رواية _حافيه_القدمين💋 الفصل الرابع 4 - بقلم زهورا

غزوان،،،يمعودة قابل شلتج على ظهري ووصلتج
زهراء،،،مو لان وصلتني وبس لان قنعتهم يرجعوني اني اعرف انه بسببك رجعوني
غزوان ،،،خجلت كلت بدون مااباوعلها لا امي اتأثرت بزعلج ورجعتج لان تحبج شدي حيلج واذا طلعتي اولى اخليج تكملين
زهراء،،،فرحت كلش
غزوان،،،باوعتلها وشفتها فرحانة وتضحك حسيت بفرح بداخلي همست يلا طبي للمدرسة مشت كدامي واني اباوعلها رجعت للبيت فرحان اني كدرت اسعد هاليتيمة
زهراء،،،جنت متأخرة كلش وفايتتني دروس كومة
رجع غزوان وتأخر الى نص السنة يلا اجة جنت احس بوجودة بالامان نجحت من السادس وهم نجح غزوان
ورجع زيد رسب وبطل من المدرسة وكام يشتغل بالمزرعة مالت عمي صار مشراني اكثر ورة فترة تصوب زيدون ومات انكلبت حياتنة الى جحيم وزوجة عمي اتكآبت وصارت عصبية واعتزلت وعمي تمرض بعد متكدر تشتغل وتركت المدرسة وصارت مسؤولية البيت براسي جنت اسوي ختمة واهديها لروح زيدون كل فترة وجنت اكول هنيالة راح يشوف اهلي جان زين وياي وطيب ويحب يضحك ويتشاقة بلشت السنة الجديدة ونزل للمدينة غزوان

زهراء .. صارت زوجة عمي عصبية وبعد متتحاجة وتكأب البيت وصار كلة براسي نجح غزوان وصار بكلوريا سادس جان من يجي علينا عبالك يجيب الفرح ويا جو البيت كلة يتغير ولان اقاربنا يجون عليه نتونس ناس رايحة وناس جاية
جانت خالتهم متكطع بزوجة عمي تظل تزورها من بعد متوفى زيدون جان يجي فؤاد ابنها المنغولي ويظل يبجي لان زيدون صديقة وبنفس عمرة جان يقهرني اكول سبحان الله الزين تبجيلة الوادم العدلة والموعدلة يعني هو منغولي وميفهم كلشي من هالحياة وشكد متأثر على المرحوم من كد مو حنين وطيب
جنت احن على فؤاد والعبة وانطي واوكلة اي شي عدنا جنت مااتحجب من فؤاد لان مجنت معتبرتة شاب ومجان يوعى او يفهم شي
غزوان ،،،جان عدنا خطار وردت اودي الصينية للمطبخ طبيت وشفت زهراء مخلية الشال على كتفها ودتوكل فؤاد مااعرف شصار بية وشنو هالاحساس الي اجاني شمرت الصينية على الكاونتر وصار صوتها عالي فزت وخلت الشال على راسها خزرتها وطلعت
كعدت بالمضيف مع ابوية والرياجيل شو ظلت بالي بعد مااتحمل ردت ارجع اشوف رجعت نزعت الشال كدام فؤاد النوبة ماحسيت على نفسي الا وراجع النوب للمطبخ لكتها بس وحدها دتغسل مواعين وملابسة شال وشعرها من كد مو ناعم وطويل واكفة القراصة على طارف شعرها ظليت صافن عليها ومجنت اشبع بيها شوف تنحنحت فزت ولبست الشال
همست وين فؤاد؟؟
زهراء،،،غسلتلة وطلع يمكن راح على خالتي
غزوان ،،،ضجت ووكفت يمها وليش تغسليلة انتي ترة هو مو معوق بنبرة انزعاج
زهراء،،،باوعتلة بأستغراب وهمست اعرف مو معوق بس خطية وضعة......
غزوان،،،شبي وضعة يعني شو احسن مني متونس ومرتاح
زهراء،،،،هاي شبيك غزوان اسم الله عنك مابيك الا العافية
غزوان،،،مابية شي بس شلون هيج ماخذة راحتج وتفرعين كدامة وتوكلي يابة هذا شاب ويفهم ويوعى كلشي
زهراء،،،،خفت واني اباوع لغزوان واشوفة شكد مزعوج همست مااعرف والله عبالي ميفهم كلشي
غزوان،،،هاي شيفهمها همست اذا اشوفج تتقربيلة مرة ثانية متلومين الا نفسج وطلعت
زهراء،،، انغثيت وكلت حتى انت تغيرت بعد مااحاجي ولا اباوع بوجهة جان كل البيت براسي جان زيد اذا يريد شي واتأخر عليه مرات يضربني ومجنت احجي او اشكي ومن يجي غزوان يتفاداني ومن يكون عمي هم بيومها صاح زيد وماسمعتة لان جنت اغسل مواعين اجة للمطبخ وصاح بية شنو مطرشة ومتسمعين لو مستكوية بغزوان
زهراء،،،همست ليش شصاير وجنت مزعوجة من حجي غزوان
زيد،،،صبي جاي
زهراء،،،الجاي يمك صب واخذة
زيد،،،اني اصب ولج صح لسانج طولان
زهراء جرني من شعري ومن كد ماجرني وكع شالي كمت اصرخ وابجي