شفاه مخملية الفصل الثالث والعشرون 23 - بقلم 𝐙 𝐇 𝐑 𝐀

♛ ♛ ♛ ♛ ♛ ♛ ♛ ♛ ♛ ♛

بارت طويل لعيونكم (شوفوني حبكم للقصة بتفاعلكم)♥️.

"شفاه مخملية"

بقلم: زهراء السلامي.

#يمشـكلتي
ويسـالفتي
ويعشـگي
المن طـرف واحد 💔..

♛ ♛ ♛ ♛ ♛ ♛ ♛ ♛ ♛ ♛

"هجران"
ماعرفت شلون اللبس الجبه والشال وركضت بره، وگفت رجليه وقشعر جسمي من الصوت خفت اتقدم خطوه واني السمعته هز گلبي وزيد نبضاته، چان صوت عميد يعيط وصوت بكر رج الدنيا رج واخترق طبله اذني من عاط

-هدنييي عميييييد اله اذبحهه وعلي اذبحهه اليوووم!!!!

-عميد: بكررر لخاطر ربك اصعد فوووگ انه احاچيهه روووح

-بكر: ولچ طلعيييييي وعلي اگلب الدنيااا اليووم

-عميد: حسسسسك ولك انفضحنه روووح فووگ

باوعلي واشر عليه

-عميد: علويه عليچ الزهرة اخذي للغرفه خلي يرتاح

-بكر: شنيييي انه گرررن وتگودني حُرمة!!!!

-عميد: ولك لااا حشاك بَـس روح فوگ وروح ابوي انه احاچيهه بَـس رووووح

بكر هز راسه بمرات متتاليه وبلع ريگ، نتر بيه

-بكر: امشي جدامي

رجعت صعدت الدرج واني اطرافي كلهه ترعش من الخوف، ماعرف منو هاي الي بكر يريد يأذيهه او بالاحرى "يذبحهه"، وگفني صوته من رجع عاط وهوه واگف بنص الدرج

-بكر: لاااا عبالچ افوتلچاهه خاتوووون لا وحگ ابو فاضل اندمچ ؏ فعلتچ

عميد اشرله بأيده حتى يروح وخطيه فوراً حط ايده الثانيه ؏ گلبه ووگف يلقط انفاسه، دخلت للغرفه وگعدت ؏ السرير وماحچيت كلمه لان عصبيه بكر ابد مو مال نقاش واستفسر الصار، ظل يلوب بالغرفه يروح ويجي، عظ اصبعه السبابه بقوه وگال بحرگة گلب

-اخخخخخ اليوم اشعلچ وعلي لوما عميد متدخللل

استجمعت قوتي وسألت بخفوت

-منو هاي حبيبي؟

دار وجهه عليه وخزرني بقوة

-بكر: مااالچ خصصص لا تدخلييين فهمتييييي

-مو خفت بكر شبيك هيچ معصب؟

-هجرااااااان سلميييي ؏ رويحتچ لا وحگ كافل زينبببب اجي اطلع لوعه سنين انتظاري كلهه بيييييچ!!!!

سكتت وماجاوبته، ماعرف ليش دائماً يگول "لوعة سنين انتظاري" شنو يقصد بهالجملة؟؟ بَـس هسه مو وكتهه اسأل شي، اجه ؏ السرير ونزع قميصه بعصبيه

تمدد ؏ الچربايه ومدد اطرافه ولسه وجهه محتقن احمر وعروگ وجهه ناطه، اجيت بصفه وگلت خليني اهدأه واريحه فَـہ بديت افرك بأيده ؏ الخفيف، باوعلي بطرف عينه وماحچة شي

نزلت شويه شويه ووصلت لرجله هوه دائماً يونّ منهن ومن ظهره يگول يوجعنه من الوگفه بالشغل، حسيته ارتاح وهدأ بَـس هم ماسألت ؏ الصار ولو الفضول نخر گلبي بَـس ميخالف لازم اصبر قبل لا صدُك يطلع حرگته بيه..

**

جسمي يرجف وگلبي مدا اگدر اسيطر ؏ دگاته، صخااام الصخمني وكتهه يجي للجامعه ويشوفني واگفه وياه؟!!

متت بدمي من اجه سحلني من ايدي گدام الكل بالكليه وركبني غصب عني بالسيارة، طلع بيه گبل للبيت واني دموعي گوة حابستهن ماريد ابين روحي ضعيفه گدامه، اسمعله يعيط ويضرب ؏ الستيرن بقوه ويعض بأصبعه السبابه بقوه گلت شويه وينشلع

بألف محمد يا علي وصلنه للبيت ولگيت شهد بوجهي واصله قبلي لان رجعت ويه السايق، اما اني اكيد بكر افندي مراقبني مثل عادته ولاگفني اسولف ويه ولد بقسمي، دخلت للبيت وعفته يبرك السيارة

ركضت من باب المطبخ چان البيت فارغ عبالك طالعين واني ادري الزلم هسه بالشغل، وصلت لغرفتي واني حرفياً اهرول اخاف يعيط عليه لو يرزلني بَـس ملحگت وگفني صوته القوي

-ولللللچ جوااااااااااهررررر

رجف گلبي واطرافي يبست، بَـس هم متنازلت وكابرت وحبست دموعي بقفصهن الي هيه عيوني الزمردية، تجمعت قوتي وطلعت من الغرفه

-نعم؟

-بكر: ولللللللچ هيييييييچ تدگيييين فچ ويه الزلمممممم

-جواهر: بكر صوتك شبيييك!!

-بكر: وعليييي انه الچ اليوووووم

تقدم عليه ولزمني من زندي بقوه وعصره بين ايديه الحديديه المتعود يذبح البهايم بيهه، صوت شهد عله وهيه تصرخ حتى يتركني، قرب وجهي ؏ وجهه وماعرف شنو يريد يسوي او ماريد اعرف

الرحم بحالي دخول منقذي للصاله وصرخ بصوته الخشن المميز

-ولللللك بكككككر ليييييش كااااظ البتتتتت هيييييچ!!!!

نزلت دموعي لا ارادي من شفته، دائماً يجي بالاوقات المناسبه عبالك يعرف حيصير شي، اجه علينه وراد يجر بكر ناحيته بَـس ماگدرله لان مچلب بيه بقوه ويضغط ؏ زندي اقوى، فَـہ اضطر يلمسني وهاي اول مرة بحياته يطخني ومو بَـس طخني حظني لصدره وحاوطني بأيده، بكر تخبل ورجع يعيط وخبص الدنيا ويجر بأيدي احسهه انخلعت، همس عميد بأذني جمله وحده خلت جسمي يقشعر

-عميد: روحي لحجرتچ انه اتفاهم وياه

حررني من حظنته القويه الاحسهه رادت تكسر ضلوعي، واني غايصه بين جسمه الضخم ورغم طولي وسط بَـس واضح الفرق بيناتنه وصايره كتكوت گدامه

ركضت للغرفه وبكر انتهز الفرصه وراد يرجع يسحبني عليه بَـس اجه عميد وحاوطه بأيده نفس مسوالي بَـس هالمرة ايدين بكر صايرات ليوره واني العكس ايديه طبگهن ليگدام ولزمني حيل عبالك عصفور ويخاف اروح من ايده

انفجرت بالبچي وشهد تسكت بيه، وسمعت شنو صار من اجت هجران واخذت بكر وياهه فوگ، نزعت شالي وفتحت شعري احس روحي مخنوگة، تمددت بفراشي واني لسه بملابس الدوام ماريد انزعهن عطر عميدي لزگ بيهن من حظني، احس بالامان من اشم عطره

طلعت شهد گالت تشوف شكو ماكو، ووره شويه رجعت گالت البيت كلهم طالعين يزورون فتوح ونرجس ببيتهن ويجوز يرجعهون ويجون اهووو يعني رح يرجعن الغضببب، غمضت عيوني اريد ارتاح وماحسيت اله ؏ طرقات باب غرفتي

مشطت الغرفه بعيوني ادور ؏ شهد بَـس چنهه مو بالغرفه، نهضت روحي ولميت شعري بعشوائيه وجبته لصفحتي اليمنه، سمحت للطارق بالخول وتفاجأت من شفته واگف بباب غرفتي يباوعلي

رمشت عدة مرات اريد اتأكد من الي دا اشوفه حقيقي لو اني لسه دا احلم؟!! عميد الدين بغرفتي؟!! ولا مرة مسويهه ولا حتى يتعده من الغرفه اله بيوم الاسود من تعاركت ويه فتوح وحلف ميحاچيني ابد وهسه صارلنه اربع اشهر محاجين ويه بعض حالنه حال الاوادم

مشط شعره بأصابع ايده وبرم شواربه التزيده رجوله وجاذبيه

-عميد: احم علويه من رخصتچ اريدن احاچيچ

ابتسمت بأستهزاء وصلت بيك تصيحلي "علويه" من يمته هااي لو هيچ متگدر تگول اسمي

-جواهر: تفضل

-عميد: زاد فضلچ اءء.. تعاي شوي بره

-حبيت اغثه: سيد تريد تحاچيني اهلاً وسهلاً بغرفتي متريد مابيه اگوم وياك

تنفس بقوه وفرك وجهه

-عميد: علويه جواهر انه محترمچ وجايلچ بنفسي احاچيچ فَـہ لخاطر الكعبه تعالي بره ونسولف حالنه حال الوادم!!

-والله يا سييييد عمييييد (اكدت ؏ الكلمة) انته حالف منحچي ويه بعض نسيت لو اذكرك؟؟

-اووووف ولچ كسرت حلفاني من زمااان وصمت كفارة همات وانتي لساچ تحچين بي!!

-شون حلوو وصارلك اربع اشهر حتى هلوو متگولي!!

-ليش انه شفت دربي بهالاربع اشهررر ؏ گولتچ؟!!

-والله اني معليه وكلمه هلوو جوهرة شلونچ مراح يسويلك شي، واعيد واكرر ماگوم وياك!!

-ولچ شون ادش لحجرتچ ونگعد وحدنه موش حلوة بويه واگفه

-گتلك مابيه اگوم لان كُلش تعبانه وحظرتك گعدتني من نومي، تريد نحچي بوقت ثاني

-اويلي من عنادچ ولچ شني هاي ما تتنازلين شوي!

-تؤؤ عود من انته تبطل عناد اني افكر ابطل

لمحته ابتسم ومسح لحيته وحلگه حتى يمحي ابتسامته، واني رجعت تمددت وتغطيت

-جواهر: طفي الضوه قبل لتطلع نسيته مفتوح الظهر

فتح عيونه متعجب من تصرفي، ايي تستاهل بعد كله هيچ اتصرف وياه كافي سحلت روحي سحل عليه وهوه ولا يمه السالفه، هز راسه وطلع وطبگ الباب، صحت

-الضووووة نسيييييت تطفييييي

رجع فتح الباب ومد راسه منه، گال بأبتسامه مكر

-عميد: لا مانسيت تعمدت تردين گومي انتي طفي انه مابيه

طلع مرة ثانيه وانوب عاف الباب شويه مفتوحة، يمااااا متتت من القهررر عود يسويهه السالفه وحده بوحده انييي اعلمممك، رغم شگد معصبه بَـس ضحكت ؏ تصرفاته احسه يرجع طفل ويايه ويسوي سوالف حهال واني هم اسويهن بعناده

(ياخي حلوووين🤤🌚♥️)

ماگدرت انام فَـہ گمت بدلت ملابسي، لبست بجامه حمرة منقطه بأسود وتيشيرت نص ردن اسود، عفت شعري مفتوح وحطيت عطر هادئ وكحلة خفيفه خاف اصادفه بره ؏ الاقل يشوفني حلوة ومرتبه

طلعت للصاله مچان اكو احد وشهد هم مختفيه اكيد صاعده عد جوري فوگ، رحت للحديقه وتذكرت عندي امتحان باچر فَـہ رجعت اخذت الملزمة من غرفتي وطلعت بيهن للحديقه وجبت ويايه نستله Xo كلهه عباره عن ككو اموت عليه وقبل لا نتعارك اني وعميد چان يجيبلي دائماً من يجيب لرهوفه وغزل

گعدت بالمرجوحه اتمرجح وبيدي النستله والملزمة بالايد الثانيه، اموووت من مادة التشريح شگد نخصه ولا تنفهم كلهه عباره عن درخ واني عيني شلوني بالدرخ اخبللل

يأست افهم منهه شي وحتى ماگدر اروح اگول لعميد يشرحلي خاف يفشلني فَـہ بقيت گاعده وحدي وآكُل بنستلتي محد يفيدني غير الاكل

سمعت صوت نحنحه خشنه ورايه وكأنما شخص يريدني انتبه عليه، ابتسمت وبرمت خصلة من شعري مثل عادتي من اخجل، گلت بصوت متلاعب

-هااا تنازلت واجيت

-اي

درت وجهي واني ؏ نفس الابتسامه بَـس سرعان ماختفت من شفته گبالي!! اخر انسان اريد اشوفه هسه، رجعت وجهي ليگدام وگلت من وره خشمي

-خيير؟؟ تذكرت رزاله واجيت تريد تگولهه خاف تظل بنفسك

تقرب عليه وگعد بصفي ؏ المرجوحة، عيونه عليه ويفر بأيده

-بكر: هه والله يا الله فوگما شايفهه واگفه تحاچي الگو*** مالهه والهه عين وتحچي

-احترم نفسك بكر وعيب هالكلام!!! اولاً الولد زميلي وعادي مجرد سألني سؤال!

-الللله اول مرة اعرف "احبچ جواهر" سؤال!!!

بلعت ريگي بتوتر بَـس حافظت ؏ اعصابي

-بكر اسمعني يعني الولد حباب ومسوه شي

-ولچ لااا تخبلييييينيييي جايچ ومتعنيلللللچ ويگلچ احببببچ كل هذا وماسوه شي؟!!!!

-لا اسمعني د اوگف يا عيني خليني افهمك

-مااااريدچ تفهمييييني جواااهر انه گوة كاظ رويحتي خاطر ما افنيچ من الوجود فَـہ احچي احسن ما اروح اسمع من الغرب ياهووو هاذذذ وشني بينچ وبينه؟؟!!

-ولك شبييييك هذا ممثل شعبتنه واجه گالي اريد اسألچ سؤال وبنص السؤال گالي احبچ يعني شسوي شنو بيدي اني؟!! حتى مخليتني اتفاهم ويه الولد سحلتني گدامهم بهالطريقه ورزلته وردت تحطه وتكتله شنووو متگولي شبيك انته!!! مخبلللل!!!!

-اييييي مسوووودن ومسوودن بيييچ وانتتتي تدرييين وانه ادري كلللش زين ياهو الخلف بوعده وشرد مني!!!!

-بكرر عوف هالسالفه اني گتلك ماعندي علم بهالشي!!! هسة احنه موضوعنه ليش فشلتني هيچ

ضرب فخذه قوي خلاني انز وجر ايدي حطهه ؏ گلبه

-ولچ حسييييي حسييي بهاذ حسييي بي ورحمي بحاله

-بكر هد ايدي شبيك!!!

-من انعل ابو بكر لابو الخلفه ولچ احبببببچ اعششششكچ ومسووودن بيچ شماالچ ماتصدگين!!!

-عييب هالحچي انته متزووج وهاي خيانه

-ولچ انعل ابو الخيانه لابو العشگ لابو كلشي بهالدنيا

-اففف وخرر بكر دتأذينيي ايدي توجعني

هد ايدي ورجع يضرب بفخذه ويعظ بأصبعه

-ولچ ااااخخخخ اااخخخخخ منچ اخخخخخ

گمت عنه وجرني عليه وگعت بحظنه، خفت وتوترت وردت اگوم بَـس ميقبل لازمني حيل من اديه ثنينهن، دعيت من گلبي عميد يجي قبل لتصير مصيبه ويجي واحد يشوفنه بهالحال

-جواهر: بكر فدوه شبييك وخر عليك الله هدني حباااب وخرررر

-اهجعيي دقيقتين خليني اشمممچ

-لااا وخر شدتسوي انتتته بكررررر

دافن راسه برگبتي ويستنشق عطري بقوه، واني مستمره اصارعه بأيدي واحاول اگوم من حظنه، فاجأني من گال

-اشتعلو مروان وخلفته عود انتي بت وهجران بت

(بنات لخاطري لزموا اعصابكم😩💋)

-نترت بي: انته متستحيييي شنووو هاااي وصلت بيك تقارني ويه زوجتتتك!!!

-انعل يومي ويومهه ولچ هيه شني تجيبهه الچ تخسييي هيه والخلفوهه مايوصلون ظفرچ

-بكرررر عييييب استحييي شويييه انته شنو من شي ولكككك حرام عليك البنيه تموووت عليك وتشوفك احلى شي بحياتهه هيچ تحچي عليهه!!!!!

-زين ماحچي عليهه بَـس بشرط!

-انوب يتشرط شكووو گووول؟؟

-تتزوجيني!!

-لاا انته مجنون رسمييي داده اني مقبلت بيك وانته عزابي اقبل بيك وانته متزوووج وشلووون مرة عندك وصارت صديقتي!!! روح احلم بعيد عني حبيبي رووووح

-افقد عليچ من تگوليلي حبيبي

-بكررر لتنرفزنييي اني هاي الحچايه اگولهه للكل حتى لعميد لان متعوده عليهه وماقصد بيهه شي

-بكر: ادري بَـس هاي الچلمة مصبرتني ؏ الضيم وع عيشتي ويه هجران

اخيراً گدرت اتملص من عنده وگمت، راد يرجع يجرني وگتله اگعد بصفه ويحچيلي عمي راضيه بَـس خلي يستر عليه

-بكر: تدرين جواهر شني الاتمنى؟؟

-ممتزوج هجران صح؟؟

-لا غلطانه اصلاً احسن شي سويته بحياتي من تزوجتهه، ؏ الاقل تحبني ومدللتني وشني الاسويلهه ماتحچي ولا تفك حلگهه عكسچ تماااماً

-اييي حلووو لعد شكو لسه تطرب عليه اللتفتلهه ترا هجران ورده والله متحصل منهه وحلم كل رجال زوجة نفسهه

-اخخخخ بَـس موش حلمييي!! انتييي حلمييي

-واني مو الك بكر بسس عاد اصحى ؏ زمانك وافتح عيونك ؏ الانسانه التحبك بكل خبالك وحاول تتغير شويه

-ههه تدرين بيه خبل ولچ ماگدر اتغير

-اي ادري بيك وشوف سالفه احبچ جواهر بطلهه حباب عليك الله عوفني بحالي

رفع حواحبه وهز راسه بـ "لا"

-ما اعوفنچ للموووت لحدما يطببوني بلحدي ياله اعوفچ وراح اظل وراچ وراچ لحدما ابزعچ وتتزوجيني، تعااي صگد تذكرت جايبلچ هديه

-انوب هديه شنو مناسبتهه عيونيي؟؟

-هيچ حبيبتي واريدن انطيچ هديه

-مو هوه بكيفك!!! روح انطيهه لهجران تفرح بيهه احسن

-لا لا الچ هاي بَـس نطري باچر اروح واشتريهه صارلي شكثر ادور عليهه مادري وين يبيعون منهه

(دتفكرون بلي دا افكر بي؟؟🥲🤝)

-جواهر: خرببب حظيييي فوگاهه ممشتريهه

-هههههه يرويحتي لا تستعجلين ومتأكد راح تحبيهه

-بكررر لا تحچي هيييچ بله احد سمعك ترا موتتنيييي

-اسم الله عليچ يومي گبل يومچ ان شالله

-تدري مو صوچك صوچي اني الي لسه احچي وياك واسولف طبيعي وماتغيرت معاملتي وياك من يوم العترفتلي بي لسه

-حتى اطرچ نصين وعلييي اذا تغيرتي جواااااهر لا تخبليييني ترا والزهرة اروح اكظ هجران واذبحهه

-صخااام ولك شنو هالحچييي البنيه شعليهه؟!!!

-اييي انه حذرتچ بعدد انتي مو تگولين صديقتي واحبنهه يله خليني اشوف

-درووح بابا خليني اولي ادرس اشرفلي

گمت عنه ودرت وجهي اباوعله غمز وعظ ؏ شفته السفليه هفففف نرفزنييي، دخلت للبيت وشفته گاعد بالصاله يقره قرآن بصوت ناصي شگد اعشق صوته الحنون، تقدمت عليه وگعدت بصفه

-احم يله مو تريد تحاچيني اسمعك

صدق وباس المصحف وحطه ؏ الطاوله البصفه، حط رجل ؏ رجل وطلع باكيت الجگاير من جيبه وسحب وحده وشعلهه، اخذ منهه نفس وگال بجمود

-عميد: ماكو لزوم شفت بكر يحاچيچ

لا ارادياً انفتحت عيوني من الصدمه، واحس گلبي زادت دگاته من الخوف بَـس لا شافني ويه بكر من چنت بحظنه!! گلت گوة واني احاول اسيطر ؏ روحي

-شـ.. شوكت شفتني؟

-هسَّ

-اءء اي يعني شوكت بالضبط؟

دار عيونه يباوعلي ورفع تك حاجب مبين استغرب من سؤالي، رجع سحب نفس من جگارته صح اختنگت واحس صدري قبط من الدخان بَـس محچيت وتحملت لحدما اشوف شوكت شافني وشنو الطرگاعه المنتظرتني

-عميد شو سكتت؟؟

-لان جاوبت سؤالچ وگتلچ هسَّ!!

-اييي افتهممم بَـس شوكت بالضبط اني شنو چنت اسوي؟ واگفه، گاعده، افتر، اصخم اللطم؟؟!!!!

-ههه ولچ شمالچ چنتي گاعده بالمرجوحة وبكر بصفچ

-تنفست بأرتياح: هاااا اووّك ماشي هسه متريد تحاچيني؟

-تؤؤ

-شوكت عمليتك؟

-مادري

-يعني لشوكت تظل تأجل بيه؟!! كافي موزين اله يصيرلك شي!!!

-ماعندي وكت

-هففف عوف الشغل عوف الناس عوف كلشي عمييد شبيك هاي صحتك!!! زين گلبك لسه يوجعك؟

هز راسه بـ "اي" عصبت كُلش وصحت

-جواهر: اذااا گلبك يوووجعك شكووو تدخنننن؟؟؟؟ الدكتور مو گلك لا تدخن بعددد ولازم تترك!!!!

-ضايج

-اي اطلع روح للمحل غير جو مو تأذي صحتك علبو ضايج!!

-عميد: ماگدر اطلع راح يجوني خطار

عرفت بي يكذب لان بيبي الصبح سألته اذا يجوله خطار لو لا وهوه گال لا ميستقبل احد لان حالته مو تمام، وادري بي بقه هنا علمود منبقه وحدنه ويه بكر

-جواهر: عميدي شسمه ردت اگولك ؏....

ماكملت الحچاية لان دخل بكر الكشره من الاذن للاذن عبالك رابح اليانصيب، اجه علينه وگعد بيني وبين عميد لان اكو مسافه بيناتنه، حط ايده ؏ چتف عميد وايده الثانيه راد يحطهه عليه بَـس بسرعه ابتعدت، گال بحماس

-بكر: الاحبهم گاعدين يسولفون سووه

ابتسمله عميد مجامله واني گمت لان ماتحمل وجوده ووجود عميد سوه، صاحني حتى ارجع

-بكر: وين رايحة تعاي اسولف وياچ

-جواهر: عندي دراسه من رخصتكم

-بكر: ولچ مشتااگ تعااي...

-قاطعه عميد: مرخوصه بويه روحي درسي (اندار لبكر) وانته يله نطلع من البيت

-بكر: ماريد اطلع اليوم عاجبني ارتاح هنا

-عميد: بكررر امشينا نطللع لا تكدرني!!

-بكر: هههه شمالك ولك تنافخ يله امشينا

طلعو واني واگفه بباب غرفتي چنت اسمع حديثهم، مديت راسي من الباب اشوفهم راحو لو لا.. طلعت من الغرفه ورحت اشوف شي اكله جوعانه متغديت وياهم لان چنت نايمه، شفت علبه تونا اخذتهه وحطيتهه بصمونه واكلتهه، ابتسمت من شفت الصمون خطيه يجيبون علمودي وعلمود شهد لان يدرون بينه منحب الخبز وهمه بطبعهم يخبزن النسوان، رجعت لغرفتي اكمل دراسه لا ينلعب بيه طربه بالامتحان باچر

**

"هجران"
گاعده وحدي وضايجة ماكو شي اسوي، رحت اشوف جوري چانت تسبح وشهد گاعده ؏ چربايتهه تگلب بموبايلهه، فكرت انزل لجواهر بَـس خطيه عدهه امتحان خاف اللهيهه فَـہ گعدت بغرفتي وسكتت

اتصلت بأمي وسولفت وياهه وندى هم حاچتني، طبعاً ماما مافتحت موضوع خطبتهه من عميد الدين ولا گالتلهه لان گالت بعدهه صغيره وعقل ندى صغير لا تروح تفشلنه ويه الرجال، ونبهت امي هوه يحب وحده فَـہ ماما كُلش خرب واهسهه تگول خاف لسه بباله ويهمل ندى

سدينه الموضوع نهائياً، گلت لخاله انتصار وخفت تزعل بَـس چان العكس حسيتهه فرحت من رفضنه، تعجبت من تصرفهه وبحوشت منا ومنا وسألت رهف گالت ابوهه اصلاً ماعنده علم بأمه من خطبت ندى وكُلش زعل من افتهم بالسالفه يگول عنهه كُلش صغيره ومتوالمه

كملت من مكالمتي ونزلت اسوي العشه ويه عمة دلال انقهرت عليهه شفتهه گوة واگفه فَـہ گلتلهه تروح ترتاح من الصبح طالعه علمود يجيبون فتوح وبتهه نرجس وبالگوة اقتنعت ترجع وياريتهه مارجعت هالمرة ماعرف شبيهه ويايه وليش تحب تضوجني؟!

چنت واگفه اگلي الكباب واجت جواهر تشرب مي، سولفنه شويه ؏ الواگف وقاطع سوالفنه جيت نرجس

(اجت العايقه😶🥵)

-نرجس: هاااا الدااايحات يسولفننن

-جواهر: والله ماكو غيرچ دايحة وبلا تربايه

ظلن وحده تصد ووحده ترد واني ساكته، جواهر مكفيه وموفيه بلسانهه وحبيت شلون دافعتلي من گامت تعييّر بيه نرجس لان لسه ماحبلت

-جواهر: گبووور مو گبر واحد يطمچ ان شالله ولچ انتي بكامل قواچ العقليه؟!! البنيه صارلهه كله كم شهر متزوجة

-هجران: نرجس شبيچ ليش اريد جهال هسه خليني متونسه ويه بكر

ضحكت ضحكة لليوم ترن بأذني، غبائي مخلاني استوعب الگالته بوكتهه، گالت بأستهزاء وهيه تهز برگبتهه

-نرجس: متونسه ويامن؟؟؟ ويه بچررر الي من حظن مرة لمرة ههههههههاااااييي

-هجران: لهنااا وبسسس نرجس شبيچ وياااه ليش تحچين عللليه!!!

اجت فتوح وصوتهه يلعلع، تصفگ بأيديهه المليانه ذهب يمكن ماكو سوار ومحبس ملابسته

-فتوح: اهااا هااا ؏ عننناد العوووواذل واليكرهووون جينه وردينه لبيتنه بييت خيمتنه وسندنه

-جواهر: هههههه هوااي مصدگة روحچ انتي هوه منو اللزگ لعميد وتتصل بي ليل نهار حتى يرجعهه؟؟ هااا منووو؟؟؟

-فتوح: انلصمييي يالساقطه يالگحـ** ماسمع حسچ لا تلوثين اذاني

جواهر انگلبت بركان وگامت تعيط وتتعارك وياهه بالكلام، حسيت لازم ادافعلهه ايي هاي صديقتي ودافعتلي قبل شويه لازم اراويهه اني صدُك احبهه وما ارضى عليهه

-هجران: عمه عيب تحچين ؏ جواهر هيه شمسويه البنيه؟

-فتوح: انتييي انطمي يبت الچايچي (يبيع چاي) بت صباااح العگربه لفت ؏ فااارس وخذته خافت تعنسسس وسوت نفس الشي ورادت عميّيد الچ والحمد لله ماااصااارت

فتحت عيوني بذهول، هاي شگالت؟ مدا افهم شي؟ گلت بأستغراب

-عمه مافهمت شنو منو رادني لعميد؟

-نرجس(بضحكة شريرة): ههههههههه گولي ماچنتي تدرين ان رادو يخطبوچ لعميد الدين

-هجران: لا والله مادري بشي هاي شووكت؟؟!!

-فتوح: بعدد بعددد چذبي اكثر مثل امچ العگربه!!! رببببچ ما خله قسمتچ تصير ويه عميدي چا هسه انتي الشيخة هه والله جگمة وماعدهه شخصيه وچلمتين ماتعرف تحچي وتصير شيخة

-جواهر: انتننن شنووو شگد كذااابات مستحيييل عميد راد يخطب هجراان چان مو عمو خليل خطبهه لبكر!!!

-نرجس: لااا راد يخطبهه وشرط ؏ امه يحاچيهه بالاول خاطر يشوف منطقهه وچلامهه ليييش ست هجران عميد ما حاچاچ؟؟!

صفنت اتذكر يوم خطوبتي لبكر شنو صار؟ صدُك عميد حچة ويايه وحتى تلافه الكل وطلع يدخن بره من چنت اغسل الطرمة واجه حاچاني وقطع حديثنه غزل، وحتى نظراته عليه وكلما تلتقي نظراتنه يبتسم، عقلي صار طبل وعيوني گامت توجعني ماعرف شصارلي يمكن نزل ضغطي، رجعت لوعيي اثر هزت جواهر الي

-جواهر: هجرااان هذا الكلااام صحيح؟؟؟ گوووولي صدوووك عميد يحبببببچ ويرييييدچ؟؟؟؟!!!

هزيت راسي بعشوائيه ماعرف اگول اي يحبني لو لا مجرد راد يخطبني حالي حال أي بنيه عاديه، ماگدرت احچي شي تركتهم وركضت لغرفتي ماريد شي بَـس اتمدد لان احس چاگوچ ويدگون براسي

ثواني وانفتحت باب غرفتي بهمجية، چانت جواهر عيونهه مغورگة دموع وگوة تحچي، هزتني قوي وگالت بصوت مبحوح

-هجرراان عليچ الله گولي كلامهن كذبب فدوووه گوللللي لا تموتيتي هجرااان حبيبي يحبببچ الچ!!! ويشوفچ كل يوووم وانتي ؏ ذمة ابن عمه شلووووون!!!!

طلع صوتي ضعيف واهن

-مادري جواهر، مادري! اصلاً شلون يحبني واني شايفته مرة وحده بَـس

-حبابه تذكري مشايفته مناا منااك خاف ملتقين بمكان ثاني!

-لا والله وحتى اول مرة شفته چانت عيني لا ارادي تروح عليه لان جذبتني ملامحه وابتسامته دليل ؏ ان اول مرة اشوفه!!

-اووووف حمموووت حطگ وامووووت

-لا جواهر لتبچين واذا طلع كلامهن صح اني بعد متزوجة بكر واحبه واموت عليه

-وهوووه هجرااان وهووه!!!! ميحترررگ گلبه من يشوفچ ويه ابننن عمه كلللل يوم!!!!

-لا لا ماتصور اصلاً ليش يحبني!! شنو الحببه بيه جواااهر شبيييچ

ماحچت شي طلعت من الغرفه وظليت وحدي اضرب اخماس بأسداس، مدا اكدر استوعب الديصير!! زين اذا چان عميد يحبني ليش قبل بكر ياخذني!! ليش ماحارب لخاطري، ليش جازف بحبه وانطه اليحبهه بصحن من ذهب لأبن عمه!!

عشت اسوء اربع شهور بحياتي من بعد ماعرفت هالخبر، حتى مالتقي بي الا ما نَدر وهوه بَـس يبتسم ويسلم عليه بكل ادب مثل عادته، حتى من سوه عمليته تحمدتله ؏ السلامة واني منزله راسي مارفعته، مادري ليش نفسي متتقبله واني اعرف يجوز عنده مشاعر تجاهي

بهالفترة صحتي كُلش سائت وحتى اكل ما آكُل طبيعي، وجواهر انقطعت اخبارهه عني من يوم الراحت لبغداد بعد ماخلصت امتحاناتهه لسه، ما اللومهه وهيه تعرف التحبه يحب صديقتهه

نزلت اساعدهم بالغده وشفت الدنيا ملگوبه جوه، سألت غزل شصاير گالت ديحظرون لسنوية سيد عباس الله يرحمة (ابو عميد الدين) افف شبسرعه مرت سنه من يوم صارت نهوة غزاله ؏ مرتضى!

هسة احنه بسنه 2013 شهر التاسع يوم 7 والكل ملتهي لان باچر العزيمة الي يسووهه كل سنه، فرحت لان اكيد جواهر وشهد رح يجن بلكي ترجع علاقتي ويه جواهر وترجع صديقتي واسولفلهه كلشي وهيه همات، بحياتي مصارت عندي صديقة لان دائماً البنات يتجنبني وچنت ابچي واروح لامي اگولهه لان اني موحلوة محد تحبني وتريد تصادقني

بَـس جواهر الوحيده الي تسولف ويايه وتنطلق بالحچي وتحسسني اني انثى طبيعيه حالي حال البنات، اعجز بالكلام عن هالبنيه ومن يوم الفتهمت بعميد راد يخطبني لحد هذا يومي اني ادعيلهه بكل صلاتي ربي يلين گلبه عليهه ويحبهه ويتعلق بيهه لانهه تستاهل، وادري رح تحطه بعيونهه مثل محاطه بنته

من الليل النسوان بدن بالطبخ علمود عزيمه باچر، والصبح هم نروح منا ومنا واركض بين الخطار وانظف حتى اهلي ماشفتهم زين، چنت منتظره دقيقه دقيقه يجون بيت حجي اسماعيل ومن اجو انصدمت من شفت بَـس امهم وشهد جايات، ومن سألت ؏ جواهر گالت مريضة ومتتحمل الطريق

والصدمني اكثر من شهد گالت جواهر دتحاول تسوي نقل لجامعه بغداد متريد تكمل هنا لان اكو شغلات دتزعجهه اني فوراً ربطت قصدهه عليه، ماتحملت هالكلمة ورحت لغرفتي وانفجرت بالبچي الصديقه الوحيده الكسبتهه حتروح عني وراح ابقى وحيده وارجع احارب نرجس وفتوح ولساناتهن واهاناتهن اليه

خلصت العزيمة ومشت الايام وحالتي جاي تدهور وحتى نفسي تلعب ماتحمل اشوف دم بَـس شسوي اذا ما اغسل الگاع وصدريه بكر يگومون يحچون عليه ويگولون عني فاهيه، صح غزاله متقبل وتساعدني بَـس هم استحي منهه لان خطيه هيه عليهه تنظيف الديوانيه والحديقه كل يوم

اجو الولد من الشغل ورحت اخذت بوت بكر اغسله بالحديقه، جبت فرچة اسنان وسفنجة لان اكو طگع دم لازگة بي، بديت اجلف بي واحس معدتي تگلب وگوة لازمة روحي

ماتحملت ريحة الدم ومنظره وذبيت كل التغديته قبل شويه طلعت روحي واني اتقيأ، ماحسيت ؏ روحي اله واني ابچي تذكرت كل شي مريت بي وجفاء بكر الي اغلب الايام ومن اتقربله يگول تعبان لو يريد ينام وحتى ايام تجي ميسولف ويايه ودائماً باله شارد، لو جوري الي دائماً ملتهيه وتتنسه ومتتحمل تشوف احد، لو جواهر الي حيصيرلي خمس اشهر مشايفتهه ولا سامعه صوتهه كل هذا اللتم عليه واحس روحي غريبه وماعندي احد بهالدنيا

سديت الصونده وگمت ادخل جوة، انفتحت باب الحوش بطريقه وحشيه، درت وجهي اشوف هاي منو يفتحهه هيچ، تفاجأت من شفته يدخل وجهه ميتفسر ومدمى عبالك مكتول، شعره مخربط وملابسه مشگوگة، تقدم ناحيتي وگال وهوه يلهث

-وين الزلم؟؟

يتبع☘️...

♛ ♛ ♛ ♛ ♛ ♛ ♛ ♛ ♛ ♛
توقعاااتكم حبايبي🌚🤝؟! منو هذا الاجه مكتول وتتوقعون هجران رح تبقى ؏ هالحال لو يتغير شي؟😎
ولتنسوون التصويت😁

احبكم وااايد وااايد😋♥️.