رواية شوگ و ورد الفصل الحادي عشر 11 - بقلم wad. al.Basha

للكاتبه:  ود الباشا

لا شيء يؤلم أكثر من تلك الأحزان التي تأتي دفعة واحدة،
أن تشعر أنك مثقل ولم تعد كالسابق أن لا تستطيع نطق كلمة وأن تختار الصمت بدلاً عن ذلك، أن تتلاشى رغبتك بالحياة ويصبح كل ماتريده هو النوم .

غسق:  يعنيي اجدددي زمخ بيه

اكرم:  اخاااف معاجبج بنت محمود باشا

غسق:   ماسووي هيج ما اكدر ادور على شغل اشتغل

اكرم:  واني انتضرج علما تلگين شغللل باجر اطلعييين وماترجعين اذا مابجيبج فوك الخمسين

غسق:  بقيت مصدومه اني تالي اروح اجدي عفته ورحت للغرفه زمخت بيه سهير

سهير: لاا تسمعيين كلااامه رووحي منين ماجيتي تره يضيعج والله يضيعج مثل ماضيعني

غسق: خاله ساعديني فدوه اني ماريد اروح اجدي انتضروو علما ادور شغل واساعدكم

سهير:  لا عبااالج ناااقصه فلووس وحالته ضعيفه ناااايم علئ ملاااين بس هوه هيج البخل يمشي بدمه حتى اهلج جانو مبتعدين منه لان عرفوو بي يجدي بشوارع وهوه اساساً مامحتاج طلعي يمه روحي نفذي بريشاتج لا تخلي ياخذج لطريق مسدود

غسق: ماعندي احد وين اروح بقت مره تحجي ومره تبجي ماطلعنه من الغرفه ابد حتى حذرتني من زيد خفت اكثر ثاني يوم جبرني اطلع للشغل توسلت بي بجيت مفاد طلعت ويا زيد بمنطقه معينه عافني وهوه راح لغير مكان حاولت بس ماكدرت امد ايدي واطلب من احد ماكدررت اقبلها علئ نفسي كعدت على الرصيف ابجي هاي تاليتيي ؟ اجدي بلشوارع
طلعت الموبايل دكيت علئ ارشد مجاوب عفته بعد مادكيت اريد اسأل على خليل اخاف اروحله للبيت
لليل بقيت كاعده بمكاني مامديت ايدي لحد ولا بعمري راح امدها اني بنت ابوي الماعلمني امد ايدي للناس اجه زيد عليه

زيد:  ها بشري شكد حصلتي

غسق:  ماحصلت ولا ربع

زيد:   وراج كتله

غسق:  سكتت ماحجيت وصلنه للبيت منتضرنه بلكراج دخلنه وكف علئ حيله اي بشروني
زيد انطا الفلوس ودخل جوه دنجت راسي اني ماحصلت شي ضربني قوي على رجلي بلعوده خلاني اكمز

اكرم:  شنوووو ماحصلتييي المن طااالعه من الضهر

غسق:  لا تضرب حباب لا تضرب ماكدر امد ايدي للناااس مو مثلكم اني طلعت سهير ذبت نفسها عليه

سهير:  عوووفها ماتعرف للشغل بعدها باجر اطلع وياها اعلمها

غسق:  اخذتني جوه لزمت وجهي بثنين ايدها

سهير:  لا ضيعين نفسج شردي طلعييي منا

غسق: مسحت دموعي وين اروح

سهير: روحي لعمج طيحي عليه مهما يكون احسن من هذه الخنزير البره

غسق:  هزيت راسي جابت جنطتي خلت بي اغراضي طلعت فلوس خلت بايدي

سهير:  لا تخااافين صيري سباااعيه اذا تبقين اهنا تنتهين اتمنى اخلص واشرد وياج بس هلجهال هاي كاسره ضهري

غسق:  حضنتها وطكينه بجي ثنينه. نمنه للفجر كعدتني

سهير:  كومي قبل لا يكعدون 

غسق:  بعدها دنيا ليل اخاف والله

سهير:  كومي فدوه لعيننج خااافي منهممم ولج هذه الارعن يريد يبيعج يشتغلوون بيج

غسق:  شيشتغلون بيه لا عفيه ماعرف لشغلكم والله ضربت كصتها بايدها

سهير:   كووومي هسه لا تناقشين

غسق:  كمت لبست عبايه منعدها وخليت جنطتي على جتفي وطلعنه نمشي على طرف اصابيعنه لا هوه وابنه نايمين بلصاله

سهير:  محروسه باسم الله انتبهي علنفسج حبيبة

غسق:  بستها وطلعت اتلفت الرجفه بجسمي بقيت امشيي علما وصلت للشارع ماخذت تكسي خفت بقيت امشيي علما طلع الضوه والناس كثرت ركبت تكسي وانطيته عنوان بيت عمي طلعت الموبايل معقوله مشاف المكالمه جريت نفس ورجعته للجنطه وصلنه للفرع كتله يمك انطيته كروته ونزلت مشيت لبابهم بقيت اباوع خايفه دكيت الباب طلعلي رافد

رافد:  غسق شمذكرج بينه

غسق:  عمو موجود
عافني وراح شويه وطلعولي هوه ومرته

ام رافد:  خيير يا طير

غسق:  عمو اكدر احجي وياك

ابو رافد:  احجيي

غسق:  ماكلف نفسه وكال دخلي
ماعندي مكان اروحله مبقالي احد غيرك فدوه عموو لا تعوفني

ام رافد: بيتي يتعذرررج

غسق:  سكتت باوعت على عمي

ابو رافد:  روحيي منين مااجيتي

غسق:  دخلو وطبكو الباب بوجهي رجعت دكيتها عموو فدوه لا تسوووي هيج بداعة بابا
مافتحو بقيت كاعده طلعت الموبايل رجعت دكيت عليه جاوبني وهوه ديضحك

ارشد:  نعم تفضل

غسق: بلعت ريكي صعبه عليه سلام عليكم رد السلام اني غسق

ارشد:  اهلا غسق شونج

غسق:  الحمدالله

ارشد:  محتاجه شي

غسق:  خابرتك اسأل علئ خليل تعرف بي وين ؟

ارشد:  خليل وجماعته بلسجن

غسق:  ليش

ارشد:  سالفه طويله

غسق:  يعني البيت فارغ ؟

ارشد:  البيت خليل بايعه لان حضرته  مطلووب

غسق:  حجيت بصدمه بايعه

ارشد:  وين انتي

غسق:  ردت احجي ونفتحت باب بيت عمي طلعت مرته 

ام رافد:  شكوووو ليهسه كاعده بلبااااب كتلج مانلفي زبااايل يلااااا روحي لاخوووج تتوالمين انتي ويا

غسق:  الموبايل نسيته كلامها اذاني تالي كطعت الخط من فشلتي اذا سألني شجاوبه

بقيت امشي ومداعرف وين اروح الموبايل بايدي دك فوك الخمس مرات بس مالي عيين ارد تالي دزلي مسج فتحته

ارشد:  ردي خليني افتهم وين انتي

غسق:  دك. جريت حسره رديت عليه

ارشد:  وين انتي؟

غسق: بشارع

ارشد:  شسوووين ؟

غسق: سالفه طويله

ارشد:  وين بضبط انتي هسه

غسق:  بشارع بيت عمي

ارشد:  شمووديج اهناااك ابقي بمكااانج جايج

غسق:  ماكو داعي حجيتها وكطع الخط كعدت علرصيف طكيت بجي عمو محمد كلبه طيب بس مرته الحقيره متخلي يتقرب منعدنا من يوم يومها تكرهنا وماعرف شنو السبب
حسبي الله عليها علئ هلموقف الخلتني بي وكفت سياره يمي رفعت راسي نزع نظاراته واشرلي براسه بمعنى رگبي كمت نكتت ملابسي وصعدت بقيت ساكته

ارشد: مو اخذتج يم خااالج شجايبج اهنا؟

غسق:  شكوول والله اخجل اكله خالي يجدي بيا عين احجيها باوعتله والدمعه تلالي بعيني

ارشد:  شبيج؟  طردج اذاج؟

غسق:  مسحت دموعي بطرف ارداني هزيت راسي لا

ارشد: شسالفتج يابه احجيي خليني افتهم

غسق: اريد اشوف خليل فدوه باوعلي صفح

ارشد: خليل ديتعالج من الادمان حالياً مستحيل اخليج تتقربين منه لأن مؤذي بشكل بلكوه مسيطرين عليه

غسق: بقيت افرك بايدي متوتره خجلانه اخ مدمن خال يجدي عم ماريدني

ارشد:  تحجين لو شلون تره عفت شغلي وجيتج افتهم منج

غسق:  اني اسفه جر حسره

ارشد:  لا تتأسفين احجيلي شصار بيت خالج وليش كاعده اهنا

غسق:  خالي مو مثل ماتوقعت يريدني اطلع اجدي لزم بريك قوي وطبگ حواجبه

ارشد : شنووو؟

غسق: مسحت دموعي

ارشد:  ليش يعني تجددين حالته ضعيفه لهل دررجه؟

غسق: زوجته دكول عنده خير من الله بس هوه بخيل حتى زوجته واطفاله هم يطلعوون من العصر لليل والبارحه طلب مني اطلع رحت ويا زيد بس ماكدرت امد ايدي لاحد ماكدرت والله بابا ماعلمني هيج
من رجعت زورك رجلي بلعوده وزوجته كلتلي شردي قبل لا يضيعج ردت اروح يم خليل خفت لا عمر اهناك مااجى ابالي غيرك ورث جكارته وكل شويه يستغفر

ارشد:  ماعدكم واحد بيي خيرررر أمنج عننده

غسق:  بلكت تحجي ويا عمي محمد الله يخليك

ارشد:  اذا اشوفه نتعاارك وكلش مالي خلگه لو بي خير وكفوووو ميحتااج احد يروح يحجي وياا

غسق:  اخر مرره هز راسه ولف السياره وصلنه يم بابهم نزلنه دك الباب نفتحت طلع عمي تسالمووو دخلنه جوه

ارشد:  يابه ابو رافد البنيه بنت اخووك صح لو انه غلطان؟

ابو رافد:  اي صح

ارشد:  امر منا صدفه واشوفها كاعده علئ الرصيف ليش موو يكولون العم  بمثابه اب؟

ابو رافد:  يا ابني اني عندي بنيه ولد شباب وانت ادره باخوها مني ماكدر أمن اعذرني ماكدر اتحمل مسئوليتها خليها تروح عند خوالها او تشوف نصيبها وتتزوج

غسق:  شهكت بلبجي عمو انت اكثر واحد تعرف اني شنوو واذا خليل وصخ نفسه بهلسوالف مو شرط اني مثله

ابو رافد:  بيتي يتعذرج وخلاص بدون نقاش

ارشد:  كوومي

غسق:  طلع بدون حتئ مايسلم عليه طلعت وراء ركبت السياره دموعي تنزل وارجع امسحها
خليت راسي علجامه خجلانه منه حيل

ارشد:  اخذج للمشتمل تكدرين تبقين بي كم يوم علما اشوف حل

غسق:  هزيت راسي اي عادي

ارشد:  الباب متنفتح لعبد بشر

غسق:  سكتت ماحجيت شي وصلنه نزلت نزل وياي فتح البيبان دخلنه

ارشد:  ماكدر اجيج كل يوم بس خليج على اتصال وياي دخلي ارتاحي اروح اجيب كم شغله واجي

غسق:  كعدت خايفه نص ساعه ورجع بيده علاليك
دخل خلاهن بلمطبخ واجه كعد كدامي

ارشد:  لا تخافين ابقي فتره ااهنا علما اشوف حل

غسق:  اخاف اسببلك مشااكل

ارشد:  ماكو مشاكل ان شالله هسه لازم ارجع لشغلي كومي سدي الباب وراي ولا تفتحيها  وانه عندي المفتاح اذا اجيت

غسق:  هزيت راسي وورحت قفلت الباب وراء رجعت عدلت المسواگ بليل مااجني نوم من الخوف بقيت للصبح كاعده والصبح يلا نمت للعصر كعدت على رنه الموبايل فتحته شبهه نايمه
الوو

ارشد:  وينج مادكليلي صار ساعه ادك عليج

غسق:  عدلت كعدتي فرگت عيوني جنت نايمه

ارشد: اندگت الباب

غسق:  لا

ارشد:  محتاجه شي

غسق: شكراً متقصر

ارشد:  زين انتبهي علئ نفسج ثيمالا

غسق: الله وياك كطعت الخط وبقيت اباوع علئ البيت مترب كمت نضفته ودخلت سبحت مرت اربع ايام واني وحدي ومرات ارشد يخابرني يكول ماكدر اضل رايح راد عليج زحمه اليوم خابرني جاوبته

ارشد: اجاني خااالج الكو.....

غسق:  انبلع لساني ليش هيج يغلط
ش شيريد

ارشد:  يريدج بقئ يهد ويرد

غسق: سببلك مشكله

ارشد:  محد اكو بلبيت بس انه ورائد البقيه رايحين زياره

غسق:  اليوم اطلع منا ادبر نفسي ماريد اسببلك مشاكل اكثر

ارشد:  احش رجليج حشش اذا عبرتي عتبته الباب

غسق: بس هيج راح تصيرلك مشاكل

ارشد:  ماكو مشاكل حليتها شويه واجي افهمج

غسق:  ختمت ويا وبقيت اروح واجي متوتره امددداني لا بيت عمي كعدت ونجبيت ولا ابيت الغرب انجبيييت وهسه عليه خالي من خلخاله تخلخل عظااامي واخلص
لليل انفتحت الباب دخل سلم وكعد رديت السلام رحت جبتله ماي

ارشد:  خالج حامي يريدج نازله عليه الحنيه

غسق: ماريد اروح يمه اخاف منه انسان مادي همه بس الفلوس ومستعد كلشي يسوي علمود كم فلس

ارشد:  انه حجيت ويا بس سكتني بحجايته بأي حق تدخل مكدرت احجي شي بعد

غسق:  اريد اشوف خليل لان متاكده بابا عنده غير هلبيت اريد اعتمد على نفسي  واوكف بوجه هوه ومحمد باوعلي بتركيز

ارشد:  اخوج مطلوب بكد شعر راسه وباع كلشي وسدد دينه واخر شي بقى بيت اهلج هم باعه

غسق:  هزيت راسي بخيبه استاهل اليصير وياي ورطت نفسي من رحتله كل ظني راح يحتويني

ارشد:  مصار شي واذا واذا ماتردين ترحين عنده اكبر شارب مايغصبج

غسق: بس راح أسبب مشاكل

ارشد:  بردي راسج ماكو أي مشكله

غسق: مسحت دموعي بثنين ايديه شلون ماكو مشكله تعرف من ماعندك احددد يدافع عنك احد تسند نفسك عليه شيصير بييك تعرف من اقرب الناس تكسر بييك وتلتجأ لغرريب اهنا تحس  لوو تمووت ارحملك لا عبالك هينه عليه الديصير اخويه المادري بي وين عمي الميريدني خالي اليريد يجدي بيه والله العالم شناوي عليه اني نتهييت من ماتو اهلي وحاولت اسند نفسي على عمو الله يرحمه هم عافني وراح وخلاني انكسر مره ثانيه احجي وامسح بدموعي ايدي ترجف

ارشد:  حاولي تهدئين هذه انفعالج مايحل شي يأذيج وبس

غسق: برئيك اكو حل؟

ارشد:  ماكو شي بلدنيا ماله حل شنو هل يأس العندج

غسق: ساعدني بغلا عمو عندك اني ضايعه وعقلي مديستجمع ولا يستوعب شي باوعلي نظره مطوله
جر حسره

ارشد:  ليش هلكثر خايفه من خالج ؟

غسق:  ماريد اجدي اني ماكدر امد ايدي لاحد لو اموت من الجوع ماكدر امد ايدي لرايح والجاي وهوه هلشي يمشي بدمه جهاله الصغار يطلعهم لليل بجدون علمود كم فلس اني عزيزة نفس ماتحمل هلشي ومتاكده مخليني براسه ينتقم مني لان خالفته وماسويت اليريده هز راسه مسح وجه بجفوف ايده

ارشد:  سهله انه اتصرف بس اكو موضوع ثاني لازم نحجي بي من افرغ امرلج

غسق:  اني اعتذر كلش هواي داتعبك وياي

ارشد:  تعبج راحه يابه اترخص

غسق:  الله وياك طلع مرت الايام والاسابيع وهاي اني شهر بهلبيت وحدي مختنگه حييل
اليوم ندكت الباب خفت افتحها غلست بس رجعت اندكت لا مره ولا مرتين رجعت شعري وره اذني وتقدمت صحت منووو

انه فتحي

غسق:  استغربت ارشد عنده مفتاح كل مره يفتحها ويدخل مايدك الباب فتحتها وانصدمت رائد مجتف ايده ومتجي علئ الحايط شافني ضحك صفح
ردت اطبگ الباب جان اسرع مني دفعها ودخل
ش شتريددد رجعت ليوره خايفه منه

رائد:  شسووين اهناااا؟  شعندج وياااا ارشد

غسق:  ماعندي شي

رائد:  شسووووين ابييييته متزوجج؟  لا تحاااولي تجذبين احجيييي الصدك

غسق:  لا والله لا سالفه طويله هوه يحجيها الك

رائد: چا ماعندي شي انه اكعد واسمعج شورايه

غسق:  بقيت ساكته دخل جوه باوعلي بطرف عينه بمعنئ ادخلي خفت منه دخلت وراء بقيت واكفه

رائد: اي اسمعج احجيي
انتي ماكدرتي تلفين على غساان گلبتي على ارشد
لوو مرته تعرف بيج تسويج لحم مثروووم

غسق: لا تحجي بكيفك وانت ماتعرف شي غسان اخ وصديق

رائد:  ارشد مقبلات الصديق يابه ماتستحييين ماتخجليين بنت بيت زلمه لا عرفه ولا ولفه
عائله طايح حظها من الاخ وشيلي ايدج

غسق:  احتررم نفسج ولا تتجاووز اذا انت هيج واهلك شايلين ايدهم منك مو معناها الكل مثلك

رائد: حلوو طالعلج السااان لوووو ما رخيصه ماتقبلين تكعدين بيت غربه ورجال ماتعرفي يتردد عليييج بس هيه مبينه يابه بايعتها انتي

غسق: كلامه اذاني وماكدر ادافع علئ نفسي طفرت دموعي
رفعت اصبعي بوجهه لا تتجاوز واحترم روحك واذا على الكعده اهنا اني هسه طالعه تقرب بخطوات رزنه
لزم اصبعي عصره

رائد:  مره ثانيه اذا رفعتي اصبعج بوجهي اكسررره الج وتسوووين فضل اذا طلعين وماتشوفينه خلقتتتج ولا تحااولين تلفين على ارشد تره ميباوع لمثالج

غسق:  سحبت ايدي منه ودخلت للغرفه سحبت جنطتي اني واشهك لميت اغراضي اخر شي فتحت الكنتور طلعت الفلوس الباقيه عندي خليتهن بلجنطه شلت شعري ذيل حصان وطلعت كاعد على القنفه ويدخن باوعلي ماهتميتله تعديته داطلع وجان يكول بستهزاء

رائد:  كم شهر والكاج بملاهي بغداد

غسق:  غمضت عيوني بقهر شنو مشكلتك انت روح دور علئ عرضك بهيج اماكن اهلي مربيني ضحك بعلو صوته طلعت والقهر ياكل بييه مجبوره ارجع لعند خالي ماريد اضيع اتفق ويا اشتغل وانطي المبلغ اليريده

اخذت تكسي اندل مكانه انطيته العنوان وصلني نزلت بتعب مو تعب جسد لا اهوون علئ الاقل انام اكعد مرتاحه والتعب رايح بس روحي تاذيني روحي متعبتني احس بوجع روح بقيت اباوع على الباب بخوف دكيتها طلعلي خالي انطاني مجال

اكرم: فوتي

غسق: دخلت واني ادري مراح يسكت تقرب ضربني

اكرم:  تشرددددين لج انتي صدك مامربايه

غسق:  طلعت سهير شافتني لطمت خدها

اكرم:  هلمره راح امشيها بمزاجي وماريد اخرب رزق جديد يجيني من باجر اطلعينن ويا الجهال وسهير واذا اجيتي ايدج فارغه الج احساب ثاني

غسق:  بلعت ريكي نزلت دمعتي عافني ودخل تقرب سهير مني

سهير:  شرررجعج ولج مصخمه ليش رجعتيييي

غسق:  ماعندي مكان يئويني ماعندي احد اروحله
ساعديني خاله

سهير:  فوتي يحضي الاغبر فوتي

غسق:  دخلت كعدت ودمعتي على خدي همست خاله اني ماكدر امد ايدي فدوه احجي ويا علما الگه شغل والله كل الفلوس انطيهيا

سهير:  احاول بس تره اني مو عزيزه عنده علمود يسمع كلامي هاي انتي دتشوفين حاالي

غسق:  سكتت ودموعي مراضيه تسكت لليل دگ الموبايل نسيت ابقي رديت اجاني صوت بعصبيه

ارشد:  ووويينج وين موووليه

غسق:  رجعت يم خالي

ارشد: يااا خال وولج مووو شااارده منه انتي شووون ترجعيله لا تخبليني

غسق : احسن هيج

ارشد:  مضرروبه برراسج انتيي

غسق:  مردت اكله على اخو وتصير مشكله بسببي
خفت وحدي ليل نهار بلبيت

ارشد:  طرگاعه علئ راسج ماااخفتي على نفسج يبيعج خاالج كلشي يطلع منه يعبد الفلووس عباده

غسق:  ماتوصل لهل مواصيل

ارشد:  يابه احجلي ليش طلعتتيي سامعه مني حجايه بدون قصد

غسق:  لا اصلاً ماعرف شلون اشكرك

ارشد:  انتبهي لنفسج ولا تثقين بخالج واذا حسيتي نفسج ممرتاحه أمانه خابريني اخيتي انتي

غسق: شكراً الك كطعت الخط بدون مايحجي ماريد اسمع اكثر الخوف مستوطن روحي للفجر يلا كدرت انام كعدت علئ هوسه الجهال وصياح خالي وسهير شلت شعري وطلعت. وكفت يم الباب لأن سمعت اسمي

اكرم: واني انتضرها علما تلگه شغل هسه خليها تطلع وياكم علما تشوفلها شغله بنت محمود

سهير:  البنيه ماتكدر لا تلح عليها انت شتفرق وياك تشتغل او تطلع ويانه المهم دتاخذ فلووسك

اكرم:  الها اسبوع واحد اذا مالكت شغل تطلع ويااكم وهيه ممنونه

غسق: غمضت عيوني منين الگي شغل باسبوع دتشوف حالي بابا تشوف شصاير بيه نزلت دموعي رحت للمطبخ باعتلي خاله

سهير:  سمعتي موو ميحتاج احجي

غسق:  هزيت راسي بمعنى سمعت
تقربت من المغسله غسالت وجهي اكثر من مره سمعت صوته ورايه

اكرم:  اكييد وصلج الحجيي اليوم طلعين ادورررين شغل وعندج اسبوع واحد

غسق:  محجيت شي عافني وطلع رحت غيرت ملابسي ورتبت شعري منين اندل اني وين اروح توكلت علئ وطلعت صارت بوجهي سهير

سهير:  تندلين احد ترحيله لو هيج رايحه

غسق:  ماندل أحد رايحه متوكله علئ الله

سهير:  والنعم بالله اجي وياج

غسق:  لا ميحتاج الجهال وحدهم خطيه
عفتها وطلعت الدمعه بعيني رفعت راسي للسماء يارب
توكلت عليك بقيت امشي ومداعرف وين اروح تمنيت عندي رقم غسان ويساعدني لليل اني امشي بشوارع تايهه ضايعه ماعرف منين ابدي ماعرف شسوي تعبت
كعدت وبقيت ابجي احس روحي ضايعه وين جنت وين صرت وكف رجال جبير يمي

سلامتج بويه محتاجه شي

غسق:  هزيت راسي لا عمي شكراً
كمت رجعت للبيت مشي هلكت بيومها
دخلت جوه مالكيتهم رحت بدلت لفيت راسي ونمت كمت على صوت هوسه فرگت عيوني طلعت غسلت وجهي ورحت وكفت قريب منهم اشوف شكو طلعو الجهال متعاركين ويا جهال ثانين علمود مكان فريت ايدي خوش ديربون جيل مجرم من يكبرون شيطلعون بالله ماخليت احد يشوف وجهي رجعت للغرفه بقيت اتكلب طخت براسي اخابر ارشد بلكت يلكالي شغل
اني ماندل علمود اروح ادور والشغل كله واسطات خوما يشغلوني اني بس تراجعت مستحيل اهين نفسي مره ثانيه مرت الايام واليوم سادس يوم يعني باجر اخر يوم اذا مالكيت لازم اطلع وياهم والا كلشي اتوقع منه يسوي حسبي الله عليك خليل وين وصلتني كعدت اجتي سهير كعدت يمي

سهير:  شوف شصاير بحالج من التفكير بلكت باجر تلكين شغله ترتاحين بيها والله دائماً ادعيلج

غسق: الله يسمع منج عافتني وراحت نمت كعدت ثاني يوم بدلت عسريع وطلعت صار بوجهي زيد

زيد:  ها بشري مالكيتي شغل

غسق:  لا

زيد:  مراح تلكين كلها واسطات عندي الج شغله

غسق:  صغرت عيوني اذا عنده شغل هوه ليش مايشتغل عليش يروح يجدي شنو الشغل

زيد:  بكوفي يشغلون بنات

يتبع <>
للكاتبه:  ود الباشا

غير كون اليركض مگضي نهاره ينام ليله؟
غير كون اليتعب من الدنيا والناس الغريبه
تصحله ناس تردله حيله ؟
غير كون ابنادم من يطيح حمله يگابله ابنادم يشيله؟
شمالها الوادم على الوادم ثكيله ؟