رواية سجينة الروح الفصل السادس والعشرون 26 - بقلم ريام هادي

سجينة الروح
للكاتبه Reem
البارت الخامس والعشرون

تعال انطيك كلبي وشوفني شلون
ألك اشتاك وي كل دكة منـــــــة
ولك لا بيك طيب يجيبك لملـــكاي..
ولا هزتك فد يــــــــــوم المحنة
وآني شبية عود وليش مهتم بيك..
وانت الحبك عيــــــــــونك نسنة
اذا بالجنة عايش وانت مـــو وياي
احسهة نار تصيـــــر وماهي جنة
ولك لا أتـــوب منك لا أمل طاريك
لان سوالفك عقلي خذنـــــــــة
شيب راس كلبي وماهو كبر سنين
بس دكاتـــــــــــك انت الشيبنة
وانت اتبرة مني وكلي راح انساك
واذا ينســـــــاك كلبي اتبرة منة

حامد : دكت عليه يمامه وتبجي اريدن افتهم عليها شى ماكو بس افتهمت اخر چلمه بابا ديموت وگلت الها انه بس الطريچ ويمچ بدلت واخذت غريضاتي وطلعت اركض صارت الحجيه بوجهي
الحجية جميله: هاا يمه حميد شنهي تركض ومدوهن
حامد : يمه يمامه خابرت وتبچي ابوها تعبان وجن الزلمه ديموت
الحجية جميله: الله يرحمه خوش زلمه چا وانت وين رايح
حامد : لبغداد
الحجية جميله: چا اريدن افتهم شامره انه صرتك بغدادكل شويه يارايح ياراد چا متشوف الطريچ شون خطر والوادم تكتل بيه
حامد : يمه البت وحدها واخوها فقير ومااكدر اعوفنها وابوها خوش زلمه لازم اوكف وياهم بشدتهم
الحجية جميله: چا تگنعني لخاطر الحجي چا وطيرتك
حامد : يمه شنهي نسيتي هيه حرمتي
الحجية جميله: چا يمه انت النسيت البلاوي العملتها حرمتك تسودنت عليك وعلينا وانت تركض ركض عليها
حامد : يمه لاتأخريني اروحن ومن ارد نتفاهم
الحجية جميله: چا اليسمعك راح اخذ الحگ منك گل حگي يروح من يصير يم البومه روح يمه مااريدن اعرضلك وتعال گلي الوادم هسه كلها نايمه والسيطرات معزله چا شون تدخل لبغداد

حامد : ابقى بالسيطره لحد ماتفتح لازم بصباح الله انه يمها
الحجية جميله: فلك طرهن مو نسوان يلعبن بالزلم لعب چا شبيها اله تخابر عليك صغيره وماتكدر تدبر حالها واخيها السبع ياكل بيه اسبوع ومايخلص مايكدر يم ابوه لو اله الدغتور (الدكتور) حميد يفحص ابوها ويوگع (يوقع ) عشتوووو

حامد : رايح يمه
الحجية جميله: روح يبعد امك الله ومحمد وعلي ويااك عينك على دربك يمه تروح وترد بالسلامه
حامد : سقت بگل سرعتي احسن السياره اطير من السرعه بس ردت اوصل ليها اعرفنها تتعب على ابوها وتحبه حيل ومتعلقه بيه وصلت ساعه 7 الصبح خابرت عليها ماتجاوب خابرت على اخوها كال احنا بمستشفى الكندي واروحن واول موصلت لكيتها بالممر واكفه وعيونها دم وامها واخوها وياها وانه سلمت ومااشوفنها غير تشمر رويحتها بحضني چن انه جمدت ماتوقعت تسوي هيج وفوكاها الوادم تباوع حاولت اوخرها مني يمامه اذكري الله

يمامه : حامد بابا كعد يموت
حامد : كلمن واجله وان شاء الله يصير زين لاتفاولين عليه
يمامه : حالته خطره والدكتور يكول سكره صاعد وجلطه
حامد : لا اله الا الله يشافيه ويعافيه تعالي اكعدي چا يصير هيج گاتله روحج وسحبت من ايدها وكعدتها مايصير هيج ادعيله واگعدي اقري قران چا مواحسن من البجي
يمامه : موبيدي متعرف شكد احبه وروحي بيه
حامد : حگچ بويه بس مايصير وتعالي ليه انتي مو وحدج المستشفى مليانه اوادم والرايح والراد يباوع عليج صيري قويه واكعدي بمچانج لاتحركين اسلم على اخوج وارد
يمامه : مسحت دموعي وانتبهت شسويت وشون شمرت نفسي بحظنه جنت حيل محتاجته بجانبي
راح سلم على نصار وامي وبقى واكف يم نصار بس عيونه عليه بقينا بالساعه هيج شويه وراح وگتله وين
حامد : هسه ارد لاتخافين يمچ انه

ورجع وبيده لفات وچاي هاچ اگلي
شأكل حامد اني بحال اگل
حامد : لاتعصبيني عليج لازم تاكلين حتى تبقين قويه وامج ونصار هم جبتلهم وضع ابوج مطول وگفتكم هيج ماتقدم ولا تأخر واخاف يطيح واحد منكم من التعب والجوع نظل حايرين بيه اگلي وبدون عناد
يمامه : وانت
حامد : هاي بيدي بس أكلي
يمامه : اخذتها منه واكل وعيوني عليه خابرت على حنان علمود البنات كالت زٌِيـنين وتريكو بس ايوته بعدها نايمه

مرت الساعات وضع ابويه كما هو متغير شى والقلق والتوتر صار اضعاف واحنا الشهر الثاني شباط والجو بارد وشويه وانگلبت الطوارئ شكوو انفجار باب الشرجي وبمنطقه ثانيه معرفناها وين لو الدنيا انگلبت شفت مناظر بعمري مشايفتهم ناس محركه وناس مكطمه وناس تعيط وادور على ولدها وكأن بلحظه صارت يوم القيامه المنظر مروع وخله رجفه بيه بحيث من شفت مصيبه العالم هانت عليه مصيبتي وكمت ارجف ودموعي تنزل على منظرهم شنو ذنبهم ناس طالعه على بابا الله وهيج يصير بيها واني صافنه على الناس وابجي صار گبالي حامد

حامد : بسچ تباوعين شفتج بيضت من الخوف
يمامه : كاعد تشوف حالهم
حامد : الله يساعدهم ويرحم الميتين
يمامه : وهناك اشوف الاطباء تركض وناس تعيط والسسترات تتراكض وجان اشوف وحده تركض وصرت عين بعين وياها وكفت ولج يمامه هاي انتي
يمامه : كوثر مدااصدك وحضنتها صديقة الطفوله والمراهقه جانت حيل مقربه مني اعز من اختي وتعرف كولشي عني وكملنا معهد تمريض سوه بس هي تزوجت وانتقلت ويه زوجها للكويت بزمن صدام طفرو ومن عدها بعد معرفت اي شى عنها

كوثر : حياتي يمامه ولج هاي شنو شغيرج ولو بعدج كيكه بس تعبانه شعندج هنا
يمامه : والله بابا تعبان ومن البارحه بليل هنا
كوثر : احنا هسه بحاله استنفار لان صار تفجير بس اكمل بأي واجيج شفتي شون مگلوبه المستشفى
يمامه : مااشي انتظرج
حامد : بعد علي حسچ اكثر
يمامه : شبيك حامد غير جنت اسلم عليها
حامد : چاهذا السلام هيچ لو تتعارگن شون
يمامه : ممتقصده
حامد : تره انتي بالمستشفى انتبه لحسچ وتصرفاتج الوادم رايحه وراده اركدي بمكان واحد مو گل شويه اعلمج وانبهج
يمامه : ماشي كعدت وبعد مااتحرك
وبقينا للعصر وحالنا كلش تعبان وهناك اجتي كوثر وكالت تعالي ويايه نكعد بغرفه الممرضات
حامد : لا خليها هنا ماتتحرك
كوثر : هذا منو
يمامه : زوجي حامد نسيت اعرفج عليه وهاي كوثر صديقتي صديقة عمري
حامد : هَــْـِْـْْـِلاّ خويه
كوثر : تقربت منها حيل اكولج وعادل وين شنو اطلكتي

يمامه : بعدين افهمج صارت هواي امور
كوثر : بس كوليلي اطلكتي
يمامه : لا مات عادل
كوثر : وي اصخام بوجهج وتالي
يمامه : اتزوجت اخوه وهذا اخوه
كوثر : لا لا ابد مو مال هيج كعده انطيني رقمج ونتخابر
يمامه : اخذت رقمها بوستني واتفقنا نلتقي بس حامد نار صاير اباوع عليه ميباوع هسه اني شسويت وگلب وجهه بيك شى

حامد : لا ليش انتي مسويه شى
يمامه : لا موكدامك كاعده وساكته وانتظر رحمه الله علينا ويكوم بابا بالسلامه
حامد : تعاي صگد هسه هاي شنهي كعدتج امشي اوديج للبيت
يمامه : وكفت على حيلي وين اروح واعوف ابويه
حامد : چا شسويله تعالجي وشوفي المستشفى متروسه زلم وانه كل شويه خازرلي واحد بسبتچ (بسببج)
يمامه : اني شعليه بالعالم وهي كلها تباوع فدوه مااريد اروح
حامد : ترحين وامج هم تعبت اخذيها وياج وانه اوصلج وارد يم نصار

يمامه : حامد دخيلك مااتحرك بعد من مكاني بس عوفني يم بابا
حامد : اسمعي الچلمه ولا تجادلين روحي ارتاحي اليوم وباجر اردنج تشوفينه  اخابر منير يجي يم اخوج بين مااوصلنج وارد
انتظرنا نص ساعه وهو يمنا

منير : هاا يابه الله يساعدك
حامد : ويساعدك وليدي
يمامه : اسمع حامد يوصي منير ويكوله ابقى ويااه واي يحتاج تروح تركض تشتري وميدفع فلس واحد وشال ضبه فلوس وانطاه اله
يعرف بأخويه امكانيته على كده وكد مرته وجهاله ودائماً حامد يفاجأني بتصرف شهم منه وصااح يله امشينا وصاحو دم رحمه الله والديكم محتاجين دم
حامد : ارجعي لمجانچ اتبرع ونروح
يمامه : اجي اني هم اتبرع وياك
حامد : اخاف ماتتحملين
يمامه : لا شبيه  الْحٍمَدٍ للـّہ صحتي تمام وحرام شفت حال الناس وضعهم
حامد : يله وياي
يمامه : رحت لغرفه التبرع وهو فوك راسي وجان محللين واكفين ياخذون الدم وهو راد اله محلله او ممرضه المهم بنيه وكعدني على صفحه علمود من ارفع ايدي محد يشوفني اووف منك مرات احب غيرته ومرات اختنك منها وهاي الممرضه مدبرتها وصاحت بنيه تطلع عشرينيه تسحب والله بس حركه بسيطه سحبت شوهاي التفتي على حامد
شيخ انت متتبرع
حامد : اي بويه انه هم تكمل مرتي وانه وراها
يمامه : اشوف هاي البنيه تريد تاكله بعيونها واني لوبيدي الزمها من شعرها وامسح المستشفى كلها بيها شكد صلفه مو كلج مرتي اله اختمها على كصتي واكول اني مرته

عادي شيخ اكعد بصفها
حامد : مو اخافن تتعب وره متخلص سحب اقلها انه يمها
شكو عليها احنا موجودين ومبينه صحتها زينه على شنو تخاف بعد
حامد : چا شون مااخافن عليها وگلشي يصير تكمل واطمن واسحب
يمامه : اويلي من فدوه لحلكك موتي بدمج لوما العيب اله اطلع لساني واكولها حيل فشلج راح شويه ورجع وطبعاً انطاني تعليمات مااتحرك من مكاني لو الدنيا تحترك

كملت التبرع واجه
بشري خوما دايخه
يمامه : لا الحمدلله ليضل بالك
هاچ اشربي
يمامه : شنو هذا
عصير حتى لا ادوخين
يمامه : اخذته من ايده وكعد هو شو هاي الرعنه اجتي تتمخطر وتريد تسحب الدم
حامد : لا بويه خلف الله عليچ ناديلي زلمه يسحبلي
ليش تره ماأذي واسأل زوجتك
يمامه : والله أذيتيني
هااااا صدوك اذيتج
يمامه : قابل دااكذب
حامد : بويه انه استحرم ناديلي زلمه ياخذلي
تدلل شيخ
يمامه : اااااخ كون يهدوني عليها اله اسحب دمها واصفي شكد لوكيه وملطلطه (احجي بگلبي) واباوع عليها
حامد : بسچ يمامه
يمامه : هااا شمسويه
حامد : چا شسوين بعد اگلتي البت اگل

يمامه : مشفتها شون لوكيه وتتموع متستحي رجال بكد ابوها وتلزك بيه
حامد : هههههههه انه مو بكد ابوها ولا تنسين انه اكدر اتزوج بعمرها واصغر
يمامه : لا والله متتزوج احد لازمك
حامد : اي بعلي محد يكضني 
يمامه : هاااا محد يكضك وفتحت عيوني عليه من الاعصاب واجه ولد شاب سحب واني كاعده قريب منه
شوكت تخلص عاد
حامد :  ماظل شى
كوثر : هاي انتي هنا عبالي رحتي
يمامه : تبرعنا دم انتي شعندج
كوثر : شتدرين بعد لازم اكمز بكل مكان اجيت اخذ عينات مال دم شبيج مو على بعضج صار شى
يمامه : لا بس ذيج ضوجتني
منو وانداريت هاا ياسمين شبيها وياج حبابه خوش بنيه
يمامه : لامبين خوش بنيه

ليش شسوت
يمامه : تريد تاكل حامد اكل وتروح وتجي يمه تتموع وفوكاها تتبسبس ويه صديقتها وتأشر عليه حركت دمي
كوثر : هههههه خرب ببليسج شوفي شون محروك دمج هيج تغارين عليه
يمامه : هاي منو تغار
كوثر : امي اكيد انتي
يمامه : موقضيه غيره بس هاي التصرفات محلوه المفروض عليها تكون اثكل عيب هي بنيه لازم نتبه على تصرفاتها
كوثر : والله حق ينگال يمامه زوجج هيبه وشكله وقور جداً يجذب الانتباه
يمامه : هلمره انتي عليه

كوثر : ههههههههه والله صايره خبله ولج مكبرتي
حامد : احمم انه گلمت
يمامه : يله من رخصتج گلبي وبستها وطلعنا وطول الطريق مدلغمه ماما صعدت ليوره وساكته خطيه بالها كله يم بابا طبك حامد على مطعم واخذ عشا ويااه حتى بدون مااطلب منه
يمامه : ليش كلفت نفسك هسه بس نوصل للبيت اسوي
حامد : انتي تعبانه وامج لازم تاكل حتى تاخذ دواها هاي العلاكه لهلچ وهاي النا
وصلنا ماما للبيت مقبلت تجي ويانه لان تعبانه بس وصلنا لبيتي فتحت الباب حنان سلمت وطفرت ركض

حامد : انه اكل وارد للمستشفى
يمامه : موتعبان من الطريق ارتاح ونصار ومنير هناك
حامد : لا مايجوز بس حضري الاكل وصيحي البنيات اريدن اسلم عليهن وياكلن وياي

نزلو البنات يسلمون بس ايه حبيبتي متكدر تمشي
ودق : هلو عمو  الْحٍمَدٍ للـّہ على سلامتك
حامد : الله يسلمج بويه شون گيفچ
ودق :  الْحٍمَدٍ للـّہ انت شونك عمو
حامد : تحت رحمته يبعد عمج هله هله بهموسه
همسه : شونك عمو وتبوس بيه
حامد : يبعد عمج ولچ الج وحشه والتكمز بالبيت ماكو
يمامه : بس هيه الها وحشه
حامد : باوعت عليها گلكم اصعد لأيه وانتي يله حضري ناكل ورايه روحه

أيه : طب عموو واني حيل جنت مشتاقه اله باسني من راسي
حامد : يبعد ابوج وهله
أيه : كتبتله اشتاقيتلك بابا
حامد : انه والله اكثر شونه كيفچ صحتچ بالي گله يمچ
أيه : كتبت الحمدلله انت شونك ليش متجي وتبقى يمنا كم يوم
حامد : والله يابويه مااكدر تعرفين الوادم والشغل مااكدر اتركه بس هاا انه يمچ والتامرين بيه
يمامه : صعدت شفت حامد يسولف ويضحك ويه ايه
كمل الاكل
حامد : يله بويه اشيلچ تنزلين تاكلين ويانه
أيه : كتبت مااكدر بابا صعب انزل من الدرج
يمامه : كوه صعدناها
حامد : هيج البت اطگ چا كل الوگت وحيدها
يمامه : لا معايفيها وحدها كلها كم يوم ونروح للطبيب حتى يفكون الجبس مالتها ونشوف وضع مشيتها
حامد : چا خوش ناكل هنا انه اريدن اكل ويه ايه
أيه : كتبت ماما متقبل ناكل بالغرف
باوع عليه حامد وكلت لا حبيبتي عادي هسه اجيب الاكل ونكعد سوه وبيومها ولأول مره من اتزوجت اكعد اني وبناتي وحامد وناكل سوه وحتى ودق الي جانت تموت من عمها تضحك وتتشاقى ويااه اما همسه تكمز وايه ضحكتها مفاركت شفايفها رغم متحجي بس تكتب تمنيت يبقى حامد يمنا ونصير عائله مستقره بس شون اعرف مترهم

يمامه : وره مكمل الاكل طلع بقيت ويه البنات نعدل كولشي وهو بقى بايت ويه نصار ويوم وره الثاني ومر اربعه ايام وحامد مرابط بالمستشفى يجي يسبح ويبدل ملابس نظيفه ويرجع ولاعاف نصار ابد خابرته

الوو
حامد : محتاجه شى
يمامه : تعال ارتاح صارلك اربعه ايام بالمستشفى منايم زين
حامد : هو جايگم اريدن اسبح وارد
يمامه : اجه واول موصل جانت الساعه ٩ بليل حضرته العشا ومقبل ياكل اله ويه البنات حضرتله الحمام سبح وبدل لزمته من ايده
حامد : تفاجأت من حركه ايدها
ابقى لتروح تعبت ناملك كم ساعه
حامد : شون اعوفن نصار وحيده مايجوز
يمامه : لا يصير كولشي يصير ارتاح والصبح روحله
حامد : انه مااريدن اضل يمها اعرفن روحي تسيح وانه جارها لا اروحن احسن
يمامه : حامد ابقى بس اليوم
حامد : ماشي حضريلي فرشه انامن بيها
يمامه : تعال هنا ودخلته لغرفتي الي قضينا اول ليله بيها اني ويااه تمدد وانطاني ظهره
اني هم شسويت نزعت ولبست دشداشه خفيفه وقصيره ونمت بصفه حسيته يتگلب وممرتاح

حامد : چاي تسودني انه اعرفها چا شون تغمض عيني وهيه هيج يمي وريحتها زارفه خشمي وكل شوي اطخ بيه
يمامه : بيك شى ليش احسك ممرتاح
حامد : لا مرتاح نامي
يمامه : حامد
حامد : خير
يمامه : زعلان مني
حامد : لا يابوي فرحان واطك اصبعتين

يمامه : انداريت عليه وسحبته وصرنا وجهه بوجه شوكت تفهمني شوكت تخليني احجي وافهمك وجه نظري
حامد : يمامه انه نعسان اروح اولي يم اخيج انام احسنلي
يمامه : لا لا هذا هو سكتت
انداريت وهو هم بديت اغفى بس الشوق ماگلني عليه اريد احضنه مشتاقه لحضنه لمساته بس شون اطلبها منه حسيته نام وثكل نفسه تقربت منه وعلى كيف حضنته من وره وابتسمت على وضعي جان قبل هو يسويها بيه هسه اني وصارت انفاسي برگبته وغمضت عيني حسيته بحضني وهذا يكفيني حالياً

حامد : احس بأنفاسها وانه كل نفس منها طالع يچوي روحي ويزيد تعبي تجرأت ولزمتني وانه انتهيت شوق الها بس صبرت رويحتي مااريدن اذل نفسي ليها كافي العملته مو كل مره اكدر اعبرن ليها جرح عن جرح يفرق بس حسيت براحه من حضنتني اعرفنها تحبني بس تكابر ومن التفكير تعبت ونمت

يمامه : كعدت الصبح ملكيت حامد مبدل وطالع تمنيت اصبح بوجهه اشاقيت لكل لمسه منه رحت لبيت اهلي علمود اشوف امي وهناك ودك التلفون نصار
هاا نصار اسمعه يبجي شبيك احجي
شنووو بابا مات وعطت عيطه هزت البيت هز لك يابه ليش عفتني يابه محتاجتك بعدني راح سندج يمامه راح الي يحن عليج جان من اصعب الايام بحياتي ابويه جان انسان مسالم وفقير وحباب مايوم أذاني تخبلت عياطي اخذ الدنيا

حامد : بالي يمها وانه بنفس الوگت اركض على اجرائات الدفن اعرفن بيها راح تنهار

الاب خيمه وسند للبنيه واني خيمتي تهدمت ابويه كسر بيه الامان رغم كل الي صار بيه بس من افكر ابويه موجود اكول هو ظهري هو سندي هو الحظن الي يطبطب عليه واليوم راح سندي وظهري صار مكشوف لكل الناس اوف يايابه اوف ياروح العزيزه الراحت مني ارجعلي يابه والله ماازعلك والله اسمع كلامك يابه اريد اشم ريحتك وابوس ايدك وانام بحضنك واطمني وتكولي بنتي اني يمج لتخافين المن اشكي تعب الزمن بس انت التسمعني وتفهمني

اجتي الاجنازه واني مثل المخبله بلباب الناس ملمومه واني حافيه وركضت ومااحس غير واحد يجرني حيل تعاالي وين راكضه باوعت واشوفه حامد
يمامه : عوفني حامد هذا ابويه تعرف شنو ابويه من عزه العزاج يمامه تصخمتي وتهتي بليه ابوج واعيط بكل وقتي واملخ بشعري وجهي يابه ليش عفتني منو اليه بعدك يابه

حامد : جريتها حيل وهيه فاقده وشعرها طالع وحافيه وتعيط انه اعذرها بس الوادم ماترحم دخلتها حيل للبيت
يمامه : احجي وابجي واعيط ليش دخلتني اريد ابويه عفيه ابوس ايدك بس اشوفه
حامد : وروح ابوي هسه اجيب التابوت ليمج بس لاتطلعين هيج وحسچ والوادم مايصير لاتنسين نفسج واذگري الله كلنا لهذا الطريچ

يمامه : حامد هذا ابويه وصديقي وسندي بدنيتي وراح مني حامد تيتمت وانه والله بعدني محتاجته ليش اخذه رب العالمين مني
حامد : لا اله الا الله حرام ياعيني مايصير هيچ چاانتي تصلين وتصومين ومؤمنه هيچ تستقبلين امر ربچ
جيبلي ابويه فدوه
حامد : تامرين وطلعت وطلبت من نصار ينزل التابوت ويدخلوه لبيته يودعوه اهل بيته وناخذه للمغيسل والدفن بالنجف
دخلناه واشوفنها تسودنت وشمرت نفسها على التابوت وملخت شعرها ويردون يكضوها ماكو واشرت ليهم يشيلون التابوت جان اخوها فقير گلشي براي يمشي
يمامه : ليش اخذتو حرام عليكم واعيط وحتى اغلط فقدت وجان يجرني حيل حامد من بين النسوان والدنيا مگلوبه بيتنا صاير نسوان وزلم ودخلني لغرفه امي

حامد : بسچ لا تموتين
يمامه : اني اريد اموت عوفني اطلع الهم يرجعون ابويه اليه وبعز انهياري جان يحضني
حامد : بسچ لا تبجين فطرتي گلبي

يمامه : حضنته حيل بابا مات حامد
حامد : الله يرحمه حاس بيچ انه مريت بنفس الموقف بس لازم تصيرين مؤمنه ولاتنسين امج وصحتها على گدها وبنياتج گل ذوله برگبتج يله بسچ وصيري سباعيه اريدنچ قويه وتشيلين عزا ابوچ بكل هيبه الوادم والنسوان گلها ساعه وتنگلب هاي گلها يله ياعيني اذكري الله
يمامه : يعني شتريد ماابجي مااعيط
حامد : ابجي وعيطي بس لا تملخين روحج انتي صاحبه ضغط يصعد ويگتلچ
يمامه : عساني
حامد : چا وبنياتج منو الهن
يمامه : احجي وابجي انت موجود
حامد : وانه منو اليه
يمامه : دنجت ابجي
حامد : يله بويه اطلعي للوادم وعلى كيفج ويه نفسچ ويصبرج الله  يله
يمامه : لتعوفني حامد
حامد : وين اروحن انه يمج بس لازم اروح للدفنه لايضل بالج وبستها من راسها وطلعت

يمامه : طلعت من الغرفه ورحت غسلت وجهي ولبست عبايه ورحت لبيتي اكيد البنات هسه اخترعن وطبيت اركض للبيت
لكيت البنات كاعدات ويبجن
ودق : ماما مات جدوو
يمامه : حضنت بناتي وابجي اترحموله ولتبجون واسمع مناشغ ايه اول مره يطلع صوت خفيف الها طفرت عليها اي ماما ابجي عيطي المهم صوتج يطلع وبدت تبجي وبحات بسيطه بصوتها حضنتها وابجي اوف يابنتي كله بجفه وانتي بجفه ثانيه كمت بدلت ولبست دشداشه سودا وصيت ودق على اختها وكتلهم لتوصلون لبيت جدكم اليوم ناس هوسه اخاف عليكم

من رجعو من النجف سمعت نصار راد يسوي الفاتحه بجامع لان ماعنده امكانيه وبذاك الوقت الفواتح كلها ٣ ايام ويراد جادر واكل ومصرف قوي وهو ماعندي واصلاً احنا معارفنا قليلين بس كالو شيخ حامد مقابل وكال المات حماي والوادم كلها عرفت وراح تجي من العماره كتلهم صيحولي حامد
اجه ودخلت بغرفه امي
حامد : ها بويه بشري شونج
يمامه : يم الله عفيه سمعت انت تريد جادر وهذا كله مصرف وانت مو غريب وتعرف حال اخويه ميكدر
حامد : لاتكوليها وانه وين رحت فلوسها گلها الكم
يمامه : تسلم متقصر بس كدام العالم شيكولون نسيبهم صرف على فاتحت ابوهم زين ومنظر نصار كدام العالم
حامد : لاتعلميني نسيتي انه منو واعرف اتصرف
يمامه : لا العفو بس
حامد : اسمعي يبت الناس ابوج حسبت ابويه ورجال خير وبگل الاحوال الوادم والعماره گلها راح تنگلب هنا يعزوني وعيبه بحكي لازم جادر واكل وگلشي يتم مثل فواتحنه بس انه اتفقت ويه اخوج كدام الوادم هو الصرف وكل الفلوس منه وانه ماردت اگلچ بس انتي ماتنطين مجال وراح تحچين وادوخيني
يمامه : دنجت بس انت ممجبور
حامد : انه مجبور هذا ابوج وانه مااسمح مرت الشيخ حامد ابوها تصير فاتحته بجامع لازم هيبه كدام الوادم گلها وهاا لاتكولين كدام اي احد مني گلشي من اخوج ارفعي راسچ انه موجود

يمامه : كمت ابجي وحضنته بالبدايه حسيته حضني بس شويه وجان يدفعني على كيفه وخرني من حضنه
حامد :اروحن الوادم تنتظر
يمامه : الله وياك

وصارت فاتحه رنانه الكل يحجي بيها من الضخامه والناس المعگله المنطقه گلها انگلبت ويسألون شنو المات شيخ بحيث مبطل ٣ ايام اكل وشرب وناس طابه وناس طالعه واجتي عمتي وفضيله واحلام وجنه وبشرى خطيه فضيله وجنه وبشرى  لزمن المطبخ والجايات والمواعين شالن الفاتحه شيل والكل اقاربنا يسألون منين ذني البنات النادرات وصدوك هنه نادرات من نظافه وسرعه حركه حتى محد ادخل لان ياهو اليدخل المطبخ من يشوف حركتهن ونظافتهن يحس روحه فاهي

الحجية جميله: يمامه وين بنياتج
يمامه : عمه بالبيت اخاف عليهن من الهوسه
الحجية جميله: چا شون غير فاتحة جدهن هنه حديثات لازم موجودات
يمامه : هسه اكول لحنان تصيحهن بس ايه شون مااعتقد تقبل تجي والناس كلها تعرف تعرضت لحادث سياره ومجبسه رجلها وحتى اذا قبلت تجي لازم احد يجيبها
الحجية جميله: انه اكولن للولد ينزلوها مايصير تضل هيج لازم تشوف اوادم

مازن : صحتيني جده
الحجية جميله: حبوبه اخذ اخوك وروح صيح البنيات وجيبو ايه وياكم يله يبعد رويحتي
مازن : شون اجيبهم مكعد تشوفين شون الشارع مليان رياجيل وشباب
الحجية جميله: چا غير فاتحه وگلها موجوده والبنيات لازم يجن يله يمه روح
مازن : ماشي هسه اخذ منير واروح

ودق : جنت كاعده اني وهمسه على التلفزيون سمعنا صوت الباب طفينا ركض حتى ليكولون تتفرجون وجدكم ميت شنسوي وين نروح كاعدين بين اربع حياطين صحت منو
اني مازن
فتحت الباب هلو مازن هااا ومنير هم وياك
منير : البقيه بحياتج
ودق : حياتك الباقيه
مازن : البقيه بحياتج
ودق : تسلم وحياتك الباقيه خير محتاجين شى.
مازن : لا بس امج بيبي تكول خلي يجن لفاتحة جدهم
ودق : وايه شون
مازن : احنا انزلها بالكرسي
ودق : منو يكول تقبل
اصعدي احجي وياها
ودق :ايوته تجين ويانا لبيت جدو
أيه : كتبت لا ابقى هنا
ودق : شون تبقين نخاف عليج
أيه : انتم روحو واني ابقى ولتتأخرون عليه مااريد اروح وجان يطب منير اخر واحد اريد اشوفه
منير : ولو متريدين تشوفيني بس اني اريد اشوفج  الْحٍمَدٍ للـّہ على سلامتج
أيه : دنجت
منير : شبيج ايوو ليش متريدين تشوفيني
أيه : كتبتله ولا شى هيج اني مااريد اشوف احد
منير : بس انتي كعد تشوفين الكل اله اني
أيه : كتبت هسه شتريد
منير : سلامتج يله خلي تبدلج اختج حتى نروح
أيه : كتبت مااروح
منير : ليش
مازن : ليش ايوته
أيه : هلو مازن شونك
مازن : الحمدلله بس ليش متجين
منير : شفتي على مازن تسلمين اني مسويلج شى وضايجه مني
أيه : كتبت لا وعفيه عوفوني وحدي
مازن : ماشي راح نعوفج وحدج المهم متضوجين
ودق : شون نعوفها وحدها احتاجت شى صار عليها شى
مازن : تلفون امج وين
ودق : هيانه على الشحن ليش
مازن : ايوو تعرفين تستخدمي
أيه : كتبت اي
مازن : كولش زين شيصير بس دكي عليه حتى لو متحجين اجيج ركض ماشي
أيه : اشرت براسي يعني اي

يله ودق حضري نفسج وهمسه وامشي تأخرنا على الناس
منير : ماعندج اله العافيه ايوته
أيه : كتبت الله يعافيك مااعرف ليش مااريد اشوفه واستحي منه وضامه روحي منه اخاف من نظراته اخاف بيوم اشوف بيهم اشمئزاز مني لان هذا حالي

ودق : يله كملت
مازن : هاي شلابسه عيني
ودق : شلابسه بنطرون وبدي
مازن : بعد البسي فوك الكمر او اسف يابابا
ودق : هذا شنو الحجي مازن
منير : تره لبسها عادي مابي شى
مازن : انت اسكت مالك علاقه
ودق : والله هذا الاسود الي عندي شبيه متكولي
مازن : روحي شوفي شون كصيف والبدي كصير تكول رايحه حفله بابا هاي فاتحت جدج مو عرس جدج تره اكو فرق

ودق : عيني احنا بشارع فلسطين مو بالعماره هنا هي لبس عادي ومابيه شى
منير : صحيح المنطقه راقيه وهيج لبس مو بس عادي اقل من العادي
مازن : بله انت لتتفلسف عود تفتهم وانتي ست ودق عمر الاحتشام والاحترام ينقاس  بالمناطق والمحافظات البنيه الي تريد تحافظ على نفسها ومتكون عرضه للحرشه والانتقادات وين متروح ماعسى لأمريكا تكون محتشمه وتحافظ على روحها  وانتي رايحه لفاتحه احتراماً لجدج واهل امج لازم يكون لبسج محترم وتره الاحتشام مومعناها تلبسين لبس محلوو هواي اكو ملابس محتشمه وبنفس الوقت راقيه وحلوه وحتى غاليه يله امشي بدلي اللعبان النفس الي لابسته والبسي شى يدل على احترامج للمكان الي راح ترحيله

ودق : اهووو بس هذا الي الله قدرك عليه محاظرات بالاخلاق والتصرف
مازن : ولي من وجهي تره مااخليج ترحين
منير : روحي غزاله بدلي انتي شتلبسين تخبلين
مازن : انداريت عليه بعد روح احضنها شنو هاي الميانه الزفره
ودق : شبيك مازن غير ابن عمي وثاني شى اني ام الانه وراضيه انت شكوو
مازن : روحي بدلي لا اركع راس براس انتي ويااه فضينا
ودق : طبت اركض هذا كام يعيط شلابسه باوعت على المرايه اي والله صدوك كصيف يله ابقى بالبنطرون بس البس شى طويل فوكاه

منير : انت ليش متحترمني كدامها وتغلط عليه
مازن : من تحترم نفسك وتحجي عدل احترمك
منير : شمسوي اني
مازن : بله بربك تقبل بنت عمك تطلع هيج وجسمها عارضته للناس كلها وتمشي هيج بالشارع
منير : مازن لتخبلني لو ماانت دارس بغداد وتعرف لبسهم
مازن : لتحسسني بغداد باريس والناس تمشي مصاليخ بيه تره بغداد حالها حال كل المحافظات بيهم اللبس المحتشم وبيهم الحريه كلمن وطريقة حياته بس بيها كولشي واحنا بحكم حياتنا والي تربينا عليه لازم بنات عمك يحتشمون

ودق : طلعت وصرت كباله لان سمعت كلامهم  ليش هي اخلاق الواحد بملابسه
مازن : لا اكيد اكو هوايه ناس وخاصه بنات ملابسات حجاب بس اخلاقهن ينحلف بيهن واكو العكس لكن بحكم حياتنا وظروفنا هسه الاسلم للبنيه الاحتشام وكافي لغوه وامشينا
ودق : هسه وبقيت افتر كدامه ومنير يصوفر
وجان يكفخه مازن
اني ضحكت
مازن : اششش كافي يله هموسه الزمي منير وانتي امشي بصفي وعيونج بالكاع لترفعيهم
ودق : حاظر يادكتور مازن باوعلي صفح غلست ونزلت عيوني صدوك رفعتها شويه واشوف الدنيا مگلوبه وامشي وردت اوكع جان يلزم ايدي مازن لتوكعين باوعت عليه ردت اجرها منه بس عيب الناس كلها واكفه

مازن : مره ثانيه من تمشين انتبهي
ودق : غير من وراك امشي ولتباوعين اففف
مازن : يله طبي جوه ولترجعون اله احنا وياكم
ودق : حاظر اكو اوامر بعد
مازن : دخلي يله

ودق : طبيت سلمت على الكل وصلت لبيبي جميله هلو بيبي شونج
الحجية جميله: هَــْـِْـْْـِلاّ بام لسان ماعگلتي (عقلتي) بعدج مسودنه وخوثه 
ودق : هههههه خوش تستقبليني وبست ايدها وراسها وكتلها شون اعقل وبيبيتي جميله جان تلزمني من شعري حيل وتسحبني عليها
الحجية جميله: چا انه ليش صابره عليج عبن لسانج مثلي ماتخافين من احد
ودق : شنوو ولزمتني الضحكه لو الناس كاعده كوه حبستها وتغمزلي والله يابيبي طلعتي كارثه وشخبار مسعده

الحجية جميله: خلصت من شرچ
ودق : حرامات مشويتها الج
يمامه : ودق عيب اسكتي منا العالم
الحجية جميله: عيفيها ليه چا لو كاضه شعره منها  املش شعفتج ملش (اكفش شعرج ) وسحبته حيل اگصه گله واحركه كدامج واحرك گلبج عليه
ودق : هههههه كله ولا مسعده والله تحبيهااكثر من عندي
الحجية جميله: چا مسعده رفيجتي بيها فايده انته بس المغثه وترفعين الضغط
ودق : لزمت ايدها وبستها يله حجيله گلبج جبير
الحجية جميله: چا انه وين اكو مثل گلبي يلعوبه 
ودق : اكوم احسن لتروح تستلمني وشيخلصني منها

أيه : لزمت التلفون اباوع عليه واتذكرت ابراهيم دورت بين الارقام لكيت الرقم همزين خزنته هم ماارجع التلفون بذيج المره لماما
كتبت هلو ابراهيم اني ايه
ابراهيم : كاعد اسولف ويه رجال بالسجن جان خوش رجال من اهل كركوك وانحكم ظلم ويسولفلي وجان يهتز التلفون مو خال التلفون بس هزاز بدون صوت حتى ليلكفوه الحرس فتحت الرساله واشوف ايه دازتلي مصدكت يمكن اني بحلم ركضت على عم جاسم عمي رحمه لأهلك اقرالي المكتوب
شبيك وليدي انت موتعرف تقرا وتكتب
ابراهيم : ميخالف اقرالي ممصدك
جاسم : ههههه هاي مريتك موو الي كتلي عليها
ابراهيم : يعني مغلطان
جاسم : هههههه لا مغلطان روح احجي وياها كون دوم اشوفك هيج فرحان

أيه : مجاوبني ضجت اوف لو رايحه وياهم وجان يدك فزيت قريت الاسم ابراهيم ابتسمت رفعته
ابراهيم : هَــْـِْـْْـِلاّ بالهوا والمي هَــْـِْـْْـِلاّ بالنفس اليصعد وينزل هَــْـِْـْْـِلاّ برويحتي وام بيتي
أيه : تنفست قويه
ابراهيم : اوف اروح فدوه لنفسج ليطلع شونج ياغاليه زينه
أيه : كتبت زينه
ابراهيم : ممصدك راسلتيني لو تدرين شكد انتظر ولو كلمه منج بس ماكو طمنيني عنج روحي تلوب عليج

أيه : كتبت زينه الحمدلله انت شونك وضعك شونه صحتك بالي يمك واخاف مااكتب بعد يمكن التلفون مابيه رصيد
ابراهيم : انه اصيرلچ رصيد
أيه : وجان توصل رساله بيها رقم گارت عبيته وكتبتله هذا منيلك
ابراهيم : ابويه حامد كولشي موفرلي وهنا كولشي موجود بالفلوس كولشي يجبولي بس اكتبي انه ممصدك مراسلتني

أيه : كتبت أبراهيم
ابراهيم : كولي يااغلى من النظر
أيه : غنيلي مشتاقه اسمع صوتك وانت تغني
ابراهيم : شنو نسيتي اني وين
أيه : يعني ممنوع تغني
ابراهيم : ههههههههههه دخيل ربج شكد فقيره
اغنيلج لو اعرف انسجن انفرادي لأجل عينج
أيه : لا عفيه مااريد اخاف يأذوك
ابراهيم : لا تخافين محد يأذيني بس فراكچ
أيه : كتبت لعد غنيلي

بس هيج غالي والطلب رخيص يااغنيه تردين تامرين
أيه : نفس الاغنيه الي مره غنيتها اليه من اخذتني للشط
ابراهيم : لا راح اغنيلج اغنيه ثانيه حتى هم تبقى بالج

أيه : كتبت اي شى المهم تغني

ابراهيم : شكول عليك اكول انساك وروحي وياك
شكول عليك اظل زعلان مر فركاك
مثل فزت طفل روحي تفز لو سمعت بطرواك
ومثل وردة وشحيحة ماي مزنت مطر تتنخاك
واكلك هاك,,شوف اجفاك
شوف شسوة بية جفاك
تعال عيوني بلياك ماعاود واسليها
تعال شفافي محتاماك بهمس شفاك ناغيها
تعال وعندي اسوالف اسولفها لك واحجيها
تعال العين الك تبرى ظلام وطلعتك كمرة

أيه : كمت اسمع الاغنيه بصوته الهادئ ويغني على كيفه وحنين وغمضت عيني واسمعله من كمل غنى  كتبت الله تجنن هاي منو يغنيها
ابراهيم : مطرب اسمه قحطان العطار
أيه : كتبت كولش حبيتها
ابراهيم : اي وحده حبيتيها اكثر
أيه : اثنينهم حلوات
ابراهيم : والله ماكو احلى منج
أيه : كتبت اروح اني وانت انتبه لنفسك واتغطى من تنام الجو بارد حيل
ابراهيم : لاتخافين اني ماانام اله اتخيلج بحضني وادفى وانام
أيه : استحيت من كلامه بس ابتسمت
ابراهيم : ايوته ديري بالج على نفسج يااغلى من النفس ولا تكطعين مني دوم راسليني ولو ٥ دقايق تحييني عمر بيها
أيه : كتبت ان شاء الله احاول  باي ابراهيم
ابراهيم : الله وياج لغاليه

جان تلفون ابراهيم مثل البلسم الي يداوي الجروح رغم ماابادله المشاعر بس احس بيه وارتاح من احجي ويااه اباوع صدوك ضيع الوقت كله شكد لعد جنا نسولف ابتسمت حتى الوقت ويااه حلوو
ودق : ماما اني راح اروح للبيت تعبت
يمامه : روحي ماما واخذي اختج
همسه : ما اريد ابقى يم عمه احلام
احلام : خيه بروح ابوج بقيها ليه اليوم مشتاقه ليها
يمامه : مًـُاُشي ابقي وانتي ماما سدي الباب عليكم زين
ودق : قابل شكوو ياماما لوما المنطقه كلها مسدوده من الفرعين والولد كلهم بايتين بالجادر
يمامه : ميخالف ياامي اخاف عليج 

ودق : اباوع منا منا صايره لحم بره وجان يركض منير هااا ولج شوو مادره راسج

ودق : اريد ارجع للبيت عفيه صيح مازن
منير : وشبيه موبعينج
ودق : لا العفو بس شيخلصني منه كال مطلعين اله اني وياج
منير : امشي اني اوصلج هو ملتهي ويه الناس
ودق : هااا لا خلي ننتظره يمعود يموتني
بالحجي  مالته ياكل راسي
منير : امشي لتخليني اتعصب عليج
ودق : يله امشي وكمنا نتمشى وصلت للبيت وجان يكولي اريد ادخل للحمام البيت هوسه وكل الحمامات مشغوله
ودق : تعال طب
دخلت للبيت وهو دخل للحمام وصعدت شفت ايوته هاا حبٌيـبتي زينه
اشرت براسها اي زينه بستها شويه واجيج منير هنا بس خلي يطلع واسد الباب وراه واجيج جان تكتبلي اذا سأل عني كوليله نايمه
مااشي قلبي وطلعت وسديت الباب ورايه
وصار بوجهي منير صاعد ليفوك تفاجأت
هااا شو هنا
منير : وين ايه
ودق : نايمه ليش
منير : هيج ردت اسلم
ودق : شبع السلام قابل
منير : والله عليج سوالف ومديت ايدي على ايدها
ودق : دفعت ايده شبيك تخبلت
لج شبيج ويايه مو كتلج انتي تاليتج مرتي
ودق : منير اطلع بره بسرعه
منير : اششش صوتج تخبلتي
ودق : كتلك اطلع بره عيب الي كعد تسوي نسيت اني بت عمك وعرضك

منير : واني احبج ورايدج حلالي ومستعد اخلي ابويه حامد يخطبج اليه حتى بعد تصيرين اليه ومحد يتحكم بيج ومن اتخلصين سادس نتزوج
ودق : اطلع بره گتلك لا والنبي اكول لعمو حامد يطيح حظك
منير : بابا اني رايدج شبيج انطيني مجال افهمج اني احبج
ودق : واني كتلك اطلع بره وعيب عليك تتحارش روح منا

وجان يجيت عليه بكل قوته ومباشره وكعني بالكاع ونام فوكايه ويحاول يبوسني وعطت ولزم حلكي ودفرته بكل قوتي
أيه : اني كاعده وسمعت كل كلام منير لان قريب على الغرفه واكفين وتذكرت حادثتي وكمت ارجف وخفقان بگلبي واطك سن بسن ومن عاطت ودق عطت ويااها صوتي طلع لاارادياً بس مبحوح وكان الاوتار الصوتيه مالتي متمزقه  والصوت مخنوك اتذكرت  ابشع يوم بحياتي وغمضت عيووني

يتبع ..
احـٍُــبٌــ💘ـٍَــْگُِم