رواية شوگ و ورد الفصل العاشر 10 - بقلم wad. al.Basha

للكاتبه: ود الباشا

لا شيء لنا وحدنا، لا الأشخاص ولا الأماكن، إننا لا نمتلك على هذه الأرض شيء، سوى اللحظة.. التي مرّت بنا جميعاً.

غسق: ممكن تفهمني شصاير منو مات
بقئ يباوع بوجهي

ارشد: عمج سوه حادث الاسبوع الفات واليوم توفه ادعيله بلرحمه

غسق: بقيت صافنه بوجه بلعت ريگي الكلمه بلكوه طلعت مني يا عم

ارشد: علاء

غسق: حجاها وفرگ عيونه
باوعتله بصدمه حسيت عيوني غوشت
تتشاقه مو؟ رفع راسه باوعلي

ارشد: البقيه بحياتج الله يصببرج ويبرد گلبج

غسق: انت تعرف شدتحجي؟؟
الله يخليك كول داشاقه ويااج مبقاااالي غيره شلوووون يموووت ويعوووفني شلووون مو علسااااس يسحبني يمه مو علساااااس يخلصني من عمي محمد وخليل مو وعدني اكمل دراستيييي يمه مايموت مايعوفننني جذاااب انت جذااااااب كمت فتحت الباب طلعت للكراج اجه سحبني من ايدي دخلني جوه

ارشد: ووييين

غسق: صفنت بوجه كول جذب الله يخليك ماتحمل والله گلبي ياذيني بقئ ساكت تقربت دفعته احجيي احجييي لا تسكت احجييي كووول داجذذذذب علييييج صفگ ايده

ارشد: تتوقعييين هييييج فاااارغ واكعد ااجذب عليج بهيج موووضوووع

غسق: وكعت من طووولي اريد استوعب ماكو حسيت فصلت غمضت عيوني ليش عموو مو تدري ماعندي غيرك شلون تعوفني مو كتلي اجيبيج يمي واعيشج اميره ليييش رحت وخلفت بوعدك محتاجتلك ليش عفتني منو الي من بعدك منووو

ارشد: لا توكعين عليه رحمه للكائنات لا تخليني احير بيج كومي غسلي وجهج وتعالي احجيي ويااج

غسق: بقى حجيي؟

ارشد: عمج مات مو يعني نهايه العالم اول وتالي لازم توكفين علئ رجلج وتعيشين حياتج

غسق: حياااتيش منو بقالي علمود اعيش حياتي علمووده

ارشد: شنننو راح ادفنييين نفسج مثلاً جان دفنتي نفسج وره ابوج وامج حاااولي هاي الادراماااا تبطليها

غسق: انت انسااان بلا احساس بلا مشاااعر
بقئ يباوعلي كمت غسلت وجهي والشهگه بعدها بصدري جنت منتضرته علئ اي ساعه يجي وياخذني يجي ويلمني بحظنه ويمسح على راسي بس شصااار؟
هوه هم عافني عافني وحدي بهلدنيا منو الي بعد منو اليباوع علئ حااالي
كعدت علئ القنفه اجه كعد كبالي

ارشد: الانهيار مراح يفيدج بشي صدكيني خليج قويه

غسق: دنجت راسي مابيه حيل احجي وحتى لو حجيت مراح يفهمني ويفهم حرگة گلبي والوحده الااني بيها يعرف العشته لا يعرف بشنو مريت لا يعرف الدلال العشته يم بابا وماما والذل العشته يم محمد وخليل لا ليش اتعب نفسي واحجي اول وتالي مراح يفهمني

ارشد: تشوفين نفسج زينه علمود نرجع للبيت؟

غسق: دنجت راسي دموعي يوكعن علئ ايدي باوعتله اخذني لبيت عمو محمد اكيد مسووي فاتحه

ارشد: انتي ماتجووزين؟ رحتيي وطردج من الباب شعندج رايحتله

غسق: غصب عنه يتحملنييي اريددد اروح لفاتحة عمييي

ارشد: كومي نشوف تاليتها

غسق: كمت واحس راسي افتر وكعت على القنفه وكمت ابجي بصوووت حسره بكلبي ماترضى تطلع

ارشد: ماتعبتي اترحميله

غسق: مسحت دموعي ورجعت گمت طلعنه ركبت السياره

ارشد: متاكده تردين ترحين لعمج؟

غسق: هزيت راسي اي
ماحجه شي وصلنه يم بيتهم ماكو احد ولا مسووي فاتحه معقوله مايدري اي اكيد مايدري نزلت بسرعه لزمتني شهكه ودموعي عشره عشره
ارشد بقى بلسياره طلعت ام رافد باوعتلي من فوك ليجوه واتخوصرت

ام رافد: خيير عيني شجااايبج

غسق: مسحت خشمي بطرف ردني خاله وين عمو

ام رافد: خل خاله تخلخل عظااامج شرايده

غسق: عموو علاء مات ماتعرفون؟
حجيتها وشهگت

ام رافد: واني شسوووي يمه عندي واسطه وارجعلجيا مثلاً والله ياالله روحي بابا هيه شباب دتموتت

غسق: نترت بيها صيحيلييي عمووو غمتني

ام رافد: عمه العماااج اي والله مووو بلبييت فااارگي وجهي

غسق: ماتسووون فاتحه حاجينيي الله يخليج خاله بس فهمينيييي

ام رافد: روحييي لاخوووج المدمن يسوويله فاتحه احنه شكوووو عيشتنه علئ كدنا

غسق: حجتها وطبگت الباب بوجهي باوعت علئ ارشد يباوعلي ويدخن ميل راسه عود رجعي للسياره باوعت علئ البيت بقهر ورحت للسياره مكسووره وعمي كسرني اكثررر

ارشد: راسج يابس وماتسمعين الكلمه

غسق: دنجت راسي العب بصابيعي ودموعي تتزل وصلنه للبيت باوعتله
وين يدفنوو

ارشد: مرته ماقبلت احد يجيبه للعراق كالت مارجع اني متعوده بيتي واولادي متعودين  دفنو اهناك

غسق: مسحت دموعي ورجعن نزلن
نزلت دخلنه جوه لاكتني خاله تقربت حضنتني ردتها من الله

ام ارشد: البقيه بحياتج يمه سوده عليه بنيتي

غسق: روحي مكسوره حتئ مالي عين واباوع على احد بيهم خاصه ارشد انكسرت كدامه من عمي طردني

ام ارشد: شوفي حاالج بنيتي روحي غسلي اجيبيلج لكمه تاكليها

غسق: مكدرت احجي او ارفض احس روحي فاصله دخلت للغرفه قفلتها وكعدت اهنا هاجت عليه مواجعي اهنا حسيت بوحده حسيت بگلبي يتگطع والشهكه التطلع من صدري تجرحها بجييت بصوت عالي حسيت جبااال على جتاافي بقيت ادگ علئ رجلي اريد الوجع يطلع مقهووره على عموو مااريد اروح يمه والله راضيه ابقئ بعيده بس ياربي خلي يرجع لعائلته اندكت الباب

ام ارشد: افتحي الباب يمه غسق حد يوومه مايصير الدتسوووي اترحميله

غسق: مكدرت احجي احس صوتي ميطلع وبلعومي مجرح

ام ارشد: حبيبه لا تخلين بالي عليج

غسق: مابيه شي خاله اريد انام بلكوه حجيت وصوتي رايح مطبگ

ام ارشد: نامي يمه ارتاحي

غسق: لزمت حلكي بثنين ايده اكتم صوتي وبجيتي ماااريد احد يشفق عليه ويكول ضلت وحدها بين ناااس غربه وينك عموو حبيبي حتئ فااتحه ماسوولك عسااني اني المييته خليت راسي على المخده
بقيت ابجي علما نمت واني مهضومه وتايهه بروحي
كعدت ثاني يوم علئ دكه الباب بلكوه فتحت عيني راسي مصدع كمت فتحتها

ام ارشد: صباح الخير

غسق: صباح النور

ام ارشد: طلعي اكلي لكمه ويانه يلا بدون اعذار

غسق: ممشتهيه والله بلعافيه

ام ارشد: كلت بدوم اعذارر يلا يمه منتضرتج

غسق: عافتني وراحت غسلت وجهي باوعت بلمرايه عيوني مورمه ليش عفتني منو الي بعدك يسأل عليه
رجعت اندكت الباب نشفت وجهي وطلعت خاله شافتني ابتسمت لزمت ايدي

ام ارشد:  ادري بيج ماتجين الا اجي اسحلج سحل

غسق:  ماحجيت شي رحنه للمطبخ كلهم كاعدين عمو رائد ارشد ريتاج صبحت عليهم وكعدت بصف خاله

ابو ارشد:  البقيه بحياتج يابه

غسق: رفعت راسي باوعتله وطكيت بجي اريد كلمه تطلع مني ماكو

رائد: لا تبجين وتأذي ترحميله والبقيه بحياتج

غسق:  مكدرت احجي لزمتني شهگه كمت من مكاني بلكوه نطقت اترخص دخلت للغرفه احس سلاسل برگبتي خانگتني مرت الايام وصار شهرين علئ وفاء عمي من يومها واني حابسه نفسي بلغرفه يمكن لان ماريد اشوف نظراتهم التقهرني اكثر او يمكن خوف اي خوف على يا ساعه يطردوني وين اروح بهل شهرين هواي سمعت بسامير من ريتاج وحقها بس شبيدي والله لو عندي مكان دقيقه وحده مااكعد اهنا ارشد مشايفته لان مداطلع من غرفتي بس مرات خاله تجي تسحلني سحل للريوك اليوم حسيت نفسي مخنوكه كلش لميت شعري وطلعت للحديقه كعدت جريت نفس بتعب شراح اسوي؟ 
شلون راح اتحمل ؟ افكر ارجع اعيش ويا خليل بس اخاف ماكدر أمن بي بعد السواء بيه سمعت صوت حمحمه التفت ارشد بسرعه كمت اريد ادخل جوه مالي خلك مشاكل واذا مرته شافتني ويا تكعد تهلهل على راسي وحتئ ماكدر اجاوبها ماعندي احد اروحله

ارشد:   وين رايحه دقيقه احجي وياج

غسق: بخصوص؟

ارشد:  حالتج

غسق: شبيها حالتي هياتني گبالك عايشه

ارشد:  اي واضح داشوفج طالعه من المگبره بكفاله

غسق:  باوعت عليه ورجعت نزلت عيوني بلكوه مصبره نفسي مابجي

ارشد:  كعدي احجي وياج

غسق:  كعدت هوه هم كعد كبالي

ارشد:  شوكت ناويه اطلعين نفسج من هلقوقعه
شايفه حالتج تره مراح تموتين بهلطريقه مجرد دتعذبين نفسج وتااذين الماتوو

غسق: مو بيدي احس الدنيا مابيها لون غير الاسود

ارشد:  ذكري الله حد يومهم هذه وماكوو اعتراض على حگمة ربج
حاولي توكفين على رجلج وترجعين لدراستج طلعي من هلقوقعه

غسق:  ماريد ارجع لشي ولا عندي اي هدف اني عايشه حتى امووت او بلاصح منتضره المووت ثانيه ثانيه
بايده سبحه يفر بيها باوعلي بتركيز

ارشد:  واصله مرحله انتي

غسق:  اترخص ردت اكوم زمخ بيه

ارشد:  كعدددي داريد اكل تبن وياج بعدني مامخلص

غسق:  اني ماعندي اي كلام وماريد اسمع شي اشرلي

ارشد:  كعدي

غسق:  كعدت متنرفزه

ارشد:  انه اريد احجي وياج لمصلحتج  لو جنتي انتي المييته تتوقعين اكو احد ينهي حياته وينتضر المووت لخاطرج؟

غسق:  بقيت ساكته

ارشد:  لا تجاوبين انه اجاوبج مستحيل الله وكيلج من اول اسبوع كل واحد يشوف حياته وشغله ثانيه مااحد يموت وره احد خليها ابااالج قبل سنه تقريباً خسرت صديق اعز من اخوي الله شاهد اكلنه وشربنا ودوامنا ونومتنا وكعدتنا سوه تاذيت حييل عليه بعد اعز من اخوي عليه بس مامتت ورااء ولا وكفت حياتي من اذكره كلبي ينعصر عليه. بس شبيدي امر الله ولا اعتراض
يكول  ابراهيم الفقى

لولا وجود عكس المعنى لما كان للمعنى معنى، فلولا وجود العُسر لما كان لليسر معنى، ولولا وجود التعب لما كان للراحة معنى، ولولا وجود الحزن لما كان للفرح معنى، ولولا وجود الظلام لما كان للنور معنى

حتى الحزن بحياتنه اله معنئ علمود نحس بطعم السعاده

غسق:  انت متحس بلنار بلكلبي لو اكعد احجيلك منا لبعد سنه بس اطلب منك طلب هز راسه بمعنئ احجي
اريد اروح لخوالي بس مااعرف عنوانهم

ارشد:  ضايجه من الكعده عدنا ؟

غسق:  لا بس تبقون غربه عني وكعدتي زحمه عدكم وبعدين خوالي موجودين

ارشد:  صار باجر اشوف وينهم واردلج خبر

غسق:  شكراً ماتقصر ترخصت منه دخلت جوه صارت بوجهي ريتاج عيونها دم نظراتها قاتله حسيتها تريد تهجم عليه عفتها ودخلت للغرفه كلامه اثر بيه صح ملازم هيج اسوي بنفسي لشوكت ابقى بحزني اذا اني مااوكف على رجلي واسند نفسي منو الي منو راح يسندني مرت يومين والوضع عادي بس اني احس روحي ثكيله كلش عليهم رغم همه الله شااهد مامحسسيني بشي كاعده وماخذتني صفنه اندكت الباب خاله

ام ارشد:  همزين كاعده ارشد اجه من الدوام ويريد يشوفج

غسق: جايه راحت كمت غسلت وجهي وطلعت شفته كاعد بصاله ريتاج يمه سلمت عليهم همست صحتني

ارشد:  اي كعدي احجي وياج

غسق:  كعدت اتشرد بعيوني من ريتاج ربگتني نظراتها

ارشد:  عندج خال اهنا اسمه اكرم اما الثاني مادري بي ويين تحبين ترحين تشوفي؟

غسق:  بلعت ريگي اني علاقتي بخوالي مو قويه حتى قبل جنه نروحلهم بس بلمناسبات والاعياد
ماكدرت احجي العبره خانگتني

ريتاج:  اي حبيبي طبعاً تريد بين اهلها وناسها احنه نبقى غربه عنها

غسق:  رفعت راسي باوعتلها ورجعت باوعت على ارشد خازرها همست ربع ساعه احضر نفسي ماحجه عفتهم وطلعت الدمعه واكفه بعيني ممتعوده على خوالي اخاف مايستقبلوني اخاف ارجع اتفشل وانهضم بسببهم اشيل بغراضي وابجي كملت غسلت وجهي رحت للمطبخ اشوف خاله اودعها شفت ابو ارشد ورائد هم كاعدين سلمت بست راسها خاله اني رايحه

ام ارشد:  وين رايحه

غسق:  عند خالي

ام ارشد:  تعودنه عليج والله خليج عدنا

غسق: حضنتها وضليت ابجي احس بخووف اريد احد يحضنيي يطبطب على ضهري شعور غريب بداخلي
اجوي ارشد وريتاج مطنگره

رائد:  ابقي عدنا شعندج رايحه الوالده تعوده عليج

غسق:  يحجي ومبتسم صفح واني ابد ماارتاحله
مجاوبته

ام ارشد:  اي والله تعودت عليها

غسق : حضنتني فدوه لگلبج خاله
مسحت عيوني ودعتهم شلت اغراضي وطلعت نظرات رائد ربكتني.ركبت السياره ودامسح بدمووعي طلعو ثنينهم للكراج عصبيين واحد يشمر علئ لخ بيده
ماهتميت حتئ عيوني نزلتها مباوعت عليهم
اجه ارشد رگب السياره وطبگ الباب بكل حيله

ارشد:  متاكده تردين ترحين؟

غسق:  هزيت راسي اي
محجه شي طول الطريق ساكتين وصلنه لمنطقه شبهه شعبيه. وصلنه يم بيت وكف السياره ونزل نزلت وراء
دگ الباب واني اعصر ايد بايد من التوتر باوعلي

ارشد:  ليش هلتوتر لا تتخربطين عليه

غسق:  مسحت دموعي لا ممتوتره
نفتحت الباب طلع شاب تسالمو

ارشد:  بيت اكرم؟

اي نعم وصلت تفضل

ارشد:  اذا موجود صيحليا عنده أمانه يمي

صار دقيقه

غسق: راح يصيحه باوعت علئ ارشد يباوع عليه
ويدخن

ارشد:  قبل لا يجي خالج متاكده من هلخطوه انتيي اذا صرتي بأيده تره بعد ماتكدرين اطلعين منه بسهوله واذا طلع مو كفو ماكدر اساعدج يبقى خالج وانه الغريب ماكدر اتدخل

غسق:  احس بلعومي يابس وشفافي ترجف هزيت راسي ادري انت ماقصرت اشكرك على كلشي
هز راسه بدون مايحجي اجه خالي  شافنه طبگ حواجبه

اكرم:  تفضل اغاتي

ارشد:  زاد فضلك عمي ممنون بس هاي امأنتكم كلت اوصلها الكم

اكرم:  امأنه شنو وليدي هيه هاي منو

غسق:  باوعلي وتقرب همس

ارشد:  هذه هوه خالج؟

غسق:  اي هوه

ارشد:  السالفه طويله بس هاي بنت اختكم المرحومه

اكرم:  غسق كبرانه خالي وصايره مره تقربي بعد خالج

غسق: تقربت حضني وباس راسي

اكرم: تفضل ابني البيت بيتك

غسق:  دخلنه البيت تعبان مبينه حالتهم ضعيفه العرفته عنده خمس جهال ثنين من مرته المحرومه كبار زيد و زينه
ومن مرته الثانيه كلهم صغار

ارشد:  مثل ماكتلك عمها سوه حادث اسبوع ونطاگ عمره وتعرف وضع عمها الثاني واخوها ميحتاج احجيلك

اكرم:  اخليها بعيني امانتك وصلت واشكرك ماقصرت

ارشد:  ساالمه عينك انه اترخص

اكرم: مرخووص وليدي

ارشد:  غسق اغراضج بلسياره

غسق:  رحت وراء انطاني جنطتي وكف كبالي طلع موبايل وفلوس

ارشد:  هذه الجهاز خلي عندج اذا احتاجيتي شي خابريني لا تترددين ابدد وهاي كم فلس خليهم جوه ايدج

غسق:  ممحتاجه شكراً الك ماقصرت

ارشد:  احسبيهم دين وخليهم عندج وهذه جهازي الثاني مصار عندي مجال اشتريلج

غسق:  هزيت راسي شكراً
ابتسم

ارشد:  يلا ثيمالا

غسق:  الله وياك طلع وبقيت واكفه بمكاني صح بيت خالي بس ماما جانت مبتعده منهم يعني ماعرف شي عنهم غير اسمع مقتطفات من هذه وذاك لليوم مبايته ابيتهم دخلت ابتسم خالي اشرلي اكعدي
كعدت مقابيله

اكرم:  اخوج وعمج محمد ويين ؟

غسق:  عمو محمد مايريدني وخليل انت تعرف عنه كلشي

اكرم:  وشسوووين بيت ناااس غرربه ماستحيتي على نفسج

غسق:  عمو الله يرحمه هوه أمني يمهم فتره علما يسحبني عنده بس مصارت

اكرم:  جان اجيتي عندي لو مو من مقامج بنت محموود ؟

غسق:  لا مو هيج بس مجنت اعرف شي عنكم ولا اندلكم وانتو هم محد سأل علينه جر نفس

اكرم:  سالفه طويله وابوج وامج همه الجانو مبعدين نفسج يدورون مقامات

غسق:  ردت احجي دخل زيد سلم رديت السلام برتباك

اكرم:  شوكت تطلعون للشغل

زيد:  بعد وكت يابه

اكرم:  اني نص ساعه واطلع
امك وين

زيد:  بلمطبخ دتووكل الجهال

اكرم:  موو تريكووو شكو بعد توكلهم

زيد:  يااابه يعني جوعانين ليش توكلهم برئيك

غسق:  بقيت صافنه على كلامه جان زمخ بيه كمزت من مكاني

اكرم:  كوووومي شوفي خالتج سلمي عليها شكو انزرعتي كبالي

غسق:  بلعت ريكي طلعت بيتهم تعبان كلش ووصخ يعني غير صالح للعيش
دخلت للمطبخ شفت مره كاعده توكل جهال يطلع عمره ثلاثين من شافتني كامت سلمت عليه

كعدي حبيبة فدوه لهل وجه

غسق:  ابتسمت بوست الجهال وكعدت يمهم

انتي بنت اخت اكرم

غسق: اي

فدوه حليوه مطالعه علئ خالج الغثه

غسق: ابتسمت عيونج الحلوه

اني اسمي سهير

غسق:  عاشت الاسامي

سهير:  اصبلج جوعانه

غسق:  لا عاشت ايدج

سهير:  احجي وياج بس لا تفهميني غلط فدوه لكلبج

غسق: لا عادي احجي

سهير:  شجابج اهنا لو باااقيه بيت الغربه احسلج

غسق:  ليش مفتهمت رادت تحجي ودخل زيد

زيد:  ساعه ونطلع حضري الجهال

سهير:  مالي خلك اليوم ماطلع

زيد:  موو بكيفج فضيني لا رجلج يسويها عرس على راسنه

غسق:  حجاها وراح وين ترحون

سهير:  للشغل خيه للشغل

غسق:  مارتاحيت ابد حسيت ورطت روحي عافتني اخذت جهالها وراحت بقيت وحدي للساعه ب عشره بليل رجعو الجهال منتهين من التعب وهيه الدمعه واكفه بنص عينها
ماحجيت شي راحت للغرفه صايره بلچعب رحت وراها غرفه تعبانه حيل ماكلها الرطوبه فرشت للجهال

سهير:  افرشلج بصفهم

غسق:  هزيت راسي اي مر اسبوع وهمه يوميه يطلعون من العصر لليل بس محد اله علاقه بيه لا بشينه ولا زينه اخر مره كتلهم خطيه الجهال خلوهم يمي ماقبلوو
طلعو كمت سديت الباب وكعدت اكلب بلموبايل دخلت على الصور عنده هواي صور بملابس العسكريه وبدشداشه بقيت اگلب طلعتلي صوره كاشخ بيها ومبتسم وكدامه ميز عليه بطاله وكاعده يمه وحده ايه من الجمال ملابسها خزي بلعت ريكي منو هاي ماهتميت بس بقت ابالي معقوله يخون زوجته رغم زوجته احلى منها مقاصره شي طلعت الارقام ادور رقم غسان بس مالكيته بقيت افتر بلبيت ميسوي وهس انضفه ماكله الوصخ عفته كعدت بلكراج شويه اشتم هوه اختنگت دخل خالي ضايج

اكرم:  ماجووي سهير والجهال

غسق:  لا مو طلعو وياكم

اكرم:  جيبيلي مااي

غسق:  كمت انطيته ماي وينهم خوما بيهم شي

اكرم:  لا مابيهم ان شالله شويه ويرجعون

غسق:  بقينه ننتضرهم ماكوو زيد رجع بليل بدون مايحجي شي فرش ونام خفت اسالهم سهير والجهال وين لان مبين عليهم مرتبكين ثاني يوم الضهر رجعت تبجي وتعاركت ويا خالي ملخت نفسها كلشي مافتهمت من كلامها اخذت الجهال ودخلت للغرفه خطيه خافو
كعدتهم وطلعت شفته ديضربها

اكرم:  غصببب عنج اطلعييين منين اوكلكم لعدددد

سهير:  توكلنننه من الفلوووس النااايم عليها المن ترررريدها تستغلني وتستغل جهاااالي لان ماااعندي احددد

اكرم:  شمستغلج بنت الكلب كووومي للغرفه لا اجرم بيج

غسق:  فرك وجه وباوعلي ابتسم

اكرم:  من باجر انتي اطلعييين بدال خالتج علما ترتاح شويه

سهير:  عووووف البنييه عوووفهاااا متخااف عليها تذبها بلشارررع ولو انت زايعها

غسق:  اجه زيد سحبها تسحب للغرفه

اكرم:  سمعتي مثل ماكتلج حللي لگمتج وباجر طلعي بدالها

غسق:  وين اطلع

اكرم:  على باب الله

غسق:  يعني ششتغل

اكرم:  نفترر بين السيارات ينطوونه هل قاسمه الله

غسق:  يعنييي اجدددي

يتبع<>
للكاتبه:  ود الباشا

‏"لا تهوِّن علينا رغباتنا المؤجّلة وأحلامنا الشاهقة، واجعل أحزاننا مهما تعاظمت برحمتك تتلاشى، اغمر هذه الأوجاع بحنانك، واكسر هذا الشّك بصلابة اليقين، اجعلنا قادرين على العيش مهما تقلّصت الأسباب، ومهما شح الشّغف، بلغنا الوصول رغم استحالته، قصِّر المسافات، وقربنا لما نسعى إليه" آمين