رواية سجينة الروح الفصل السابع والعشرون 27 - بقلم ريام هادي

سجينة الروح
للكاتبة Reem
البارت السادس والعشرون
( بارت هديه لعيونكم تطلبوني مال مليون مشاهده تدللون 🥰 )

آه يكلبي 💔
غني حزنك لو طفح غيضك نشيد
واكتب ادموعك رسايل
لو لكيت بديرة اعيونك بريد
الذنب ذنبك تعشك ابنادم بعيد

ودق : جانت لحظة مصيريه بعمري لازم اصير قويه حتى اكدر ادافع عن شرفي كدرت ادفعه واضربه بكل قوتي وخرمشت رگبته بأضافيري حيل بكل اعصابي جنت شرسه لبوه ومجروحه وادافع عن نفسها هذا حالي
منير : ااااااخ
ودق : دفعته حيل ونهزمت وركضت ليجوه حافيه وهو ورايه يريد يلزمني فتحت باب الصاله وكفت بالكراج وكتله واني الهث وخايفه وارجف وكوه اجر النفس والله اذا مطلعت هسه اعيط وكلها بره بالجادر واخليهم يطلعوك جلاليق منا عدا عمي الي مراح يرحمك

منير : الهث واحجي شبيج ودق والله اني احبج ومقصدت اسويلك شى موزين
ودق : كمت اكمز واضرب رجلي بالكاع وكتله گلب كل هذا ومقصدت تسوي شى موزين لك اني بنت عمك وعرضك ياعار هيج تتجرأ تسوي مكان متحافظ عليه وتخليني بعينك انت الي تتعدى عليه هيج السقوط عندك صار علني ومحسبت حساب اهلك واهلي انت شنو من بشر امشي لك اطلع بره مااريد اشوف وجهك واياك وحق من انزل القران اذا تقربت بعد مني اخليهم يذبحوك مثل الطلي ياطلي

منير : انجبي ولتغلطين وصوتج نصي كتلج افتهمتيني غلط
ودق : ولك وهم الك عين وتحجي امشي اطلع بره لابصوت واحد المها كلها عليك وعود بذاك الوكت خلي نشوف صوتك شون يطلع
منير : ودق افهميني اني موقصدي أذيج ردت احسسج بحبي ابوسج اشمج مااتعدى حدودي شبيه تخبلت واني اعتبر روحي خطيبج
ودق : انت اصلاً مخبل من فكرت تلمسني شنو شايفني مستحيت شنو الي بدر مني وخلاك تتجرأ تمد ايدك وتلمسني وياخطيب هذا يمه هو منو كال ارضى بيك اصلاً
منير : تعالي خلي انطب جوه بس نتفاهم والله مااسويلج شى
ودق : شوف منير اذا مطلعت هسه وروح جدي المانشف ترابه لهسه افضحك فضيحه اطلع واسلم على نفسك

وجان نسمع دكه الباب طفرت وصحت منو
مازن : اني افتحي الباب
ودق : كمت ارجف دخيلك ياربي بس لا سمع كلامنا عدلت شعري باوعت على منير بهت لونه الجبان صاير رجال براسي
باوعت يمنه يسره وشفت شحاطه لبستها وعدلت ملابسي بسرعه البرق وركض فتحت الباب ومنير على وكفته ولا تحرك عساه بلشلل
مازن : شنو ساعه يله تفتحين الباب واني شحجيت شنو هندي مو كتلج مترجعين اله اني وياج
ودق : جنت حابسه انفاسي من الخوف ليكون سمعنا بس الْحٍمَدٍ للـّہ مسمع شى بس جان بارود من الاعصاب واني اصلاً بعدها الهبطه بيه وارجف حتى ماعندي قابليه ارد عليه سكتت وجان يحجي منير

منير : اني جبتها ليش اكو فرق انت جنت ملتهي بالناس وكلت اوصلها
مازن : موقضيه فرق بس اني نبهتها متطلع اله اني اوصلها ليش هذا العناد اني اعرف هيه عناد بيه
ودق : من كثر متعبانه ومهبوطه وبالي يم أيه ردتهم بس يطلعون اريد اشوف اختي شصار بحالها كتله اعتذر ومااعيدها ومن رخصتكم تعبانه واريد انام
مازن : بله باوعي بوجهي
ودق : اوويلي الله رأسن صار عندي مغص من الخوف وكمت امتمت
هاااا شنووو
مازن : شبيج رجفتي شنو هذا حالج وليش شعرج مهوس
ودق : رغم اني عود عدلته هيج بحركه ايدي بس هو حظي متعدل زين
مازن : احجي شوو ساكته شنو هذا حالج

ودق : مابيه كتلك تعبانه رجاءاً اريد انام
منير : يله مازن خلي نطلع ونعوفها ترتاح
مازن : مقتنعت والوضع مريب بيكم شى
ودق : اهوووو يعني هيج انت مرتاح بحيث كاعد تحلل وتستنجد اترجاك مازن باجر عود سولف مالي خلك اسولف وانطي واخذ بالكلام وانتم هم لازم تنامون لتنسون باجر الثالث وراكم ركضه
مازن : يله امشي منير وبعدين الي كعده وياج وافتهم

ودق : بس طلعو قفلت الباب بالقفل من جوه وركض على ايه سويت الدرجه ركضه بالي كله يمها وطبيت وشفت اختي بقمه الانهيار سوده عليه مغمضه عينها وصاكنه اسنانها وتون بصوت عالي ودموع لزمتها عاطت بس عيطه بخنكه مدري افرح لان طلع ولو شى بسيط من صوتها لو ابجي على حظ اختي وحظنا
اشششش حبيبتي اني ودق وحضنتها حيل وابجي واحجي لتخافين هياتني يمج

ايوته افتحي عيونج اني دقه حاولت افتح عيونها وبقيت احجي بأذنها اني مابيه شى لتخافين ايوته
أيه : من اكو موقف بحياتج هو سبب دمارج وسبب انهيارج وكرهج للحياه ويرجع يتكرر هذا الموقف كدامج بس بأنسانه عزيزه عليج شون يكون داخلج اذا بركان ينفجر واذا بحر يثور واذا جبال تنهار اني هيج مشاعر مختلطه الم على قهر على قله حيله لان مااكدر اساعد اختي على جرح احس روحي تتكطع مو بسجينه لا اني روحي تتكطع بطريقة ابشع بموس شرائح روحي تتقطع ويه كل ضربه ابجي واعيط بس صوتي ميطلع لحظات وانعادت مأساتي بس بأختي ومكدرت اسوي شى من ضعفي انهاريت بس اجاني صوت وبديت اصحى من انهياري باوعت ودق حاضنتني وتبجي طفرت اشر الها انتي زينه سوالج شى صرتي مثلي مو وابجي

ودق : مابيه شى والله لتخافين هذا الحقير مكدر يسوي شى بس على كيفج ليصير بيج شى
ادور على القلم انخبصت لكيتهم جوايه انطيتها القلم والورقه
أيه : مسوالج شى اكيد
ودق : والله مسوه لتخافين
أيه : ليش هيج الحقير تجرأ وياج
ودق : كلتيها حقير بعد وغبي خلي يولي راح من راحت روحه
أيه : ليش يصير بينا هيج
ودق : رجعت حصنتها وابجي وبصوت عالي والله ماادري احنا مو يتيمات مو يكول حوبه اليتيم تبطي ماتخطي واليتيم اله مكانه عظيمه يم رب العالمين ليش احنا مكتوب علينا العذاب والقهر ربي احنا مرايدين شى بس الستر كولشي منريد الناس الغريبه والقريبه ينهشون بلحمنا والله مالنا ذنب بضيم عادل احنا صح بناته بس حاشاك تاخذ حوبه الناس منا هو يمك وبين ايدك الكريمه وهو حسابه يمك ليش كل هذا يصير بينه

أيه : كتبت كافي عفيه كطعتي گلبي المهم الْحٍمَدٍ للـّہ عدت سلامات
ودق : اليوم ابن عمج باجر يجي غيره زين الشارع مو مليان موزينات ليش يجون علينا ليش يلوثونا ليش شرفنا رخيص عدهم حسبي الله ونعم الوكيل يا رَبّ احنا بنات وانت سندنا هاي اختي انكسرت اجبر خاطرها واستر علينا كولشي منريد وامي المسكينه قويها على مصايبها
أيه : كتبت امين كافي وروحي غسلي وتعالي نامي يمي اخاف انام وحدي
ودق : مااشي بس اني يمج بالغرفه
أيه : كتبت نامي بصفي
ودق : تدللين المهم امسحي دموعج مسحتهم وبستها من راسها ردت اكوم ورجعت كعدت ايوته صدوك اني سمعت صوتج رغم المصيبه الي جنت بيها لان البيت هادئ وينسمع
أيه : كتبت من خفت عليج لا ارادياً عطت بس هم رجع اختفى
ودق : لا حبيبتي مختفى انتي اضغطي على نفسج وحاولي تحجين لخاطر ماما ولخاطرنا متعرفين من صوتج ماكو شصاير بينا
أيه : كتبت الله كريم

ودق : كمت سبحت وبقيت ابجي جوه الدوش الهبطه بعدها بيه الله لايوفقك شكد جنت اعزه واشاقه ويااه عبالي ادمي طلع حقير حاله حال غيره همهم غريزتهم وبس

طلعت من الحمام وبدلت رجعت لأيووً لكيتها تبجي بعدها حاولت اهديها وانومها بحضني كل شويه تسألني قفلت الباب زين اخاف ممقفول انرعبت لحد مغفت من التعب اعرف كل الي مر بيها اليوم هي مرت بالابشع منه حضنتها وبجيت وهي نايمه وباوعت على شكلها البرئ اوف يااختي شكد لعد تأذيتي وشكد ادمرتي وشون جان حالج ااااااااه الله يساعد گلبج شون تحملتي هذا الالم والرعب وانتي طفله كل عمرج ١٤ سنه بقيت العب بشعرها وهي نايمه واني ابجي واتخيل منظرها لحد منمت من التعب وللصبح

يمامه : اليوم الثالث مال بابا الدنيا كلها هنا ومخبوصين وناس تعزي وتروح وناس تبقى الكل ملتهي جنت تعبانه لدرجه نسيت حتى اكل طول ايام الفاتحه بس البارحه اكلت قطعه صغيره خبز وتمر مال الثواب وقريت الفاتحه بحلكي احس المي مر من القهر بديت ادوخ وراسي حيل يوجعني احس الدنيا تفتر بيه وممستقره بس شسوي زحمه اكوم واعوف الناس وامي ياعيني عليها بس ساكته وصافنه اباوع عليها شون مكسوره ردت اكوم شويه اتمدد ولو نص ساعه بين متجي المله ورانه ختمه مال قران الدنيا افترت بيه ولزمت الباب انتبهت عليه جنه

جنه : هااا عمه شبيج
يمامه : مابيه عمه بس عفيه الزميني دايخه مااريد اوكع كدام العالم عيب اخذيني لغرفه امي
جنه : ماشي تعالي
وبدت تمشيني على كيفها لحد موصلت وتمددت
عمه اصيح واحد من الولد يوديج للمستشفى
يمامه : لا حبيبتي مابيه شى شويه تعب ويروح بس انطيني شويه مي عطشانه كولش
جنه : ركضت على المطبخ وشفت مازن هناك يحجي ويه عمه فضيله لو رجف گلبي
مازن : انطيني باكيتات الجكاير الي كتلج ضميهم عمه وينهم
فضيلة : يمه جنه روحي لغرفه الحجيه ام يمامه تلكين گارتونه بيها جكاير انطيهم لابن عمج
جنه : هااااا
مازن : شبيج صفنتي استعجلي موو وكت صفناتج
جنه : لحظه بس اخذ المي لعمه يمامه لان متخربطه
مازن : خير شبيها
جنه : مااعرف كامت ورادت توكع على وجهه وجسمها يرجف اخذتها لغرفه امها وهيه هسه متمدده واخذ مي ليها واروحن عليها
مازن : زين اوديها للمستشفى اذا هيج تعبانه
جنه : لا متقبل بس رادت مي
مازن : روحي انطيها وجيبيلي الجكاير بسرعه
يمامه : جنت متمدده والصداع موطبيعي واجتي جنه انطتني مي ومعدتي فارغه احس حتى من المي لعبت نفسي وجان اشوف حامد فوك راسي طفرت بحركه بسيطه من مكاني
حامد : اكعدي ارتاحي شنهي المتعبج كالولي تعباته حيل
يمامه : لا ماكو شى شويه ارهاق يروح
حامد : أكلتي
يمامه : مااشتهي
حامد : چا وتريدين تصحين مايصير كل هاي الهوسه والتعب لازم تاكلين حتى توكفين على حيلج هذا عزا ابوج ولازم تلاچين الوادم وانتي قويه (تستقبلين الناس)
يمامه : غمضت عيني ودموعي تنزل جان يكعد يمي على الجربايه
حامد : لاتبجين انه اتعب من اشوفنج هيج
يمامه : موبيدي احس سندي راح وظهري انكسر وحطيت ايدي على وجهي وابجي جان يسحب ايدي وتقرب عليه وانفاسنا صارت وحده وكلي بصوت هادئ

حامد : انه سندج وانه ظهرج ولو شمايصير ابقى لأخر يوم بعمري احافظ عليج وعلى بنياتج لاتخافين

يمامه : كلماته نزلت وكأنها مي بارد على گلبي اعرف انكسر شى جبير بينا بس كل كلمه منه يمكن اعتبرهم امل اتمسك بيه حتى اعرف شون اتصرف ويااه بالمستقبل
اعرفك كدها ومستحيل اكون بشده ومتكون ويايه
حامد : كومي اگلي حتى يرد الدم لوجهج
يمامه : والله مااشتهي والله
حامد : چا بس لو تبطلين عناد انه بخير
جنه جنه وًٌيْـنج بويه
جنه : دخلت اركض امر يابه
حامد : روحي بويه صبي اكل لعمتج خل تاكل انه اعرفنها ماتاكل مال فواتح سويلها شى تاكله من البيت
يمامه : باوعت عليه شمدريك مااكل اكل فواتح رفع حاجبه وباوع عليه بأبتسامه بسيطه
حامد : انه حامد والهوا اليمر يمج اعرفنه

يمامه : خجلت ودنجت لان بنته واكفه
حامد : يله بويه اريدن من ايدينج الحلوات اكل طيب لعمتج
جنه : تامر بويه
حامد : انه اروحن اشوف الوادم زحمه عفتهم
يمامه : كام على حيله لزمت ايده وهو باوع عليه وكتله حامد اني حيل محتاجتك
حامد : وانه يمج لاتخافين اريدنج گويه (قويه) مااريد اشوفنج تعبانه راح يجي الاكل تاگلي گله مااريدن اسمع ماماكله
يمامه : ماشي خله وطلع اوف حبك بگلبي يوم بعد يوم يكبر بس المسافه بينه جبيره شلون اكدر اصغرها مااريد اخسرك وبنفس الوقت مااريد اضحي بمستقبل بناتي يارب قويني تعبت والطريق بعده بأوله

ودق : اليوم الثالث مال جدي ومكدرنا نروح بعد الي صار البارحه ماعدنا طاقه اصلاً نسمع لأحد ولا نجامل ولا حتى نبجي كعدت الصبح لملمت البيت وحضرت ريوك واكلنا اني وايه واخذتها للحمام كوه اموت قهر على حالها وخاصه اشوفها شون مستحيه مني ابقى اشاقيها واضحك وياها حتى متخجل وغسلت الها وبدلت وهيه الدمعه بعيونها صح اتعب ونفسي ينكطع بس انقهر عليها هاي اختي وقطعه من روحي اليوم ايوته اسويلج ظفيره هنديه

أيه : كتبت والدمعه بعيني مكافي انكطع نفسج بالشيل والحط والغسل هلمره تمشطين اليه
ودق : هااي شبيج ولج غير احب شعرج واتعلم براسج تسريحات وبعد لتكولين هيج تره والله ازعل شعندي غير البطه على كوله ابراهيم ولو هاي العائله مدري شبيها مره سمعت عمج يصيح لماما طيرتي وابراهيم بطه وهذا الغبي منير غزاله عائله تموت على الحيوانات وكلها بجفه وبيبيتج بجفه مسميه الصخله مالتها مسعده والله ياالله ولو هي صدوك مسعده مدللتها الشيخه جميله هههههه تحبها اكثر من عدنا

أيه : ضحكت وكتبت الها هي من تكبر همسه يصيحلوها طلي حتى تكمل المزرعه مالتهم
ودق : هههههههه يله تعالي اسويلج شعرج وكعدت اضفر الها ونسولف وهيه تكتب مر اليوم واجتي جنه شافت ايه وكعدت ساعه يمها وراحت واني بس سلمت عليها ماعندي علاقه بيها وعفتهن وحدهن يسولفن واندكت الباب صحت منو طلع مازن فتحت اله وطب وسد الباب وهو بقى واكف بالكراج
مازن : هاج هذا الغدا امج دزته
ودق : تسلم اخذته من ايده
مازن : شصار البارحه
ودق : شبيك مازن شصار قابل گلبي انخمش من سؤاله وعيونه عبالك مال ضباط استجواب الي انشوفهم بالمسلسلات احاول مااباوع عليه حتى ليشوف الارتباك بعيوني

مازن : يعني متأكده مصار شى
ودق : بينت روحي قويه وبنتره كتله ماكو شى مازن
مازن : ماشي اروح اني تعالي سدي الباب زين ومامسموح تفتحين الباب لأي احد بس الي ولعمج حامد افتهمتي
ودق : هااا اي افتهمت وطلع هذا شبيه يمكن شاك بالموضوع لا مااعتقد جان گلبها للدنيا طبيت للبيت ومشى اليوم عادي ولليل ومااشوف غير الباب تندك حيل دخيلك ربي شصار
ركضت صحت منوو
حامد : انه عمج افتحي الباب
ودق : فتحت الباب وجان يطب عمو حامد ومازن ومنير والوجوه مگلوبه وصايرين نار وكمت ارجف شكووو

حامد : چلمه وحده وتردين يااي يا لا
ودق : خير عمو شصاير احجي وارجف وحتى صوتي يرجف منظرهم وطريقة كلام عمو حامد صدوك تخوف
حامد : منير كاضچ حاول يسوي شى موزين
ودق : نفس المغص الي صار بليلتها رجع عليه واطرافي ثلجن
حامد : (بصوت عالي )احجي ليش ساكته
ودق : باوعت على منير وعيونه دم ومازن يرجف وايده مكورهن وعبالك بحاله استعداد لعركه

مازن : كاعد نشتغل ومنير ويايه واشوف رگبته گلها خراميش فتحت عيوني مستغرب واتذكرت وضع ودق ومنير الي بلحظتها حسيتهم موطبيعين عيوني صارت براسي شصار بس لا الي بالي بس ردت تفض سالفه الغدا لان الدنيا مگلوبه وكلها جايه واني عيني كل شويه على ركبته رغم لابس قميص وكل شويه يجر الياخه ماله بس كل ميندج وتطلع اني اتخبل بالزايد
بس كملنا هوسه الغدا جريت منير تعال ويايه
منير : وين
مازن : كتلك تعال ويايه
منير : والناس متشوف شون هوسه
مازن : دقايق مانتأخر
اخذته وصعدنا بسياره ابويه حامد حاطها بنهايه الشارع وجان الزمه من رگبته واجر القميص
منير : شبيك تخبلت عوفني
مازن : هاي شنو الخراميش
منير : تعورت بالشجره فتت من يمها وشخطتني
مازن : احد كلك كدامك طفل وميميز شخطت الشجره من خراميش ايد هاي ايد ودق موو
منير : شنوو شبيك ياودق
مازن : لزمته من قميصه وسحبته بقوه وكتله وروح ابويه اذا مسوي شى الها اذبحك بأيدي لو مو اخويه
منير : عوفني شبيك تخبلت
مازن : اني البارحه مرتاحيت للوضع وهسه من شفت رگبتك تأكدت اليوم ابوك لو يطلع من كبره ميخلصك مني

منير : ممسوي شى مازن عوفني
مازن : راح اعوفك هسه بس احسابك بعدين انزل يله
بقيت ارجف واكول ان شاء الله غلطان مستحيل منير يتجرأ على عرضه حتى لو هو يكمز هنا وهنا ويصادق ماعنده هيج سفاله كملت الفاتحه وبدو يتحاسبون ويلمون الجادر واني طول اليوم روحي تلوب نار بيه وجان يصيحني عمي
حامد : تعال بويه مازن شبيك تلوب وضعك مو طبيعي
مازن : يابه اكو شغله لازم اكلك عليها مااكدر اواجهها وحدي لان اذا صدوك الي بالي كارثه وكعت على راسنا
حامد : خير بويه احجي
مازن : وكعدت احجيله عن شكوكي
حامد : انه بوك لا لا وليدي گله ولا هيج
مازن : يابه كتلك خراميش وبيومها وضعها مو تمام وترجف
صيحله اليه واجه مازن يركض هااا يابه وجان يلزمه من ياخته ويجره جر لبيت ودق ودخلنا وهي من شافتنا جفلت

حامد : اعيدن لو سمعتيني
ودق : هااا لا عمو سمعتك لا مسوالي شى
حامد : ودق انه عمج لا تخافين وحگ هو علي اذا الولد متحارش بيج او كاض بس ثوبج (لازم ملابسج) هنا اذبحنه جوه رجليج حتى لو جان وليدي كله ولا الشرف چا احنا نحافظ على شرف الوادم نكوم اندنسه احجي ولا تخافين وحگج هسه يوصلج

ودق : باوعت على منير الي بطرف عيونه الدمعه وكتله لا عمو مسوالي شى ليضل بالك
حامد : متأكده بويه كتلچ لاتخافين
ودق : متأكده عمو ليضل بالك لو صاير شى جان كتلك
مازن : ممصدكج
ودق : مازن كلت الولد ممسوي شى ليش اكذب
منير : شفت يابه واكول لمازن من الصبح لهسه وهو ممصدك

حامد : بويه ودق متأكده
ودق : اي عمو كتلك ممسوي شى هو ابن عمي وعمره متعدى حدوده ويايه
حامد : خير بويه يله امشينا عفنا الوادم كلها وانتي ودق مااريدن امج تعرف الي صار
ودق : ماشي عموو
طلعو وسديت الباب وعيون مازن تراقبني اعرف بيه مصدك ولا راح يصدك بلي صار

يمامه : خلصت فاتحة ابويه والحمدلله الوضع كله تمام بفضل الله وحامد الي مقصر وبليل فضت الناس وراحت بقينا بس اهلي وعيالي وبقو عيالي واليوم سادس يوم من وفاه ابويه والخطار قل گلش والوضع هدأ دخل حامد كال الهم امشونا نرجع للعماره واني طفرت
يمامه : وين رايحين الدنيا ليل وبقى شى ويصير ممنوع تجوال
حامد : يله نبقى اليوم هنا ونطلع من الصبح
كمت وتقربت منه وكتله امشي نروح للبيت هناك تسبح وترتاح مو احسن من هوسه هنا
حامد : والاهل شون
يمامه : شكو عليهم شو ماكو احد بس اخويه نصار وهو يصعد فوك ينام والولد مازن ومنير هنا بعد ليش تخاف عليهم
حامد : مااكدر اعوفهم
يمامه : لزمت ايده وكتله فدوه امشي تره اني هم تعبانه واريد اشوف البنات سحب ايده مني وكال امشينا
رجعنا للبيت وكلت لأمي باجر الصبح نرجع طبعاً ست همسه نايمه بحضن احلام كولش تحبها وبقت يمها

دخلنا للبيت صعدت للبنات بوستهم ونزلو سلمو على عمهم وصعدو بغرفتهم حضرت الحمام اله وملابس نظيفه سبح وطلع ودخلت وراه
حامد : جنت تعبان وحيلي مهدود وهي طلعت من الحمام ولابسه اسود چا حتى الاسود يحجي عليها چا شون بيه واني مااتحمل كربها احسن وانه يمها وماكضها اجاهد تقربت يمي وتمددت
يمامه : شبيك حامد صافن عليه
حامد : لا ولا شى نامي
يمامه : ممكن اطلب طلب منك
حامد : خير
يمامه : اريدك تحضني بس تحضني كولشي مااريد
حامد : شنهي بويه احد گلج انه حجر
يمامه : مفهمتني
حامد : اسمعي يمامه انتي تعرفين انه احبنج ومجروح منج لاتلعبين على اعصابي يبت الناس انه مااتحملج تعرفين شنهي مااتحملج
يمامه : ومنو گلك متلمسني نسيت اني مرتك
حامد : بسچ تلعبين بأعصابي كافي الي انه بيه لا عبالج راضي بلي صار وكل الي صار هلچم يوم گلها حتى ادي واجبي وياچ غير هيج لاتوقعين ارد وياج مثل الاول
يمامه : حسيت انجرحت كرامتي وضجت ودرت وجهي وانطيته ظهري وكتله تصبح على خير
حامد : توجع موو شفتي هيچ تعملين بيه تصعديني لسابع سما ومااحس غير نزلت على راسي انه هذا الوضع مايصرفلي
يمامه : هذا هو حامد اسفه لان ردت قربك
وصارت دمعتي بعيني
حامد : وانتي من اهل الخير

يمامه : ثاني يوم كعدت ساعه ٨ الصبح وحامد ماكو طفرت من مكاني دورت عليه بالبيت كله لكيت فلوس محطوطه على الميز لبست عبايتي ورحت لأهلي
اول مدخلت مشفت ولا واحد منهم
حنان : لدورين واتعبين نفسج راحو
توسل نصار بيهم ومفاد حامد دك رجل اله يروح رغم السابع اليوم بس هو كال عدنا فصل ولازم نروح
يمامه : حتى مسلم عليه ليش هيج وكمت ابجي
حنان : حامد انهزم منج يمامه حس روحه بدا يضعف وهذا الشى كعد يتعبه لتنسين وضعكم اخر مره شون جان
يمامه : بس توقعت سامحني
حنان : مستحيل يسامحج بعد كل الي صار وقربه منج هلايام لان حسج تعبانه ومكسوره ومراد يزيدها عليج بس لتنسين الي صار مو هين انتي جرحتي وجرحه جبير
يمامه : احس روحي خسرته
حنان :بلكت بمرور الايام تهدا النفوس كولي ياالله

يمامه : مرت الايام والهدوءسيطر على حياتي والبنات داومو بمدارسهم الجديده جان كل اسبوع يتصل لو مره لو مرتين بس شونكم البنيات شونهن ويروح وكل تلفون منه احسه عقاب اليه وعذاب مو راحه واني احس بروده وصلت لحظات اتعب نفسياً من بروده ويايه ومن اجتني الشهريه متت قهر شنو الي انتظره مو جنت حامل منه وضيعت الاول والتالي بشنو كاعد ارمم بعد منهدم كولشي بس اني جنت مجبوره وبديت احس بيأس بان نرجع بيوم اني ويااه

ودق : بيوم راجعه من المدرسه جانت قريبه على بيتنا بعد شارعين واتمشى اني وهمسه بأيدي وجان يصير منير بوجهي غزرته خير شكوو
منير : اريد احجي وياج
ودق : بلشارع وكدام الناس والله زين ولو شترجى منك بس كم كلمه ماأخرجً
ودق : بابا احنا بالشارع صح المنطقه هادئه بس الي يفوت منا ويشوفنا واكفين شيكول
منير : زين بس دكيلي مسكول من تلفون امج واخابرج لازم احجي وياج
ودق : ماعندي شى اسولف بيه وياك
منير : شوفي ودق من الاخير اذا محجيت وياج راح ابقى يومياً اجيج
ودق : اهوووو شكد تلح ماشي هسه بس اوصل ادكلك
وصلت للبيت شفت ماما ملتهيه تحظر الاكل اخذت التلفون وصعدت بغرفه ماما مااريد ايه تسمع الكلام
بس رمشت عليه دك
خير احجي بسرعه لتجي ماما

منير : اني بس اريد اعتذرلج على الي صار
ودق : واعتذارك مرفوض رايد شى بعد
منير :والله مجنت حاب يصير بينا هيج بس اني عندي مشاعر تجاهج وساعه شيطان وصارت بس تفاجأت من مكلتي لعمي عليه
ودق : شوف منير اني تره مخايفه منك واعرف كلش زين الحق ويايه ولو بلحظتها بلغت عمو حامد على الي صار جان صدك كلامي واكيد راح يأذيك وحيل بيك وتستاهل شيصير ميرفلي جفن عليك
منير : لعد ليش مكلتي
ودق : لخاطر ماما اكيد الصار الكل راح يعرف بيه مكافي وحده انكسرت بسبب اهمالكم هلمره الثانيه هم وراح تصير يمامه وبناتها علچ بحلكم ومو بعيد اتهمونا ممتربايات ونغوي الولد واطعنون بشرفنا

منير : لا حشاكم شحده الي يكول هيج عليكم
ودق : انت شوف نفسك مجرد ماسمحت الك شويه تكعد ويايه ونضحك ونسولف عبالك وحده سهله تنطي نفسها بسهوله بس نسيت اني عرضك ومحسوبه عليك الي صار بأختي بسبب الغربه بس شون لو صاير بيه شى ومن ابن عمي مفكرت مخفت بس يله هو الماعنده شرف شترجى منه

منير : لتحجين هيج واذا تريدين باجر افتح الموضوع واخطبج حتى اثبتلج اني شنو
ودق : لا اريد تخطب ولا تشوفني وجهك بس ابتعد عني رجاءاً
منير : ماشي بس حطي شغله بالج انتي اليه متصيرين لغيري
ودق : ههههههههههه بأحلامك وسديته بوجهه

وره ايام خابرت حامد
حامد : هَــْـِْـْْـِلاّ يمامه شون كيفج البنيات شونهن
يمامه : الْحٍمَدٍ للـّہ
حامد : خير محتاجه شى
يمامه : لا بس اريد اروح للطبيب
حامد : بيج شى
يمامه : لا بس علمود ايه لازم اوديها افتح الجبس مالتها
حامد : روحي واخذي نصار وياج لاترحين وحيدج
يمامه : اكيد نصار ويايه
حامد : عندج فلوس
يمامه : عندي خير من الله
حامد : خوش
يمامه : حامد
حامد : خير
يمامه : مشتاقتلك
حامد : انتبهي على نفسج وعلى البنيات
يمامه : سمعتني شگلت
حامد : روحي الله وياج
وسد التلفون صرت نار لان احتقرني ومجاوبني وياه هاي الفتره مثل الحرب البارده شكد مااتنازل هو يعند اكثر
بقيت مقهوره اليوم كله بس قويت نفسي لخاطر ايه لان هيه تنتظر واخذتها وفتحنا الجبس مالتها الحمدلله ايدها ممتاز وضعها بس الرجل علاج طبيعي لمده شهرين وترجع تماام اووف شكد بجيت من شفتها هيج وخابرت كوثر وصفتلي طبيبه نفسيه كالت ممتازه واخذت موعد الها ورحنا بس اللقاء الاول بس تعارف وايه بس ساكته وبمرور الايام كالت الدكتوره هيه من وحدها تكوم تسترخي وتحجي حتى لو كتابه

يمامه : اليوم الاربعين مال ابويه والكل حاظر اجه حامد صار شهر مشايفته طگ گلبي عليه احس مشتاقتله اشتياق عجيب رحنا للمقبره وهنا شفت بابا اووف يابويه وبقيت ابجي انهاريت شمرت نفسي على كبره واني اشوف الحضن الي طول عمره مدفيني جوه التراب

بويه شلون حالك بين الكبور
وياهو من البرد يا بويه غطاك
تعال لخاطر الله وردلي للبيت
ماا كدر ابد يا بويه انساك
تمنيت .الكبر يابويه بي باب
وافتح باب كبرك واكعد وياك

حامد : كومي مو انهد حيلچ
يمامه : عوفني فدوه مشتاقه اشم ريحته صار ٤٠ يوم مشايفته
حامد : اذكري الله واقري قران تره اصعدج بالسياره
يمامه : عدلت كعدتي وبديت اقرا قران وزعنا ثواب وانتهت زيارتنا على خير طول فتره الزياره وحامد يمشي ويايه متركني لحظه بس بحذر حتى من زرنا كل شويه ينبهني البنات مأخذتهم لان ايه مو مال اعوفها وحدها واخاف اخذ البنات وتنقهر

رجعنا والطريق كله ساكتين اخذهم مازن ورجع عيالي بس حامد كال اوصلج اني للبيت
حامد : حسيت رويحتي تلوب عليها وكل مااتقرب منها اتعب ابتعد اتعب چا شون بيه انه تعبت لاهيه يمي وارتاحن ولا هيه بعيده گلش واتعلم على فراكها چنها الموت البطئ الياكل بيه رديت لبغداد وهيه وياي وكل نفس انه وياها اشمنه احسن گلبي مفرفح عليها وصلت لبغداد
يمامه : انزل بات اليوم يمنا وباجر روح
حامد : لا اردن للعماره
يمامه : حامد انزل
حامد : جن تگلي تعال مشتاگه الك مو انزل ودخلت وياها وسلمت على البنيات

يمامه : كعدنا سبحت وحضرت العشا تعشينا سوه وبقن البنات ضحك وسوالف ويه حامد بيومها حسيته شويه مشتاق من عيونه الي تلاحكني وين مااروح احسه يباوع تمنيت يحس بحبي اله تمنيت اني مااعرف اعبر اله دوم لساني ١٠ مترات اله ويااه اخرس صعد گبلي بين ململمت الغراض وطفيت الاضويه دخلت للغرفه وجان يسحبني لحضنه بدون حتى مقدمات حسيته مثل العطشان ويريد يرتوي الي صار بينا بدون ولا كلمه لامني ولا منه تلاقي روح وجسد بدون عتاب شوق جارف بحيث اثنينا مشتاقين ومثل مجانين الحب وبدون اي كلام يتسابق كل واحد حتى يثبت للثاني شوقه ولهفته ونمت بحضنه واني مااعرف هاي حركته شنوو راح نرجع مثل قبل لو ضعف منه اتجاهي

حامد : انه ميت عليها حسيت رايدها هاي حلالي ومن حگي هاي طيرته وعشگ السنين صح مجروح منها بس راغبلها ضعفت وتقربت منها ولاهيه تحجي ولا انه صبحت الصبح واشوفنها بحضني وجسمها يلامسني باوعت عليها رغم گل الي سوته احبنها بس مااكدر ارجع وياها مثل الاول الي صار البارحه من شوگي ولاعتب على العاشگ انه جنت انجن وانامن (انام ) بابها واجيها من اخر الدنيا بس حتى اشوفن طولها چا هسه وهيه حلالي مااكضها ماتحمل شهر انه احسن روحي يتيم بلياها
تكربت عليها وانه گلي لهفه وعطشان من ريحتها

يمامه : كعدت الصبح لكيته كعد يبدل
: صباح الخير
حامد : صبحج الله بالخير
يمامه : وين رايح
حامد : راد للعماره
يمامه : لزمته من ايده ابقى كم يوم هنا يحجي وميباوع بوجهي
حامد : لا اردن للعماره عندي شغل
يمامه : حامد شبيك تحجي ويايه من وره خشمك
حامد : ولا شى اروحن انه
يمامه : اوكف حامد فهمني شبيك شصار شسويت اني واحسك تريد اطك
حامد : لا توجعين گلبي وعينج على البنيات
يمامه : اوكف وعافني ونزل لبست دشداشتي على السريع نزلت واركض حرك السياره وراح شجااه شنو تندم لان تقرب مني لو شنوو بقيت بحيره واكل بروحي ادك عليه ميشيله خبلني
ويومين هو ميجاوب خابرت على مازن كال وصل وبخير معناه تندم

بيومها بجيت بجي انهاريت ليش هيج يعاقبني دخلت بحاله من الهدوء وكمت مااخابره وحتى من عندي طلعه او شغله اخابر مازن وهو يبلغه يعني اثنينا اعلنا الحرب على بعض

مرت الاياام ايوته تحسن وضعها وتحجي وتقدمت بالعلاج ويه الدكتوره يمكن هذا الشى الوحيد الي جان منسيني الم حامد وحبه الي بده يتحول الى عذاب
ودق والبنات بدراستهم ماشين ومبقى شى على امتحانات نهايه السنه
ودق : ماما ليش وجهج اصفر
يمامه : لا ماما شبيه
ودق : لا تعبانه لازم ترحين طبيب
يمامه : لا امي مابيه شى
ودق : ماما عفيه صارلج يومين اكل متاكلين وبس تنامين وجهج اصفر
يمامه :اتذكر اي مأجتني هذا الشهر بس لا
ودق : هاا يوم شو سگتي

يمامه : اني رايحه لحنان ديري بالج على خواتج ماتأخر
ودق : مااشي
يمامه : لبست بنطرون وقميص طويل اسود مال محجبات وربطتي واخذت فلوس وطلعت وركض على حنان دخلت لبيت اهلي
حنان : يمعوده شبيج تلهثين
يمامه : امشي ويايه للمختبر الي بساحه بيروت
حنان : شبيج ولج بس لا مريضه
يمامه : اريد اسوي تحليل
حنان : مال شنوو
يمامه : مال حمل
حنان : صخام حامل وتريدين تنزليه
يمامه : وجع هسه عرفت اني حامل ونزلته دصبري

حنان : مو اني اعرفج هسه اطلعين حامل وتنزلي
يمامه : ادعي اصير حامل
حنان : هااااا مدااصدك انتي يمامه لو بدلوج
يمامه : يمعوده هسه مووكت سوالف مبقى شى ويصير المغرب بدلت واخذنا تكسي من راس الشارع وگبل للمختبر وساعه اعتبرتها عمر يمكن بناتي مجنت متلهفه لهذا الخبر بكد اليوم احسه هو هذا الخبر الي راح يرجع حامد اليه
حنان : شبيج ترجفين يمعوده عبالك وحده مراهقه هستوها تزوجت وتريد تعرف حامل لو لا
يمامه : وربج مشاعري هسه من قلق وخوف المراهقه ربعه متوصل اليه
وصاحو اسمي ومن كالت المحلل مبروك حامل نزلت دموعي بس هلمره دموع فرح موو حزن

حنان : هاااا بشري هسه طلعتي حامل الخطوه المصخمه الجايه شنوو
يمامه : ليش اسم الله مصخمه
حنان : يمامه شقررتي تبقي لو مثل ذاك
يمامه : لزمت بطني اكيد ابقي هذا ابن حامد
حنان : وبناتج والناس هذا مو كلامج
يمامه : بناتي اني اعرف اقنعهم والناس مو مهمين اني مبايكه ولا مسويه شى بالحرام
حنان : لج لو ما العيبه وعمي هسه ميت اله اهلهل تعاي ابوسج هسه اكدر اباركلج الف مبروك گلبي
يمامه : تسلميلي يله امشي نرجع للبيت تأخرنا

وصلنا لبيت اهلي اول مدخلنا واشوف حامد كدامي تفاجأت من وجوده بس هو شنوو البركان ابرد منه تذكرت اني مبلغته من سرعتي وقلقي اريد اعرف اني حامل لو لا طلعت بدون ماابلغ وهو دوم يحذرني اياج اطلعين بدون متبلغين زين هو شجابه لبغداد وبهاي اللحظه لو هو هذا حظي حصره اسوي شى بدون علمه الله يحضي
سلمت مجاوبني مباشره زمخ بيه وبصوت قوي رغم امي وحنان موجودات بس من كثر معصبي مديشوف كدامه لزم ايدي حيل وعتني

حامد : وين جنتي وشون اطلعين بدون علمي
يمامه : والله من الاستعجال
حامد : انه شگايل يمكن هاي مو اول مره
يمامه : والله اول مره والله بس انت شجابك
حامد : حظج حتى الله يراويني شون تلعبين بكيفج
ام يمامه : ابني ميصير هذا الحجي والله اول مره تطلع بدون متبلغك جانت تعبانه واخذت مرت اخوها للتحليل
حامد : انه رحت للبيت اطمن على البنيات وجبت غريضات الها والهن من فضيله والحجيه ومن اًوصل اسأل الكه مريتي كايله لبنياتها رايحه لبيت جدكم واجي هنا لكاها طالعه وبدون ماتگلي چا انه موزلمه لو مو بعينج وماتحترمين
يمامه : حامد والله من استعجالي لو تعرف ليش استعجلت جان عذرتني
حامد : چا احد مات
يمامه : لا اسم الله بس تهدى وعلى كيفك وخلي اشرحلك
حامد : احجي ليش طلعتي بدون خبر
يمامه : طلعت لان شكيت بروحي حامل ورحت حللت وطلعت حامل
حامد : شنهي
يمامه : والله وهذا التحليل
ام يمامه : مبروك بنتي يتربى بعزكم
اباوع على حامد بهت ومحجه شى ولا بارك وعافني وطلع ورث جگاره بره عفته بالنص ساعه ومدخل اباوع عليه دايخ وضايج حيل توقعت يطير من الفرح اقلها يباركلي يحضني بس ردت فعله خبلتني متحملت واني اشوفه يروح ويجي والجگاره حركها حرك ويشغل الوراها وهم نفس الشى
طلعت وراه شبيك شو مفرحان ومخنوك
اندار عليه وكال

يتبع ..