رواية _حافيه_القدمين💋 الفصل السابع 7 - بقلم زهورا

زهراء،،،ماشي تصبح على خير دخلت واني فرحانة شمرت نفسي على فراشي وظليت افكر بية وماجاني نوم واني افكر بي حسيت نفسي احبة كلش وهو يبادلني نفس الاحساس
غزوان،،،طبت زهراء وتندمت لان كتلها روحي نامي بعدني ماشبعت منها شوف ظليت افكر بيها وماراحت من بالي
زهراء،،،اجتي خالتهم ثاني يوم وجان فؤاد مريض انقهرت عليه بس مجنت اكدر اتقرب منة مثل قبل وغزوان يراقبني ويراقب تحركاتي جنت اسوي فواكه بالمطبخ واجة ضايج فؤاد ويصر ومينفهم عليه شي عفتة وكمت اتجاهلة كام يجرني من ايدة يمكن جان يريدني العب وياه كتلة فؤاد بعد ماالعب عندي شغل جان ميفهم ويصرخ ويدفع بية طب غزوان وجرة من ايدة وكام يحاجي ويأشرلة بأيدة كلة زهراء بعد ماكو فهمت بعد متلعب وياك ولا تتقرب يمها هاي الي يأشرلة على قلبة اني انصدمت راح فؤاد مكسور وضايج همست حرام عليك غزوان ليش هيج حاجيتة
غزوان،،،وج هذا تعلق بيج انتي مدتفهمين اني اذا اشوفة يتقرب منج اذبحج واذبحة
زهراء،،،،حسيت غزوان ديغار من فؤاد
همست وليش تذبحنة
غزوان،،،،لان احسج ملكي
زهراء،،،باوعتلة وكلبي كام يدك
زهراء،،،احس كلبي بدء يدك ونظرات غزوان تفضح اعجابة وحبة رحت وديت الفواكه وجان كاعد مع خالتة وامة وفؤاد جان يلوب وميعرفون شبي يلج
ام فؤاد،،، كالت يمة زهورة هو يحبج ويسمع منج شوفي شنو بي والله تعبت وراسي راح ينفجر من المحنة مالتة
زهراء باوعت لغزوان ورفع حاجبة بمامعنى لا اني خفت وكتلها خالة حاولت ويا بس مديقبل يتجاوب ومااعرف شنو بي اليوم
كالت سودة علية اكيد شي يوجعة وميعرف يحجي
غزوان،،،باوعتلها بأبتسامة خبيثة ابتسمت وبعد متكدر تباوعلي فدوة للي تسمع الكلام
ام فؤاد،،،اي غزوان بعد خالتك شو ماسولفتلنا عن بنات المدينة والي وياك بالجامعة وخلت ايدها على رجلي وكالت ماعجبتك وحدة منا مناك !!!
غزوان،،،باوعت لزهراء خلت نفسها مامهتمة جاوبت لاوالله ماعجبتني ولا راح تعجبني اي بنية
ام غزوان ،،،لتصدكين بي باجر متشوفين الا وجاي ويكول يمة اخطبيلي فلانة شفتها بالجامعة وعاد بنات المدينة مايخلن عقل
زهراء،،،انقبض كلبي وطلعت حسيت روحي انقبضت رحت ورة البيت اداري بدموعي الي نزلت شلال على وجهي احبة ومااتصور بيوم اشوفة متزوج غيري او يرتبط بغيري جانت دنيا ظلمة فزيت على ايد تخلت على كتفي خفت ورجعت ليورة
غزوان ،،،شبيج يازهراء والله روحي تلوب من اشوف دمعاتج
زهراء،،،خليت ايدي على وجهي مااعرف شنو اكول والي بكلبي تعجز كلمات الكون توصفها
غزوان،،،لفيتها وجريتها على صدري كون البيج بية
زهراء،،،همست ياريت البية بيك جان ارتاحيت
غزوان ،،،رفعت وجهة بوجهي وهمست شنو الي بيج وجان ضوة الكمر عاكس على لمعة عيونها
زهراء،،،ماعرفت شنو احجي بس كلت غزوان اني اذا تزوج مااكعد لحظة بالبيت هذا
غزوان،،،ضحكت غصبا عنج تكعدين هنا اذا ازوج لعد منو يوكفلي بهل يوم
زهراء،،،جنت متجية عليه بعدت عنة واحس كلبي وجعني وزدت بالبجي
غزوان،،،ضحكت وج انتي الوحيدة الي مستحيل يصير عرسي بلاها
زهراء،،،يعني شنو؟؟
غزوان،،،يعني احبج بنت عمي وجنتي وناري وان شاء الله حلالي مريتي وام جهالي
زهراء،،،اضحك وامتزجت دموع الغيرة والحزن بدموع الفرح
غزوان ،،،رجعت جريتها عليه وهمست وج زهورة انتي مشتعلة بنار الغيرة جربتيها وشفتيها ىشكد توجع الغيرة من جنت اصرخ بفؤاد وتلوميني
زهراء،،،راسي على صدرة واهمس الغيرة تكتل الله يلوم الي يلومك
غزوان،،،احببببببج
زهراء،،،بعدت عنة وخفت ردت اروح وجرني من ايدي
غزوان،،،، وين ماتروحين الا دكوليها اريد اسمعها منج
زهراء،،،كمت ارجف وجسمي اقشعر وكلبي يدك بسرعة همست شنو اكول !!