رواية _حافيه_القدمين💋 الفصل الثامن عشر 18 - بقلم زهورا

غزوان،،،ابتسمت وكتلها قنعتيني شالت كومة احجار كريمة ملونة وخلتها بأيدي وفرشت قطعة قماشة كلتلي اشمرها شمرتها ورتبتها وهية فاتحة ايدي وعين على الاحجار وعين على ايدي
ام فضة،،،همدتك بهماد ورشيتك برماد خيرك بين عينيك وشرك بين جنبيك وبعون الله انت خيالها وهية تصعد عليك
غزوان،،،هية منو ؟؟
ام فضة،،،طيبة السريرة وصاحبة ظفيرة لاهي بيضة ولا هي سميرة ولاهي طويلة ولا هي قصيرة
غزوان ،،،اتجيت على ايدي الثانية وصفنت بكلامها
ام فضة،،،وجعك وجعها ونارك نارها انظلمتوا وظلامكم منكم وفيكم مزيونتك تنتظرك وقلبها يمك وخايفة منك وعليك وتحاول تهرب منك عليك
غزوان،،،همست بعجلة وينها وين الكاها
ام فضة،،،كنت اشوف اللهفة بعيونة همست ماباين عندي طريقها لكن مو صعب عليك
غزوان،،،،صارت ببعد السما عني مااعتقد اوصللها
ام فضة،،،جمعت الحجر وهمست هية نفسها الي عندك ثار وياها ؟؟
غزوان،،،لا مو هية ذيج قصة ثانية
ام فضة،،،اصدقني يمكن اكدر اساعدك
غزوان ،،،حسيت ام فضة تعرف شي عنها همست ام فضة انتي حلقة الوصل بيني وبينها وصليني الها
ام فضة،،،حتى تقتلها
غزوان،،،لا وعهد الله شلون اقتلها وهي روحي بالدنيا احبها حب جنوني
ام فضة،،،حجيتلة كلشي من بعد ماوعدني انه مايأذيها
غزوان،،،،يعني الي دخلتيها علية مو نفسها الي شفتها اول مرة
ام فضة،،،طبعا مو هية مستحيل اخليك تأذيها وهية قطعة من روحي
غزوان،،، جنت اريد التقي بيها بأي طريقة وبركان بقلبي بس مستحيل اذبحها مااتجرأ اسويها كل هالجبروت والقسوة الي تشوفيني بيها لا شي كدامها
غزوان،،،،حجتلي ام فضة شلون عاشت يمها زهراء وشلون حافظة عليها صفنت كلت سبحان الله مرات رب العالمين يسخر النا ناس منعرفهم يصوننا ويحافظون علينا ويخافون وكأنما نعنيلهم ومن لحمهم ودمهم امي شلون فرطت بيها بالرغم هية الي ربتها وكبرت كدامها شبر بشبر والغجرية الغريبة شلون دارتها وحافظة عليها وكأنه بنتها
غزوان،،،رادت تطلع ام فضة همست ام فضة!!
ام فضة ،،،صديت عليه وهمست نعم
غزوان،،،اريد اسألج سؤال اخير واسألج بالله العظيم تحجيلي الصحيح
ام فضة،،،استغربت وتقدمت عليه اي يمة اسأل وان شاء الله مااضم عليك شي
غزوان،،،كتيلي حافظتي على زهراء وماداسها جنس بني ادم ابد؟؟
ام فضة،،،اي يمة زهراء ورقة بيضة مالوثتها الدنيا كون مطمن
غزوان،،،ولا شافها رجال او ركصت لأحد؟؟
ام فضة،،،ابتسمت يالنشمي زهراء الي بالفرقة مالتي مالمحوها لمح واذا تطلع وياي مغوشة وتلبس عباية راس كتلك اطمن مثل ماعفتها حتلكاها بعفتها وطهارتها
غزوان،،،غمضت لله الحمد من قبل ومن بعد
ام فضة،،،كنت اصفن بحالة صح شيخ وزينة الشيوخ ومعجون بالغيرة والشهامة ودمك حار وفعلا الطيبون للطيبات اخذت بقجتي وطلب مني انه مااحجيلها اي شي واتفقنا انه يجينة اليوم بالليل بس يريد يشوفها بدون متعرف انه عرف كل شي
ام فضة،،،ضحكت وكتلة اطمن انت تعال والباقي يمي ومثل ماوعدتني زهراء متأذيها يكفيها الي شافتة بحياتها
غزوان،،،لتوصيني بنور عيوني
ام فضة،،،استودعتك بالله يالنشمي
غزوان،،،الله وياج
حسيت براحة ماحاسها من سنين واخيرا لكتج وراح اشوفج غمضت واني سارح وبغير عالم وفجأة دك جهازي
زيد،،،الو غزوان شلونك محتاج فلوس ماعندي مصرف
غزوان،،،زيد مو دزيتلك هذاك الاسبوع وين دتوديها اخاف رجعت لسوالفك المكسرة مو تزوجت شوكت تعقل
زيد،،،غزوان والله مارجعت لسوالفي بس والله ايجارات غالية وكوة كاعد ادبر نفسي وزينة طلباتها كومة لتبهذلوني اظل ابنكم وشايل اسم الشيخ
غزوان،،،،حزت بكلبي كلماتة همست تامر ياخوي هسة احولك دير بالك على نفسك
زيد،،،اشكرك غزوان شلون الحجية
غزوان،،،الحمدلله انت لازم تزورها وتطمن عليها تبقى جنتك ونارك
زيد،،،بصوت تعبان ان شاء الله بوسلياها مشتاقلها هواي مع السلامة ياخوي
غزوان،،،ان شاء الله مع السلامة
،،-،،،،،،،،،-،،،،
زهراء،،،اجتي ام فضة ركضت عليها بشري شنو اخبار غزوان وبيت عمي ؟؟
ام فضة،،،خلي ارتاح يمة جيبيلي مي
زهراء،،،جان شكلها مزعوج رحت جبتلها مي وانطيتها وكعدت يمها ها يمة بشري والله كلبي مثل النار
ام فضة،،،ردي الخيمة البنات رايحات وجايات ليسمعونة
زهراء،،،رحت رديتهاوماظل بية دم همست شصاير يمة
ام فضة،،،والله يازهراء مااعرف شأكولج شغلة دوخ وتحير🤔
زهراء،،،شنو الي يدوخ ويحير دأحجي يايمة مو طكت روحي
ام فضة،،،رحت حتى اقرالة الفال واستغربت منة يطلب مني البنية الي دخلتها عليه
زهراء،،،استغربت ورجعت ليورة مفهمت يمة ليش يطلبها ؟؟
ام فضة،،،راح يجي اليوم وكلي ذيج الليلة مينساها وانه هاي البنية تذكرة بأعز الناس ويريد يتعلل يمنا وتركصلة
زهراء ضاجت وكعدت وماحجت ولا كلمة عفتها وطلعت واني حابستني الضحكة واعرف شنو الي يدور بالها
زهراء،،،حسيت بنار الغيرة اكلت كلبي شلون بحجة تذكرة بية يطلبها يسهر وياها وشنو يريد منها!!!
غزوان،،،رجعت للبيت وجانت خالتي موجودة
فرحت بوجودها جمعتها هي وامي وكتلهم اكو خبر مااعرف يفرحكم مااعرف يحزنكم استغربوا ووحدة جانت تباوع للثانية
غزوان،،،اكو جماعة دلوني على مكان زهراء وهي بخير وعند ناس طيبة محافظين عليها ومدايريها وكأنما بنتهم
امي حضنت خالتي وبجوا اني دنكت وخنكتني العبرة
الحجية لزمت ايد غزوان يمة جيبها اليوم قبل باجر والله لو ابوس ايدها ورجلها لهل يتيمة كون بس حتى تسامحني
حوبة اليتيم عند الله جبيرة
غزوان،،،بوست ايدها يمة صلي على النبي مو زين على صحتج والله راح اجيبها وزهراء قلبها طيب ومتحقد عليكم
بهل موقف وكلنا متأثرين وفجأة فؤاد كام يصفك ويضحك ويكول زهراء حبيب فؤاد زهراء طيب زهراء حباب
غزوان،،،،😒😒😒 اباوعلة واكول بكلبي لو تسكت فؤاد هواي احسنلك هو شبهذل حالي غيرك خرب بحظي شوكت تعوف زهراء بحالها
خالتي ،،،سودة علية حتى فؤاد فرح بخبر زهراء ولا نساها ابد وتظل على بالة ويذكرها دوم
غزوان،،،😒😒 هاي شبيها خالتي شو كلهم ميعرفون يسولفون خلي اكوم احسنلي
رحت لغرفتي جنت اريد انام واتصلوا بية ناس يريدون يحلون فصل بين عائلتين ويجتمعون بالليل اعتذرت منهم واجلتها لغير يوم ظليت ادكلب ماجاني نوم ممصدك راح اقابلها شكد مشتاكلها لخاطر الله ظليت نايم للمغرب ومن كعدت لكت خالتي تريد ترجع لبيتها طلبت منها تبقى يم الحجية اليوم لان عندي شغل وراح اتأخر بالرجعة بالليل
طبيت حلقت وسبحت وكشخت وتعطرت خالتي جانت تريد تصب عشة كتلها مااشتهي اكل مريت للمضيف وكتلهم اذا احد سأل عني كولولهم ميجي الى باجر عندي شغل
ركبت سيارتي وطول الطريق واني افكر بيها وكلبي تتسارع اكثر من سرعة سياقتي
زهراء،،،انتفضت واني مشتعلة بنار الغيرة ورحت لخيمة البنات وهمة ديجهزن بنفسهن وجانت ام فضة وياهن نسيت نفسي ووكفت يم ام فضة وكلت ام فضة اريد احاجيج هسة ضروري
البنات استغربوا اني تكلمت والي بوستني والي هلهلت وباركولي اني كدرت احجي
ام فضة ،،،طلعت وياها واحسها مو بوعيها ابتسمت وهمست ها يمة شبيج
زهراء،،،متطلعين هاي البنت لغزوان
ام فضة،،،شنهي !!! مفهمت
زهراء،،،،اذا هو بس يريد سهرة اني راح اركصلة واطلع واذا كشفني شنو الي يصير يصير مستحيل اقبل تاخذة منه غجرية بحجة تذكرة بية ميكفي صار يشرب بسببي هم اضيعة واورطة مع الغجر
ام فضة،،،دنكت وكلت مشكورة يمة صرنة ورطة
زهراء،،،حضنتها يمة الله يخليج لتفهميني غلط بس انتي تعرفين الغجريات الي هنا يتصيدون الرجال تصيد وبعدين غزوان مو اي رجال
ام فضة،،،،مازعلت من زهراء لان حسيت الغيرة مدتخليها تعرف دربها ولا تركز بالي دكولة همست الي يعجبج سوي وعفتها
زهراء،،،استغربت موافقتها لام فضة
رحت لخيمتي ولبست ثوبي الاسود الي بي فتحات وفتحت شعري وتكحلت بكحل الغجر الاسود كنت ارجف وخايفة وبنفس الوكت مشتاقة اشوفة جنت احلم بهل لحظة من سنين شمرت شال شعري ولبست الغواش ومطلعت بس عيوني
ام فضة،،،اجة غزوان وجان فرحان والبسمة تارسة وجهة كعدتة وحجيتلة ضحك على غيرة زهراء ووين وصلتها
رحت اشوفها لزهراء وانصدمت بجمالها كنت اول مرة اشوف عيونها بكحل العرب كانت خايفة وكلشي بيها يرجف كتلها يمة شنو الي يوازيج
زهراء،،،يمة اتحمل اي شي ولا اخلي وحدة تخطف الشيخ مني
ام فضة ،،،لزمت ايدها كانت باردت وترجف كمت اباوعلها وخفت بداخلي عليها ولو كنت مأمنة من ناحية غزوان ومستحيل يأذيها
زهراء،،،دخلنا وكان كاعد متربع كدامي
غزوان ،،،رفعت عيني عليها رجعت ليورة وكانت خايفة ومرتبكة ضعت واني اباوع عليها اي هاي زهراء فز كلبي مني واني اباوعلها
زهراء،،،كان يباوعلي نظرات تسحر طلعت ام فضة وفجأة حسيت بس اني وياه بخيمة وحدنا
اشرلي بأيدة حتى اركص كنت مرتبكة وكوة اتحرك صوت الموسيقى جان عالي الى يمنا كنت اول مرة بحياتي اركص
غزوان،،،،دنكت واني حابس ضحكتي جان واضح عليها متعرف تركص وانها مبتدأ لكن مع ذلك سحرتني وكانت كل متجي عيني على رجلها واشوفها يهيج كل مشاعري ويحرك كلشي حلو بداخلي كانت تلبس خلخال فضي وترقص حافية القدمين بمدخل شرياني ،،،،،

حافية القدمين
هل عندك شك أنك أحلى وأغلى امرأة في الدنيا؟!
وأهم امرأة في دنيا ..هل عندك شك؟!
هل عندك شك أن دخولك في قلبي
هو أعظم يوم بالتاريخ وأجمل خبر في الدنيا؟!
هل عندك شك أنك عمري وحياتي
وبأني من عينيك سرقت النار وقمت بأخطر ثوراتي؟!
أيتها الوردة والريحانة والياقوتة والسلطانة والشعبية والشرعية بين جميع الملكات
يا قمرًَا يطلع كل مساءٍ من نافذة الكلماتِ
يا آخر وطن أولد فيه وأدفن فيه وأنشر فيه كتاباتي
غاليتي أنتِ غاليتي .. لا أدري كيف رماني الموج على قدميكِ
لا أدري كيف مشيتي إلي وكيف مشيت إليكِ
دافئة أنتِ كليلة حب من يوم طرقت الباب علي ابتدأ العمر..

كم صار رقيقًا قلبي حين تعلم بين يديكِ
كم كان كبيرًا حظي حين عثرت يا عمري عليكِ
يا نارًا تجتاح كياني .. يا فرحًا يطرد أحزاني
يا جسداً يقطع مثل السيف ويضرب مثل البركانِ
يا وجهًا يعبق مثل حقول الورد ويركض نحوي كحصانِ
قولي لي كيف سأنقذ نفسي من أشواقي وأحزاني؟!
قولي لي ماذا أفعل فيكِ؟!.. أنا في حالة إدمانِ
قولي ما الحل؟! .. فأشواقي وصلت لحدود الهذيان
قاتلتي ترقص حافية القدمين بمدخل شرياني
من أين أتيت؟
وكيف أتيت؟
وكيف عصفت بوجداني؟!
نزار قباني

زهراء،،،تملكني الخوف والرهبة حسيت كلبي راح يوكف وهو ياكلني بنظراتة الي جانت تحرك مشاعر اكثر من 5 سنين ماهدت بية تلبكت وقبل لا تنتنهي الموسيقى بثوني شمرت شالي على وجهة وردت اطلع صاح فجأة اوكفي !!!
واني متوجهة حتى اطلع ومنطيتة ظهري ظليت متبسمرة بمكاني وكام نفسي يتسارع ودكات كلبي ولا هدت وارجف غمضت واخذت نفس جنت خايفة حسيتة صار وراية وخلة ايدة على كتفي
غزوان،،،جانت ايدي ترجف خليتها على كتفها واخذت نفس درتها علية وجانت مغمضة ثواني وفتحت عيونها واني بوجهة عيوني بعيونها نستني كل سنين بعدها وكل الضيم والقهر الي عشتة صفنت بعيونها ونسيت كل الحجي الي بداخلي والي تمنيت اكولة الها
زهراء،،، خايفة واتنفس بسرعة وبدون ميحجي غزوان رفع الغواشي عن وجهي دنكت وعيوني انترست بدموعها اختلطت احاسيسي واني بوجهة وهو يباوعلي خجل ندم شوق حنين خوف رهبة اشتياق استغربت ردة فعلة الهادية باوعتلة بأستغراب وفجأة ضربني كف دار وجهي خفت منة ماحسيت لى نفسي الا وحاضنتة قوي وايدي على ظهرة مجلبة بدشداشتة بكل قوتي واني ابجي خايفة منة والجأ اليه يحميني من نفسة
اريد اشكيلة منة وعليه
غزوان،،،من حضنتني غمضت بدون مااخلي ايدي عليه جان احساس لا يوصف خلتني اكطع انفاسي حسيتها طفلتي واخيرا لكتج ومحتمية بية وخايفة مني وتحتمين بية جانت حاضنتني عبالك طفلة محتمية بأبوها وخايفة همست بنبرة غضب هاي لان تجرأتي تركصيلي وكأنج وحدة منهم
زهراء،،،حاضنتة واسمع دكات كلبة وراسي على صدرة همست غزوان ياريت تسمعني قبل لتحكم عليه اني قصتي قصة والله انظلمت هواية
غزوان،،،دمرتني وخربطت احوالي بحضنتها بعدتها عني وجان اثر اصابيعي معلم على خدها همست واني منتظر اسمع منج يلا احجي دنكت زهراء تبجي
غزوان ،،،شلون تشردين بليلة ظلمة من اهلج شلون تجرأتي زهراء ماخفتي على نفسج تضيعين واولاد الحرام هواي وجنتي بنت 15 سنة متكدرين تحمين نفسج
زهراء،،،كعدت وكمت ابجي كعد كبالي غزوان وهمست اني جنت طفلة وماافهم شي وجان بالي انه اكدر اوصلك حتى تخلصني من المصيبة الي جنت راح اوكع بيها ومن طلعت تندمت وضعت ماعرفت شنو اسوي وخفت ارجع وانت ماموجود حتى تحميني من زيد جان خلص عليه وذبحني بلا ميرمشلة جفن
غزوان،،،زهراء انتي جنتي تعرفين الشيخ شكد يحبج وشكد يوكف وياج الله يرحمة جان رافض زواجج من فؤاد ولو ما استعجلتي وهربتي جان هسة احنة متزوجين وجهالنة تارسين البيت وبعدين الي مثل فؤاد فاقد الاهلية والزواج منة باطل ميجوز شرعا لكن انتي طفلة ومجنتي تعرفين بهل امور
غزوان،،،كامت تحجيلي زهراء شنو صار وياها بهل سنين هاي كلها وجنت اسمعها وعبالك مااعرف شي ولا حجتلي ام فضة وجان حجيها مطابق لحجي ام فضة 
غزوان،،،يعني ذيج الليلة مجنت حلمان وشفتج هنا وحاجيتيني
زهراء،،،اي مو حلم ونومتك على رجلي لنص الليل وخفنة لتوعى وتقتلني لان جنت مسلح ليلتها
غزوان،،،اووووف شلون هيج اجة من كلبج زهراء ودرت وجهي عنها حسابج بعدين بس انتي لازم ترجعين وياية من باجر
زهراء،،،استغربت يعني سامحتني غزوان عفيت عني ؟؟
غزوان،،،انتي انظلمتي وجنتي طفلة متعرفين تصرفين مقهور منج اي ماانكر بس وان كان انتي ملازم تبقين بعد هنا ولوما الدنيا ليل هسة جان اخذتج بس راح اروح وباجر الصبح اجي اخذج جهزي نفسج
زهراء،،،ظليت مدنكة مااعرف شأكول
رفع وجهي وكلي غزوان شكو زهراء شنو مو فرحانة؟؟
زهراء،،،خايفة ارجع غزوان وامي وزيد اكيد ....
غزوان،،،قاطعتها لا زهراء تغير كلشي صدكيني امي صارت انسانة ثانية واعترفت بغلطها وبالنسبة لزيد اصلا طلع من البيت وساكن بالمدينة هو وزوجتة وبعدين راح تصيرين زوجة الشيخ وبعد محد يكدر يحاجيج او يدوسلج على طرف
زهراء،،،فرحت بكلامة شنو غزوان شكلت؟؟
غزوان،،،وكفت وكلت اجي اخذج باجر ونحدد موعد لزواجنا ضيعنا هواي من اعمارنا وان شاء الله الجاي اجمل
زهراء،،،وكفت كبالة وصارت عيوني بعيونة بدون منتكلم
غزوان،،،ضعت بنظراتها اريد اطلع ومااريد اطلع
زهراء،،،تمنيت ارجع اشبكة وانسى الدنيا بحضنة
ام فضة،،،جنت كل شوي امر من يم الخيمة واسمعهم يتعاتبون وزهراء تبجي ارتاحيت وعفتهم
زهراء،،،باسني من راسي غزوان واتفقنا الصبح يجي ياخذني
راح واني طايرة من الفرح رحت لخيمتي وشفت ام فضة كاعدة بيها جنت احجيلها واني فرحانة بجت ام فضة ع فراكي وحضنتها وحسيتها فعلا امي الي ماجابتني حسيتها فعلا ام مفاركة بنتها لان راح تتزوج تمنيتها تجي وياي وماوافقت وكالتلي ماراح اتركج وراح اظل اتواصل وياج
زهراء،،،بكد مجنت مقهورة على فراك ام فضة بكد مجنت فرحانة جنت برغم كل الي صار مشتاقة لأمي ام غزوان ونفسي ارجع انام بحضنها مثل مجنت اني وطفلة
ظليت افكر بغزوان وبأيامي الجاية وياه ومتشوقة لبيتي الي تربيت بي وجمعتي اجمل ذكريات
غزوان،،،من رجعت واني بس افكر بيها وبالمنظر الي شفتة مشبعت منها شوف جنت اتمنى لو بس جايبها وياي بعد مااتحمل فراكها