تحميل رواية «سهم الغرام» PDF

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

يارب اليد باليد وبين الأصابع عطره♥️💍

نذر لعيونك عيوني و حنيني و كُل بگايا الحيل

♡'''''''''''''''♡'''''''''''''♡''''''''''''''''♡

شاهين>> نسيت ما كتلج اليوم سهم

ميار>> اجيت احجي واكوله ادري لان انت دزيتلي رساله بس صدمني من كالي انو سهم جان يم شاهين وساعتين كتله ......زين انت رحت يمه لو هو اجاك

شاهين >> لا هوو اجه عليه للمكتب

ميار>> ماعرفت ليش

شاهين>> لا بس كالي جنت قريب عليك وحبيت اسلم وصديقه جان وياه وهاا صدك حتى بوقتها اخذ جهازي دك على جهازه لانه مدري وين ناسي

ميار>> بعدين لكاه

شاهين>> يي بلمستشفى عايفه

ميار>> اممم شاهينو انت اليوم هم راسلتني لو اتصلت عليه

شاهين>> لا ادري بيج وي صديقاتج وجان عندي شغل

ميار>> كلشي ما دزيتلي

شاهين>> لا ولج صاير شي

ميار>> لا حبيبي ماكو شي

شاهين>> ايي شنوو صار بلسفرة

ميار>> يا سيدي هاي وحدة ويانا.......وبقيت احجي لشاهين كلشي صار لحدما كملنا اكل وانطيته جاي بقه شاهين على الاب تووب واني رحت للغرفة وتفكيري صار بلرسالةة معقولة سهم دزها اليه

،،،،حتى اروحله للمستشفى اووف غبيه ميار كلش غبيه ولج لو شاهين يدزلي رساله المن يكتبلي اسم مستشفى سهم اووف وهسه سهم يفكرا نو اني احبه وميته عليه مستحيل اني ما أحبه

،،،،بس ما انكر معجبه بشخصيته واسلوبه بلكلام وتعدد الشخصيات يلي يصيرن بي بين لحظة ولحظة ههههه اووويلي بس لا يطلع بسهم انفصام شخصيه واليگتل واليقهر عندو شهادة دكتور جراح قلبيه هههه نمت والبسمه على وجهي بسبب خبالي

،،،،كعدت على صوت شاهين يكعدني

شاهين>> ميارتي كوومي حبيبي نبض خبصتنا عليج بس تتصل

ميار>> جريت جهازي من ايده وخليته على اذني... الوو

نبض>> الووو ميار ولج وينج گلبي يمج

ميار>> يي يمي تردين شي

نبض>>اكلي تبن قصدي عليج

ميار>> اوكفي دقيقه انداريت ما لكيت شاهين عرفت بي طالع من الغرفةة عدلت كعدتي....كوولي شكوو

نبض>> شاهين

ميار>> هم رجعنا نبض والله علمودج يحظي صح انتي اكبر مني بسنةة

نبض>> انجبي سنه ونص

ميار>>هسه هاي النص شنووو

نبض>>هههه مادري بس احبها ولج ميار والله كوومه متعلقة بي حتى من اخابره افرح ومادري شنوو يحس تجاهي

ميار>>ولج شاهين اكبر منج بهواي وانتي ليهسه ما دخلتي عمر ال 18 شلون حبيتي

نبض>>حبيته بعد

ميار>> واذا طلع حب مراهقه يعني شلح واعبر شلوون وبمرور الايام ما اتفاهمتوو شنو مصيركم انتي صديقتي نبض واني اعتبرج اختي ترى صح شاهين مبين عليه هادى وكتووم بس والله

،،،،كلش اعصاب وما يقبل على الغلط واني اخاف عليج

نبض>>ماطول احبه كلشي اتحمل منه

ميار>> كبوور تلفج انشالله

نبض>>ولج انشالله الحلال يلفني بحظنه

ميار>> ههههه دبسزز صايرة

نبض>>الحب خيه الحب

ميار>>تمام هسه المطلوب شنوو

نبض>>مااعرف انتي دبري الموضوع من يمج وشوفيلي المدعي العام يحبني لو لا وشنوو اني بلنسبه اله بس صديقه الج لو مميزة من صديقاتج

ميار>>وبعدين؟؟؟؟؟

نبض>>هسه شوفيلي هذا الموضوع والبعدين تجي وراها باااي

ميار>>بايات خبلةة كمت بس بعدني نعسانه واثاووب وكفشتي صايره شكبرها لبست طاگ وطلعت يم شاهين

شاهين>>شهل النومه الحلوة اربع ساعات نايمة

ميار>>هههه وانت ما نمت شويةة

شاهين>>عندي شغل شسوي صدك جوعانةة انتي

ميار>>ايي حبيبي وانته

شاهين>>قبل شوية وصيت على اكل واكلت حصتج بلمطبخ وعصيرج بلثلاجةة

ميار>>فدوه لليفكر بكرشة

شاهين>>وين الكرش ولج

ميار>>ههههه كمت شفت الاكل صاج ولحم بعجين جبت الاكل والعصير وكعدت يمه .... شاهين اكولك شي

شاهين>>كولي ميارتي

ميار>>هو انت تدري اكوو بنات بمدرستنا متزوجات وهيج عمرهن

شاهين>>يي

ميار>>شنوو يي

شاهين>>يعني وين تردين توصلين

ميار>>ايي اتذكرت انت تدري بنبض تقدملها واحد ومتدري توافق لو لا

شاهين>>اذا اهلها يعرفونه ليش لا

ميار>>حرامات لو وافقت لان تخسر دراستها وصديقاتهاا

شاهين>>هاي سنة الحياه باجر انتي هم يجي نصيبج

ميار>>منوو اكثر وحدة حبابه من صديقاتي

شاهين>>كلهن ما اطيقهن

ميار>>ليش عوود

شاهين>>نبض لسان ونضراتها وگحة والثانية اصلا تصرفاتها مبينه كلش

ميار بزعل>>شاااااهين

شاهين>>غير الصراحة لو الحقيقة مرة

ميار>>لا مو مرة بس لا تسوي هيج وتحجي على صديقاتي

شاهين>>تدللين

ميار>>وواني العبالي ازوجك نبض

شاهين>>دكتورتي صايره جبيره وتخطبلي صديقتها بس خليها ابالج اذا اريد اتزوج زوجتي حتكوون واعيه بعقلها وكلامها ما ازوجلي طفلةة

ميار>>مو يكولون اخذها صغيرونه وربيهاا

شاهين>>هل المفهوم غلط حبيبي يعني لو اخذتها صغيرة وغلطت لازم اعلمها مرة مرتين اكيد يجي يوم تتعود عليه بس معقولة تحبني لا بلعكس مااضن تحبني

ميار>>واذا تزوجت وحده واعيه وهيه تحب ثاني شلون

شاهين>> مادري ما فكرت بهلشي يله كوومي غسلي ايدج كلها مايونيز

ميار>>ماشي كمت غسلت ورجعت اگلب بلجهاز ودك جهاز شاهين اسمعه يحجي ويضحك نوب ازل منووو هااااي سد الجهاز ضحكت والله لو تعرف نبض تشوي على اذاني بصل.....منو هاي شاهينوو

شاهين>>هاي ازل

ميار>>منوو ازل

شاهين>> بعدين تعرفينها

ميار>>حبيبه لوو صديقةة

شاهين>>لاهاي ولا هاي مجرد معرفة جديدة

ميار>>اهااا صح ما دخلت ابالي معرفه جديدة يله يا خبر بفلوس اليوم باجر ابلاش ليش استعجل،، احم ميارتي عندي موضوع وياج

ميار>>شنوو هوو

شاهين>>سهم رجع فتح موضوع الزواج وياي من جديد بس كتله مااضن ميار توافق وبعدهي صغيره

ميار>>والمطلووب

شاهين>>اني يلي مخبلني انو سهم ليش ما اقتنع من اول مرة كتلة ماكو نصيب بس لا يطلع يحبج

ميار>>شلووون

شاهين>>بس ما اتوقع سهم يكدر يحب مرة ثانية

ميار>>ليشش؟؟؟؟

شاهين>>قصته طويله يمعودة هسه عوفينا وانطيني حل لسهم

ميار>>مادري هسه حروح اخابر نبض بموضوع الزواج مالتها كمت من يم شاهين ورحت للغرفةة شلوون افتهم قصة سهم ومنين اعرفهاا

شاهين>>مياااار تعاي سوسن تريدج

ميار>> طلعت وسلمت على سوسن

سوسن>> مياار عدنا روحه للمول تروحين ويانا

ميار>>ما ادري اشوف شاهين

شاهين>> انتي وياامن

سوسن>>بس اني وامي

شاهين>>تروحين!!!؟؟؟

ميار>>تجي ويانا

سوسن>>شيسوي يجي ويانا هو بس احنه البنات شكو ماخذين شاهين وهم نريد نشتري ملابس لميمي

ميار>>باوعت على شاهين اشرلي بمعنى يي

سوسن>>لعد اني اروح ابدل واجيج

ميار>>من طلعت سوسن رحت بدلت فستان اسود طويل بي حزام ذهبي يبين الخصر رفعت شعري ليفوك واخذت كعب طولو حلوو وجنطة تجنن بيها كرستال وخليت حمرة خفيفه وردية ممبينه اصلا وشوية كحل

شاهين>>هذا الجمال كله علمود المول

ميار>>ههههه حلوة

شاهين>>تخبلين بس الله يساعد يلي يشوفج

ميار>>ليشش؟؟؟؟

شاهين>>هسه يلزمون سرة منو يحصل گلبج اله

ميار>>ماكو گلبي محجوز لسيدي القاضي شاهين

شاهين>>فدوه يروحلج

ميار>> حظنته وبسته بخده

شاهين>>خذتي فلوس

ميار>> لا

شاهين>> هههه لعد شلون تشترين اغراض

ميار>> ما اريد اشتري بس اروح وياهم

شاهين>> انجبي طبيت للغرفة سحبت فلوس وطلعت لكيتها تفتر والفستان يصير مثل البدلةة ههههه.... ولج لدوخين مو زين عليج،،

ميار>> لزمت راسي ووكفت فتح ايدي وخله بيها فلوس كومه حسبتهن 250 باوعتله....شنوو هاي راتب كامل

شاهين >> هههه ميخالف خليهن بجنطتج

ميار>> ماااا والله يروحن يضيعن

شاهين>> ميخالف

ميار>>شاهين فدوه انطيني هاي ال50 والبقيه خليهن يمك اني اضيعهن بداعتي

شاهين>>سويهن 100 وخليهن عندج

ميار>>سحبت 100 وخليتها بلجنطه ورجعت سوسن دگت الباب طلعت وياها من بعد ما خليت فلوسي بلجنطةة مشيت وي سوسن لبيتهم ودوختني كدما سالتني اسئله على شاهين وكلهن نفس السوال شاهين يحب اكو وحده بحياته وجوابي الغبي لا ماكوو

،،،وصلنا لبيتهم

ام سهم>>هلااا بميارتنااا

ميار>>هلوو خالةة باستني وسلمت عليه

ام سهم>>والله فرحت من شاهين قبل تروحين ويانا

ميار>>لعد وين ميمي

ام سهم>>فوك صعدي نزليها

ميار>>صعدت الدرج وطلع بوجهي انس

انس>>شهل العطر يحلوةة

ميار>>هههه شوكت تبطل اسلوب كلامك وياي

انس>>مشتاقلج تدرين والعباس فرحت لمن رفضتي لان اعرف انتي تردين منو

ميار>>منووو؟؟؟؟

انس>>اني

ميار>>ههههه غلطان

انس>> لزمتها من ايدها

ميار>>بسرعه جريت ايدي من عندة ومشيت لغرفه سهم

انس>> وكفت يمهاا ولزكت جسمي على باب الغرفة

ميار>> شبيك

انس>>تحبيني موو

ميار>>كافي انس شبيك

انس>>لزمت ايدها بيدي وهي تجرها

ميار>>انس عوفني شبيك انسس

سهم>> بلحمام مال الغرفة وسمعت صوت مو غريب على السريع لبست روب الحمام وطلعت انضربت ب انس

ميار>> انســ....

سهم>>شكووو هنا استاذ انس

انس>>اني وميار لتدخل

ميار>>سحبت ايدي بلكوة منه

سهم>>جريتها ودخلتها للغرفة ودفعت انس....لا تجاوز حدودك وياها هلمرة اجيتك باسلوب حلوو لتخليني مرة ثانية امد ايدي عليك اعقل عاااد سديت الباب بوجهه وطبيت للغرفة لكيتها واكفه وعيونها يلمعن بلدموع

ميار>> اريد ارجع يم شاهين اجيت من ورا سوسن تريد تاخذني للمول بس هسه بطلت مااريد اروح

سهم>>اكعدي خلي ابدل ملابسي....عفتها ورحت بدلت ملابسي وطلعت من الحمام

ميار>>شهل الجاذبيه يلي بيه يا الله نوب لبس كله اسود يغار مني😂😂 اباوعله يمشط ويرش العطر متاكدة او اكوو غلط بلموضوع مستحيل هل الشخص راح يدخل بعمر ال33 سنه اكووو غلط يلي يشووفه يكول بداية ال30 سنه راح اموت يا الله

سهم>>وين صافنه

ميار>>عليك

سهم>>اهاا هههه

ميار>> غميت روحي الف مرة هو هذا هم جواب كبر يلفني انشالله

سهم>>مياار منو يوصلكم للمول

ميار>>مادري بس اتوقع انس لهيج ما اريد اروح فدوة

سهم>> واذا اني وصلت الكم

ميار بگلبي>>والله لو توصلني لجهنم هم قابله هههه

سهم>>شوو سكتي ما تردين

ميار>>لا عادي

سهم>>يله كومي واخذي ميمي وياج ما طول نايمه مراح اتضوجج بلطريق

ميار>>شلتها واخذت الجنطه يلي اشرلي عليها سهم وطلعنا من غرفته

سوسن>> وين جنتي اتاخرتي

سهم>> جانت ادور على الجنطه لان نسيت وين خليتها

انس>> يله يمه

ميار>> من سمعت صوت انس ضجت شلون حروح وياه باوعت على سوسن شكد تاخذ صور عبالك ملكة وام سهم جوة بغرفتهاا وانس مقابيلي ويباوع عليه وسهم كاعد على التخم انداريت وكعدت على التخم هسه هو مو على اساس يريد يتزوجني لعد ميروح ويانا للمول.....اكولك انس

انس>> ها ميارة

ميار>>تعاال اخذ ميمي خلي اروح اشرب مي

انس>> اني اجيب الج

ميار>> اول ما راح انس للمطبخ كمت من مكاني وكفت مقابيله وهو كاعد....سهم حرجع للبيت واذا كالولك ليش رجعت كوللهم علمود شاهين

سهم>> اكعدي مياار

ميار>> ما اريد ارووح غصب

سهم بحدة>>كلت اكعدي ما اريد اعلي صوتي

ميار>>كعدت بقهر بس والله ضجت يا طلعة الگشرة صارت عليه شوية واجه انس وخالتي وسوسن دخلت والابتسامة مزينة وجهها

انس>>يله ميار كومي

سهم>>وين رايح

انس>>اوصلهن

سهم>> لا اني اوصلهن انت اكعد هنا لان صديقي منتظرني هناك

انس>>ايي ميخالف تعال اوصلك

سهم>> ونعوف البيت تايه محد بي شبيك وين عقلك

انس>>شمرت السويج عليه وكعدت

ميار>> بلنسبه الي لو احظن سهم من فرحتي هم قليله ههههه

سهم>>سدي حلكج وامشي للسيارة

ميار>>هههه عابتلك طلعت وراه وكعدت يم سوسن وميمي بحظني،،

ام سهم>>ميارة

ميار>>ها خالة

ام سهم>> خو ما زعلانة مني

ميار>>ليش هيج تحجين سامعة شي خالة

ام سهم>>لا والله يمه ابد بس لان فتحت موضوع الزواج كلت يمكن زعلت

ميار>> لا خاله انتي معزتج بگلبي والله شاهد وهيه قسمه وانشالله تلگين الاحسن مني

ام سهم>> والله يمه مااضن الكه احسن منج ولان اللي يريدج قافل

ميار>>هههه الله كريم خاله كلشي بيد رب العالمين

ام سهم>> والنعم بالله حبيبي

ميار>>وصلنا للمول كعدنا بالكافتيريا اول شي وسهم انطه فلوس لسوسن ولخالةة ردت اكوم وياهن

سوسن>>احنه راح نفتر لان اغراضنا كوومه خاف اتعبين ميار وميمي بيدج ما انصحج تجين ويانا

ميار>> لعد ابقى وحدي وسهم حيروح لصديقة

سهم>>لا ما ااروح هو راح يجي يكعد يمي

ميار>>تمام من راحن مادري ليش ابقه اركز بملامحه ومعانيه عبالك محد غيره موجود اووف درت وجهي منه من اشرلي بحاجبه دك جهازي شفتها نبض❤ ضل يباوع على الجهاز ومركز وياي فتحت خط بعدني ما كلت الوو وصاحت باذني

نبض>> اذا شاهين يمج لا تلفضين اسمي

ميار>>هههه هلو حبي لا شاهين مو يمي

نبض>> وين انتي ولج لان شاهين بلبيت

ميار>>ادري شاهين بلبيت اني بلمول صاير شي

نبض>>خابرت شاهين

ميار>>شلوون وشنوو حجيتوو

نبض>>ما حجينا هواي بس سلمت عليه وكتله احبك واريد اخطبك

ميار>>هههه مرض ايي والله خطبه شنو بابا

نبض>> اشاقه وياج شبيج المهم سالت عليج كالي راحت وي صديقتها عندج غيري ولج خاينه

ميار>>هههه فديت اليغار

سهم>> سحبت جهازها داشوف ويامن تحجي

ميار>>باوعت عليه مخلي جهازي على اذانه ونوب انطاني جهازي

نبض>>وين رحتي الوو

ميار>>ها حبيبي وياج اكولج نبض من ارجع اسولفلج باي

نبض>>باي حياتي

ميار>>شسويت انته شلون تاخذ جهازي مني

سهم>>ما سويت شي غلط ردت اعرف ويامن تحجين اظن كتلج راح امنعج من اشياء تضرنا وعبالي داسوين شي غلط

ميار>>هاي اذا وافقت

سهم>> ليش انتي مموافقةة

ميار>>شلون اوافق وانت ما خطبتني يا افندي.....يبوووو اني شنو حجيت انتبهت عليه بانت الضحكه على وجهه عابت لا اسم الله عليه العابت الي لان ما اعرف الزم لساني

سهم>> الاحد احجي وي شاهين

ميار>>بس......

سهم>>دراستج تكملينها لتخافين

ميار>>وصديقاتي....؟؟؟؟

سهم>>ما امنعج منهن بس تعلمي ميار اسرار بيتج لتنطيهن لاحد واسرار غرفتج بس بينا تبقى لتخليهن بيد اي شخص حتى نرتاح بزواجنا وصديقاتج لتخليهن يعرفن كلشي يصير بينا حتى لا تصير مشاكل

ميار>>تمام زين اكدر اسالك سوال

سهم>>اسالي

ميار>>ام ميمي وين

سهم>> يم اهلها

ميار>> شلووون

هل الجزء من ابداع 👆👆👆_17shosh

♡'''''''''''''''♡'''''''''''''♡''''''''''''''''♡

مشاهدة ممتعه نبضاتي

شنووو رايكم وشنو تتوقعون

احبكم والله nosha

👇  استاهل موووو

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

ناقصني بس حضنج واطك طگة الناس الفايخه ❤️

♡'''''''''''''''♡'''''''''''''♡''''''''''''''''♡

ميار>> شلوون هيج يعني قصدي على ذمتك لو شنووو

سهم>> لا انفصلنا ورة شهر من جابت ميمي وشاهين اتكفل بقضيتي لان هيه يلي عافت

ميار>> بس شلون عافتها

سهم>>يلي تكدر تعوف شخص حب الدنيا علمودها مو غريبه اتعوف بتها

ميار>> يعني عن حب زواجكم

سهم>> اي حب 4 سنين يله صرنا سوة وصارت مشاكل هوواي شوفي ميار ما اطلب منج هسه تحبيني او تعوفين شاهين واحلامج علمودي بس يلي شفته بيج ما شفته عد غيرج اعرف هسه يمكن تزعلين بس مستحيل شخص ينسى حب حياته

،،،وخاصه بينهم طفله بس اني نسيت كلشي وبقت ميمي حياتي وكلشي بلدنيا رغم اقسمت ما اتزوج ومتدخل وحده لحياتي بتعلق ميمي بيج خلاني اراجع حساباتي وهمات كلام شاهين ولا اني ولا انتي نريد ماضيج لاحد وخاصه ميمي لان بنتي الوحيدة

ميار>>ههه يعني زواج مصلحةة لو شنوو

سهم>>ما فهمت عليج؟؟؟؟

ميار>>تريد تزوجني لان ميمي متعلقه بيه ولان تعرف طفولتي مو حلوة خليتني اتعلق بميمي وجنت متعمد

سهم>>القرار الج محد غاصبج على شي

ميار>>زين لو باجر حبيـ..... سكتت قابل شنو اكوله واني اصلا معجبه بيه ومتعلقه بميمي

سهم>>لو باجر شنوو؟؟؟؟

ميار>> لو باجر قررنا ننفصل شلون

سهم>>ليش الانفصال؟؟؟

ميار>>مادري بس خلي نكول صرت كليه ووعيت على الدنيا وعرفت الحياه اكثر

سهم>>بس اذا اني متمسك بيج ماكو داعي للانفصال

ميار>>مو قبل شوية كلت ما اطلب منج تحبيني

سهم>>بس هلشي لا بيدي ولا بيدج يرجع للوقت

ميار>>واذا صار حب من طرف واحد

سهم>>مااضن لان اني گلبي ميته

ميار>> يعني تقبلها على ذمتك واحب غيرك

سهم>> عطت بيها من بين سنوني.....مياااااار

ميار>> لو باجر كتلك سهم اريد انفصل لان مااحبك احب غيرك شنو موقفك

سهم بحده>>السانج اكصه قبل متحجينها مرة ثانيه متحمل لان منا ناس ماريد اسوي فضيحه

ميار>>ماشي.....بس والله فرحت عرفت نقطه ضعفه انو اعوفك او ارتبط بشخص ثاني فديت يلي صار اعصااااب فدوه هههه وراج لعب ميار العبي على الحبل باقل من الثانيةة ههههه دقايق واجه ولد سلم على سهم واندار عليه

مهند>>مساء الخير

ميار>>مساء النور.... كعد وبقوو يحجون وعلى ما اضن ويلي دخل بعقلي الولد صيدلاني سهم طلب عصير الي والهم وهم رجعو يحجون لحدما الولد كالي

مهند>>ما تعرفنا بيج

ميار>>اني صديقـ....

سهم>>خطيبتي

مهند>> شنوو؟؟؟

سهم>> خطيبتي هاي اخت المدعي العام شاهين......

مهند>>الف مبروك سهم ما جنت اعرف خاطب

ميار بهمس>>ولا اني هههه

مهند>> بس مو صغيرة

سهم>>بلعكس واعيه صح حبيبي

ميار>>ابتسمت على كلمه حبيبي فدوه اروح اني والعشيرة اله ماعدا شاهين ميروحله فدوه🙄

مهند>>يله باجر هم اجيك للمستشفى ونحجي

سهم>>انتظرك مع السلامه....من راح صديقي انتبهت عليها.... ميار اذا طلبت منج شي تنفذيه

ميار>>شنوو؟؟؟

سهم>>اريدج تلبسين حجاب

ميار>> لا والله؟؟

سهم>> والله وما طلبت شي حرام او مستحيل واني اكره تكون زوجتي بلا حجاب هسه انتي صديقاتج هيج؟؟؟

ميار>> لا محجبات

سهم>> صيري مثلهن شنوو المانع انتي جبيره وبالغه ليش ما تلبسين شال

ميار>>شاهين ما جبرني على شي

سهم>> ايي ميخالف حتى اني هسه ما كاعد اجبرج بس انتي هسه امرج بيدي صح

ميار>> امممم

سهم>> تمام معناها متفقين من باجر تتعلمين على الحجاب

ميار>>شورطني بيك

سهم>>حظج الحلوو

ميار>>هههه واثق من نفسك

سهم>>طبعا غير جراح معروف وناجح صدك ميار عندج حركه حلوة

ميار>> شنو هيه؟؟

سهم>> من تگشين خشمج

ميار>>هههه شلون حركه

سهم>>والله خاصه من تحجين وي ميمي تسوينها

ميار>>منتبه عليه!!!!

سهم>> لا بس اكثر من مرة تسوينها

ميار>> اخيرا اجتي خالتي وسوسن

ام سهم>> دهر صابها اشترت مال عشر سنين مقدما ملابس مكياج عطور

ميار>>بلعافيه سوسن

سوسن>> الله يعافيج حبي

سهم>>خلي اطلب الجن عصير ونكوم اني وميار نشتري لميمي

ام سهم>> يي سهم روح

سهم>>ردت اتعذر لان مااريد امشي وياه باوعتله اووف الله باع حركاته هزلي براسه بمعنى كومي وغمزلي🙈 اذووب يا ناس هههه كمنا سوة اخذ ميمي هو شالها ورجع لزمني من ايدي ومشينا سوة

،،،اووويلي زين هو لزمني بيدي ليش صخنت وگلبي ضل يدوك سريع طبينا لمحل حتى نشتري ملابس لميمي هو كعد واني اشتريت الها مثل الملابس العندي وهو يضحك اشتريت تنورة قصيرة تجنن كلش حلووة وفستان وردي وشكم قطعه

،،،شوية وطلع سهم يخابر بس عيونه عليه صدك فرحت من گلبي احساس حلوو اكو رجال بحياتج غير اهلج يخاف عليج مثلهم شوية ودخل سهم حاسب الولد وطلعنا دخلت لغير محل اشتريت لشاهين ساعه وقلم ذهبي ونضارة ونوب رجعنا للكافتيريا

،،،كعدنا ردت اشوف جهازي وين حتى اتصل على شاهين دورت ما لكيته استغفر الله لا بلجنطه ولا وي ملابس ميمي راسا من خوفي كمت...عززززا جهااازي

سهم>>شبيج ميار؟؟؟

ميار>> جهازي سهم ما هوه يمكن نسيته يم ابو المحل

سهم>>عوفي ميمي يم امي وتعاي وياي

ميار>>رحنا لنفس المحل لكيت الولد مخلي جهازي بيده ويفر بي والمصيبه نص وجهي خلفيه لشاشه الجهاز اشرت لسهم على جهازي

سهم>>مشيت يمه وسحبت الجهاز من ايدة

الولد>>خير اخي؟!؟

سهم>>جهاز زوجتي ورجعنا ناخذه

ميار>>الولد ما حجه شي بس من طلعنا

سهم>>وكفت انداريت عليها...جهازج بي رمز

ميار>>يي بي رمز

سهم>>شوو انطيني الجهاز

ميار>>مديتله الجهاز من شاف الصوره عافني وراح لابو المحل واني بقيت واكفه شوية ورجعلي ومشه كدامي...سهم ليش رجعت

سهم>>اتاكدت خاف ماخذ صورة للنعل يلي مخليتها للجهاز

ميار>>وجهي نعل قصدك؟؟؟☹️

سهم>>بعدين هسه مو وقتهاا

ميار>>هههه يا الله شلون غضب رجعنا يم خالتي وهو راح مدري وين رجع وياه علاگه تجنن ورا نص ساعه للبيت سلمت عليهم وردت ارجع للبيت

سهم>>مياار اوكفي هاي الج

ميار>>شنوو هاي؟؟؟

سهم>>اعتبريها هدية 🎁مني

ميار>>شكرا انداريت وطبيت للبيت

سهم>> بقيت اباوع عليها لحدما طبت لبيتهم واني طبيت للبيت سبحت ونمت

ميار>> من طبيت للبيت لكيت شاهين كاعد...هلاووو

شاهين>>اتاخرتي

ميار>>يي من ورا سوسن هواي بقت تشتري

شاهين>>شنوو هاي

ميار>> اممم شغلات الي ولنبض وصتني عليهن

شاهين>>هيه هم خابرتني

ميار>>ادري لان رجعت خابرتني واني هناك

شاهين>>يله ارتاحي حتى نتعشه سوة

ميار>>تمام صدك هاي الك...عجبتك

شاهين>> اكوو شي على ذوق طفلتي ويطلع مو حلوو عاشت ايدج حبيبي

ميار>>فدوه حروح ابدل واجيك رحت للغرفه ضميت العلاگه واخذت تراك سبحت وطلعت سويت عشه خفيف وتعشينا ومن كملت كلشي رحت نمت كعدت ثاني يوم على صوت شاهين يخابر ويتعذر كمت شفته يبدل يمكن متاخر واني اليوم عطله....صباح الخير شاهينو اسويلك ريوك

شاهين>> صباح النور حبيبي لا راح اطلع ويمكن اتاخر راح اقفل الباب من برا

ميار>>بعد احسن ما بي حيل اكوم اقفله

شاهين>>مو تنسين جهازج خاف اخابرج باي

ميار>>باي يروحي رجعت نمت شكد حلوة نومه الصبح بسرعه غفيت كعدت على صوت الجهاز شفته شاهين فتحت خط

شاهين>>الو ميارتي

ميار>>ها حبي

شاهين>> فدوه كومي اتاكديلي من الباب البرا مقفول واقفلي من جوة وعيون الطباخ والفرن خاف مشتغلات

ميار>> تمام

شاهين>>اتاكدي ورجعي نامي يله باي

ميار>> تدلل باي حبي كمت قفلت الباب وشفت الطباخ ما مشتغل ورجعت نمت ورجع دك شاهين هههه فتحت خط... والله قفلت الباب والطباخ ما مشتغل

شاهين>> هههه تمام دكتورتي باي

ميار>> سديته الجهاز وتمددت على الجرباية وخليت راسي على المخدة ورجع دك الجهاز خرب شلووون بي اليوم شاهين افندي فتحت خط بدون ما اشوف اسمه لان خبلني اليوم شاهين....

،،،حبيبي والله ماكو شي قابل اول مرة تعوفني بوحدي وافكار احلامي اتلاشى من وراك

>>عيدي اول كلمه

ميار>>يبووو باوعت على الجهاز رقم جديد مو رقم شاهين....منوو وياي

>>حبيبج.....

والصور من تصميم المبدعه _17shosh تعرفون هيه مسويه كتاب ومدخلتني بي ❤🙈

♡'''''''''''''''♡'''''''''''''♡''''''''''''''''♡

حبيت انشر هسه الصبح ف صباااااااح الخير حبايبي

ممقصرة وياكم واي بارت يكمل دانشر شوفوني حبكم اليه وعلقوووووو وصوووووتووو فدوه

مشاهدة ممتعه نبضاتي شنووو رايكم

منو تتوقعوون اتصل على ميار اريد توقعات حلوة وك 🤔😉

nosha❤

👇استاهل موووو

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

أذا ناديتها و گالت عُيوني ،

علموني بعد عيونها شأريد؟ 🙊🤍.

♡'''''''''''''''♡'''''''''''''♡''''''''''''''''♡

ميار>>منوو وياي

سهم>>حبيبج سهم

ميار>> هههه ماعندي حبيب

سهم>>شلون ما عندج مو اول ما فتحتي الخط كلتي حبيبي

ميار>>عبالي شاهين

سهم>>اهاا شنو وحدج

ميار>>يي ماعندي مدرسة اليوم وشاهين عندو شغل وي صديق

سهم>>ديري بالج على نفسج واهم شي

ميار>>ادري والله الباب مقفوول شعدكم وي الباب انته وشاهين

سهم>> لان انخاف عليج

ميار>> تمام مو طفله وتخافون عليه جبيرة اني

سهم>>مبين عليج جبيره وانتي نايمه تردين على الخط متعرفين الرقم لمنوو

ميار>> محد عندو رقمي بس شاهين وصديقاتي وهسه

سهم>>وهسه شنووو؟؟؟؟

ميار>> هسه انته هم عندك رقمي منين اخذته

سهم>> بعدين احجيلج خابرتج حتى اكلج اليوم حظري نفسج

ميار>>شكوو محظرة نفسي

سهم>> غير نخطب

ميار>> اهااا يا الله ليش فرحت وطفرت من مكاني

سهم>>الووو

ميار>>وياك

سهم>>تمام العصر يمكم تردين شي واذا ما مقتنعه هم كولي حتى لا اضلمج وياي

ميار>> سهم

سهم>> كولي

ميار>> اكولك شي من خابرتني هسه وكلتي حظري نفسج انو حتخطبني مادري ليش حسيت انو عبالك حبيبي وكاعد توفي بوعدك الي 😂😂

سهم>> فكري زين للعصر يمكن متردين تمام باي

ميار>> باي ..... اووف والله خايفةة بس بنفس اللحظة فرحانة سهم واعي ويفتهم واني ما بيه قصور وصغيره واكيد بتصرفاتي اخليه يحبني...

،،،،يا الله شهل الكلام اشوو تخبلت ومادري بروحي حتى نومتي طارت كمت للحمام سبحت ولبست برمودة وكيمونةة ولميت شعري ونظفت البيت كله واني مو هلكد الصراحه بلطبخ بس شكوو اكلت بيت يحبها شاهين اعرف اطبخهاا اله

،،،،طخت بعقلي اسوي باميه وتمن بس قليل لان بس اني وشاهين بلبيت مال نفرين هههه من كملت طلعت الخبز من المجمدة وخليته على الكاونتر واخذت كاسه كرزات وعصير ورحت اباوع على البلازماا بقيت اباوع على فلم هندي

،،،وساعيتن واندكت الباب لبست روب فوك ملابسي وطلعت اشوف صحت منووو

سوسن>> اني سوسن

ميار>>دقيقة سحبت المفاتيح مال البيت وفتحت الباب

سوسن>>هاا ام الميم

ميار>>هلو.....دخلت سوسن للبيت رجعت قفلت الباب

سوسن>> شنوو وين شاهين

ميار>>عندو شغل

سوسن>>اممم اجيت احجي وياج ميار

ميار>> كعدت ورحت جبتلها كلاص عصير وكعدت يمها اني بقيت اشرب واكل كرزات وهيه تباوع وتضحك

سوسن>>ميار اني احب شخص وصارحته بحبي بس صدمني من كالي انو هو ميفكر بلزواج علمود اخته

ميار>>يي واني بشنو اكدر افيدج

سوسن>>لعد ليش اجيت احجي وياج واكلج اني احب شاهين

ميار>>شنووو؟؟؟؟

سوسن>>شبيج ميار ساعديني حتى اقنع شاهين بحبي انتي تعرفين سهم يريدج هسه وراح يخطبج وتجين لبيتنا كعروسة واني اجي يم شاهين

ميار>>هه وواثقه من نفسها البنية

سوسن>>شنو كلتي؟؟؟

ميار>>الله كريم بس ما اتذكر بيوم شاهين يذكرج لو يسالني عليج باختصار ما يحبج

سوسن>> ميخالف الحب يجي ورا الزواج

ميار>>ماشي اكوله والله كريم

سوسن>> اوك هسه اروح وكلبي يمج وادري مراح تخذليني باي

ميار>>باي من طلعت رحت وراها سديت الباب وكعدت شلون بنيةة يا الله تخطب لنفسها اووف لازم ازوج شاهين لنبض بس شلون اقنع شاهين يربي بقيت كاعدة ل2 وانفتح الباب عرفته شاهين سويت نفسي زعلانه منه وبقيت كاعدة

شاهين>> مساء الخير

ميار>>هلااا

شاهين>>شكووو ميار صاير شي

ميار>>لاع

شاهين>>ميااار

ميار>>هاااا

شاهين>> شبيج

ميار>>ماعندي كلام وياك

شاهين>> ليش مضوجج بشي بس لا لان كعدتج وضليت اخابر بيج

ميار>> لا بس ايي مضوجني

شاهين>> بشنوو؟؟؟؟

ميار>> من شوكت علاقه الحب انتي ومدام سوسن

شاهين>>شهل الكلام ميار عيب

ميار>>لا مو عيب انت تريد تخطبها ما لكيت غيرها هيه اجتي حجتلي كلشي وانت كتلهه اشوف ميار تحبها اني ما اوكف بطريق سعادتك روح الله وياك

شاهين>>انتي شنو افتهمتي واشتعلتي نااار

ميار>>اشتعلت لانو من كتلك شنو رايك ب نبض طلعت بيها الف عيب ما صارحتني وكتلي احب سوسن جان حجيت لنبض واكوللهه بطلي تحبين استاذ شاهين ترى يحب غيرج

شاهين>>هههههه

ميار>>شكوو تضحك

شاهين>>اصلا ما ابالي سوسن لانه فكرت بكلامج مال اخذها صغيره وربيها على ايدك

ميار>> كوول والله

شاهين>>والله لهيج كلت لسوسن اشوف ميار بس ما توقعت تجيج هناا

ميار>>عوف سوسن وفهمني شنوو فكرت

شاهين>>دكتورتي فكرت انو نبض تحبج وانتي وياها من الصغر سوة واهلها حيل حبابين ومن اهل الله والناس تحبهم

ميار>>يي كمل

شاهين>> شكمل

ميار>>كلامك يله وعوف اهلها لان كلشي اعرف عنهم خلينا بس بنبض

شاهين>>هههه ايي واكيد مراح تسوي مشاكل بيني وبينج لان تحبج ولا انتي راح تزعلين منها

ميار>> وانت متحبها يعني

شاهين>> لا ما احبها

ميار>>يعني تحب سوسن

شاهين>>ولج حتى سوسن ما احبها والله

ميار>>لعد شلون راح تعيش وياها

شاهين>>اذا تحبني تخليني احبها بكلشي اتسوي وياي

ميار>>فدوه اروح لهل الكلام

شاهين>>فرحتي

ميار>> يي والله بس حبيبي لا عبالك ازعل واضوج اذا ما خطبت نبض ترى اهم شي عندي سعادتك وفرحتك

شاهين>> وسعادتي ترتبط بيج انتي

ميار>>الله لا يحرمني منك حبيبي

شاهين>>ولا منج طفلتي

ميار>>اروح اخابر نبض

شاهين>>تعاااي وين بلبدايةة اشوف اهلها ونوب احجي

ميار>>ميخالف لازم اكول لنبض كم شغله ركضت للغرفة دكيت عليها

نبض>>الووو ميار

ميار>>هلو عيني هلا بجنتي المستقبلية

نبض>>شكوو ميار

ميار>>من هسه خاف تصيرين زوجه شاهين اني الكل بالكل مو تروحين تاخذينه الج وعلي اسحلج

نبض>> يااا ولج شبيج

ميار>>راح نخطبج لشاهينووو

نبض>>يبوووو كولي والله

ميار>> والله ويمكن شاهين راح يخابر اهلج لو يمكن يجيكم

نبض>>تمام ولج والله راح اموت من فرحتي

ميار>>هههه وشاهين يصير ارمل قبل لا يتزوج

نبض>>هههههه

ميار>>يله باي خلي افتهم كلشي من شاهينو

نبض>>اوك حبي

ميار>>باي نبضي راسا سديته ورحت كعدت يم شاهين

شاهين>> خير؟؟؟

ميار>> الخير بوجهك حبيبي

شاهين>>جوعاان

ميار>>يخسى الجووع يبعد الدنياا

شاهين>>مياار كافي

ميار>>هههه شسويت

شاهين>> كلامج بطلي

ميار>> اووف مو مال غزل كمت حميت الاكل وكعدنا ناكل من كملنا رحت صليت وهو بعده ما مكمل صلاه بقيت اكلب بلجهاز لحدما شفته كعد يمي وحظني

شاهين>> شبيج حبيبتي

ميار>>شاهين هم حبيت بحياتك

شاهين>>ايي حبيت

ميار>> صدك والله

شاهين>> يي ولج لعد وحد

ميار>>وينها وليش اني مااعرف

شاهين>>ولج حبيتها بس هيه ما تحبني

ميار>>يا تروحلك فدوه الخايسة

شاهين>>ههههه

ميار>>هسه تطلع جلحة ملحة الدبة شلون ترفض واحد مثلك بس اسمك يسووا اهلها

شاهين>> ااااخ ولج اموت عليها الجلحه الملحة

ميار>>عساها بلمووت أنشالله

شاهين>>اسم الله عليج ولج

ميار>>عليه؟؟؟؟

شاهين>>احجي عليج

ميار>>اني الجلحه الملحة الدبة

شاهين>> يي ههههه

ميار>>اااااااه شااااهين

شاهين>>ها يرووح شاهين

ميار>>خبيث خليتني احجي على نفسي

شاهين>>هههه

ميار>>بداعتي ما حبيت

شاهين>>خلصت حياتي اشتغل وادرس وحتى ما اخليج تحتاجين شي ولا اخلي نفسي اصغر بعيون يلي باعوناا

ميار>>تتمنى ما جنت بحياتك

شاهين>>لااا ابد ميارتي انتي مصدر قووتي من اشوفج تضحكين ومرتاحه افرح وافرح اكثر لمن اشوف نجاحج ودرجاتج بلدراسةة حتى تصيرين اعلى

ميار>>انت نجاحي شاهين

شاهين>>ميارتي

ميار>>ها حبيبي

شاهين>> اليوم سهم راح يجي هو واهله بس اني رفضت من اجاني للمكتب بس هو كالي اريد احجي بشي كدامك وكدام ميار

ميار>> لزمت كلبي بيدي بس لا يكوله اجتي للمستشفى

شاهين>>وياي

ميار>>لا يي قصدي وياك

شاهين>>بلكي نعرف شيريد بس اني ماريد ازوجج خليج يمي

ميار>> اممم لعد خلي نسوي اتفاقيةة نودي عروس لسهم ونجيب عروس لشاهينوو

شاهين>> اهااا شلون

ميار>>يعني اني اتزوج سهم وانت تزوج نبض وهيج مراح تشتاقلي

شاهين>>يي بهاي اني وياج لان ثنينجن مخبلات

ميار>>ههههه شكرا سيدي القاضي

شاهين>>العفو دكتورتي هههه

ميار>>عفته ورحت للغرفة وافكر شنو الكلام يلي سهم يريد يكوله هيج علني ليش فرحانه وخايفه ما ادري صارت الساعه 3 ونص كمت لبست وبدلت فستان وعدلت شعري وطلعت يم شاهين

شاهين>>باوعتلها حلوة وتحلوو يوم عن يووم يا الله.... ميار روحي نزعي ملابسج

ميار>> ليش مو حلوات

شاهين>> بلعكس يخبلن وبس يشوفج سهم بيهن يكوم يلح بلزايد بسالفه الزواج

ميار>>ههههه

شاهين>>بطلت سالفه الزواج كلهه اني ما عندي غيرج ونتفق هسه لا اني اتزوج ولا انتي خوش

ميار>>موافقة

شاهين>>هههه كمت رحت للغرفة بدلت لان ادري بدكتور سهم ملتزم كلش بمواعيدة لبست

ميار>>قبل ميطلع شاهين من الغرفة اندك الباب صحت شااهين

شاهين>>اجيت ميارتي رحت فتحت الباب لكيت الكل سهم واهله وبنته وياه بس انس ماكوو

الكل>>السلام عليكم

شاهين>>وعليكم السلام اتفضلوو اهلا وسهلا

سهم>>كعدنا وبالي كله يم البزونه بس لا تكول مااريد

ام سهم>> لعد وين ميار

شاهين>>جوة هسه تجي رجعت باوعت على سهم يدور بعيونه ضحكت معقوله يطلع يحب ميار

ام سهم>>يمه شاهين

شاهين>>يي يمه كولي

ام سهم>>انت تدري ليش اجينا اليوم واني كتلك ذيج المره واحنه جيناك من الباب وسهم صاحبك وهو سيف المجرب

شاهين>>وانه اشهد بهلشي

ام سهم>>فدوه اروحلك بس يبقه الشور الكم صيحلي ميار وكدامك احجي وياها

شاهين>>تدللين كمت شفتها تفتر بالمطبخ حجيت بضحكه..... لكيتي لو لااا

ميار>>انتبهت عليه وهزيت راسي بمعنى شنوو؟؟؟

شاهين>> عقلج لكيتي

ميار>> هههه لا والله 😂

شاهين>>تعاي ام سهم تريدج

ميار>> ليش؟؟؟

شاهين>> تريد تلعب وياج

ميار>>هههه شاهين

شاهين>>امشي حبيبي لا تستحين ما اعرفج خجولةة

ميار>> مشيت وياه سلمت عليهم وكعدت يم شاهين

ابو سهم>>شلونج ميار

ميار>>الحمدلله عموو

ام سهم>>مياار

ميار>> اول ما حجت ام سهم بجت ميمي وهيه بحظن سهم وهو بقه يسكت بيها

ام سهم>> عوفج من ميمي وباوعيلي

ميار>> يي خالة

سهم>>يمكن احلى شي بيها من تصفن بوجهه ميمي تنسى كلشي هههه انتبهت على امي من صاحتلها

ام سهم >> ميار اني كدام شاهين اكلج ابني من طلگ مرته ما فد يوم كال اريد اتزوج وبيومها رجع وي شاهين قسم وكال اني بصفحه وجنس حووا بصفحه لحدما شافج وكال اريدج ابني دكتور واكبر منح بهووواي اني ما قلبت على هذا العرس كولي ليش

ميار>> كاعده تخطب لو تهدد لزمت ايد شاهين وباوعت على سهم ونوب دنگت راسي

ام سهم>>ولج مو احجي وياج متباوعيلي

ميار >> لااا وصلت حدهاا بحيث بجيت والله.........،،

♡'''''''''''''''♡'''''''''''''♡''''''''''''''''♡

صباحووووو نبضااااتي اتفاعلوو بلبارت عندي الكم مفاچئة حيل حلوة ما جنتو تتوقعوها وهلشي بلبارت القادم وحسب تفاعلكم

شنووو تتوقعون وليش هيج ام سهم وانس شنو يخطط وليش ما حظر......

nosha🙈🔐

~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

يسويها آلبخت ونتحآضن ‏اني وياچ

وأخلي ضلوع صدرج تصرخ ألتوبه 💚🤭

♡'''''''''''''''♡'''''''''''''♡''''''''''''''''♡

ميار >>لا وصلت حدها والله بحيث بجيت

الكل>>ههههه

ميار>>باوعتلهم يضحكون حتى شاهين

شاهين>>ولج تشاقه وياج خبله شكوو بجيتي

ميار>>مسحت دموعي وبقيت ساكته اجتي ام سهم كعدت يمي

ام سهم>>شوفي يمه اني اول ما شفتج حبيتج لان حنينه ويكولون الطفل لو لبد بغير حظن اهله معناها صاحب الحظن نضيف وصدك انتي كلش حبابه واريدج جنتي وام لميمي بس هاا ما اريدج تعوفين دراستج نتعاون اني وياج عليها وسوسن موجودة

،،،وهيج ما عندج اعتراض وبيوم تردين تجين يم شاهين اني بيدي اجيبج خاف سهم بلدوام لو تعبان عسى ما الساعه ب4 الفجر

شاهين>>هههه ما تخطبوني اني طلعت خوش عمه

ميار* الكل>>ههههه

سهم>>خلصتي حجيه اكدر احجي

ميار>>اووف يا صوتك سهم

سهم>>تقربت منها ودنكت نطيتها ميمي صارت اصابيعها وي اصابيعي باوعتلها خدودها صارن حمر عبالك فراولة🍓 رجعت كعدت بمكاني وحجيت.....

،،،صح اني اكبر منج بهواي ميار بس بلنسبة الي فرق العمر مو مهم اهم شي التفاهم واني اتعلقت بيج من شفتج ومن شفت ميمي اتودج زاد تعلقي بيج واكثر صراحه اني محتاج شخص يفهم بنتي ويفهمني ماكدر اربي ميمي بوحدي

،،،وامي هم متكدر وسوسن باجر الله يسهل امرها ومحتاج مخبله مثلج حتى بنتي تصير مثلج

ميار>>هو يحجي وهمه يضحكون واني احس اشتعلت نااار هذا يتغزل لو ينتقد خبالاتي بقه يحجي وشاهين شاركهم الكلام لحدما رجعت سمعت صوته

سهم>>شنوو قرارج ميار

ميار>> باوعت لشاهين وضحكت بوجهه

شاهين>>الله كريم انشالله يومين وارجع احجي وياك سهم

سهم>> خوش لعد احنه هسه نترخص منكم

شاهين>>بعد وقت

سهم>>لا انشالله الجايات هوواي مع السلامه

شاهين>>الله وياكم

ميار>>من طلعوو لزمت كلبي بيدي فزيت على حظن شاهين من ضهري

شاهين>>مبرووك

ميار>>شنو مبروك بعدني ما كلت يي

شاهين>>ولا كلتي لا هههه

ميار>>شاااهين

شاهين>> بعد ماكو اسم شاهين تعلمي على اسم سهم

ميار>>يوووو كااافي

شاهين>>لزمتها من ايدها وكعدتها وكعدت يمها هسه نحجي بلواقع شتكوولين

ميار>> والله ما اعرف

شاهين>>اني گلبي رف لكلام سهم حسيته من صدك يحبج واهم شي اهله فرحانين وحتى ام سهم تريدج بس ما ادري شكول لان بعدج زغيره الزواج شي جبير عليج واخاف اكلج وافقي وتضلين تفكرين على انو ما اريدج

،،،واخاف اكلج رفضي وما اعرف شنو بداخلج افتحيلي كلبج حبيبي حتى اعرف موافقه لو لا؟؟؟؟

ميار>>شاهين انت صديق سهم وتعرفه اكثر مني وتعرف اهله شتكول

شاهين>>اضمنلج سهم واهله بس ما اضمن خبالاتج

ميار>>ههههه

شاهين>>فكري واحجيلي اني تهمني سعادتج ودراستج ميارتي

ميار>> ماشي حبيبي

شاهين>>كمت من يمها حتى لا اقيدها واخليها تفكر براحتها سحبت كم ورقه وكعدت على الاب توب اكمل كم شغله واتصلت ازل

ازل >>السلام عليكم

شاهين>> وعليكم السلام شلونج دقيقة عيني

ميار>>يوووو استغربت من شوكت استاذ شاهين يكوم يخابر بعيد عني بس يمكن قضيه وميصير اسمع شنوو ميصير اسمع قابل اني منافسته بلمحكمه وميخليني اسمع اووف صايرة محقق كونان وافكر هواي شوية ورجع شاهينو كعد

شاهين>>ميارتي

ميار>> ها حبي

شاهين>>راح اكلج شي

ميار>> اممم

شاهين>>راح اكول لسهم خلي نأجل سالفه الزواج لحدما تخلصين هاي السنه مال ثالث

ميار>>صدك والله

شاهين>>يي والله ما اريدج تعوفين دراستج

ميار>>فدووووة الك حبيبي

شاهين>>يعني موافقه

ميار>>يي طبعاا

شاهين>> خوش لعد كومي اقري وشوفي جدولج

ميار>>يمااااي ركضت للغرفة سحبت الجنطه وجدولي وكعدت احظر كم شغله اوووف شكد فرحت شوية ونوب اتذكرت علاگه سهم من انطاني ياها استغليت الفرصه ورحت اخذتها شفتها كولها شالات اوويلي وحتى دنابيس مشتري ههههه

،،،اخذت شال لونه ابيض لبسته وعدلته صار يجنن وطلعت يم شاهين شافني ضحك

شاهين>>تخبلين منيلج

ميار>>شنوو رايك شاهينو

شاهين>>قررتي تتحجبين

ميار>>اممم والله ما ادري انت شتكول

شاهين>>اني افرح ولج عفيه عليج دكتورتي والله كلش فرحت لمن اتخذتي هل الخطووة من وحدج

ميار>>يعني هلشي فرحك

شاهين>>يي والله

ميار>>لعد حلبسه

شاهين>>الله يحرسج ويحفظج

ميار>>ويحفظك يروحي اهم شي انو شاهين قبل وفرح انو تحجبت يومين وشاهين رجع خبر لسهم وهو اتقبل فكرة التاجيل وكال انو هلشي لصالحي من يومها رجعت لدراستي وابد ما شفته ولا حجيت وياه بس جانت ميمي تجيبها سوسن كم ساعه وترجع تاخذها

،،،لحدما امتحنت نصف السنه واحلى شي العطلةة اتفقت وي البنات انو نقفل اجهزتنا اول يومين حتى نرتاح من الدراسه وضغط الامتحانات اخير يوم امتحان سلمت عليهن واخذنا صور واتصلت على شاهينوو

شاهين >>ها دكتورتي خلصتي حفله العزوبيه

ميار>>ههههه والله خطيه يعني ما اشوفهن 15 يوم

شاهين>>يله بلطريق جايج

ميار>>تمام حبي باي سديت جهاز كعدت على الرصيف منتظرة شاهين وطبگت سيارة

سهم>>شهرين و4 تيام من يوم شاهين قرر ياجل هلسالفه ما شايفها صارتلي فرصه اشوفها اخير يوم امتحان الها رحتلها ما توقعت تتحجب واصلا اني نسيت السالفةة كلت مستحيل تسويها بس كلش فرحت وحتى وهيه محجبه هم حلوة شفتها كاعده وعرفتها منتظرة شاهين تقدمت عليها بسيارتي ونزلت الجامه....شسوين كاعدة

ميار>>يبووو صار شكد ما شايفتة ضحكت بوجهه

سهم>>مبروك اليوم اخير يوم

ميار>>هاي نصف السنه بعد كومه على كلمه مبروك

سهم>>ههههه ميخالف شدي حيلج صدك حلوة بلحجاب منو قنعج بي

ميار>>شاهين

سهم>>فدوه اروح لشاهين لعد

ميار>>هههه

سهم>>كومي اوصلج

ميار>>ماكو داعي هذيج سيارة شاهين

سهم>>نزلت من السياره وشفت سيارة شاهين راسا ركضت عليها وشاهين نزل حظنها

شاهين>>ها سهم

سهم>>شفتها كاعده اجيت اوصلها وانت اجيت

شاهين>>وين نبض

ميار>>راحت وي ابراهيم

شاهين>>خوش

ميار>>صعدت بلسيارة وهمه بقو يحجون شغلت المسجل مال السيارة طلعت بوقتها اغنيه تجنن اليسا ملكه الاحساس اموت على صوتها بقيت منسجمه وي الاغنيه وصافنه بحركات سهم وضحكته بعدين ارتجه على سيارته وبقه يحجي نوب رجع شعره ليورة احلى شي من يغمز هههه بنص كلامه شوية ورجع شاهين وهو راح قبلنا

شاهين>>مياار

ميار>> هاا حبي

شاهين>>جوعانه

ميار>>يي ونعسانه هم

شاهين>>تمام اوديج لمطعم حتى نروح للبيت

ميار>>رحنا اكلنا سوية ورجعنا للبيت طفيت جهازي ونمت وشاهين طلع كعدت الضهر شبعانه نوم بس جوعانه هههه😂 رحت لكيت شاهين نايم سودة علية ومخلي الاب توب على بطنه سحبت الجهاز طفيته وغطيته ورحت سويت غدا كل شوية وتجي لشاهين رساله رحت شفت جهازه من كملت الغدا هيه نفسها ازل والله حتخبل منوو هاي....

،،،ردت اكتب كلمه السر ماعرفها عفت الجهاز وبالي يمها وميت الف فكرة اجتي ابالي ومنهن 👈حبيبته زوجته صديقته كومة بس اليوم ما افوتها الا اعرف كلشي بسيطه سيدي احسها تحز بنفسي صح ما لازم ادخل بحياته بس هل الازل هواي لحت وي شاهين الله كريم نتعرف ماكو شي ينضم ربع ساعه وكعد شاهين اتغدينا سوة وضلينا نحجي على الامتحانات

،،،،وشلون ححظر جدول بهاي العطله وين حنروح ونطلع جدول مال دياحه هههه للعصر كلش طبيت سبحت لانو اريد نطلع سوة لبست بنطلون ومانتو كولش حلوو وياه شال وطلعت وشاهين شنو يلبس حلوو الله يحفظه من عيون الكل يا رب طلعنا من البيت وراسا سمعنا صوت اجه من بيت ابو سهم بقينا اني وشاهين واكفين لا نكدر نروح لان مشاكل بيت ولا نكدر نبقه لان نعرفهم وخاف اكو شي مو زين لا سامح الله

شاهين>>ترجعين للبيت واروح اشوف شكوو

ميار>>لا فدوه شسوي رايح.....همه وحدهم شعلينا بيهم ليروح يصير شي

شاهين>>شلوون شعلينا بيهم ميارتي....تعاي وياي

ميار>>مشينا يم بيتهم سمعنا صوت انس متصدر اصوات الكل ويغلط ويكفر استغفر الله شلون سزز من خوفي لزمت ايد شاهين...فدوه خلي نرجع حباب

شاهين>>رجعي ميارتي

ميار>> يلزمني من ايدي التوجعني يعرف بيه ما اعوفه وحدة

شاهين>>دكيت الباب بقوة طلعلي سهم....خير سهم صاير شي

سهم>>ههههه تعاي فوت هذا انس اتخبل علينا

شاهين>>شبي

سهم>> تعال وافتهم السالفة

ميار>>ماطول ماكو شي خلينا نرجع

سهم>>باوعتلها وجهه اصفر وايدها ترجف مبينه خايفة

انس بلهفةة>>ميااار

ميار>>انتبهت على انس وضحكت بوجهه من خوفي

شاهين>>خيرك انس شبيك

انس>>وي اهلي يمعود خبلوني يردون يخطبونـ...

سهم>>انسسس كاااافي

انس>>ليش خلي شاهينـ.....

ميار>>عززا نضرات سهم لانس قاتله وذاك يرجع يخزرة هههه

سهم>>فوت يمعود شنو غريب

انس>>لا مو غريب اصلا شاهين ومياره همه اهل الدار

شاهين>>تسلم يا ذهب بس اريد اطلعها شوية من البيت

انس>>لعد اروح وياكم

شاهين>>تعاال بلكي تهدا نفسيتك شوية

ميار>>شاهين سلم على سهم واخذنا انس ويانا طول الطريق ساكت ويضحك ويباوع عبالك مو هو يلي جان يخزر بسهم وصلنا للمول نزلنا عصاير وبقو يحجون وشاهين يحجي باسلوب يجنن وي انس

،،،بس يلي عرفته وفهمته انو انس يريد يتزوج بس اهله معارضين بسبب البنية حاجين عليها وسهم ميريد انس هسه يتزوج شعليه بيهم اني المهم كمت وي شاهين اشترينا كم شغله ورجعنا وي انس للبيت

انس>>والله احس اليوم نولدت شكد فرحت من طلعت وياكم

شاهين>>ههههه كلما تضوج اطلع افتر وارجع ماكو داعي تخبص اهلك

انس>>يي والله

شاهين>>تصبح على خير

انس>>وانتو من اهل الخير

ميار>>طبينا للبيت وكالعادة نفس اليوم لحدما مشت الايام وانس رجع لعادته القديمه انو يحجي ويضحك ويومين وترجع المدارس جنت متحمسه اشوف البنات بس صار الشي يلي ما خطر على بالي وهيه سفرة شاهين لازل اتخبلت وانصدمت....جنت كاعدة يمه وهو يخابر

شاهين>> انتي شكد عرضتي الشقتين للبيع....اهاا والله ما اعرف انتي تعرفين ماكدر اعوف دكتورتي وحدها....اعرف اعرف حتلوو يوم ماكدر.....صعبه عليه والله زين خابري اسماعيل يساعدج.....ماكدر ازل ميار صغيره وين اعوفها.... الله كريم اشوف اذا ما كملتها على الجهاز اجي بنفسي يمج....يله عيني سلمينا على غاليه الله وياج

ميار>>شنوو سالفتك شاهين وين تريد تروح

شاهين>>ازل مخليه شقق والدها المتوفي للبيع

ميار>>هيه وين عايشه

شاهين>>بتركياا

ميار>>وانت شنو دخلك بهل الموضوع لا نعرفها ولا تعرفنا

شاهين>>ميصير يروحي غير البنيه ا......

ميار>>شكووو ليش سكتت

شاهين>>هيج يمعوده

ميار>> معقولة حتعوفني وتسافر الها

شاهين>>لا ميار ما اعوفج بس ازل حالها من حالج خطيه متعرف وتريد ترجع لبغداد

ميار>>وماعدهم بس شقق والدها تريد تخلص وترجع وي اهلها

ميار>> عفته ورحت للغرفة هاي ست نعاله شنو موقعها بحياتي مااادري

شاهين>>ميارتي شبيج

ميار>> انت ضام عليه شي من دون العالم كله ازل شنوو ومنووو؟؟؟

شاهين>>اعرفج عليها بيوم خطوبتها والله وتعرفين كلشي وهيه تريد تتعرف عليج

ميار>>هيه كرايبنا؟؟؟

شاهين>>راح تصير كرايبنا

ميار>>امممم اليوم تجي نبض

شاهين>>شعجب

ميار>>تبقى يمي من البارحه اتفقنا

شاهين>>تمام يروحي راح اطلع اجيبلج شي وياي

ميار>>لا كلشي عندي

شاهين>>اذا تردين شي خابريني

ميار>>ماشي حبي من طلع شاهين كمت سديت الباب ورا وكعدت افكر يعني ازل راح تنخطب بس منوو يربي عشر دقايق واندك الباب صحت منووو

نبض>>اني نبض ميار

ميار>>فدوه لنبضي فتحت الباب حظنتهااا

نبض>>ولج ضلوووعي...

ميار>>كبر فوك ما احظنج

نبض>>ههههه

ميار>>منو جابج

نبض>>برهم جابني

ميار>>اممم

نبض>>تعاي اسولفلج اليوم شصار

ميار>>تعاااي بقينا نحجي وناكل كرزات بيتزا شكوو شي موجود كدامنا نسولف وناكل لحدما بقت نبض ساعتين يمي نوب مرت ربع ساعه وخابر ابراهيم على نبض حتى يرجعها شكد ضجت لان حتروح ما صارلها هواي هنه ساعتين

نبض>>اووف شوكت اتزوج وافتك من ابراهيم

ميار>>ههههه ليش

نبض>>هسه خلي يعوفوني يمج والله البيت ضوجه وبس شغل

ميار>>يله اصبري يومين ونرجع نتشاوف بلمدرسة

نبض>>والله اشتاقيت للمه مالتنا

ميار>>اوووف

نبض>> اجه ابراهيم خلي اكووم لا يموتني

ميار>>خليت شال على راسي وطلعت قبلها بين ما راحت نبض تغسل وتسوي شالها

ابراهيم>>هلو ميار

ميار>>هلو بيك...ليش متعوفها يمي وبعدين ترجع

ابراهيم>>ما شبعتي منها

ميار>>هنه ساعتين

ابراهيم>>ههههه اذا اجيت باجر اجيبها وياي

ميار>>والله

ابراهيم>> والله بس وينها

ميار>> تلبس شالهاا

سهم>>طلعت من البيت علساس اجيب لميمي كم شغله وانتبهت على سيارة واكفه يم بيت شاهين ركزت اكثر شفت ميار واكفه وولد يحجون وهي تضحك تقدمت عليهم

.....شسوين واكفةة برا

ميار>>هلو سهم هذا ابراهيم اخوها لنبض اجه حتى ياخذها

سهم>>ايي اني ما سالت منو كلت شسوين واكفةة برا

ميار>>بلعت ريگي لا يروح يسويلي سالفه

سهم>>ابراهيم اذا تنتظر اختك انتظرها بسيارتك لان هسه اني عرفت بيك اخو صديقتها بس الناس من تشوفكم هيج شتكوول

ميار>>انداريت طبيت يم نبض وطلعنا سوة سلمت عليها وراحت وي اخوها بقه بس سهم واكف

سهم بحدة>>ووين شاااااهين

ميار>>ما موجود

سهم بصوت>> اهاااا هل اشووفج واكفه وماخذه راحتج

ميار>>شنوو ماخذه راحتي قابل هو منو غير اخو صديقتي

سهم بغضب>>مياااار هلمرة راح اكول صغيرة متعرف لتخليني مرة ثانيه امسح بيج الكاع كدامهم والله

ميار بصوت>> شنو تهددني بله شنو علاقتك بيه وتهدد اخويا حبيبي زوجي لااااااع الي اخ ويتحكم بيه انت شعليك

سهم بتهديد>>ميااااار والحسين افصم راسج من جسمج لو عليتي صوتج مرة ثانيه

ميار>>خفت من صوته راسا سديت الباب بوجهه وطبيت

♡'''''''''''''''♡'''''''''''''♡''''''''''''''''♡

شفتووو التغير يلي صااار راح تنصدمون اكثر بلبارت القادم بعقل ميار يلي بسبب حدث كولش صغير خلاها تراجع حساباتها كولها

انشالله غيابي ميطوول حبايبي انتظروني

nosha❤🔐

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

مَخّدوع صاْر الگلب مِن اغلى احبابة ..!

_💔

♡'''''''''''''''♡'''''''''''''♡''''''''''''''''♡

ميار>> على شنووو شايف نفسه ويريد يسحلني دكتور سهم عفيه ناس بس تريد تبين انو هيه شخصيه والله يا الله رحت عزلت الهوسة يلي سويناها اني ونبض

،،،وادردم على سهم بكل قهر بگلبي كملت وغسلت الگوابة ورجعت كعدت لنص ساعه ودخل شاهين يضحك ويخابر كلت ما ادخل بشي هو بكيفة ليش اغصبه على نبض وادمر مستقبلهم ابتسمت بوجهه وطبيت للغرفة خابرت نبض...

نبض>> ها ميور

ميار >> اكولج نبض عندي كلام وياج وخايفة تزعلين او تضوجين بس هلشي لصالحنا سوة

نبض>> خوفتيني

ميار>> هو اني بديت حتى تخافين

نبض>> مبين من صوتج

ميار>> من نلتقي بلمدرسة نحجي اوك

نبض>> ماشي

ميار>> باي سديته من يم نبض ورحت كعدت يم شاهين وهو يحجي سويت عشه وكملت الصينيه وحتى من اتعشينا ما حبيت اساله

،،،يوومين مرن رجعت للمدرسة من بعد ما شاهين وصلني بقيت نص دوام بس احجي كلشي وي البنات لحدما بلفرصة شفت ام صديقتنا براء دخلت للمدرسة استغربت شعجب براء ما داومت ركضت حتى اسالها

......خالة

ام براء>> هلو حبيبتي شلونج

ميار>> بخير شعجب ما داومت براء

ام براء>> براء تزوجت

ميار>> شلووون

ام براء>> يي والله اخذت ابن عمها وعلساس اداوم بس متأذية حيل وخياطات لهيج اخذتلها اجازة مفتوحه لحدما اطيب

ميار >> لصراحة ما فهمت شنو خياطات ومتاذيه سلمت عليها ورجعت يم البنات

نبض>> شكوو ليش وجهج انگلب

ميار>> تدرن ابراء تزوجت

نبض>> يااااا كولي والله

ميار>> والله شبيج

الاء>> ايي اخذت ابن عمها وما اضن اداوم لان خياطات ومتاذيه

ميار>> بس شنو يعني

الاء>> ههههه والله متعرفين

ميار>> لاوالله

الاء>> ولج هاي زوجها من يتقرب.........،،

ميار>> شهگت واحس اكو رعشه صارت بجسمي من كلام الاء ونبض تباوعلي وترمش لاول مرة احب صوت الجرس حتى نرجع للصف لانو لو بقيت يمكن ابجي

،،،،طبينا للصف وكعدنا سوة اني ونبض ودرس فارغ استغليتها لمن طلعتنا ام الرياضه للساحه اخذت نبض ورحنا كعدنا بعيد عن الطالباات

،،،اشترينا اكل وكعدنا بلكاع...تذكرين الموضوع يلي حاجيتج بي قبل يومين

نبض>> يي كولي

ميار>> اني قررت ارفض سهم

نبض>> شلوووووون

ميار>> ومرض اسمعي ولج خلي نقدم كل شي سلبي اذا تزوجنا اني وياج بهيج عمر

نبض>> الحمدلله ما افتهمت

ميار>> ولج حتى براء انطوها اجازة مفتوحه بمعنى البنية بعمرنا ما تتحمل الزواج ثاني شي ليش ننحرم من الدراسة ونضل نخدم ونسوي والرجال ينگلب علينا قبل السبعه مالت العرس

نبض>> ههههه

ميار>> ايي ولج عبالج جذب...خلينا من هسه نقرر حتى سالفه شاهين تنسينها

نبض>> لاااا

ميار>> يي وسم تنسينها شاهين جبير وسهم جبير عبالك ماخذه ابوية

نبض>> ما مبين عليه جبير صغير حيل مهتم لنفسه كجسم وكذا

ميار>> ميهمني اذا سالني شاهين ارفض اريد اكمل دراستي وانتي هم انسي شاهين خلينا شوية نكبر ونوب نفكر مو احسن

نبض>> اني وياج ميار

ميار>> تمام... اكلنا الحلويات وبقينا نضحك ونحجي واجني البنات هم كعدن يمنا ومشة اليوم عادي وزعونا كم درجه ودرجاتي الحمدلله يجنن

،،،،رجعت للبيت فرحانة هم بسبب درجاتي وهم لانو احس موضوع نبض جان شوية ثكيل على گلبي وخايفه منه وموضوع سهم هم

،،،دكيت الباب طلعلي شاهين

شاهين>> يمه هلاااا

ميار>> هلوو حبي اكولك شي درجاتي حلوات والله يعني استاهل هدية عليهن

شاهين>> فوتي وارتاحي ومن عيوني بس اشري على اي شي تلكينه يمج...

ميار>> هاي فرصتج ميار اطلبي يلي تردينه وشنو تردين اكثر من موضوع سهم

شاهين>> ليش صفنتي دكتورتي

ميار>> اي شي حتكول يي

شاهين>> يي وعيونج

ميار>> مااريد اتزوج سهم تكدر ترفض

شاهين>> باوعتلها استغربت بس اني هم ما اريدها هسه تزوج دكتورتي صغيره ضحكت وهزيتلها راسي بمعنى يي

ميار>> حظنته لصدري....فدوه اروحلك حبيبي

شاهين>> يله ولج كومي خلي نتغدا واريد اعرف درجاتج صدك حلوات لو لاا

ميار>> والله حلوووات وكلهن من 92 لل97

شاهين>> ماشي

ميار>> كمت بدلت وشاهين جاب الاكل وبقيت اكل وياه بس شكد اكلت من كملنا رحت صليت ودعيت ربي انو يوفقني بهل القرار وميخليني اندم كملت صلاتي ورحت نمت على رجلين شاهين

شاهين>> شبيها دكتورتي

ميار>> شاهين هم فكرت يوم من الايام اهلنا وين

شاهين>> بسرعه شرگت بلجاي واتبده على التيشرت

ميار>> اسم الله هسه اجيبلك مي

شاهين>> شربت مي وباوعتلها بخوف.....ليش سالتي عليهم

ميار>> اكول وين الحياه عنهم هم يتذكرون عدهم ولد وبنية كبرو ماتو ياكلون ينامون تعبانين

شاهين>> مقصر وياج بشي

ميار>> لا يروحي

شاهين>> لعد انسيهم لا تذكرينهم

ميار>> هم شايف امي

شاهين>> ميار

ميار>> امنيتي اشوفها يعني هم تعرفني من تشوفني تحظني لو لا

شاهين بحدة>> مياااااااار

ميار>> ليش تصير اعصاب من اذكرهم كدامك

شاهين>> مااريدج تفكيرين بيهم انتي تعرفين كلمن حياته هسه ابوج وعائلته وامج وعائلتها

ميار>> هيه عدها اطفال موو...ابجي لان ما حسيت بحنيتها شلون الها الجرئه يكون الها اطفال وعدها ثنين عافتهم لان تريد راحتهااااا معقولة من يبجون متذكرنا من يتمرضون گلبها ما يرف عليناااااا

شاهين>> ليش تبجين دكتورتي

ميار>> مو يكولون ماكو مثل گلب الوالدة هسه هيه گلبها ما يتذكرنا ما تحن علينا

شاهين>> اششش كاافي

ميار>> دخلت بصدرة حيل ونمت مااريد اتذكرهم بس اريدهم بحياتي اريد اشوف حبهم من يخافون علينا امنيتي ارجع اشوف امي بلبيت تحظني من ارجع من المدرسة لو تسالني شبيج كلهن انحرمت من عدهن نوب المصيبة من اهلي ثنينهم

شاهين>> شفتها من نامت خليت جوة راسها مخدة وغطيتها وسحبت جهازي وطلعت اخابر

رنا>> شاهين...

شاهين>>اذا يمج ام....امج انطيني احجي وياها

رنا>> ليش هيج صوتك

شاهين>>بسرعةة

رنا>>دقيقه ماما شاهين يريدج

ام شاهين>>الو شاهين شلونك

شاهين>>عادي اسالج سوال وتجاوبيني بصراحه

ام شاهين>>اسال وليدي

شاهين بحدة>>بلاااااااا وليدي انتو ميتين بلنسبة الي ودفنتكم والحمدلله بقت بس دكتورتي من اهلي... سوالي الج من اطلگتي شفتي الراحة...

،،،،بقيت منتظر جوابها فوك الدقيقتين...صحت...جاووووووبي يلاااااااا من اطلگتي ارتاحيتي

ام شاهين>>شاهين اني...

شاهين بصوت>>انتي شنوووووو يوووم عن يوم انساكم وحتى طاريكم اكرهه بس تبقى عيونها الوحيدة يلي تعرضلي احجيلج شي خاف متدرين كرهت كل ام من وراج واتعديت هلمرة بس ميارتي صغيرة جان فكرتي بيها يكولون الام صديقة بتها بس لاول مره اشوف مثلج ام عدو لبتهاااا.....

،،،امنيتي اشوفكم جوة التراب حتى من تذكركم وتبجي عليكم ما ترخص دموعها على ناس رخيصين مثلكم....

ام شاهين>>شااا....

شاهين>>سديته بوجهه ورجعت شفتها على نومتها خابرت على مطعم قريب من عدناا وحجزت كيك وكلشي اكله تحبها ووصيت الها على هدية كلش حلوة حبيت النت واهل البيجات من ورا سوالف التوصيل ههههه لان مو مال واحد يطلع يدور شغلات يدوخ ويرجع فارغ...

،،،،علگت النفاخ واغراض الزينة كلهاا بلغرفةة مالتنا وجبت طاولة صغيرة حتى احظر عليها الكيك والاكلات خابروني على الاغراض يلي وصيت عليهن كولهن استلمتهن ورجعت شفتها نايمة ردت اكعدهاا اندكت الباب رحت فتحته

سهم>> السلام عليكم

شاهين>>وعليكم السلام اتفضل

سهم>>شعندك اليوم شهل الاغراض

شاهين>>ههههه أليوم عيد ميلاد دكتورتي

سهم>>كل عام وهيه بخير وانشالله تشوفها باعلى المراتب

شاهين>>امين يا رب يله ماطول اجيت تعال ويانا

سهم>>لعد وينها

شاهين>>نايمه هههه

سهم>>بيها شي

شاهين>>لا بس وي صديقاتها شوية......سهم عندي موضوع وياك بخصوص ميار

سهم>>يي كول

شاهين>>الصراحه ميار رفضت تفكر بلموضوع وكالت لاا

سهم>>عادي شاهين هيه قسمه اجيت اكلك بعد يومين اروح.....،،

شاهين>>شعجب مو الغت السفرة

سهم>>يي بس هناك عندي دراسة وي اطباء وانشالله هيه سنةة ماا اتاخر وهيج ميار تفكر براحتها هسه اترخص اكمل شغلي

شاهين>>ترجع بل سلامة انشالله.....طبيت كملت الغرفةة وكعدتها...

ميار>>عوفني شاهين

شاهين>>كوومي ميار لعد العيد ميلاد المن سويته

ميار>>صوووتك يمعود

شاهين>>مياااااااااااااااااار كل عاااااااام وانتي بااااااالف خير ياااا رب صحهةة وسلامه ووتحقيق الاماني واشوفج احلى دكتوووووورة

ميار>>طفرت من صوته وهو يضحك ويصيح كمزت حظنته وابوس بي

شاهين>>كل عام وانتي بخير حبيبتي

ميار>>وانت بالف خير يروحي هاي شوكت كلمت كل هذا

شاهين>>الفضل للنت

ميار>>ههههه توصيل

شاهين>>وبكل فخر عيني

ميار>>احتفلت وي شاهين والكيكه طارت نصهاا للمغرب كلش ودخلت ام سهم وسوسن سلمن عليه وانطني هدايا لعيد ميلادي يلي افتهمته انو سهم كايل الهن عيد ميلادي وهو عرف من شاهين

،،،،لحمدلله اكو نص كيكه بلثلاجة... مشت يومين واستلمت شهادتي والحمدلله ناجحه بدات المدرسة تمشي لحدما اجه سهم شوية مبين ضايج.....حبيبي صاير شي

شاهين>>لا ماكو شي بس....

ميار>> بس شنوو

شاهين>>انسي الموضوع وتعاي اكلج على موضوع سهم ترى الغى بس لمدة سنة

ميار>>مدة سنة شنوو

شاهين>>سهم راح يسافر

ميار>>الله وياه...بس اوكف اني سالتك ليش ضايج بس لا صار شي بينك وبين سهم

شاهين>>لا حبيبي بس شوية تعبان

ميار>>الله يساعدك يروحي

شاهين>>ضحكت بوجهه ورحت للغرفة يمكن واكيد اذا ميار عرفت منو هاي البنية وشتعود النا ومنو اهلها مستحيل تغفرلي يلي سويته معقولة غلطت من قربتهم اليه يا ريت لو ما استعجلت جنت خايف انو ترجع لبغداد وميار تعرفهم وهليوم اجه وخوفي زاد شلون ابين واوضح لميار انو هلشي ما جان بيدي والله لان ماكووو غير حل شسوويت شاهين اذا خسرت ميار منووووو الك

ميار>>شاهين

شاهين>>ها دكتورتي

ميار>> ام سهم بلباب وتريدك

شاهين>>اجيت حبي....طلعت شفت ام سهم وميار بس لا ضايجه من عدنا...هلا خاله

ام سهم>>هلا بيك يمة... اجيت احجي وياك لوحدنا ماطول محد من الولد بلبيت

شاهين>> بيتج يمه هاذا تعاي

ام سهم>>روحي يم سوسن ميار

ميار>>لا ابقه بغرفتي

ام سهم>>ميمي هناك روحي

شاهين>>روحي ميارتي محد موجود

ميار>>طلعت وبالي يمهم بس ليش خايفه يااا الله دكيت الباب كل ظني تطلعلي سوسن بلعت لساني من شفته يباوعلي سحبت بوشي على وكفتي ورجعت ليورة ما حسيت بي لمن جراني من يدي

،،،،صحت بخووف....شسوي يمعود مو علساس محد بلبيت والقران راح اصرخ عووووووفني...فتحت عيوني من خلا ايده على حلگي ويجر بيه احس بروحي وگلبي مااااتن اول مرة اشوفه هيج شكد اكره سوسن بس لاول مرة اتمنه اشوفهااا

،،،،يمشي بلبيت لحدما دخلاني بغرفته ودفعني بكل قوووته وصااح بهمس اششششششش ولااااا صوووووت!!!!!

♡'''''''''''''''♡'''''''''''''♡''''''''''''''''♡

هلبارت وداعيه لانو حغيب هيج تفكرون وتصوتون واطلعون افكاركم

صباح الخير نبضااااااااتي

انتظروني ورة غيابي ميطوول

nosha ❤🔐

هيلاوووو نبضااااتي

الف الف مبروك على المركز الاول لقصتكم سهم الغرام

هلبارت للناس او البعض يلي يكولون قصتج ما بيها احداث مبيها احداث اكشن ومبالغه صح هلشي

قصتي عبارة عن اخ يعتبر سند لاخته وبنيه فقدت اهلها عاشت بعيدة عنهم وما بقالها بس اخوهاا

قصتي عبارة عن احداث بسيطه بس كولش حلوة تفاصيلها سلسله  المعاني

تحجي عن الاخوة والصداقة ومراهقة بنات شنو يفكرن بهيج عمر شنو دور الام يلي تتخلى عن اطفالها دور الاب يلي هو خيمه من يعوف اطفاله والاخت نعمه بس مو كولهاااا

مو اني يلي خليت القصة بلمركز الاول انتوو والوات

الحمدلله هاي ثالث قصة تاخذ المركز الاول وهلشي فخر الية داشوف نفسي عبرت مرحله المبتدئة وصرت كاتبةة

قلمي عبارة عن تعديل واضافة كولش بسيطة حتى لا اتلاعب باحداث القصةة

اذا تعتبروني صديقةة ف اني اعتبركم جزء كولش جبير من اهلي

اعتبر الكل وخاصه متابعاتي صديقاتي الحلووات

قصتكم وصلت المركز الاول تستحقون بارت بس مثل متعرفون بارحه نزلت واليوم نزلت ما قصرت وياكم

انشالله ارجعكم باحداث اقوى لان حاليا داتسرد وياي ميار

حبيت انوه على شغله مهمه مستشفى يلي يشتغل بي سهم من اوصل لاسمها لازم ما اكتبه احتراما لخصوصيتهم

من يسافر لدولة هم لازم اكتب نقاط هيج......

ارجع واكول شكرا الكم نبضاااااااتي على تفاعلكم الحلوو بلقصةة

منو يحب هاي القصيدة اني اعشقهااا

ميااار

سهم

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

حضنك مثل الوطن شايف وطن يتبدل؟🌍

♡'''''''''''''''♡'''''''''''''♡''''''''''''''''♡

شاهين>> كولي يمة

ام سهم>> اجيتك بخصوص ميار

شاهين>> اني حجيت وي سهم

ام سهم>> ادري اني جيتك حتى اكلك شاهين لو مرت سنة وثنين وتلاثة ورجعتلك بنفسي اطلب ميار تقبل

شاهين>> الزواج مو غصب لازم برضاتهاا مااريد اغصبها على شي ميار النفس يلي اتنفسه بدنياي واخاف عليها من الكلمه مو انوب اجبرهاا

ام سهم>> اني ما اكلك اجبرهاا لاا يمه افهمني الكلمه تاثر وتخليها تحت ايدك انت من تريد تحجي وياها لا تكوللهه ارفضي كوللهه ميار هاي سنة قدملج ياها سهم على ماعون من ذهب فكري بيها

،،،،اني رايدتهاا لميار مو بس زوجة لسهم لا بس ميار معزتها من معزتك وشاهدي ربي على كلامي ولوو الف العالم شبر شبر ما الگة احسن من عدهاا

شاهين>> فدوه اروحلج يمة وتدللين اني احجي وياها

ام سهم>> ولو ما اجتي ميار باسلوب حلو ام عبيس موجودة اسطرها بمحبة وختشوف ميار شلون تكول لا

شاهين>> ههههه على بختج يمة

ام سهم>> ههههه

شاهين>> بقيت احجي وي ام سهم على الموضوع

ميار>> بلعت لساني من شفته يباوعلي سحبت بوشي على وكفتي ورجعت ليورة ما حسيت بي لمن جراني من يدي....صحت بخووف...شسوي يمعود مو علساس محد بلبيت

،،،والقران راح اصرخ عووووووفني...فتحت عيوني من خلا ايده على حلگي ويجر بيه احس بروحي وگلبي مااااتن اول مرة اشوفه هيج شكد اكره سوسن بس لاول مرة اتمنه اشوفهااا يمشي بلبيت لحدما دخلاني بغرفته ودفعني بكل قوووته وصااح بهمس اششششششش ولااااا صوووووت!!!!!!!...

سهم>> قفلت الباااب وباوعتلهاا

ميار بخوف>> سهم شسوووي

سهم بحدة>> ليش رفضتي بس جاوبي واعوفج

ميار>> شلون افهمك والله انت تخوفني...

سهم>> شسوووي كوليلي

ميار>> سهم بس افهمني...

سهم بغضب>> شلووون افهمج ولج ردتج من صدك بس مال تسويني مضحگة كدام اقرب ناسي لا والله مووووو اني

ميار>> سهم فدوه افهم شغله اني مو مال زواج وصغيره باجر تشوف الاحسن مني ماا اتحمل هلشي

سهم>> هذا موو حل ميااار

ميار>> ولا الزواج حل افهمني انت تعرف الخوف يلي متملگني بسبب سالفة الزواج

سهم>> شنو خوفج اجيتج باسلوب حلوو وفهمتج وكتلج ولج ما الزمج لحدما تامنين بيه وتعرفيني واذا تردين زواج ورق قابل بس اريدج

ميار>> اني ما اريدك افتهمت

سهم>> ليش شنو يلي يمنعج

ميار>> خوفي من كلشي يمنعني سهم وانت لازم تتفهم هلشي

سهم>> راح اعوفج ميار

ميار>> احسن...

سهم>> هه لا تفرحين هواي بزونتي هيه سنةة واوعدج تصيرين الي وبسمي ولغيري متصيرين

ميار>> انت تتخيل وبس اني اكولك ما اريدك

سهم>> تقربت منها ورفعت راسها بيدي وعد ميار واني انخلقت بس حتى اوفي شكو وعد اوعده سنةة وحدة ميار وتصيرين بحظني بس.....

ميار>> هدوئه ونبره صوته الهادئه وعيونة يلي مركزات بوجهي عبالك يحفظ شكو ملامح بيه...حجيت من بين رجفتي..... بس شنووو

سهم>> بعدين تعرفين بزونتي بس لا تتوقعين سهم هسه نفسه سهم يلي راح يرجعلج ورة سنةة ماشي

ميار>> هزيت راسي بمعنى يي

سهم>> ديري بالج على نفسج واياااج ثم اياااج اشوفج قريبة من احد لان وعيونج اشرحج بيدي ومحد يكول ليش ف احسلج بيج ما بيج تبتعدين عن كلشي مااريدة وخاصة انس...لزمتها من خصرها ورفعتها شوية...خاصة منوو...

ميار بخوف>> انــ...س

سهم>> عفيه عليج

ميار>> هسه اروح

سهم>> قبل ما اخذ هلشي اعذريني

ميار>> رااسا رجعت ليورة...دير بالك تلزمني سهم

سهم>> ههه هلشي راح يكون بكيفي مو بكيفج...سحبت المحبس مالتها ولبستها سوار منقوش عليه حرفي S هيج مراح تنسيني وهيج مراح انساج خليت المحبس بزنجيلي ولبسته..اطلعي هسه

ميار>> تنفست الهوى يلي بلغرفةة وركضت للباب

سهم>> مياااار...اوعديني مراح تسوين شي واني مو يمج واوعديني مستقبلا مراح تضوجين مني لان يلي حيصير بسببج...

ميار>> وعد باي

سهم>> هه غبيه اتحملي يلي يصير بعد سنة ميار انتي بيدج كعدتي شكوو حقد بداخلي

ميار>> من طلعت من الغرفة ردت بس اخلص منه بس ما جنت اعرف بسوايتي هاي فتحت باب جهنم عليه وطلعت الوحش يلي جان خاااامد داخل سهم ارجع واكوول جنت غبيةةة

،،،بس احلى شي انو سهم حيروح جان شي كولش مخوفني مسحت دموعي ونزلت ما لكيت احد سويت نفسي هستوني داخله البيت صحت س..سوسن موجودة نزل سهم يضحك وكف يمي...

سهم>> شهل الغباء بزونتي شكو نزلتي واصيحين جان من طلعتي من ألغرفة رحتي يم سوسن...باوعتلها ترجف أحلى شي بيها خوفها ورجفه عيونها كدامي...همست بصوت حزن... سنة كاملة مراح اشوفج شلون هيج....بس ثقي بالله ميار الا اندمج على السويتي....

ميار>> عفته وصعدت فوك بغرفة سوسن شفتها اتلاعب ميمي وتشاقة وياها ضحكت وطبيت سلمت وبقيت وياها

ام سهم>> اني اعرفنك واعي وميار مثلك واني هم فرحت من ميار اختارت اتاجل هلفترة وهسه اجتي سفره سهم حتى تفكر ابال صافي

شاهين>> الله يرجعه بلسلامة

ام سهم>> انشالله يمة يله هسه اني اترخص منك وشوية وادزلك ميار عندي كلام وياها

شاهين>> طلعت ام سهم وبقيت منتظر ميار تجي يمي

ام سهم>> جا وينجن سوسن

سوسن>> اجه علم دار

ميار>> ههههه

سوسن>> ابقي هزي بيها خنشوف شتريد

ميار>> بقت ميمي بحظني وترضع بلممةة واهز بيها وايدي على خدهاا الناعم

سهم>> شبعتي منها شوف

ميار>> انداريت شفته سهم....لو ابقيها عمر بحظني ما اشبع منها

سهم>> حرامات راح تشتاقيلها

ميار>> ليش اكدر اجي كل يوم اشوفها

سهم>> وين تجين راح اخذها وياي

ميار>> نغزني گلبي من كال هيج باوعتله وحجيت بحزن تكدر تعوفها سهم واني اجي يمها واذا تريد انومها يمي قابلةة

سهم>> ميصير ميار

ميار>> حبااب

سهم>> لو موافقة جان هسه هيه بحظنج

ميار>> من اشتاقلها شلون اشوفها واحجي وياها

سهم>> انتي طفلة اكثر من ميمي

ميار>> شنو يلي عجبك بهاي الطفلةة

سهم>> ردت اجاوبها واندفعت وي الباب

انس>> ميااار انتي هنا ولج سمعت امي تكول ميار فوك

ميار>> ههههه شلونك

انس>> بخير يحلوة،، تدرينـ.....

ميار>> صوتك انس ميمي نايمة واريد ارجع للبيت

سوسن بصوت>> انسس جهازك يمعووود

انس>> جيت يله نزلي ميارة

ميار>> طلع انس بقة سهم بس يباوع خليت ميمي على الجرباية وخليت كم مخدة حتى لا توكع وبستها وردت اطلع وكف سهم اباب الغرفة

سهم>> ووين؟؟؟

ميار>> اروح للبيت

سهم>> خليت ايدي وعدلت شالها لان طالع شعرها رفعت راسها وبقت تباووعلي....ديري بالج مرة ثانية

ميار>> سهم لا تتحكم هيج المقابيل يختنگ

سهم>> اني سهم ميار والسهم لو يصوب لو يموت

ميار>> وانت منو بيهم يلي يصوب لو اليمووت

سهم>> بس وياج راح اصير ثنينهن واذا شفتج ما اجيتي وياي اموتج ميار

ميار>> شكد تهدد بيه عبالك اخاف

سهم>> ليهسه اكول صغيره

ميار>> فتت من يمه وبقيت واكفة كتلة....صدوك سهم بلة رجعت ولكيت ميار لشخص ثاني شسوي يعني اذا رجعت وشفتني احب واحد لو مخطوبة هم تصوبني

سهم بغضب>> جريتها من ايدها بكل قووتي وضغطت على ايدها حيل....عيدي شنو گلتي

ميار بوجع>> ايدي سهم والنبي حتنگسر

سهم بحدة>> وكسرتهم

ميار>> اااااه فدوه سهم....ايدي راح تنكسر خرب بلساني شعندي حجيت هيج ما بلعت لساني وسترت على نفسي بس لااا لازم اجفص وياه....من ضغط حيل حجيت بوجع...بداعه ميمي عوف ايدي

سهم بحذر>> ميااار خليني من اسافر راضي عنج وما اريدج زعلانة ليش هيج تحجين تجبريني اذيج

ميار>> باوعتله ونزلت يمهم

ام سهم>> ميار يمة تعالي

ميار>> كعدت يمها وانس يضحك ضحكت على خباله وشلون يحجي ويهدد بيهم يا الله

انس>> والعباس اذا ما ازوجووني حزام ناسف وافجركم

سوسن>> ايبااااه

ميار>> هههه وانت هم تموت

انس  >> لا اسم الله عليه بعدني شاب بلباگيت

ميار وسوسن>> هههه

انس>> ميار قنعي امي

ميار>> خاله هيه ادرى بمصلحتك

انس>> هه مصلحتي لو مصلحه سهم

ام سهم>> كاافي انس

انس>> تجين يمي وتصيحين انس كافي سكتت امري لله

ميار>> اني حروح هسه لانو شاهين منتظرني

ام سهم>> لا اني حجيت وياه وكتلة اريد احجي وي ميار كومي وياي

ميار>> كمت وياها وباوعت لسهم ياشرلي على غرفه امه بمعنى هنا

انس>> وووين ليش ما تحجون هناا

ام سهم>> وخر انس

ميار>> رحت وراها وكعدنا بغرفتها

ام سهم>> شوفي مياار اني احبج واريدج يمي وامنيتي بهاي اللحظة بس هسه ما نكدر نسوي شي بس اريد اعلمج بشغلة صغيرونة

ميار>> كولي خالة

ام سهم>> ما اريدج تتعلقين بشخص غير سهم احسبي نفسج مخطوبة لسهم

ميار>> ليش يعني؟؟؟؟!!!!!

ام سهم>> ما اريدج تزعلين مني بس هسه انتي بفترة مراهقة وخايفة تشوفين شخص تتعلقين بي ومن هلسوالف مال المراهقةة

ميار>> لتخافين خالة اني ماكدر اخون ثقة شاهين

ام سهم>> اعرف يمه بس الگلب بكيفةة وهيج عمر يرف على الحلو والشخصية

ميار>> ههههه

ام سهم>> تضحكين عبالج مادري هسه بلشباب من يوكفون اباب المدرسة ويضلون يتفيگون بنفسهم وهيج حتى البنية تخضع الهم

ميار>> صح والله خالةة

ام سهم>> يي يمه وانتن گلبجن فطير مو بيدجن تضلن بس تباوعن يي اضحكي شعليج من الكلام وذاك وصاني الف وصية عليج..

ميار>> خالة اكدر اثق بيج واحجيلج

ام سهم>> كولي يمه وخاف عبالج احجي وروح بتي حاسبتج مثل سوسن واعز

ميار>> لعد من يروح سهم وبيوم انس ماكو اجيج واحجي وياج وانتي قرري يلي سويته صح لو غلط مثل متعرفين اني ماعندي ام تنصحني واكثر من مرة انتي تحجين وياي وتضحكين بوجهي وما فد يوم زعلتي مني ولو وحدة غيرج جان حتى ما بقت تحجي وي شاهين

ام سهم>> سالفة قسمه ونصيب ابعد وليدي شاهين عني ليش

ميار>> فدوه اروحلج خالة وانشالله اجيج

ام سهم>> واني انتظرج حبيبي

ميار>> مع السلامه

ام سهم>> الله وياج يمة

ميار>> طلعت من بيتهم رحت للبيت لكيت شاهين واكف ويفتر

شاهين>> صاار شي عدهم احد حجه شي

ميار>> لا حبيبي

شاهين>> شرادت ام سهم

ميار>> كلام كالت خلي بينا

شاهين>> تمام يلة حبيبي تعاي

ميار>> بقيت احجي وي شاهين ومرن يومين وراح شاهين يودع سهم بس اني ما رحت لان اكثر شي اكرهه لمن اتعلق بشخص ويروح وماكدر الزم نفسي يمكن اضعف وابجي

،،،من اشوف ميمي حتروح وحتى سهم بس هلشي لصالحي وانشالله اكون اتخذت خطوة مهمه بحياتي.. ساعه ورجع شاهين لكاني انضف بلبيت حتى ما ابين دموعي التهي بغير شغلات واول اسبوع من سفرت سهم اتعديت مرحله تفكير بيهم والحمدلله مشت ايامي

،،،،وبقيت اركز بدراستي وبهوواي شغلات ابد ما حاجيت ولا اتقربت من انس جان خوفي من سهم بوقتها كولش مسيطر عليه من هددني

شاهين>> مياار وينج حبيبي

ميار>> شاهينوو تعال للمطبخ

شاهين>> شهل الريحة تخبل

ميار>> هاي خاله ام سهم علمتني عليها وحبيت اسويهاا

شاهين>> ريحه الدولمه تارسة البيت

ميار>> ههههه بعد نص ساعه يلي تستوي قبل شوية خليتها

شاهين>> عاشت ايدج حبيبتي

ميار>> بعدك ما اكلت وشفتها طيبة لو لا

شاهين>> ميخالف ميارتي

ميار>> بدل وتعال..راح شاهين يبدل وكملت الهوسة مالت المطبخ يلي سويتها علمود جدر الدولمة هههه كعدت اسوي زلاطة وخضروات حضرتهن والطرشي وكلشي لنص ساعه كعدنا نتغدا سوة

،،،،عبالك من سافر سهم انو حياتي رجعت مثل قبل بلا تفكير ولا تشويش لحدما شهر كامل مر وخابرت ام سهم على شاهين رادتني يمها بس مادري ليش كلت لشاهين ماكدر اروح خلي هيه تجي يمنا باوعلي وطلع ترى اعرف تصرفي غلط انو الكبير يجي على الصغير بس ما اريد اشوف انس ابيتهم للمغرب اجتي ام سهم وبوقتها شاهين راح يجيب عشه النا وهيه بقت يمي

ام سهم>> ميار تذكرين قبل لا يسافر سهم كلتي اريد احجي وياج

ميار>> يي خالة

ام سهم>> بس ما اجيتي وهسه اني اجيتج احجيلي كلشي

ميار>> جنت كاعده بصفها كمت وصرت مقابيلها بلضبط وحجيت بخوف خالة الصراحة اني ما عندي ام تعلمني ولا شخص يحجي وياي بهيج مواضيع صح عندي شاهين وهو الدنيا كلها بس خاله صيري مكاني

،،،يمكن متعرفين اني شلون جنت عايشة بلا اهلي وكولش زين اعرف مسوؤلية الزواج واني صغيرة بلنسبة اله لو امي يمي جان علمتني على هواي شغلات بس ماعندي....

،،،،شفتها كامت وكعدت بصفي وحظنت ادية بين اديها وضحكت..

،،،،لنفترض اتزوجت سهم شنو اليضمن ما اصير أنانية مثل امي وافكر بمصلحتي واعوف جهالي تدرين اني عندي عقدة من هلشي خايفة اصير مثلها واسوء...

ام سهم>> اششش شوفي يمه ترى مو لان امج هيج معناها انتي راح تصيرين مثلها

ميار>> شنو اليضمن خاله مو يكولون البنية امراية امها

ام سهم>> ايي بلي امراية امها بس مو بكلشي هسه ابوج الله يخليه مو جان فلوسه فايز شاهين طلع مثله

ميار>> لا مو مثلوو اصلا اتذكر جان يجي مترب وملابسه بيهن مال عماله حتى ناكل من فلوسو

ام سهم>> يي ادري بيكم لهيج كتلج مو شرط

ميار>> زين سهم عمره جبير لعمري واكيد هسه عباله افكر بواحد مثل عمري لو بكدي ويصير اعصاب ترى ابنج بس يهدد

ام سهم>> ههههه ابني بس لسان گلبه طيبة

ميار>> لا مو طيب هو كالي اشرحلج تقبلين يشرحني

ام سهم>> ههههه لا ما اقبل حبيبي غير شاهين يرفع علينا قضية ويحبسنا

ميار>> ايي هم صدوك

ام سهم>> لتخافين من تهديد سهم يمه ترى سهم كالج هيج لانو خاف يسافر ويرجع ويلگاج تحبين او صايره لغيرة تدرين كلما يخابرني يسال عليج

ميار>> والله؟؟؟

ام سهم>> ايي والله جا غير گلبتي الرجال 180 يبعد امج زغيرونه وحليوة وهو گلبه مثل ريشة النعام اعتبريني مثل امج واكثر هسه اني يلي افتهمته من كلامج تخافين تتحملين مسؤولية الزواج غير شي متخافين

ميار>> لا

ام سهم>> خوش بس عندج شي

ميار>> تكدرين ما تتغيرين عليه وتقبين مثل ما انتي بداعة سهم

ام سهم>> هههه غالي والطلب رخيص بعد امج

ميار>> ابتسمت بوجهه وبقيت احجي وياها وشوية ورجع شاهين حظرت الصينية وهيه بقت اتعشت ويانا من رادت تطلع حظتنتي وباستني بس راسا ابتعدت من كالتلي وبقيت مركزة بوجهه.....

♡'''''''''''''''♡'''''''''''''♡''''''''''''''''♡

هلاوووو نبضاتي مشتاقتلكم والله ❤🔐

شنو رايكم بلبارت اشو ماكو توقعات تفرح وتحفز لويش؟؟؟ 🤔🤔🤔🤔🤔

nosha ❤🔐

👇استاهل موووو

~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

- ‏يكفينيُ من حظوظ الدنيا آنكّ لي ♥️🥺.

♡'''''''''''''''♡'''''''''''''♡''''''''''''''''♡

ام سهم>> وانسي موضوع سوسن احسبي نفسج ما حجت وياج

ميار>> راسا ابتعدت وبقيت مركزة بوجهه معقولة سوسن كالت الها بس شلون عرفت...راسا طبيت وشاهين يضحك ويشاقة وياي كمت خابرتها

ام سهم>> ها يمه شاهين

ميار>> لا خاله هاي اني ميار

ام سهم>> ها حبيبتي كولي

ميار>> خاله وداعه شاهين ترى لا اني ولا شاهين النا شي وياها هيه اجتي واعترفتلي بس ما حجيت لاحد

ام سهم>> اعرف يمة وهيه كالتلي هلشي لان الام تقرة وجهه جهالها وعرفت ابتي مسوية غلط

ميار>> تمام خالة

ام سهم>> يله حبيبتي ديري بالج على نفسج باجر عندج مدرسة

ميار>> تصبحين على خير خالة

ام سهم>> وانتي من اهل الخير حبيبتي

ميار>> سديته ورحت يم شاهين وافكر يعني البنية من تحب تحجي لاهلها كلهم لو بس لامها اباوع على شاهين يحجي بس ما مركزة وياه..فكرت لو باجر حبيت اكدر اسولف لشاهين لو عيب بس ماكو عيب هو الحب لو عيب جان محد حب وسوا علاقة..

شاهين بصوت>> الوووووووو

ميار>> بحساب محد الي بس هو ولازم يعرف يلي يصير بحياتي..

شاهين>> ضربتها بلقلم على راسها وصحت وين صاافن ابو صابر

ميار>> لزمت راسي بمكان الضربة..اوووي شاهين شبيك ومنو ابو صابر

شاهين>> ههههه ساعه احجي وياج وانتي ساكتةة

ميار>> شاهين البنية من تحب المن تسولف...بقيت اريد جواب شاهين وخفت بس لا يصيح عليه

شاهين>> سكتت مو لان ماعندي جواب الها بس مااعرف شكول الها واني اريدها اتثق بيه ومتخاف مني ومتضم عليه شي ضحكت بوجهه واشرتلها بيدي حتى تجي يمي..تعاي ميارتي

ميار>> كمت وكعدت بصفة

شاهين>> شوفي دكتورتي يعني البنية مو بسرعه اثق باهلها اكو اهل ميقبلون هيج واكو اهل عادي بس البنية تحجي لامها بس مو كلهن بس للام يلي تكون صديقة لبتها

،،،،بس يلي ما عدها اهل تحجي لصديقاتها ومرات الصديقة هم تخون وتضل تعيير بيها وتصير مشاكل والاخت هم الها دور افتهمتي

ميار>> اممم ويلي ما عندو ام واخت وتخاف تحجي لصديقاتها خاف يضلن يحجن

شاهين>> معقولة ما عدها شخص تحجيله ماكو

ميار>> ماكوو

شاهين>> ماكو شي اسمه ماكو لازم اكو شخص تحجيله

ميار>> يعني لو كبرت يجي يوم احجيلك يلي بگلبي

شاهين>> ليش لا هيج راح اثق بيج اكثر وادري بيج متضمين عليه واني بدوري انصحج حتى تعرفين الحياه شنوو....شوفي حبيبي ترى جنس ادم اغلبهم يستغلون البنات الصغار يلي عقلهن توه يتمنى الكلمه الطيبة والحلوة

،،،،اغلب البنات يم اهلهن يصيحون عليهن ويشغلوهن بلبيت وبعمرج متحب تشتغل واحد يأمر عليها تريد الكلمه الحلوة والدلع بس ااكو ميخافون الله ويستغلون لهيج لازم اكوو شخص ينصحها حتى لا تمشي بطريق غلط وتكون نهايته الموت وغضب الله

ميار>> يعني الله من يغضب علينا نموت ونروح للنار لعد هو الحب حرام؟؟؟؟

شاهين>> مو حرام دكتورتي بس كتلج اكو طريق غلط ولازم واحد ينصحنا حتى لا نوگع بي

ميار>> اممم باجر من احب احجيلك

شاهين>> ولج تحبين منو انتي مالتي حبيني واحبج

ميار>> ههههه ونبض

شاهين>> شبيها نبض؟؟؟

ميار>> وين تخليها اذا تحبني

شاهين>> گلبي واحد وبس لدكتورتي لا نبض ولا سونار

ميار>> ههههه منو سونار

شاهين>> وزن وقافيه ولج

ميار>> صدوك شاهين اتذكرت ازل رجعت

شاهين>> ايي رجعت وصارلها اسبوع

ميار>> بس ما اتعرفت عليها

شاهين>> مو كتلج بخطوبتها راح تعرفينها

ميار>> هيه حلوة؟؟؟

شاهين>> ماكو احلى منج دكتورتي وهسه كووومي مني عندي شغل واعرفج راح تخلصينها عليه سؤال ورا سؤال

ميار>> ههههه

شاهين>> ههههه يله حبيبي جدولج واقري

ميار>> باجر ما عندي مدرسة

شاهين>> ليش؟؟؟

ميار>> من باجر البنات يعطلن حتى يدرسن وما اريد اروح

شاهين>> مياره تعطلين يوم 4/1

ميار>> ليشش بس اني اداوم

شاهين>> لا حتى نبض اداوم وياج وتروحين تقرين

ميار>> شكوو اداوم وغيري يسجلو غياب من وراي

شاهين>> هنه داخلات خصوصي ويمكن عايدات واذا اول سنه الهن ذني غبيات غير يكملن المادة

ميار>> اوووف منك اووف....كمت حظرت ملابسي وجدولي بس ما قريت بس حليت وكعدت راسلت نبض..

نبض>> ها خبله

ميار>> اكولج باجر انداوم شاهين يكول عطلن بشهر الرابع

نبض>> ياااا شبي هذا

ميار>> علمودنا نعالة حتى نفتهم

نبض>> ايي هم صح اكولج حليتي

ميار>> بس الرياضيات

نبض>> دزيلي

ميار>> وولي لج اني احل واتعب وتجين دزيلي علمي نفسج

نبض>> حبابه ميار

ميار>> لا حبابه ولا دبابه باي

نبض>> مزاعلتج

ميار>> طبج مرض 😂😂 سديته ورحت اكتب كم شغله اني ما خايفه على جدول المراجعه لان اعرف بشاهين حيسويلي واحد بس اريد اعطل واخذ استراحه من الدراسة وهلشي شاهين ما يقبل لازم اكمل المنهج اوووف يمه

،،، باقيه بس لمن طفيت كلش رحت انام علجرباية كعدت ثاني يوم رحت للمدرسة ومشت ايامي لحد ما عطلت علمود الوزراي اووووف الحمدلله يوم خميس يعني الاحد يصادف يوم 4/1 يمااااي رجعت اكمز واهز جتف عبالك تخرجت مو عطلت

،،،،لان تدرون ليش بس كم طالبه جنا مداومين وهلشي مو حلوو كروبك يلي متعود عليه بلمدرسة ماكو بس صخلتي ههههه بوقتها شاهينو بلدوام بدلت ونمت كعدت على جهاز يدوك استغربت جهاز شاهين شنو رجع لو ناسي والرقم محفوظ مكتوب ام معتصم

،،،،جنت مترددة افتح خط لو لا عفته ورحت ادور على شاهين ماكوو اتاكدت الباب ليهسه مقفولة رجعت للغرفة ماكوو ورجع اتصلت مرة ثانيه اتجرأت وفتحت خط...

ام معتصم >> الو شاهين

ميار>> لا مو شاهين اتفضلي

ام معتصم>> وين شاهين

ميار>> هيج وقت بلمكتب يمكن نسى اليوم جهازه

ام معتصم>> منو انتي خطيبته

ميار >> شاهين خاطب واني مادري

ام معتصم>> الوو

ميار>> لا اني اخت شا...ياااا شبيها هاي مرض كون ماله علاج الا بلصين وكون بيدج السدت الجهاز...شمرت الجهاز ورجعت نمت كعدت على ريحة تمووت شفت شاهين يحظر الاكل

شاهين>> كعد الدب القطبي مالتي

ميار>> ههههه ركضت حظنته....ميته جوع والله

شاهين>> ادري دكتورتي رجعت شفت الاكل على حطته كلت ما ماكله شي لهيج وصيت

ميار>> انت شلون مستحملني نص فلوسك بكرشي

شاهين>> فدوه تروحلج الفلوس لعد لمنو اتعب اني

ميار>> فدوه

شاهين>> يله يله ليبرد الاكل

ميار>> ركضت جبت كلاصين وكعدنه ناكل الحمدلله يربي انترس كروشي

شاهين>> ههههه يرادلنا نفتر منطقتنا سبعين مرة حتى ينهضم الاكل ولج

ميار>> ههههه والله ولا اكووم مال ارجع انام

شاهين>> كوومي لج شيلي الصينيه وهرولي بلبيت لا تروحين تصيرين بطه

ميار>> بطه فيله قابلة عوفني

شاهين>> كومي حبيبي حرام تبقى الصينيه

ميار>> تمام.....كمت شلتها وسويت جاي وسمعت شاهين يخابر وفرحان

شاهين>> الف مبروك يا عيني يمتى...والله فرحتلج...اسماعيل خوش شاب بس كون تتوالمين وياه...ايي النا كلام سوة تعاي اليوم حتى نتشاوف...كوليله شاهين يجي يجرك من اذنك ابو الوصخ وين شفتي..

ميار>> شفته مبتسم ويحجي لحدما ماعرف شنو صار راسا كعد وخلا ايده على راسه

شاهين>> انتي شتكولين وين تشافوتو وشوو بسرعه صار هلشي اني من تحجين كل ظني اسماعيل صديقنا يلي اتكفل بكلشي ما جنت ادري تقصدين على

،،،،شفت ميار منتبهه خفت تسمع كمت وطلعت برا اخابر...انتي شسويتي ما لكيتي غيره امج قابلة...شلوووووون تحجين صدك...

،،،تعاي للمكتب بسرعه احسن ما انجلط...اتخبلتووووو بشنوو تردوني اتكفل يول.. لا الله ولا نبيه اني اعتزل عبالي اسماعيل صديقي بس مو...اعرف اعرف يله تعاي راح انتظرج

ميار>> شوية وطب شاهين يفرك بشعره ويصيح

شاهين> شنووو خلصووو الزلم ماكووووو غيره

ميار>> خفت من صوته لاول مرة هيج يصيح ويصرخ گلبي ضل يدوك سريع وجسمي اخذته الرجفه شكاعد يصير بيه يا الله باوعتله بخوف من شمر الريمونت بلحاايط...همست برجفه.. شااا..هين فدوة

شاهين>> انتبهت عليها ميارتي شبيج حبيبتي

ميار>> هزيتله راسي بمعنى مادري واستغربت حالتي لاول مرة هيج يصير

شاهين>> تنفسي حبيبي تنفسي

ميار>> كمت اخذ النفس من حلگي حتى اهدى بقيت خمس دقايق ونوب كعدت بلكاع ركض شاهين جابلي مي شربت ورش على وجهي صرت احسن حظنته وصحت بهمس شكووووو تصيح خوفتني شاهين اباوع عليك عبالك مو انته كمت اتخيلك شي اسود مثل الخيال فدوه لا تعيدهاا

شاهين بتعب>> اسف يروحي والله انفعلت كومي اخذج للدكتور

ميار>> لاااا مااريد صرت احسن....بس شاهين ليش صار بيه اول مره هلشي

شاهين>> هاي ثاني مرة

ميار>> مااتذكر صار هيج حسيت حموت

شاهين>> اسم الله عليج حبيبتي

ميار>> شوكت اول مرة...

شاهين>> انسيها دكتورتي تنذكر وما تنعاد انشالله..

ميار>> لالا فدوه اريد اعرف بداعتي

شاهين>> هاي من جنتي صغيرة بوقتها جنا بلشتااا وجنت اشتغل وي ابو مقداد بلكوفي ورجعت بالليل والدنيا تمطر واتعاركو الاهل اني ما اهتميت لان متعود طبيت سبحت وكملت نزلت شفتها ترجفين وبلگاع وهمه فوك راسج واحد يضرب

،،،،والثاني يعيط ركضت اجيب قمصله لكيتج بلمطر وعلى نفس حالتج ركضت بيج للمستشفى كالو صدمه وخوفه مو اكثر ولان طفله بسرعه انفعلتي بسبب شي صار كدامج

ميار>> يي بس منو خلاني بلمطر

شاهين>> من رجعنا ثاني يوم شفتهم بل استقبال نايمين سوة ويضحكون ونسيت السالفة

ميار>> لا تضم عليه حباب

شاهين>> والله نسيت شبيج هااا ام لسان ترى بس اليوم استراحه من الاحد الجدول راح اخاابر ابراهيم يجيب نبض يمج

ميار>> والله

شاهين>> وعيونج دكتورتي....واني حروح شوية وارجع

ميار>> تمام....صدوك شاهين اكو وحده خابرتك هزلي بيده بمعنى اوك وطلع....

شاهين>> بوقتها طلعت للمكتب بس افهم السالفة وردت اعرف كلشي

ميار>> طلع شاهينو رحت بدلت وصدك ساعه واجتي نبض بقت يمي لليل ورجع ابراهيم اخذها....مشت ايامي هيج بين دراستي وشاهين لحدما مرت 3 شهووور وامتحنت الوزاري والحمدلله من الدور الاول طلعت شهادتي من المتميزات وكرموني بوقتهااا اختاريت الفرع العلمي حبا لشاهين ولكلمه دكتورتي من لسانه الحلوووو

،،،من فرحت شاهين نشر علفيس صور لشهادتي وللتكريم وكتب من اجمل هدايا الله اخت تعني لگ الدنيا باكملهه الف الف مبروك دكتورتي انشالله من نجاح لنجااح وتألق متواصل واشوفج احلى دكتورة حتى تكشفين عليه ابلاش

،،،ههههه صدك ضحكت على اخر شي ما نسيت سهم ابد ولا ميمي صح ماكدر اكول وين راح حتى يخلص السنه اجتي ام سهم باركتلي صارتلي نعم الام يلي فقدتها للعصر خابرتني سوسن استغربت ليش اتصلت بس لااا علمود موضوع شاهين جاوبتها

انس>> اكلج شي بس يضل بينا

ميار>> منووو انت هلرقم لسوسن

انس>> اذا كل ظنج تنتظرين الدكتور يتقدملج ورا سنه ترى جذب لا دراسة ولا شي مجرد لهوو سهم عند شقه ايجار وي عائله صديقه هناك

ميار>> انس صحيح

انس>> اني علمودج ميار فكري لا تتندمين سهم ميفيدج

ميار>> تسلم هسه حروح باي...سديته وانطيت لرقم سوسن حظر من الجهاز وبقيت ابجي على شنووو ابجي اني ما احبه واذا رجع مستحيل اوافق مو بسبب انس لاااا بس صدوك سهم ميفيدني

،،،رجع شاهين ضايج والله خبلني هلولد متغير 90 درجه وما يحجي فتح الاب توب وبقه يكتب ويتحسر دك جهازه كام برا يخابر صار صوت على الاب توب مكالمه فيديو او صوت يمكن كمت داشوف منووو لكيته سهم اريد وما اريد افتح خط كمت للحمام عدلت شعري وشلت ليفوك بشكل مهمل ورحت خليت الجهاز بحظني والهتفون باذني وفتحت خط...

♡'''''''''''''''♡'''''''''''''♡''''''''''''''''♡

صباحوووو نبضااااتي

البارت انشر مبي احداث حتة لا تجي وحدة تحجي وتكول ما بي احداث مهمه 😒😒

والقفله حلوة انتظروني ابارت 16 باحداثه وقفلاته

nosha❤🙈

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

‏شحلاتك من تگلي ولايتي بحضنك

‏واگلك نام يـمدلل 💙✨.

♡'''''''''''''''♡'''''''''''''♡''''''''''''''''♡

ميار>> شفته كاعد ولابس تراك اسود وصاير يجنن وميمي بحظنه لابسه تراك وردي واحد ضل صافن بوجه الثاني عبالك صورة الوحيدة يلي تتحرك هيه ميمي هههه

سهم>>هلااا بلمتميزة

ميار>>هلا بيك

سهم>>اضن هذا الجهاز لشاهين شعنده عندج

ميار>>كاعده اشتغل على شي وانت اتصلت

سهم>>اهاا الف مبروك على النجاح

ميار>>شكرا

سهم>>مشتاقلج

ميار>>هزيت جتفي بمعنى ميهمني

سهم>>صاير شي

ميار>>اسالك وتجاوبني

سهم>>يي كولي

ميار>>انت رحت دراسة لو شنوو

سهم>>شهل السؤال ولا مو دراسة

ميار>>يعني ونسه صح جذبت عليه واني الخبله امشي بكلامك

سهم>>ميار لا تحكمين على شي انت متعرفي

ميار>>نزلت من عيني وحق ربك لو تعرف شكد كرهتك وبلاخص من عرفت انت شنووو وانس شنوو ارجع واكول صوجي ثقيت بيك الحمدلله من رفضت راسا طفيت المكالمه ورجعت الجهاز لمكانه

،،،قررت انسه كلشي بخصوص الدنيا كلها واركز مر شهر واحلى شهر عندي شهر الثامن والتاسع مرن بلحظة وبدات المدارس وبقيت وي صديقاتي واتعرفت على صديقات جدد كبرنا بحساب سنه وصرنا اعدادية واجمل ك بنات الصراحه كل الشله تنعجب بذاك وتحب ذاك جنت الوحيدة يلي ماعندي علاقه او اكول فلان حلو لو هيج لحدما مر شهر على دوامي

،،،،ومدرستي بعيدة كولش ف قرر شاهين يوديني بيد ابراهيم اخو نبض وينطي فلوس وهو قبل شهر اداوام صرت المراقبة ونبض مساعدتي هههه مراقبه واخالف هذا احلى شي 😹😹 من اطلع اراجع بلفرصة نشوف الحارس ياشر ويسوي حركات ما جنت منتهبه اله ابد وشهرين واني اتغاضى واكول مو الي واغلس مو لشي مهم بس الاء معجبه بي صراحه هو كولش حلوو وثكيل

،،،،ومينطي مجال طلعت وي نبض للمدرسة واليوم خميس عدنا امتحان كيمياء واجتي الاء عيونها بگصتها تخزر بيه وتباوع صفح وباوعتلها وهزيت ايدي شبيها ما ادري واليوم من دون الايام مطرت مطر حالوووب ونوب ما لابسه بس ترواكه وخفيفه والمديرة طلعتنا لانو صار صوت قوي بلسما وضلمت الدنيا

،،،،زين رقم ابراهيم نبض ما حافظته واني اخااااف متت وكفنا بلشارع منتظرين سيارة ماكوو

نبض>>ميار روحي للحارس كوليله اريد اخابر من جهازك

ميار>>لا اني شعليه الاء انتي روحي

ميار>>راحت شوية ورجعت ودموعها بعينها كتلهه شكووو

الاء>>كالي وولي منين اجيبلج رصيد

نبض>>ههههه يا فشلتاااه

ميار>>اسكتي نبض مو وقتج احنا بيا حااال

نبض>>ميار دروحي فدوه ثلجناا

ميار>>واذا شاهين عرف ميقبل

نبض>>يمعوده هسه شاهين من يجي نحجيله

ميار>>رحت والف خطوة بعقلي وصلت يمه جان كاعد بكرفان برا المدرسة دگيت الكرفان صحت موجوود احد

،،،طلع وباوعلي من فوك ليجوة

همام>>تعااي طبي جوة يمعودة راح تموتين من البرد ليش ما لابسه قمصله

ميار>>اكدر اطلب طلب اذا متصير زحمه

همام>>اطلبي عيوني

ميار>>اريد جهازك اخابر منه ابو الخط تاخر كولش

همام>>تدللين

ميار>>طب جاب الجهاز وكتب الرقم هو واتصل على شاهين استحيت اخذ الجهاز من ايده والجهاز بيدة فتحت سبيگر

شاهين>>الووو منووو

ميار>>من رد شاهين لزمتني الخنگة من صوت شاهين

شاهين>>الووو

ميار>>شاهين هاي اني

شاهين>>ميارتي شكوو حبيبي ليش هيج صوتج صاير شي

ميار>>فدوة شاهين تعال للمدرسة طلعونا وما عدنا رقم ابراهيم واني شوية واموت

شاهين>>جايج حبيبي تمام بس مسافة الطريق

ميار>>حنتظرك وي البنات سداه وباوعتله....شكرا

،،،،رجعت بدون ما التفت عليه عشر دقايق وسمعت صوت شاهين بيده قمصله من بعيد صاحلي

شاهين>>ميارتي

ميار>>عفت الجنطه وركضتله نوب ليش البجي مادري

شاهين>>البسي ولج جسمج ثلج

ميار>>لبستها لزمني من ايدي صاح على البنات حتى يصعدن بلسيارة وجنطتي يم نبض طول الطريق ساكت وما يحجي بس اعرفه هسه ينفجر

شاهين>>شعجب ما اجه ابراهيم

ميار>>ميدري اليوم نطلع من وقت وما حافظة نبض رقمه

شاهين>>وليش ما حافظة رقمه ست نبض

نبض>>والله بدفتري كل يوم اجيبه بس اليوم نسيته

شاهين بحدة>>رررررقم معرفتي تحفظين وحايره بنفسج وكفتجن جوة المطر وملابسجن

ميار>>شاهين فدوه.....اووووف وصلنا البنات كلهن ونوب رجعنا للبيت ارجف طبيت نزعت ملابسي ولبست تراك فوك تراك من البرد وشغلت التدفئه وكعدت افرك بيدي حتى ادفة

،،،،هو شافني هز ايدة وطب جابلي بطانيه وراح للمطبخ ورا شوية دفيت بس متعدي سلامات هسه اتمرض واغيب اجه شاهين شفته جايبلي شوربة وبي شوية فلفل اسود

شاهين>>اكلي حتى يدفه جسمج

ميار>>اكلت بدون صوت ونوب نمت لليل كعدت مصخنةة وارجف شاهين مو يمي خفت والغرفه ضلمه كعدت وصحت

،،،،شااااهين...شاااااااهين

شاهين>>ها حبيبي شبيج

ميار>>ليش ماكو ضوة

شاهين>>ابو المولد ميشغل ماعرف ليش

ميار>>تعال يمي خلي انام

شاهين>>اتقربت عليها گابه نار ميارتي هذا الجنت خايف منه وهاي اتمرضتي كومي بدلي اخذج للدكتور

ميار>>كمت بدلت ولفيت شال لان ما اريد اتمرض اكثر اني جسمي نحس بسرعه يلگف المرض رحت للدكتور انطاني خافض حرارة وابرتين خبط وعلاج ورجعت على الابره صرت زينه ثاني يوم

،،،عندي صخونه بس خفيفة وماكو مدارس وشوية صرت احسن صارت نصف السنه وبدينا نقرة ونلبش وشكد جان حلوو لان الكل يريد يثبت نفسه على نصف السنه ونشوف منو تطلع اعفاء عام وما نمتحن اخير السنة بلشنا ندرس

،،،ونجتهد بلمواد العلمية الصعبة وبلشت االامتحانات وجنت كولش متفائلة ومتاكدة انو الي معدل بكل مادة امتحنت بيها خلصت الامتحانات وبدينا بنصف السنة ورة تقريبا يومين من عطلتي اجوي اهل سهم يمنا نحجي ونتشاقة وخالتي كاعدة يمي وندك الباب

،،،،شاهين راح يفتح الباب ودخلت نبض اووووف فدوه ركضت عليها حظنتهااا ونكمز كدامهم من سمعنا صوت ابراهيم جريت شالي لبسته ودخلو سوة ما استغربتهم ابراهيم وشاهين اصدقاء...

ابراهيم>>عندي موضوع وياك بس مو كدام البنات

شاهين>>يله دكتورتي جيبي لابراهيم شي يشربه واخذي نبض جوة

ميار> يي تدلل رحت صبيت عصير وماعون كيك وديته يمهم ودخلت يم نبض

نبض>>لو تعرفين عليمن اجينا

ميار>>عليمن غير علمودي

نبض>>انجبي ولج اليوم اجه همام

ميار>>منو هذاا؟؟؟؟

نبض>>الحارس مالتنا اسمه همام اجه يسال عليج

ميار>>اااااااه عليه

نبض>>يي ولج اكعدي اسولفلج....انتي مو تدرين طريق ابراهيم من يم المدرسة مرة مرتين موكف ابراهيم وساله عنج وابراهيم كايله اذا تريدها روح لاهلها عيب عليك توكفني وخاف متعرف منو اخوها ترى اخوها مدعي عام واله معارفه واذا تريد اني احجي وياه بلبداية

ميار>>هلاااا بشاهينوو يابه هيبةة

نبض>>ههههه ولج ماخذ رقم ابراهيم واليوم خابره كاله روحلهم وكوللهم واذا قبلو اني اخطبها ولج اوووف نيالج عندج ثنين همام وسهم

ميار>>فرحانه ست نبض جايبتلي عريس

نبض>>ههههه لعد شلون دسمعي قبل لا تكولين لا خبله الولد اسمه همام اعزب مواليد 85 وانتي قيسي هااا صح عايش وي اهله ماعندو خوات هواي بس وحده وبلسويد يعني متجيهم

ميار>>امممم

نبض>>يي فكري بس اهم شي خلي ابراهيم يقنع شاهين

ميار>> مااضن يقبل منطين كلمه لبيت اهل سهم وليهسه ما اعرف شنو اختار احس بنفسي مربطة والله العظيم ساعه افكر بي ساعه اشتاقله ساعه اكرهه وساعه مااااعرف من دون البنات حظي هيج لو شنوو

نبض>>يي حظ لو قندرة

ميار>>رحم الله والديج حبيبي

نبض>>ههههه مثل حظي المصخم المهم هسه عود ليش ما خلونا نسمع شنو يحجون

ميار>>مادري

نبض>>شسويتي بغيابي

ميار>>هنه يومين عطلنا بيهن

نبض>>خايفه من الاحياء ما مجاوبة

ميار>>يله مو مشكله حبي اهم شي باقي المواد

نبض>>ايي اشوفج صور همام

ميار>>منيلج صور الولد

نبض>>اوووي عيني بدت الغيره

ميار>>ولج يا غيره ليشوفهن ابراهيم يموتج والله

نبض>>ميدري حافظتهن بغير مكان تتعاااي

ميار>>فتحت جهازها وبقت تشوفني بصورة من صدوك حلوو وملامحه حاده

نبض>>ازيدج شي من كلامي

ميار>>كولي نبضي

نبض>>همام كال لابراهيم اذا وافقو اهلها شيخلون مهر قابل لان ادري راح اخذ گمر واخلي بسمي مو بنية

ميار>>هههه فدوه

نبض>>نص كلامهم بصمات وكم مرة اريد ادزلج ياهن مكدرت لان مخلي رمز بس مرات ابراهيم يفتحهن كدامي واضحك

ميار>>خجلت من كلامها شكد حلوو اسلوبو بلكلام احسو من صدوك رايدني مو بس يريد يمتلگني لغايه او سبب

شاهين>>وينج دكتورتي ابراهيم راح يروح ويريد نبض

ميار>>يي جيت

نبض>>يي عيني انشالله مرة ثانيه من اجيج ابيتج نشرب العصير

ميار>>دبسزز ووولي يله

نبض>>هههههه

ميار>>كمت وياها للباب وطلعوو ردت احجي وغمزلي شاهين

شاهين>>مي ميارتي فدوه

ميار>>انداريت شفت خالتي عيونها عليه ومدمعة سكتت رحت اجيب مي ورجعت لكيت شاهين كاعد مقابيلها ويحجي

ام سهم>>خفت من هلشي شاهين

شاهين>>عليمن خاله ترى كله بيد الله ويلي قاسمه ربنا يصير

ام سهم>>والنعم بالله

ميار>>خليت المي والكلاص وكعدت يمهم

ام سهم>>اني كتلك ذيج المره لو مرت كم سنه تنطيني ميار ما رديتلي خبر وهسه شفت حتى اخو صاحبتها اجه وجايبلك عريس الها

شاهين>>هههه اذا تردين ننطي سوسن ابمكانة

سوسن بصوت>>لاااااااا اني شعليه شاهين

شاهين>>شقه يمعوده شبيج

ام سهم>>شاهين اذا هاي نخابر سهم هو يجي ونحجي وياه ووي ميار نشوفهم شنو فكرو وخلي يخلصوناااا من هلشي ليش خلاني اتأمل بميار وهسه تروح من ايدي

شاهين>>على كيفج خاله ميصير هيج تحجين

ميار>>خطيه ضلت تحجي وشكد غلطت على سهم احسها اخذت حقي منه ههههه😂 ونوب راحت للبيت بس من طلعت محد كدر يكتم ضحكته لا اني ولا شاهين

شاهين>>اشش ولج صوتج

ميار>>عزززا شاهينو شسوت خاله بسهم خرب لو جهازي بيدي جان سجلت الكلام

شاهين>>هههه شسوين بي تهددينه بي مثلا

ميار>>هههه والله هيج افكر

شاهين>>امشي لج تهدد صديقي اووكفي ولج منوو همام

ميار>>منووو...هاااا...

شاهين>>وجعاااا

ميار>>ههههه غير الحارس

شاهين>>يي الحارس وين شافج منين عرف ابراهيم

ميار>>شافني بلمدرسة منين عرف برهم من الخط لعد منين

شاهين>>هم صح✅ يله...

ميار>>ما خلص شاهين كلامه ودك جهازه..

شاهين>>هلو بيج... الحمدلله بخير...اهاا الف مبروك...شوكت...باجر انشألله نجي...يي ليش لا دكتورتي تريد تتعرف عليكم...لا من شنوو خايف اذا مو باجر تعرفكم يجي يوم ووتعرف كلشي..اهاا وين راح تصير..ابيتكم...يي اندله لعد شلون... ماشي عيني باجر يمج..

ميار>>بقيت مثل الخبله افر براسي ههههه والنبي اريد افتهم كلشي ماكوو

شاهين>>ها حبيبي تروحين

ميار>>وين؟؟

شاهين>>انسة ميار هل تقبلين الذهاب معي الى حفلة احد اصدقائي معي ارجوك

ميار>> لا اعلم

شاهين>>هههه قابل اعوفج وحدج امشي حتى تغيرين جو وياي

ميار>>بس مااعرف شنو البس؟؟؟

شاهين>>ماشي نروح نشتري فستان بس مو اسود رحمه لله

ميار>>ههههه رحت بدلت وطلعت وي شاهين شكد دورنا وشاهين ما ادري بي هيج يريد فستان مميز وطويل اخير شي اختار فستان زيتوني وابيض يجنن النقشه من يم الصدر عبارة عن كرستال اسود او لمع اسود وي اللون الابيض

،،،ومن يم الخصر وجوة لون زيتوني وياه سترة قصيرة لان الفستان ربع ردن لبسته وطلعت من صدوك حلوووو ومميز شاهين من حاسب الولد رحنا لغير محل اشتريت كعب وي الفستان وشال وكم شغلة ورجعناا ميته تعب من طبينا للبيت كعدت على التخم وافرگ برجلي...بس نسيت شوكت نروح

شاهين>>شنو تعبتي ولج

ميار>>شاهين شوكت نروح

شاهين>>باجر دكتورتي

ميار>>شلووون باجر

شاهين>>يي باجر بس اريد احجي وياج بموضوع

ميار>>شنو هو حبي؟؟؟

شاهين>>اذا صار وعرفتي ناس باجر بداعتي عندج لا تفكرين نهائيا انو اني متخلي عنج او احد يهمني غيرج قسما بالله يلي صار ما جان بقصد ميار يلي جنت اعرفه قصه ويلي صارت قصة ثانية بحيث گلبت يلي جنت رايده گلاب وعيونج عندي

ميار>>شاهين ما افتهمتك تدري

شاهين>>باجر تفتهمين يروحي بس مثل ما گتلج لا تاخذين فكرة عليه ابد

ميار>>لا سيدي ابد انت دنيتي كلهه مستحيل افكر هيج

شاهين>> لعد باجر نتعمد متاخرين نروح حتى نعرف الكل على ميار وشاهين

ميار>>غلط سيدي...حتى نعرف الكل على المدعي العام شاهين واخت المدعي ميار

شاهين>>عفية هيج ما اريد ثقتج تنهز اريدج قوية

ميار>> بقى شاهين يحجي صراحه ما افتهمت كل الكلام بس متاكدة باجر يصير شي وشكو شي يصير لازم ما اضعف لليل اتعشينا ونمنا كعدت ثاني گلي نشاط وحيوية واريد اشوف الناس يلي حجه عليهم شاهين سويت ريوك وكملت البيت وطلع شاهين من الحمام ينشف بشعره

شاهين>>صباح النشاط

ميار>>صباح الحفله هههه

شاهين>>هههه خبلة مو هسه نروح

ميار>>ليششش

شاهين>>ميصير نروح من وقت خلي حظورنا يصير مميز وحلووو

ميار>>شاهين كاعد تحسسني انو احنه راح نلتقي تراامب لوو حليف من غير دولة

شاهين>>ههههه خوش تحليل

ميار>>لشوكت الوقت ما يمشي وكل شوية اشووف الساعة غير لوووو تمشي كمت كل ربع ساعه اوقت الجهاز يبووووو صارت 3 ونص ودك جهاز شاهين

شاهين>>الو ها عيني.. بعد وقت خلي يجون معازيكم..اهااا ماشي مسافة الطريق

ميار>>باوعتله من سد الجهاز وانتبهلي

شاهين>>ركضي بدلي ميارتي

ميار>>يااااااي أخيراً....ركضت للغرفه حظرت ملابسي وطبيت للحمام ركض ركض اسبح وانشف بشعري لبست ملابس وشسورت بين ما شاهين يبدل خليت العطر ومكياج خفيف وعدلت شالي ولبست جنطتي وطلعت

شاهين>>صووفرت كدامها لك يحلووو ممكن الرقم بربك كلشي من عندي

ميار>>ههههه شلون غزل

شاهين>>يله مو صدگتي نريد نوصل

ميار>>اكثر من شاهين اريد اتعرف واحظر هيج خطوبة لان مااعرف منو بيها ومنو لا اعرفهم معرفة لو لا لنص الساعه وصلنا...شاهين جهازك

شاهين>>هلا بالغالي...ههههه على شنو تعتب...والله مشتاقلك...صدك والله هاي شوكت ومادري بيك محد كالي...يي الحمدلله على سلامتك...لا مو بلبيت طالع لخطبة من كرايبي.. يي وياي لعد وين اعوفها...تريد تجي؟؟؟؟...ادزلك الموقع وتعاال....لا مو بعيد قريب تقريبا ربع او نص ساعةة...يله حبيبي انتظرك...الله وياك

ميار>>طبينا لبيت يجنن من صدوك مبني بطريقة تموووت والاستقبال عبارة عن نص بيتنااااا اوووف وشفت وحدة كاعدة تفلش بحيث لابسه بدلة حمرة قصيرة والشعر شوية طويل وملامح وجهها عبالك امريكيه اول ما شافتنا اجتي حظنت شاهين ونوب رجعت حظنتني

ازل>>ميار صح

ميار>>هزيت راسي يي

ازل>>اوووو اخيرا اني ازل شلونج

ميار>>انتي ازل

ازل>>يي يحلوة اني ولج مو مثل الوصف انتي حيل حلووة

ميار بداخلي>>والله بعيونج خلل يا حلاه وانتي بس عطرج يسطر

شاهين>>غير دكتورتي عيني

ازل>>ليش اتاخرت شاهين من شوكت انتظرك

شاهين>>منو هنا

ازل>>الكل هناا بس لا تريد تسوي شي

شاهين>>غير حقي ازل اعوفه منهم

ازل>>يله تعالوو

شاهين>>ازل اوكفي اريد منج طلب....ما اريد احد يعرف ميار وياي

ازل>>ليش هيج لعد شلون

شاهين>>اختج وين بلغرفة....راح اكعد ميار هناا واباوع عليها وخلي وحدة منكم كون تبقه يمهاا

ازل>>والله راح تخبلني انت

شاهين >>جايج بكلشي لتخافين

ميار >>كعدت على التخم وشاهين عيونه عليه ووكف يم شخص ويحجي وياهم واجني كم وحده سلمن عليه ويعرفنه لعشر دقايق واجتي بنيه كعدت يمي وتحجي وياي وشاهين بس ياشر براسه بدات حفلتهم وركص واغاني منتظرين الولد واهله

،،،،رفعت راسي من صارت هلاهل باوعت ودمعت عيوني ياااااااا الله هوووو والله اني ما انساه باوعت لشاهين اشرلي بيدة بمعنى اكعدي اريد اسيطر ماكوو وازل تباوع علينا ثنيناا وتضحك بوجه شاهين زين منين عرفته وهيه جانت بتركيااا ومعقولة هووو اتخبلت من وكف يمها وباسها براسها بس اني بحياته شنوووو لعد

♡'''''''''''''''♡'''''''''''''♡''''''''''''''''♡

هيلاوووو نبضاااااتي.....هذا البارت ورقم 17 بي شي كولش مميز

شنو توقعاتكم ولا تنسون التصويت

nosha❤🙈

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

يگلها،،،

شـمـآ  زآدت  علل  بآلروح  مـن آلگآج مگضية♥️🍃.

♡'''''''''''''''♡'''''''''''''♡''''''''''''''''♡

ميار بحزن>> ليش هيج من شفته عيوني دمعن لازم اكرهه هو ويلي وياه طفولتي ادمرت متت واختنگت من شفته راح سلم على شاهين مستحيل انساه هذا ابوية....

،،،بس ابوية وزوجته والكل منين يعرفون ازل واهلهااا بقيت كاعدة ومن طبو كلهم ليجوة دنگت وبجيت وباوعت لجهازي

شاهين>>ميارتي بداعتي لتضلين تبجين شبيج شنووو اتفقنااا

ميار>>لزمت جهازي بقوة بيدي وبقيت اباوع لهناك اجتي ازل سلمت عليهم ووياها ثنين بنات ولد ومره مبين عليها الكبر تهلهل وسلمت على الكل وحظنت شاهين

،،،،ما اتحملت ردت بس اعرف ذولي شنو موقعهم هناا وليش الكل يعرف شاهين وليش ما عرفهم عليه زين ابوية معقولة ناسيني  اووف ساعه كامله مرت صارت الخطبه واني مثل الغريبه بنصهم

،،،،حتى شاهين ما اجه يمي من خلصت الساعه بقوو الناس تخف بس يسلمون ويطلعون يمكن بقوو بس اهلهم لان قليلين يمكن بيهم 30 شخص هيج

،،،،اجتي يمي ازل وكفت يمي ولزمت ايدي

ازل>>ميار متعرفين شي صح

ميار>>والله مثل الاطرش بلزفة اشوف الكل وخاصه يلي سلمتي عليهم عرفتهم

ازل>>ايي بس منو بيهم عرفج

ميار>>مادري بيهم

ام ازل >>ازل تعاي ماماتي

ميار>>راحت ازل لامها والناس كاعده بمكانها الديجي اشتغل وصارت هلاهل لشويةة وام ازل بقت تركص وي وحده وتصفگ وشاهين يغمزلي وياخذون صور لشويةة تقرب عليه شاهين وازل بصفه تضحك

شاهين>>ميارتي تذكرين كل اتصال يجي وجنت مرات اضوج من الكلام اقدملج سبب ازعاجي ست ازل

ميار وازل >>ههههه

شاهين>>بس ليهسه بعدنا ما متعرفين على كم شخص

ميار بحزن>>اكدر احجي وياك

شاهين>>تعاي نروح برا احسن

ميار>>طلعت ورا شاهين وكفنا يم السيارة وحجيت بحزن تدري شفت بابا هسه وحتى اسماعيل شفته

شاهين>>يي اعرف حبيبي ميار تذكرين مره سالتيني عليهم

ميار>>هزيتله راسي بمعنى يي

شاهين>>ماشي اليوم حتى الست الوالده هنا بس ما عرفتيها انتي

ميار بصدمةة>>موجوده هناا

شاهين>>يي وعيونج

ميار بلهفةة>>منو هيه؟؟؟

شاهين>>ام ازل

>>يعني ازل اختي؟؟؟؟؟

شاهين>>لا تصير بت رجلها لامنا الكريمه ومن صار وقت الشده اتذكرتني علمود ارجعها للعراق واتعرفت على ازل وغاليه وهيه عدها من زوجها بس ولد وبنيه

ميار>>بس شلون هيج؟؟؟؟

شاهين>>رجعت علاقتهم سوة من ورا حب ازل واسماعيل

ميار>>باختصار ازل حتصير زوجه اخوية اسماعيل بس شلوووون؟

شاهين>>يي صح بس اسماعيل مو اخونا ميار هو يصير ابن زوجه ابونا واحنه نطلبهم ثار

ميار>>شنو ثار؟؟؟

شاهين>>مو حرام احنا جنا عايشين بلمر وهمه يريبون جهال غيرنا وعاشو حياتهم خلينا نخرب ونودع

ميار>>يااااا

شاهين>>يله ولج حتى ازل تعرف شراح العب وياهم

ميار>>طبينا ليجوة وانتبهت على يلي لزمني راسا انداريت شفته سهم باوعتله بعتب وبكسر على جذبته وياي على وكفتي صحت

....شااااهين شووف منو اجه

شاهين>>هلااا بابو درب السفر

سهم>>ههههه ما افتهمت من رسالتك شي

شاهين>>هسه تعرف كلشي لان ماكو شي ينضم بس كاعد اعرف اهلنا علينا من جديد

سهم>>هاااا يعني راح نتونس غير

شاهين>>على اخر حباية

سهم>>ههههه

شاهين>>دير بالك على ميار سهم هسه اجيك

ميار>>دخل شاهين ورحنا كعدنا على التخم سوة اني وسهم

سهم>>حليانة يا بنية وعندي كلام وياج

ميار>>ماعندي كلام وياك ابد خلي تفيدك سفرتك

سهم>>وانتي شنو يخصج سافرت لو لا

ميار>>شعليه بيك كمت من يمه واشرت لازل اجتي يمي

ازل>>ها حبي

ميار>>اريد اروح للحمام

ازل>>تعاي وياي

ميار>>كمت وياهاا للحمام طبيت كملت وطلعت ما شفتها هههه قابل تبقه تنتظرني مشيت بلممر وشفت سهم

،،،شنوو مااخلص منك حتى من اروح للحمام

سهم>>شفتج اتاخرتي خلينا اني وياج شوية نتحاسب

ميار>>على شنوو؟؟؟؟

سهم>>تقدمت عليها وحجيت بحدة.....اول شي من كلتي نزلت من عيني وثاني شي من عرفتي اني منو وانس منوو ثالث شي شكد كرهتك رابع شي الخطبه يا حلوة منوو الحارس افندي

ميار>>لا عبالك من تحجي هيج اخاف لو ابجي لا تنسى شي انو اني بنية ويلي يشوفني ماعندي شي وما انطي مجال لاحد يجي من الباب يخطبني

سهم بغضب >>لعد اني اجيتج من الشباگ

ميار>>انت تختلف

سهم>>بشنوو؟؟؟؟

ميار>>اكبر مني واني مراهقة شنو تريد تعيش وي وحده انت تاخذوها بعمرك مرتين

سهم>>انتي اليةة

ميار>>تحلم وهسه شوية لان اريد اشوف اهلي

سهم>>اهلج؟؟؟ ليش همه سالو شاهين عليج انتي بلنسبة الهم ولا شي

ميار>>وعلساس اني معتبرتهم الدنياا مثلا لا تنسى يلي بحياتي كلهه بس شخص واحد وهو شاهين وهسه حيصير اثنين

سهم>>ومنوو الثاني؟؟؟

ميار>>همااااام

سهم بحدة>>راسا تقربت عليها ودفعتها على الحايط منووووووو الثاني

ميار>>حجيت بنفس حدة صوته بس بهمس....هماااام تعرفه لو لاااا ليش الجاسوس مالتك ما وصلگ اسمه للحارس

سهم>>ميااااااار

ميار>>ايدي اذا نكسرت متفيدني حظرتك وخر مني

سهم>>والقران مو بس ايدج اكسرها حتى راسج

ميار>>تايهتلك مثلاااا

سهم>>وحق ربج بكلشي اتحملج بس لسانج يجي يوم يخليني اجرم بيج

ميار>>وخر مني سهم شتريد مني مثلاااا زواج وماكوووو شتريد مني

سهم>>اريدج الج بكلشي بيج اريده حتى نظراتج اريدهن لسانج كوون من ينطق بس بسمي مو بواحد عاااااار مثل همام

ميار>>منوو كايلگ همام عار بلعكس شخصيه محترمه واسلوبة كولش راقي

،،،ابتعد مني وشفته من وكف يم الباب يلي بي مرايه مشيت ردت اعبر بس راسا وكفت من سمعت صوت المراية نگسرت بلعت ريگي باوعت عليه ايده بيها دم والكزاز بلگاع عزززا بعينه فلش مال الناس هسه ازل اطرده والنبي هههه نوب بقيت ابتسم😊مثل الخبلة

سهم>>عليمن تضحكين حظرتج على جروحي لو حظي الورطني بيج

ميار>>ايدك كلها دم وفلشت المراية متخاف يطردوك هههه

سهم>>ليشش تضحكين؟؟؟

ميار>>خرب بلگوة سكتت ردت اعبر واطلع يمهم جراني بكل قوته وشمرني يم الكزاز وكعت بلكاع خرب والله شمرني شمرة اجتي ايدي على كزازة لزمتها بيدي وباوعتله

،،،،انت شنو يلي تريده بلضبط بس كوولي

سهم>>اريد افتهمج انتي شنوو؟؟؟

ميار>>وحده خبلة ما افتهم طفلة بلنسبة الك شنوووووو يلي تريدة

سهم>>دنگت عليها ورفعتها من ايدها لحظني اخر مرة راح اعيدهااااا الج اني اريدج ميار والله اريدج لا تخليني انكسر من وراج

ميار>>لاول مرة يحظني معقولة لهدرجه يحبني عطره كولش قوي وحلوو لاول اعرف مشاعر التملك سهم يريدني تملك وغيرته واضحه عليه من همام هههه

ازل>>ايي افتهمت هسه اشوفها شبيك

ميار>>وخر سهم مدري منو حيجي سهم

ازل>>مياااار شاهين يسال عليج

ميار>>عززززا سهم وخر هاي ازل

سهم>>انعل ابوها وامها

ميار>>ههههه شكووو تسب بيها راسا دفعته مني وعدلت نفسي وركضت للممر شفتها تعدل بمكياجهاا انتبهت عليه

ازل>>ها ولج

ميار>>جنت اخابر صديقتي

ازل>>شاهين انتبه عليج ماكو وخبلني

ميار>>هههه يله امشي رحت وي ازل للاستقبال من وصلنا شفت الناس قليله هل المرة كعدت على التخم وام ازل تركص وتهلهل لشوية وكعدت ازل يم اسماعيل وامها اخذت المايك وتحجي بثقةة

ام ازل>>هاي اول فرحة بفرحة بناتي ازل وغالية ورنا الصغيرونه هذني مو بس بناتي حتى صديقااتي يلي تصير أسرارنا سوة وكعدتنا سوة يا رب اتم فرحتج بخير ماماتي وسعادة دائمة ومن بعدج ازف غاليه ورنا وهيج اموت مرتاحه الناس يلي عدها بنات تضوج وتشيل مسؤوليتها بس اني اكول نيالها يلي عدها كوومة بنات تعيش اميرة

>>ايبااااه ذكرتهن بس هنه واني شنوو ليش اني ما ذكرتني لعد اني مو بتهاا تريد تموت بس لمن ازوجهن لعد ما فكرت بيه من عافتني شلون راح اعيش حياتي

ام ازل>>ازولتي جبيرتي الحلوة حبيبي ربي يسعدج بكل خطوة

ميار>>شفتها من كعدت تبوس بيها وتحظنها ما كدرت اكتم عبرتي بداخلي بجيت وباوعت لشاهين بهل اللحظة من صدك ردته يحظني دنگت راسي

سهم>>تباوع على شاهين ودموعها يجرن مشيت يمها وشاهين غلبني بلحظة من كعد على رجليه كدامها وحظنهاا لصدرة

ميار بدموع>>خلينا نروح فدوه

شاهين>>ليش ميارتي متردين اتذليهم بكلامج ربيتج حتى يجي يوم تشوفيهم انو من عافونا لا متنا ولا انذلينا بلعكس عشنا ملوك صح لو اني غلطان

ميار>>صح والله

ام ازل>>ياااا شاهين منو وياك

شاهين>>كمت وجريتها بحظني وباوعت شفتهم ابو اسماعيل وام ازل ورانا ومنتبهين علينا

ابو اسماعيل >>ليش تبجي هل البنية

شاهين>>نسيت ما عرفتكم منوو هل البنية هاي مياااااار اخت شاهين

ام ازل >>مياار

ميار>>حظنت شاهين اكثر من لفظت اسمي

ابو اسماعيل>>تعاي بوية ليش خايفة

شاهين>>لا عوفوها ميار تتحسس من الغربة صح سهم

سهم>>واني اشهدلك

ام ازل >>بس احنه مو غربه شنو ميار اني امج وهذا ابوج

ميار>>عفتهم وركضت يم ازل لزمت ايدي وضحكت نوب الكل انتبهلي من رحت يم ازل ردت بس اخلص منهم وميحجون وياي بس سهم صدمني من كال

سهم>> يله ميار كلمه اخيرة قبل الوداع بسم شاهين

ميار>>شنووو؟؟؟؟

ازل>>دنكت عليها وحجيت من جنتي بلحمام عمو جان يحجي على اسماعيل ويمدح بي وانتي ماكوو ونوب ماما مدحت بينا تكدرين تحجين وتذكرين شاهين بكلامج

ميار>>يي طبعاا اكدر راحت ازل كعدت يم اسماعيل واني بقيت واكفة صحت بصوت عالي

،،،مساء الخير على الكل يلي ميعرفني اني ميار اخت المدعي العام شاهين بما انو الكل جان يمدح بفلان وفلانه كلت امدح اخوية لان من صدوك يستاهل الواحد يحمد بي ويسويله تمثال واذا تكولون لازم امه وابوة همه يلي يمدحون بي احب احجيلكم اول شي على اهلنا واعرفكم عليهم صح

،،،يلي جان يحجي على العريس ويمدحه هذا بس بالاسم ابونا صح ابو اسماعيل من تمدح بي ما الك بيها فخر لان مو ابنك يبقه غريب عليك من ربيته ودنيته لحظنك ما فكرت بنفسك وبروحك انو الك ولد شاب وبنية طفله عفتهم صغار ورحت ورا مرتك لغير محافظة زين ما فكرت بشاهين شنو يشتغل وهو مراهق ما خفت يروح بغير طريق والذنب ذنبك عجيب امرك

،،،،بس شاهين زلمة واخو خيته بحيث كام ينزع ويلبسني وميدير بال على نفسه وداير باله عليه وحاليا الكل يهابةة بسم المدعي العام شاهين هيبةة

،،،،هسه نجي لام ازل يلي هيه هم كذلك بس بلاسم امنااا تمدح ابت زوجها وما فكرت ابتهاا يلي عافتها طفلة زغيرونه تريد حظن ومحبه من تكبر تحتاج ام تكون الها صديقة تكعد وياها تحجي وياها تصير صديقة أسرارها مثلجن هسه

،،،،بس الحمدلله الله رزقني باخ مثل شاهين صار الدنيا بلنسبة الي اذا تفتخرين انو انتي صديقتهن وكذا اني الله عوضني بشاهين اب واخ وام وصديق بحيث اسراري وياه كلمتي وياه كعدتي وياه ونومتي بحظنه اني اخذت يلي نص العالم ما عدهااا

،،،،الكل عندو اهل واخت بس محد عندو اخ متفهم مثل شاهين قسما بالله ما فديوم صار اعصاب او ضربني على شي واني فد وحدة عنودية وما اتاحجه ويلي اريدة يصير بس يبقة وياي هادئ

،،،،المهم ماطول هسه راح نروح حبيت اكول للعروسة الف مبروك ازوله ويا رب الموفقية بس مثل متعرفين شفت الكل يمدح يلي وياه وحبيت اذكر امج وعيالج منو احنه بلنسبة الهم ومن عافونا شلون الدنيا ضحكت النا وسوتنا احسن منهم بهووواي بيباي حبي

،،،،مشيت شفت شاهين فتحلي حظنه ركضتله بس من ابوية لزمني من ايدي بقوة يمكن ضاج من حجيت هيج

شاهين>>راسا دفعت ايدة منها.....خير ابو اسماعيل تريد شي منها

ابو اسماعيل>>اختك طلعتنا مو خوش ناس عود شنوو قصدهاا

ميار>>صرت ورا شاهين وهو يباوعلهم وامي بقت حاظنه وحدة من البنات وتبجي وابوية يخزر بينا

شاهين>>ماكو داعي اذا طلعتو خوش ناس لو لا بس المهم انتو عرفتو منو شاهين واخته وهسه نودعكم عيني

ميار>>طلعت وياه وكفنا يم السيارة ليش احس بنفسي خفيفة معقولة ما اگن الهم مشاعر بس ردت اواجهم بكلام وهاهيه

شاهين>> شبيج حبيبي

ميار>>شاهين احس بنفسي خفيفة وفرحانه جنت اتمنى التقي بيهم واحظنهم اشو هسه اضوج من نفسي من جنت افكر هيج

سهم>>هاا شااااهين شعلتها وطلعت

شاهين>>ههههه طز بيهم

سهم>>هههه يله نرجع

ميار>>صعدت بلسيارة وطلعنا للبيت طول الطريق افكر هاي انتي ميار محد بقالج بس شاهين امج مو الج لبناتها وابوج لعائلته ومن صدوك طز بيهم ديري بالج مرة ثانية تفكرين بيهم وادوخين نفسج عليهم وتبجين لان دموعج غاليه بلنسبة الج ولشاهين بقيت احجي ويه نفسي لحدما نمت وماادري شوكت وصلنا

،،،كعدت ثاني يوم بدلت ملابسي وسويت ريوك وكعدت شاهين وبقينا نحجي سوة مثل كل يوم للعصر نريد نروح للكاظم ودخل سهم وي اهله

سهم>>شنوو طالعين

شاهين>>ايي نريد نزور

سهم>>يله لعد ما انعطلكم

شاهين>>لا يمعود تصير مرة ثانية تعالوو

ميار>>طبو ليجوة واني رحت حظرت العصير والمقبلاات ورحت وديتهن وسلمت عليهم وطبيت ليجوة

شاهين>>ميار تعاي هنا

ميار>>من صاحني شاهين طلعت شفتهم يضحكون وشاهين شوية متوتر كعدت بصفه

شاهين>>ميار اهل سهم رجعو يردونج لسهم شتكولين

ميار>>باوعت لسهم شريد اجاوبة مادري

سهم>>خليني احجي وياها شاهين

ميار>>عزززا شلون بي هلرجال راح يخبلني شفت شاهين اشرلي طلعنا للحديقة مالتنا بدون شي كعدت على المرجوحه مالتي وحجيت......خير دكتور سهم

سهم>> موافقة لو لا

ميار>>ههههه ولو كلت لا شنو اتوب

سهم>>هاي اخر مرة وداعه بتي

ميار>>سهم لا تجازف بشي وتاخذني اني ماافتهم

سهم>>اعلمج

ميار>>عنودية

سهم>>اتحملج ميخالف

ميار>>مااعوف دراستي

سهم>>واني وياج كل يوم ادرسج

ميار>>صديقاتي هم

سهم>>ماشي اهم شي متاخذين كلامهن وتخربين بيتج من وراهن

ميار>>حباب سهم اني من امشي وياك بحساب اني رقم صفر

سهم>>ههههه هسه ترفضين لان اطول منج

ميار>>انت ما ماخذني حب تريدني بس لميمي

سهم>>بلعكس لو رايدج بس لميمي جان من اول مرة رفضتي بعد ما اجي

ميار>>مااعرفك ولا اعرف شي عنك

سهم>>تعرفين كلشي مو فد شي صعب

ميار>>وليهسه كلام انس براسي من كالي ما راح دراسة

سهم>>احجيلج كلشي تريدة من يوم ولدتني امي لهاي اللحظة

ميار>> ههههه شلون تذكر

سهم>> لخاطرج اسويلي ذكريات جديدة حتى احجيلج

ام سهم >> سهم وينك

سهم>> اجيت حجية

ميار>>طبينا للبيت وشاهين يباوع اني رحت لغرفتي وشاهين اجه وراي

شاهين>>دكتورتي تكدرين تكولين لا او اخذي مهلة وايام

ميار>>شاهين اني.......

♡'''''''''''''''♡'''''''''''''♡''''''''''''''''♡

هلاووو نبضااااتي اسفة علتاخير حبايبي بس ما اتاخرت هواي ابدال مينزل الصبح نزلته هسه.....

للتذكير او تنبيه ابو اسماعيل هو نفسه ابو شاهين وميار

ام ازل هيه نفسها ام شاهين وميار ونفسها ام معتصم اوك حبايبي

nosha ❤🌺