تحميل رواية «سهم الغرام» PDF

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

،،،اهلنا قبل يكولون ما يتوالم المي وي الزيت

،،، اذا حبيبتي ميار هادئة هدوء الماااء وانا السهم  ك النار التي تذوب الحديد

،،اذا كان اسمي اسم من اسماء الملاك وهوو سهم من اسماء الشيطاان

،،،اذا حبيبتي ميار  هيه معنى الهدوء وانا سهم مصدر الازعااااج

،،،انا امثل الرقةة والانسانية وهو سهم القسوة والضلم

،،،متى يحين اللقاء اليكي لكي  اذوب بين نيران صدرك

،،،متى تختلط انفاسنا وتذوب بعدها لنعرف ماذا سيكون مصير الملاك والشيطان

،،،متى تلوووني بازعاجك والونك بهدوئي الرقيق

،،،متى ادخل لقلبك واسحب منه قسوتك وضلمك واضع عنه رقتي ولمساتي

،، متى يكون لقلبي النبض باسمككي

،،متى لقلبك ان يدرك خوفي وحبي لعينيك

،،،متى تفهمين ان غيرتي عليگي تشبه الحريق في غابه الامزون

،،،متى افهم ان وراء نظراتك القاسية ان هناك قلبا يهيم بعيوني وروحا تعشق انفاسي وشفاه تحترق لتلمس شفتاااي

،،،متى تدرك خوفي منك وعليك اثناء غضبك

،،،متى تدركين روحي المشتعله تتهلف للقاء حظنك البارد

،،،متى تفهم ان روحي خلقت لاجلگ فقط

،،،متى تفهمين ان كل ما فيگ لاجلي فقط ف انا اهيم حتى باناملگ عند تلمس بشرتي عند الصباااااح

،،منذ متى بدات بحبي لگ

،،قولي منذ متى واني اتنفس انفاسگ وعطرك الذي يسرح بداخلي كانهوو دم نقي يصفي ويشفي كل مرض بداخلي

،،،منذ متى وانا لگ

،،،منذ رايتگ وكانگ قطة جائعةة

،،منذ ومنذ.......ووووووووووو..... احبك ايها السهم القاسي

،،،منذ ان التقيتگي يا دكتورتي الجميلةة

♡'''''''''''''''♡'''''''''''''♡''''''''''''''''♡

نبضااااتي كاعدة وحبيت اسوي هل الكلام لوحدي حبيت اشارككم بي حبيتوووو لو احذفةةة ☹️☹️

لحد يخمط رجاءا واذا اخذتو اذكرو اسمي بليز بليز ❤🙈

اكمل........

لو لا........

تابعوني انستا يوزري ano_sha0 عن قريب راح انزل ستوريات وتغشوشة ما كل بارت هناك بس تغشيش بس البارت ينزل هنا حبايبي

nosha🔐

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

"وهي الـ من صدگ تعشك مَفضوحةَ ملامحَها

اذا بين السّلف ضحكَت كلها تگول صالحهاَ🙈❤️.

♡'''''''''''''''♡'''''''''''''♡''''''''''''''''♡

ميار>> شاهين اني موافقةة..

شاهين>> نحجي من يرحون دقيقةة عفتها ورحت يمهم من حجينا كتلهم انشالله يومين وانطيكم خبر طلعو طبيت للبيت حجيت بصوت شنوو حجيتو ووافقتي..

ميار>> سهم كالي اني اريدج مو بس ام لميمي

شاهين>> يي يعني يريدج حب ميار شتعرفين عن الزواج اكوو هواي امور غامضه اني اكول نرفض هلشي احسن وانتي صغيرة

ميار>> يعني هسه انت متريدني اتزوج لو خايف ارجعلك ندمانه واريد اطلگ

شاهين>> ميار لو ترجعيلي انتي ووياج 100 نفر اشيلكم على راسي وما استنگف منج

ميار>> الصراحه اكثر من مرة رفضنا سهم وهو بقه يدك بلباب وما سوة شي غلط بلعكس احترم كل مرة نكول لااا انت شتكوول

شاهين>> الج يومين فكري بيهن زين دكتورتي واني الي كلام وي سهم

ميار>> شاهين يدري بقراري متسرع مبين من وجهه بس سهم شخص ما متوفر طول العمر وخفت اخسره ما انكر انو اني ليهسه بداخلي معجبه بي واريدة وحتى من عبرت الثالث وهسه بلرابع ما فديوم خف اعجابي بي او نسيته

،،،،بوقت جانن البنات يحجن على الشباب جنت الوحيدة يلي معتزلة بس لان خفت بوقتها من تهديدة وما باوعت لغيره بس دقيقه وحده اني من التزمت بكلامه حب لوو خووووف؟؟؟

،،،من صدوك يرادلي صفنةة

شاهين>> ميااار يلة ورانا رجعة حبيبتي

ميار>> طلعت لشاهين ركض

شاهين>> شنو متروحين

ميار>> مو اتاخر الوقت

شاهين>> لا بلعكس هسه الامام فارغ يلة نروح

ميار>> طلعت وياه يرادلي اصفي بالي يم الامام الكاظم عليه السلام بلكي يقضي حاجتي وصلنا وسلمت جهازي للامانه وطبيت ليجوة زرت وصليت وبقيت اقره الزيارة بلحظرة وشفت بنية اكبر مني بشوية بس مبين عليها التعب وياها ثنين جهال صغار بلگماط

،،،،من كامن النسوان يطلعن داسن على عبايتها راسا ركضت عليها واخذت واحد من الجهال لان راد يوكع منها

ودق>> يبووو فدوه اروحلج

ميار>> لا حبي عادي ديري بالج عليهم

ودق>> بنفسي ازور بس حماتي عافتني وطبت جوة واخاف اعوفهم يم النسوان

ميار>> ما وياج احد غير حماتج

ودق>> لا وياي كومه لان احنه نجي بلسنه حسنه لبغداد

ميار>> تعاي اكعدي بين ما تشوفين حماتج لان بس تبقين واكفه والنسوان تطلع يضلن يدفعن وهيج توكعين متكدرين اتسطيرين على جهالج كعدت يمي

ودق>> شنو اسمج

ميار>> ميار

ودق>> حلو اسمج شنو معناه

ميار>> مادري والله ههههه

ودق>> اني اسمي ودق

ميار>> اتشرفت حبي

ودق>> من بغداد انتي

ميار>> يي وانتي

ودق>> اني من الناصرية

ميار>> ياااا وجايه بس انتي وحماتج

ودق>> لا اني والعائله كلها بس عافني وراحن يزورن

ميار>> اهااا بلكي هسه تطلع

ودق>> انتي وي منو اجيتي

ميار>> وي اخوية

ودق>> ميار عوفيهم يمج بين ما ازور اذا تكدرين

ميار>> بس اني اخاف يبجون

ودق>> يمج الجنطه والله گلبي حبج وما اطول على السريع

ميار>> خلتهم بحظني وراحت تزور بقيت اباوع عليهم شكد حلوين فدوه لنص ساعه رجعت تلهث وتنتفس سريع

ميار>> زيارة مقبولة

ودق>> منا ومنكم حبي

ميار>> شبيج تنتفسين سريع

ودق>> ما شفتي جوة وحده ضلت تلطم شرمو اذن بتها وانباكت التراجي

ميار>> اوووي خطيه

ودق>> وخفت على بتي

ميار>> هههه ماكو داعي يمي باقيةة لربع ساعه بقيت احجي وياهاا وانتبهت على ساعتي ردت اطلع من الامام وصاحتني ودق رجعتلها

ودق>> اوكفي ميار اخذي مرادج

ميار>> انتبهت من مدت ايدها وشدتلي وصله بيضه وانطتني جگوليته وشمعه بيضةة

ودق>> هاي اليوم اشعليهاا وانوي على اي شي تردية ومن تنامين وعندج حاجه صلي ركعتين واهديها للامام وشوفي منامج اذا شفتي شخص قريب عليج بلمنام وحلم حلوو معناه حاجتج انقضت واذا شفتي ناس متحبيهم والحلم مو زين ابتعدي عن حاجتج ميار نصيحه اخت

ميار>> تسلمين حبيبتي وربي يوفقج بحياتج باوستها وطلعت اخذت جهازي وشفت شاهين شكد متصل رجعت اتصلت عليه انطاني رفض واتصل عليه

شاهين>> وين انتي صار عشر دقايق منتظرج

ميار>> جنت جوة بلامام هسه طلعت

شاهين>> اوكفي بمكانج هسه اجيج

ميار>> سديته وبقيت منتظرة شاهين يجي شوية وشفته وصل يمي ورجعنا للبيت وجبنا اكل ويانا اتعشينا وراح شاهين على الابتوب واني رحت ردت انام واتذكرت ودق وكلامها على الحلم والشمعه كمت توضيت وشعلت الشمعه وكعدت مقابيلها صليت ركعتين بنيه قضاء حاجة وبقيت اقره قران شوية ونوب نمت

،،،،كعدت ثاني يوم فرحانة واضحك انداريت شفت شاهينو حاظني ونايم لزمت ايدة وبستها وكمت غسلت البيت وسويت ريوك لل10 ضبط كلشي كملت ردت اكعد شاهين وطلع من الغرفة

....صباحووووو

شاهين>> صباح النور حبيبي فدوه لو هيج البنات لو ما يرادن

ميار>> صدوك والله حلو يعني عجبك من غيرت

شاهين>> فدوه لايدج كلشي منج حلوو

ميار>> يعمري شاهينوو لعد تعال نتريك ليهسه منتظرتك ناكل سوة

شاهين>> تعاي حبيبي

ميار>> كعدنا نتريك ونسولف وكلشي ماكوو جديد بقيت اساعد شاهين بلكتابه على جهازة وصارت الساعه ب12 ونص كمنا صليناا سوة وكمت اسوي غدا

شاهين>> ميار اني اساعدج بلغدا

ميار>> ههههه فدوه للنادر مالتي

شاهين>> بس شنو نتغدا

ميار>> بكيفك

شاهين>> يعني نخابر على الاسعاف قبل لنموت

ميار>> هههه شلون شيف

شاهين>> ههههه يله نسوي بيتزا وكم شغله نعرفلها مو احسن

ميار>> اووك طلعت الجبن والكاتچب وشغلات البيتزا وصدر الدجاج وبقينا نعجن ونثرم وكل ضحكةة بيناا لحدما سمعت الباب بس كلت يمكن مو النا لان حتى شاهين ما راح فتح الباب لهيج غلست😂 شوية وثنينا سكتنا من سمعنا صوت الباب يندگ بقوة

شاهين>> كملي حبيبي هسه اجيج

ميار>> راح شاهين وسمعت صوت مرية تحجي بلباب ووياها يمكن شباب ما افتهمت شنو بس شوية صوتهم عالي طب شاهين

شاهين>> يعني بنات العالم كله وجايين على اختي عفيه ميار شلون بيج

ميار>> شكوو حبيبي

شاهين>> اهل همام عيني بلبيت وابراهيم جايبهم

ميار >> ههههه

شاهين>> اضحكي طفلتي وانتي قابل شعليج اني الواكع بيها

ميار>> طلعت من المطبخ ورحت للغرفة واضحك يا الله شهل الورطة عود داخابر نبض واسولف الهااا ودك سهم شمرت الجهاز على الجرباية واكول بگلبي لا تفتحين خط ميار ديري بالج يدري بهمام واهله هنا بلبيت والنبي يگلبها على راسنااا يمكن 3 مرات احجي بيني وبين نفسي ورجع سهم دك فتحت خط

سهم>> وينج ميار شبيج متردين

ميار>> ماكو شي ليش اتصلت

سهم >> وين شاهين

ميار>> موجود يمي

سهم>> اتصل عليه ماكوو

ميار>> مو كاعد يم الخطار

سهم>> منو يمكم

ميار>> همام واهله

سهم>> منووووو؟؟؟

ميار>> غبيه كبر لفج شكوووو حجيتي

سهم بصوت>> منوووووو يمكم؟؟؟

ميار>> مااادري

سهم>> ميااار احجي عااااد

ميار>> شوف سهم ترى هو اجه من وحده لبيتنا وابراهيم اخو نبض وياه

سهم>> ليش اجه عليكم

ميار>> يمكن يريد يعرف جواب شاهين بخصوص الخطبه

سهم>> خطبة منوو

ميار>> مو هو قبل شكم يوم دز ابراهيم حتى يخطبني وشاهين يمكن نسه ما جاوبهم لهيج اجه برجليه

سهم>> لعد يطلع من عدكم بدون رجلين

ميار>> ليش وين يروحن رجليه

سهم>> اجي واكسرهن اله

ميار>> ياااا سهم شبيك

سهم>> خرب بسهم واهله وبيوم يلي شفتج بي اشووو من ردتج الكل كام يخطبج

ميار> سهم صوتك عالي

سهم>> مسافة الطريق يمج

ميار>> يمعود سهم لو اجيت وانت اعصاب وهيج نار يسألگ شاهين منين عرفت شنو جوابك فدوه اسكت

سهم>> اجي وتعرفين بااي

ميار>> عزززا بعينك هلرجال سريع الاشتعال بسرعه يصير نااااار غير لو يبطل هلشي

،،،نوب رحت للمطبخ كملت الصينيه واشرت لشاهين اجه اخذها وبقو يسولفون واندك الباب ضليت اباوع بدون محد ينتبه عليه «عادة عد البنات نحب نباوع ههههه»نوب مليت وبقيت افتر بلمطبخ وافكر بسهم وخباله وشراح يسووي من اندگت الباب وگفت بمكاني حسيت گاعدين يدكون بگلبي مو بلباااب

شاهين>> اتفضل

سهم>> ما عبالي يمكم خطار

شاهين>> لا يمعود هلا بيك الجماعه جايين مشايةة

سهم>> المن

شاهين>> قابل اليةة لغير اختي

سهم>> بيها الخير بس يا اخت منهن

شاهين>> كم وحدة عندي سهم هيه بس ميار

سهم>> شنو يعني الناس جايين لميار شاهين يعني رفضت هذا قصدك

شاهين>> اكعد سهم ومن يرحون نحجي بوحدنا

سهم>> طبيت جوة ابيتهم من صدك غرت مو من شي بس گ عمر يتناسب وياهاا واكيد هيه شايفته زين يسويها الحظ وتطلع معجبةة بي سلمت وكعدت

شاهين>[سهم هذا همام

سهم>> اهلا وسهلاا اني سهم نسيب شاهين

ميار>> يبوووووووو نسيب منووو عزززا شهل الورطة

شاهين>> ضحكت من كال هيج بس ما اكدر افشل سهم هم عيب عليه

،،،،قبل شوية حجيت وياكم وفهمتكم على اختي انو مخطوبة ولو عندي بعد اخت انطيها لهمام واني مغمض لان زلمه وما ينخاف عليه بس كلشي قسمه ونصيب

ميار>> بقوو يحجون وسهم صوته هم مسموع ويحجي لحدما طلعو الناس حمدت الله انو سهم ما صار اعصاااب لدقايق وشاهين صاحلي لبست شالي وطلعت لگيت سهم كاعد ويدخن ويهز برجلةة ومدنگ عبالك ضايج

شاهين>> ميار اني كدام سهم احجيها وكدامج حتى لا تكولين باجر انت السبب لو ضغطت عليه بقراري اني ليهسه اكول الزواج مسؤوليةة وصعب بس انتي البارحة كلتي انتي موافقةة صح

سهم>> من يحجي شاهين وسمعت كلمة موافقة راسا رفعت راسي وباوعتلها وضحكت خرب اخيرااا

شاهين>> هسه اني احجيلكم ثنينكم ماطول بس احنة اكعدي بوية افهمج

ميار>> كعدت يم شاهين وسهم يضحك وحتى الجگارة عافهاا

شاهين>> اول شي كلامي وي سهم اسمعني ابو شاه زنان احجي وياك واعتبرك اخوية وصاحبي شوف سهم اختي موافقةة على الزواج بس المصيبة هيه صغيرة يعني ما اريد يجي يوم اتندم واعتب عليك انت عقلك واعي واكيد تعرف هيج عمر تكون ليهسه ما تفتهم شي بس اني ما خايف لان خالتي موجودة وهيه راح تفهم ميار كلشي بس اني خوفي انت ما تتحمل طفولية ميار ترى اختي عنوديةة وطفلة وخبلة احسب حسابك تكعدك ساعة ب2 ونص تكولك سهم اريد مي

سهم>> هههههه اوقت المنبه

شاهين>> هههه غير اكلك عليها

سهم>> اني اتحمل كلشي منها لا ازعلك مني ولا ازعلها

شاهين>> سعادة وراحة ودراسه ميار اريدها منك اذا حافظت عليها واتقيت الله بيها لا اريد منك حاظر ولا غايب رايد منك كلمة والكلمة منك هيه وعد وقسم منك الي لان اختي ما تنشري بفلوس ولا تتوزن بذهب

سهم>> بعيوني والله

شاهين>> سالمة عيونك وهسه الكلام الج دكتورتي الحلوة اريدج ترفعين راسي وادري بيج كاملة وحشاج من النقص بس حبيبي اريدج شوية تخففين من عنادج لان بيت زوجج مو مثل بيتج هنا واريدج توازنين بين دراستج وبيتج مو بحجه دراستج تهملين بيتج الثاني هلشي مو حلوو وينحسب عليه تقبلين تجيني حجاية

ميار>> هزيت راسي بمعنى لا

شاهين>> اشاقة وياج حبيبتي انشالله ما بيج قصور وسهم ارجع واكلك ميارتي بس روح بيضة وطفلة حلوة انطيتك ياهاا هيج بضحكتها اريد اي يوووم اشوفها واحجي وياها هيج ما اريد اشوفها مكسورة صدكني ما ابقيها يمك وانت تدري

سهم>> هههه غير يكعد شوية

شاهين>> هههه شوكت ما تجي هلا بيك حتى تصير خطبتكم

سهم>> وليش مو اليوم

شاهين>> اليوم؟؟؟؟؟....لا يابة اعزم ناسك واني اشوف العندي واعزمهم وهيج احسن

سهم>> لعد اروح من هسه حتى اذا لحكت اعزمهم كلهم باجر نخطب

شاهين>> الله كريم

ميار>> طلع سهم حظنت شاهين....هيج تحبني؟؟؟

شاهين>> واكثر وعيونج ما افرط بيج لحظةة

ميار>> فدوه اروحلك حبيبي❤

شاهين>> ولج نسيناا الاكل

ميار>> هههه كملته اني

شاهين>> يله نتغدا لعد

ميار>> كمت حظرت الاكل واتغديناا سوة وراح شاهين يخابر كملت المواعين وسويت جاي وشاهين يضحك

شاهين>> دكتورتي

ميار>> ها حبيبي

شاهين>> تدرين ازل من عرفت بيج راح تنخطبين ضلت تهلهل

ميار>> هههه

شاهين>> تعاي اكلج شغلةة

ميار>> مسحت ادية ورحت يمة

شاهين>> شوفي ميار صح اني اتكفلتج من جنا وحدنا ليهسه بس اهلنا الهم حق علينا واذا همه ما عدهم عرفة وضمير ف اني وياج عدنا صح لو اني غلطان

ميار>> حشاك من الغلط حبيبي

شاهين>> من طلعت قبل شوية خابرتهم ويلي عليه سويته وكتلهم ميار راح تنخطب لصديق اليةة سمعت بس مبروك والله كريم

ميار>> يعني مراح يجون

شاهين بحزن>> ميار انـ....

ميار>> صدوك تحجي شاهين ضجت بس لان مراح يجون

شاهين>> ماادري راح يجون لو لا

ميار>> شاهينوو بخطبتي يهمني شخص واحد لازم يحظر خطبتي لحظة بلحظة وهل الشخص انته ترى همه اهلي بس مجرد اسماء بهويتي لا اقل ولا اكثر بس انت ابوي وامي واخوي ولو بيدي اخليك مو بس بهويتي حتى بدمي والله

شاهين>> شهل اللسان يابة ولج

ميار>> ههههه لا تضوج بداعتي

شاهين>> هذا الغزل كله وتريدني اضوج

ميار>> منو عزمت ومنوو

شاهين>> خابرتهم وخابرت ازل اشو ما صدكت ضلت تهلهل واكيد تجي هيه والبنات وخابرت الباقين

ميار>> امممم بقينا نسولف واندكت الباب

شاهين بقهر>> لاااااااا لهنا وكافي خطبة وخطبج سهم منو روميو الجديد

ميار>> اني شعليه شاهينوو يعني يلي يدوك الباب جايين عليه

شاهين>> هسه اشوفج

ميار>> ههههه راح شاهين يفتح الباب ودخلت ام سهم

ام سهم>> كلللوووووش

شاهين>> ههههه هااا ميارتي شنو حجيت

ام سهم>> وين چنتي ولك

شاهين>> تعاااي ميار

ميار>> طلعت اضحك وبنفس الوقت خجلانةة منها وشاهين يضحك وهيه تهلهل واطش جگوليت

ام سهم>> والله برد گلبي يماااا جنت احس نار تسعر بروحي عبالي تقبل بلولد وميار تروح مني بس هسه لاااا والعباس من اخذها منك احني بابك

شاهين>> هههه عليمن حجيةة

ام سهم>> تعاي ولج ابوسج

ميار>> تقربت من عدها باستني وحظنتني نوب كعدت وبقت تحجي وشاهين يرد عليها وما ادري على شنو اتفقت وياه وبعدين راحت مشى يومي عادي لحدما لليل سهم خابر شاهين واتفق اني 3 تيام وتصير الخطبةة مرن يومين اطورت علاقتي وي ازل سوت كروب على الواتس اتعرفت بي على غاليه ورنا

،،،بس رنا جانت مغرورة ادز صور لملابسها او مكياجها وغير شي اكثر شي وي ازل وغالية بس باجر تصير خطبتي اول وحدة اتعذرت بحجه عدها معهد هيه رنا لان داخله بمعهد ومتكدر تغيب وامها تاخذوها وترجعها يعني هيه وامها متجي بعد احسن بس غاليه جانت من صدوك متحمسة وتريد تجي هيه وازل

،،،،للعصر الوالد هم اتعذر بحجه عندو شغل وميكدر يجي شاهين جان متاكد منهم بس طلعو ولد ابوية عدهم غيره وموقف حلوو بحيث خابرو شاهين وكالولة انو اني هم اختهم ويردون يحظرون خطبتي واسماعيل هم وياهم حسيته يوم عادي دايمر مو خطبتي وفرحانه علمودهاا لليل كملت العشه واتعشيت وي شاهين وصار صوت برا بس مسموع كولش راسا شاهين طلع يشوف شكووو من شفت شاهين ماكو طلعت اشوف شكووو بقيت واكفة بمكاني وباوعت لشاهين هو هم حسيته مصدوم مثلي والنبي زين معقولةة يلي دانشوفةة.......

♡'''''''''''''''♡'''''''''''''♡''''''''''''''''♡

ارجع واكول النشر بين يوم ويوم يعني مااتاخرت والله

شنو رايكم بلبارت البارت القادم بارت كولش حلو وسهم راح يتصدر البارت ويحجي كولشي لميار انتظروني ❤🔐

nosha🙈

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

ـ بنيتي ..

مُمكن تكَبرين عقلچ وتفهميني؟

ـ لا انتَ صغر عقلك وافهمني ♥.

♡'''''''''''''''♡'''''''''''''♡''''''''''''''''♡

ميار>> باوعت لشاهين حسيته منصدم مثلي بس ذولي شيسوون هنا ازل غالية رضوان اسماعيل ومحمد كلهم

ازل بصوت>> عيني وسعوو اخوات واخوان العروسة وصلوو

ميار>>ههههه

ازل>> عبالج نعوفج وحدج

شاهين>>غلطانه بس ما عبالنا تجون فرقةة

ازل>>اكرمنا بسكوتك فرحان تريد تاخذها الك غير نريد نفرح بيهاا

شاهين>>هلا بيكم يابة

ازل>> اي طبعا هلا بينااا يلة جوة شباب وانتي تعاي ويانا

ميار>>طبينا جوة ردت اروح للمطبخ جرتني غاليه وكعدتني يمها

غالية>>بله احنه مو خطار اي واحد يريد شي يكوم يخدم نفسه نريد نضبط العروسة وشغلاتها

شاهين>>ههههه الحمدلله ارتاحيت لان مااعرف بهاي الشغلات اخذنهاا

ميار>>كمت وياهن للغرفة سالن على ملابسي بس اشرتلهن على الخانه مالاتي اطشرت اطشر

ازل>>هاذا لا مو حلوو

غالية>>هذا طويل مو مال خطبه

ميار>>ااااازل حبابه سهم ميقبل بلقصير اني اكولج ياهاا

ازل>>اووي فديتو للنسيب بس انجبي انتي وياه هيه مرة بلعمر الخطبة

غالية>>ازل وين الجنط اشو ماكوو

ازل>>بلسيارة خلي اسماعيل يجيبهن

ميار>>طلعت غاليه ضحكت من شفت الغرفة هيج صار خمس دقايق من طبن وهيج لعبن بيهاا

ازل>>كومي اكعدي اعدلج حواجبج جنهن شوارب ابو جمعة

ميار>>هههه منو هذا

ازل>>اني ادري منوو عابت كوومي

ميار>>طبت غاليه شمرت جنطه صغيره على الجرباية وفرغتها طلعت عبارة عن مكياااج كاامل ويجنن اووف سحبت غالية الملقط والخيط وبقت تحف بوجهي بس بلبدايه خلتلي شي ابيض علمود ميتحسس من الخيط

،،،،وبقت تحفلي من كملت غاليه من وجهي اجتي ازل استلمت حواجبي صارن يموتن اويلي اني اتعجبت على رسمتهن والله

ازل>>غاليه سويلها اقنعه للبشرة خليني اشوفلها فستان حلوو وارهم وياه كم شغلة واشوف الولد شيسون هسه

ميار>>خلتلي قناع ذهبي نوب شغلت جهاز بخاري خلت وجهي بي خمس دقايق ونوب ضلت تفرگ بوجهي صار نااعم عبالك كاعدة بصالون رجعت ازل بيدها فستان احمر ناري صلووخ وفوكاه مثل الشال

،،،بس هل الشال شنو يغطي مثلا الفوك لو الجوة هههه بعد ساعه كاملةة خلصت وجهي كمت لبست الفستان طلع على قياسي مضبوط لان اني وغاليه نتلابس ونفس القياس طلعنا بقه بس جسمي بس اني ما اسوي بشيرة من شفت ازل تلعب بيها بيدها حتى تخليها على جسمي طفرت راسا

ازل>>شبيج ولج

ميار>>حبابة ازولة اني ما اسوي بشيرة اسوي جسمي بشفرة نسائية

ازل>>ليشش ولج بسرعه يطلع بس الشيرة يطول يلة يطلع علمي جسمج تعاي

ميار>>والله يوجع

ازل>>ولج بس تعاي

ميار>>جرتني وكعدتني واستلمت جسمي يبووو ساعه السودة☹️كملت كلشي وياهن وهنه اصلا مسويات نفسهن

،،،لليل الولد نامو سوة واحنا نمنا بلغرفةة بس ازل وقتت الجهاز على 7 الصبح وماادري ليش؟؟؟؟

،،،لاول مرة اني بعيدة عن حظن شاهين وابد ما اخذت عيني نوم صارت الساعه ب1 ونص تعبت واني اتگلب منا ومنا وما كاعدة انام كمت من يمهن ورحت اشوف شاهين ما لكيته دورت بلمطبخ ماكو

،،،انتبهت على الباب مال البيت مفتوح طلعت شفته كاعد المرجوحة وصافن والجو بارد يا الله هسه يتمرض شاهينوو رجعت للغرفة سحبت الملحف مالتنا وطلعت يمه غطيته وكعدت اتغطيت وياه....شسوي هنا مو باردة

شاهين>>شسوين ليهسه كاعدة دكتورتي

ميار>>عيني ما اخذت نوم لان مو بحظنك

شاهين>>ميار

ميار>>ها حبيبي

شاهين>>فرحان لان بس اليوم وتصير خطبتج وفرحت لان اليوم ازل والكل اجه يمنا بس هم خايف عليج لان ليهسه مااعرف شلون اتحمل فراگج وهم ما اعرف اذا تكدرين تتحملين مسؤولية الزواج

،،،،بس ما طول سهم يحبج خوفي يقل لان سهم راح يتحمل مسؤوليتج

ميار>>نمت على جتفه وهو حاظني ويحجي اخير شي دريت بي من باسني بشعري وهاهيه كعدت ثاني يوم على صياح ازل تكعد بيهم كلهم شفت نفسي بحظن شاهين نايمة ومتغطية

ازل>>يلة انتي العروس كوومي ورانا ريوك وروحه للصالون

اسماعيل>>ههههه ولج ازل شعندج عوفي الناس نايمة ميار ودرينا بيها العروس احنه المن مكعدتنا

ازل>>كوم اسماعيل انت وشاهين تجون وياي حتى نكمل الكوشة مالت الاستقبال عيب تبقى هيج ولازم نجيب الكيك خاف همه ينسون والعصاير هم ولازم اروح لوحدة ام صالون اتفق وياها على ميار

رضوان>>الله اكبر خطبه لو قاعدة مال جيش مكعدتنا كلناااا

ازل>>اسكت رضوان هسه مو هذا شاهين وياكم كاعد وساكت لا يحجي ولا يعلق

ميار>>اوووف كمنا كلنا سوة واويلي على الريحه مالت المطبخ طلعت غالية تسوي ريوك بس والله اشهي الواحد ركضت بدلت وطلعت وشاهين راح للحمام يسبح ورة شوية

،،،،شلت الفراشات وعزلت الاستقبال والطرمه مالت البيت والولد ازل مستلمتهن عياط وصياح هههه كملت الطرمه رجعت اتريك كعدت يم شاهين

شاهين>>تدرين بسهم خابرني كالي رحم الله على والديك ياطيب لان من ورا صوتكم كعدت ههههه

ازل وغالية>>ههههه

اسماعيل بضحكةة>>شكد عيب كله من ورا ازل وصوتها

ازل >>يله مو زين كعدته الافندي ههههه

ميار>>من كملنا ازل اخذت شاهين واسماعيل وياها وخلت الولد يطلعون السيارة برا ويغسلون الكراج كله واني بقيت يم غاليه ما عدنا شي وشكد حلوة هيج لمه الاخوان والاخوات

،،،،لساعتين رجعت ازل بقت تعدل بلاستقبال وزينتها صارت اتجنن سوت بلنفاخ قلب الحب واول حرف من اسمي واسم سهم شكد حلووو وبنفس الوقت خجلت ههههه

،،،،اكثر شي ازل هيه تعبت بهلشي رغم مو اختي لا من امي ولا من ابوية بس حيل شفتها تعبت واتفننت بلاستقبال وبيه وتضحك وغالية وياهاا حتى الولد صح ما سووا شي بس كاعدين ويضحكون بس حسيت بهاي ضحكتهم الهم دور بحياتنااا اني وشاهين

،،،،اتمنيت بوقتها لوو هذولي اخواني من اهلي فلا اتندم بس شاهين عوضني عن كلشي وما فديوم خلاني احتاج احد غير ربي وهوو بحياتي

ازل>>جوعااانةةة

ميار>>هههه هسه اسويلج اكل

ازل>>تعااااي ولج اكليش

ميار>>غير جوعانة انتي

ازل>>المن اخترعو المطاعم للموتى غير للناس الجوعانة كوم حبيبي اسماعيل جيب اكل وتعال

ميار بهمس>>اخجلي شوية شلون تكوليله حبيبي كدامنا

ازل>>ولج اني كدام اهله بصمتله برگبته تردين هسه اخجل اسكتي

ميار>>ههههه راح اسماعيل يجيب اكل وبقينا كاعدين ونحجي وغاليه تصور بيناا يلي عرفته انو ام معتصم تحبهن لان اغلب الفلوس بيد ازل

،،،،وازل مبينه حيل وگحةة بحيث من اجتي يمنا البارحه واليوم ما اتصلت عليهن ولا هنه عبالك عايشات وحد بس حبيت اسالها سؤال وهلشي يمكن حتى شاهين راد يعرفة بس مادري اذا ازل حجتله او لا

،،،بس اني ردت اعرفة تقربت منها وضربتها على ايدها ضربة خفيفة حتى تنتبهلي

ازل>>هاا حياتي

ميار>>كومي وياي انتي وغالية عندي كلام وياج رحنا بلغرفة راسا كوتلهه ازل من طلعنا من بيتكم شنوو صاار

ازل>>ما صار شي عمو ضل يحجي عليج وانو شاهين ما عرف..

غالية>>ازل اسكتي

ميار>>لا غالية خليها تحجي بس قبل كولشي شاهين يدري بلي صار

ازل>>ايي سولفتله كلشي بالليل

ميار>>شكال عمج بله

ازل>>كال شاهين ما عرف يربي اخته شلون قبلها تحجي علينا هيج ووزوجته ضلت تكول العيب مو بشاهين العيب بلعافت جهالها وراحت تربي جهال غيرها ولج عبالهم عود من امنا

ميار>>هاي مو امنا ازل هاي امج انتي وغالية

ازل>>يمعودة حقج بس تبقة امنا بس يلي ردت اكوله ترى هم بداية زواجها من ابوية خبثت علينا بس احنه بطلات وعلي اول شهر كسرنا رجلها

ميار>>ياااااا صدوك تحجين

ازل>>يي والله من وقتها خافت من عدنا وصارت صديقتنا بلعين الحمرة خيةة

ميار>>ينخاف منجن

ازل>>لعد شعبالج يل فاهيةة تعاي ميار شلون تعرفتي على سهم

ميار>>يصير صديق شاهين وصارت القسمه

ازل>>يعني لا طبه ولا طلعة لا حب لا غراميات

ميار>>سهم مو مال حب وغراميات يحب يتملگ

ازل>>شلون يعني

ميار>>كم مرة يخطب ونرفض

غالية>>يمكن ميحب وحده ترفضه لهيج خطبج ولج متخافين ينتقم منج

ميار>>وين كاعدين وينتقم مني فلم هندي هوو

ازل>>كلشي يصير يحظي

ميار>>لا بلعكس هو هادى وحتى اهله زينين

اسماعيل>>ااازل هاذا الاكل وينج

ازل>>اوووف فدوه لهل الصوت تعالن ناكل ورانا صالون

ميار>>باوعت للساعه هسه ب1 ضبط همه يجون ب4 يعني بعد وقت شكو هسه نروح للصالون كمت اتغديت وياهم وازل بعد شوية تبوس اسماعيل كدامنا هههه شكد تحب تشاقة وياه وتضربه عادي هلشي

،،،،والله لو اسوي هيج وي سهم يموتني هههه كملنا الغدا وعطرنا البيت وشاهين وصلنا للصالوون الصراحه ما جبت شي وياي مثل الذهب وهل الاشياء لان ما احبهن بس ازل وغاليه لبسن هواي شغلات اول شي بدلت وكعدت البنيه تعدل بشعري وگصتلي گذلتي صارت حلوة وسوتلي كم خصله ميش بس ممبين لان ازل كالتلهه اريد ميش ناعم مال خطوبة

،،،،مكياجي خفيف وحلوو وشعري بعد احلى لساعه كامله كلنا كملنا رجعنا للبيت من شافني شاهين حظني اني هم حظنته

شاهين>>دكتورتي صارت مو الي من اليوم كبرتي واخذج سهم مني

ازل>>هههه ها شاهين شنو متريدها تزوج

شاهين>>لا الله يسعدها بكل خطوة بحياتها

ازل وغاليه>>امين يا رب

ميار>>طبيت للبيت وشاهين راح للغرفة وطلع وبيده علبه بس كولش حلوة انطاني ياها فتحتها عبارة عن گلادة وبتوت يجنن وتراجي ومحبس تصميمه كولش حلووو كعدني بصفه ولبسني ياهن

شاهين>>هذن استعجال دكتورتي من ورا سهم انشاللة اجيبلج الاحسن والاغلى منهن

ميار>>فدوه لايدك يروحي حلووات عاشت ايدك بقينا نحجي كولنا سوة واندكت الباب عرفناهم اهل سهم اني دخلت جوة وي البنات ودخلت ام سهم وسوسن وكم مريه ما عرفتهم

ام سهم>>الله مصلي على محمد وال محمد چنتي طالعة كيكةة

ميار>>هههه باوستها وسلمت على البقية وسوسن عرفتني عليهن واني عرفتهن على ازل وغاليه ارجع واكول ازل يلي استلمت هل اليوم اطب للمطبخ وتطلع واسماعيل وياها خطية لحدما ربع ساعه وطلعت خاله ام سهم يمهم وشوية وسمعنا هلاهل

ام سهم>>مبروك يمة بقه بس السيد يعقد

ميار>>ازل لبستني جادر الصلاة وخلت هيل بيدي وبصدري وسمعت السيد من صاح بسمي بلبداية ما حجيت ولا عرفت شكول راسا دنكت وبجيت

ام سهم>>شبيج يمة كولي يا الله

ازل>>شبيج ميارة كولي اذا متردين

ام سهم>>ياااا خاله انتي شنو تحجين شنو متريد

ميار>>صديت حظنت ازل زين ليش ابجي مو اني الوافقت براضتي

ازل>>غاليه صيحي شاهين

غالية>>يي مولانا بله زحمه بس انتظر شوية شفت شاهين واكف بصفه اشرتله وطب يمنا

شاهين>>شبيج دكتورتي

ازل>>اشو من بدا الشيخ يحجي واول ما كال كولي نعم وانت وكيلي بجت

شاهين>>هههه شبيج حبيبتي

ازل>>غير تحجي علمود نعرف شبيهااا

ميار>>حظنته حيل وكوتله شاهين مو تعوفني ابقة وياي

ازل>>ياااا خرب حظي عبالي متريد الخطبه اثاري كل هاي الدموع علمود تريد شاهين يبقة يمهاا

شاهين>>ههههه يمج ابوية انتي لزمتها من ايدها وصرت بين الباب مولانا تكدر تكمل

الشيخ>>خليج وياي بنتي ميار

ميار>>ضل يحجي السيد واردد وراه

الشيخ>>قولي نعم وانت وكيلي

ميار>>شاهين لزمني حيل من ايدي واشرلي براسه.....نعم وانت وكيلي

الشيخ>>مبروك بنتي

شاهين>>حظنتها وبستها براسها مبروك دكتورتي والله يسعدكم ويحفظكم

ميار>>طلع شاهين وبدت ازل والكل يحظني ويباركلي على خطبتي

ازل>>شنووو لعد وين الدفتر غير توقع العروسة

ميار>>على شنو اوقع؟؟

ازل>>على العقد

ام سهم >>ميحتاج شاهين وقع امكانها حبيبة

ابو سهم>> وينج ام سهم

ام سهم >>ها عيني

ميار>>طلعت خالة لان مدري منو صاحلها وازل نزعتني الجادر مالت الصلاة

ام سهم>>هاج ميارة خليها بيدج حتى تلبسون الحلقات

ازل>>باوعت لميار كوتلهه بس لازم احنه نجيب الحلقة لسهم

ام سهم >>ميخالف هيه حلقة حبيبة

ميار>>خليت الشال على رأسي واجتافي وطلعت وي خالة يمهم ما كدرت اباوع على احد منهم وكفت يم سهم وماحجيت

سهم>>مبروك بزونتي

ميار>>رفعت راسي وباوعتله من صدوك كال بزونتي ههههه شهل الاسم يا الله

ازل>>يله اني اصور وانتو البسوو الحلقات

ميار>>لبسني سهم حلقتي واني هم كعدنا سوة وغاليه جابت الكيكه والعصير

غاليه>>يله حبايبي كلمن يوكل الثاني

ميار>>يبوووو والله عليهن سوالف صراحه ما بادرت لشي بس سهم وكلني من ماعونه وشربني من عصيره ردت اتسوي مثله

ازل>>لالا ميار من نفس الماعون والعصير

ميار>>المهم وكلت سهم الكيكه من نفس الماعون والشربت من نفس العصير بس صدوك شي حلوو نظرات سهم داحسها اخترقت حتى كلبي رادو يطلعون وكفت سلمت عليهم

سهم>>ماكو داعي تسلمين عليه يا حلوة باقي يمج

ميار>>هااااا؟؟؟

سهم>>شاااهين اريد احجي وي ميار شوية

شاهين>>اخذ راحتك

ميار بخجل>>بس

ازل>>شنوو بس ومرض قابل شراح يسوي شبيج

ميار>>رحنا ثنينا للاستقبال كعد على التخم بقيت واكفة بعيدة منه ا

سهم>>اباوعلها بزونتي متغيرة وحليانة كلشي بيها يوحي انو هيه كبرت كلش المكياج والشعر السرح فستانها يلي يضهر نص انوثتهاا توترها الحلوو وابد متخلي عيونها بعيوني اتوقع ميار ههههه حفظت النقشه يلي بلكاع والله 😂 كمت وكفت وياها طول بطول دنگت وهمست يم اذنها الف مبروك انشالله اكدر اسعدج

ميار>>ردت ارجع ليورة راسا خلا اديه على ضهري من غبائي كوتله شكرا

سهم>>العفو يابة ههههه

ميار>>اوووف احس صخنت والنبي

سهم>>مو وحدنا هسه ماكو داعي تخجلين لعد شلون تعرفيني اكثر وانتي بدون ما اسوي شي صرتي حمرة لعد لو ابوسج شيصير بيج

ميار>>شلووون؟؟؟

سهم>>متدرين انو لازم اخذ اول بوسة

ميار>>محد كالي لازم تبوسني

سهم>>شلون يكولولج ميصير

ميار>>اروح اسال ازل واعرف

سهم>>وووين ولج قابل اني اجذب

ميار>>لاا مو هيج بس.....

سهم>> بس شنووو باوعتلها ساكتة وتعدل بلشال يلي على اجتافها سحبته بيدي اوووف شهل الجسم خرب شفتها دنكت راسها كلش رفعت راسها بيدي ودنگت سحبت شفايفها بهدوء من حسيتها جمدت بمكانها لزمت خصرها بيدي وقربتها عليه وضليت ابوس بشفايفها سحبت شفتها الجوة بسنووني

ميار>>اوووي

سهم>>شسويتي بيه..

ميار>>اني شسويت؟؟؟؟

سهم>>لزمت وجناتها بيدي وامسد بيدي على خدهاا...باوعيلي ميار انتي اول وحدة اتمنى وياج تنسيني كلشي عشته بحياتي مراح اطول هسه بس حبيت اكلج لا تخجلين مني

،،،بس تدرين ردت اموت من سالج السيد وما رديتي خفت تكولين لااا ولاول مرة احس وگف گلبي بس من سمعت كلمتج ارتاحيت هسه اروح بس انشالله يوم واحد واجي اخذج للمحكمه حتى نعقد وهيج اضمنج الي

،،،،ميلت راسي وطبعت بوسة على رگبتها حسيت برجفتهاا من بستها هههه باي بزونتي

ميار>>اوووف يا بزونةة يا عتوي هههه خرب كعدت على التخم من طلع واضحك عزززا طلع سهم واحد ميستحي باسني ابيت اخوية واحد سخيف بس هيج اول بوسة تسطر اووف

،،،،رااسا طلعت رحت للغرفة سحبت تراك وركضت للحمام سبحت وطلعت شفتهم كاعدين

ازل>>وين رحتي شنو مراح تودعيناا

ميار بزعل >>حترحون؟؟؟

ازل>>يي اسماعيل عندو شغل وغاليه دوام هاي مو اخر مرة نضوجكم ترى احنه اهل وانشالله نجيكم لان انتو ما اتوقع تجونا بس ميخالف انتو تمونون علينا واهم شي بعرسي تجين انتي وشاهين لان بعد شهر فدوه

ميار>>انشالله حبيبي....سلمت عليهم وراحوو ورجع بيتنا هدووء وما بي هواي ضحكاات لليل كولش كملت الاستقبال وسويت عشه كملنا ورحت نمت بحظن شاهين وافكر هسه عود اني كبرت من لبست هاي الحلقة لو شنوو لو كبرت من سهم باسني لوو شوكت اكبر يا الله

،،،،والله حيرة نمت وكعدت ثاني يووم كعدت شاهين للدوام لان عندو قضية طلعت الدجاجة من الثلاجة وخليته على النار وكعدت اباوع على البلازما نوب اتذكرت نبض عززززا شلون نسيتهاا خابرتهاا...

ام نبض>>هلو حبيبتي

ميار>>هلو خاله شلونج

ام نبض>>الحمدلله صدك الف مبروك يمة

ميار>>الله يبارك بيج خالة شلون صارت نبض

ام نبض>>الحمدلله بخير

ميار>>ما عرفتو منو ضربها منهم

ام نبض>>صوجها يمه هسه ولد يلعبون شكو فاتت من يمهم والطوبة ثگيلة وانضربت بخشمها

ميار>>كالتلي كسر يمكن

ام نبض>>يي والله طلع كسر وهسه منتظرين العملية

ميار>>انشالله ماكو شي فدوه من تكعد خلي تخابرني

ام نبض>>تدللين حبيبتي مع السلامه

ميار>>الله وياج خالةة...هههه نبض فد خبلةة قبل خطبتي بيوم جانت راجعة للبيت وفاتت من يم شباب واجتي الطوبة بوجهها صدوك شكو تفوتين من يمهم تدرين بيهم الولد مخابيل من يلعبون طوبة بس خطيه والله متاذية والجرح بلشتا يموووت

،،،،شحال لو كسر شوكت ايطيب اوووف رحت للمطبخ شفت الدجاجة انسلگت سويت الغدا ورجعت كعدت واخذت ماعون كيك وعصير ودك جهازي شفته شاهينوو فدوه لاسمةة

هلو يروحي

شاهين>> صباح الخير دكتورتي

ميار>> صباح النور

شاهين>> سهم خابرني كالي اريد اكمل عقد المحكمة بدلي لان نص ساعه ويجيج تروحون تسوون تحليل دم وتجون يمي قبل ما اطلعين تتاكدين من البيت والاجهزة وتقفلينه ميارتي فدوه

ميار>>تدلل حبيبي

شاهين>> يله دكتورتي كومي بدلي

ميار>>تمام بيباي حبيبي

شاهين>>باي يروحي

ميار>>كمت سبحت وطلعت بنطلون وتيشيرت وفوكاه بليرة وكلشي ورحت اتاكدت من الشبابيك والاجهزة كلهن طفيتهن والطباخ هم اخير شي بدلت ملابسي كاعده الف بلشال واندك الباب كمت وكفت يم باب المطبخ صحت منووو؟؟

سهم>>اني سهم

ميار>>طلعت فتحت الباب

سهم>>صباح الخير شلونج اليوم

ميار>>صباح النور الحمدلله

سهم>>يله كملي حتى نطلع

ميار>>طبيت للغرفة عدلت شالي وخليت گحل وحمرة خفيفة وطلعت مفاتيح البيت وطلعت وياه قفلت الباب وصعدت بلسيارة

سهم>>عطرج كلش قووي بس ريحته كلش حلوة

ميار>>اممم

سهم>>ميار نروح هسه للمستشفى نسوي تحليل دم

ميار>>اعرف شاهين خابرني وكالي

سهم>>خوش لعد

ميار>>رحنا للمستشفى مالت سهم استغربت شعجب مو المستشفى يلي تصير قريبة علينا وكف سيارته بلكراج ونزلنا سوة اجتي بنية كولش حبابة وبكدي شدت بيدي رادت تسحب دم

سهم>>اوكفي اديان اني اسحب دم منهاا

اديان>>اتفضل دكتور

سهم>>كعدت مقابيلها حتى اسحب دم

ميار>>سهم الله عليك على كيفك بدااعتي

سهم>>هههه ميار شبيج

ميار>>حبااااب والله اني اخاف كل مرة شاهين يلزمني

سهم>>شيلزم شبيج هيه ابره قابل صاروخ

اديان>>ههههه

سهم>>تعاي اديان لزميهاا

ميار>>لا لا خطيه نوب بس اتاذى اروح اضربها

سهم>>ميخااالف اضربيها واني اداويها بس اكعدي

ميار>>سهم☹️

سهم>>ديري وجهج على اديان وسلميني ايدج واذا اذيتج اسحبي ايدج متفقين

ميار>>تمام درت وجهي ومديت ايدي اله واغمض بعيووني واهمس بصوت خفيف على السريع يله سهم فدوة شوية وشفت سهم واكف يم اديان ويسحب ردن قميصه

سهم>>ترى كملت والدم يمج على الطبلة

ميار>>اووووف شكد عيب عبالي موجود طلع مكمل سحبت الدم هههه شفتها من سحبت دم من ايده واخذتهن واحنا طلعنا فوك بغرفتة كعدنا منتظرين تحليل الدم

سهم>>شبيج بزونتي يلي يشوفج يكول طفله واول مرة يسحبون دم منها

ميار>>حقك ما شايف شسوي بشاهين من نروح نسوي تحليل

سهم>>ههههه الله يساعدني لعد منا وجاي

ميار>>ههههاي ضحكتني😒

سهم>>ولج

ميار>>ليش دايما تصيحلي ولج ولج عود ليش

سهم>>صدك ميار كدامنا ساعة شنو رايج نحجي بيها

ميار>>تمام لعد احجيلي عنك

سهم>>تمام اكعدي هنا

ميار>>وين اكعد

سهم>>هناا واشرت على المكتب

ميار>>تقربت كعدت على المكتب وهو مقابيلي على الكرسي نوب تقرب حيل مني واديه مخليها منا ومنا

سهم>>شتردين تعرفين

ميار>>اممم كلشي شنو رايك؟؟؟

سهم>>تدللين بزونتي نبدي من الاسم....سهم العمر راح يصير 33 سنة منفصل سابقا اب لطفلة واحدة وحاليا خاطب واشرت على حلقتي

ميار>>ههههه امممم شلون تعرفت عليها وشنو سبب انفصالك

سهم>>الصراحه البنية تعرفت عليها بفاتحة جدي الله يرحمه جنت اول سنة سادس وهيه گرايبنا من بعيد بس ما اعرفها اول مرة اشوفها هيه بلفاتحةة و3 تيام انعجبت بيها كلش وحبيتها اخر يوم رادو يرجعون واتبادلنا الارقام سوة بقينا يوم عن يوم نحجي ونتخابر وبدينا نفتح گلوبنا سوة بحيث حتى كعدتنا الصبح سوة

،،،،مرت سنه وطلعت طب وتقدمت الها اهلها رفضوني لان طالب بس كل هذا ما عفتها وبقيت احجي وياها ورة سنة من رجعت خطبتها هلمرة امها صارت وياي وقنعت الكل وهيج خطبتها بنفس السنة صارت خطبة بس ما اتزوجت دامت خطبتي منها خمس سنين

ميار>>عزززا خمس سنين

سهم>>يي والله لان جنت بوقتها طالب وما عندي شي غير دراستي بس كل هذا كملت دراستي وطلع تعييني وما اتاخرت وراها اتزوجت والحمدلله بقيت كم سنة ما عدنا جهال وجانت امنيتي طفل منها ما فد يوم قصرت وياها اجيب الراتب بس الها وما اسالها وين يروح الراتب اهم شي راحتها

،،،،وره سنتين صارتلها روحه لتركيا وي اهلها ما منعتها راحت وياهم ونسيت مرة ورقة مال صديقي وين ضميتها كاعد ادور بلگنتور على هاي الورقة لان كلش مهمة وجان اشوف حبوب منع حمل وشركات مختلفةة استغربت شنو ذنبي وشنو قصوري ومتريد طفل..

ميار>>شنو حسيت بوقتهاا؟؟؟

سهم>>وعيونج حسيت خنجر ويضرب بگلبي بقووووة شهر هيه بتركيا ونوب رجعت سالتها جانت حجتها انو متريد جهاال وجانت خايفة من ردت فعلي لهيج جانت تاخذ حبوب بلسر منعتها بس ما امتنعت وتحلف جذب وعلساس متاخذ بس مصار ابد جاهل صارت مشاكل من اقل شي كامت تتنرفز بدون سبب

،،،،رادت تبعدني من اهلي وما قبلت وهووواي مشاكل لحدما قبل اجه اليوم الحبلت بي جنت بوقتها من صدك حسيت الدنيا فرحتلي بيوم صبغت الغرفة وحظرت كلشي للنونو وهو عمره اسابيع ابطنها بس هيه اتخبلت بلزايد وهلشي يلي ما عرفت شنو سببه

،،،،مرت اربع شهور وعرفنا حامل بتوم وكلت الله عوضني السنين الفاتت بس فرحتي ما دامت نزفت ومات الطفل يلي جان وي ميمي وبقت ميمي واجتي بخير وما بيها شي وره شهر راحت لاهلها وانفصلنا

،،،،وشكد ردتها ترجع علمود ميمي ما قبلت وانفصلنا ويلي عرفته انوو اهلها سفروها لتركيا تتعالج هناك لان صارت بيها حالة نفسية وهاي قصتي

ميار>>ليش اني بلذات ردتني؟؟

سهم>>شفت بيج شي غير الكل انتي تدرين صرت مرغوب من انفصلت والكل كام يتودد لميمي ويردن يصيرن ام الها بس جنت اعرف غايتهن وجنت رافض فكرة الزواج لحدما شفتج

ميار>>زين تذكر من كتلي راح اسافر وارجع بس من ارجع مو مثل ما اني واتندم وكلام ما فهمته

سهم>>مجرد اخوفج حتى تاخذين الكلام ما بالي اذيج ولا اكدر اذيج بشي

ميار>>اممم سهم وين سافرت

سهم>>ليش هيج صوتج يخليني اتمنى اگابلج واكعد

ميار>>ههههه جاوبني سهم حباب

سهم>>ابن عمي بايران عايش وهناك جان ابمستشفى وصديقي دكتور هم هناك ورحت يم ابن عمي ابيتهم واكشف على حالته وي صديقي والحمدلله اتعافى

ميار>>الحمدلله على سلامته

سهم>>الله يسلمج بزونتي

ميار>>ليش تكولي بزونتي

سهم>>ههههه تذكرني باول يوم شفتج بي وي شاهين من لابسة قمصله وبيها فرو طالعه جنج بزون

ميار>>ههههه شلون تشبيه

سهم>>والله حيل حلوة ضحكتها وحركاتها طفوليةة وتخلي الواحد يهجم عليها والله 😂 تقربت منها وحظنت شفايفها بين شفايفي يلي يخليني اتعمق ابوستهاا من تجمد وحتى النفس اتگطعه ابتعدت منهاا وضحكت من شفتها مغمضةة كتلهه

.....تدرين الليل كله افكر بهل الشفايف الحلوة وهسه اشتهيتهن حبيبي

ميار>>راسا طفرت من يمه اول ما سمعت الباب اندكت كمت وكفت

سهم>>ههههه فوت

اديان>>التحليل دكتور

سهم>>تسلمين ورده

ميار>>اخذ الاوراق وطلعنا للمحكمة يم شاهين من وكفنا عفته وركضت لمكتب شاهين لان اندلة دكيت الباب وفتت

شاهين>>يهلا بعروستي الحلوة لعد وين سهم هههه

ميار>>انداريت ما شفته هزيت اجتافي بمعنى ماادري

شاهين>>ههههه

سهم>>دكتورتك ما صدكت عافتني واجتك

شاهين>>ابقة الحب الاول عيني

سهم>>هههه ادري

شاهين>>يله القاضي منتظركم

ميار>>رحت وياهم للقاضي سال سهم ورجع سالني وشاهين شاهدي❤من كملنا سلمت على شاهين ورجعت وي سهم صعدت بلسيارة وصلنا للبيت نزلت فتحت الباب طبيت وردت اقفله ودفعه سهم

سهم>>اريد احجي وياج بشي مهم

ميار>>ماشي تعاال

سهم>> طبيت ليجوة كتلهه ميار خلي نتفق من هسه اني وياج

ميار>>كعدت مقابيله

سهم>>اول شي ما اريدج تعانديني على شي ولو هلشي يلي عاندتيني عليه مهم الج خليني من ارتاح ونوب نتفاهم ثاني شي ابد لا تعلين صوتج لا عليه ولا اي شخص بلبيت لان مااحب صوت مرتي يكون عالي

،،،،ثالث شي صديقاتج حدهن وياج بس بلمدرسةة ابد لا تحجين اي شي يخص بيتج لان تخربين بيتج بيدج والمهم اني ادري بيج تحبين ميمي ومراح تقصرين وياها واني مستحيل اقصر وياج بحرف والصراحة ميارة ما اريدج تبطلين طفوليتج بلعكس خليج نفس ما انتي محبوبة بكلشي تسويه

ميار>>ههههه يعني تريدني اخبلگ

سهم>>هههه عفية عليج لان ما استفاديت شي من جنت عاقل خبليني وياج

ميار>>صدوك وين ميمي

سهم>>يم الحجية صدك ميار اتذكرت

ميار>>شكد تذكر شغلات يا الله

سهم>>ميخالف اتحمليني مثل ما راح اتحمل خبالج واني الممنون

ميار>>امممم

سهم>>لزمت اديها بثنين اديه.....شوفي ميارة بيدج الحلوة هذني احتويني ولتخليني احن لشي اسمه ماضي فدوه

ميار>>شلون يعني

سهم>>يعني من هسه نصير صريحين بكلشي شكو شي يصير او يضوجني منج اجي احجيلج حتى تعرفين من شنو ضايج وانتي الشي يلي يضوجج مني احجي مو تروحين تفلشين البيت بدون سبب واني اضل بس اباوع

ميار>>ههههه تمام متفقين

سهم>>يلة هسه اروح وشكم يوم نروح سوة حتى نشتري النشيان

ميار>>هزيت راسي بمعنى يي وطلعت وياه حتى اسد الباب

سهم>>مياااار

ميار بقهر>>خرب هسه شنووو تذكرت

سهم>>هههه بلنسبة للغرفة مالتي ترى جديدة جددتها ورا انفصالي ب3 شهور اغيرها لو اعوفهااا

ميار>>ماادري بكيفك

سهم>>عاجبج لونها والديكور لو اغيرها

ميار>>لا عوفها لان حلوة

سهم>>تمام ياحلوة لعد بقيتي بس انتي وملابسج وتجين يمي وغمزتلهه

ميار>>هههه سديت الباب ورحت بدلت كم ساعة مرت ورجع شاهين اتغدينا ومشه يوم عادي لحدما مرت تقريبا 3 تيام واجه سهم علينا وجايب ميمي وياه جنت اعزل بلغرفة واخابر ب ازل واضحك وصاحني شاهين اكعد يمهم

سهم>>اجيت علمود نيشان ميار امي تكول شوكت نروح

شاهين>>بكيفكم هلشي

سهم>>تعاي اخذيها ميار

ميار>>كمت اخذتها وابوس بيها صايره تجنن الدنفوشةة

سهم>>لعد باجر اجي اخذي ميار وامي ويانا

شاهين>>انشالله

ميار>>راد يطلع كتله سهم عوف ميمي يمي اليوم

سهم>>ماشي عوفيها يمج وها اريد رقمج ميار

ميار>>يبوووو باوعت لشاهين ضحك وحگ راسه وسهم يباوعلي وجهازه بيده....رقمي ما حافظته

شاهين>>اكتب يمك 07......

سهم>>شوية واجي اخذ ميمي من يمج

ميار>>طلع سهم واخذت ميمي للغرفة وشاهين على جهازه ويكتب لثاني يوم خابرتنا ازل وتصيح وحيل متوترة وما عرفت شبيها ابد.......شبيج ازل بس خلي افتهم

ازل>>وين شااااااهين

ميار>>نايم شاهين

ازل بصوت>>شكوووو ينام ميحس ولج شوفي جهازه شكد اتصلت عليه وهو نايم روحي كعدي كوليله ازل تريدك على السريع......

♡'''''''''''''''♡'''''''''''''♡''''''''''''''''♡

نبضااااتي هلبارت كمل شنو رايكم بي

اتمنى بي وضحت كم شغلةة وافتهمتو شوية من شخصيه سهم

nosha ❤🙈

صباح الخير نبضااااتي

طبعا حيل اعتذر منكم هاي الفترة راح اغيب بسبب ضرف كولش صعب قسما بالله

عمي انطاكم عمرة اليوم وباجر الصبح نروح الهم 😔☹️

نعم الاب جان الي وما قصر وياي جان يسميني رويحت الغالي

لان بابا شهيد واني المدلله مالتة جان كولش يحبني

اليوم للمرة الثانية اتيمتت وصرت بلا اب الله شاااهد

احتراما لعمي الله يرحمه ولاهلي ولنفسي هماتين

اريد اوكف وياهم بهاي الشدة

نفقد شخص عزيز علينا هلشي اصعب شي الله لا يفرقكم عن احبابكم بيوم

اني اخر من يعلم لان يدرون شكد متعلقة بي وهسه يلي عرفت

رغم البارحه جنا يمه بلمستشفى ودخلونا

بس الله سبحانه وتعالى ياخذ يلي يحبهم

الصراحه ما اعرف شحجي بهيج موضوع لان والله مداصدك انو عافنا وراح

الله يرحمك عمو ويجعل مثواك الجنة يارب

اعذروني هلفترة ماكدر انشر شي لان ضرفي هلمرة اقوى من كولشي والله العظيم

اذا تحبوني وتكولون انتي ما مقصرة ويانا تنتظروني ارجع من اخلص فترة الحداد 😔

خفت اغيب بدون مااحجي وتزعلون لهيج هسه كتبت الكم حبايبي

واذا لا بقت يمكم وشتردون تسوون اقدر كلامكم وما ازعل

انشاللة اكدر ارجع انشر مثل قبل

واذا لاا طولت ما اريدكم تضوجون مني فدوه

nosha☹️💔

"~سهم 🏹 الغرام~"

"بقلم nosha_hassan""

انستا::: ano_sha0

♡'''''''''''''''♡'''''''''''''♡''''''''''''''''♡

لَم يَکن حُبّاً بَل کان احتِلآلاً.♥️😍

♡'''''''''''''''♡'''''''''''''♡''''''''''''''''♡

ميار>>كعدت شاهين وانطيته الجهاز..

شاهين>>هااا ازولة شلونج

ازل>>يا ازولة يا صلبوخةة شاهين باجر الحنة مالتي

شاهين>>وليش تصيحين قابل راح يعدموج

ازل>>كله من ورا عمو استعجل بلعرس شاهين فدوه تعال انت وميار هسه

شاهين>>المن هسه نجيكم باجر اجيبها

ازل>>شنوو باجر غير تبقى يمي

شاهين>>ازل شلون تبقـ....

ازل>>شبيك شاهين قابل راح توديها وي غربه غير اني اختها

شاهين>>تمام تدللين ساعه واجيبها يمج بس ازل ميار خط احمر مااريد كلمة تسمها والقران افلش العرس على رووسهم

ازل>>هههه تسوي معروف لو خربته لان ليهسه كلشي ما محظرة

شاهين>>ههههه يله عيني مسافة الطريق يمج سديته وانطيت الجهاز لميار

ميار>>شكوو شاهين

شاهين>>باجر حنة ازل وتريدج يمها خطيه صاير زواجها استعجال

ميار>>وانته تبقى يمي

شاهين>>ميصير ابقة ميار هاي حنة بناات واذا ما يعزموني ميصير اروح

ميار>>يعني ابات هناك..

شاهين>>شكوو بيها هيج تتعلمين وازل يمج مراح تخلي احد يفتح حلگةة

ميار>>اروح ابدل واخذ وياي ملابسي

شاهين>>انتظرج بين ماابدل حبيبي

ميار>>طلع شاهين للحمام واني حظرت جنطتي وعفتها من طلع شاهين رحت سبحت ولبست فستان شوية قصير ولبست حجل وسوار واهم شي عطورتي وكم شغلة واخذت جهازي وطلعت وي شاهين طول الطريق اضحك وي شاهين انطاني فلوس تقريبا

3 اوراق

شاهين>>هذني خليهن يمج خاف تروحين للصالون وي البنات

ميار>>اخذتهن ونزلت وهو نزل الجنطة مالتي دكيت الباب طلع معتصم

معتصم>>هلا ومرحبا اتفضلو منتظريكم من زمااان

ميار>>طبينا ليجوة شفنا ازل كاعدة وغالية تركص ههههه

غالية>>يماااااااااي واخيرا نور البيت

ازل>>حظنت شاهين وميار هسه ارتاحيت من شفتكم

شاهين>>عروسة لو ساحلينها من مستشفى المخابيل شهل الكفشة واللبس

ازل>>اسكت صار ساعه اتوسل بيهم ياجلون العرس ميقبلون

الكل>>ههههه

ام معتصم>>هلا بيكم يمه

شاهين>>هلا بيج ام معتصم

ام معتصم>>تعاي حبيبتي

ميار>>لزمت ايد شاهين وبقيت واكفةة

شاهين>>ازل نفس ما گتلج ميار خط احمر كلمة مااريد اتغثها والحسين ازعل منج

ازل>>لا ولك كلشي ولا زعلك وعيونك ابقيها بلغرفةة

شاهين>>تمام يله حبيبي ديري بالج على نفسج وابقي يم ازل وغالية وهنه يومين واجي اخذج

ميار>>هزيت راسي وطلع شاهين اني من النوع صدوك استغرب الناس بس اعرف ازل وغاليةة لهيج بقيت وياهن

غالية>>ميار تعاي اشوفج غرفتنا

ميار>>كمت وي غاليه غرفتهن اتجنن غرفة جبيرة بيها ثنين جربايات وكنتور ومكتبه صغيره

ازل>>غالية تعاي هنا وين اخذتي ميار

غالية>>اجيت خبلة المن تصيحين

ميار>>طلعنا من الغرفة ورحنا كعدنا يمهم كلهم

غالية>>ميار شفتي الغرفة اني وازل انام بغرفة وحده

ميار>>لعد ورنا ومعتصم

غالية>>الهم غرفة وحدهن وامي بغرفتها

ميار>>اهااا

غالية>>وانتي.....

ميار>>شنو اني؟؟؟

غالية>>من اجينا يمكم جانت بس غرفة وحدة مفروشة والثاني شفتهة مقفولةة

ميار>>اني وشاهين انام بنفس الغرفةة وعلى جرباية وحدة

رنا>>ليش ماكو فلوس يا رخصهن الغرف اشو ماما كل شهرين تغير غرفتي

ازل>>اكلي تبن هيووو والزمي لسانج احسن ما اسحلج

ميار>>لا مو ماكو فلوس بلعكس عدنا خير من الله واني عندي النفس مال شاهين يسوة فلوس الدنيا بس لان اخاف بوحدي انام وخاصه بلشتا اضل اتخيل شغلات لهيج ينومني بحظنة

غالية>>اوووو فديت الطفلة

ميار>>ههههه مو طفلة بس شاهين حظني الدافي يلي ما استغنى عنه بيوم

غالية>>اووف ميار تدرين والنبي عماتي كولهن حجيتلهن على شاهين وشلون يحبج بحيث عمه انتصار اتمنت تشوفج

ميار>>الله عوضني بشاهين وعن كلشي انحرمت منا لهيج ما اكدر ابقة بعيدة عنه

ازل وغالية>>فدوه الله يحفظكم سوة

ميار>>امين يروحي دانحجي بشاهين وباوعت على ام معتصم دمعت عينها وگامت ما حجيت وياها للعصر وكامن يجني نسوان وبنات يصيرون خالات وعمات ازل وغاليه سلمت عليهن وبيهن يباوعن بغرور وبيهن حبابات ويسلمن

،،،،يلي شفته اليوم غالية تموووت على شي اسمه طبخ ومطبخ ههههه عكس ازل يلي تخرب على المكياج والصالونات ههههه لليل راحت غالية تطبخ واني اساعدها كملت وياها كم شغلة ورحت يم ازل

ازل>>اكعدي واسمعي سوالف عمه انتصار

ام هيثم>>ازل ديري بالج من يريد شغلته تصيرين فاندام كون من اسماعيل ينفخ عليج تسوين نفسج اتخربطتي وياخذها جنج ما تدرين ههههه

ازل>>هلا بعمتوو بس مو شوية اوفر من النفخ اوكع

ام هيثم>>لعد شتردين هو يجيج بلعين والحب والكرصة اشافج رخيتي خير على خير والشافج عاندتي يجيج راشدي معدل

ازل وميار>>ههههه

ازل بصدمة>>يضربني صدك

ام هيثم>>لعد ضل ينتظرج لحدما تكولين يي

ازل>>والله اخابر شاهين يطلگني بيومها

ميار>>هههه شعليه شاهين ولج

ازل>>غير اني اخته مثلج

ميار>>اوكفي دك شاهين

ام هيثم>>العباس عليج افتحي مايك

ميار>>ليش خالةة؟؟؟

ام هيثم>>اريد اسمع شتحجون

ميار>>بوقتها الكل كاعد ما عدا معتصم ماكو رديت عليه وفتحت مايك

شاهين>>شلونج دكتورتي والله اشتاقيتلج

ميار>>اني اكثر حبيبي اتعشيت

شاهين>>هو خابرتج ردت اعرف اكلتي لو صايمة

ميار>>غالية كاعدة تسوي اكل

شاهين>>خو ما احد حجة وياج ميارتي

ميار>>لا حبيبي والله محد

شاهين>>يله حبيبي ردت اسمع صوتج اتعشي مو تضلين بدون اكل ومن تنامين كولي لازل خلي تنطيج بطانية مو تتغطين بلحاف جسمج يتحسس

ام هيثم>>خرب بلكائنات شوي دجيبي خل احجي الووو شاهين تسمعني

شاهين>>ايي منووو وين ميار

ام هيثم>>اني انتصار ام هيثم عمه ازل تحجي وياك

شاهين>>هلا بيج ام هيثم

ام هيثم>>دشوف اكلك يبعد عيني تدري من سمعتك تحجي وي ميار اجيت اموع وحق علي

شاهين>>ههههه

ام هيثم>>تحجي وي اختك لو بتك فهمني

شاهين>>ام هيثم تحبين هيثم لو لا

ام هيثم>>غير وليدي شلون ما احبه

شاهين>>لعد انتي منها وقيسي ميارتي تصير اختي وبتي وصديقتي وما ترديني اخاف عليها

ام هيثم>>فدوه رحتلك وعلي اني سمعت بيك من يوم رجعت غالية وازل وعرفت عنك حبيتك وهسه من خابرت ميار كتلهه فتحي مايك ردت اعرف شتحجون بس مو اضوج من عمتك لان اني فضولية وروحي تضل تلوب

شاهين>>هههه لا على بختج ام هيثم قابل شنو حجيت وياها بس اشتاقيتلها

ام هيثم>>جا ما تجي هنا هم نشوفك ونحجي شوية

شاهين>>أنشالله باجر اجي اشوف دكتورتي ام هيثم وهم اشوف البنات

ام هيثم>>بيتك يبعد عيني شوكت ما تريد هاي دكتورتك وياك

ميار>>هههه اخذت جهازي وسديت المايك....ها حبيبي

شاهين>>ها مجنونتي

ميار>>صدوك باجر تجي

شاهين>>وعيونج اجي يلة حبيبي ابقي يمهن حتى تنامين من وقت

ميار>>تمام يروحي

شاهين>>ميار هم حجيتي وي ام معتصم

ميار>>لا ليش

شاهين>>ماكو شي خابرتني مساع وجانت تبجي عبالي اتحاجيتو

ميار>>لا والله ما حجيت بس جبناها سوالف وضليت اسولف عليك وشلون انت كلشي الي وهاهيه

شاهين>>وانتي كلشي الي وعيونج

ميار>>فدوه الك عيوني

شاهين>>حبيبي يله ديري بالج على نفسج يروحي تصبحين على خير

ميار>>وانت من اهل الخير حبيبي باي سديت الجهاز

غالية>>ازل تعاي ساعديني

ميار>>ابقي اني راح اروح يمها رحت لغالية واخذت السفرة فرشتها وبقيت انجيب مواعين وكملت السفرة دانتعشة ودخل معتصم يضحك بلجهاز ويحجي حتى ما سلم طب گبل لغرفتةة

،،،،كملنا العشة وازل غسلت المواعين ورنا جابت الجاي ونوب عافتة وراحت غاليه كامت وصبت للنسوان من كملن الجاي وانشالت المواعين بعد كلنا كعدنا سوة هيج وسمعنا صوت معتصم

معتصم>>غاااااليةة وينج

ام هيثم>>شبي يصيح هذا

غالية>>شمدريني عمة خيولي

معتصم>>ولج اني مو صحتلج ما تجين

غالية>>عليمن تصيح معتصم احترم نفسك

معتصم>>اكلي خر** نعالةةة واحجي عدل وياي

ميار>>شهل الاسلوب السزز مالته شلون يحجي وياها هيج باوعت لغالية عافته يلغي وحدة وكعدت واجتي ازل على السريع

ازل>>شبيك ولك عليمن تعلي صوتك على غالية مووو؟؟؟

معتصم>>صحتلها ما اجتي

ميار>>اووويلي ضربته راشدي صوفرت اذنه والنبي

ازل بصوت>>وروح ابوية بگبره اشيلك وانت عايش وادفنك باقرب زبالةة لو عليت صوتك عليها

ميار>>گلبي حيوكف غالية تضحك ومعتصم انخلس وطب جوة واني شوية وابجي

ازل>>شبيج سكتي ما عرفتي اضربينا

غالية>>خيولي اكول بعده صغير

ازل>>لا تنطينه مجال ترى عباله تخافين منه

غالية>>عوفج مني وشوفي هاي المخلوسة ههههه

ميار>>لا مو مخلوسة بس ما عبالي تضربيه

ازل>>يستاهل والله علمود ميتجاوز

ميار>>شوية طبت رنا تصرخ وتبجي ومعتصم دفرها دفرة كدامنااا وطلع من البيت ابد ازل ما تحركت منها شعرة عرفت ما متفهمين بينهم وام معتصم ما طلعت بقت بغرفتها ليهسه

،،،،ساعة عبرت ورحت نمت يم ازل وغاليه شكد حلوو خلن جرباية بصف جرباية وكعدنا ثلاثتنا عليها واني اصغرهن ازل قفلت الباب ونمت بيناتهن ثاني يوم كعدت وهنه نايماات سحبت جهازي شفت سهم شكد متصل عليه كمت من يمهن غسلت

،،،،وسمعت رنا تحجي وتبجي

رنا>>شفتي ماما معتصم ضربني وانتي بغرفتج وحتى ازل ما حجت

ام معتصم>>روحي ماما تعبانة هسه

رنا>>شنو تعبانة شسوين مثلا تشتغلين متكومين تحجين وي ابنج

ام معتصم>>ميخالف هسه روحي والله راسي يوجعني

ميار>>عفتهن ورحت للمطبخ سويت چااي ونصيته وكعدت بحديقتهم ودك سهم فتحت خط.....صباح الخير

سهم>>صباح النوور مدام وين انتي

ميار>>ابيت ازل

سهم>>شبي صوتج شنو هسه كعدتي لو مريضةة

ميار>>يي قبل شوية

سهم>>شفتي شكد اتصلت عليج ميار

ميار>>جنت نايمة

سهم>>ميار مو علساس اليوم نروح نشتري النيشان

ميار>>ازل خابرت واليوم الحنة مالتها

سهم>>كتيلي قبل لتروحين

ميار>>شاهين هو جابني

سهم بحدة>>كتيلي قبل لتروحين مياااااار خابرتي كلتي يابه راح اروح لخطبة ازل عبرتيني ودزيتي كلمة هم لاااا لعد شنوو اتفقنا ميار

ميار>>سهم ليش تعيط ما عبالي

سهم بصوت>>شنووو الما عبالج بحساب ضربتي كلامي كله بعرض الحايط وطلعتي بدون متحجين

ميار>>سهم...الووو...سداه يا الله شلون هسه بلدكتور مالتي خليت الجهاز بجيبي وطفيت الجاي ولكيت ازل وغاليه كاعدات صحت

.....صباحووو..

ازل>>فدوه لهل الصبح ولج

ميار>>هههه

غالية>>صباح النور حبيبي

ميار>>تتريكن؟؟؟

غالية>>يي هسه اخابر عمو ابو حمزة يجيب كاهي وكيمر

ميار>>راحت غاليه تخابر واني كعدت يمهن نص ساعه واجه الريوك وصاحني معتصم

معتصم>>مياار

ازل>>شتريد منهاا؟؟

ميار>>مو اني سهم بلباب يريدها

ازل>>نسيبي ما كدر يفاركج خيه

ميار>>ههههه جرتني ازل بل استقبال

ازل>>ابقي هنا واني راح اجيبه تبقون وحدكم واكول لغالية اجيب الريوك مبين نسيبي ما متريگ

ميار>>ااازل شبيج

ازل>>ما بيه ولج شبيج هسه اشوف واصيحه يمج

ميار>>اول ما طلعت ازل دخلت غالية بصينيه صغيره وتغمز شكد عيب طبعا ازل فد وحدة عقلها كله سخيف

ازل>>فوت عيني ماكو احد غريب

ميار>>جنت لابسة تراك بيجي وشعري عايفته هيج وشوية السحاب مالت التراك مفتوح من يم صدري بقيت واكفة وهو طب

غالية>>اااازل امي تريدج

ازل>>اجيت.....هسه اجيكم اخذو راحتكم

ميار>>شكد سخيفة باوعت وغمزتلي نوب طلعت وسدت الباب

سهم>>كعدت وهي واكفة متعرفين تسلمين مدام

ميار>>شلونك سهم

سهم>>مو زين ميار وانتي السبب راسا جريتها صارت ايدها على صدري ومدنگه نص جسمها انكشف نص صدرها من جريتها..

ميار>>شفت عيونه على صدري سحبت ايدي وكفت

سهم>>تعاي كملي ريوكج

ميار>>ازل جابته الك لان اجيت هيج وقت كالت خاف ما متريك

سهم>>لا بوية متريك اكعدي اكلي

ميار>>كعدت بصفة واغمس بلگيمر وهو يباوع نوب اللگمة لا تنبلع ولا اكدر اطلعها زين هو المن يباوع

سهم>>تقربت منها وسحبتها عليه لزمت ايدها بيدي وايدي الثاني على خصرها مقربها مني وراسي برگبتها حجيت بهمس

....مياااار اشتاقيتلج والله متعرفين شصار بيه من خابرت شاهين وكالي وداج يم ازل حسيت راح تعوفيني بقيت ابوس برگبتها مصيت رگبتها على گيف

ميار >>ااااه

سهم>>اذيتج حبيبي

ميار>>هزيت راسي بمعنى لا وهو مبقي راسه برگبتي ما عرفت ساعة هادئ وساعه نااار ردت اكوم منه لان حسيت اسنونة صارن برگبتي حجيت بوجع....سهم فدوة

سهم>>صعدت لشفايفهاا سحبتهن بسنوني وضليت ابووس بيهاا

ميار>>من ذاته ابتعد مني ونوب رجع حظني والنبي داحس بلحگي انشل ويوجعني ورگبتي بعد اتعس من الوجع

سهم>>بس يمج اهدئ بزونتي وداعتج الطريق كله جبته متحلف بيج بس من شفتج كلشي نسيت

ميار>>خليت ايدي على شعره وبقيت امشي بيدي داخل شعرة حسيت سهم طفل متعلق بيه لو مراهق ويحبني وميريد يخسرني

سهم>>كملي ريوگج

ميار>>انتة متريگ

سهم>>اني ريوگي مو مثلج ماال فاهيات

ميار>>هههه هسه اني فاهيةة

سهم>>يوووو جنج متدرين بنفسج

ميار>>هههه كوم اتريگ وياي

سهم>>اتريگت عسل وگيمر بنفس اللحظة

ميار>>بلعافيةة

سهم>>مو اكلج فاهيةة

ميار>>شدخل الفهاوة هسه

سهم>>عرفتي ريوگي؟؟؟

ميار>>عسل وگيمر

سهم>>يعني شفايفج عسل وگيمر يلفاهيةة

ميار>>هههه شلون اندليت البيت

سهم>>گلبي جابني يمج

ميار>>غير يكعد روميوو

سهم>>ههههه

ميار>>كاعدين نحجي سوة واني بيه طبع من اندمج بلكلام ما اكل اضل بس اغمس وهاهيةة وهو انتبه عليه ويضحك ربع ساعة وطب معتصم للاستقبال ووياه ولد زين اني لا لابسة شال ولا شي

سهم>>بسرعه صرت مقابيلها وخليت الكبوس مال التراك على راسها ورفعت السحابة ليفوك

معتصم>>ما عبالي بعدك هنا يلة همه مو غربة

ميار>>بعده معتصم ما حجه وسمعت صوت شاهين شكد فرحت من طب للاستقبال وي ازل ركضت عليه وحظنته

شاهين>>يمعووودة لتوكعين

ميار>>اشتاقيتلك والله

شاهين>>اني هم بستها براسها وباوعت لسهم هااا دكتورنا شسوي هنا

سهم>>اشتاقيت لاختك

شاهين>>هههههه

زيد>>شلونك شاهين

شاهين>>الحمدلله بخير

ميار>>تعرفهم شاهين

معتصم>>ميار هذا زيد وياسين ولد خالنا بهاء

ميار>>اهلا وسهلااا

زيد>>لا بربج ميار حليانة صايرة مرة ولج اخر مرة شفتج هلكدوتج

ميار>>صح ناسيتهم بس ضحكت بوجهه وما شاءالله مبين من كلامه كولش مؤدب 😒

رنا>>زيووووودي جنت منتظرتك

ميار>>عزززا بعينها شلون هجمت عليه وحظنته وهو عيونه عليه عاف رنا وتقدم يمي باوعت على سهم شوية ويهجم عليه

زيد>>شنو ما ناوية تسلمين عليه ترى مو غريب

ميار>>راد يلزمني من وجهي رجعت ليورة

زيد>>شبيج ميور

شاهين بحدة>>عوفها زيد ميار متحب احد يلزمها

زيد>>اهاااا

ميار>>شاهين شفت غالية

شاهين>>لا والله روحي صيحها وتعاي

ميار>>طلعت على السريع وطلعت ام معتصم شادة راسها واني رحت لغرفة البنات صحت غاليةة من كتلهه شاهين يريدج ركضت تسلم عليه رحت وراها شفتها لازمه شاهين وتحجي وياه وسهم والبقية كاعدين

شاهين>>شنو مترحون للصالون الساعه ب10 هسه

غالية>>غير العروسة تبدل ونطلع

شاهين>>منو ياخذكم

غالية>>إسماعيل يجي ياخذنا

شاهين>>تروحين وياهن دكتورتي

ميار>>يي ازل تريد تاخذ صور بقينا نحجي واجتي ازل مبدلة ملابسها واني وغاليه ورنا بعدنا

ازل>>اشوو ما مبدلات عيني

غالية>>انتي مو جنتي تخابرين

ازل>>يي وكملت يله راح يجي اسماعيل

غالية>>نعلعلا ابليسج شكد حقيرة امشي ميار نبدل ملابسنا منا علمود نكمل قبلها هناك

الكل>>ههههه

ميار>>هههه رحت وي غالية بدلت فستان ماروني يجنن مخصر من الصدر للخصر ومن جوة كلوشة صاير مثل البدلة بس مو طويل كولش لا شوية رجليه طالعةة لبست حجل ومحبس وكلادتي وخليت مشمر على راسي لان ليهسه حجابي مو كامل وطلعت يمهم

شاهين>>ميحتاج دكتورتي تروح لصالون

ازل>>يي والله ههههه هل اللون وي الخدود صار

ميار>>حلووو حبيبي

شاهين>>تخبلين دكتورتي

ميار>>انتبهت على سهم ماكو كلت يمكن راح ولا كدرت اسال احد منهم شوية وطلعت غالية باوعتلي واشرتلي بس ما عرفت شتريد بلضبط؟؟؟؟ وهيه بقت ادور بعيونها وساكتة

ام معتصم>>شاهين اريدك بموضوع مهم

شاهين>>اتفضلي ام معتصم

ازل>>يله بنااات اجه اسماعيل

ميار>>حظنت شاهين كتله من اجي اشوفك لو هسه حتروح؟؟

ام معتصم>>لا حبيبتي محتاجة شاهين اليوم لهيج راح يبقة

ميار>>تمام بيباي حبيبي

شاهين>>ديري بالج على نفسج دكتورتي

ميار>>ماشي باي.....طلعت ورا البنات شفت سيارة سهم موجودة وهو واكف ومرتجي على سيارتةة

ازل>>يلة مياار تعااي

سهم>>ميحتاج اني اجيبها وراكم

غالية>>تمام بس مو تتاخر بسياقتك علمود متهيه الصالون

سهم>>لا ورا سيارتكم امشي

ميار>>باوعت لسهم وسكتت

سهم>>يله عيني لنتاخر

ميار>>لا اكو شي سهم راح يجلطني واني بعز مراهقتي حتى مو شبابي ههههه صعدت واني ساكتةة

سهم>>حلوة بدلتج وحلو محبسج وكلادتج حلوة ومشمرج حلوو

ميار>>هو يحجي واني شوية وافتح باب السيارة واشمر روحي

سهم>>ميار يلي يشوفج ميعرف بيج مخطوبة صح لان بعدج صغيرة

شلون يعرفوج مخطوبة؟؟؟؟

ميار>>من حلقتي

سهم>>وين حلقتج ميار؟؟

ميار>> انتبهت على ايدي صدوك ماكوو يااااا عفتها بلغرفةة ولبست المحبس

سهم بصوت>>وووين حلقتج

ميار>>نسيتها بغرفة البنات راسا وكف السيارة

سهم>>لزمتها من ايدها وجريتها عليه.....حلقة ميصير تنزع ميار ولازم انتي تعرفين هلشي

ميار>>عبالك شخص ثاني وين سهم يلي قبل شوية جان بحظني وهسه يحجي وعيونو حمر وانفاسه تلفح بوجهي وصوته شبه عالي....تمام هاي اخر مرة سهم

سهم>>سحبت ايدها ولبستها الحلقةة....غالية انطتني ياها من طلعت

ميار>>هزيت راسي ورجعت لمكاني هسه عرفت خوف غالية خطية هههه شغل السيارة وطلع وراهم شفنا البنات واكفات ومنتظراتني

غالية>>كام يحجي على الحلقة صح

ميار>> لا يروحي ماكو شي

ازل>> لعد ليش اتاخرتو

ميار>> لان خابرو بلطريق ف كتله لا تحجي وانت تسوق نوب اروح اموت هههه

غالية>> ههههه خفنا عليج

ميار>> طبيت وياهن للصالون وقبلنا بنات ونوب اجه دور ازل بس الحلووو ازل كولشي اختارت من البدلة والفستان الاحمر والمكياج التسريحة العدسات كولشي على ذوقها عكسي من اجه دوري اتصمنت

،،،،وما عرفت شحجي

ازل>>خلي شعرها على طوله وطوخي مكياج عيونهاا والحمرة خليها مارونية فاتح احلى

ميار>>باوعت لازل وضحكت ام صالون مو بيدها هههه كعدت غاليه بصفي وهم ازل بقت تحجي وي البنية على مكياج غالية كملنا ثنينا هاي اني معقولةة؟؟؟؟..

ازل>>اخواتي يخبلن كسرني كسر

ميار>>ههههه خابرت ازل على اسماعيل ربع ساعه ودك جهازها عرفنا بيهم وصلو لبست غاليه الكعب لان جانت كاعدة وازل لبست الكبوس مالت البدلة واني خليت المشمر على راسي وجسمي وطلعت وياهن

ازل>>خرب بيومج ليهسه سهم واكف بس لا جان منتظرنااا

ميار>>رفعت راسي وباوعت لازل

ازل>>ههههه جذب شبيج خفتي

ميار>>يلي نزلت من السيارة ام اسماعيل وام ازل وبنية ما عرفتها طبينا للاستوديو نصور بلبداية كولنا سوة نوب شوية شوية لحدما بقو وحدهم هههه من خلصو تصوير طلعو والمصيبة

،،،،السيارة ما كفت ابد ردنا ناخذ تاكسي بس ازل ما قبلت

ازل>>ماما شاهين بلبيت

ام معتصم>>ايي بلبيت وحتى سهم وياه

ازل>>خابري سهم ميار

ميار>>لا اخابر شاهين هو يجي

ازل>>تسكتين وتخابرين سهم

ميار>>يمعودة شلون اخابر سهم وشاهين يمه والله اخاف شاهين يفكر بغير شي

ازل>>شيفكر قابل سهم حبيبج غير خطيبج اخذت جهازها واتصلت على سهم من فتح خط انطيته الها

سهم>>استغربت ميار خابرتني كمت رديت عليها ما تجاوب كلت يمكن بلغلط بس سمعت صوت بنية تكول الها ردي شبيج ولج ردي

ميار>> خليت الجهاز على اذني وشفنا زيد ورنا يمناا ازل غمت روحها وغاليه ضحكت

سهم>> ميااار

ميار>> هلو سهم

سهم>> اكو شي

ميار>> لا بس ازل رادت تخابرك لان السيارة ما كفت

سهم>> اجيج هسه انتظريني

ميار>> لا ماكو داعي  اجه زيد هو راح يرجعنا

سهم>> ابقي بمكانج اني ارجعج

ميار>> سهم بين ما تجي اني واصله للبيت تمام باي

ازل>> قلدت عليها من حجت وي سهم.....ازل رادت تخابرك تف عليج وينج وين الحب ولج متعرفين تكوليله خابرتك حتى ترجعني خابرتك لان اشتاقيتلك امداج

ميار>> ههههه ولي مني صعدت ازل بلصدر وامها وعمتها والبنية ليورة بقينا اني وغاليه صعدنا بسيارة زيد ليورة ورنا ليكدام طول الطريق يأشر ويباوع ويعض بشفايفة

،،،،شكد سزز بطلعات الروح وصلنا للبيت طبينا للبيت واجتي غاليه

غالية>>ولج سهم بقه وي شاهين ب الصاله لان طلعت ماما مبقيتهم للغدا

ميار>>بقن البنات بل استقبال شوية وطلع شاهين من الصاله وكفت كدامه وافتر

شاهين>>اوووف هاي الحورية لمنوو؟؟

ميار>>ماعرفتني شاهينو

شاهين>>منووو؟؟

ميار بزعل>>اني ميار

شاهين>>صدك والله هاي ميارتي ولج دكتورتي تخبلين ما عرفتج

ميار>>والله ما عرفتني

شاهين>>ههههه حضنتها اشاقة وياج حبيبي اكو واحد ما يعرف طفلته

ميار>>هههه

شاهين>>ازل هاي الج والف مبروك

ازل>>الله يبارك بيك شاهين

ميار>>اخذت ازل العلبة مال ذهب بس ما فتحتها يمنا

ام معتصم>>باجر العرس بلقاعة مو هنا

شاهين>>يي خابرني ابو اسماعيل وعزمني اني واهل سهم

ميار>>ياااااي يعني اشوفك باجر

شاهين>>يي دكتورتي حتى ارجعج وياي

ميار>>رحت وي غالية حتى نجيب صينية لازل لان جوعانةة فتت من يم المطبخ وباوعت على الحديقة شفت سهم يخابر عفت غاليه وطلعت وكفت مقابيله بس ضجت من شافني ودار وجهه

،،،،جتفت ادية لصدري وكفت لحدما يكمل اتصاله

سهم>>انداريت عليها ضحكت وابتعدت منها وبقيت احجي وي حسام بس والله حركتها حلوة

زيد>>اوووووو يمعودة قالب كيك لو شنوو خرب ولج تخبلين من صعدتي بلسيارة شفت بس وجهج الحلوو كسرتي رنا وغاليه بحلاتج يولي

ميار>>ههههه

زيد>>صدك يحلوة رنا كالت ميار مخطوبةة

ميار>>يي صح

زيد>>حرامات والله جان صرتي الي

غالية>>ميااار تعااي شاهين يريدج

ميار>>طبيت ركض من سمعت صوت غاليه رحت يم شاهين سلم عليه وطلع وسهم وياه يلي ما دخل لعقلي ليش سهم ما حجه معقولةة ما سمع كلام زيد عشر دقايق بدات حفلة الحنة وشكد حلوة هيج اجواء عائليةة

،،،،كامن النسوان يركصن وازل ذبت لحم وغاليه رگصها يمووت لساعتين واجوي اهل اسماعيل بقت ازل كاعده واسماعيل لبسها النيشان وباسها براسها واخذو صور وراحت ازل بدلت طلعت بفستان قصير احمر يبوووو وهم بقت تركص وي الكل كام اسماعيل حنه ازل بيدها وهيه هم والصينيه كدامهم تجنن

،،،،،قطعو الكيك كل هذا كدامي يمكن شي جديد وحلوو عليه بنفس الوقت خلصت الحنة كمت ادز لشاهين الصور وحجيته كولشي لليل نمت ثاني يوم الصبح طب زيد بس كلنا استغربنا مضروب بوجهه مبين متعارك وابد ما حجه بقة منتظر رنا حتى يرحون يودون نيشان ازل

،،،،رنا اخذت 5 جنط كبار مال سفر اخذتهن وراحت وي زيد لبيت اسماعيل تقريبا ب10 رجعت ومبينه تعبانة وتسولف لازل وين خلت الملابس ورا نص ساعه طلعت غاليه 4 جنط

ازل>>يابه خلولي ملابس هنا شنو كلهن اخذهن

غالية>>ولج ذني كلهن جدد مالات شتا وصيف ومال بيت تراكات وثياب قصيرة ليهسه ما وديت ملابسج العادية

ميار>>شنو كل هذني شعجب

ازل>>ميار اكولج شي ماطول وحدنا......امي الله يرحمها من تزوجت جانت عدها بس جنطه وحده لان اهلها فقرة وما عدهم ف ابوية الله يرحمه هو واهله يعيرون بامي لان ما جابت شغلات هواي

،،،،،ف هيه من خلفتنا اني وغاليه ما قصرت ويانا جانت اجمع ربع على ربع علمود اتجمع مليونين النا اني وغاليه ومن ماتت يله عرفنا بيها عدها هلكد وخلتهن بيدي وبيومها كالتلي

،،،،ازل خاف باجر الله يسهلج انتي واختج مو تصيرين مثلي وتروحين لعيالج بجنطه وحده الوكت اتغير يمه ومو مثل قبل انتي جبيرتي بعد امج خلي الكل يكول ازل صارت ام لغاليةة ولا تضوجينها ولا هيه تضوجج صيرن صديقات عينج عليها

ميار>>من حجت غاليه حسيت بروحي اعرف هل الشعور بجيت وباوعت لغالية دموعها عشرة عشرة وازل وي كل كلمة تبجي نوب انتبهن ثنينهن عليه ودنگن وبقن يبجن

،،،،عرفت بيهن هنه هم مثلي خسرن امهن بس الفرق امهن كان امرها بيد رب العالمين واخذها يمه وامي كان الامر بيدها وعافتني حسيت بيد لازمة جتفي وضغطت عليها كل ظني غاليه لان صايره بصفي انداريت شفتها ام معتصم ووجهه احمر وعيونها بيهن دموع

،،،،كمت من مكاني وغاليه لزمتني وحظنتني بلكوة وكفت عيوني علمود ما ابجي رحت غسلت وجهي والبنات مو اقل مني عيونهن حمر

،،،،لشوية ردنا نطلع وجهازي ماكو دكيت عليه من جهاز البنات يطلعلي مشغول خرب دورت ماكوو وطب زيد وبيده جهازي..

زيد>>هاج ميار جهازج

ميار>>ويامن جنت تحجي

زيد>>وي سهم

ميار>>شلون تفتح خط منووو انته وتفتح خط عليهم شوف زيد سكتت هواي لتخليني اشتكي لشاهين عليك

زيد>>دروحي بابا فوك ما خايف عليج عبالي غريب ويريد يتحرش بيج

ميار>>من صدوك انته واحد سزز وبلا اخلاق عفته وطلعت وي البنات اتفقنا نلتقي بلقاعه ويجيبنا اسماعيل بسيارته وصلنا للصالون بس هلمرة لل2 واحنه ما مكملات ابد

،،،،طبيت لبست فستان طويل وحلو بس هلمرة مستور على جسمي بس مكياجي صار كولش حلو وخليت المشمر على راسي وما سويت شعري بلصالون بس المكياج لل3 ونص كملنا واجه اسماعيل ياخذ صور كملنا الصور كلهن ورجعنا وي اسماعيل

،،،،،نزلت ومشيت وي غالية اباوع منا ومنا ما لكيت شاهين دورت ونوب طلعت صار بوجهي زيد

زيد>>ها يحلوة عليمن ادور عيونج المگحلةة

ميار>>على يلي يكسرلي راسك

زيد>>فدوه الج

ميار>>وخر مني عفته وطبيت

غالية>>بشري؟؟

ميار>>حتى سيارته ماكوو

غالية>>ميخالف انتظري شوية واذا ما لگيتي خابري

ميار>>ماشي حبيبتي انتظرت عشر دقايق وصاحت غاليه روحي شوفي بلگي هوة ركضت بلكي اشوف شاهين طلعت للكراج مو سيارته ردت ادخل راسا انجريت من ايدي وصرنا ورا سيارة ردت احجي

♡'''''''''''''''♡'''''''''''''♡''''''''''''''''♡

صباحوووو نبضااااتي

انشالله يعجبكم البارت وطويل لعيونكم حبايبي

nosha🙈❤

ا👇استاهل موو

"~سهم 🏹 الغرام~"

"بقلم nosha_hassan""

انستا:::: ano_sha0

♡'''''''''''''''♡'''''''''''''♡''''''''''''''''♡

أشتهيتك مثل عازف يحضن العود

أشمااا زاد الحن تزداد حنيته 🥺♥️

♡'''''''''''''''♡'''''''''''''♡''''''''''''''''♡

ميار>>باوعت شفته ياسين...نترت ايدي منه وصحت بوجهه

....خير انشالله

ياسين>>مياار والله ماعندي شي وياج

ميار>>اكو واحد يجر بنية هيج ويكول ما عندي شي وياج

ياسين>>ديري بالج من زيد ورنا فدوه

ميار>>شلون يعني؟؟

ياسين>>من البارحه لليوم زيد يريد يورطج بشي بس والله ما عرفته ورنا هم وياه

ميار>>شلووون هلشي يعني بشنو يورطوني

ياسين>>يمعودة خباثه الدنيا برنا وزيد اكعدي يم غالية وازل بين ما يجي شاهين فدوة

ميار>>هزيت راسي ومشيت ردت اطب للقاعه ونلزمت من خصري جفلت بسرعة

سهم>>ماكو داعي تخافين مني يابة

ميار>>سهم هذا انتة؟

سهم>>يي سهم لعد عبالج الجان وياج يم الكراج

ميار>>سهم لا تروح تفهم الموضوع غلط

سهم>>اششش بعدين نحجي

ميار>>رجعت لمكاني خايفة واجتي رنا تركص گلبي انقبض منها شفت زيد حظنها من ضهرها وعيونو عليه درت وجهي شفت شاهين ضحكت ورحت يمه حظنته وايدي ترجف

شاهين>>شبيج دكتورتي

ميار>>هاااي اخر مرة والنبي تعوفني هيج لا عرس ولا شي رجلي على رجلك بكلشي

شاهين>>ههههه ماشي دكتورتي

ميار>>سهم وكف يم شاهين وبقو واكفين بدات الزفة والركص والصور لحدما طلعنا حتى نزفهم للفندق ولان هواي ناس كامو يصعدون بسيارات وشاهين وياه البنات وين اصعد وكفت يم شاهين ولازمته بيده راسا حجيت واني خايفةة

.....بله شكووو صعدتهن وياك واني ويامن ابقةة

شاهين>>هههه ولج عيب ميصير اردهم

رنا>> تعاي ويانا ميار

ميار>> انداريت شفتها رنا

شاهين>> يي روحي وياهن ولتخافين اني وراج بلسيارة

ميار>>باوعت عليها واتذكرت كلام ياسين يبوووو نوب حتى سهم ماكو جان صعدت وياه والله رحت وياها صعدت جانت بس هيه وزيد شفنا ياسين ركض علينا

ياسين>>اصعد وياكم

رنا>>لا وين خاله ويانا تصعد

ياسين>>اصعد بلصدر

رنا>>اني بلصدر روح شوفلك سيارة ثانيةة

ميار>>خرب شكد خبيثةة راح ياسين وصعدت ليورة كل شوية اطلع راسي من السيارة واشوف سيارة شاهين انتبه زيد عليه وكام يتاخر ما يمشي وياهم سيارته صارت بل اخير حجيت بخوف

......ليش متمشي وياهم زيد....شفته سكت واخذ غير طريق لا هناااا گلبي وگف والرب ما بينت خوفي اتصلت على شاهين ماكو يمكن ميسمعه اتصلت على سهم بسرعه فتح خط ماكدر احجي وياه لان مااعرف شنو نية اختي من امي ولا ابن خالي العار

،،،،،لزمت جهازي بيدي وحجيت بصوت حتى سهم يسمعني

....زيد ليش منا ليش ما رحت وياهم

زيد>>طريق مختصر

ميار>>مختصريش زيد امشي وياهم على سايد واحد فدوة زين هسه شنو اسم الشارع غير اعرف

زيد>>شارع ال.....

ميار>>انتبهت على جهازي طفه دزالي رساله مكتوب بيها

..تلگيني براس الشارع منتظر سيارة العار لان هذا شارع واحد

،،،،شكد فرحت والنبي رجعت كتبتله

....سهم فدوة مو تعوفني والنبي خايفة

،،،،،شفته ما رد ما دزيته شي بعد كل شوية اباوع بلكي المح سيارة احد ولان دنيا غروب والدنيا شويه ضلمت وكفنا يم حديقة او متنزه رنا نزلت ونوب نزل العار وياها نزلت وحجيت بحدة

.....ليش وكفنا هنااا؟؟؟؟؟

زيد بصوت>>بله شحصلت منج بوسة گرصة لزمة حتى خطيبج يضربني هيج ضربة

ميار>>سهم هيج مسوي بيك بس ليش؟؟؟

زيد>>ليش مووو؟؟لان كتلج طالعه قالب كيك ضربني ابن الگلب

ميار>> احترم نفسك ليش تغلط عليه كون محترم نفسك ميضربك تقرب عليه لزمني من ايدي وايده الثانيه لازم بيها وجهي تقرب عليه حيل دفعته بكل قووتي وهيه تباوع علينا الحقيرة وساكتةة مشيت يمهااا ضربتها راشدي ودفعتها بلگاع كتلهه

.....شكد وحدة ساقطةة انتي ولج عود تتفقين وياه عليه والقران الكريم اخلي شاهين يمسح بيكم كاع الله كلهه افتهمتوو

زيد>>لزمتها من ايدها دفعتها على السيارة غرامة ضربي لازم اخذها منج حتى سهم وشاهين ميكدر يحجي وخشمه مرفوع واكدر بكلمة اخذت حلگ من اختك وخطيبتك اخليهم ينزلون راسهم

ميار>>تخسى انت وياها يا سزز...من شفت اكو سيارة ضربته بجهازي على خشمه وركضت مسافة عنهم والسيارة عبرتني

سهم بصووت>>اوووكفي مياااار

ميار بخوف>>انداريت على صوت سهم ورجعتله ركض حظنته وبجيت

سهم بهدوء>>اششش

ميار>>وداعه شاهين مالي علاقة بيهم همه متفقين وياسين شاهد

سهم>>غمضت عيوني وحظنتها لصدري وهيه تشهك وتحجي دموعها وكلامها ولزمتها اليةة خفت انو زيد مسويلها شي عفتها ورحت وكفت يمه ضربته على رجله بدفره كعدت بلكاع ولزمته من ياخته كتله...

شكتلك البارحه ولگ مو انطيتك كتله معدلة لو انت تحب تندگ على ايدي

زيد>>طززززز

ميار>>اباوع عليهم بقو يتلاوون سوة بس سهم اطول من زيد وضرباتو كلهن دفرات ووين المكان اليوجع اخير شي من ضربه على منطقةة الخطر🙈👌كعداه بلكاع ههههه

سهم>> رنا تكدرين ترجعين ويانا لو تنتظرين ياسين بقت تباوعلي كتلهه

....رديلي رقم ياسين بسرعةة ردته الي وايدها يرجفن

....الو ياسين اني سهم وين انته....يي لگيتها مشكور يابةة تعبتك

لا حبيبي بس صديقك ميكدر يسوق تعال ورجع البنية وياك....يله حبيبي انتظرك تجي سديت الجهاز ورجعت يم ميار

ميار>>سهم

سهم>>حظنتها وامسد على خدها......لزمج ابن الكح**

ميار>>ضربته على ايده...الزم لسانك انت الثاني

سهم>>ههههه

ميار>>شكو تضربه هيج من وراك اجيت اموت

سهم>>غير انعل والديه لو يلزمج وعلي

ميار>>خفت والنبي اول شي من وراهم وهم من وراك

سهم>> ليش؟؟؟؟

ميار>>بلبداية ياسين كالي عليهم نوب انت من شفتني كلت اليوم في عداد الموتى لا محالةة

سهم>>ههههه بزونتي انتي عداد موتج بيدي

ميار بانفعال>>امداني ايي والله بدال ميكول اسم الله عليج

سهم>>وين اكو بزونه تصير اعصاب

ميار>>ليش مثلا ما عندي احساس وبعدين اني ميار مو بزونةة

سهم>>انتي بزونتي الحلووة تقربت منها وخليت راسي برگبتهااا

....اووووف يهل العطر صار ادماااني وحق الكوون

ميار>>ههههه عزززا سهم وخر مدري منوو اجه فدوه وخر يمعود ليطلع شاهين

سهم>>يابة زوجتي سيد ومحمكه والله ما بايكج من شاهين

رناا>>ياااااسين

ميار>>التفتنا سوة على صوت رنا وياسين خربان ضحك اشر لسهم بيدة وساق السيارة

سهم>>ميار راح اتمادى وعيونج

ميار>>رجفت بين اديه وحجيت بخوف.....رجعني للبيت سهم

لزمت اجتافه بدية من الوجع لان حسيت ضهري دخلت بي اليدة مالت السيارة وهوو ضاغط على جسمي

سهم>>تدرين احلى شي بيج شنووو؟؟؟.....هذن العضمااات يلي هناا وشامتج يلي بوسط صدرج شفايفج من اني اسيطر عليهن حتى من تتنفسين سريع هلشي يخبلني وياج واطمع اكثر بكلشي بيج

ميار>>دفعته مني من سمعت جهازي يدوك شفته شاهين

....هلوو حبيبي..

شاهين>>وين انتي مياار گلبت السيارات عليج ماكوو ويامن صاعدة

ميار>>صاعدة وي

سهم>>سحبت جهازها وحجيت وياه..ها شاهين ميار وياي

شاهين>>يمعود سهم غير تتصل تدري مرتين رجعت للقاعه والفندق خفت بعدهي هناك لو ضايعةة

سهم>>ارجع للبيت واحنه مسافة الطريق يمك

ميار>>انطاني جهازي وما فتهمت شنو كاال عقلي كله يم وجع ضهري معقولة سهم دايشوفني غاية لو شنوو كل بنية تنخطب خطيبها هيج يسوي زين اسال منو يا الله بقيت احجي بيني وبين نفسي لحدما وصلنا نزلت لكيت شاهين منتظرني اباب البيت سلمت عليه

،،،،،وهو يحجي وي سهم واني طبيت للبيت رحت لغرفتي نزعت ملابسي لبست تراك وانتبهت على رگبتي عزززا بعينج ميار شلون راح تحجين لو تضمين هلشي ونوب مبينه ضليت افتر بلغرفةة منقذي بهل الووقت بس ازل بس شلون اتصل عليها عيب يا الله غير اليوم زفتهاا

شاهين>>مياااار وينج

ميار>>ها حبيبي بس ابدل.....خرب بيومك سهم شسوويت؟؟؟

غاالية يي شلون نسيتهااا راسا اتصلت عليها وبقيت منتظرتها ترد

غالية>> هاا ميور

ميار>>فدوه غالية محتاجتج بشغلةة

غالية>>كولي؟؟؟

>>شلون احجيلها هسه شلون موقف لو احجي واصير مضحكة عد غالية لان ادري بيها تحجي للكل هاي الفطيرة لو شاهين يشوف الاثر يلي برگبتي ويزعل مني لالا كولشي ولا زعل شاهين

غالية>> الووو

ميار>>غالية اريد اخفي الاثر مال سهم يلي برگبتي

غالية>>ههههه

ميار>>لتضحكين خرب بيوووومج

غالية>>ولج منين خايفةة

ميار>>الله عليج ساعديني

غالية>>ماشي اذا عندج مكياج شوفيلي هاي العبوة عندج هسه ادزلج صورتها

ميار>>اوك انتظرج....بقيت منتظرة غالية ادز الصورة طلعت خافي العيوب وصوره فونديشن نوب رجعت اتصلت بيه فتحت خط

غالية>>شوفي خبلة تخلين الخافي نوب الفونديشن اوك بس كون ما واضحة العضةة

ميار>>وربج لو اخلي العلبه كلها هم ما تنخفي

غالية>>ههههه فدوه شهل الخبال

ميار>>حروح اسوي واذا صارت ادزلج صورة تشوفين خاف موجودة تمام سديته وكعدت البخ بالعضة على كولت غاليةة اختفت بس مبين مخليه هنا شي لان صارت منطقة بيضة يبوووو

.....طكيت صورة ودزيتها لغالية نوب طلعت يم شاهين وبقيت احجي وياه ماادري بوقتها اذا شاف شي لو لا بس يلي اعرفه انو ما انتبه لان جان يحجي ويبادر بلحجي ويسال لحدما تعبنا ورحت نمت بحظنةة

......من هل اليوم خلصت عطلتي الحلوة وبدات المدرسة ودرجاتي فول مارك وهلشي احلى شي بلدنيا هو الاعفااء لان مبين درجاتي كولهن 100 بس الكيمياء 98 بس احسن من ال90 هههه رجعت لحياتي واكثر شي مبتعده عنو هو سهم

.....لان اتعاركت وياه من ورا الاثر يلي سواه خابرته وبقيت احجي عليه وهو كاعد يحجي كمت وطفيته بوجهه واعرف غلطت بس لكل فعل رد فعل هو ما فكر انو اذا شاهين شاف هلشي انو يزعل لو اني انزل من عينوو

.....الغريب بهذا كله اني ليهسه لا شفت انس ولا هو شافني حتى بيوم سالت عليه شاهين كالي متعارك قبل خطبتي وضال يهدد وما اعرف شنو ومن خلصت الخطبه راجع سهم ضاربه لان انس تجاوز على الكل ف انس اخذ جنطته ورايح لشقة صاحبة وكاعد بيها

.....المهم بقيت اداوم وامتحن شهري لحدما مرن شهرين وانطونا درجات معدل النصف الثاني وصل الاسم لحرف الميم وكلبي يدوك وخايفةة لحدما وصل لاسمي باوعت عليه المدرسة ام الكيمياء جان تكول

ام الكيمياء>>خيبتي ضني ميار هاي درجات وحده مثلج

ميار>>لزمت نبض بيدي ودنگت راسي كوتلهه اسفة ست والله قريت بس يمكن درجاتي ما طلعن كد تعبي

ام الكيمياء>>اكعدي هسه

ميار>>كعدت وما انطتني شهادتي بقت توزع على البقيةة وباجر خميس وتكريم البنات يلي طلعن اعفاء عام جنت اتمنه افرح شاهين بس يمكن ما مكتوب انطي هل الفرحةة

ام الكيمياء>>ميار

ميار>>نعم ست

ام الكيمياء>>ههههه الف مبروك ماما الاولى بدرجاتج

ميار>>والله؟؟....ركضت اخذت شهادتي اباوع على درجاتي بس الغريب حتى الكيمياء درجتي 100 باوعت عليها وضحكت

ام الكيمياء>>تستاهلين ماما شفتها زحمة هاي الدرجات وتكونين 98 بالكيمياء مبروك

ميار>>الله يبارك بيج ست رجعت يم نبض اضحك بقيت لاخر درس كل شوية اتاكد من شهادتي لاخر لحظة من المدرسة طلعت وي نبض اضحك وياها ولازمه الشهادة وكفنا يم الحديقة

نبض>>ميار هذا اخر يوم للمدرسة لان اعفاء شنو تحبين تكولين والمن الشكر الاول

ميار>>شمرت الجنطة وكفت على الكرسي وصحت....

....اول شي الفخر والشكر الاول يرجع لاخوي المدعي العام الاستاذ شاهين لان لو ما هو بحياتي جان ما طلعت هيج معدل وصرت من المتميزات حرصة وخوفه عليه وعلى دراستي و اليوم بفضل الله وهو وصلت لهل الشي

.....باوعت عليهن هسه وكت اللواگة وغمزتلهن ههههه وحجيت بضحكةة

.....واريد اشكر مدرساتي والمديرة الفاضلة لان بسببهن دانركز اكثر على المواد وطريقة شرح المادة تدخل مو بس للعقل حتى للگلب...

البنات>>ههههه خرب بيومج شكد تحبيهن لعد

ميار>>ههههه واكفة واحجي بكل ثقة وشفت همام واكف ويباوع عليه ويضحك شكد استحيت بوقتهااا درت وجهي وبقيت احجي وي البنات ردت انزل لان ليهسه يباوع ويحرك بيدة عود دايقلدني هههه

سهم بصووت>>وشوكت يجي دوري حتى تشكريني ميار

ميار>>انداريت وشفته سهم اخر شخص اريد اسمع صوته حاليااا طفرت للكاع وكفت بصف نبض داحتمي بيها مثلا لووو شنو سالفتي ليش اخاف منه

نبض>>شبيج ميار انخطف لون وجهج

ميار>>لا ماكو شي حبيبتي

سهم>>شلونهن الطالبات اليوم

نبض>>الحمدلله شلونك دكتور

سهم>>بخير وردة

ميار>>اعرف لازم اسلم عليه بس والله لساني انعگد حاليااا شفته باوع عليه ومنتظرني احجي ورفعه الحاجب قصة ثانيةة بلگوة طلعت من لساني هل الگلمتين.....هلو سهم

سهم >>هلو ميار......كعدت على الكرسي الجانت واكف عليه ردت احجي وحجت صديقتها

نبض>>يله ميار اجه ابراهيم

سهم>>اني اوصلها سلميلي على ابراهيم

نبض الله يسلمك باي ميور ومن توصلين راسليني

ميار>>راحن البنات واني ضليت واكفة نوب من الخوف جنطتي بيد نبض لا هيه كدرت تنطيني ياها ولا اني كدرت اسحبها من ايدها لهيج مشيت وراها حتى اخذ جنطتي

سهم بحدة>>ووووين؟؟

ميار>>اجيب الجنطة عند نبض

سهم>>اوكفي اني اجيبها

ميار>>رجعت بمكاني وهمام من بعيد بس يباوع رجع سهم بيدة جنطتي وسترتي هههه

سهم>>وكفت يمها وعيوني عليها حجيت بحدة......يله كملي استعراضج يلي جنتي تحجين بي ومبين اكوو ناس عجبتهم حركاتج بحيث كام يقلد كل حركةة

ميار بخوف>>انتي هسه ميار من صدوك في عداد الموتى

♡'''''''''''''''♡'''''''''''''♡''''''''''''''''♡

الله يرحمج ميار جنتي خوش بطلة ومعزتج بگلبي 😂😂😂

مشاهدة ممتعةة نبضااااتي ♡هذا البارت لعيونكم لا تنسون اضغطون النجمة ⭐.......

nosha❤🙈

مساء الخير على الكل......نبضاتي شلونكم شخباركم

....كووومة مشتاقتلكم....

اعرف ضايجين مني ومالي وجه اخلي عيني بعيونكم

بس قسما بالله اجيتكم باثبات هلمرة علمود اسكت البعض عد حدهم

من نشرت فترة حداد على عمي شنوو قابل ما عندي مخافة الله واكتب حداد اكوو شخص عاقل الله نطاه عقل يكوم يجيب الموت لاهله ليش مثلااا.....

غبت لانه اني تعبانةة لان بت اختي انطتكم عمرها والها ايام جنا متاملين تعيش والله يحفظها النا بس صار العكس....

يا ناس ما عدكم ضروف متحسون بلبشر اني وين وانتو وين...

عايشة بامريكا اني لو بفرنسا....حتى الله يعزل ضروفي عن ضروفكم غير عايشة وياكم وبنفس الكاع وبنفس المكان

هاي رزان يلي ما كملت اسبوع بلمستشفى ماتت وامها يلي هيه اختي مقهورة عليها سنتين منتظرة هل الفرحة لان تريد طفلة وميتة شوگ عليها بحيث من نعزيها ونكول الها الله يعوضج ضل تصرخ وتردوني انزل القصةة

متعرفون اختي تموت على البنات وامنيتها بنية كل علاجات مفاد يا فتحه بلقلب يا قدرة القادر وتموت وهاي حالتها من نزلت الصورة بس اريد اثبت الكم والله ضروفي اقوة مني

اني واعوذ بالله من كلمه اني  يا حبيبتي انتي صاحبة التعليق كلامي الج وللبعض عندي مخافة الله اقوى من كول الدنيا

لا اموت بشر مثل البعض ولا اختفي بلا سبب ولا ادور تعليقات ولا مشاهدات عالية مثل البعض ولو انتي كد كلامج اريدج تعلقين هيج تعليق عد كاتبة معروفة متكدر تحظرج بس اني لاا اكول حقهم اني تغيبت بسبب ضروفي وهمه منتظرين القصة

القصة اذا مو اليوم تنزل  باجر وعكبه والايام تخلصها بس اختي اذا ضاعت مني منو يعوضني اني.....

عندي اب مثلا واخلي اهلي يخلفون بنية وتصير اختي انتي تعرفين اختي لو ما شوية تدخل جلطة بس الله الستر لان طفلتها ماتت

مو مثل بعض تشمر جهالها وهيه عايشه وشايفة ضحكتهم وبجيهم ومنومتهم بحظنهااا وكامت بلا كل شرف وضمير وشمرتهم

اختي لا شايفتها لا حاجيه وياها لا شايفة ضحكتها لا سامعه صوتها وهيج صار بيها تردون انزلكم صور اختي وين هسه والقران ما عندي مانع اختي بلمستشفى ولو تسمعون كلام الگرايب تكولون فوك ضيمها ضيم النسوان يلي يمهاااا

للبعض كلامي كوله للبعض

اعرف واقدر كلامكم كوله وشتكولون وشنو تحجون عليه والله ما ازعل لان انتو اهلي بس اني تعبانة طلعت من حداد قبل يومين اجتي مصيبة اختي هسه.....

اني اريد اكرر اعتذاري الكم يلي يكول تعبنا من وراج ومو كد كلامج حبيبي انتي مقدرة كلامج وشتكولين اعرف التقصير مني

اذا تحبون الغي القصص اني بلخدمة ما عندي كل مشكلة نبضاتي

وااتمنى متزعلوون مني

nosha😔💔💔💔

"~سهم 🏹 الغرام~"

"بقلم nosha_hassan""

انستا ano_sha0

♡'''''''''''''''♡'''''''''''''♡''''''''''''''''♡

~~ضحكتچ لو ترهم عگال😌~~

~~چان تشيخت بيهاا❤~~

♡'''''''''''''''♡'''''''''''''♡''''''''''''''''♡

سهم>>حجيت بحدة.....عيدي استعراضج الماله داعي مدام ميااااار

ميار>>خفت من نبرة صوته فركت ادية وحجيت....سهم ترى مجرد ضحك ويــ؟

سهم بغضب>>وي صديقاتج موووو؟؟؟اكو وحده منهن كالتلج عيب هيج تسوين لااا ما فكرتي بنفسج عيب هل التصرف؟

ميار>>شنو العيب بلموضوع اريد اعرف بس حبيت اشاقة وي صديقاتي؟

سهم>>لزمتها وكعدتهااا يمي....ما يهمني صديقاتج بكد ما يهمني تصرفج وذاك الزبالة واكف مقابيلج ويباوعلج

ميار>>سكت لمن سمع صوت جهازه يدوك انتبهت على الاسم انس صدوك فرحت كلت يمكن حيرجع ويتصالح وي اهله

سهم>>الووو...الحمدلله بخير...شوكت ناوي تنسى حقدك وترجع للبيت...تمام جايك استاذ انس

ميار>>سد الجهاز وباوعلي

سهم>>يله عيني خلي نرجع حماج للبيت

ميار>>حماي شنوو؟؟؟

سهم>>يعني اخويا انس يصير حماج

ميار>>اهاا بس اريد ارجع للبيت خاف شاهين ميقبل

سهم بقهر>>قبل لا اجيج حجيت وي شاهين وللمرة المليووون ميااار اني زوجج مو صاحبج حتى تخافين اطلعين وياي

ميار>>سهم

سهم>>هاااا؟

ميار>>اني جوعانة عادي نوكف نشتري

سهم>> تمام اصعدي وهسه اشتريلج

ميار>>صعدت وياه نوب سيارته متروسة عطره بقيت ساكتة حبيت ابادر واعتذر كوتله....سهم اني اسفة خاف زعلان مني

سهم>>على شنو لمن طفيتي الجهاز بوجهي لو هسه كدام ابن الكوا...**

ميار>>هذا ميتوب من لسانه بس اريد اعرف وين متربي بلشارع لعد منين جايب الدكتوراه راسا حجيت.....على كولشي ما احب احد يزعل مني ولو اعتذاري متاخر

سهم>>اني مو اي احد ميار اني زوجج

ميار>>يعني واذا زوجي شسوي

سهم>>اووف منج ميار شسوويلج وشلون افهمج

ميار>>سهم اوكف عبرنا المحل

سهم>>ماكو اكل ما احب احد ياكل بلسيارة

ميار>>ليش ماكوو اكل والله جوعانة

سهم>>راح نوصل مطعم وتاكلين

ميار>>عشتو يخاف على ريحة سيارتة درت وجهي وضليت اباوع من الجامة واصلا ما رجعت حجيت وياه

سهم>>ربع ساعه وكفت السيارة نزلت جبتلها لفتين كص وعصير ورجعت انطيتها العلاكه

ميار>>ما اريد عيني المن جبت الاكل ميحتاج

سهم بضحكةة>>لبزونتي ام بطن

ميار>>ههههه مو ام بطن بس ما اكلت من الصبح

سهم>>هههه الف عافيةة

ميار>>فتحت العلاكة واكلت لفة وداشرب بلعصير لحدما وصلنا يم عمارة استغربت هل المكان

سهم>>بقيت كاعد وخابرت انس حتى اعرف اذا وحده اصعد ميار وياي بس اذا يمه جماعته هو ينزل ونرجع للبيت

انس>>ها سهم

سهم>>منو يمك بلشقة

انس>>اني والولد

سهم>>خوش اباب العمارة اني منتظرك بلسيارة

انس>>ليش متصعد

سهم>>وياي شخص مو مال اعوفه بوحده

انس>>منو وياك بس لا جايب بتك وياك

سهم>>باوعت لميار وضحكت....يي بتي وياي انزل

انس>>ماشي نازلك دقيقه

ميار>>سهم اروح اشتري مي

سهم>>ميااار

ميار بدلع>>حباب

سهم>> شكد تدللين بزونتي

ميار>>تقربت منه حيل وحجيت بصوت خفيف....سهم تدري شنو اختصاص البزون

سهم>>بزونتي لو جريئة لو منحرفة وحده من الاثنين...هزيت راسي بمعنى لا ما اعرف

ميار>>الدلال والدلع

سهم>>على السريع طبعت بوسة على شفايفها وكتلهه يطلعلج بزونتي

ميار>>ههههه لا تضل تتحرش كلما تشوفني لو تسويلك اثر لو تبوسني

سهم>>جنج ما راضيةة

ميار>>الصراحة لا ما راضية

سهم>>حقج تردين شي اكثر من البوسة

ميار>>يي والله اريد اكثر مثل الحلويات والاكل والنوم بدون ما احد يكعدني وحاليا اريد بطل المي

سهم>>هههههه

ميار>>بقه يباوعلي ويضحك وكل شوية يلزم خدودي ويرجع يضحك على شنو مادري شبي هذا؟؟شوية وشفنا انس نزل وسد باب العمارة سهم نزل الجامه وصاحله

سهم>> انس اشتري وياك بطلين مي وتعاال اصعد باوعتلهه....وانتي بزونتي اصعدي يم جنطتج

ميار>>ردت انزل من السيارة

سهم>>منا اعبري ولج

ميار>>مو حذاتي بيها طين خاف تدمر

سهم>>فدوه الج حبيبتي اعبري

ميار>>عبرت وكعدت ليورا وشوية صعد انس من فتح باب السيارة بقه واكف ويباوعلي عبالك منصدم

انس>>ميااااار

ميار>>هلو انس الك وحشة ليش واكف اصعد

سهم>>اصعد انس

انس>>هاي مياار

سهم>>لا الجني مالتها يعني انت ششوف

انس>>صعدت وانداريت عليها....مشتاقلج ولج

ميار>>احنه هم عابتلك ليش تسوي مشاكل

انس>>كله من وراج غير

ميار>>اني شسويت؟؟

انس>>لا قصدي حرجع من وراج

ميار>>اهااا يله بعد لتسوي مشاكل وي اهلك

سهم بحدة>>اهلناا ميار انتي تصيرين زوجة اخو صح انس

ميار>>يي صح لتسوي وي اهلنا احسن ما سهم يشمرنا ثنينا من السيارة ههههه

انس>>ههههه شلونج ميار

ميار>>الحمدلله

انس>>تدرين قبل شوية سال عليج سوسن

سهم>>وشكو تسال عليها؟؟؟

انس>>غير مرت اخويا لو نسيت

سهم>>انس دير بالك حبيبي

انس>>داير كلش زين لتخاف

ميار>>باوعت لسهم خزرني خفت وكعدت بمكاني حتى لساني بلعته بقو همه يحجون وصلنا للبيت سلمت عليهم ونزلت رحت للبيت وكفت يم الباب مقفولة معناها شاهين ليهسه بلدوام سحبت المفتاح وفتحت الباب طبيت للبيت بدلت ملابسي وحميت الاكل

،،،،ل3 ونص وشاهين ماكو خفت عليه كمت خابرته ينطي مشغول مرت خمس دقايق وانفتحت الباب من شفته عطت بي....وين جنت شاااهين والله خفت عليك وليش هيج مبين ضايج

شاهين>>ماكو شي حبيبي جان عندي شغل

ميار>>جوعان موو؟؟

شاهين>>يي والله كلش

ميار>>بدل حتى نتغدا سوة راح يبدل واني كملت الصينية وطلعت الخبز وهو اجه اكل بس مدري ليش احسه ضام عليه شي شغله شاهين شوية تخوف لان مدعي وهلشي بيها اكثر شي اغتيال خفت انو احد مهدده او هيج شي كمت شلت الصينية وانطيته جاي ورحت كعدت يمه

شاهين>>ميار مو طبعي اضم عليج اريد احجيلج لان تعبان

ميار>>اسم الله عليك من التعب حبيبي بيه ولا بيك

شاهين>>ميار احس مختنگ وضايج وما اعرف شسوي

ميار>>من شنو حبيبي

شاهين>>ماا اعرف والله خابرني ابو اسماعيل يريدني ابيع البيت واروح يمهم

ميار بصدمة>>شلووون؟؟وين تعوفني شاهين؟؟

شاهين>>مااعوفج ميار

ميار برجفة>>هو ما كفاه عافونا هاي السنين وهسه يردون ياخذوك مني شاهين ابوسك بيدك اني اختك وين عايفني

شاهين>>اششش جريتها وكعدتها بحظني بس على كيفج ميارتي

ميار>>مالي غيرك شاهين واذا تريد ترجع الهم والله قابلة بس لا تتغير عليه انت متعرف شيصير بيه من تتاخر ساعه مو نوب تروح وتعوفني

شاهين>>دكتورتي والله ما اعوفج بس افهميني من خابرني كالي اريدك انت واختك تعيشون يمي وتبيعون بيتكم بس هيج

ميار>> وانت شنو قررت؟؟

شاهين>>ميار هلبيت صح صغير ومحد بي بس احنة بس كلشي بي الحلو والمر عشت بي وي احلى طفلة واخت طفولتنا بي ضحكتنا بي هنا بجيتي وهنا عيد ميلادج وهنا عياطنا سوة وعبالج بكلمه منهم اعوف كلشي هنا واروح

ميار>>كولشي يصير يمكن انت تريد ترجع

شاهين>>المن ارجع ميار الهم ليشش؟؟لج هو من كال تعاال يمي يكولي انت واختك ما كلف نفسه يكول تعاي بوية انت جبيري وخاف اموت ومن هل الكلام بلعكس بعدهم بغرورهم عبالهم احن وارجع

ميار>>حظنته وبجيت.....يا ريت لو الدنيا مثلك ولا شخص يحتاج لاهله

شاهين>>صدوك ميار سهم كالي اريد ورث مال ميار

ميار>>شنو يعني ورث منين اشتري

شاهين>>ههههه ولج ورث مال بيت قصدي

ميار>>منيلي بيت

شاهين>>شلون منيلج غير هذا بيتج وانتي عايشة بي كالي من هسه اريد ورث وقررت ابيعه وانطيه الفلوس

ميار>>تبيع البيت علمود سهم؟؟

شاهين>>لعد شلون غير زوجج

ميار>>واذا زوجي هو محتاج فلوس خلي يدبر نفسه احنه شعلينا بي هذا بيتك شاهين حتلو اعرف ما اتزوج سهم والحسين

شاهين>>ههههه فدوه للتفدي سعادتها علمود اخوها

ميار>>انت كولشي اتمنيته والنبي

شاهين>>زين واذا اني محتاج فلوس شلون؟؟

ميار>>اني عندي دقيقة اجيبلك ركضت للغرفة سحبت الفلوس مالتي يلي ينطيني ياهن شاهين كل شهر والذهب مالتي ورجعت خليتهن كدامه ذني كولشي

شاهين>>صدك تحجين

ميار>>والله يله نروح بيعهن من هسه

شاهين>>ولج جذب مجنونتي رجعيهن

ميار>> لا انت مو كلت محتاج كوم نبيعهن حبيبي

شاهين>>اطيب گلب بلكون بنيتي بس وعيونج اشاقة وياج عندي فلوس حبيبي اشاقة وياج بس ردت اجربج دكومي خلي نغير جو اليوم لليل يله نرجع للبيت

ميار>>والله؟

شاهين>>وحق هل اللمعة بعيونج يله على السريع

ميار>> ركضت ابدل اختاريت فستان زيتوني كولش حلو داسوي بلحجاب وسمعت شاهين دايحجي مدري ويامن بقيت بلغرفة خليت مكياج خفيف وعطري المفضل نوب راسا اتذكرت الدكتور خاف ميقبل ردت اراسله وصاحني شاهينو

شاهين>>ميارتي فدوه من يمج انطيني جهازي

ميار>>دورت على جهاز شاهين وطلعت وعيوني بجهازي كاعدة اكتب لسهم رسالة كتبتله

💬هلو سهم راح اطلع وي شاهين مو تصير عصبي هاي كوتلك راح اطلع ماشي باي....

.....دزيتها اله ورفعت راسي انطيت الجهاز لشاهين وشفت سهم ههههه يقره ويضحك عرفت يقره برسالتي يلي دزيتها قبل لحظات

سهم>>شلونج ميار

ميار>>الحمدلله

سهم>>وين طالعين؟؟؟

شاهين>>مختنگ من البيت تجي ويانا لو ما الگ خلگ

سهم>>لا عادي بس اجيب ميمي وياي احسن ميار تعاي وياي بدلي لميمي لان امي ما موجودة بلبيت وسوسن داتقرة

ميار>>امممم بس ....

سهم>>شااااااهين رحمة لله بس قنع اختك انو اني زوجها ولا حرام ولا عيب الناس يشوفونا وانت هم ما راح تفكر بيها غير شي من تدري بيه اريد اخابرها او اطلع وياها صح لو اني غلطان

شاهين>>ههههه

سهم>>حقك متعرف يلي يصير كلما احجي كلمه لو اشوفها وكالت خاف شاهين ميقبل خاف شاهين يضوج خاف شاهين يزعل

شاهين>>ههههه فدوه الج دكتورتي يروح شاهين

ميار>>شكد استحيت بوقتها هو يحجي بانفعال وگلب محروك واني خجلانة وشاهين خربان ضحك اقل شي سويته حظنت شاهين كدامه وضميت راسي بصدره

سهم>>جريتها من حظن شاهين وحظنتها من خصرها.....يله عمي هاي كدام شاهين حظنتج غير مرتي كافي تكولين شاهين وشاهين

ميار>>هههه اريد ابتعد لازمني حيل وميقبل يعوفني

سهم>>اكولك شاهين كلها سهلة الا شي واحد بس لا بالليلة عرسي ميار تكول شاهين ميقبل انتحر وخطيتي برگبتها وربك

شاهين>>ههههه عوفها خنگتها ولك

ميار>>ابتعدت منه وحجيت بخجل...راح اروح ابدل لميمي واجي

سهم>>ميار

ميار>>انداريت وهزيت راسي بمعنى شنوو؟؟

سهم >> خاف شاهين ميقبل

شاهين>>هههههه

ميار>>هههه عابتله هو يقلدني رحت لبيتهم واضحك على يلي جان يحجي بس والله موقف صار بيه من ورا استاذ سهم وصلت للبيت شفت خاله ام سهم موجودة وانس كاعد على رجليها شكد جذاب حظرة الدكتور سهم

ام سهم>>ميار تعاي يمه

ميار>>شلونج خاله اجيت اخذ ميمي لان دانريد نطلع وسهم راح يجي ويانا كالي روحي بدلي لميمي وجيبها

ام سهم>>بس ميمي نايمة روحي فوك شوفيها بلكي كاعدة

ميار>>صعدت للغرفة ضلمه شغلت الضوة وباوعت لميمي من اشتغل الضوة بسرعه كعدت وبقت تفرگ بعيونها

....اوووي شنو هل الجمال حبيبي بقت تضحك ومدري شتحجي ههههه بدلتها واخذت لهاية جديدة وخليتها برگبتها ورشيتلها عطر من مالتي لان بجنطتي احتياط😂

سهم>> اترخصت من شاهين حتى ابدل بس جذب جانت حجه اختلي بزونتي طبيت للبيت وكبل صعدت للغرفة شفتها تبدل لميمي وتضحك وياها ولا انتبهت عليه كتلهه......كملتي

ميار>>انداريت لكيت سهم واكف يم الباب ويباوع واكو ابتسامة بشفايفةة....يي كملت هسه اني وميمي ننزل وانت بدل

سهم>> تقربت منها وشلت ميمي اشتميتها بيها عطر ميار ضحكت بوستها من خدودها ورفعت راسي لميار.... بيها عطر منج

ميار>>يي اني رشيت على ملابسها قليل اذا ما عجبك العطر هسه ابدل الها من جديد

سهم>>بلعكس خليها كلما اريدج يمي اشتم عطر ميمي

ميار>>هههه اخذت ميمي ونزلت ليجوة محد بوقتها موجود بس انس كعدت وانس من شافني كعد مقابيلي ويضحك

انس>>ميار تدرين لو اباوعلج سنة ما ارمش كدامج

ميار>>هههه ليش هل الدرجة حلوة

انس>>هواي اتمنيت شغلات وصارن بحياتي الا امنية وحدة

ميار>>وهيه؟؟

انس>>متزعلين اذا احجي بي

ميار>> لا ليش ازعل

انس>>امنيتي شخص يصير ملكي وميصير لغيري بس هلشخص بعدو عني

ميار>>حبيبتگ؟؟؟

انس>>من اول يوم شفتها بي حبيتها وردتها الية

ميار>>لعد ليش صارت لغيرك هيه متحبك

انس>>مو متحبني بس اكو شخص اخذها غيري

ميار>>ليش ما خطبتها قبلة وهيج كان صارت الك

انس>>حاولت بس حكم القوي

ميار>> الله يبعد عنا كولشي مو حلوو يمكن من بعدها عنك هلشي بي خير الك وتكون من قسمتك بنية تستحقك اكثر منها

انس>>ليش ما تكولين انشألله تفصخ حتى تصير الية

ميار>>ما ادري ما احب ادعي لشخص مااعرفة بشي مو زين يجوز مرتاحة بخطوبتها وي خطيبها

انس>>لاا ما اضن مرتاحة

سهم>>بلعكس مرتاحة بخطوبتها بس انت ابتعد عنها انس

ميار>>شفت سهم ينزل اخر درجتين ويعدل بقميصه وكف يمي ويباوع لانس

انس>>مو مهم الخطبة اهم شي العشرة يمكن من اول شهر وتصيح مااريد طلگوني وتطلگ

ميار>>وتاخذها اذا مطلقةة؟؟

انس>>والله لو عدها عشر جهال لو يوم وياها وبحظني كلش كافي

ميار>>ضحكت على هل الكلمه لعد شكد يحبها راسا كوتله....انس شكد تحبها نيالها اذا تعرف بيك تحبها لهل الدرجة بس كون هيه تحبك

انس>>تحبني او ما تحبني اهم شي اني وياها بكل لحظةة

ميار>>فدوة.....واكفة وابتسم وانس كلامه حلوو وهو يحجي واني بعد شوية اكعد واصفن بكولشي يحجي لحدما حسيت بيدي تكسرت من ورا لزمت سهم انتبهت عليه خازرني وصافن بوجهي شبي هذا

سهم>>كملتي صفنة

ميار>>هزيت راسي بمعنى يي

سهم>>لعد يله نمشي تاخرنا على شاهين

ميار>>يااااا نسيت شاهين طلعت قبله وشايله ميمي انداريت على انس....باي انس عود مرة ثانية احجيلي على حبيبه الگلب

انس>>باي ميوور

ميار>>ميار طلعت للبيت راسا شفت شاهين واكف

شاهين>>اتاخرتي حبيبي

ميار>>انس كان يحجيلي على حبيبته

شاهين>>ههههه وبقيتي صافنةة

ميار>>هههه يي

شاهين>>وهذا سهم نور اخيراا

ميار>>سهم اصلا ميتباوع بوجهه صعدت وي ميمي بسيارة شاهين وسهم بقة واكف

سهم>>تتسابق لو لا

شاهين>>ميار والطفلة ويانا شلون ودكتورتي تخاف

سهم>>للجسر ونمشي سريع

شاهين>>غير مرة دكتور

ميار>>صعد شاهين وسهم راح لبيتهم

شاهين>>مبين سهم ضايج يريد يتسابق

ميار>>ما فهمت عليك شكوو....عافني شاهين ونزل يشوف منو اتصل شوية وكالي

شاهين>>ميار راح اروح لابو اسماعيل منتظرني يم المكتب

ميار>>اروح وياك حبيبي

شاهين>>لا هسه اصيح سهم تروحين وياه لتبقين بلبيت وحدج اخاف اتاخر

ميار>>تمام....نزلت من السيارة وراح شاهين لسهم واني بقيت واكفة اووف هسه وكته لابو اسماعيل ما عرف يجي غير يوم رجع شاهين وي سهم

شاهين>>مو تزعلين يروحي اعوضج وعيونج بستها من راسها....ورحت اشوف شكو يريدني؟؟

سهم>>جيبي ارجع ميمي لامي لان نامت

ميار>>واني هم ما اريد اروح اريد ارجع للبيت

سهم>>مره وبت ابوج اتحركي من مكانج

ميار>>باوعت عليه على شنو صاير اعصاب طلعتي يلي اتكنسلت هسه مو هو☹️ بقيت بمكاني وهو راح يودي ميمي رجع شافني بمكاني

سهم>>صعدي مدام

ميار>>صعدت بسيارته وساكتةة

سهم>>ليش صفنتي بوجه انس من جان يحجي

ميار>>كلامه من يحجي على حبيبته حلوو

سهم>>وعجبج هلشي

ميار>>ايي والله

سهم>> اهااا

ميار>>سهم تعرف امنيتي اعيش قصة حب بس مكدرت

سهم>>وليش بلةة؟؟

ميار>> انخطبت الك وعفت الحب لانس وحبيبته

سهم>>حبيني وهيج تعيشين قصة حب

ميار>>ههههه

سهم>>خزرتها وصحت....ما عاجبج مدام ميار

ميار>>الصراحة يمكن انت متعرف يلي يحبون شنو يسوون انطيك مثال مثلا يتراسلون وحجيهم كله حب وغزل ويسهرون شلون صديقاتي

سهم>>زين اسالج صديقاتج زينات بلدراسة

ميار>>لا درجاتهن 50 واعلى درجه توصل ال70

سهم>>زين يلي يحب ويدري بحبيبته مو زينه بلدراسة شيسوي

ميار>>هزيت جتفي بمعنى مادري

سهم>>وكفت السيارة وسحبتها عليه صار نص جسمها على صدري لزمت وجهها بيدي وضحكت لان مبين بزونتي فاهمة الحب بس كلام لهيج حجيت بهدوء

...شوف حبيبي انتي اكلج شي الحب مو بس سهر وحب وكلام ومكالمة

ميار>>لعد شلون؟؟؟

سهم>>اني اكلج الحب شنووو....اول شي الحب ستر وتضحية لو هو يحبها صدك يكول الها اذا تحبيني اريدج متفوقة علمود افتخر بيج مو يشغلها عن دراستها ويضيع تعب سنة كاملة عليها صح لو اني غلطان

ميار>>صح بس مو يكولن لاحكات على الدراسة

سهم> هسه شاهين يحبج لو لا

ميار>>طبعا يحبني

سهم>>من يشوفج كاعدة وباجر دوام شيسوي

ميار>>يكولي كومي ادرسي ونامي

سهم>>ليش؟؟

ميار>>يريدني انجح بحياتي

سهم>>عفيه عليج حبيبتي هذا يسموه حب يلي يحب شخص شرط يريده متفوق مو كلام ليل وكم يوم يغيرها.... شفتها صفنت تقربت منها سحبت شفايفها على السريع وجريت لسانها بهدوء ورجعت على شفايفها ابوس بيهن ابتعدت منها شفتها صايرة حمرة...اووف بزونتي شكد خجولة

ميار>>دفعته ورجعت كعدت بمكاني عفيه شلون بسهم كلما يشوفني يضل يبوس عبالك ما شايف اوووف ساعتين افتر وي سهم بلسيارة طبعا ما نزلت ورجعت لكيت شاهين منتظرني

،،،،،ما اطول عليج حبيبتي مشت ايامي والحمد لله يوم عن يوم اشوف نفسي تعلقت بسهم بس لمنو احجي واكول احبه واريده؟؟

صديقاتي امتحنن اخير السنة واني ما رحت لان اعفاء عام جنت منتظرة نتائجهن على ناار حتى افرح وياهن طلعت بس نبض ومسرة ناجحات

،،،،الاء وبنين طلعن ب4 دروس شكد غبيات يا الله بوقتها كولش انقهرت عليهن صرنا بشهر الثامن واجه شاهين يضحك شكد احبه من يضحك احس الدنيا تضحكلي

شاهين>>حظنتهااا لصدري اوف ميار شكد احبج

ميار>>فدوه الك حبيبي اني اموت عليك الله يديم هل الضحكة والفرحة بعيونك وحياتك

شاهين>>غير انتي السبب بفرحتي اشوفج بلحظة يجي كل الخير

ميار>>بقيت احجي وي شاهين ويلي عرفته انو شاهين ربح قضية وهل القضية جانت تكدر تعلي رتبة وهيج صارت فرحتي وياه اسبوع طار واجوي اهل سهم حددو وقت العرس ما انكر جنت بين فرحانة وبين لا لان شاهين زعل بوقتها

،،،،بس كل شوية يخابر سهم يكوله اذبحك لو عفتها تترك دراستها ههههه ازل بوقتها اجتي قبل عرسي باسبوع لان ليهسه ما مشتريه النيشان ولو ما هيه ذكرتني جان اني هسه صرت مضحكة لبعض البنات للعصر هيه يمي وغاليه تحظر كم شغلة وشاهين نايم وخلتني ازل اخابر شاهين اتصلت عليه وفتحت سبيكر حتى ازل تسمع....

سهم>>الوو ميار

ميار>>هلو سهم اريد اكولك شي يمكن اني وياك ناسينه

سهم>>لا ما ناسي نيشانج هو ساعه واجي عليج حتى نشتري

ميار>>باوعت لازل وخزرتها

سهم>>فدوه للتفكر بنيشانها

ميار>>لاااا والله ما فكرت بس هاي ازل وياك

ازل >>خرب باهلج

ميار>>ههههه شمرت الجهاز عليها

سهم>>ميااار

ازل>>لا ميار راحت اني ازل

سهم>>هلو بيج

ازل>>احنه ننتظرك تجي حتى نشتري النيشان

سهم>> منو ينتظرني غير بس ميار

ازل>>لا اني هم اجي وياكم

سهم>>اهاا تمام ساعه واجي

ازل>> هلا بيك....سد الجهاز....شلون بيج

ميار>>ههههه عباله اني اريد اشتري

ازل>>امداج يلفاهية

ميار>>بقينا منتظرين سهم يجي لشوية وازل كعدت شاهين وهو قبل جانت بوقتها ام سهم موجودة سلمنا عليها وصعدت ورا وي ازل طول الطريق ساكتة وازل تحجي وتضحك وتجامل انتبهت على جهازي من قريت الاسم ضحكت رساله من سهم باوعت عليه شفته يباوعلي من المراية غمزلي ورفعلي حاجبه عرفت يقصد الرساله فتحت جهازي هههه كاتب

💬بربج لو بس احنة وحدنا كان اخذت بوسة وشمة بس اختج وامي لزكن ويانا

،،،،معقوله هذا سهم سكتت ودنكت بس والله بيه ضحكةة وصلنا اشتريت ذهب وملابس على ذوق خالة وازل اني ما شاركت بحاجه وحدة بس اهز براسي يمكن بقينا نفتر للساعه ب9 بالليل ورجعنا اكو بوقتها كم حاجة نقص

ازل>>خالة باجر ماكو داعي نجي لان اشترينا المهمات مثل الذهب واختارينا البدلات والصالون حجزنا والمكياج والملابس كلشي تم بس بقن نواقص قليله باجر بس سهم وميار يجون

ميار>>ياااااا باوعتلها تضحك راحت وكفت يم سهم

ازل>>اليوم كطعت رزقك يابه اتحملنا وهاي باجر كلها الك

ميار>>ههههه مو اكولكم سزز باوعت لسهم ضحك وصعد بلسيارة كرصتها من ايدها وعادي عدهاا مر يوم عادي ثاني يوم لبست فستان شوية قصير حلو كولش ومكياج خفيف

سهم>>وين رايحين احنه لعرس ابوية

ميار>>لا للمول

سهم>>وهذا لبس مال مول

ازل>>ليش سهم مو حلوو بلعكس جاي فيت على جسمها

ميار>>باوع على ازل وطلع طلعت وي سهم صعدت بلسيارة وهو بقه بنفس خزرة العيون

سهم>>وحق الموت شخص واحد يباوعلج ادفنج انتي وياه

ميار>>سكتت من نبرة صوتو ولان خفت خليت عيوني على الورقة يلي بيدي بس شكد ازل كتبتلي شغلات يمكن ورقتين وكلهن كريمات وكم حاجه للجسم ومعطرات واقلام حمرة وهيه مختاره الالوان دخلنا للمول ومشيت وياه فتت للكوزمتك بقيت احجي وي الولد وهو يدليني على الالووان يلي اريدهن والولد يباوع ويضحك بس اني ما منتبهه عليه ادور على الالوان واسم العطورات وحسيت بشخص لزمني من خصري راسا فزيت وابتعدت

سهم>>كملتي حبيبي

ميار>>هاا...يي...لا بعدني دادور

سهم>>انطيني الورقة يروحي...سحبتها من ايدها وانطيتها للولد اريد كلشي مكتوب بلورقة واذا اكو شغلة ما متوفرة عندك اكتب عليها اكس

الولد>>تماام

ميار>>بقة الولد يجيب كدامي شغلات ويكتب بلورقة صح ساعة كااملةة تقريبا اجه الولد كالي

الولد>>شوفي عيوني يلي ماكو كتبت عليهن

سهم>>سالمة عيونك غالي

ميار>>سهم بوجه المدفع ميخليني ارد ابد ههههه تحاسب سهم وياه ورحنا لغير محل اخيرا كمل الورقتين كعدنا بلكافتيريا شوية وطلعنا للبيت تقريبا بعد للاسبوع يومين وتصير حنتي وازل ودتني لام الصالون شيرتلي جسمي كوله من بعد معارك اني وياهاا وشكد استحيت اتمنيت اموت بهل اللحظة

،،،،وام الصالون بس تضحك طلعت الغرفة الجنت بيهاا وكعدتني غير بنية خصلت شعري كم خصلة ميش وحفت وجهي وسوت حواجبي واني الدمعه بعيني من ورا سالفة الجسم والشيرة رجعت للبيت هم اتعاركت وياها وهيه تضحك الخبلة

،،،،سبحت واتعشيت وياهم ورحت نمت بحظن شاهين ثاني يوم مباشرا اجتي ام معتصم ورنا للبيت سلمت علينا وبقت تحجي وعلساس تغير جوو علينا انتبهت على شاهين ما بين فرحان وبين لاا رحت كعدت يمه

شاهين>>بس اليوم دكتورتي وباجر سهم ياخذج

ميار>>ليش زعلان مو كوتلك اخطبلك نبض حتى متشتاقلي

شاهين>>ما اريدها ام خشم التجميل

ميار>>ههههه خشمها صاير يخبل

شاهين>>ردتلي حجه علمود ما اتزوج واني ما اتزوج وحدة مسوية تجميل

ميار>>ههههه شكد خبيث انته

شاهين>>لا يابه اشاقة نوب صديقتج حلت من سوت عملية

ميار>>هيه حلوة بس انت ما جنت تباوعلها

شاهين>>حظنتها لصدري ميارتي اريد الله يسعدج بكل خطوة حبيبي وديري بالج اجيج بيوم الكاج زعلانة افلش سهم تفليش

ميار>>ههههه بقيت احجي وياه وهو ضل يضحك لثاني يوم اخذتني ازل وغاليه وام سهم للصالوون وراحت ازولة تجيب البدلة وبقت البنية تشتغل على شعري لان جان مبلل لبست البدلة وراحن البنات يبدلن بعدين كعدت وبقت تشتغل بوجهي بس مكياج كملتني لان احنه اول الناس العروس بهيج وقت تراسل زوجها اني اراسل بشاهين واضحك تجي ناخذ صور

شاهين>>لا حبيبي ميصير

ميار>>ليشش؟؟؟؟

شاهين>>تجين للبيت وناخذ صور

ميار>>يعني سهم يشوفني قبلك ما متفقين هيج

شاهين>>غير زوجج يروحي

ميار>>زعلت من شاهين بيومها سديته وخابرت سهم

سهم>>ها بزونتي كملتي..

ميار>>اريد شاهين وياي ياخذ صور مو من حقك تشوفني قبله

سهم>>ما افتهمت عليج

ميار>>شاهين ميقبل يجي للصالون ناخذ صور

سهم>>ههههه

ميار>>لا تضحك ومن تجي تجيب شاهين لا والحسين ازعل وارجع وياه

سهم>>ميخالف امري لله يابه جايبه وياي

ميار>>سديته وانداريت على البنات

ازل>>اكص ايدي اذا سهم عاقل

ميار>>ليش ولج

غالية>>شلون متحمل تصرفاتج

ميار>>هو كالي مره اني اتحملج واني الممنون

ازل>>ههههه لان مخبل شبيج

ميار>>اسكتن احسن كملت كولشي لحدما خابر سهم

سهم>>شوكت اجيكم

ميار>>شاهين وياك

سهم>>اسالج تردين عليه بسوال

ميار>>شااهين وياك؟؟؟

سهم>>يي ولا

ميار>>لعد اذا شاهين وياك تعال هسه مو وياك لا تجي اني ارجع للبيت بوحدي

سهم>>تردين اموتج بيوم عرسج

ميار>> تكدر تموت بزونتك شلون گلب من حديد

سهم>>الصبر يا صاحب الصبر

ميار>>تكدر تجي بس وياك....

سهم>>شاااااهين ادري والله ادري

ميار>>هههه باي....ربع ساعه ووصلت سيارتهم نزل اول واحد شاهين ازل خلت البرگع على راسي وطلعت وياهن وكف يمي عفت سهم ولزمت ايد شاهين😹😹دخلنا للاستوديو البداية الكل سوة وكم صورة بوحدنا اني وشاهين ونوب البنات وخالتي شاهين سحبها وسهم بقة بوحدة😂ههههه

ازل>>هسه العرايس وحدهم

ميار>>والله مال اموتها لازل بس خطيه اسماعيل يموت وراها اذا طول الوقت وهيه يمنا اسمها من تنام تخلي الهتفون بحلگها ويضلون يلغوون سوة انتبهت على الكل طلعو بقينا بس اني وسهم وام التصوير ما ادري منين تعرف هل اللقطات بحيث خلت دكتور سهم يركعلي عندي احلى لقطةة هاي ههههه

،،،،،نوب حظني من ضهري لو من خلته يبوسني واخذت الصورة وعادتها مرتين الحبابة على كولت سهم

سهم>> بعد ما تردين نعيدها والله أحلى لقطة

البنيه>>هههه ميحتاج باجر اعيدها الكم

سهم>>كثري من هل اللقطات يرحم موتاج

ميار>>لا والله شنو عجبتك الفكرة

سهم>>تموووت غير

ميار>>ضربته على جتفه وبقيت اعدل بنفسي وطلعت وياه وصلنا للبيت ومشت حنتي ركص واغاني للمغرب دخل سهم واهله باركولي بوقتها وانس شايل ميمي ومبين ضايج حناني سهم وما بقة هواي وطلع لثااااني يوووم شاهين اخذني للزيارة للامام موسى بن الجعفر ع تقريبا الساعه ب8 الصبح توضيت من البيت وهو كذلك رحنا زرنا وصلينا وبقينا واكفين يم باب المراد

شاهين>>اليوم اجيت لباب الحوائج واريد حاجتي وحاجتي سعادة اختي وتوفيقها بحياتها الجديدة اريد انخاك نخوة اخو لاخته تتشفعلي يم ربك وتسعدلي بنيتي

ميار>>بقه شاهين يحجي وي الگبة مالت الامام ولازم ايدي ولاول مرة شفت دموع شاهين تنزل منة هنا وبلحظتها اتمنينت كوووولشي يختفي من عندي سعادتي وفرحتي وزواجي فدوه يرحن لدموعه وكفت مقابيله...شاهين فدوه

شاهين>>حضنتها وكتلهه ميار اعذريني خاف بيوم تلكين عند سهم الحنان والحب لو الراحه وتقارنين بينا وتلكيني مقصر وياج حبيبتي كلشي بيدي سويته وعيونج

ميار>>شاااهين صدوك تحجي لك حبيبي اني وكولشي بيه فدوه يروحلك لا تقارن شاهين وين اكو وحده مثلي عدها شخص واحد بس هلشخص يمثل اهلها كولهم انت بحياتي ابوية واخوية وصديقي وامي كولهن جامعهن تتوقع بيوم اقارن بينك وبين شخص ليش

،،،،،هل الدرجه اني وحدة مو زينةة واجافي هذن الايام والشهور والسنين ياما ضحكنا وبجينا وكعدنا سوة علمود شخص انكتب اسمه بضهر جنسيتي

شاهين>>لا حبيبي مو هيج

ميار>>اموووت بين اديك وعيونك ولا اشوف دموعك ينزل على شي

شاهين>>اسم الله عليج دكتورتي

ميار>>سلمنا على الامام ورجعنا من بعد ما اتريگنا اشترالي شاهين جادر صلاة وسبحه تجنن وهدالي قران ازل من شافتني ضلت تحجي عبالها شردت يا الله هههه صارت ب10 ورحنا للصالوون عرسي صار بلبيت مو بقاعه بس ماجرين غرفه بفندق من وصلنا للصالون هم نفس الاسطوانة بس احلى شي انو سهم نضرب بوري لان اجتي غير وحدة اخذتلنا صور الزفة هههه

،،،،وشاهين هم اخذت وياه كم صورة ورجعت للبيت للمغرب اجوي حتى ياخذوني بس بلبداية نروح لبيت سهم بعدين للفندق هيج جانو متفقين عليه ف من كام سهم دخل شاهين وحظني وحظنت البنات بوقتها

شاهين>>سهم منطيك روحي والروح غاليه شايف اذا اذيتها وحق عيونها اخليها تحلم وما تلكاهااا دير بالك تطفه لمعه عيونها لو تبجيها وداعه ميار انسى بوقتها انت صديقي واخويا

ميار>>شفت سهم من حظن شاهين ورجع شاهين باسني براسي وطلعت من البيت يلي عشت بي طفولتي لبيت غريب عليه هل الاحساس غريب بين تردين تروحين وتكملين وبين ترجعين ومتردين وصلنا لبيت سهم وبس ازل وغاليه وياي بقو يركصون ويهلهلون والبنات نصهن ما عاجبهن العجب ونص ساكتات حسيت داخله حرب

ازل>>من شفت وجوهن دنكت على ميار وكتلهه.....بكل عرس تلكين هيج وجوه ف لتخافين احنه يمج وهنه بس اليوم هنا باجر مراح تشوفين خلقتهن حبيبي لتخافين

ميار>>ههههه جنية والله شلون عرفت بوجوهن مادري لنص ساعه بقيت غاليه رجعت للبيت وازل صعدت وياي بلسيارة وسهم بصفي وصلنا للصالون نزلت خالتي وازل وانس واني وسهم وصلنا للغرفة دخلت بس ازل وخالتي نزعني البدلة ولبست بوقتها ملابس نوم فضيحة تضهر اكثر مما تستر بجسمي وازل شالت البدلة وودتها للسيارة وكعدت ام سهم تشرحلي لو احس جسمي وجعني من وحدة طبت ازل

ازل>>ميارتي هاي الج كم شغله تفيدج

ام سهم>>تعاي يمه احجي وياها

ميار>>باستني ام سهم وطلعت

ازل>> ميار هذن ملابسج باجر تلبسيهن من تجين ومكياج همين عفتلج وعطر وكولشي تردي بحيث حتى ذهبج هنا حتى تغورين كرايب سهم يولي

ميار>>ههههه خليت الجنطة على الميز كامت ازل باستني من سمعت صوت سهم غمضت عيوني يا الله شكد عيب هيج يشوفني طلعت ازل وسهم بقة واكف

سهم>>اووف بزونة لو حوريةة حتى شايلة هيج جسم....تقربت منها وضحكت ماكله شفايفها من الخوف....الف مبروك بزونتي

ميار>>الله يبارك بيك

سهم>>المن الخجل مو اول مرة راح اشوفج هيج تعااي

ميار>>تقربت منه ومدنگة بله لو لابسة تراك مو اشرفلي من هل العيب يلي لابستة ههههه

سهم>>لزمتها من ايدها وكعدتها بصفي......ميار كافي ترجفين اريد احجي وياج ما اريد شي ثاني

ميار>>متضربني صح

سهم>>ليش اضربج ولج

ميار>>اتذكرت هواي شغلات والله

سهم>>ميار امسحي شكوو شي كلام تعرفيه عن هل اليوم من امي لحد ازل اعتبري نفسج متعرفين لان اني مراح اتقربلج هسه ميار خلي هلشي بعلمج اتعلمي عليه وعلى طبعي خلي هسه نفكر براحتنا وبعدين براحه الجسم

ميار>>اوويلي من صدوك ارتاحيت لكلام سهم ضحكت وحظنتةة

سهم>>هسه يحلوة خلي نتفق على كلشي بينا ميار

ميار>>ابتعدت منه وهزيت راسي بمعنى موافقةة

سهم>>تتعشين حتى نحجي براحتنا

ميار>>لا مو جوعانة

سهم>>قربتها عليه وحظنت اديها بدية.... شوفي بزونتي شكوو شي يدور بينا يبقة بينا لا كرايب ولا غريب يعرف بهلشي هسه اني وياج واحد الشي يلي يزعلج ويضوجج تجين نحجي بي بهدوء مااريد صياح وقلة ادب اريد هيج مثلما انتي حاليا تمام

ميار>>هزيت راسي وهو يحجي

سهم>>ميمي نتساعد بيها لتخافين ما اخليج تحيرين بيها اريدج تعرفين شي وهو راح تسمعين كلام اغلب لا مو اغلب اقصد كل الكلام راح يجي من گرايبي واول شي شلون اخوج وافق واتزوجتي سهم اكبر منج ومنفصل وعند بنية وانتي صغيرة ما اريدج تضوجين ريدهن ولتضلين توزعين ابتسامات بوجهن لان ميستاهلن ابد ماشي

ميار>>هههه شكد تحبهن انته

سهم>>اوووف لو يذبحوهن كدامي اكول لليذبحهن عيد فدوه لايدك هههه

ميار>>هههه

سهم>>اتمنيت هل الليلة بحظني وبدون كلشي بس راحتج اهم واريدج تتعودين عليه وهل الليلة مطايرة من عدناا.....بقيت احجي وياها واعلمها على هواي شغلات صارت ب10 ونص كمت سبحت وردت انام

ميار>>سهم..

سهم>>ها عيني

ميار>>جوعانةة

سهم>>ههههه تدللين...خابرت عليهم وشوية صعدولنا العشةة اتعشيت وياها ورجعنا تمددنا على الجرباية وهيه بحظني العب بشعرها ومعانيها عن قريب كلش حلوة خدودها يخلن الواحد غصب يضل يعض بيهن بوستها من خدودها ودفنت راسي برگبتها كعدت ثاني يوم الصبح شفتها نايمة ورگبتها بيها زنجيل خفيف ذهب ومقدمه صدرها مبينه دنيت عليها

،،،،وبقيت ابوس برگبتها واركز بسنوني هنا حتى على العضمتين بصمت دنگت على صدرها من فوك ابوس بيها بهدوء اووووف يربي العطر يذوب

ميار>>كعدت احس اكو ثگل شفت سهم فوكاي ويبوس بجسمي وايده على رگبتي صعد من حس بيه كاعدة...

سهم>>صباح الخير

ميار>>صباح النور

سهم>>تقربت سحبت شفايفها وجريت لسانها وعضيت شفايفها بهدوء

ميار>>اوووي سهم شبيك

سهم>>كلمه اوي منج احلى بهواي من كلمة صباح النور

ميار>>ههههه

سهم>>يله كومي اتاخرنا عليهم

ميار>>عفته وركضت للحمام سبحت وباوعت للجنطة شفت ازل مخليه بنطلون وقميص وشال لبستهن وعفت الشال لبست الذهب كعدت خليت مكياج بس انصدمت من شفت رگبتي بيها زراك وصدري اوووف منك سهم يستغل الواحد وهو نااايم😒

،،،،مشطت شعري وخليت مكياج خفيف طلع سهم من الحمام واني لبست شالي

سهم>>يله نطلع لان ازل بلبيت ميار خلي هاي بيدج خاف ازل تريدها

ميار>>شنوو هاي

سهم>>بياضج

ميار>>اهااا بس شلون احنا ماا....

سهم>>اعرف بس هلشي علمود محد يعرف شي بينا..

ميار>>تمام اخذتها منه وضميتها بلجنطة وطلعنا للبيت وصلنا لكيت الكل منتظرنا بلباب نوب جايبين فدا اباب البيت لزمت سهم بيدة وخالتي هلهلت من شافتنا صار الفدا جوة رجلينا وانذبح والجگوليت فوك راسناا حظنت ازل وبجيت

ازل>>بس لا متاذية ولج

ميار>>مشتاقة لشاهين

ازل>>ههههه انشالله بعد كم يوم هو يعزمج يمه لان هسه ميصير ترجعين

ميار>>هزيت راسي وازل اخذت بياضي وباركتلي وطلعت وبقيت كاعدة اتريك وي سهم ورا ساعة كاملة كمت وي سهم للغرفة انتبهت على سهم راسا نام واني اول ما خليت راسي على المخدة اندكت الباب جريت شالي وفتحته شفته انس

انس>>هلا بعروستنا مبروك يابة

ميار>>هلو انس الله يبارك بيك

انس>>يله يلمربية اخذي بت رجلج لان منايم

ميار>>اخذت ميمي وانس راح سديت الباب وكعدت العب وياها وبدلت ملابسها ورحت بدلت ملابسي لان غرفة سهم بيها حمام داخلي وهلشي اكثر شي حلو علمود ما انزل جوة يم البنات شفت ميمي تثاوب جريتها بحظني ونمت....

سهم>>كعدت على صوت الهوسة مالت البيت انداريت شفت ميار مخليه ميمي بحظنها وثنينهن نايمات وايد ميمي بصدر ميار هههه نومتها عدل واتحركت ميار بنومتها اووووف يا الله انرفع الثوب ليفوك لنص فخذها وهو ثوب قصير مبين كمت راسا غطيتها ورحت اطفي ناري من ورا بزونتي طلعت من الحمام ونزلت يمهم

خليل>>يابة هيج العرس حلوو كل شوية سابح صدك جذب انطي لنفسك مجال ترى مرتك صغيره

سهم>>شنوو رايك تاخذ مكانهاا مو احسن

خليل>>ههههه امشي لك

سهم>>هههه اليوم الطبخ عليك

خليل>>يي غير طباخ اني قابل حظي مثل حظ غيري يتزوج مرتين

انس>>هههه يي لعد شلون هذا سهم

سهم>>انتبهت على انس وسكتت رجعت يم اهلي بقيت احجي وياهم والنسوان من سالن على ميار كتلهن نايمةة كمل الغدا وسمعت امي صاحت على رونق استغربت ليش بعدهم هنا ومرايحين اكيد متعرفون ليش ضجت من عرفت بيهم هنا لان رونق......

♡'''''''''''''''♡'''''''''''''♡''''''''''''''''♡

مشاهدة ممتعة نبضاتي انشالله يعجبكم البارت +شنو تتوقعون

nosha 😘🙈🙈

♡👇👇♡استاهل حبايبي

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

عاشگك من چان عشگ الناس نظره

وشابگك محبس هوه مشابگ الشذره 🤍😌

♡'''''''''''''''♡'''''''''''''♡''''''''''''''''♡

سهم>>استغربت منها تضحك وي سوسن من شافتني

رونق>>مبروك سهم فرحتلك

سهم>>شكرا يوم الج عفتها ورحت يم الولد.....رونق تصير بت خال زوجتي الاولى سرى بس الغريب جيتها هنا رغم يلي سوته اخير مرة.....واكف يم الشباب وانتبهت عليها صعدت الدرج واني ادري محد بلقاط الثاني بس ميار ونايمة راسا ركضت جوة يمهم وصحت....وين صاعدة

ام سهم>>اني كتلهه كعدي ميار تتغدا ويانا

سهم>>اني اكعدها حجية

رونق>>عادي اني اكعدها قابل اخوف

سهم>>زوجتي صغيرة وتستغرب بسرعة وكلها بصفحة وانه هيه ما لابسة ملابس بصفحة ثانية وما اريد احد يشوفها

ام رونق>>ياااا شوف الولد من اول يوم كسر البت

سهم>>ههههه غير عريس خالة وبعدين حلالي ما مدني على شي حرام.....عفتهن وصعدت اكعد بزونتي فتحت الباب لكيتها كاعدة ولابسة فستان وردي والشعر مغطي رگبتها والشفايف الوردية والجهاز مقابيلها انتبهت عليه وكعدت عدل هزيتلها راسي بمعنى ويامن

ميار>>ما اعرف حبيبي.....اهااا لا عادي اهم شي من اروح يمهم تجي وياي هي تريد تعزم اخواتها واني ماعرفهن....مااااا شنو متروح شاهينوو

شاهين>>ميار هل العزيمة بس الج ولسهم

ميار>>مالي خاطر عندك وتكولي صار

سهم>>اباوعلها ميار مو من النوع يلي تصنع من صدك هيج حركاتهاا وطفوليتها يلي بعمرها هسه كلشي يعرفن اني بزونتي حتى من ابوسها تخاف مني هههه اعشق حركات وجهها من تريد شي تبرطم شفايفهاا وتهز اجتافهاا وصوتها ينصى وهو منااا شلونه يموعلي روحي

ميار>>صدوك والله اووي شاهين شكد أحبك أحبك أحبك

شاهين>>هههه مجنونتي يله سلميلي على سهم

ميار>>شاهينو اوديلك غدا

شاهين>>لا حبيبي معزوم وي جماعتي

ميار>>تمام الف عافية

شاهين>>باي حياتي

ميار>>باي حبيبي سديته من يم شاهين باوعت لسهم يخزر بية ونظراته بغضب

سهم>>تقربت منها كعدت بصفهاا لزمت وجهها بيدي وضغطت على شفايفها....من يردن يحجن وي غيري يبطلن كلمة حبيبي ويروحي وخاصة كلمة اوي لا اندمج عليها

ميار>>شبيك سهم؟؟؟

سهم>>متعرفين من تحجين وي شاهين كوليله شاهين بس ماكو داعي حب وحياتي وهلشي

ميار>>هذا كلامي وي شاهينو

سوسن>>سهم يله الغدا كمل

سهم>>كومي خل ننزل

ميار>>كمت عدلت ملابسي وصلنا للدرج لزمني سهم من ايدي ونزلنا سوة بس عجيب اكو نسوان ليهسه باقيات ضليت ابتسم الهن وسهم يخزر بية ههههه

ام سيف>>والله نيالك سهم شلون بنيه جنها مشمشة الله يسعدكم

سهم>>تسلمين خالة

ام سيف>>بس من هسه اريد اسمع خبر حلوو

سهم>>كولي يا الله ام سيف ما افكر هسه بلاطفال

ام سيف>>يا يمة ليش؟؟

سهم>>ميار وراها دراسة وميمي صغيرة مو مال اطفال

رونق>>دراسة شنوو وين اكو دراسة وي الزواج

ميار>>انتبهت على البنية يلي حجت ورفعتلها حاجبي

سوسن>>ميار هاي رونق كرايبنا

ميار>>اهلا وسهلا

رونق>>وبيج حبيبتي

سهم>>لا اكو دراسة وهسه اهم شي مستقبلها

رونق>>زوجها دكتور شتريد بلمستقبل اخذتك على الحاظر

ميار>>وهسه شنو المضوجج بلموضوع اخذته على الحاظر لو بل يانصيب المهم احنه متفقين على موضوع الدراسة

سهم>>ههههه عفية عليج

رونق>>من حجي خالة قبل شوية كالت چنتي فقيرة وفطيرة

ميار>>بس ارد الكلام الما يعجب...باوعت لسهم يباوع ويبتسم على كلامي وياها والصراحة هيه مكروهه مو مال واحد يجاملها كملت الغدا ورجعت كعدت يم سهم لان اشرلي اكعد يمه

،،،،،شوية وسمعت صوت ميمي كمتلها رحت صعدت فوك شفتها تبجي....اووي شبيها انيتي الحلووة حبيبي اوووف مبللة نفسج ليش ولج؟؟؟

،،،،شلتها للحمام سبحتها وحظرت ملابسها بدلت الها وخليت الها عطر ونزلت وهيه بيدي من شافت سهم كمزت عليه

سهم>>اويلي شهل العطر ابوية انتي

ميار>>عفتها بيدة ورحت سويتلها سيريلاك ورجعت كعدت يم سهم انطيني ميمي سهم خلي اوگلها.....سحبتها لحظني وبقيت اوكل بيها كملت الكاسة ومسحت حلگها واديها

سهم>>سوسن تعاي غسلي لميمي

رونق>>منو ميمي؟؟

سوسن>>مو ميار غيرت اسم بت سهم

رونق>>عشتوو اليوم غيرت اسمها لعد باجر شسووي؟؟

ميار>>شبيها وياي ما اعرف لحد هسه لهيج سكتت بس نظراتها الي كلها حقد عفتها لان مو مال ارد عليها للعصر كامو الخطار بس يباركون ويخففون من البيت تعرفت على خالات وعمات سهم وبناتهن هماتين

،،،،من وقتها مرن يومين من زواجي ونزلت شفت خاله داسوي ريوك وكفت يمها اساعدها ورحت اكعد سوسن وسهم شلت ميمي ودكيت الباب على غرفة انس من طلعلي جان سابح ولابس فانيلة صلوخ وبرمودة...صباحوو

انس>>صباح اللون الاحمر

ميار>>هههه خاله تكول اكو شخص اجه عليك علمود النادي وكعدتك وما كعدت وهسه تريدك

انس>>ههههه غير تعبان بس هسه صحيت

ميار>>بقى يعدل بشعرة ويشاقة وي ميمي وهي بحظني ويجر بخدودها.....لا انس شبيك وياها

انس>>ولج صايرة جنهاا بطة شكد تاكل

ميار>>اذا صار بيها شي اموتك قل اعوذ برب الفلق من عيونك

انس>>ههههه مخبلة

سهم بصووت>>ميااااار

ميار>>انداريت على صوت سهم شفتة واكف ومكور ايدة ويباوع صفح.....سهم شوف انس يجر بخدود ميمي

انس>>اني عمها الحلوو والهيبة متزعل مني

ميار>>واثق من نفسك يل الحلو

انس>>تعاي ميمي نروح نشتري ونعوف ميار تاكل الغلاف مال الحلويات

ميار>>لااااا والله

انس>>سحبت ميمي منها ونزلت جووة

ميار>>لك انس حباب اشتريلي وياك

سهم>>جريتها من ايدها وطبينا للغرفة صحت بوجهه.....شهل التصرف ميااار

ميار>>شسويت سهم؟؟

سهم>>مياار الزمي حدج وي انس عيب هلشي

ميار>>سهم ترى عادي ما سويت شي غلط

سهم>>تصرفج وياه ووكفتج وياه بحد ذاتها غلط

ميار>>حجيتلك ياها وارجع اكولها سهم لا تخنگ المقابيل

سهم>>ميار هية حجاية وحدة وخليها باذنج ترجية ابتعدي عن انس

ميار>>ماشي.....عفته وطلعت من الغرفة وهو نزل وراي اتريگت وياهم وغسلت المواعين وي خالة ورجعت كعدت يمها وهيه تسولفلي على البيت كوله الا طليقة سهم ما جابت موضوعها استغليت هل الفرصة لانو سهم راح يشتري لميمي علاج وانس طلع للنادي وسوسن صعدت للغرفةة من كملت كلامها سالتها

....اكولج خالة احجيلي على ام ميمي.....باوعتلها ساكتةة يمكن استغربت انو اسال عليها ف كتلهه....ترى سهم سولفلي عنها وعن حبهم وزواجهم بس خاله ما معقولة بنية تحب شخص وبس خطوبتهم خمس سنين وهذا الانتظار كوله وبعدين تكتشفون انو هيه تشرب حب مانع

ام سهم>> يي والله يمه حجيج حلوو بس مو كل النسوان سووا انتي تعرفين جانت حجتها بوقتها ماا اريد اخرب بداية زواجي انتظرنا سنة وماكو ورا شهرين كالت ترگتهن

ميار>>شنو السبب خالة

ام سهم>>شسولفلج ميار حجي هواي وميجيب بس الهم

ميار>>ميخالف خالة اني اريد استفاد من اخطائها حتى سهم ميكرهني

ام سهم>>شوفي حبيبي هيه سرى من اخذناها جانت حبابة كلش ورا سنة البت تغيرت رادت بيت وحدها ضلت تجيب صديقاتها للبيت حجاية والثانية وتصيح ابنكم خااين

ميار>>سهم يخونها

ام سهم>>لا والله يمه سهم مو هذا النوع چا غير يحبها ومو لان ابني امدح بي بس هو يحبها شلون يخونها بس سرى رادت حجه عليه

ميار>>ادور حجج عليه يعني مجانت تريدة

ام سهم>>هيه هنا المشكله سهم جان متمسك بيها كلش بس يبعد امج اثاري بعض النسوان مصايب بلبداية كلنا يمكن العين اثرت عليها ويمكن بناتنا لو صديقاتها شافنها مرتاحة وي زوجها وطبه وطلعة والعين تگتل بس بعدين رو.....

سهم>>حجية

ميار>>سكتت خالتي من سمعت صوت سهم ومبين ضايج اوف

سهم>>لا تفتحين شي اسمه ماضي وراح

ام سهم>>يي ادري يمه

ميار>>عافنا وصعد فوك

ام سهم>>كومي حبيبتي اصعدي وراه لا يضوج

ميار>>خالة كملي عوفي سهم

ام سهم>>ولج اكملج هسه اصعدي وراه

ميار>>اصعد وراه شسويلة انطيه الممة خالة

ام سهم>>ههههه ولج كومي

ميار>>كمت صعدت ورحت للغرفة شفته كاعد ويحجي وي ميمي انتبه عليه وباوعلي

سهم>>تعاي اكعدي

ميار>>رحت يمه كعدت وحجيت بتوتر....ليش ضجت من سمعتنا نحجي بيها

سهم>>ميار اني مو النوع يلي يفكر بشي مات عليه بمستقبلنا وهاهيه بس اذا تردين تعرفين شي على زوجج كان اجيتي عليه واني احجيلج

ميار>>باوعتلة وحجيت بسرعة....يعني متزعل مني

سهم>>ميار اني وياج واحد وهلشي ما بي زعل

ميار>>لعد سولفلي خاله عافت سالفتها من وراك

سهم>>ههههه شوفي يحلوة باختصار مفيد حتى لا اتعبج ولا تعبيني

ميار>>يعني تتعب من تذكرها لهل الدرجة تحب سرى

سهم>>جريتها عليه وكعدتها بحظني....بزونتي اذا احبها انتي ليش زعلتي

ميار>>كمت من حظنه وباوعتله....لعد المن اخذتني سهم اذا تحبها ليهسه بس لا عبالك تنساها بية

سهم>>ليش ما تكولين اغار عليك

ميار>>بس يلي يحب يغار واني ما احبك

سهم>>باوعت لايدها ضاغطة عليها حيل....تمام يابة لا تحبيني بس اكلج ياها ماكو مرة متحب زوجها

ميار>>اكوو ليش ماكوو

سهم>>الا اذا بي قصور

ميار>>اني سالتك لتاخذ الكلام لغير طريق جاوبني

سهم>>يمكن يي

ميار>>ههه حلوة كلمة يمكن يعني عادي هلشي عد الكل

سهم>>شلون يعني؟؟

ميار>>يعني اذا اكولك ما احبك لان اكو حب بگلبي لشخص وما فد يوم يجي وانساه.....راسا شهگت من صار ضهري اباب الگنتور عززززا بعينه شوكت كام ولزمني

سهم>>منوووووو؟؟

ميار>>بالله لا تمثل دور الزوج الغيور لان بس يلي يحب يغار

سهم بحدة>>اخر مرة راح اسالج منو يلي تحبي واذا ما جاوبتي قسما بهل العيون لسانج اكصة الج واخلي صوتج حسرة علينا

ميار بخوف>>محد

سهم>>شنوو محد

ميار>>حجيت وياك هيج بس حتى اوضحلك شغلة انه انت واحد مستفز بشكل مو طبيعي

سهم>>هههههه ولي من وجهي لج

ميار>>ابتعدت منه فتحت الباب وكفت انداريت وتخوصرتله...

صدوك سهم

سهم>>حرف اذا حجيتي اشمرج من السطح

ميار>>ههههه بطلت مااحجي بس كملي الكلام

سهم>>مالي خلگ احجي

ميار>>تقربت منه وخليت ايدي على لحيته وحجيت مقابيل وجهه.... بداعتي سهم احجيلي

سهم>>خليت ايدي على خصرها ودفنت راسي برگبتها وابوس بيهااااا احس اكو عطر طفولي برگبتها يشدني الها.....ميار ديري بالج تعيدين غلطها لسرى يمكن بوقتها مو بس اطلگج لاااا يمكن اجرم بيج افتهمتي

ميار>>سيد عقدة وخر مني وين اكو واحد يبوس ويهدد بنفس اللحظة

سهم>>لان اريدج الي بكلشي يخصج افتهمتي

ميار>>احجيلي سهم ورگبتي كامت توجعني

سهم>>ابتعدت منها وحجيت....شوفي ميار من الاخير سرى جانت رايدتني غاية حتى توصل لشي تريدة سرى جانت طالبة من اخذتها بس اكبر منج ومن شافتني بوقتها صح حبتني وبادلتني المشاعر بس كلشي اتوضح هسه يمكن تسالين ليش ما رادت تجيب جهال لان سرى مرادت تكمل علاقتها وزواجها بية

ميار>>زين ليش؟؟؟

سهم>>الكل عبالهم هلشي من العين والحسد بس رونق فهمتني كلشي واني اكلج ليش سوت كل هل الشي بس حتى تلم كم فلس مني وبراتبي حتى تسافر يم اختهاااا لان متريد تبقة بلعراق وذا تكولين هلشي سبب تافه لو ما اصدك حقج بس سرى متحب تتقيد ورغم جنت فري وياها واغلب وقتي الها وما مقصر بحاجة وياها بس هيه ابالها تروح لاختها هناك وتعيش بفلوسي

،،،،،بحيث من اطلگت مني وعافت كلشي بس اني انطيتها الغايب والحاظر لان استخطيتها ورا اسبوع واحد اجتي رونق وشوفتني كلشي بينهن وبين امها والاتفاقية بحيث نص راتبي من جان الها جانت تخلي يم امها ولو تعرفين شكد طلعن الفلوس متصدكين

ميار>>شكد؟؟

سهم>>10 ملايين الله شاهد من غير فلوس يلي جانت تشتري بيهن ذهب وتكول لاختي ولامي رادن من هذا المحبس ورادن مثل كلادتي واني انطيها اكول ميخالف هيه زوجتي وميصير اردها كدام اهلها

ميار>>امممم يعني هسه تحبها

سهم>>تحبيني؟؟

ميار>>ههههه وخرت منه ونزلت جوة من عرفت بقصة سرى اجتي بالي رونق شنوو يلي استفادت منه من حجت لسهم وشنوو غايتها صح بوقتها ماكدرت اسال سهم بس بقة ابالي

،،،،،مرت ايامي لحد يوم السبعةة مالتي واجتي ازل اتفقت وي سهم تاخذني للصالون واجرت فساتين يجنن طلعت وياها الضهر رجعت ورا ساعتين شفت الكل من كرايب سهم ورونق موجودة اول فستان رجعت بي من الصالون عبارة عن بدلة حمرة قصيرة بس مو كولش وصدرها مكشوف ومزخرف

،،،،،سلمت عليهن واجتي حتى ام معتصم وماكدر انطي بيها كدام كرايب سهم لهيج قمت وياها بلواجب وعرفت النسوان عليها وانو هيه امي سهم جان بلدوام من رجع سلم على الكل وبقة بلغرفة وعمو وانس جانو برا يصفون المحل والحمدلله احسن ما سهم يسويها عليه سالفة لان فساتيني كولهن قصيرات

،،،،،لشوية وكومتني ازل حتى اغير الفستان رحت للغرفة ابدل من شفت سهم استحيت لان الفساتين على الجربايةة دخلت ردت اشيلهن لان سهم فد شخص كولش يحب الحاجة بمكانها......ما عبالي ازل عافتهن هنا عبالي مخليتهن بلحمام

سهم>>عوفيهن ميار وروحي بدلي

ميار>>اخذت فستان ثاني بس السحاب من ضهره صاير لا بيه اسدها ولا بيه انزعه خرب يومي اووف طلعت لابسة مشمر على ضهري من شافني ضحك

سهم>>شنو بردتي

ميار>>لا بس السحاب مفتوحه

سهم>>كمت ورحت يمها فستانها عبارة عن جسم منحوت اسود يجنن وبياض جسمها مبين لان مزخرف درتها على ضهرها وسديت السحاب

ميار>>بقة واكف وراي وانفاسة على رگبتي راسا ابتعدت وطلعت برا الغرفة ومشت الحفلة لحدما خلصت وازل اخذت الفساتين وياهااا بقت كم وحدة من كرايب سهم ورونق هماتين رغم اختها وامها راحن بس بقت علمود سوسن

،،،،،للمغرب واندكت الباب جنت لابسة تراك طويل وشالي على اجتافي راح سهم يفتح الباب وسمعت صوت شاهينوو ركضت من المطبخ عليه وحظنته راسي بصدري ومتعلگة بي من رگبته ههههه

شاهين>>بستها من راسها وهيه بحظني...شبيج حبيبتي شو خلي اشوفج

ميار>>كومه مشتاقتلك

شاهين>>منو يحجي وياي كام وصوت شنو ما شبعتي مني

ميار>>ههههه لاا

شاهين>>بعدتها عني وادية على ايدها باوعت الكل يباوع علينا

.....السلام عليكم

الكل>>وعليكم السلام

ام سهم>>هلا بيك يمة تعال

شاهين>>رحت كعدت وميار بصفي

ام سهم>>هذا شاهين اخو ميار

الكل>>اهلا وسهلا

شاهين>>هزيت راسي باوعت لسهم وحجيت.....اجيت احجي وي سهم علمود ميار يمكن ازل نست ما حجت بس غداكم يمنا باجر هاي العادة بس شسوي لازل تنسى كلشي

ميار>>ههههه بقة شاهين يحجي والبنات يباوعن عليه وسهم واكف ويحجي من راد يروح لزمته من ايده

شاهين>> ها حبيبي

ميار>> تبقة شوية

شاهين>> هم يلا الحگ وعيونج باجر تجين حبيبي البيت بدونج ضلمةة

ميار>> فدوه اروحلك عسى بيتنا منور بيك وعليك يا رب لا تحجي هيج شاهين

شاهين>>سحبت محفظتي طلعت روقة وخليتها بيدها....يلة كملي وي عيالج دكتورتي

ميار>>هزيتلة راسي من باسني طلع رجعت كعدت يمهن

فرات>>مياار هذا اخوج وين لاگيته

ميار>>غير اخوي شنو وين لاگيته

فرات>>متزوج ولج

ميار>>لا مو هسه منتظرين نب....عزززا همزين سكتت وباوعت لسوسن تباوعلي كوتلهه....منتظرين بنية تكمل حتى نحجي وي اهلها بس نعرفها حق المعرفة بحيث هيه تحبه واجتي عليه كالتلي

رونق>>بنات لو كح*** حتى يخطبن لنفسهن

ميار>>ما بيها شي وهم حقهن ترى شاهينو ما يتعوض اخلاق فلوس وجمال جامعهن كولهن صح سوسن

سوسن>>ايي والله اني بهاي وياج

رونق>>شنو الفايدة لو يريدج ما خلاج تزوجين بهيج عمر بس خاف يطلع بايع لحمه

سوسن>>رووونق اسكتي ما اسمحلج تحجين على شاهين ترى هو صديق عائلتنا من زمان وهسه هو كرايبنا ف اسكتي احسن ما يصير شي ما يعجبج

ميار>>والله عفيه عليج ميار خوش لعبتي....عوفيها سوسو اكو ناس ما تفهم حشاج عفتها وصعدت للغرفةة

.....لثاني يوم عرفت سوسن ورونق متعاركات ورايحة لأهلها وانس موصلها مرت شهرين والحمدلله ماكو شي جديد بين البيت والكلام وميمي يخلص نهاري وهماتين اتصالي بشاهين كل شوية حتى نحجي سوة

....بدات المدارس رحت وي خاله اشتريت زي مدرسي وجنطتين وقرطاسية لان هلسنة اني خامس علمي واسبوع وداومت بلبداية مادري الاغلبيه ماا صدكن انو اني متزوجة ويريدن اثبات بس ماكدر اجيب البوم الصور سهم ميقبل

،،،،،عفتهن يلغن واول اسبوع ماكو دروس بس تسليم كتب حتى الطلاب يداومون ومسيجلون غياب بدات الدراسة وي صديقاتي نقرة ونجاوب لحدما كملنا اول امتحانين شهريات ودرجاتي حلوة

،،،،،شوية شغل البيت متعب لان سوسن حيل كسولة وخاله متكدر تشتغل وسهم ميريدني انزل للمطبخ يكولي ادرسي بحيث ميمي ما اشوفها يومها كله يم بيبتها

،،،،،الجووو صار كولش بارد ومو طبيعي بحيث غرفتنا اتجمد والله من اشغل التدفئة تصير حاله ومن اطفي تصير ثلج حتى الغرفة متعدد الشخصية مثل صاحبها المدرسة انطتنا جدول امتحانات اليومي والشهري وبقينا نمشي على الجدول لحدما تعاركت وي بنات من صفي لانو عبالهن داكذب من كتلهن متزوجة ويردن بس اثبات واسبوع كامل كلمه منهن وكلمه مني

،،،،لحدما لگفتنا المدرسة وودتنا للادارة لان سمعتنا نغلط ونجاوز بوقتها انطتني تنبيه والمره الثانية تتصل على شاهين

يارا>>لا ست هيه تكول اني متزوجة اتصلي على زوجها

ميار>>سكتت ما حجيت لان المديرة طلعتنا برااا كولنا رجعت لنبض من شافتني ضحكت.....شكو تضحكين

نبض>>مو كتلج عوفيهن

ميار>>خليولن شكو يغلطن ادبسزيات وفوكاهه يجني يسالن ليش لابسة حلقة من اكول الهن متزوجة يردن اثبات امهات الگمل

نبض>>ههههه كاافي هاج اكلي راح يدك الجرس

ميار>>اكلت وبقيت اخزر بيهن وما اهتم وبقيت هيج وياهن لحدما من صدوك صارت عركة من الروس بينا وضربتها على خشمها وطلع دم قليل وهم رحت للادارة وانطتني ورقة وكالت وديها لاخوج وباجر يحظر بقيت افكر مستحيل اخلي شاهين يجي ويعرف بيه تعاركت يضوج ضميتها

،،،،،،وبقيت خايفةة يا الله بلكوة اتحملت لاخير درس ورجعت اول شي سويته هو ضميت الورقة بلمجر جوة الكتب وهمزين من الغى امتحان باجر وماعندي شي للعصر كاعدة يم خالة وحسيت بنفسي تعبت كمت من يمها ورحت للغرفة ارتاح راسا نمت كعدت لليل تعبانة وراسي مصدع وعيوني يوجعني وحرارتي مرتفعة كولش عفت كلشي واتغطيت ونمت

♡'''''''''''''''♡'''''''''''''♡''''''''''''''''♡

مشاهدة ممتعة نبضاتي+شنو تتوقعون

nosha🙈❤❤

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

مآ سولفتيلي على خدودج هذن ،

هنةه حمر من الله لو چي يستحن ♥️🙊

♡'''''''''''''''♡'''''''''''''♡''''''''''''''''♡

سهم>>رجعت بالليل متاخر احجي بيني وبين نفسي اكيد هسه نايمة حقها وين تلحگ هم علمي وهم اتحملت مسؤولية زواج وطفله كلما يمر يوم احس بروحي استعجلت بهل الموضوع طبيت للغرفة شفتها نايمة وشعرها منثور على المخدة الشفايف حمر صايرات والوجنات طماطة

،،،،،نزعت ملابسي وبدلت واتقربت منها كتبها بلكاع يمكن عدها مراجعه سديت الكتاب ورحت يمها اعدل نومتها حسيت اكو حرورة بجسمها كلت يمكن من الغرفة لان دافيةة نمت بصفها واشتم بعطرهاا كعدت ثاني يوم على صوت المنبه اني اليوم اجازتي بس هيه عدها مدرسةة كمت غسلت ورجعت وهيه على نومتها......ميار كوومي بدلي

ميار>> حسيت بجسمي يون من الوجع من كعدني سهم بلكوة كدرت احجي هل الكلمتين.....ماا...اروح

سهم>>شبيج ميار

ميار>>مادري

سهم>>تقربت منها وجريت البطانية.....مو عندج امتحان

ميار>>حباب ماريد اروح اليوم وحتى الامتحان اتاجل صار كل احد واربعاء

سهم>>ميخالف كومي بدلي

ميار>>كعدت على حيلي وكتله.....اذا رحت يمكن اتعارك وانفصل والله

سهم>>ويامن تتعاركين

ميار>>وي الحقيرات يضلن يحجن عليه من وراك

سهم>>ليش؟؟

ميار>>يكولن وين اكو وحده بهيج عمر متزوجه وهواي كلام

سهم>>كعدت بصفها وعدلت شعرها......مثل شنوو الكلام

ميار>>لزمت ايدة بثنين ادية......حباب سهم ما اريد اروح بداعتي

سهم>>انتي مصخنه ميار

ميار>>لااا ما بيه شي

سهم>>لان مريضة متردين تروحين

ميار>>لاع بس..

سهم>>احجي يله

ميار>>ماعرف ارد على البنات من يسالني شنسوي بالليل ويضلن يضحكن

سهم>>ضحكت بداخلي عليها نوب فوك الصخونة صار الخجل وابد ما رفعت عينها......وليش يسألنج هيج اسئله مو عيب

ميار>>يي عيب بس يردن يعرفن انو اني صدك متزوجة لو لا

سهم>>تقربت حيل من وجهه انفاسها حارة

ميار>>رجعت راسي ليورة وهو ويباوع عليه

سهم>>ليش ما اجاوبيهن شنسوي وهيج تستكتيهن

ميار>>كولة من وراك هاذا الشي انت اتزوجتني وخليت البنات يضحكن عليه

سهم>>ههههه خليت ادية على خصرها وكعدتها بحظني لاول مره احس نفسي رجعت مراهق بتصرفاتي وياهاا لازمة قميصي من يم صدري بثنين اديهااا واني متحكم بخصرها باديةة

،،،،،هسه المطلوب مني شنوو اروح احجي وي المديرة واخليها تخابر اهلهن لو مترديني انتي وننفصل

ميار>>ننفصل ونخلص

سهم>>رفعت راسها بيدي والله ما مصدك الكلمه شلون تريد ننفصل.......ليش ننفصل؟؟

ميار>>كمت من حظنة واحجي بسرعه بس والله مو بوعيي يلي كاعد احجي.....احسن النا وبما انو راح ننفصل كلمن يروح لبيت اهله انت تروح لاهلي واني لاهلك

سهم>>هههه قصدج انتي لاهلج واني لاهلي بس اني حاليا ابيت اهلي هزيت راسي من شفتها جرت الجنطة وخلت ملابسي وملابسها اتخبلت رسمي كمت شلتها وكعدت علجرباية ورجعتها بحظني

،،،،هسه بعد ميصير نتشاوف صح بزونتي خليت ايدي على كصتها صخنت بلزايد

ميار>>وجهالنا

سهم>>شنووو

ميار>>مو كلمن يروح لاهله وننفصل بس جهالناا عدمن يبقون؟؟؟

سهم>>ههههه بكيفج

ميار>>وهم انت تزوج صح

سهم>>يي اكيد

ميار>>خليت راسي برگبته وشريط حياتي كله مر بلحظة فزيت من خله ايده على ضهري......لو انت تزوجت اني هم اتزوج واجيب جهال

سهم>>ضغطت بيدي على خصرها بحظني وتحجي بغيري ثوانيي وحسيت بشي حار على رگبتي جريتها شفتها تبجي.... ميارتي

ميار>>بس اني ما اريد جهالي يتاذون مثل ما اتاذيت حتلو ننفصل اني وياك اخليهم يمي وما اتزوج غيرك ابقى اربيهم وما اخلي احد يحجي عليهم ولا اخلي ابني يشتغل ويتعب وما اقبل بوحدة تدفع بتي وتجرح ايدهاا

،،،،اني مو خبله واتخلى عنهم واذا تريد تشوفهم عادي ما امنعك والله بس لا تاخذهم

سهم>>عرفت بيها داتحجي على نفسها هيه وشاهين وشلون عاشت طفولتها حظنتها وبقيت احرك بيدي على شعرهاا لحدما سكتت

......زين لو ردت احظنج وانام بحظنج تقبلين

ميار>>يي غير انت زوجي

سهم>>ههههه لعد مو راح ننفصل

ميار>>بس اني ما راح اتزوج ثاني

سهم>>دفنت راسي برگبتها اشتم بعطرها وشفايفي تتحرك بكل مكان ابوس بيهاااا وهي تحرك براسها مني

ميار>>جريت راسي عسريع وخليت ادية على ركبتي من الوجع

.....اذيتني سهم

سهم>>وين اذيتج بلعكس ارتاح

ميار>>تقبل ااذيگ هيج؟؟

سهم>>يي اصلا افرح

ميار>>وين اكو واحد يفرح اذا يتاذئ

سهم>>يله سوي

ميار>>خليت راسي برگبته وضليت ابوس بي بلبداية ونوب ضليت اعض بي بس على گيف

سهم>>رجعت راسي رجعت راسي ليورة واني مخدر وشفايفها تمشي على رگبتي وسنونها مال اطفال اوووف يا ريت لوووو اتاذيني مو تلعب باعصابي رادت ترفع راسها خليت ايدي ورة راسها

.....كملي من البداية وهلمرة حيل

ميار>>سه..م..عيو..ني يو..جعني

سهم>>كمت وهيه بحظني وادية على ضهرها خاف توكع بدلي نروح للدكتور

ميار>>هزيت راسي بمعنى لاااا

سهم>>اكو طريقة نسويها

ميار>>شنوو؟؟

سهم>>دخلت للحمام وفتحت الدووش شهگت ونزلت من حظني جريتها وبقيت لازمها علمود متتحرك رجفت جسمها وشفايفها احلى شي تشوفهن عيوني دنكت على شفايفها وبقيت ابوس بيهاا بهدوء وادية بكل شبر بجسمها الزمه اعصر بي وصلت لاعلى خصرها بقيت ايدي على صدرها وشفايفها بين شفايفي تتحرك

،،،،ربع ساعة على هل المنوال وطلعت للغرفةة كعدتها على الكرسي ولفيت عليها البطانيه ورحت نزعت ملابسي ورجعت جريت ثوب قصير دلع وكفتها ونزعت ملابسها بيدي ولبستها ثوبها شمرت ملابسها المبلله بلسلة ورجعت نومتها بحظني علجربايةة كعدت ب10 ونص شفتها نايمة وصخونتها زينة

نزلت جوة شفت اهلي كاعدين انتبهت على سوسن كاعدة وتضحك بلجهاز صحت....سوسن كومي سوي لميار شوربة لان مريضة

سوسن>>ليش الشوربة بابا اشترى غدا جاهز يمك بس خلي تنزل تحمي

سهم>>ميار مريضة متكدر تبلع الاكل كومي عيني....باوعتلها سكتت وكامت شوية وطبيت للمطبخ سمعت صوت رونق بلبصمة من تكول لسوسن...

.....امداج سواج خدامة للزعطوطةة هاي تاليها هيج بت الاكابر سوسن تسوي اكل لزعطوطةة

.....استغفر آلَلَهّ وين تريد توصل مادري هل البنية ومن امنع سوسن منها محد يلومني رجعت للغرفة شفت ميار تبدل تقربت منها حرارتها زينة وبصماتي برگبتها باوعتلي وضحكت استغربت ليش ضحكت وخجلت رادت تنزل كتلهه....لا تنزلين هسه راح تجيب سوسن الاكل ابقي هناا

ميار>>عفته ورحت للحمام عزززا شمسوية برگبت سهم يا الله شكد عيب هههه ويمكن هو ما منتبهه على نفسه طلعت من الحمام من سمعت صوت سوسن بس استغربت من شفت وجهه معبس كلت يمكن متحاجية وي احد لان مبين ضايجة عافت الصينية ونزلت

،،،،شوية وكام سهم يبدل وين رايح ما ادري بس من راح يعدل شعرة كدام المرايا استحيت يشوف يلي برگبته شلت الصينية وركضت ليجوة

سهم>>ههههه بله المن نزلت قابل اول مرة راح اخليها تبقى اثر شفايفها على جسمي بدلت وطلعت وي جماعتي وهيه بحظن امي كاعدة وتضحك وياهاا سلمت وطلعت

ميار>>للعصر سويت العشة وي خاله مجرد حظرناه وصعدت اقره اخذت الجدول من نبض وكعدت احظر بي صارت ب10 ونص وسهم ماكوو ل11 رجع بيده اكل وحلويات وكم شغلة لميمي ضحكت المن هلشي عزلت الاغراض وسهم ميتعشة هيج وقت راسا يبدل وينام من نمت وراه اندار عليه وخلاني بحظنة مثل كل يوم هيج واني تعودت انام بحظنة من صدوك والله

،،،،كعدت على صوت سهم راسا ركضت بدلت وعدلت شالي لان كولش متاخره ب7 ونص كعدت اول ما كملت لبسي رحت لبست تكرمون حذاتي سمعت صوت سيارة ابراهيم اخو نبض نزلت ركض بدون ما اسلم وصعدت بلخط وصلت نعسانة اول درس شاغر نمت بي

،،،،كعدت على صوت نبض لان اجتي ام الرياضيات تفتش الدفاتر همزين حاله التمرينات ههههه دك الجرس نزلنا للساحة راحت بتول هيه تشتري الاكل لان تعرف ام الحانوت وتجيب لبلبي لان الجو بارد اكلت الكاسة مال اللبلبي ورفعت صدريتي لخصري حتى لا تدمر ونمت على رجلين نبض لان اممدة رجليها اكل جبس وسمعت بتول من كالت

بتول>>خرب بيه شنووو من دخول هذا الله منين خالقة وهذا يلي وياه يمووووت

ميار>>من باوعت محد موجود كوتلهه شبيج بابا بمنو تتغزلين

بتول>>هسه شاب فات مناه والثاني رجع من الباب ما دخل وياه

ميار>>عوفي عيب تحجين هيج

بتول>>ههههه ميار متكدر تتغزل لان تخاف

ميار>>هههه عابت كاعد احجي وياهن واني على نومتي وادفر بيها وهيه تضحك شكد محبوبة بتول ابد متزعل بلعكس كولش اجتماعية

سهم بحدة>>عيب مياااار وكومي اكعدي عدل

ميار>>باوعت سهم فوك راسي ويخزر بية راسا وكفت بسرعه والجبس بحلگي

نبض>>صباح الخير دكتور

سهم>>صباح النور نبض شلونج

نبض>>الحمدلله شعجب اليوم هنا بس لا تاخذ ميار بعدنا ما ممتحنين

سهم>>لا اجيت علمود الادارة يلة عيني امشي للمديرة

ميار>>خفت من شافني هيج كاعدة واضرب بصديقتي بلعت ريگي وحجيت بخوف.....سهم شجابك لمدرستي

سهم>>والله ما مكتوب اسمج عليها جان اخذت موعد منج

ميار>>سكتت وهو عود يصنف على كلامي ابتعدنا من البنات وكالي

سهم>>اجيت لان شفت الانذار يلي لكيته بلمجر

ميار>>والمن اجيت ميستوجب

سهم>>حسابج بعدين من تضمين الانذار علية

ميار>>دخلت وياه للمديرة وهو كاعد وهيه تحجي برهاوة وياه وتضحك لحدما اجني البنات يلي متعاركه وياهن

المديرة>>عرگتهن لشي تافه جنت متوقعه استاذ شاهين يجي

سهم>>اني زوجها وهيه مسؤوليتي ولازم اعرف يلي يصير وياها

ميار>>باوعتلهن وضحكت بمعنى سمعتن

المديرة>>الحق يقال ميار من المتميزات اذا دراسة او اخلاق

سهم>>وهلشي يزيدني فخر بس العتب على كم طالبة يسالن اسال اكبر من عمرهن اني اكدر ابلغ هسه عليهن واستدعي ولي امرهن بس اكول مراهقات ميستوجب وانشالله يتأدبن مرة ثانيةة

المديرة>>ميار

ميار>>نعم ست

المديرة>>امتحنتي

ميار>>لا ورا الفرصة امتحان شعبتي......بقة سهم يحجي وي الادارة ومثل كل مرة شاهينو ينطي تبرع بس هلمرة سهم انطه تبرع باسمي للادارة مشيت وياه للساحة وهو لازمني بيدي ويمسد عليها بابهام ايدة ضحكت ومشيت راد يطلع اندار عليه وصاح

سهم>>بزونتي تعااي

ميار>>اتقربت منه وحجيت بقهر....سهم بلمدرسة اني شنو بزونتي

سهم>>هههه عندج فلوس تشترين

ميار>>اخذت الصبح من المجر

سهم>>ويلي ماخذتهن ميكفن ماخذه بس الفين سحبت محفظتي وانطيتها 10 بوستها من راسها وطلعت

ميار>>رجعت للبنات واحرك بلفلوس بيدي

بتول>>بخت يابة بخت بوسة وفلوس

ميار>>تف على عيونج كوومي بتولة جيبي اربع كاسات لبلبي لان جوعانة

نبض>>ههههه

ميار>>من اجتي بتول اكلنا وكملنا ودك الجرس دخلنا للصف امتحنا الفيزياء ومشى يومي للنهاية رجعني ابراهيم طبيت للبيت هدوء شعجب اليوم ردت اصعد وعاطت سوسن

سوسن>>مياااااااار هاي هيج تسوين

ميار>>انداريت عليها اباوعلها عيونها حمر وتبجي زين اني شمسوية؟؟....شبيج سوسن

سوسن>>عبالج تضحكين عليه ولج واني العبالي ترديني لشاهين واجيتج وفتحتلج گلبي بس ما توقعتج هيج خبيثة وحية ولج نصحتني رونق بس ما صدكت والله

ميار>>تقدمت عليه ودفعتني على الدرج وصعدت زين شاهين شعليه شبيها المخبلة عفتها وصعدت بدلت واخذت ميمي بدلتلها ونزلت اضحك واجه سهم ضحكت بوجهه وخليت ميمي على وجهي وصحت...هلوو بابا

سهم>>ههههه بزونتي وبنيتي ثنينهن لابسات وردي اليوم مشيت يمها لزمتها من خصرها وشلتها هيه وميمي

ميار>>عزززا سهم نزلني

سهم>>مو توكع بنيتي ولج

ميار>>هههه تخاف عليها واني لااا☹️

سهم>>موو انتي بحظني ما تكدرين توكعين بس ميمي

ميار>>بحظني ومثل ما انت لازمني حيل وتخاف عليه اني هم اخاف عليها

سهم>>فدوه لهل العسل يربي

ام سهم>>هههههه هاا سهم عود انت الجبير

سهم>>شمسوي حجيةة

ام سهم>>مبروك عندك ثنين بنات

ميار>>شلون ثنين خالة هيه بس ميمي

ام سهم>>وانتي هم متشوفينا شايلج بيدة

ميار>>ههههه ميقبل ينزلني

سهم>>نزلتها واخذت ميمي منها وكعدت يم امي

ام سهم>>ميار الغدا كامل حظري وجيبي

ميار>>يي خالةة....رحت للمطبخ حظرت الطبلة مال الاكل وخالة مسوية دولمة ومقلوبة الريحة تمووت شوية والكل كعد على الطبلة داناكل واجه انس

انس>>هلاوو شلونكم

ام سهم>>تعال تغدا يمة

انس>>حجية والدايت وين راح

ميار>>المن تسوي هو انت ضعيف الدولمة طيبة وحامظةة تفوتك انس....ضحك واجه عليه كرصني من خدي وكعد يمي

انس>>لعيونج اكل ولو راح اخسر واترزل من المدرب بس ميخالف

ميار>>هههه اكل بدون صوت.....من كملت الغدا رحت سويت جاي ووزعت الكوابة عليهم بقيت شوية يمهم ورحت نمت للعصر كعدت خابرت شاهين

شاهين>>يهلا بصاحب الصوت

ميار>>هههه هلو حبيبي شلونك

شاهين>>الحمدلله بخير صدك ميار ازل حامل

ميار>>صدوك والله الف مبروك

شاهين>>يوم الج حبيبتي واصير خال

ميار>>اذا جابت ازل هم تصير خال شاهينو

شاهين>>يي صح بس مو جهالج

ميار>>فدوه شلون خال لجهالي

شاهين>>ههههه

ميار>>بقيت احجي وي شاهين لحدما سديته ورحت كملت دروسي مر شهر ونص وبدات امتحانات نصف السنة ودرجاتي نفسهن اصعب شي لمن تريد شي بس متعرف شلون تاخذه وهلشي جان سهم ونضراته احسه يحبني ومرات اكول لا وامنيتي اعرف مشاعره

،،،،،بلنسبة شلون كدرت اسيطر على درجاتي هيج ف سهم اغلب وقته وي ميمي صح مياخذها للدوام بس بايام الامتحانات يطلب ساعه زمنية ونوب يبقه وياها لحدما ارجع من المدرسة سهم اثبتلي انو الزواج شي حلوو وخاصة حركاته وتصرفاته وياي

،،،،،صح يزعل ويضوج من احجي وي انس لو اشاقي راسا ينگلب 180 درجةة بس نوب من وحدة يهدأ ويضل يبوس عرفت شغلة خلال هل الفترة انو سهم عمره ميعتذر مني ابد ولا من اي شخص بس يحاول يرجع علاقته بلشخص يلي يزعل منه بطريقة ثانية غير كلمة ♡اسف♡

،،،،اني من اضوج منه يراضيني بحركاتة يلي تعلمت عليها والشغلة الثانية يلي لاحظتها سهم ليهسه ما خلاني ابات يم شاهين بحجة ميمي وميقبل اخذها وياي ومعاناتي بدات من هل الشغلة لان سوسن حيل بدات تخبث عليه وخباثتها بدات من هل اليووووم

،،،،من كملت امتحانات وعطلت نمت للضهر ومحد كعدني حتى خالة خطية لهيج كعدت متاخرة ونزلت يم خالة شفتها كاعدة تباوع وتثرم......صباح الخير خالة

ام سهم>>صباح النور يمة

ميار>>ما كدرت اكعد من الصبح خالة

ام سهم>>حقج يمة الامتحانات شاغلتج حتى روحج نسيتها شوفي جسمج شلون ضعفان يلة تعاي اكعدي بين ما اسويلج ريوك

ميار>>لا خالة اني اسوي

ام سهم>>اكعدي يمه هسه هيه بيضة وجاي قابل صانعتلج صاروخ

ميار>>كعدت وخالة داسوي ريوك وطبت سوسن ورونق

رونق>>ميااار شنو خالتي تشتغل عندج تسويلج ريوك ما تستحين على نفسج لعد هيه هاي الاصول

ميار>>باوعتلها تحجي باعصاب على كعدتي وحجيت بهدوء.....انتي شعليج اني وخالتي شبيج تالفة اعصابج عيني ديري بالج لا يطگلج عرگ

ام سهم>>شبيج رونق؟؟؟

رونق>>خالة غير هيه الچنة بهذا البيت اني علمودج حجيت

ام سهم>>ميار مو بس چنتي ميار بنتي وامانتي حالها حال سوسن واكثر والبت تعبانة من الامتحانات حتى ضعفت غير الام تنتبه لبتها وداريها

ميار>>ضحكت وكمت حظنت خالة كدامها....فدوه رحتلج خالة اكيد انتي امي وحبيبي

ام سهم>>يااااا ولج امج يي حبيبج لا خلي سهم حبيبج

ميار>>لا ما اريده انتي حبيبي

ام سهم>>ههههه اكعدي ام لسان واتريكي

ميار>>اكلت وهنه صعدن فوك للغرفة شلت الصينية ورحت يم خالتي للمطبخ

ام سهم>> ميار شتعرفين اطبخين

ميار>> مو هواي اعرف قبل اطبخ بس اكلات شاهين يلي يحبها مثل البامية والمخملة وهيج اكلات وبيوم يلي ماكدر اطبخ اندز على اكل

ام سهم>> عندج شي هسه

ميار>> لا خالة

ام سهم>> لعد كومي خابري شاهين كوليله خالة عازمتك على الغدا يمنا ولا تكول لا

ميار>> صدوك والله خالة

ام سهم>> يي والله كومي

ميار>> ركضت للغرفة حتى اخابر شاهين وسمعت صوت رونق تحجي وي سوسن

رونق>>ماكو اخبث منها انتي بس امشي على يلي كتلج بي يحظي الزمي عليها نقطة ضعف مو بس هيه تصير خدامه حتى الحب والعشق

سوسن>>ماكدر ولج انتي متعرفين لو هيه اتاذت هو يموت لا عبالج مثل اخوتج لو اخوتي هذا مستعد يسويها دم للرگاب لو دمعت دمعة

رونق>>يمعودة على شنو خايفة اني اجيبلج كلشي قابل راح يدرون

سوسن>>رونق لا اتورطيني وياه فدوه اكو غير شي مستعدة اسوي بس هلشي مستحيل لان اعرفه حتى ابليس يخلي يجسس علينا ويكشف كلشي

ميار>>عفتهن ورحت للغرفة على منو يحجن ومنوو هذا يلي يشتغل وي ابليس عززززا بس لا يسون سحر لا شنو سحر سوسن مو هيج مستحيل تكدر تسوي شي تخلي خالة تضوج منها بس ليش خايفة اكيد اخاف بله طلعن متفقات عليه لالا فزيت من الكلام يلي داحجي من دك جهازي التفت واخذته شفته سهم

سهم>>الو بزونتي

ميار>>هلو سهم

سهم>>شلونج ميمي وين

ميار>>نايمة

سهم>>شبيج تبلعين حروف احجي عدل

ميار>>سهم اكدر اطلب منك طلب

سهم>>كولي بزونتي

ميار>>تكدر ترجع للبيت هسه

سهم>>ليش صاير شي؟؟؟اهلي لو انتي بيكم شي

ميار>>لا ماكو شي بس اذا ماعندك شي ارجع هسه

سهم>>بزونتي اليوم عندي عملية لازم اكون متواجد

ميار>>تمام راح اخابر شاهين خاله عزمته على الغدا

سهم>>يله بعد احسن هاي شاهين راح يجي يمج هسه بعد عليمن اني اجي شاهين حبيب الگلب شبعي رومانسية وكلام مال حبيبي وحياتي

ميار>>ههههه لا تصدمني بحياتي وتكولي اغار عليج من اخوج

سهم>>اغار من الناس يلي تسمع صوتج وضحكتج واني مو يمج

ميار>>بقيت ساكتةة ومن صدوك انصدمت راسا حجيت بخجل........يعني تحبني

سهم>>اشوفج باجر من ارجع للبيت ديري بالج على نفسج حبيبتي باي

ميار>>سداه وكعدت على الجرباية واضحك بس المن اضحك دايما سهم يكولي حبيبتي ويتغزل مو صعبة عندو بس ما يلفظ كلمه احبج هل الدرجة صعبة عندو يا الله خابرت شاهين

شاهين>>يهلا بالحلوةة

ميار>>يهلا باخو الحلووة

شاهين>>هههه شلونج حبيبتي

ميار>>الحمدلله حبيبي وانته

شاهين>>والله زين كولي يروحي محتاجة شي

ميار>>لا حبيبي بس خاله عزمتك يمنا على الغدا

شاهين>>اليوم ماكدر

ميار>>شاهينوووو

شاهين>>ولج وعيونج عندي اجتماع وي شخص بلمكتب وعندي جلسة اخيرة ماكدر اجي حتى للبيت راح اتااخر

ميار>>لعد تجي باجر حبااب

شاهين>>باجر يمج ومن الصبح حتى لا تزعلين

ميار>>فدوه اروحلك يروحي بس مو تلتهي بلاوراق وتنسى نفسك بدون اكل واني كل شوية حتصل عليك حتى اكولك اتغديت لو لا

شاهين>>ههههه تمام بنيتي ما انسى يله حبيبتي سلميلي على ام سهم واعتذريلي منها وانشالله اجيج باجر

ميار>>يوصل حبيبي بيباي.....سديته وطلعت من الباب انضربت بسوسن ورونق باوعتلهن راسا رجعن ليورة

سوسن>>ميار هو انتي مو

ميار>>شنووو؟؟؟

رونق>>ردنا نصيحج خاله تريدج

ميار>>يي اجيتها سديت باب الغرفة ونزلت وراهن

ام سهم>>ها ميور بشري

ميار>>خاله عندو شغل وميكدر كال انشالله باجر اجي

ام سهم>>هلا بي شوكت ما اجه بيته هذا

ميار>>ضحكت بوجه خالتي وكعدت على التخم وهنه بقن يحجن ماكو ساعه واتغديناا سوة وهنا عافن الصينية ورجعن كعدن بعيدات المصيبة اني اتخبل من هاي الشي ما احب هل الطبع اعتبره اهانةة لهيج سويت مثلهن كمت بحجه اسوي چاي واخذت صينية وخليتها على الطبلة مالت الاكل

،،،'وصعدت للغرفة شفت ميمي كاعدة بدلتلها ونزلت ميمي حليانة وهلفترة عدها سنون وصح تمشي بس توكع واكثر منكدر نعوفها بوحدها لان تزحف على الدرج والدرج بايات وبي باية والثانية فتحة كبيرة نوب نخاف توكع منها وخاله من تكول لسهم على حجلة مدري ليش ميقبل يجيب يكول بعدهي صغيرة وخاف توكع ومنو ينتبه عليها ويوووو وميه حجة

،،،،،وشكد يخاف عليهااا وصلت يمهن على نفس كعدتهن وخاله من كملت غدا راحت تصلي وي ما وصلت للمطبخ اخذت كاسة سويت لميمي اكل مرگ ونص صمونة ودامرد بيها وطلعت كعدت مقابيلهن وداكول بيها وخالة عااطت

ام سهم>>سووووسن

سوسن>>ها يمة

ام سهم>>احترمي النعمة بعد امج عيب هيج كومي نضفي الطبلة من شوكت تبقة هيج بيها اكل

رونق>>ميار مو كملنا قبلج

ميار>>يي مو شفتي اكو صينية جنت دالم بلماعين بس من سمعت صوت ميمي رحتلها

رونق>>لعد احنه ما سمعناهااا

ميار>>انتي طرشة شسويلج مثلا....من سكتت وخاله باوعتلي كمت وخليت ميمي على التخم حتى ابين انو اني ما متعمدة من سويت هيج وحجيت وي خالة....خالة عينج عليها بين ما الم الماعين وانصي الجاي

ام سهم>>اكعدي بمكانج يمه هنه مو صغار اشو رونق اكبر منج وهيه مو خطار اشو دايما تجي وي سوسن وسوسن هذا بيتها بس اكو ناس من تصافى ينسن نفسهن هنه منوووو بهذا البيت

ميار>>كعدت وهيه بقت تحجي عليهن وعلساع رونق خجلت بلعكس تضحك واكفة تباوع على خالة وسوسن صح دنكت ومشت تشيل الماعين والثانية كعدت ولا عبالك خاله رزلتها عجيب اهلها وين عنهااا هااي ميسألون

،،،،اشو اني لو ما زواجي يفرض عليه اكعد ابيت سهم والله ولا افارگ شاهين لحظةة كعدت خاله بصفي وسوسن جابت الجاي وميمي كملت اكل رحت غسلتلها وبقيت الاعبها وهيه تضحك

......فدوه اروح لهل السنون الحلوة ههههه

ام سهم>>هههه تدرين ميار وداعه ولدي من اشوفج هيج وي ميمي اكول لو اموت ولا اخاف عليها

ميار>>كولي ياالله خالة الله يطولنا بعمرج وتشوفينها عروسة

رونق>>ليش ما تشوف جهالج لو ناوية مثل غيرج؟؟

ميار>>اني بت اصول ماعندي هيج سوالف يكفيني كلام خالة وياي والكل مو كولشي بلدنيا فلوس وطمع

ام سهم >>يي صح مو كلشي طمع متشوفين اكو ناس ليهسه باقيه على طبعها وما ربحت

ميار>>يي هواي واولهن يلي يكرهن سهم

رونق>>منو قصدج؟؟

ميار>>كلام خاص بيني وبين زوجي مو كولشي لازم ينحجي بس سولفلي على كم وحدة وصح طلع كلامه من عاشرتهن طلعت نفس الصنف يلي يكرهه سهم

ام سهم>>ههههه ياااا ولج ميار كمتي تحجين مثل سهم والحسين..

ميار>>هاااا؟؟

ام سهم>>ولج شنو ال هاااا انتي النسخة الثانية مالته

ميار>>ههههه بقيت اضحك من خالة تحجي علية وشلون هيج احجي مثل سهم ونضراته ودك جهاز خالة

ام سهم>>ها يمة شلونج تمارة ومحسن شلونهم.......ياااااا عليج الحسن تحجين صدك شوكت هااي ليش ما خابرتوني.....يمه محد بقالي من غسق غيرهم يمه

ميار>>استغربت خالتي بجت وعيوني يجرن كمت سحبت الجهاز منها.....الوو

سمر>>الوو خالة والله ما بيهم شي ليش ما تصدكيني

ميار>>اني زوجه سهم ميار

سمر>>هلو حبيبتي فدوه كولي لخالة ما بيهم شي واذا تريد تجي خليها تجي هسه للمستشفى اليمنا بس مصخنين لان استبردو

ميار>>عرفت كاعده تحجي على اطفال المرحومه اخت سهم وخالة بقت تبجي خطية....زين عيني شوية ونجيكم للمستشفى

ام سهم>>خابري سهم خلي يجي

رونق>>اني اخابرة خالة

ميار>>شفتها على السريع اتصلت وسهم ميجاوبها فوك المرتين اتصلت.....خالة سهم عندو عملية اليوم

سوسن>>اني اوديج يمة كومي

ام سهم>>يي جيبي عباتي ركضي

ميار>>خالة مو داتكول البنية ما بيهم شي ليش تبجين مو زين

رونق>>هاي مرت الاب قابل مثل الام وتحن عليهم

ميار>>اجتي سوسن وخالتي لبست عبايتها وشالهاا ورادن يطلعن

سوسن>>يلة رونق

رونق>>لا وين اروح مو تدرين متعاركة وياها وبس اشوف الجهال تعبانين اكوم هناك واسحلها من شعرها

ميار>>ايباااااخ نهجم بيت جون سينا يابة هنه طلعن واني بقيت كاعدة مقابيلهااا

رونق>>ميار

ميار>>خير

رونق>>تعرفين بسرى منوو

ميار>>زوجة سهم وكولشي اعرف عنها وعن الاتفاقية ومنو كال لسهم باختصار مفيد اي اعرف

رونق>>اهاااا والله زين هاي بيوم سولفلج

ميار>>غير اني مرته

رونق>>هسه يضل بالة يم الاتصال خلي اتصل عليه احسن

ميار>>هههه اتصلت وهم ماكوو شي وبقت تتصل وماكو كلت خلي اجاريها بلمنافسة مال الاتصال واللعب وياهاا.....ميمي تعاي نخابر بابا......خليتها بحظني واتصلت بي شوية اتاخر ونوب رد....هلو سهم

سهم>>هلو حبيبتي شلونج

ميار>>تمام الحمدلله يمنا خطار اليوم

سهم>>شاهين صح

ميار>>لا شاهينو طلع عندو شغل وما اجة اليوم بس رونق يمنا

سهم>>اهااا وليش تتصل عليه اذا يمكم

ميار>>هاا اتصلت عليك لان خالة راحت تشوف جهال المرحومه لان مريضين وبلمستشفى وسوسن وياها

سهم>>منو يمج؟؟؟

ميار>>بس اني وميمي ورونق يمي

سهم>>تمام عيني دقيقة خليج وياي على الخط.....رحت لحسام اشرتلة وانطيت المكالمه كتم

حسام>>ها سهم

سهم>>راح ارجع للبيت كملت العملية بس دير بالك على ابو العملية امي شوية تعبانة

حسام>>من عيوني دكتور

سهم>>واي شي يصير اني اجي ماطول

حسام>>لا يابة اخذ راحتك حبيبي

سهم>>ماشي ثيمالله......باوعت للمكالمه ليهسه موجودة فتحت الكتم.....ها بزونتي

ميار>>ها سهم وين رحت

سهم>>ما رحت موجود....بقيت على الخط احجي وياها لحدما وصلت للبيت ومن دكيت الباب اتعمدت اسد الخط ردت اعرف منو بيهن تفتح الباب

رونق>>اجيت عيني اجيت

سهم>>لانعل ابوج لابو عينج يي والله

رونق>>سهم همزين اجيت جهال غسق مريضين كلش نروح سوة نشوفهم

سهم>>ام الاخبار مو بيدها عفتها وطبيت ليجوة شفت ميار وبحظنها ميمي وتصفگ الها من شافتني ضحكت وكامت

ميار>>الله يساعدك

سهم>>فدوه لهل الكلمه التشرح الصدر......ويساعدج حبيبي

ميار>>ميمي اجة بابااا

سهم>>ههههه ما تنتبهه هسه بيدها الجهاز وطيور الجنة

ميار>>هههه لعد تضل تبجي اسكتها بطيور الجنة صدوك جوعان

سهم>>يي والله بس شبيهم جهال غسق

ميار>>مصخنين واتصلت امهم على خاله وكالتلهه لان الجهال رادو خالتي

رونق>>هاي مرت ابوهم امهم ماتت

سهم>>اكرمينا بسكوتج وليش ما رحتي وياهم

ميار>>مو كالت اشوف البنية وتروح تسحلها

سهم>>اهاااا على كيفج بوية مثل ما سحلتج من ضربتي محسن وزورگت وجهج صح

ميار>>ههههه من صدوك ضحكت وما كدرت اضم ضحكتي سهم باوعلي وهز ايدة وصعد للغرفة واني بقيت اضحك شلت ميمي وصعدتها يمه ونزلت حميت الاكل وصعدته لسهم ردت انزل

سهم>>ووين

ميار>>يم رونق عيب تبقة بوحدها

سهم>>متعرف العيب هاي لو تعرفه جان راحت لاهلها ابقي هنا عوفيها

ميار>>بقيت يمه كاعدة لحدما شوية وميمي نامت خليتها بجربايتها ورحت يمه كعدت.....سهم اكو شي ناقص بقصتك وي سرى ورونق

،،،،باوعلي وخزرني وما كال شي ابد خفت اكوم من يمه ويصيح عليه وهيه موجوده وخفت ابقة ونوب يمد ايدة عليه.....

♡'''''''''''''''♡'''''''''''''♡''''''''''''''''♡

نبضاااتي البارت هذا اسفة علتاخير حبايبي +شنو تتوقعون ردت فعل سهم

💬💬💬ادعولي باجر الله يسهل الي عندي طلعه وخايفة وعيونكم نبضاتي فدوه ادعولي بلتوفيق 😢😢😢😢

nosha🙈❤