رواية شوگ و ورد الفصل الثاني عشر 12 - بقلم wad. al.Basha

للكاتبه: ود الباشا

"ولو تعافى الإنسان من كل شيء، ستبقى معه اللحظات التي عزّت عليه فيها نفسه أمام كل ما حدث."

زيد: بكوفي يشغلون بنات

غسق: بقيت اباوع عليه بصدمه

زيد: لا تباوعين هيج شتردين تشتغلين لعد ملايه مثلاً

غسق: مجاوبته عفته وطلعت متأمله بهل يوم ماريد اشتغل شي يغضب ربي فزيت من صوت هورن وراايه
التفت شفت ارشد مو وكتك كلش نزل الجام

ارشد: صعدي

غسق: مستعجله ماكدر

ارشد: اوصلج

غسق: صعدت التفتلي

ارشد: شلونج

غسق: الحمدالله انت شونك

ارشد: بخير وين رايحه من الصبح

غسق: ادور شغل باوعلي بطرف عينه

ارشد: شغليش يابه ودراستج

غسق: درت وجهي للجامه محتاجه شغل ضروري ودراستي ارجعلها ان شالله

ارشد: باعيلي اذا ممرتاحه عند خاالج شكوو رجعتي فهميني انتي مو جيتي وكلتي كذا وكذا يريد يسوي بعد شكووو رجعتي مره ثانيه لخاطر الله

غسق: احسن مهما يسوي يبقئ خالي بس انت بصفتك شنو ابقى عندك

ارشد: هوه جابرج على الشغل؟

غسق: دنجت راسي العب بصابيعي متوتره
اول وتالي لازم اشوفلي شغله اسند نفسي بيها

ارشد: اصبري انه الكيلج شغله عند ناس ثقه لا تشتغلين عند ياهو جان

غسق: باوعتله بأمل اليوم لو تتاخر

ارشد: هذه الاسبوع وبعد لا طلعين من البيت بوحدج دنيا كلشي بيها لا تأمنين

غسق: هزيت راسي بخيبه متاكده مراح ينطي وكت لسبوع اليجي واليوم اخر يوم وهوه حذرني

ارشد: ارجعج للبيت لو تجين عدنا الوالده مشتاگتلج

غسق: خفت اروح ويا خفت رائد يرجع ياذيني بكلامه او يسببلي مشكله
تعبانه غير مره اني اروحلها

ارشد: براحتج

غسق: وصلني للبيت ردت انزل صاحني

ارشد: غسق

غسق: نعم

ارشد: انتي جوهر نضيفه تختلفين عن اخوج وخالج ماعليج بليحجون ديري بالج على روحج

غسق: ابتسمت بغصه ودخلت جوه شافني خالي

اكرم: ها بنت محمود المثقف اشتغلتي لا ؟

غسق: ماكدرت اكله مالكيت شغل كتله اي باجر اول يوم اروح اشتغل عفته ودخلت للغرفه شكد ناقص حتى ماسألني شراح تشتغلين اهم شي عنده الفلوس
بقيت ابجي بحرگه گلبي محروگ علئ نفسي كعدت الصبح راسي مصدع طلعت صارت بوجهي سهير باوعتلي بقهر وراحت للمطبخ بدون ماتحجي
غسلت وجهي ورحت وراها خالي كاعد يمها صبحت عليه مجاوبني

اكرم: شوكت اطلعين للشغل؟

غسق: باوعت على زيد ورجعت باوعت عليه العصر
محجه شي زيد اكدر احجي وياك كام رحنه للصاله
عازه عليه نفسي بس ماعندي حل ثاني وين صاير الكوفي وشوكت اروحله

اكرم: مو عساس ماتردين

غسق: ماعندي غير حل

اكرم: الضهر اخذج وتفاهمي وياهم

غسق: رجعت للغرفه اجتي سهير زمخت بيه

سهير: شررراح تشتغلييين

غسق: زيد لاكيلي شغل بلكوفي

سهير: صخم الله وجه زيد وجهج هم ويا تعرفين شسوين اهنااك طايحه الحظ
تغرريين الزلم علمود يرجعون للكوفي يعني ترخصين نفس

غسق: بقيت باهته بوجها ماجنت اعرف هيج
ضربت كصتها

سهير: والله معتبرتج اخيتي وماريدج تتاذين بس انتي مادري شبيج ماتفكرين ليش رجعتي اهنااا اني مرته مامتحملته ولا طايقه شووفته لو ما جهالي ويهددني بيهم والله ماضل عنده ساااعه وحده

غسق: مسحت دموعي
ليش خلفتي 3 اذا موزين وياج

سهير: اول واحد صار وجنت اني الرايدته لا جان ملاك وتعامله وياي تحلم بي كل مره مجنت اعرف مهنته الجداوه جان يطلع ويوهمني يشتغل وجنت فرحانه بي من جبت طفل الثاني بفتره طلع وجه الحقيقي وبين هوه شنو ويا حظي وسواد حظي بطفل الثالث صار بلغلط وحاولت وعالجت اذبه ماوكع حظي الاغبر هذه وخايفه عليهم خايفه لا يتعلمون على هلشغله واني ماريدهم هيج جنت بانيتلهم مستقبل بمخيلتي ورايدتهم يصيرون كل واحد شي جبير بس. حسبي االله ونعم الوكيل بيك يا اكرم

غسق: بجيت على حالها تبجي وتحجي بحرگه كلب مو سهله تشوف اطفالها يمدون ايدهم للغربه علمود كم فلس وابوهم موجود وممحتاج بقيت اباوعلها بكسرة خاطر

سهير: لا تباعيلي هيج طلعي نفسج من هلطينه غسق لا تتنكسين ويانه الله عليج مااريدج تشوفين الاني شفته وعشته والله اتمنى الموووت ومامحصلته سامعه بيوم عار مااات

غسق: لا تحجين هيج اليتم مو سهل عندج 3 المن تبقيهم اني عشت اليتم وشوفي حااالي والله جنت اميره بنص امي وابوي من بعدهم عشت الويل يم عمي وخليل وناس غربه وكفولي تقوي لخاطر اطفالج حاولي تسوين المستحيل لأجل عينهم

سهير: مادام الخنزير هذه بحياتي عاااايش ماكدر اسوي شي ماكدر

غسق: سكتت ماعندي شي اكوله جريت حسره كامت راحت والعبره خانكتها بقيت ابجي على حالها وحالي ليش المره بمجتمعنا ممرتاحه ومتعرف شنو طعم الراحه من هيه طفله تجي للدنيا يكولون لهلها يا خطيه بنيه الله يعوضكم بلولد الصالح ليش احنه شنو ؟
واليقهر التحجي هذه الحجي هم مره مثلنا مثل حالنه
ومن نكبر منذوك طعم الراحه ابد اذا تدرس وتحب دراستها يكلولها تاليتج لبيتج ورجلج واذا خلصت دراسه وبعدها مامتزوجه يلقبوها بلعانس او فاتج القطار خلي شهادتج تفيدج واذا تزوجت محبلت اول كم شهر ياكلون كلبها اكل ويكولون الزوجها تزوج عليها ماتخلفلك مع انو لو جان صوج زوجها يكلولها تحملي شسوي نصيبج المهم هوه زين وياج زين اني هم من حقي اصير ام مثل ما هوه يريد يصير اب
واذا خلفت طفل جيبيله اخو خطيه وحده واذا جابت الثاني جيبي بعد سويهم ثنين بثنين الولد يحتاج سند
ماعدا ركضه النهار والتنظيف والطبخ وزوجها وجهالها والعايشه ويا عيال وتعب تاالي محد عاجبه ؟
وتطلع هيه الغلطانه وهيه هرموناتها ماثره عليها وهيه دور مشاكل والله ضغوطات دتاذونا بدون ماتحسون لا كلمه حلوه لا سالفه حلوه لا طلعه مثل الاوادم اذا كاعدين بلبيت وساكتين ليل ويا نهار من نريد نطلع نرفها على نفسنا الذكوور البره تبدي تحارش وكأنو بعمرهم مشايفين بنيه تاالي وين نريد نوصل ؟
مثل حال خاله سهير واكرم الحقير بنيه كاعده بيت اهلها وساكته ومنجبه وحتى لو موزينين وياها يبقون اهلها مستحيل ياذوها تجي انت الحقير تاخذها من نصهم وتوهمها بلحب وتعيشها احلام ورديه وتصعدها لسابع سما وتشمرها ليش اذا البشر مو عادلين مجتمع ذكوري لا تنسون اكو رب عادل رب رحيم بقيت افكر وابجي علما نمت
نمت من تعب تفكيري من تعب روحي
حلمت بابا مبتسم ويمد ايده الي انطاني علاگه ماعرف شنو بيها عافني وراح شمرتها وركضت وراء بس اختفى
رجعت للعلاگه ماكو فزيت دموعي ناشفه على خدي كمت غسلت وجهي دورت زيد لكيته كاعد بصاله
نروح؟

زيد: حضري روحج

غسق: غيرت ملابسي وشعري كله شلته طلعنه والخوف ماخذني اخذ يارب ساعدني مالي غيرك وصلنه كهوه جبيره حيل ونضيفه مو بس اني اكو بنات ثنين وياي اتفقنا وبقيت يوميه اروح اكو يتحارشون ويتغزلون بس اذا ماطيتيهم مجال يبتعدون منج اكوبنات لا حتى بحظنهم يكعدون علمود يحصلون كم فلس منهم اني مبتعده من هلشي سهير يوميه تحجي عليه وترزلني واجاوبها شسوي وين اروح اكرم النذل ميحجي لان دياخذ فلوس مرت الايام وهاي اربع اشهر اشتغل اهنا مااكول مرتاحه ميه بلميه ولا اكول خوش شغل طيحان حظ لان الولد مايلزمون السانهم صح مغلسه منهم بس تحز بخاطري حاولت الكي غير شغله واطلع منا بس ماكوو محد يشغل كلها تريد طرف عرف يعني واسطه واني بعدني شهاده ماعندي هلسنه هم تركت كلت علئ السنه الجديده ارجع اداوم بلكت تستعدل اموري جمعت شكم فلس لان اخذ مبلغ بدون مايدري اكرم اضمه وانطي الباقي اليوم داشتغل انضف الكلاصات اسمع البنات يحجن على واحد جاي وعلساس صاك فريت ايدي الله يخلي همي مثل همكم يدورون صاگين اخذت النركيله
خليتها يم الميز الطالبها رفعت راسي دانطي القمجي صار بوجهي رائد بلعت ريكي ابتسم صفح نزلت راسي ومشيت جان صاح

رائد: ياااا بنيه

غسق: غلست منه گلبي يرجف

رائد: غسسسق

غسق: التفتت باوعتله اشرلي بايده بمعنئ تعالي
مشيت بخطوات ثكيله وكفت يمه نعم محتاج شي

رائد: النضيفه العفيفه تشتغل بكوفي؟

غسق: انت كلتها اشتغل

رائد: زين تعاي كعدي احجي وياج

غسق: اصيحلك غيري

رائد: كعدي رايدج الج

غسق: التفتت يمين ويسار متوتره ماكدر احجي انفصل بس يشتكي عليه ولا اريد اكعد تأمر بشي اجيبلك

رائد: ايدج دترجف

غسق: تأمر بشي؟

رائد: جاي

غسق: رحت والدمعه بعيني دزيت الچاي بيد غير بنيه واني كعدت ماطلعت بعد اصلاً مباقي شي ارجع للبيت ايدي ترجف اكيد حياخذون غير نظره عني نزلت دمعتي مسحتها بسرعه اجت وحده من البنات عصبيه

كومي ساعدينه عيني ايدج محنايه متشوفينه انسطرنا

غسق: كمت بدون ما اجاوبها لكيته كاعد ويا ثنين يمكن اجوي جماعته شفت شغلي صاحني مره ثانيه ويا مصاح اسمي التفت واحد من الكاعدين ويا شفته ارشد
هواي هيج ياربي قويت نفسي تقربت همست محتاجين شي

رائد: العفيفه الطاهره التمشي ودكول تختلف من عمها واخوها تفضل من اكلك عائله سگط ماتصدگني

غسق: احترم نفسك

رائد: نفسي محترمها الحمدالله بس مال احترم شكولج اعذريني

ارشد: راااائد حير بروحك ماعليك بغيرك

غسق: عفتهم مشيت كلبي مشتعل نار اكيد عباله رخيصه نظرته ذبحتني حتى ماسلم عليه
كعدت على اعصابي علما صارت ب 10 اخذت اغراضي وطلعت امشي سريع ماريد اشوفهم او ماريد اشوف نظرات ارشد امشي وامسح دموعي وصلت لراس الشارع ودمعتي بخدي شجااابكم حضي المصخم شخطت يمي سياره رجعت ليووره نزل الجام

ارشد: صعدي

غسق: احجي التريده ماصعد

ارشد: كتتلج صعدي

غسق: عفته وركضت اشرت لتكسي يوكف ماوكف استمريت ماحسيت غير انجررريت عوووف ايددي
سحلني للسياره ركب وشخطها رجعنيي وين ماخذني
ماحجه شي

ارشد: شلون هييييج ترخصين نفسسسج طايحه الحظ
لج كل ضني لاهيه بدرااااستج اجي الكيج تشتغلين بكوووفي بنص الهتليه خاااالج الكوا..... السگط وينه عنج فهمينييي

غسق: انت كلتها داشتغل ممسويه موزين
باوعلي بعصبيه عيونه ناطات

ارشد: فرقي بين الشغله الشريفه وبين الشغله السگط تعتبريها شريفه من تغرين الزززلم علمووود علمووود كم فلسس؟

غسق: مسحت دموعي بطرف داني احسن ما اروووح اجدددي دورت شغل محد شغلني محد باوع بخلقتي
وخالي الحقير مارحمني شسووي يعني شسوووي

ارشد: جااااااان خاااابرتيني جان صخمتي وجهج وحجيتيلي تالي وياج انتي تاااالي

غسق: معلييييك بيه شعللليك حير بروحك لا ابويا ولا امي ولا اخويا سكت ماحجه شي حسيته يفور فعلاً خفت منه
وصلني للبيت

ارشد: باجررر انتضرج علئ راس الشارع ومحمد اذا ماجيتي ادخل اسحلج واطلع

غسق: شتررريد

ارشد: اطلعج من الخيسه

غسق: طبگت باب السيااره بكل قوتي. ودخلت للبيت
افورر صار كبالي خالي استنگف اكله خالي مستحيل يكون حليبه وحليب ماما واحد احسه شيطان

اكرم: وين الفلوس

غسق: انطيتهيا ورحت للغرفه شمرت جنطتي وكرفصت على نفسي نفتحت الباب دخلت سهير

سهير: شبيج؟ منو وياج احد متعرضلج

غسق: هزيت راسي لا بس تعبانه شويه

سهير: عبررري النهر مادامه ضيك راح اتعبين اكثر واكثر

غسق: ماحجيت شي بقيت اباوع عليها ذبلانه وجه شاحب انقهرت عليها حيل عافتني وكامت تمددت نمت بملابسي كعدت على صوت الموبايل شفت الاسم ارشد مارديت رجع اتصل رديت

ارشد: ليش متردييين كم مره صااار ادك عليج

غسق: ماسمعته

ارشد: صارت عندي شغله راح اتاخر عليج من اخابرج طلعيلي

غسق: ماا اجي ويااك وماعليك بيه لا تدخل

ارشد: من اخااابر اطلعيلي

غسق: حجاها وكطعه بوجهي بقيت صافنه شبي هذه مر اليوم عادي للعصر ماخابر كمت بدلت وطلعت للشغل شيريد يسوي مثلاً اني والله ماحب الشغل الداشتغله بس مجبوره وصلت سلمت علئ البنات وبديت اشوف شغلي ساعتين وموبايلي دگ جاوبت اجاني صوت هادئ

ارشد: منتضرج استعجلي

غسق: وين منتضرني

ارشد: براس الشارع

غسق: شرايد؟

ارشد: بعدين عود افهمج شاريد

غسق: اني بلشغل

ارشد: بلكوفي؟

غسق: نبرته خوفتني همست اي كطعه بوجهي ربع ساعه واجه زمخ بيه

ارشد: امشيييي كدامي

غسق: بس اجيب اغراضي دخلت شلت غراضي شفته واكف يدخن من شافني خزرني طلعنه ركبنا السياره
وين ماخذني؟

ارشد: حلو من هيج ترخصين نفسج؟

غسق: سكتت ماحجيت شويه وحجيت شعليك بيه؟

ارشد: لج غبيه دترخصيين نفسج حالج من حال البنات الموزينات افتهمييي

غسق: معلييك بييييه شعليك حتئ تحاسبني بصفتك شنو عندي عم وعندي اخ وخالي الكاعده يمه واطلع واطب كبال عينه هم راااضي

ارشد: حرررامات انتووو خلفه محممود واحد منحط وعليه كومه شكاوي ومدمن والثاااانيه استغفر الله

غسق: ماكمل مسح وجه واستغفر بقيت اباوع عليه

ارشد: عاجبج الوووضع؟
حلو من هيج ترخصيين نفسسسج لووو التحجين عنهم بيهم خير مايخلوووج تشتغلين هيج شغله

غسق: مسحت دموعي اخذني يم خليل خليني احجي ويا الله يخليك

ارشد: مو بحال احد يشوفه حالياً بفتره علاج

غسق: شلونه؟

ارشد: احسن من حالج

غسق: اني مابيه شي

ارشد: انتييي دتضيعين نفسج اذا استمريتي بهذه الطريق راح تضيعين توصلين لمكان مسدود

غسق: باوعتله محتاجه مساعده محتاجه احد يدليني يرشدني ادري الداسوي غلط بس مجبووره
ماعندي غير حل بنظرك اروح اجدي يعني ؟
دورت هواي محد يشغلني

ارشد: انه الكيلج شغله باجر انطيج علم

غسق: باوعتله
شنو الشغله

ارشد: سكرتيره عند دكتوره

غسق: ليش دتساعدني

ارشد: علاء الله يرحمه يمشي ويوصيني عليج
وابوج عافلكم سمعه طيبه ترفع الرااس
وجان رجال والنعم منه انتي شدتسووين بصفتج بنته اتخلين اليسوه والمايسوه يلعن ابوج وسمعته الطيبه ويا

غسق: سكتت كلامه صح. وصلني للبيت

ارشد: ماتوصلين لهناك بعد باجر اجي اخذج للعياده

غسق: شكراً
هز راسه بدون مايحجي دخلت جوه مموجودين بالله اذا رجع وراد فلوس شكله طلعت من الضامتهم خليتهن على صفحه احسن مايسويها سالفه براسي عود باجر ادبرلي سالفه اقنعه بيها لليل رجعو الجهال واحد بيد زيد و واحد بيد سهير والثالث يمشي وعيونه مسدوده
من التعب متت قهر عليهم باوعتلي بقهر وهزت راسها ادري بيها كلبها محروك على جهالها بس مابيدها شي
اجه وكف يم الباب الحقير

اكرم: وين الفلوس ؟

غسق: حبيت اتفل بنص وجهه كرهت الساعه الاجيت بيها اهنا لو باقيه خدامه يم عمي محمد ولا هل مذله هاي كمت انطيته الفلوس حسبهن هز راسه وراح اجتي سهير بسرعه سدت الباب وبقت تباوعلي بخزره

سهير: طلعي منا طلعيييي ماريدج ابيتي

غسق: تعجبت من طريقه كلامها بلعت ريكي شبيج شصاير

سهير: صخااام بعينج وطرگاعه على راااسج يررريد يبيعج خالج الشفيه يريد يبيعج بدداعتي بغلاوه اهلج ومعزتهم عندج لا تعيدين غلطتي روحييي اوكعي على رجل عمج خلصي من ظلمه لا تخلي يغرگج بسوالفه وحقارته وجشعه

غسق: شدتحجين شنو يبيعني ليش صندوق طماطه اني

سهير: يبيع ابو وامه علمود الفلسسس شوفي حاال جهاله شمسوي بيهم علمود كم فلس مخليهم مذلولين انتييي منووو حتى ميبيعج فهميني منووو؟

غسق: لا تخوفيني الله عليج اذا دتحجين هيج علمود اروح كوليلي لأن ماعندي مكان اروحله مجبوره ابقى
تقربت لزمت ايدي

سهير: وداعت جهالي اگمعهم اذا اجذب ديتفق ويا واحد يريد يبيعج سمعته صدفه والله احبج واتمناج العمر كله يميي بس مااريدج تتاذين وماريد يصير بيج مثل ماصار بيه حافظي على نفسج وطلعي منا

غسق: بقيت اباوع عليها بخوف فعلاً خفت حسيت گلبي ديرجف شنو يعني يبيعني وليش هيج يسوي
اروح احجي ويا افتهم الموضوع

سهير: امشييي امشييي روحي احجي ويااا علموود يخابره ويجوون بهلسااااعه ياخذوج غبييه انتي غبيييه

غسق: توترت حيل رجليه كامن يرجفن وكعت على رگابي باوعت عليها ادري بيها تحبني بس الدتحجي مايدخل العقل خالي يبيعني وين صايره؟
ايي يسويها اليطلع جهاله يجدي بيهم كلشي توقعي منه
بقيت احجي ويا نفسي مثل المخبله سهير عافتني وطلعت للصبح مانمت مگابله الموبايل وكاعده منتضره ارشد يتصل بيه
للضهر مطلعت من الغرفه وكل شويه اغفى وارجع اكعد دگ موبايلي باوعت ارشد رديت بسرعه تسالمنه

ارشد: نص ساعه وحضري نفسج اجي اخذج

غسق: محضره نفسي ماعندي شي

ارشد: ماتاخر مسافه الطريق مادام محضره نفسج

غسق: كمت غسلت وجهي وشلت شعري واخذت جنطتي مال الجتف خليت بيها شكم حاجه ضروريه
رحت للمطبخ سهير كاعده توكل جهالها وتبجي كعدت كبالها ودمعتي على خدي
اني رايحه اتمنئ اكدر اساعدج واطلعج من الانتي بي
حضنتني

سهير: ديري بالج علنفسج لا تكطعين بيه رقمي عندي طمنيني عنج وديري بالج ترجعييين اهنااا
أمني تنامين بشارع ولا تأمنين اهنا

غسق: دك جهازي انطيته رفض رجعت حضنتها وبوست الجهال
رحت اخذت جنطتي وطلعت همزين مموجود لا هوه ولا زيد وصلت لراس الشارع ركبت السياره سلمت عليه

ارشد: شبيج؟

غسق: مابيه

ارشد: وجهج خلصان من البجي شصاير

غسق: سالفه طويله

ارشد: وانه ماعندي شي اسمعج شنو المبجيج

غسق: جريت حسره يصير بعدين نحجي باوعلي وطابگ حواجبه

ارشد: خالج اذاج

غسق: هزيت راسي لا ونزلت دموعي يمه بطل ماي فتحه وانطانيا اخذته شربت منه شويه احس النفس بلكوه يطلع من ريتي لهل ساعه مامستوعبه السمعته

ارشد: شبيج يابه لا تخلين بالي يمج اذا اكو شي مضايقج احجي

غسق: مسحت دموعي لا ماكو شي وصلنه لعياده نسائيه بمنطقه راقيه نزلنه وهوه نظراته بعدها عليه دخلنه الدكتوره منتضرتنه سلامهم حار مبين يعرفون بعضهم عرفنا علئ بعضنا اسمها زمن

زمن: منو هلحلوه الوياك اخابر ريتاج واخليها الليله تنومك بلشارع

ارشد: ههههههههه ماتسويها لو ما اثق بيج ما اجي عندج المهم البنيه الحجيتلج عنها وثقه وبضمانتي

زمن: تدلل تكدرين من باجر تبدين والوقت يكون من ساعه ب 2 يعني تجين قبلي ترتبين المواعيد للساعه 8

غسق: اتفقنا وياها لطيفه البنيه كلش طلعنا ركبنا السياره دك موبايله اكثر من مره مجاوب عرفت بيها ريتاج وكف السياره والتفتلي

ارشد: احجيلي شبيج؟

غسق: توعدني تساعدني اتواصل ويا خليل اريد احجي ويا

ارشد: صار احاول

غسق: البارحه زوجة خالي اجتي منهاره ومبين التعب والقهر والضيم بوجهه من وراء الحقير معيشهم بضلم
كلتلي طلعي مناا

ارشد: طردتج؟

غسق: لا هيه كلش حبابه بس خالي نذل متفق ويا واحد يريد يبيعني اله

ارشد: شنوووو يبيعج ؟؟؟

يتبع<>
للكاتبه: ود الباشا

‏لطالما عرفت شيئًا واحدًا وآمنت به، أنني أعرف كيف أنجو في غمرة الأذى، وأعرف دائمًا كيف أُحافظ على استقامتي وإتزاني في وجه كل ميل.

حسابي انستا تنوروني ❤️