رواية شوگ و ورد الفصل الخامس 5 - بقلم wad. al.Basha

للكاتبه: ود الباشا

تمُر الايّام ولن ننسَـى من افلت يدنا ومن تمسّك بِها ،
لن ننسى من جرحنا بقسوه كلامه ومن كان بلسماً لجِراحنا ،
تمُر الايّام ولاشيء يُنتسى ..

غسق: اريد اروح للحمام فتحت الباب علكيفي مديت راسي محد اكو رحت غسلت ايدي وطلعت انصدمت بواحد رفعت راسي ابتسامه خبث مرسومه علئ وجهه
رجعت ليوره

عمر: اصيدج اصيدج اطيرين قابل

غسق: بلعت ريگي وخر من طريقي احسلك والله اصرخ والم عليك العالم واخلي خليل يتصرف ويااك

عمر: ههههههههه ضحگتيني والله خليل بح راح لغير عالم واخذ فريسته ودخل للغرفه لو تقرين حضيري هم ميسمعج واني مثگلت بلشرب لان منتضرني غزال وكلت احتمال متعجبج ريحة الشرب

غسق: وخررر من كدددامي
تقرب مني وبعدها نفس الابتسامه علئ وجهه

عمر: تره مو مخبل اوخر منج واعوف كل هل جمال

غسق: ركضت من يمه ردت افلت بس لزمني من عگسي جنت لابسه بجامه وتشيرت عريض
شمرني ونام عليه واني جسمي يرجف من حلاوه روحي عضيته بس هم ماوخر مني شگ التشيرت بقيت اصرخ بهستريه بدون وعي فقدت وبعدت مستمر يبوس ويعض مثل الچلب ادفع بي ماكووو يااربي سااعدني بقيت اصرخ بكل قوتي بلكت خليل يسمعني
هم ماكو وخررر ابوووس ايدددك وخرررر

عمر: كااافي ترررفسين ثبتتيي

غسق: بقيت ارفس بي وادفع بي ضربني مرتين علئ وجهي خاطر اثبت بس ماكو اتخبلت حسيت انشااال مني بقيت احمد الله واشكره رفعت راسي اشوفه منو جان منطيني ضهره عفتهم وبسرعه دخلت لغرفتي واني بعدني مصدوومه احس جنت بحلم معقول الصاار بابا وينك  تعال شووف حااالي رادوو يعتدوون عليه بنص بيتك بابا ترضاها عليه مدتشووف حاالي ياارب اترجاااك اخذني يمهم وريحني كافي تعبت الله ياخذك خليل ويخلصني منك
كمت كل ساع اكووم اتاكد من الباب بقيت للصبح مثل المخبله كاعده مستحيل ابقئ اهنا دقيقه وحده بس وين اروح وين انطي وجهي
كمت غيرت ملابسي اخذت جنطتي وشكم فلس عندي  ينطيني خليل كل فتره ونزلت علئ كيفي اخاف بعدهم دايخه مسطوره سطر الليل كله منايمه وصلت للمدرسه متمنيه غدير تداوم الثانيه ماعرف شسالفتها طول الدرس اترزل من المعلمه لان كل ساعه اغفه بدون مااحس علنفسي تالي طردتني رحت كعدت بساحه خليت راسي علئ الحايط وبقيت ابجي
مادري شلون خلص الدوام وحتئ ممركزه ويا المعلمات
طلعت من المدرسه وشفت سياره خليل سرعت بمشيتي ماريد اشوفه ولا احجي ويا الحقير
وكفت سيارته كدامي نزل الجاام

خليل: ركبييي فضييينيي

غسق: ركبت وبداخلي حاقده عليه كلش احب اهجم عليه املخه
بقئ يسوق ومحجه ولا كلمه وصلنه للبيت نزلت دخلت بسرعه صعدت فووك ماريد اشوف خلقته غيرت ملابسي وكعدت اندگت الباب

خليل: نزلي اريدج بحجايتين

غسق: شلت شعري ونزلت  كاعد ‏بصاله رحت كعدت كدامه

خليل: شسالفه عمر فهميني؟

غسق: بلعت ريگي شحجيله عزه بعيني مبين عليه عصبي كلش

خليل: احجيييي فضينييي

غسق: جنت بلحمام طلعت وصار بوجهي وو
مكدرت اكمل بقيت ساكته ودمعتي طفرت من عيني

خليل: شسواالج

غسق: مسووالي والله مادري منو اجه وخره منتبهت علئ وجه

خليل: وانتيييي شمطلعج من الغرفه اني شكم مررره نبهتج مطللعين تبقين بلغرفه ليش تركببين راسج انتي

غسق: مطلعت  جنت محتاجه للحمام

خليل: يصير خير

غسق: خليل الله يخليك بطل هاي السوالف ليش هيج تسوووي فهمني متخااف عليه ليش تائذي نفسك بلشرب بس فهمني ليش

خليل: هاي السوالف معليج بيها خليج بعيده منها واسويها او ماسويها هم مالج علاااقه خووش واذا معاجبج الباب يوسع جمل الله وياج روحي منين ما جيتي

غسق: بقيت صافنه عليه ودموعي ينزلن ممعقوله اكو هيج اخ عافني وراح مرت الايام عاديه واليوم خميس وصصار اسبوع مشايفه غدير ولا داومت صدك ضل بالي يمها معقول صاير وياها شي حتئ رقمها ماعندي
اخابرها اطمئن عليها نهايه الدوام رحت يم المديره اخذ منها الرقم بس مجانت موجوده طلعت ملكيت خليل
بقيت امشي وبالي كله يم غدير وصلت للبيت واني محروگه حرگ من الشمس

اخذت ملابس دخلت سبحت نزلت اكل لگمه شفت بطاله علئ الميز ومدري شنو هذه مناووي يجووز اليوم هم نفس الطاسه ونفس الحمام شسوي ياربي شلوون اخلي يبطل
حتئ مااكلت شي صعدت فوك والتفكير موتني بقيت ادرس وكل شويه اغفئ كمت تاكدت من الباب مقفول ورجعت علئ فراشي نمت كعدت جانت الدنيا ضلمه شفت الساعه ب 6 جوعانه موت واخاف انزل طلعت حلويات وبقيت اكل ورجعت ادرس لليل تقريبا ب 11 سمعت صوت هووسه وضحك استغفر الله احسه بيت دعاره الله ياخذك خليل ويريحني منك واحد عااار صايره اخاف وماكدر انام احس علئ ساعه يهجموون عليه وهوه ولا يمه لا يعرف بدنيا طشت لو رشت
شغلت الابتوب وبقيت اتفرج افلام بلكوه كاعده بس اخاف انام للساعه ب 4 الفجر حسيت نفسي بعد ماكدر
طفيت الابتوب وتمددت بفراشي وندكت الباب طفرت طفر من مكاني حسيت گلبي راح يووكف

عمر: افتحي الباب غسق مائذيج بس خليني اشوفج لا تخليني اكسرها

غسق: بقيت ساكته ودموعي تجري خليت ايدي علئ حلگي خاطر متطلع شهگاتي

عمر: افتحي داكلج لا تخليني اكسر الباب اندمج فتحيها برضاتج ومراح اسويلج شي وعد عليه

غسق: جسمي كام يرجف يارب دخيلك حتئ موبايل ماعندي اخابر احد يجي عليه بقئ يدفر بلباب
مخليت ايه ولا دعاء مقريته جسمي كله يرجف رجف
انفتحت الباب مادري شلون  رجعت ليوره دخل ببتسامه خبيثه

عمر: عبالج تخلصين مني

غسق: بلعت ريكي ودموعي ينزلن وحدهن ششتريد مني حرام عليك

عمر: لا تخافين طيعيني مائذيج

غسق: كام يتقرب مني واني ارجع ليوره لزمني من ايدي شمرني بلكاع ونام عليه بقه يبوس واني ارفس بيي نزل علئ رگبتي بقئ يعض ابووووس ايدددك وخرررر خليييييللل وويييينك بقيت اصرخ حط ايده علئ حلگي ورجع يبوس برگبتي شگ التشيرت وكام يتماده اكثر تخبلت فقدت

عمر: اثبتييييي لا تخليني ائذيج

غسق: ابووس ايدك وخر احسبني اختك الله يخليك
جان اكو طابوكه مغلفتها بغلاف مرات من افتح الباب اخليها علئ الباب خاطر يثبت حاولت اخذها بقيت ارجع ليوره

عمر: اخرر مره اكلج ثبتيي لا تخلينييي اتصرف ويااج غير تصررف

غسق: جان فاقد يبوس ويحجي لزمت الطااابوگه مادري منين اجتلي الجرئه رگعتها براسه وجسمي كله يرجف فتحت الباب ونزلت مثل المخبله وتشيرتي مشكوكه من الطووول بقيت ادك الباب علئ خليل
خللليل افتتتح اريد احجيييي وياااك طلعو 3 من الصاله بقو صافنين عليه واحد منهم شايفته خفت اكثر رجعت ليوره

دخلو يا جماعه هسه جايكم

منين هل گمر هذه مضموم اهنا ومنعرف

رحمه لوالديكم دخلو وكافي يلا

غسق: رجعت لزمت يده الباب وادگ بيها انفتحت وطلعتلي مره شبهه عاريه

خييير منو انتي خبصتينه

غسق: وين خليل

نايم

غسق: شووو وخرري ردت ادخل وانسحبت من ايدي

ها ارشد شجاابك يمنه
مشتاقيلك

دخلي وقفلي الباب

غسق: سحبت ايدي منه

وين داخله من كل عقلج شنو هاي حالتج ليش هيج

غسق: ماات والله ماات كتلته بيدي

منو هوه الماات شصاااير اخذي ستري نفسج

غسق: اباوع علئ ايدي ترجف وابجي ماات كتلته
فووك روح شووفه
عافني وصعد غطيت نفسي بيدي
نزل جايب ويا تشيرت

كومي ستري نفسج هذه عار ميموت لا تخافين

غسق: اني كتلته والله مات طلع دم من راسه ماات

اخذي لبسي هذه وكومي اخذج لبيت كرايبج علما اخوج الشفيه يصحه

غسق: رحت للمطبخ لبست ورجعت جان كاعد يدخن
اريد موبايل اخابر عمو الله يخليك
الرقم فوك اخاف اصعد

امشي ياابه صاعد وياج

غسق: بقيت واكفه بمكاني وهوه صعد الدرج والتفت عليه شيضمنلي هذه زين اخاف اصعد وثنينهم يهجمون عليه

لا تخاافين مني سدج امين

غسق: عبالك سمعني مشيت وراء صعدنه بعده متمدد فتحت المجر طلعت الدفتر واخذت جنطتي وكم شغله مال مدرسه وملابس ونزلت بسرعه عبالك واحد لاحگني شويه ونزل الرجال انطاني موبايله دگيت الرقم طلع محفوظ عنده ومكتوب علاء
رقم عمو عندك بلموبايل

شو شوفيني الاسم

غسق: شافه وبقى صافن عليه
هز راسه
نزلت دمعتي اتصلت بي مرتين بثالثه يلا جاوبني

علاء: حبيبي ارشد الورد شلونك

غسق: بلعت ريگي وبقيت اشهك عموو اني غسق

علاء: غسق شبيج عمو شصاير ليش هيج صوتج

غسق: عمو الله يخليك ارجع محتاجتلك اني اخذني يمك ابوس ايدك

علاء: وحده وحده بنتي شصااير فهميني

غسق: مكدرت احجيله بقيت ابجي واتوسل بي يرجع

علاء: انطيني ارشد

غسق: انطيته الموبايل ابتعد مني وبقئ يسولف ويا
تقريبا ربع ساعه ورجع
انطاني الموبايل

علاء: دقيقه متبقين بلبيت غسق هسه ترجعين لبيت عمج علما اشووف حل

غسق: صار

علاء: صيري سباعيه بنتي اني هم وصيت عليج ارشد ايشي تحتاجين روحيله ولا تترددين

غسق: محتاجتلك الك عمو

علاء: والله ماخليج هل شكل اسحبج يمي اسحبج لو اعرف علئ گص رگبتي

غسق: مكدرت احجي بقيت ابجي اخذ الموبايل مني وختمه ويا عمو ورجع كعد گبالي

حاولي تهدين تردين هسه اخذج لبيت عمج لو تنتضرين اخوج

غسق: باوعت علئ الساعه ب 6 الفجر همه ميردوني ومتاكده راح يطردوني

لا تخافين اكيد علاء مخابرهم هسه ومنطيهم علم راح ترحيلهم

غسق: اي ماريد  اشوف  خليل
كام وياي وصلنه لباب البيت دار عليه

ماعندج حجاب تخلي علئ راسج

غسق: لا ماعندي
اني مو محجبه

علمود تخفين الاثار البرگبتج

غسق: بلعت ريگي ولزمت رگبتي
احسه يريد كل شويه يسئلني سوال ويتردد

جوعانه تاكلين شي

غسق: لا شكرا
عافني ونزل رجع جايب ويا علاگه بيها شالين
سحبت واحد لبسته
وصلنه لبيت عمو محمد شفت الساعه ب سبعه ونص

ديري بالج علنفسج واذا ردتي ترجعين لبيت خليل انطيني خبر

غسق: سلمت عليه ونزلت جنت متردده ادگ الباب دكيتها اجاني صوت رافد فتح الباب وعافني ودخل دخلت جانو وعمي ومرته كاعدين يتريكون صبحت عليهم

ام رافد: لا هلا ولا مرحبا

ابو رافد: خير شكو من صباحيات الله مبين اخوج العاااار مطردج

ام رافد: عززه باوع وجه بس لا مسوويه مكسوره

غسق: شبي وجهي اهنا خفت لا يعرفون ويگلبون السالفه عليه

ام رافد: وانتي من شوكت كمتي تسترين وتلبسين حجاب

غسق: تقربت مني سحبته وشهگت اجه عمي علئ شهگتها وبقئ صافن واني كل شويه ابلع ريگي وتنزل دمعتي تقرب مني سحبني من شعرري ورگعني بلحايط

ابو رافد: وووولج طايحه حظ وياااا منووو مصخمممه وجهنه وجااايتلنه

غسق: والله والله ممسويه شي عووف شعرري
ضربني راجدي كومني بلكاع

ام رافد: دقيقه ماريدها تكعد يمي اني عندي بنيه واخاف علئ سمعتها شتتوقع منها وهيه صار 3 اشهر يم خليل السكير

ابو رافد: اخليها بغرفتها وحتئ لو واحد مخبل تقدملها انطيها واخلص منها

ام رافد: كتلك ماااريدها لووو هيه لووو اني بهل بببيت

غسق: اخذت غراضي وردت اطلع صاحني عمي تفل بنص وجهي

ابو رافد: طاح حظ هيج تربيه رباج ابوج

غسق: متحملت تقربت منه بابا تاااج علئ راسك ورباني احسن تربيه بس الوكت لعب دوره ويااانه ولو ما وجهك الفكر جان هسه اني جوه جنحه اميره مو بعازه احد
عفته وطلعت من البيت اليوم جمعه حتئ مدرسه ماكو وين اولي وين انطي وجهي بقيت امشي وابجي حتئ مكلف نفسه وكال ابقي لا ترحين علما اخابر اخوج
وكفت سياره يمي رجعت ليوره  نزل الجامه

ارشد: صعدي لا تخافين

غسق: شجابك

ارشد: مو انتي كلتي ميردوني بقيت احتياط خفت لا يطردج وفعلاً سواها

غسق: ركبت رجعت راسي ليوره من التعب ماعرف شلون نمت
كعدت علئ صوت يصيح بأسمي

ارشد: يلا كومي وصلنه

غسق: فتحت عيني شفت المكان شقق
رجعني لبيت خليل باوعلي وخزرني

ارشد: من كل عقلج؟ نزلي يابه نزلي

غسق: نزلت دخل دخلت وراء صعدنه لطابق الثالث فتح الباب ودخلنه
جانت شقه نضيفه واثاثها هم حلو

ارشد: روحي ارتاحي بلغرفه

غسق: عفته ودخلت للغرفه قفلتها وشمرت نفسي علئ الفراش مادري شلون نمت
كعدت شبعانه نوم طلعت شفته كاعد علئ التخم يدخن

ارشد: صح النوم

غسق: محجيت شي كعدت گباله

ارشد: طلبت اكل وحصتج بقت بلمطبخ اذا جوعانه كومي اكلي

غسق: ماحجيت گمت رحت للمطبخ صغير بس مرتب اكو علاكه فتحتها شفت بيها لفتين همبركر حميتهم وكعدت اكل
عندي شويه خووف منه بس لان من طرف عمو ويعرفه مطمئنه
خلصت وطلعت كعدت بصاله

ارشد: تكدرين تبقين وحدج اني لازم اروح الاهل منتظريني

غسق: اي عادي كام وكف گبالي

ارشد: خلي جهازي يمج علما باجر اجيبلج واحد

غسق: ماكو داعي

ارشد: كولشي يصير حفظتلج رقمي وكتبت اسمي واي رقم يدك لا تجااوبي

غسق: مادري شلون اشكرك

ارشد: واجبي مسويت شي يلا ديري بالج علنفسج وابد لا تفتحين الباب اني عندي مفتاح اذا اجيت شغلت التلفزيون وبقيت كاعده متعوده وحدي مو شغله جديده عليه مشه اليوم عادي لل 11 بقئ الموبايل يدك والاسم جان غريب مميزته
مجاوبته بس المكالمات صارت فوك 15 وحده بلاخير جاوبت اجاني صوت ابنيه ناعم كلش وتجر بلحجايه جر

ارشد: وينك حبيبي والله ضل بالي عليك

غسق: اني اخته هوه طلع ونسئ الموبايل

مستحيل يينسئ الموووبايل منو انتيي

غسق: اخته كتلج عزه بعيني حتئ اسم اخته ماعرفه

بس يا حلوه ارشد ماعنده اخت

غسق: اصخااام بعيني بسرعه كطعت الخط بوجهه شجاوبها مثلا اذا جذبتي مكشوفه
دكيت علئ الرقم المكتوب باسمه جاوبني ومبين جان نايم

ارشد: هلا غسق محتاجه شي صاير شي

غسق: لا سلامتك بس موبايلك ديدك هواي والاسم مزخرف
دگ فوك ال 15 مره تالي جاوبته وكتلها اني اختك بس هيه كالت انت ماعندك اخت

ارشد: مو كتلج لا تجااوبين علئ اي مكالمه

غسق: عبالي شي مهم واني اسفه والله مو قصدي اسويلك مشكله  اذا تريد ارجع اخابرها واعتذر منها

ارشد:  علئ شنو تعتذرين  عوفيها بعد لا تجاوبين عليها

غسق: خوش

ارشد: يلا روحي نامي تصبحين علخير

غسق: وانت من اهله گطعته منه ورجع الرقم يدك عفته وبقيت اتفرج علئ الفلم بقيت كاعده ل 3 الفجر صار عندي فضوول اشووف موبايله شبي مابي فتحته وبقيت اول شي اگلب بلوتساب والفايبر ملكيت شي دخلت علئ الصور جان كله صوره شكله ضخم وطوويل جتافه عرريضه وعنده كرش صغير
شعره رافعه بقيت اباوع عليه عزه شبيه تخبلت
بقيت اگلب بلصور طلعتلي صوره مره جبيره ويبوس بيها وطاگ الصوره والثانيه مبين ابوو سديت الموبايل وتمددت علقنفه مادري شون نمت كعدت الصبح علئ صوت طگه بسرعه كمت عدلت كعدتي

ارشد: اعتذر كعدتج بس وكعت من ايدي

غسق: جانت بيده مفاتيح لا عادي شفت الساعه ب 11 الصبح شوكت اجيت

ارشد: بتسعه اجيت شفتج نايمه مردت اكعدج

غسق: متريگ احجي ويا بخووف لان اكيد ميفرق عنهم بشي بس مجبوره

ارشد: الصراحه اكلت بس شو بعدني جوعان

غسق: رحت للمطبخ سويت بيض وحميت الصمون وسويت جاي طلعت جبن وكعدنه ناكل
خليل مخابرك مسأل عليه

ارشد: عباله رايحه لبيت عمج

غسق: بقينه ناكل خلص وانتجه علئ الكرسي

ارشد: هذه الاسبوع راح اخذلج اجازه من الدوام
نشوف الاسبوع الجاي شلون تصير

غسق: اخاف دروسي تروح عليه

ارشد: عمر مراح يجووز خلي هل فتره تعدي علئ خير

غسق: براحتك

ارشد: اخذي هذه الجهاز وانطيني ذاك

غسق: انطيتهيا واخذت الثاني الرقم الحجيتلك عليه طول الليل بقئ يدك بعد مجاوبته

ارشد: زين سويتي محتاجه شي

غسق: لا سلامتك

ارشد: امر عليج بليل الباب لا تفتحيي واذا صار شي خابريني بسرعه

غسق: خوش ابتسم وراح رجعت للمطبخ عزلته ورحت كعدت بصاله افتش هذه الموبايل بس جان فارغ مابي شي تمددت وروحي طافره بالله هسه اني شسوي رحت للغرفه فتشت بيها ماكو شي مرت الايام عادي مرات ارشد يجي الصبح ومرات بليل بس ميبقئ يكول ماريد تطلع عليج احجايه واليوم خميس صار اسبوع اني اهنا اليوم المغرب اذن شغلت دعاء كميل وهيج اجااني شعوور حلو گمت توضيت فرشت السجاده وصليت بقيت ابجي علما ارتاحيت انفتحت الباب دخل ارشد عيوونه حمر وجهه ميتفسر
لفيت السجاده خليتها بمكانها رحت نصيت التلفزيوون

ارشد: ليش نصيتي رجعي صوته

غسق: خفت منه ومن حالته رجعت صوته وبسرعه رحت للغرفه وقفلتها كرفصت علئ نفسي بقيت ابجي خفته لا سكران ويسوي بيه مثل عمر  اروح لبيت عمو واطيح عليه يخليني يمه لشوكت ابقى كاعده اهنا قابل اندكت الباب دكات خفيفه

ارشد: فتحي الباب يابه احاجيج

غسق: كمت فتحتها عافني وراح كعد بصاله بقيت واكفه منتضرته يحجي اشرلي اكعدي كعدت

ارشد: خابرني عمج يمكن سالفتكم اطوول شويه علما يسحبج يمه

غسق: يعني شكد

ارشد: ماحدد موعد سوالف السحب اطوول واصلاً عمج بعده ماعنده اقامه ومو بسهوله القصه

غسق: ارجع يم خليل واخذ احتياطي عادي

ارشد: انطي مجال داكمل كلامييي اخذج عند اهلي علما علاء ياخذج اعتبارج اماانه وصاااني مارجعج عند خليل 

غسق: طفرت دمعه من عيوني عمي واخوي موجودين واروح اكعد عند الغربه والله ماكدر ضعت اني من بعدكم والله ضعت ياريتني ميته وياكم
رفعت راسي مرتجي علقنفه ويباوعلي وطابك حواجبه ابتلوو بيه خابر عمو مادري اني

ارشد: عمج فرح ميريدج ترجعين عند خليل وانه كتله بيت عمج محمد ماستقبلوج
المهم كومي حضري نفسج ربع ساعه ونطلع

غسق هزيت راسي وكمت للغرفه شلون اروح اكعد يمهم واني ماعرفهم جريت نفس ودموعي نزلن خلصت وطلعت كاعد يدخن ويفر بسويج السياره نزلنه
وكل شويه يباوعلي احسه يريد يحجي ويتراجع

ارشد: ليش متلبسين حجابج؟

غسق: حاطه ايد بايد متوتره اني مو محجبه ممتعوده عليه ماحجه شي هز راسه مشى هواي وصلنه لبيت شبهه مزرعه جبير حيل دخل بسيارته للكراج نزل ورفع ايده سلم على واحد جبير بلعمر لازم كرك وديشتغل بلحديقه

ارشد: امشي يلا

غسق: مشيت وراء وكل شويه يلتفت يباوعلي دخلنه وگلبي احسه طبل ممتعلمه ادخل لبيت غريب بعمري ممسويتها صارت كبالنه شابه مبتسمه من شافتني طبگت حواجبها

يتبع <>
للكاتبه: ود الباشا

هلي حسيتو بية اليوم
هلي بنيتكم الحلوة جفاها النوم
هلي مخربين ضحكاتي
هلي ياسند ميلاتي
هلي ضاكت الرحبة من الهموم