ابتسملي وطلع
غزوان،،،رحت لغرفة امي شفت ابوية نايم اشرتلي نطلع برة اخذتني وطلعنا بالحديقة همست يمة شبيج مع زهراء ليش هيج تغيرتي وياها مو ترباتج هية وشايلتنة بالصلوات
امي،،،استغربت من كلام غزوان همست شلون هيج تكلمني غزوان
غزوان ،،،يمة الي ديصير مع هالبنية حرام والله
امي،،،غزوان هالبنية حية وتلبس قناع المسكنة والبراءة اني اعرف دروبها
غزوان،،،يمة والله مصدوم بكلامج مو هاي زهراء الي جانت تبات بحضنج وكمنة نغار من معاملتج ودلالج الها شنو الي تغير
امي،،،جنت اباوع لغزوان واحسها راح تاخذة مني ومن هسة ديدافع عنها وبعيونة يحسها ملاك همست غزوان لتدخل نفسك بموضوع زهراء وانتبه لدراستك وعفتة وطبيت
غزوان،،،عافتني وطبت ظليت كاعد وضافن هاي شنو الي ديصير وليش هيج ضايجة منها امي
زهراء ،،،كام يطلع بالليل غزوان مع عمي للمضيف ويجون بوقت متأخر جان عمي ميحب زيد ولا ياخذة وياه لان ميعرف لا يسولف ولا يتصرف طايش ظليت ادكلب بالليل مااجاني نوم سمعت صوت عمي وغزوان اجوي من التعليلة ورة ربع ساعة سمعت صوت بالحديقة خليت كب على كتفي وطلعت شفت غزوان ديتمشى باوعلي وكلي شنو مو نايمة شعجب
زهراء،،،لا والله ماكدرت انام تريد اسويلك اكل جوعان ؟؟
غزوان،،،لا مو جوعان اشكرج
زهراء،،مجنا نعرف شنو نحجي اباوعلة يدنك يباوعلي انزل راسي جان لابسة دشداشة بيجي وغترة هم بيجية وعكال وطالع يخبل همست لعد تصبح على خير
غزوان،،،لحظة زهراء اني اعرف انج مامرتاحة وزيد مضايقج بس عقلة صغير لتهتميلة واني اعتذر نيابة عن امي صدكيني تحبج بس نفسيتها تعبانة
زهراء،،،هزيت براسي وكلت اعرف ومو زعلانة منها
غزوان ،،،همست شكد طيبة وكلبج نظيف
زهراء،،،باوعتلة وابتسمت
غزوان،، جانت من تبتسم تخطف قلبي وتهزني كتلها روحي نامي برد الججو
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!