رواية سجينة الظلم والانتقام الفصل السادس والأربعون 46 - بقلم سارة الشمري

الكاتبة : سارة الشمري 🖤

كنت أعلم أن فى الحب موتي، وبالرغم من ذلك أحببت، وها أنا الآن أحتضر وأموت فى صمت.

مشت بهدوء لغرفة رائد فتحت الباب بهدوء ..
استغربت .. وين رائد ..
دكت باب الحمام شافت ان ماكو رد .. فتحت الباب .. ما موجود ..
حجت بخوف : وين راح ..
طلعت من الغرفة تركض .. صعدت الدرج وهي تتمنى ان يكون تفكيرهة صحيح ..
تنفست براحة وهي تشوف باب السطح شوية مفتوح منة ..
طلعت للسطح حافية .. قشعر جسمهة من برودة الجو ..
شافتة واكف ومنطيهة ضهرة ويباوع من فوك ..
مشت بأتجاهة وحاولت تطلع صوت بخطواتهة حتى ينبته لوجودهة ..
هو حس بخطوات وراه .. بسرعة ضم السلسلة بجيبة ومسح دموعة الي ما اخفت عن عيون ميامين ..
تصنعت الابتسامة ووكفت بصفة وحضنت ايدة وكالت : صباح الخيير ..
التفت عليهة وابتسملهة : صباح النور ..
ميامين وايديهة تتلمس خدودة تتأكد من حرارتة : ليش طلعت بهالبرد.. مو لازم ترتاح ..
رائد : صرت احسن .. اختنكت من البيت ..
ميامين عيونهة تباوع ليكدام .. هاجمتهة افكارهة مرة ثانية .. شلون راح تكدر تكولة ..
رائد التفت عليهة وشافهة صافنة ودموعهة تنزل بدون متدري ..
بسرعة لزمهة من ايدهة وكال : اموني ليش هالدموع ..
ميامين صحت بسرعة والتفتت علي ..
باوعت بعيونة شوية وبعدين حضنتة وصارت تبجي بحركة كلب ...
رائد بخوف وهو يحضنهة : ميامين شبيج .. منو مضوجج .. احجي ..
ميامين كالت وهي تتمسك بي .. : رائد اريد ارجع لغزوان ..
رائد بصدمة وهو يوخرهة : شنوو .. ترجعين لغزوان .. ليش تردين ترجعيلة ... شنو السبب ..
ميامين وهي تبجي لان راح تجذب على اخوهة : ماكدر اعيش بدونة رائد .. حاولت انساه بس ما كدرت .. احبة وماكدر بدونة ..
رائد يباوع عليهة مصدوم ..: ميامين انتي شتحجين .. حبيتي الشخص الي عذبج طول سنة كاملة .. شحبيتي منة ..
ميامين : اني كتلك ما عذبني غير بشغلة وحدة وهي ان بعدني عنكم .. وهو يحبني مثل ما اني احبة .. ماكدر اتحمل بعدة عني اكثر من هيج ..
رائد بعصبية : شلوون يعني .. تردين ارجعج مرة ثانية لهالشخص ..
ميامين : وليش لا .. شنو الي يمنعك هالمرة .. همة عرفو الحقيقة .. صح همة ضلموك بالبداية بس ما جانو يدرون بالحقيقة شنو ... وهسة همة عرفو الحقيقة وجاي يعتذرون منك .. يعني شنو المانع هسة ان تخليني ارجعلة ...
رائد وهو يحاوط وجهة بيديه : شلون ابعدج عنا مرة ثانية ..
ميامين بترجي : تكدر بأي وقت تجي تشوفني .. بس لا تحرمني من شوفة غزوان طول العمر ..
نزل راسة بأسى من قرار اختة ...
رفع راسة وكال : متأكدة هذا قرارج ..
ميامين بلعت ريكها وكالت : اي متأكدة ..
قبض ايدة بعصبية وعافهة ومشى ..
حطت ايدهة على حلكهة وصارت تحاوب تكتم بجيهة وشهكاتهة ...
كلة بسببك غزوان .. انت جبرتني اجذب على اخوي .. اكرررهك اكثر من اي مرة كرهتك بيهة ..

&&&&&&

غزوان كعد الساعة ٨ الصبح وهو كلة نشاط ..
يحس ان كلة اشتياق وكلبة بعد ما يتحمل ..
صح هو صبر اكثر من ٣ اشهر بس مايدري ليش هسة من عرف بيهة راح ترجعلة حس بشوقة الهة يزيد اكثر ومايكدر يتحمل بعدهة بعد ..
نزل من الدرج وهو فرحان وتوجه لبيت اهلة ..

دخل وشاف ابوه والحجية وامة ومؤيد كاعدين يتريكون ..
دخل عليهم بأبتسامة : صباح الخيرات ..
الكل ابتسم على ابتسامتة .. من زمان ما شافوه هيج فرحان .. ما عدا مؤيد الي جان يعرف سبب فرحة غزوان ويضحك ..
الكل ردو ..وام غزوان : صباح العافية يبعد امك .. تعال اكعد تريك ويانة ..
غزوان وهو يكعد : اي يمة .. التفت هلى ابوه وكال : ها بوية يمتة تخابر على رائد ..
ابو غزوان : خوب انت تدور المهاين دوارة ..
غزوان بترجي : بوية فدوة رحتلك مو وكت الحجي هذا هسة .. اتصل علي فدوة ..
ابو غزوان وهو يطلع تليفونة : شيخلصني منك اذا ما دكيت ..
الحجية : عليمن تدك يمة .. شعندة الفرخ ..
غزوان بقهر : حبوبة فدوة لا تكليلي فرخ ..
الحجية : وانت ياهو الحجة وياك .. انة احجي وية ابني انت ليش تحط روحك بالنص ..
ابو غزوان وهو يحط التليفون على اذنة ويضحك : يمة يريدني ارجع اخطب ميامين مرة ثانية من اخوهة ..
الحجية بفرحة : يممة هاي العلوم الزينة .. فدوة لطولك يبعد روحي ..
غزوان بنص عين : جا مو هستوني جنت فرخ .. شو صرت فدوة لطولي ..
ابو غزوان وهو يأشرلهم ان يسكتون ... حجة بترحيب : السلام عليكم عمي رائد .. شلونك ..
غزوان طفر ولزك روحة يم ابوه وحط اذنة عالتليفون يحاول يسمع وياه ..
ابو غزوان دفع غزوان بعصبية ونزل التليفون وشغل مكبر الصوت ..
رائد بأحترام : وعليكم السلام .. مية هلا عمي .. الحمدالله انشالله انتة بخير ..
ابو غزوان : الشكرلله كلنة بخير .. واني خابرتك عندي طلب منك واتمنى ما تردني ..
رائد وهو يتنهد : امرني عمي انشالله ما اردك ..
ابو غزوان وهو يباوع لابنة : والله ابني مثل ما تعرف احنة اسأنا الضن بيك وسبق واعتذرت منك على هالشي ..
رائد : اي عمي وانت معذور ومالك ذنب ..
ابو غزوان : بيض الله وجهك .. المهم اني خابرتك هسة واريد اطلب منك ايد اختك واريدهة ترجع لبيت رجلهة عروس ومو فصلية ومعززة مكرمة .. واريدك هالمرة ما تردني يابوية .. لان ابنة الله شاهد يحبهة .. وشفنة حالة من راحت لليوم مارتاح ..
رائد يتنهد بحزن وكال : عمي التريدة يجرالك .. واني جنت رافض هالشي لان ميامين جانت رافضة .. بس هسة هي موافقة .. واني عندي اهم شي هي وراحتهة .. واذا هي موافقة اني ماعندي مشكلة .. بأي وقت تكدرون تجون وترجعونهة ..

غزوان وهو يعدل كعدتة والفرح بين بوجهة ...
ابو غزوان : والله اصيل وابن اصول ... ما جذب فارس بالحجاه عنك ..
رائد بحزن : الله يرحمة .. المهم عمي اني كلمة راح اكولهة .. اذا ميامين تأذت لو شوية .. لو سمعت ان مزعلينهة .. وقتهة راح اتصرف تصرف ثاني ولا تلوموني اذا سويت شي ما يعجبكم .. لان صدكوني ياعمي اني عندي ميامين اهم شي عندي بالدنيا واذا صابهة شي اني الي راح اوكف بوجهكم ..

غزوان يسمع كلامة ويعصر الخدادية الي بحضنة بيدة .. يخاف عليهة مني .. ميامين اني الي عندي هي بالدنيا كلهة مو هو ..
انتبه لكلام ابوه : يناسبكم بعد اسبوعين انشالله نجيكم ..
رائد : تشرفون بأي وقت انشالله ..
غزوان فتح عيونة بسرعة وحط المكالمة كتم ..
التفت لابوه : بوية شني اسبوعين .. شعدنة هالكد .. خليهة ٣ ايام ..
ابو غزوان بعصبية : اثككل .. جا تجيب البنية هيج .. غير تجهز البيت وتحضرلهة غراض ..
ابو غزوان رجع يحجي وية رائد ... وغزوان معصب لان اسبوعين ..
ابو غزوان سد التليفون من رائد والتفت على غزوان ..
ابو غزوان : ها نكول مبروك ..
غزوان ابتسم بفرح وكال : الله يبارك بيك بوية .. دنك على ايدة وحبهة ..
ام غزوان لاول مرة من وفاة فارس يدخل لكلبهة الفرح بفرحة ابنهة .. هلهلت بصوت وبفرحة ..
غزوان باس راسهة وراس حبوبتة ..
ابو غزوان : وهسة اسمعني .. ماريد تفشلني وية العالم .. هسة تروح تشوفلك غرفة جديدة وحلوة وتجيب النجار ينصبهة الك .. وترجع تروح تشتري ذهب من احسن ما يكون ومو مهم السعر .. وتاخذ خواتك يشترلهة اغراض ويرتبنهة ..
دخلن مها وخاتون على اخر كلمة .. : شبيهن خواتة ..
ام غزوان : مرت اخوجن راح ترجع .. وورانة تجهيز هواي ..
مها كمزت بفرح : كولي والله .. ميامين راح ترجع ..
حضنت غزوان : مبروووك ياعريس .. اي هذا العرس الي يفرح الكلب ..
خاتون واكفة ومصدومة .. شلون ميامين وافقت ترجع بهالسهولة .. معقولة سامحتة بسرعة ..
غزوان التفت على خاتون وابتسم : وانتي ما راح تباركيلي ...
خاتون ابتسمت وراحت حضنتة : مادام ميامين سامحتك لعد اني هم سامحتك .. مبروووك حبيبي ..
غزوان ابتسم وباسهة براسهة .. جان مشتاق لحنانهة كلش .. : الله يبارك بيج .. وانشالله يوم الج ..
خاتون اكتفت بالابتسامة ...
مؤيد وكف وكال : بوية سالفة الغرفة عوفهة علية اني اصور وادزلة وهو يختار واجيب النجار ينصبهة .. خلي هو والوالدة يرحون يختارون الذهب ..
خاتون بحماس : اني راح اتصل ببسمة ابشرهة وهم اكوللهة تجي ويانة نتسوك لميامين اغراض ونرتبلهة جهاز عروس بما انا احنة هم نعتبر اخوات العروس ..
طلعن البنات يتجهزن حتى يطلعن للسوك .. ومؤيد طلع وهو يخابر على حمزة ..
غزوان واكف ويحك شعرة بغباء ..
الحجية وهي تضربة بالعصا : شعندك واكف بعدك .. ما تروح للسوك ولك .. جيبلك قاط واشتري الذهب ...
غزوان وهو يطلع : اي اي طالع ..

جانت الفرحة مو سايعة الكل .. وخاصا بسمة الي طارت من الفرح من سمعت بهالشي ... ومباشرة حضرت نفسهة حتى تطلع وية البنات للسوك وبالكوة قنعت جوري ان تروح وياهم ..
مؤيد وهو يوكف السيارة اباب بيت عمة .. التفت عليهن وكال لمها : بسرعة انزلي صيحي بسمة حتى اذبجن بالسوك واروح اني لحمزة ..
مها نزلت وورة شوية اجت ووياهة البنات ..
خاتون فرحت من شافت جوري جاية .. : هاي جورية اجت هم ..
مؤيد لا ارادياً التفت لجهة البنات ..
مها صعدت كدام كالعادة وتخلي خاتون تصعد ورة .. هنة متفقات اذا جانت سيارة مؤيد الي تصعد كدام هي مها .. بس اذا جانت سيارة غزوان الي تصعد كدام خاتون ...
بسمة صعدت للسيارة بحماس وحجت بصوت : سلاااام .. شلونك مؤيد ...
مؤيد بأبتسامة وعينة لكدام ..: وعليكم السلام .. هلا ببسمة .. شلونج ..
بسمة : الحمدالله .. ضربت جوري بعكسهة وكالت بهمس : سلمي عالولد عيب عليج ..
جوري بهدوء وهو منزلة راسهة : شلونك مؤيد ..
مؤيد بهدوء مثلهة : الحمدالله بخير .. انتي شلونج ..
جوري : تمام ..
دارت عيونهة للشباك وهي تبعد نضراتهة عنة .. ما تريد تباوعلة .. ليش طلعت تشبهة لهالدرجة .. كل ما اشوفك اتذكرة .. كل ما اشوف مؤيد اتذكر فارس لان الشبه بينهم كلش قوي ..
طبعا البنات يسولف .. مها وخاتون وبسمة ... ومدموجين وبسمة متحمسة وتريد تعرف الاخبار ...
بسمة : ميامين الحقيرة ما كالت عالكروب ان حترجع .. بس يلة ما تنلام عروسة اكيد وتستحي ..

وصلن للسوك ومؤيد ذبهن ومشى لحمزة حتى يختارون غرفة لغزوان ...
غزوان راح للسوك يختار الذهب ..
اشترة تخم .. وبعدين راح اشترة قاط اسود .. واشترة كم شغلة يحتاجهن ..
مر للمستشفى حتى يخلص شغل ..
رجع للبيت تقريباً الساعة ٨ بليل ...
دخل لبيتة وهو يسمع صوت هوسة فوك ..
استغرب .. منو ممكن يكون موجود هسة ..
صعد الدرج وهو يسمع الاصوات ..
تنهد بملل وهو يسمع اصواتهن ..
راح لغرفتة ودك الباب ..
مها فتحت الباب وبقت واكفة ومطعة بس نص جسمهة : نعععععم ؟؟
غزوان طبك حواجبة : انعم الله عليج .. بس بدون زحمة خاف مخربطة بالغرف .. ترة غرفتي هاي ..
مها بدون اهتمام : ندري بيهة غرفتك .. بس منا لحد ما تجي ميامين انت ممنوع تنام بيهة خاف تخربهة .. لهالسبب روح نام بغرفة ميامين القديمة ..
غزوان بأبتسامة : واني اصلا كل يوم انام بيهة ..
مها باوعت لاخوهة بأبتسامة : وان يكن .. هسة شتريد ..
غزوان : مهااا .. غرفتي هاي ..وخري خل ادخل ..
مها : لحضة ... بسمة البسي شالج ترة غزوان اجة ...
بسمة وهي تلبس شالهة : اووو اجة العريس .. خل يدخل ..
غزوان دخل وشاف الهوسة بالغرفة والعلاليك تارسة المكان ... : هاي شمسويات انتن .. لامات الزبالة وحاطاتهة بغرفتي ...
خاتون طلعت من غرفة الملابس وشايلة بيدهة القوط مال غزوان وذبتهن عالجرباية ...
غزوان فتح عيونة : هدووومي .. شمسوية انتي .. وين تردين تودين هدومي ..
بسمة ببرود : راح نحطهن بالغرفة الثانية حتى من يجيبون الغرفة الجديدة وحطهن بالكنتور لان ملابس ميامين هواي ولازم نحطهن بغرفة الملابس لان بيهة مكان هواي ..
غزوان : يعني تغيرون نضام ترتيبي ..
بسمة بسرعة وبحدة : اييييي نغيرة .. عندك مانع ..
غزوان طبك حواجبة : حسنين ليش مخليج يمنة لهسة .. شوكت ياخذج لبيتة ونخلص ..
بسمة استحت ودارت وجهة لان تفشلت ...
غزوان ضحك : اول مرة اشوف بسمة تستحي ..
بسمة التفتت علي بعصبية : شكالولك علية زايحة المستحة .. ويلة هسة روح جيبلنة عشا من السوك لان متنة من الجوع واحنة نفتر اليوم علمود نحضرلك اغراض عرسك ..
غزوان يكتف ايدي ويميل كتفة عالباب : اي عاد هذا شغلجن .. لعد غير انتن اخوات العريس ...
البنات كلهن بصوت واحد : لاااااااا .. احنة خوات العروس مو العريس ..
غزوان فتح عيونة بصدمة : يالنكارات ..
مها وهي تلزمة وتدفعة لبرة : يلة يلة حبيبي متنة من الجوع نريد اكل ..
نزل غزوان وهو يضحك وراح جابلهن اكل من السوك ..
راح لبيت اهلة لان حمزة موجود بالبيت وكعدو يسولفون ويضحكون ..
رجع للبيت الساعة ١١ .. شاف خاتون ومها هستوهن يطلعن من البيت ...
خاتون : على فكرة حطينة ملابسك عالميز بغرفة التبديل لان باجر يفكون الغرفة ويطلعونهة ...
غزوان : ماشي .. شكرا ..
مها عوجت حلكهة : بسس؟ .. دكول شكرا خواتي حبيباتي انشالله اجازيجن بالافراح ..
غزوان : وليش اكول هيج .. مو انتن تكولن ( وهو يقلدهن ) لااا احنة خوات العروس مو العريس ..

ضحكن البنات وهو عافهن ومشة .. صعد لغرفتة وشاف الهوسة كلهة شايلاتهة ..
دخل غرفة التبديل ويشوف الملابس الملونة مالية الدولاب .. ابتسم وهو يتخيل ان راح تكون بعد اسبوعين هنا وكدام عيونة ..
تنهد من كلبة .. شيخلصهن هالاسبوعين ..
انتبه ان اكثر الملابس هي مال نوم وشفافة .. والباقي ملابس طلعة يعني فساتين طويلة وجينزات ..
ضحك وهو يتخيل شكل ميامين من تشوفهن .. ما جايبات ولا ملابس نوم مستورة يعني تراكات بناتية او شي ...
بدل ملابسة وراح لغرفتهة مثل العادة تمدد على فراشهة وهو يفكر بيهة غفة ..

££££££££

ميامين ... كاعدة بغرفتهة وصافنة من ساعة ما كاللهة رائد على ابو غزوان .. مثلت الفرحة كدامة وما بينت حزنهة ..
صافنة وتفكر بحياتهة .. شلون تسامح هيج شخص دمر حياتهة .. تحس ان الدموع تحجرت بعيونهة .. مجاي تكدر تبجي .. تعبت من البجي ..

فزت على صوت تليفونهة ..
شافت الرقم عصبت اكثر .. صارلة اكثر من شهر يتصل ..
ردت بكل عصبية : انت ما تفهم .. مو كتلك بعد لا تتصل ..
.
.

الكاتبة : سارة الشمري🖤
حبايبي اتمنى حبيتو البارت .. واعرف ان قصير بس هذا الي كدرت اكتبة 😘 ....