رواية ش .. س الفصل الخامس 5 - بقلم غير معروف

(( رسل ))

استيقظت صباحا ونهضت من على السرير لم اجد محمد بجانبي .. وقفت امام المراة وتحسست بطني .. يوجد بين احشائي طفل من محمد ومني !!..
ارتديت ( الروب ) فوق بيجامتي وفتحت الباب كي اهم بالخروج من الغرفة ولكنني دهشت عندما رأيت محمد يحمل صينية ويهم بالدخول .. قلت بدهشة : مارحت للشغل ؟.
- لا .. سويتلج ريوق .
جلست على السرير وقلت : حبيبي فديت قلبك .
بدا يطعمني .. قلت : هاي شنو امك شافتك .
- هههههههههههه لاترا امي قالتلي اقولج لتتحركين من الجرباية .
- متأكد هاي امك .
- هههههههههههههههههههههه اي .
- الله يهديها يارب .
- داريد اقولج موضوع .
- شنو ؟.
- اني تطوعت .
قلت وانا أأكل : وين ؟.
- بالجيش .
فتحت عيني وانا مصدومة : شنووووووووووو ؟.
- رسل اهدي .
نهضت من مكاني : شنو تسوي هيج بدون متاخذ رأيي .
- لأن ادري بيج اذا تناقشت وياج رح تعارضين .
- لعد شكو تتطوع اذا تعرف هالشي ميرضيني .
- لأن هالشي يرضي ضميري تجاه بلد .
- هههه وضميرك ميأنبك تجاه مرتك ؟!.
بقي صامتا .. قلت : هييي ترا اني حامل .
نهض وقال لي : علمودج وعلمود مستقبل ابنا حسوي هيج .
- تريد ابنك يتيتم ؟.
- هسة انتي شبيج كله تحجين بالموت ؟!.. هياتهم كومة شباب نعرفهم راحوا ورجعوا وعادي .
- حظهم صادف هيج اني شدراني حيكون حظي ؟.
- ساعتها اذا استشهدت حعوف ابني فخور بية .
قلت بتهديد : محمد مستحيل اوافق واعوفلك البيت اذا رحت .
نظر لي بغضب وخرج من الغرفة ...

(( ديانا ))

كنت اجلس كعادتي عندما اتوتر او احزن على السلم .. انتظر ان تنتهي امي من هذه المكالمة .. ( خرب هذا طلع صدق مخبل وامه اتصلت !! )... انهت المكالمة امي فبدأت اعبث بهاتفي عندما نهضت امي من مكانها .. سارت باتجاه السلم وانا تصنعت عدم المبالاة ..
قالت : ههههه ع اساس متعرفين منو متصل ؟.
- ماما واني شدراني ؟.
- حسوي نفسي مصدقتج .. هاي ام واحد وياج بالجامعة اسمه علي يريد يخطبج .
- صدق !!.. وانتي شقتيلها ؟.
- قتلها يشرفون .
نهضت من مكاني بفرح وقلت : بربج ؟.
- ههههههههههههههههههههههه مو ع اساس متعرفين .
- زين فدوة الج شوكت يجون ها ها شوكت ؟.
- عقب باجر .
- لعد يلا يلا يلا .
- ههههههههههههههه مخبلة شنو ؟.
- خل نروح نسوق بابا ششتري ؟.. وانتي اشتري اشياء للبيت واني حعزله واخليه يخبل اوكي ؟.
- هههههههههههههههه اوكي روحي بدلي .. واني حروح احجي ويا ابوج .
- لحظة خاف بابا ميقبل .
- دطيري هو بس يريد يخلص منج واحد امه داعية عليه .
- ههههههههههه امين هههههههههههههههههههههههههه .
- ههههههههههههههه بنتي عقلي شوية .
(( شهد ))

عدت من المدرسة اتجهت بسرعة للطابق العلوي ولكن سمعت امي تناديني من مطبخ خالتي .. دخلت للمطبخ كانت خالتي تجلس مع امي ..
امي : بدلي وتعاي حندغدة جوة .
- ماشتهي حروح انام .
خالتي : ولج شوشة شنو متشتهين مواكلي تحبين يلا عاد مسوية دولمة .
- اوكي خالة .
اتجهت لغرفتي في الطابق العلوي .. غيرت ثيابي ونزلت للاسفل .. رايته كان يجلس على الطاولة معهم جلست بصمت وبدأنا نأكل والجميع يثرثر حولنا الا انا وهو صامتين .. سألته والدتي : ها شوكت نروح خطابة .
وكأن الطعام الذي في فمي بدأ يخنقني بلعته بصعوبة ... قال : اجلتها .
والدته : ليش ؟.
مهند : بصراحة اكو موضوع ثاني وعلمود هيج اجلت كل شي .
امي : شنو ؟.
مهند : اني حتطوع بالجيش .
والدته : شنوووووووووو .
فتحت عيني بصدمة !!.. نهضت من مكاني وقلت : لا لا فاهم لا متروح .
مهند : محد طلب رأيج .
والدته : شنو بكيفك ؟.. ابني احنا ماعدنا غيرك .
امي : لا متروح .
مهند : لو ابوية عايش جان فرح بية مو مثلكم .
قلت انا بعصبية : ولأن ابوية وابوك ماتوا بحروب مرح تروح .. ابوية راح ومرح ومعرفنا مصيره وابوك جابوا جثته للبيت هيج تريد يصير بيك .
مهند : بس ابوية لحد اخر لحظة مات بطل واني حصير مثله .
امي : ابني قول يا الله .. قلبنا خلصان .
صمتنا جميعا .. قالت والدته : روح لأن الله حيحفظك ويرجعك الي .
نهض وقبل رأس والدته .. قلت انا : مستحيل تروح .
امي : شهد اهدي .
صرخت : شنو اهدى لحد ما يموت ... مهند متطلع من هالبيت فاهم
مهند : محد اخذ رأيج .
- لعد موت الله وياك متهمني اصلا .
بسرعة خرجت من المطبخ واتجهت لغرفتي ...

(( دعاء ))

كان ابي في مكتبه كالعادة يجري بعض الاتصالات .. طرقت باب المكتب ودخلت .. ابتسم الي وانهى المكالمة .. قلت بغنج : ممكن احجي وياك ؟.
- عيوني انتي تعالي .
سرت باتجاهه وكأنني مازلت صغيرته .. جلست على حافة مكتبه وقلت : لأنك تفهمني هواي اكثر من ماما قلت اقولك اكثر .
- قولي حبيبتي محتاجة فلوس ؟.
- لا .
- شنو ؟.
- ممممم اكو .. واحد وياي بالجامعة يريد يخطبني .
- ابن منو ؟.
- مم ابوه متوفي .
- شنو يعني بعده طالب ؟.
- اي بس يشتغل بمحل مال موبايلات بالمول .
- ههههههههههههههههههههههههههههه دتشاقين .
- ليش هيج تحجي بابا .
- هههههههههههههههههههههههههههههههههه والله شقد سامع نكت بس هاي خربتني ضحك .
- بابا ترا والله موضوع جدي .
- بنتي شيخطب منج هذا صدق جاي يحجي هو وين احنا وين ؟.
- بس مو كلشي بالفلوس .
- عيني هو طمعان بيج يعرفج بنتي وجاي يسوي نفسه يحب وهالحجي .
- بس اني احبه .
نهض من مكانه وقال ببرود : انسيه .
- بس انت عمرك مرفضتلي طلب .
- اوكي اعتبريه اول طلب ارفضه الج .
- بابا والله احمد موهيج هو خوش ولد .
- خوش ولد الله يخليه لاهله بس يتزوج من عدنا لا .
- انت موتطلع بالتلفزيون تحجي عن الطبقة الكادحة والبسيطة شلون متزوجهم بنتك ؟.
- هالحجي مال تلفزيون اطلع اقول كلمتين اخلي فئة تنتخبني اطب المجلس اخذ راتب واوفرلج كل شي تتمنيه .
- بس اني اتمنى اتزوج احمد .
- بابا عدي شغل هواي .. يلا لتعطليني .
نهضت وخرجت من مكتبه ...

(( محمد ))

مر يومان على مشاجرتنا انا ورسل حتى انها لا تتحدث معي ابدا .. كنت مستلقي على السرير هي بجانبي ولكنها تنام في الجهة الثانية تعطيني ظهرها كي لا تتحدث معي ..
قلت : قاعدة ؟.
- لا نايمة .
- لعد شون دتردين علية ؟.
- حنام اسكت .
اقتربت منها وقلت : ماسكت .
- شتريد ؟.
- اريد ابوس ابني .
التفت الي وقالت : لو تحبه متروح .
- لأني احبه حروح .
- لعد لتلمسني .
- رسل تعرفيني من اريد شي ماتراجع عنه .
- تراجع عنه هالمرة علمودي وعلمود ابنك .
- رسل الاوضاع مدري شونها تخوف يبقون هالقذرين يتحلون منطقة ورا منطقة وابنا يكبر بهيج جو !.
- مبقت عليك حتى الوطن يتحرر خلي غيرك يروح مولازم انت .
- اذا قلت اني ماروح وكل واحد اعتمد ع غيره مرح يصير شي رح يجي يوم ونلقى نفسنا خسرانين كل شي واولها هويتنا .
- بس انت مزوج وحيصير عندك ولد .
- والي راحوا هم عدهم جهال وعوائل ولو كل واحد فكر بعائلته واعتبرها اهم من وطنه مجان اوطان تحررت وتطورت .
وضعت يديها على اذنيها وقالت : مااااااااكو ماكوو ماريد اسمع فاهم ... بعدين قلت لأهلك امك ؟.. شقالوا ؟.
- وافقوا .
- والله !!.. حلو لعد روح مادام امك هي الي راضية تلاقيها هي الي دزتك تريدني اصير ارملة .
نهضت وقلت : رسل شنو هالحجي .
نهضت هي من على السرير وحملت وسادتها ... وضعتها على الاريكة واستلقت عليها ..
قلت : شنو هالحركات ؟.
- معليك بية مو انت تسوي الي براسك اني همين .
- تعاي ولج واتغطي .. تروحين تبردين .
- معلييييييييييييييييييك .
نهضت وحملت الغطاء وغطيتها ...

(( علي ))

اليوم هو اسعد يوم في حياتي كلها .. جالس انا في منزل ( البومة ) .. كان والدها لطيف جدا واندمج بالحديق مع والدي وعمي كثيرا .. دخلت والدتها وقالت : تفضل علي حتى تشوف ديانا .
نهضت برفقتها متجها لغرفة الضيوف الثانية .. دخلت وانا متحمس .. رايتها كانت تجلس بخجل على الاريكة ترتدي فستان طويل ناعم وتستدل شعرها البني ..
قلت وانا في مكاني : لج هاي شنو طلعتي حاتة .
نهضت وقالت : لك انت شنو متستحي تعاكسني واني ببيت اهلي.
- اي اي ماستحي عدج مانع .
- مو اسحلك .
- سحليني اروحلج فدوة تعاي .
- شتريد ؟.
اقتربت اكثر وقلت : تعاي ولج .
- لجلاجة قول وانت بمكانك ممنوع تقرب مني .
- ههههههههههههه ليش سيطرة .
- هههههههههههههههههه .
اقتربت ومددت يدي لوجنتها ( ام خدود ) قلت : هاي خدج ؟.
- لا خد عمتي .
- لعد عمتج يرادلها بوسة .
- ولك !!!.
اقترب وقبلت وجنتها .. لأول مرة ( الله هداها ) وبقيت متوقفة في مكانها .. ابتعدت وقلت : ها ولج طلعتي تستحين .
- احترم نفسك شنو استحي ؟.. ششايفني ماستحي ؟.
- ههههههههههههههههههههههههههههههه .
- هههههههههه طاح حظك عود هاي رومانسية .
- عفناها الهم وخلينالنا الخبال .
- اي احلى .
- احبج .
- اكرهك .
- هههههههههههههههههههههه اكرهج بومة .
- ههههههههههه اني همين .
جلست بجانبها على الاريكة وقلت بجدية : باعي .. هسة اني حروح مكان .. من ارجع رح نعقد ونبدي تفاصيل العرس .. وبعدها بالاجازة الثانية رح نتزوج .
- علي مدافهمك وين حتروح ؟.
- تطوعت بالجيش .
قالت بصدمة : شنووووووو ؟.
- هالشي صارلي فترة دأفكر بيه .
- لا لا لا خاف يصيرلك شي .
- اشششش مسحي دموعج ... عود اذا صارلي شي بوكتها قولي خليت المخبل الصايع رجال ويقاتل ومات شهيد .
- اسم الله .
- اريدج تشجعيني ع هالموضوع ... لأن اعرف تفكيرج غير .
- ههه لو قايلي هالحجي اول ماتعرفت عليك جان قتلك روحة بلة رجعة .
- ههههه خلي عندج امل .. رح نتزوج .. باول اجازة نقعد والوراها ارجع نتزوج .
اومأت براسها بالموافقة .. قبلت رأسها وقلت : ايباااه داحسج امي هههههههههههههههه
- هههههههههههههههههههههههههههههه .

(( مهند ))

حان اليوم الذي سنغادر به .. جهزت حقيبتي واستعددت لوداع عائلتي .. كالعادة امي بدأت تحتضنني وهي تبكي واخوتي ايضا .. خالتي وابنها وبنتها الا شهد .. لم تكن موجودة ..
سألتها : خالة وين شهد .
خالتي : بعدها ضايجة منك .
- حصعد اشوفها هالمخبلة متريد تودعني .
ترتكتهم واتجهت للطابق العلوي .. وصلت لغرفتها وطرقت الباب .. سمعت صوتها وهي تقول : ماريد اشوف احد .
فتحت الباب ودخلت .. كانت تجلس على الارض بجانب سريرها .. قلت : شنو خبلة متريدين تودعيني .
- روح .
- ماروح ويلا تعالي سلمي علية .
- ماريد اطلع برا .
سرت بتاجاهها وجلست امامها على الارض قلت : اذا الله كتب ورجعت بالاجازة حضري نفسج .
قالت بزعل : لشنو ؟.
- حخطبج .
نظرت لي بصدمة وقالت : شنووووووووو !!.
- ههههه قلت اني ابن خالتج ومخلصان من طلباتج فخلي اتزوجج واكسب بيج ثواب وترا طبخج طيب اخليج اربعة وعشرين ساعة تسويلي اكل .
بدأت تمسح دموعها وهي تضحك : هههه اوكي .
- هههههه ولج استحي سوي شي قولي افكر .
- ماعندي حل ثاني غير اتزوجك حتى توصلني وين ماريد .
- ههههههههههههه زواج ع طمع .
- انت همين .
- حشتاقلك .. وكافي لتبجين هي شهر ونص هيج شي وارجع اتعارك وياج .
- واذا مرجعت .
- اعوذ بالله تريد تموتني حتى تاخذ سيارتي .
- لا اسم الله .
- هههههه وعد حرجع .
مدت اصبع يدها الصغير وقالت : وعد !.
- وعد ... يلا اني حروح .
نهضت معي وقالت : الله يحفظك وترجع تخطبني .
- ههههههههه يارب .

(( احمد ))

بعثت برسالة لدعاء اثناء استعدادي للرحيل كتبت ( ادري ليش مدتتصلين .. قتلج ماكو امل بقصتنا .. بس احبج .. واريدج تدعيلي ) ..
خرجت من غرفتي وانا احمل حقيبتي ... كانت امي تقف استعدادا لوداعي هي واخوتي الصغار ..
قالت وهي تبكي : لوما ادري بيك عنيد مجان خليتك تروح .. بس روح ابني انت بطل مرح اوقف بطريقك .
- اريد رضاج ودعائج .
- الله يحفظك وينصرك ويرجعك الي سالم يارب .
قبلت رأسها وانحنيت لأقبل اخوتي ... هممت بالخروج ولكنها استوقفتني قائلة : انتظر .. هاك هاي اية الكرسي كتبتها الك حطها بجيبك خلي تحفظك من كل شر .
- ويحفظج .

(( رسل ))

رغم كل محاولاتي لمنعه الا انه لم يستمع لكلامي .. بل بدأ يجهز حقيبته امامي دون ان يكترث لي او يفكر بي .. تركته في الغرفة ونرلت للطابق السفلي .. خرجت من المنزل اشعر ان كل شئ في هذا العالم بدأ يخنقني .. لا اريد رؤيته او رؤية اي احد .. اتجهت للحديقة الخلفية التي في المنزل جلست هناك بمفردي وانهرت .. بدأت ابكي واخرج كل الضيق الي في صدري ...
بعد فترة سمعت صوته وهو يقول : مرح تودعيني ؟.
رفعت رأسي ورأيته يقف بقربي .. اشحت بوجهي للجهة الاخرى لا اريده لا اريد رؤيته ..
استرسل : معقولة هاي رسل حبيبتي ام قلب الطيب تطول زعلتهة هلقد ؟.
- روح يلا منا .
- زين اودع ابني ؟.
- محمد روح وكافي ماريد اشوفك .
- اوكي .
التفت وجدته يهم بالرحيل .. نهضت من مكاني وجريت باتجاهه وانا اقول : لا لا انتظر .
التفت الي فاحتضنته بقوة ... شدني لحضنه اكثر ارغب في ان اتلمسس كل جسده كي لا يفراثني .. رائحة عطره ذاك الشعور الذي ينتابني وانا اضع رأسي على صدره .. وانا استمع لضربات قلبه .. رفعت رأسي وقلت بين بكائي : الله يحفظك ويرجعك سالم الية .
- لتخافين حرجع علمودج وعلمود ادم .
- ننتظرك لتطول .
- احبج .
- اني همين احبك هواية .