رواية شكلين مابحكي الفصل التاسع 9 - بقلم ورود الخالدي

#شكلين_مابحكي

البارت8

#ورودالخالدي

احمد:::

اجه..الخميس ممصدك اليوم رايح اخطب حبيبتي..اتفقت..ويه عمامي وولدهم واخواني وابويه ننجمع ساعة..3ونص..ونحرك ب4لبيتهم رحت للحلاق..حلاقة حلوة وفيكات وبدلت وتعطرت اجمعنا..ورحنا..وصلنا لبيتهم..نزلنا استقبلونه ابوها..واخوانها..الصاله مالتهم زغيرة كفتنا..بالكوه..عمي سولف بموضوع الخطبة وابويه هم حجة اني ساكت بس..كلبي..يدوك..خاف تطلعلي سالفة صفح..وارتاحيت..من كال ابوها.:

.عمي مبدئيا..احنا ماعدنا كل مانع بس بقت شغلة نسأل عليكم....لان بصراحة ما النا عرفه بيكم كبل وبعدين ناخذ راي البنيه وانشاء..الله مكضيه ببركة الله ورسوله؟؟

عمي كال:

وشوكت..ادزونه خبر:

ابوهه كال:

عمي..احنا..نخابركم..بس خلو يمنا رقم موبايل..

اخذو..رقم ابويه وعمي..

طلعنا من يمهم..اوف مرتاح..وكلبي يرفرف من الفرح..بالليل خابرتها..سولفنه خطيه هي هم طايرة من الفرح..بقينه 3ايام نتخابر..رابع..يوم..ساعة10خابرتني صوتها مخنوك..ميته بجي..قلقت:

شبيج..حبيبتي..شبيج.تبجين بعد عمري..

حمادة..شحجيلك..والله والله ما ادري..

لج وكعتي كلبي شبيج..

حمادة..يمكن شغلتنا..خربت؟؟

خربت شنو..
ما ادري..ماادري..

واختنكت بعد متكدرتحجي..

فرح شصاير؟؟

حمادة..اني ماعندي حظ..ماعندي..

خرررب..شبيج.لج احجي..حطمتي اعصابي..

ما اسمع بس صوت نفسها وتناشغ كلبي انمرد؟؟

فرح..انتي وين..هسه

اني...اني..ب..بالبيتونه فوك؟؟

زين ..خو..محد من اهلج كاعد

لا...لا..كولهم نايمين؟؟

انتظريني جايج..لتنزلين؟؟

لا لتجي..؟؟
.انجبي..

سديت الموبايل هي تتصل..واني ما اجاوب..ركضت صعدت سيارتي وطرت..بيهاوصلت..لبيت صديقي..وركض..للصطح نزلت على كيفي..مشيت وصلت يمها..فزت من شافتني..

احمد ليش جيت؟؟

هسه معلينه ليش جيت ..شبيج..... حبيبتي..شبيج.وكعتي كلبي..

احمد...احمد..

خطيه مختنكة حيل كلمة متكدر تحجي..

فروحة..كلبي..روحي..عمري..سكتي..
سكتي لخاطر الله هسه..اريد افتهم منج..شصاير....اخذي نفس..ارتاحي..

اووف جرت نفس وحجت:

احمد..ابويه..بطل بعد مينطيني الك؟؟

ليش شصاير؟؟

اول البارحة..راحو اخواني ..يسألون عليكم رجعو..كالو خوش اوادم..وهاي هيه ننطيهم...مرة..بس..اليوم طلعت نهلة مرت اخويه راحت تنبش..وراكم رجعت مدري شكالت لاخويه طلع من غرفته متخبل..يكول..ممنطيهم مرة سمعتهم..موزينه؟؟

احنا...احنا سمعتنا..موزينه؟؟

العفو..حمادة هو..يكول ع اساس وحدة من عماتك كبل كم سنه ناهبة..وي واحد..وانفضحت؟؟

عمتي ناهبة؟؟..استغفر..الله منين جابت هالحجي..صح قبل14سنه وحدة من عماتي حبت واحد..بس مانهبت ولاشي..جدي عرف بالشغلة والرجال خطبها..واتزوجو..عادي..وحاليا همه عدهم كومة ..جهال..

بعد...هي جذبت يجوز وزودت حجي من عدها..

اليوم اذبحها..والله اذبحها واذبح..اخوج..الي يحجي بعرضنا..ويشوه سمعتنا..ردت اوخرها عن طريقي..وانزل..بس هيه شبكتني..

لا..لا..احمد لا..فدوة لتتهور..اذا تحبني..راح تزود المشكلة..ويمكن انحرم منك للابد؟؟

ولج..وخري..عن دربي..واليوم اموتها..هالبت الكلب؟؟

احمد على بختك..نصي صوتك..يعني متفكر..بيه..اني ما.الي خاطر..يمك؟؟

اوف شابكتني متريدني  انزل خطيه تناشغ..ودموعها يجرن كلبي انكسر..رفعت راسها باوعت..بعيوني؟؟

احمد..لخاطري اهده؟؟
وج شلون يعني اسكت يعني..مرت اخوج..تحجي بالباطل بعرضنه هي..واخوج..واسكت..ولج..تريدني انحرم منج..واسكتلها؟؟

احمد اذا نزلت..صح راح تاخذ..حيفك منها..بس اهلي راح يكتلوني..راح يعرفون بيني وبينك علاقة..راح ننفضح..احمد فكر..فكر..بيه..

ولج..لو ما انتي..واكفه كبالي..جان هسه نزلت..فنيتهم فني..

كوله من نهلة تكرهني وتغارمني..من شافت حالتكم زينه احترك..كلبها ضلت تنبش وراكم ...وادور بتاريخكم..ادور..شرف..مسويه نفسها اشرف الناس..وتحشي براس اخويه..وهي..والله..والله لو اخويه يدري بسوالفها..جان..ذبحها..لو طلكها..وشمرها..بالشارع؟؟

شلون يعني مفهمت..
خطيه تحجي وتبجي..لازمها من خصرها..وعيونها يلمعن بضوة الكلوب مال البيتونه♥♥

ولو هي..مرت اخوية وميصير احجي عليها بس الله شاهد حجيي كوله صدوك

احجيلي..لتخافين؟؟
هي خفيفه حيل..وعدها فايبر..بيه كومة ناس اشكال والوان وعدها موبايل ضامته..ومن طلعت وياها كم مرة للسوك..تتمضحك..ويه اهل المحلات..ودائما تشتري شغلات غاليه..مدري منين تجيب فلوس..ردت اكول لاخويه عليها كلت خطيه عدها.2جهال واخاف تتطلك..

واخوج ميسألها منين تشتري..منليها فلوس؟؟

اخويه النهار كوله بالمحل يجي بالليل تعبان والصبح يغبش..ميدري شيصير ميصير؟؟

فرح..عندج رقمها؟؟

اي عندي

انطينياه؟؟

ياااا...احمد شتسوي بيه..

انطيني رقمها..ومعليج بالباقي..

ردتلي الرقم..حفظته عندي

ضليت اباوع بوجهها

احمد..اخاف انحرم منك؟؟

ولمعت عيونها بالدمع من جديد..مديت ايدي مسحت دموعها..

هالكد تحبيني؟؟

اي..والله احبك♡♡

شلت ايديها..

هذني اديج الحلوات شكم اصبع بيهن؟؟

10غير؟؟

احسبي 10ايام..بس..اجي اني واهلي واعقد عليج؟؟

هاااا..شلون؟؟

كتلج..10..ايام واحسبي نفسج مرتي وحلالي؟؟

اي بس شلون؟؟

انتي معليج..شلون..اني فد يوم كلت كلمة وصارت..اثنين؟؟

لا..

زين..فد..يوم وعدتج..بشي ومنفذته

لا..

لعد اطمني..يبعد روحي..ولتبجين..كتلج..انتي الي..لو اعرف موتي..على مودج؟؟

اسم الله عليك حبيبي..

افيش..شكد حلوة هاي مال حبيبي

بالمناسبه..شعرج..يخبل..شكد اشتاقيتله؟؟

انتبهت حجابها واكع على متونها..

ياا....... ياااعزة حجابي واكع؟؟
رأسا..لفت شعرها الحلو؟؟

ابريني الذمه احمد؟؟

هههههه لا ما..ابريج..الذمه..هسه جنتي شابكتني..شنو ابريج..الذمة؟؟

ياعززة شكد عيب..منك؟؟

هههههه لج شنو عيب..انتي الي..وحق هذا الله..
دنكت..جريتها من ايدها...وحضنتها..

فروحة..هاي اخر مرة اشوف دموعج بيها ريحي بالج..ارتاحي..ومثل.مكتلج..عشرة ايام..وهاي..الدوخة كولها تنتهي..واخذج من ايدج واخلي اصبعي بعين اكبر..واحد

رفعت راسها..تباوعلي؟؟

الله يطمن كلبك..وميحرمني ..منك بعد عمري..
بستها بكصتها..وكلتلها :

راح اروح..هسه..بس اوعدج.اله اخلي نهلة تبوس بالقنادر..شوفي حبيبج..شراح يسوي؟؟

الله كريم؟؟

انزلي هسه غسلي وجهج..ونامي وارتاحي..ولتفكرين بأي شي..

ماشي..حبيبي..

الله وياج..فروحتي؟؟

ونزلت ..واني هم عبرت ونزلت

اووف كلبي مورم على نهله الا اندمها..الا ابجيها..دم بدل دموع فروحة..قسمت يمين..الا..اخليها تبوس بالقنادر هالكلبه بت الكلب!!
رجعت للبيت..من الصبح رحت اشتريت خط موبايل..كلك..بدون مستمسكات..ساعة 9خابرت ع رقمها..دك..شالته؟؟

الوو..

الوو

شلونج؟؟
هلو..منو وياي؟؟

شالقصة شبسرعة نسيتيني؟؟

ليش منو انت؟؟

صدوك متذكريني لايابذاته؟؟

العغو والله ممركزة؟؟

انتي..مونهله؟؟

اي نهله؟؟

منو انت؟؟

اني..علي..ابو الكماليات؟؟

ياعلي..ما اعرفك؟؟

صدوك راح ازعل؟؟

لعد والضحكات والغمزات..

اني ضاحكتلك ؟؟
شالقصة..موذاك اليوم اجيتي انتي وياج..طفل؟؟

اي اني هوايه اروح للسوك بس ما اعرفك

مو انطيتج رقمي..وكلتي راح اراسلك ع الفايبر؟؟

احتمال؟؟

بس..شكد انتظرت انتي مراسلتيني؟؟

زين منين جبت رقمي هذا..لان هذا رقم البيت محد يعرفة؟؟

شعليج..منين جبته..اي رقم اكدر احصله؟؟

هااا هالكد انت واصل؟

لعد شعبالج..جربيني وشوفي..وين..اوصل بيج؟!!!!!

هههههه..نزول عليك..ضحكتني؟؟

هسه..مكلتليي ليش مراسلتني ع الفايبر؟؟

هااموجهازي عطل..

افه..جهازج..عطل..ليش مكلتيلي؟؟

اي مو عطل احتمال حفظت رقمك بي ومن عطل..راح الرقم؟؟

اصيرلج..موبايل نهلة..باجر..ادزلج واحد؟؟

ياااااصدوك..
اي صدوك شنو عجيبه..

وين بيتكم؟؟

لا..لا على بختك لتجي للبيت؟؟

ها..تخافين؟؟

مو اني متزوجة؟؟

ههههه ادري متزوجة غير انتي كلتيلي؟؟
ها..يعني كايلتلك؟؟

اي..غير كلتلي مزوجة وعندج اثنين جهال؟؟

اي صح؟؟

عيني لتجي اني اجيج للمحل؟؟

لا..مو هالايام..دا ابدل الديكور مال المحل..عمال..وسيراميك..ودوخة؟؟

لعد شلون اخذ الموبايل

تعالي..للصيدليه مال ابن عمي..هاي الى براس الفرع؟؟

ياااا...اخاف حجي توفيق...ابن عمك؟؟

ابن عم ابويه بس اني  اسمي ابن عمي؟؟

اي وشلون اخذه..

اني اخلي يمه..وانتي بس كوليلة من طرف..علي ابو الكماليات؟؟
ياااا..عيب اخاف يشك؟؟

لعد دزي طفل للصيدليه ساعة 5العصر واني انطي اله..خلي بعلاكة اواي شي

ماشي باجر..ساعة5ادز..ابني بيده علاكة زركة  حياكة انت من تشوفة انطي الجهاز لو تخلي بالعلاكة

ماشي..حياتي؟؟

ضلينا نسولف ونضحك؟؟مبينه مو راحة ومكسرة كحوف  الدنيا..وممخليه ابو محل يعتب عليها...الى درجة مشه الفلم عليها وبسرعة صدكت؟؟

ثاني يوم اخذت..ايفون 6وغلفته بغلاف حلو..وانتظرت اجه الطفل بيده علاكة صحته..وخليت الموبايل بالعلاكة..راح يركض لاهله

اسولف ويه نفسي:
اي نهلة اخذي الطعم..حسابج..عسير ان شالله

انتظروا بارت9♡♡♡♡♡♡♡