رواية ش .. س الفصل الرابع 4 - بقلم غير معروف

(( رسل ))

استيقظت صباحا وجدته ينام على صدري .. بدأت اتحسس تفاصيل وجهه شعر ذقنه مرورا بشعره الناعم .. حتى انني مررت يدي على شفتاه ففتحها فجأة كي يعض اصبعي .. صرخت : ااااااااه .
محمد : ههههههههههههههههههههههههههه.
دفعته : عابتلك .
- هههههههههههههه تعالي .
- ولي .
- داراضيج .
- يلا .
امسك بيدي تحديدا اصبعي وقبله برقة .. قال : شعجب قاعدة بهالوكت ؟.
- مانمت .. ماجاني نوم .
- ههه تذكرين جنت الصبح من اقعد للشغل اقعدج ونبقى ع الخط لحد ما اوصل .
- احلى ايام .
- لابربج هذيج احلى ايام لو هسة بحضني .
- ممممممم حضنك احلى .
- فديتج .
- غير ملابسك حنزل اسويلنا ريوق بس اني وانت .
- ماشي عيوني .
تركته ونزلت للطابق السفلي جهزت الفطور ووضعته في صينية .. خرجت الى الحديقة قطفت وردة ووضعتها في الصينية .. حملتها واتجهت بها للطابق العلوي ولكن استوقفني صوت والدته وهي تقول : هاي وين ؟.
التفت وقلت : صباح الخير خالة .
- صباح النور وين ماخذة الريوق وصاعدة لغرفتج ؟.
- دنتريق اني ومحمد .
- وليش متتريقون ويانا ؟.
بقيت صامتة لا اعرف كيف اجيبها ... قالت : حطي الصينية هنا وروحي صيحيه .
تركتها على اقرب طاولة بقرب السلم وصعدت للطابق العلوي دخلت لللغرفة كان هو قد انتهى من تغيير ثيابه .. نظر الي خالية اليدين قال : شنو حرقتي البيض ؟.
- جوة روح تريق ويا امك .
جلست على السرير بزعل جلس بجانبي واحتضنني قائلا : هفف من امي ادري تضوجج بس شسوي هاي ست الحبايب .
- زين شبيها وياي هيج ؟.
- كل الامهات عبالهم ابنهم ملكهم باجر عقبة نجيب جهال وتضوجين نسوانهم هيجي .
- لا .
- شنو متريدين جهال اموتج .
- هههههه عابت مداحجي ع هالموضوع .
- ههههههههه زين اميرتي قومي لبسي .
- وين ؟.
- نتريق برا اوكلج ريوق يخبل .
- الله شنو شنو ؟.
- بيض وطماطة وجاي يخبلون من مطعم شونه امشي .
- عااااا فديتك .. اصبر البس واجي وياك .
غيرت ثيابي ونزلنا للطابق السفلي .. رأتنا والدته قالت : خير ياطير وين ؟.
محمد : نتريق برا .
- شنو مو وراك شغل ؟.
- مابيها شي اتأخرلي شوية .
- لا وين اقعد تريق هنانة .
- يمة لو سمحتي .
- بكيفك عيني مو راحت مرتك تشتيلك مني بسرعة خلتك هيج تصير وتفرض رأيها عليك .
- لا عيوني لاحجت شي بالعكس رسل تحبج بس اني عاجبني اطلع اغير جو .
- اطلع عيوني انت .

(( ديانا ))

كنت اجلس برفقة صديقاتي نثرثر عن الحفلة التنكرية التي ستقيمها الجامعة لم افكر بشئ كي ارتديه ...
قطع حوارنا كالعادة ( الاستاذ ازعاج ) علي .. قال : صباح الخير .
جميع صديقاتي : صباح النور .
علي : ها اية شخبارج ؟.
اية بخجل : بخير .
علي : سمعتي ع الحفلة التنكرية ؟.
اية بنعومة : اي بس محتارة شلبس .
علي : عيوني انتي تلبسين لبس اميرة .. حورية .. سندريلا الاشياء الرقيقة .
نظر الي وقال : واكو ناس يلوقلها تلبس بومة .. اذا امكن لبس لسان طويل .. الساحرة الشمطاء ولا احسن شي يناسبهن اذا انتي سويتي دور سندريلا اكو ناس تقدر تسوي دور خواتها المعنسات الجكمات .
رفعت صوتي وقلت : واكو ناس يراد تتنكر وتلبس لبس ع شكل نعال .. او الافضل كلش والي عبر عن شخصيتهم لبس اطفال لأن همة زعاطيط .
نهضت من مكاني وامسكت بحقيبتي وتركتهم .. تبعني وهو يقول : هي هي تعالي هنا .
التفت وقلت : ها ؟.
- شبيج شايفة نفسج ؟... ع شنو ؟.
- هههههههههههه بابا شبيك احد حجة وياك وبعدين مو انت التحجي عن الغرور .
- اني مو مغرور نفسج .
- ههههههههه اي اي صح .
- فاهمتني غلط اني متواضع كلش .
- ياخي انت متهمني صحح نظرتك قدام اية او اي بنية عاجبتك .
- مو اني لازم اصحح نظرتي قدام المضغوطين المثلج .
- وانت منو دانضغط منك ؟.
غمز لي وقال : احلى واحد بالجامعة .
- ههههههههههههههههههههههههههه بلة انت لو بنية جان بيها مجال بس ولد شنو تستعمل نفس الجل مالتي ؟.
- هاي شنو طلعتي تعرفين تضحكين .
- لتغير الموضوع .
- ياموضوع .
- مادري .
- هههههههههه .
- اخذ ميانة القشمر اطفر منا بوية .
- الي لسانه طويل ميتغير لو مدري شيصير .
- ههههههههه .
تركته وذهبت لمحاضرتي ... مهلا دعوني اعترف اعتراف بسيط وهو انني بدات استلطفه قليلا .. قليلا جدا .. شووووووويونة .

(( شهد ))

في الصباح كنت اتناول الفطور في الطابق السفلي لدى خالتي ... والاجمل ان يكون هو موجودا .. قال لي : ترا اليوم بيج شي موطبيعي .
- شنو ؟.
- مبتسمة .
- ههههه ترا اني دايما لطيفة .
- شايفة حواجبج ؟.
- شبيها ؟.
- دايما عاقدتها من الطنكرة .
- ههههههههههههه ولي حواجبي عاديات وممطنكرة .
خالتي : هههههههه شبيك بس تتعارك ويا البنية .
مهند : داوضحلها .
- ههههههه لتوضح .
- زين حسكت بس بشرط .
- شنو ؟.
- قومي صبيلي جاي جايي برد .
والدته : خل اقوم اني .
نهضت انا : لا لا خالة .
اشعلت النار تحت ابريق الشاي حيث كنا نتناول الفطور في المطبخ .. سألتني خالتي قائلة : بنتي هاي صديقتج الجتي ذاك اليوم تعرفين رقم امها ؟.
امسكت بابريق الشاي وسرت باتجاه الطاولة كي اسكب له قلت : اي خالة ليش ؟.
مهند : اريد اخطبها عجبتني همزين عدج صديقاتي حلوات شعجب .
سقط مني الابريق على الارض فاصدر صوتا مزعجا وانسكب منه الشاي على قدمي ولكنني لم اشعر بحرارته لأن قلبي كان احر منه ... كان يحترق .. او ربما كنت متجمدة لا اعلم ولكنني فقط الاحساس في هذه اللحظة !!..
هه يريد خطبة صديقتي ؟... مضحك ؟.. هل هي مزحة منه كعادته او مقلب ؟... استيقظت من كل تلك التساؤلات التي تدور في ذهني على صوته وهو يقول : ثول شبيج .
خالتي : اسم الله بنتي تأذيتي ؟.
انحنيت للارض كي التقط الابريق وقلت : لا لا بس دخت .
امسكتني خالتي من ذراعي وانهضتني قائلة : قومي حبيبتي اني انظفه روحي ارتاحي واذا تعبانة لتروحين المدرسة ... وجهت كلامها له : مهند وصلها لغرفتها فوق خاف تتخربط ع الدرج .
امسكني من يدي .. نظرت ليدي بين يديه .. لا انه كابوس لايمكنني تصور ان مهند سيكون لشخص غيري احببته منذ الطفولة !.. اتجهت انا وهو للطابق العلوي .. عندما وصلت لغرفتي قال بصوت منخفض لأن الجميع نيام : يلا سلامتج خبلة .
قلت : مهند .
التفت الي : نعم ؟.
هل اخبره انني احبه كي لايخطبها !!.. ابتسم وقال : شكلج مصدومة جيف خطبت صديقتج .. والله هم من شفتها البنية ارتاحيتلها وانعجبت بيها .
قلت : اي هي .. خوش ... بنية .
- لعد احجيلها عني ماشي ؟.. ولتنسين تطين لأمي رقم امها .
- اوكي .
- موتنسين احجيلها هواي عني .
- اوكي .
دخلت غرفتي وجلست على اقرب كرسي قابلني ... هه احدث اعز صديقاتي عن حبيبي عن الرجل الذي امضيت كل سنوات عمري وانا اكبر بجانبه واراه يوميا واعرف تفاصيل حياته !! .. هذا شئ معقول فأغلب الفتيات اللاتي يقعن في الحب يلجأن بالحديث لأعز صديقاتهن .. ولكن هذه المرة مختلفة فأنا احادثها عن حبيبي كي تعجب به وتحبه كما احبها !!.. مضحك ومخذل .. سأبدا بمخذل لأن القدر خذلني عندما وثقت به وظننت انه سيحبني وانني سأكون حبيبته .. ومضحك الالم لأنه من شدته تحول لضحك ليس لدموع ..

حب من طرف واحد قصتي وياك
يلعايش گبالي ومو اليه
لغير اذني ابد ماسولفت بيك
وغيرك ما شفت يرهم عليه
ماحسيت اخسرك اني فد يوم
لان فد بيت عيشتنا سويه
لكن من اجاني الخبر فزيت
من گالولي رايدلك بنية
حسيت النفس من عندي مگطوع
بساعتها شفت معنى الاذيه
بين ابتسم واتباركله مابين
تنزل دمّعتي مابين اديه
شلون اكضي العمر نسكن فرد بيت
واشوفه وياها كل صبح ومسيه
ربي ارحمني لو تاخذهم ابعيد
لو تاخذ حياتي اعله المنيه

(( دعاء ))

كنت في الجامعة اجلس مع صديقتي المقربة رانية .. قلت لها : صار كم يوم مداشوف احمد مختفي .
- يجوز بالشغل .
- هفففف مادري وتعرفين هذا قيس لازقلي خبلني .
- شبيه مديفك ياخة .
- وربي حتخبل يعني امي بكيفها تخليني اطلع ويا ابن صديقتها وتريد تزوجنياه ومدري شنو .. لج قاعدة وياه مجاملة مدابلعه .
- قولي لأبوج مو هو اعز اصدقائج ؟.
- ابوية ملتهي بالبرلمان وهوسة .
- هففففففف .. زين طنشيه .
- والله صرت اخاف يجيني للجامعة شنو هاللطلطة .
- اذا اجة صدق رزليه لتستحين .
- وانوبة احمد مختفي شبيه هالولد والله خبلني .
- عدي فكرة .
- شنو ؟.
- روحي لاحمد واشكيله كانج تعتبريه صديق بالمرة تطولين حجي وياه .
- خوش فكرة تصدقين .

(( محمد ))

اليوم هو يوم ميلاد اميرتي رسل .. قررت ان احضر احتفالا بسيطا خاصا بي وبها .. رتبت ذلك مع اختي رواء طلبت منها ان تصطحبها الى السوق ريثما اجهز كل شئ .. علقت الزينة بين اغصان الشجر التي في الحديقة .. والبالونات والاضاءة وضعت طاولة دائرية صغيرة ووضعت عليها كعكة الميلاد .. كانت امي تراقبني وتتذمر كالعادة : شدعوة عليك هيج مسوي لمرتك ؟.. ابني لتطيها عين هلقد .. بعدين تشوف نفسها عليك .
تصنعت الدخول لداخل المنزل كي احضر شيئا ولكنني في الواقع اتجهت لمكتب ابي الذي يقع بجانب السلم حيث لديه مكتبته الخاصة وكتبه ...
قلت له : ابو محمد اريد منك خدمة .
- ههههه قول ؟.
- شنو رأيك تصيح ام محمد يمك تقعدها بالمكتب تشوفها كتبك .
- ههههههههههه ها تريدها وتخر عنك انت ومرتك .
- انت ابو المفهومية .
- صحيلياها .
- وحوصيلكم ع جاي حتى تطول القعدة .
- هههههههه ماشي .
خرجت من المكتب وناديت امه .. اطفأت انوار الحديقة الخارجية .. فتحت رسل ورواء باب المنزل قالت رسل : شكل الكهرباء طافية .
فقمت بتشغيلها فأضيئت الاضواء التي على الشجرة واضواء المنزل كلها .. وضعت يدها على فمها وهي مذهولة .. سارعت رواء بالدخول للداخل وتركنا بمفردنا .. سرت باتجاه مشغل الموسيقى شغلت اغنية ( الله يبارك لي فيك .. تامر حسني ) .. بدأت تذرف الدموع فرحا .. اقتربت منها وامسكت بيدها قائلا : اشششش حتى بعيد ميلادج تبجين .
- اهئ احبك .
- واني اموووووووووت عليج .
- سويت كل هاي علمودي .
- هاي اقل شي ... تعاي شوية نرقص سلو نفس الافلام .
- اول شي امك وين ؟.
- ههههههههه حابسينها ويا ابوية .
- هههههههه لعد تعال .
بدأت ارقص معها ...
سألت قلبي بيحبك قد ايه ؟... وقلبي قالي ده حب كبير عليه ..
الله يبارك لي فيك يا اغلى من عينيا ... الله يخليني ليك واجيبلك الدنيا ديا ..
سمعنا صوت الباب يدق .. تركتها وفتحته فوجئت بأقاربنا .. هااهاهاي وليسوا اي اقارب مممم يبلغ عدد اسرتهم فقط اثناعشر .. دخل الاطفال بهمجية قالت عمتي لي : هاي شنو محمد عدكم عرس .
- أأ.. لا تفضلي عمة .
دخلت وسلمت على رسل .. خرجت والدتي للحديقة ورحبت بهم اما الاطفال بدأوا يأكلون الكعكة بايديهم .. نظرت لرسل التي تنظر اليهم بقرف .. قلت لها : ههههههههههههه اصلا الكيكة تسمن .
- حبيبي عادي اهم شي انت وياية .
قبلت يدها وقلت مقطع لأغنية كاظم الساهر : ياوفيتي وكفيتي ياحنينة يا ام بيتي .

(( علي ))

اليوم هو يوم الحفلة التنكرية في الجامعة .. تنكرت بزي السلطان العثماني سليمان ( لحد يسالني ليش مادري هيج جتي وياي ) .. بدأت ابحث عنها واثناء بحثي عنها في ارجاء الجامعة رايت صديقتها اية كانت ترتدي ثوب ساندريلا .. ابتسمت وقالت : شنو رأيك ؟.
- تخبلين طالعة .. هاي صديقتج البومة وينها ؟.
- مادري بعدني مشفتها .
- اها يلا عن اذنج .
وانسحب بسرعة ... الى ان رأيتها اتسعت ابتسامي وياللمصادفة كانت ترتدي ثوب وكأنها هويام .. رأيت احد الشباب يقف ويتحدث معها .. عقدت حاجبي وانا اشعر بالغضب .. مهلا ومادخلي انا !!!... بقيت اراقبهما .. ولكنني لم استطع الوقوف هكذا سرت باتجاههما .. كانت توبخه كالعادة ( ام لسان ) قالت : ياخي شبيك فك ياخة يلا .
قال : لو سمحتي اسمعـــ..
قاطعته : خير اخوية تفضل شتريد ؟.
الشاب : خير وانت منو ؟.
- اني خطيبها ؟.. تريد شي .
الشاب : لا اسف .
وهرب .. وضعت يدها على خصرها وقالت : ها عيني ها ابوية شنو خطيبي .
- امشي جكمة صدقتي .
- لتطلع سمعة ان اني اباوع لواحد مثلي .
- ههههههههه ع اساس انتي شونج عيني داباوع عليج .
- لعد ادعبل منا ياسلطان سليمان .
- ع كيفج سلطانة هويام .
- هههههههههه شتريد ؟.
- اي عيني ضحكي تطلع الصورة احلى .
بقيت صامتة .. قلت لها : ترا شكلج حلو طالع هويام وهي محجبة .
- تسلم .
- هاي شنو استحيتي ؟.
- استحي من شنو اثول .
- ليا ثولة مودامدح بيج لتخربين اللقطة .
- متفيدني ابوية .
- ابوية !!.. اسلوبج يجب ان يدرس .
- هههههههههههههههههههههههههههههه .. ولك ادعبل عاد اني مومن هذني الملطلطات الي تعرفهن روح اية تدور عليك .. روح اجري .
- هههههههههههههههه شايفتني جاهل روح اجري مالك يابت .
- في ايه ياواد ههههههههه .
- هههههههههههههههه ترا جنا بمسلسل تركي شجابنا ع المصري .
- ههههههههههههههههههههههههه .

(( مهند ))

كان في الجامعة حفل تنكرية تنكرت صباحا بزي فارس واحمد ايضا اضافة اننا اتفقنا مع علي كي نصبح الفرسان الثلاثة ( بس علي ضربنا بوري بالسلطان سليمان ) .. كنت جالس برفقة احمد ننظر لعلي وهو يتحدث مع هويام ههه ..
قلت : لك عزا خاف هذا صدق يحبها وسوا سليمان علموها .
- اي ترا ديحب بس مسوي نفسه الصايع .
- ههههههه يبو علي يحب !.
- ههههههه وقع الاخ .
شرد احمد بذهنه .. نظرت الى المكان الذي نظر اليه لفتاة ترتدي عباءة وكأنها بدوية .. اشرت بيدي امام وجهه وقلت : هييي هاي انت هم .
- لا يمعود .
- ترا جاية عليك البنية .
- طنش .
- ترا عندي دم وعواطف واحاسيس .
- ههههههههههه .
- يلا عن اذنك .
نهضت وتركته وبدأت اتجول بمفردي ... الى ان رأيتها !.. زينة ؟.. كانت ترتدي ثياب عادية تثرثر مع احدى الفتيات .. ربما اتت زيارة للجامعة .. سرت باتجاهها وقفت امامها وامام صديقتها وقلت : مرحبا .
ابتسمت هي وقال : مرحبتين .
- تذكرتيني مو ؟.
- اي اي مهند مو ؟.
- عفية .. ممكن نحجي شوية .
نظرت لصديقاتها .. قالت صديقتها : عن اذنكم .
رحلت فاتسعت ابتسامتي وقلت : نورتي جامعتنا .
- منورة بيكم .
- شهد ماحجتلج شي ؟.
- لا ع شنو ؟.
- محجيتي وياها ابد ؟.
- لا هالايام مريضة قالت .
- اي مدري شبيها .
- جنت تريدها تقول شي ؟.
- اي .
- شنو ؟.
- اريد رقم امج .
نظرت لي بصدمة وقالت : ليش ؟.
- حتى امي تحجي وياها .
- بخصوص شنو ؟.
- اخطبج .
وضعت يدها على فمها وقالت بصدمة : شنوووووووووو !.
قلت بفرح : مرتبطة انتي ؟.
- لا لا لا .
- لعد .
- متفاجأة .
- زين اطيني الرقم وتفاجئي براحتج .
- اوكي .

(( احمد ))

رحل مهند وهي اقتربت مني حاولت ان اتعامل معها كأي زميلة .. قالت : مرحبا .
- هلا .
- ممكن احجي وياك شوية .
- اي تفضلي .
جلست بجانبي وقالت : بصراحة اريد افضفض .
- قولي اسمعج .
- اكو واحد بحياتي مضوجني .
- منو ؟.
- واحد ابن صديقة ماما بكل مكان اروحه يروحه يلزق نفسه بية عود حتى احبه وازوجه .
قلت بدهشة : يعني انتي مو مرتبطة ؟.
- لا .
قلت بفرح : أأ.. ذاك اليوم شفتج بالمول وياواحد .
- اي هو هذا شعره بني مو ؟.
- اي اي .
- الحمد الله .
- شنو ؟.
- أأ .. اقصد .. كملي .
- فشسويله ؟.
- صارحيه او قوليله عدج حبيب .
- خوش فكرة .
- اي .
- المهم انت شخبارك ؟.
- الحمد الله... طالعة حلوة .
- وانت همين كلش .

اخيرا تشجعت في الحديث وبدأت اثرثر معها ...

(( رسل ))

بدأت اشعر بالغثيان في هذه الفترة .. اضافة الى بعض الامور النسائية احم احم التي تشير لشئ .. الا وهو انني حامل !!!.. ولكن كان يجب علي ان اتأكد .. اشتريت جهاز اختبار الحمل المنزلي من الصيدلية دون علم محمد .. وفعلا قمت بالفحص .. كنت في غرفتي انظر للجهاز بفرح اخيرا !!.. الان احمل في احشائي جنين منه هو تكون من دمي ودمه !!.. اقتحمت علي الغرفة اخته رواء كعادتها بفوضوية وعدم احترام للخصوصية .. قالت : هاي وينج مو جنا دنسولف ؟.
- هسة جاية .
- شنو هاي البيدج انتي حامل ؟.
- اأأي بس باعي لتقولين لأحد اريد احضر مفاجأة لمحمد واشوف طريقة اقوللهياه بيها .
- ماشي تدللين .
خرجت من الغرفة وبدأت افكر في خطة كي افاجئه بها ...

(( ديانا ))

وصلت للجامعة اليوم وهناك شئ بداخلي اريد ان اراه لا اعلم لماذا ... لأنني غبية بدأت افكر به كثيرا في الاونة الاخير ... اتجهت لمقهى الجامعة رغبت للجلوس بمفردي بعيدا عن ضجيج صديقاتي واولهم لا اريد رؤية اية ...
وضعت حقيبتي على الطاولة وجلست على الكرسي .. بدأت احدق للخارج عبر النافذة .. سمعت صوته : اشو صدق صرتي بومة قاعدة بحدج ؟.
- ههههههههههه امشي ولي .
- استغفر الله لسانج ينقط عسل .
- مثل لسانك .
- عيني اني كلي عسل .
- بابا لتاخذ مقلب بنفسك نصيحة اخوية .
جلس امامي وقال : لا لا ماسمحلج شنو اخوية ؟.
- هههههههههههه شنو ؟.
- احنة موخوة .
- لعد ؟.
- نفع نكون حبايب .
- خايب دطير ليش خلصوا الرياجيل .
- طبعاترا اني اخر قطعة زائد مصاريف الشحن .
- ههههههههههههههههههه ووياك شاحن هدية .
- ههههههههههههههههههههه .
بقيت صامتة ( خرب بيك خلاني انعجب بيه هالزمال هسة اني شورطني ) .. قال : ترا داحجي جديات .
- ع شنو ؟.
- نكبل .
- بابا شبيك شارب شي ... اني مو مال هالكلام .
- تدرين ربطتني اغنيتين سوية شبيك شارب شي وانا مش بتاعت الكلام ده .
قلت بغضب : لك هسة احنا وين وانت وين ؟.
- ههههههههههههههه داشاقة عيوني شبيج .
- تضوج ؟.
- ها ها مبين الموضوع جد عدج يعني اكو شعور بداخلج تجاهي يعني عدج احساسا اذا انتي انسانة .
- شايف جنطتي شقد ثقيلة !!.. عراسك حتجي .
- يمة متشاقة هالبنية بومة ... باعي ولج .
- لجلاجة تلجلجك .
- باعي حجية .
- حجية شنو هازة كاروكك ؟.
- خرب احبج احبج احبـــــــــــــــــــــــــــــــــــــــــــــــــــــــــــــــــــــــــــــج اسكتي عاد .
بقيت انظر له بصدمة .. حاولت ان اتمالك نفسي وقلت : انت ..
قاطعني : هم احبج .
قلت بتوتر : اسمع ترا انت قايل هالكلمة لمية الف وحدة مرح تعبر علية .
- صدقيني هالمرة غير .
- لتحاول .. الحب افعال .
- ماشي تعاي ورا المبنى اكو ختلة اثبتلج .
- ياحممااااااااار .
- ههههههههههههههههه داشاقة تعاي .
تركته ورحلت ..

(( شهد ))

منذ ذاك اليوم وانا حبيسة غرفتي .. لا اريد رؤيته او رؤية اي احد فوجعي يكفيني .. سمعت صوت طرق الباب مسحت دموعي وقلت : ادخل .
رأيته هو يدخل وبيده صينية الطعام وضعها على سرير وقال : يقولون ام بطن مدتاكل ؟.
لم اجبه ... جلس هو ايضا على السرير وقال بمزاح : هاي شبيج شنو قررتي تصيرين مؤدبة ؟.
- مابية شي مريضة ؟.
- كل هاي ومرض ؟.
- اي .
- اذا مقلتي شبيج بالماعون ع راسج .
- لوسمحت مهند عوفني .
- هاي شنو صار بيها لوسمحت ؟.
قلت بغضب : شتريد مني انت .
نهض من مكانه وقال : شبيج تخبلتي .
نهضت انا ايضا وقلت : اي تخبلت .. تخبلت .. لأن احبك وانت رايح تخطب صديقتي ؟.. هه كل هاي وتريدني اصير عاقلة !!.

(( دعاء ))

كنت في احد المقاهي مع احمد اول مرة يطاوعني ويوافق على ان نلتقي خارج الجامعة ... كان كعادته خجولا وهو يجلس معي برسمية ...
قلت له : من شوكت ابوك توفى ؟.
- من اني بالمتوسطة .
- اووه الله يساعدكم .. صعبة .
- امي الكل بالكل .
- الله يديمها خيمة فوق روسكم .
- تسلمين .
قلت بجراءة : احمد اريد اقولك ع شغلة .
- قولي .
- اني احبك .
اخفض رأسه ولم ينطق ... استرسلت بالكلام : واحسك تبادلني نفس الشعور بس متريد تقول .
رفع رأسه وقال : شلون اقول والفرق الي بيني وبينج ؟.
- شنو الفرق ماكو فرق ؟.
- ههه لا والله .
- الحياة مو ماديات اكو اشياء اهم .
- الي داير مدايرنا يفكرون بماديات الفرق بينا مثل السما والكاع .
- لا .. ترا صح حالتنا المادية زينة بس اهلي غير مثقفين وابوية كلش ميفكر بهالسوالف .
- ههه كل اب يفكر بهالسوالف .. شحال ابوج .
- لا لا ابوية غير .. صدقني .
- ههه لعد قوليله احمد الفقير يريد يخطبني وشوفي شحيقول .

(( محمد ))

عدت للمنزل في تمام الساعة الرابعة عصرا .. دخلت غرفة المعيشة والقيت التحية قلت : مساء الخير .
الجميع بفرح : مساااااااااااااااااااااء النور .
نهضت والدتي هي تبتسم ابتسامة عريضة قالت : مساء الورد ابو ادم .
- هههههه شكو ؟.
- ادم حيجي .
- ادم منو ؟.
ضربتني بخفة : ابنك .
- مفهمت ؟.
- رسل حامل .
قلت بدهشة : شنووووووو َ!!.
- حامل حتصير اب .
تركتهم وبسرعة اتجهت لغرفتنا ... دخلتها وانا اناديها بصوت عالي : حبيبتي .. رسولة .
كانت هي تعلق اشياء على الحائط .. قلت : حبيبتي حامل .
بقيت هي متجمدة في مكانها ... سرت باتجاهها كانت تمسك بلوحات .. وضعتها جانبا واحتضنتها بفرح ... قبلتها وقبلت رأسها وقلت : طفل مني ومنج .
اما هي لم تحرك ساكننا !!...
نظرت اليها باستنكار وقلت : حبيبتي شبيج .
- اهلك قللولك ؟.
- اي ؟.
- خرب .. يعني من الصبح قلت لتقولوله .. ورسمت رسمات وردت اسوي مفاجاة شكو هيج يسوون ترا ميصير .
- من فرحتهم .
- ولوا كلكم خربتوا فرحتي والقران .
- ههههههههههههههههه زين باعي حطلع وكملي شغلج وحسوي نفسج متفاجئ .
- ممممممم ماشي يلا .
خرجت من الغرفة وانا اضحك ... بقيت انتظرها الى ان انتهت ونادت من خلف الباب تعال .. فتحت الباب ودخلت كانت تعلق رسمة شاب .. وفي اللوحة الثانية فتاة
.. بعدها وقعا في الحب .. فتزوجا .. فحملت بأبنه ... قلت بدهشة متصنعا : شنو هاي !!.
- اي حبيبي اني حامل .
- صدق تحجين !.. بربج .
- هفففففففففففففففف ماريد موخوش تمثيل .
اقتربت منها وشديتها لحضني :لج تعاي يامخبلة مو وكت تمثيل .. حتصيرين ام جهال .
- حصير ام ادم .
- فديت ادم وامه احبببببببببببج .
- واني همين هواية انت وادم .

(( علي ))

هناك فكرة ترادوني في الاونة الاخيرة .. ولكن الفكرة الاهم هو ان اثبت لديانا انها مختلفة .. مختلفة عن كل فتاة عرفتها من قبل ..
كنت في الجامعة للتو خرجت من المحاضرة .. رأيتها مصادفة كانت تجلس جانبا وتدرس .. سرت باتجاهها حتى وصلت اليها رفعت رأسها ورأتني قلت : صايرة سجاجة .
- اي شعبالك لعد مثلك كسلانة .
- لا ترا هالايام صاير شاطر .
- ههههه دتدرس ؟.
- لا داحضر محاضرات بس.
- ههههههههه واو انجاز .
- لج ام كفشة شفتيني داجر ناعم وياج استغليتيني .
- هههههه اي صدق شلي قلبك ؟.
- الحب .
- حسوي نفس المرة الفاتت مسمعت شي .
- ترا اني علمودج اريد انقذج من العنوسة .
- هههههههههههههه لعد تزوجني بربك .
- حاضر بس جيبي رقم ابوج .
- ماكو امشي قشمر .
- لج ترا بيج كتلة شكلج تحبين العراك .
- ههههههههههههههههههههههههههههههههه .
- يلا اطيني رقم امج ابوج .
- ماعندي .
- ترا اجيبه بطريقتي وتندمين .
- ههههههههه تعرف احد بالمخبارات ؟.
- اصيرلج مخابرات ... تر صدق داحجي .
- شنو ؟.
- اريد اخطبج .
- والله علي الي الكل يعرفه ميسوي هيج اخره يكبل .
- مو علي الله طيح حظه ودزله وحدة ام لسان مثلج خلته هيج يصير .
رفعت حاجبها وقالت : طيح حظك ودزني الك مو ؟.
- هههههههههههههه لا لا يمعودة ماقصد .. يعني اني تغيرت من وراج خرب بالحظ اني شكول رومانسية .
- ههههههههههههههههههههه امداك .
- امداج انتي بومة ههههههههههههههههههههههههه .
- ها شقد موبايل ابوج ؟.. واذا امسكله يخابرني ؟.
- هههههههههههههههههه اي ماكو مشكلة .
- لج بومة موافقة ؟.
- هههههههههههههههه ع شنو ؟.
- لج خبلة اخطبج .
- اسأل اهلي .
- ع اساس مستحية ومتريدين تردين .
- هههههههههههه لك ولي .
- يلا جيبي الرقم بومة مال دفرة مسوية نفسها تستحي .
- ههههههههههههههههه طاح حظك انت ورومانسيتك .
(( مهند ))

لا يمكنني ان اصدق ان شهد الصغيرة تحبني !!.. لم اتصور ذلك في يوم ابدا !... عندما اخبرتني انها تحبني كان ردي قاسيا عليها : اني احب زينة .
قلتها وخرجت ولم ارها من ذاك اليوم وهي حبيسة غرفتها ... كنت قد انهيت محاضرتي الثانية في الجامعة متجها لمقهى الجامعة في الساعة الحادية عشر .. رن هاتفي كانت خالتي المتصلة اجبتها : عيوني .
- هلا هنودي فدوة ابن اختي .
- ههههههههههههههه الله يستر .
- هاي شوشة تخربطت بالمدرسة وخابروني الادارة يقولون تعالوا اخذوها .
- يلا هسة حروح اشوفها .
خرجت من الجامعة واتجهت الى مدرستها ... وصلت الى هناك ودخلت للادارة نهضت هي مفزوعة عندما رأتني .. قالت لي الوكيلة : انت مهند الي ابن خالتها ؟.
- اي وامها بلغتكم حجي اخذها .
- اي تفضل .. سلامتج شهد .
قالت هي بصوت ضعيف : الله يسلمج .
خرجت برفقتي وركبت السيارة بجانبي .. قدت السيارة متجها للمنزل .. قلت : اني اسف .
قالت : ع شنو ؟.
- جرحتج بالحجي بس باعي انتي صغيرة وهاي الي دتحسين بي تجاهي هاي مراهقة معرفتي واحد غيري بحياتج .
- ماريد احجي بالموضوع .
قلت بغضب : بس شوفي شدتسوين بنفسج ؟.
- معليك بية .
- شهد لتستفزيني .
- هسة انت شتريد ؟.
- ماريدج تتأذين .
- معليك بية .
اوقفت السيارة جانبا وقلت : كافي عاد لشوكت تبقين طفلة ؟.
- ترا ضوجتني فوق الي بية تجي تعيط ... عوفني عاد حتى شوفة ماريد اشوفك .
- ترا عيب عليج .
- ههه عيب علية بشنو ؟.
- انج هيج تغارين من صديقتج وتعرفيها هي حبابة وتقوليلي عوفها !.
- رجعني البيت لا انزل بالشارع واعوفك .
- غبية اني خايف عليج .
- رجعني .
قدت االسيارة واعدتها للمنزل ...

(( احمد ))

كنا مجتمعين في المقهى الذي في منطقتنا .. كنا نثرثر وانا بالي مشغول بدعاء .. بالحب المستحيل .. قطع تفكيري صوت علي وهو يقول بحماس : شباب قررت قرار .
مهند : قررت تتوب .
محمد : هههههههههههههههههه شنو تتزوج ؟.
قلت : قول ؟.
علي : حتطوع .. بالجيش بسبايكر .
محمد : لا بربك .
قال مهند : واني وياك .
محمد : هههه هاي شبيكم صدق تحجون ؟.
قلت انا بيأس : ماشي اني همين .
محمد : هههههههههه لعد بقت علية .
علي : ترا صدق احجي .
مهند : واني هم بس ترا علي صدمتني بموقفك الرجولي .
علي : طاح حظك هسة يلا عرفت .
مهند : ههههههههههه اسف عيني وانت محمد اقعد وراك جهال احنا صايعين ماعدنا احد .
محمد : دطيروا اني اكبركم ادربكم .
علي : هههههههههه لا بربك .
قلت : شوكت تقدم علي .
علي : هالجم يوم .
محمد : لعد كلنا سوية .
وهكذا بدأنا نسير في اجراءات التطوع كي نلتحق بمعسكر سبايكر لتدريب الجنود الجدد ...
( ش .. س ) شهداء سبايكر ... باجر اكمل