رواية شوگ و ورد الفصل الرابع 4 - بقلم wad. al.Basha

للكاتبه: ود الباشا

من تمر من يمكم حمامه
اتذكرو كسرة جناحي
والله لا ينطي
الذي منكم خذوني
اتذكروني
اتذكروني بدمعه ، بحچايه ،بجگاره
حته اگولن ما نسوني

غسق: رحت وكفت يم الباب وصحت منووو

خليل: اني فتحي

غسق: فتحت الباب دخل بدون مايحجي گبل لغرفته اجه عصبي وكف كدامي

خليل: ليش داخله لغرفتي؟

غسق: نضفتها وملابسك بلغساله
عافني وراح مبين ضايج من وجودي بس شسوي يعني وين اروح غصب ما عليه يتحملني
كمت صعدت فوك مقهوره من تصرفاته وياي يحسسني وحده غريبه مشت ايامي عاديه بين الشغل وملهيه نفسي بتلفزيون ومرات اخذ لابتوب خليل اتفرج افلام يعني مگضيه وكتي بيوم صار لازم استلم الشهاده بس وين خليل حاير بنفسه وكلما اكله يكول ماعندي وكت واني متت اريد اشوف درجاتي اليوم خميس يعني اذا انتضر لازم للاحد واني مابيه صبر رحت غيرت ملابسي واخذت فلوسي يوميه ينطي شكم فلس مجمعتها فتحت الباب وكفت سياره نزل واحد منها طول بعرض بهيبه سبحانه ربي مو ذاك الجمال بس هيبته تسطر سطر نزلت عيني منه اقدمت اريد اروح علئ الشارع اخذ تكسي واروح للمدرسه دگ الباب طلع جااي علئ خليل رجعت عليه تفضل رايد شي نزع نضراته وبقئ يباوع عليه

شنو انتي صيده جديده؟

غسق: مفتهمت علعموم اذا رايد خليل مو بلبيت هوه طلع قبل ساعه
لبس نظارته ورجع ركب السياره بدون ميحجي كلمه وحده شهل غرور عفته ومشيت لراس الشارع وكفت تكسي ركبت وصلني لباب المدرسه كتله ينتضرني يرجعني لنفس المكان

دخلت بسرعه رحت حتئ استلم شهادتي اخذتها والمديره باركتلي علئ الدرجات كلها عاليه تشكرت منها ودعتها وطلعت الكاع مشايلتني من الفرحه رجعت بنفس السياره ذبني براس الفرع بسرعه رجعت للبيت ماريد خليل يعرف ويسويها سالفه علئ راسي
الحمدالله بعده ماراجع دخلت وبقيت اشكر ربي
للعصر اجه خليل رحت كعدت يمه
خليل اني نجحت من الثالث شوفلي اعداديه قريبه منا خاطر تنقلني

خليل: انتي ليش مترجعين لبيت عمج شعندج اهنا مامليتي وحدج

غسق:كمت واني منفعله مستعده انام علئ الرصيف ومامستعده ارجع اهناك صارلي شكد جايه يمك شفت واحد سأل عليه او خابرني بلجذب جنت عايشه يمهم بذل والله جانت تجي ايام اروح للمدرسه فلوس بطل ماي ماعندي بقئ صافن بوجهي

خليل: ليش الفلوس الجنت ادزهن الج كل شهر وين يرحن

غسق: يا فلوس ليش انت جنت تسأل عليه خاطر ادزلي فلوس

خليل: لا تخبليني كل شهر جنت مخصصلج راتب تمشين بي امورج من جنت يم عمي علاء مجنت داير بال اعرف بي حنين ومراح يقصر عليج بس اعرف عمي محمد شنو من حقاره شاايل

غسق: تقدمت منه خليل اني ماريد فلوس بس اريد اعيش براحه ماريد احد يحسسني مسوي فضل عليه ولا احد يتأمر عليه ويحسسني اني خدامه خليني عايشه يمك والله كلشي ماريد

خليل: يصير خير

غسق: عافني وراح وحتئ معرفت شراح يسوي بخصوص المدرسه مبقئ شي علئ الدوام
بقيت كاعده بلمطبخ اجه وهوه كاشخ علئ اخر حبايه

خليل: صعدي من وكت اليوم جايين جماعتي وماريدج اطلعين من الغرفه تسديها عليج وتكعدين

غسق: ليش اقفل الباب انتو مو جوه مراح انزل وهاهيه

خليل: لا تجادلين سوي مثل ما اكلج من يجوون جماعتي مااريدج اطلعين من الغرفه

غسق: هزيتله راسي واني ممقتنعه بتصرفاته اذا هيج جماعته مو ثقه ويخاف عليه منهم ليش يدخلهم للبيت كمت من مكاني اووي واني شعلي شغلت التلفزيون بقيت اتفرج لليل سمعت طگه الباب عرفت بي اجه اخذت الابتوب وصعدت طلقه وقفلت الباب

مرت ايامي عاديه وهاي اني صارلي تقريبا شهر كاعده يم خليل مرتاحه بس المضوجني سهراته كل خميس وجمعه البيت ينگلب بحيث ثاني يوم ينكسر ضهري علما انضفه كله بطاله وتصير ريحه ابد مطيبه بلبيت مادري شيشربون
خليل نقلني لمدرسه تصير بعيده شويه بس هم احسن من ماكو اليوم سبت وباجر لازم اداوم واني بعدني كلشي ممشتريه رحت وكفت كدامه جان مشغول بلموبايل رفع راسه

خليل: خير

غسق: باجر راح اداوم

خليل: بيها الخير المطلوب

غسق: بعدني كلشي ممشتريه لا ملابس ولا قرطاسيه

خليل: شلون بلوه هاي وهسه لازم شسوي

غسق: تاخذني للسوك اشتري الشغلات المحتاجتها

خليل: انطيني قياسج واني اوصي يجيبولج التحتاجي

غسق: ليش اني اريد اروح

خليل: ماعندي مجال شغلي واصل لراسي

غسق: رحت كتبتله الشغلات الاريدها بقه صافن هههههههه حقه اذا كتبتله قائمه
عفته وصعدت لليل اجه وجان شايل كومه علاليك

خليل: ذني الردتيهن شوفي الصداري بكدج

غسق: تعبتك وياي رحت قستهن بكدي جايبلي 3 صداري مادري اذا ذوقه لو ذوق غيره بس كلش حلوات
حضرت جنطتي ورتبت الدفاتر وحضرت ملابسي لباجر ونمت متحمسه كلش لمرحله جديده بحياتي وان شالله اتفوق بيها كعدت الصبح غسلت وجهي ولبست ملابسي مشطت شعري سويت ذيل حصان اخذت جنطتي ونزلت خليل كاعد يخابر اشرتله استعجل اتاخرت

مطول كطع الخط ركبت السياره وصلني لباب المدرسه

خليل: من اطلعين ابقي واكفه اهنا علما اجي عليج

غسق: هزيت راسي عافني وراح جريت نفس ودخلت عالم جديد بنات اشكال والوان كترت نفسي اني بطبعي مو كلش اجتماعيه احب اكعد بهدوء
خلصت اول يوم وحدي كاعده علما رجعت للبيت
مرت الايام وهاي اني 3 اشهر يم خليل وصار شهرين اداوم هوه ياخذني ويرجعني تعرفت علئ بنيه اسمها غدير كلش حبابه
يومي روتين دراسه واكل وتنضيف خليل ليهسه ممضوجني بشي بس اضووج من يجيب جماعته اتضايق ولازم مااطلع من الغرفه لثاني يوم بس عادي متحمله اهم شي ماسمع كلام يغثني ولا اشوف وجوه اتنرفز منها اليوم كمت بنشاط بسرعه بدلت وحضرت جنطتي ونزلت خليل نايم كعدته كام تك عين يريد يوصلني
اذا متصحصح مااطلع خطوه وياك
راح غسل وجه ورجع

خليل: يلا فضيني

غسق: ركبت السياره ليش متشوفلي خط وترتاح من دوخه الراس

خليل: ماكو واحد ثقه من اشوف الله كريم

غسق: نزلت يم المدرسه وراح دخلت خلصنه اول درس طلعنه اني وغدير للساحه
شبيج اليوم مدلغمه الوجه السيف هم ميكصه

غدير: روحي طالعه البارحه تقدملي ابن عمي وبابا منطيهم الموافقه من يمه واني مااطيقه هوه واحد بلا احساس

غسق: يمكن يحبج تره ماكو انسان بلا احساس بس مرات نتصنع الغباء

غدير: والله ماعرف حتئ تعاركت ويا بابا يكول غصب عنج تقبلين

غسق: والله مادري شكلج مشايفه الولد خاطر اكعد اقنع بيج بس انتي شوفي عيونه اذا شفتي بيهن حب لا تعوفي راح يسعدج

غدير: الله كريم نشوف شلون تصير

غسق: خلص اليوم بين الشرح والدروس طلعت من المدرسه بقيت واكفه انتضر خليل بس ماكو حيل تاخر
تقريبا بقيت وحدي يم باب المدرسه شلت جنطتي وبديت امشي
والدنيا حاره احتركت حرگ امشي سريع ومدنجه راسي وصلت للبيت فتحت الباب ودخلت شفت خليل وويا واحد ولازمه حيل من قميصه
من دار وجه انصدمت نفس الشخص الشفته قبل فتره وسأل عليه صادفته يم الباب من رحت اجيب شهادتي
بقئ يباوع عليه نظراته غريبه

خليل: صعدي فووك

غسق: شديصير منو هذه

خليل: كتتتلج صعددي فووووك لا تخليني الغي زايد

غسق: صار عصبي عليه وهذه الشفيه بعده واكف يباوع
عفتهم وصعدت بسرعه نزعت ملابسي ودخلت سبحت يلا ارتاحيت مشيت شويه بلشمس هيج صار بيه الله يساعد العمال الطالعين علمود لگمه لجهالهم كاعده امشط بشعري ونفتح الباب مثل الاعصار

خليل: شلووون اجيتي منو وصلج

غسق: اني اجيت مشي والله محد وصلني انتضرتك هواي ومبقت ولا طالبه يم المدرسه كلت اكيد صار عندك ضرف رجعت وحدي
تقدم خطوووه

خليل: اخررر مره تعيديها وترجعيين وحدج تنزرعين بمكانج علما اجيي

غسق: هزيت راسي عافني وطبگ الباب بكل قوته
فوكاها هوه العصبي مهتميتله دخلت لفراشي ونمت
كعدت من النوم وميته جوع گمت نزلت جوه سويت لفه وكعدت اكل سمعت صوت بلاستقبال تقربت اشوف منو فتحت شويه من الباب خليل صوته عالي ويا صديقه عمر
عفتهم ورجعت صعدت فوك شسالفته شديصير ويا

ليش هلكد معصب بقيت ادرس وتفرجت علئ فلم علما نمت كعدت ثاني يوم نفس الروتين رحت للدوام شفت غدير عيونها مورمه من البجي ابوها يريد يزوجها غصب لابن عمها وهيه متريده بقيت احجي وياها بلكت تقتنع لان هيه براسها براسها بس ماكو فايده قافله الاخت خلصت دروسي ومثل كل يوم طلعت انتضر خليل كلش تاخر عليه ردت ارجع بس خفت يرزلني وره نص ساعه يلا اجه ورايه دخلت للسياره بعصبيه باوعلي صفح ورجع يسوق لا هوه حجه ولا اني حجيت بس شنو دمي يفور شلون يبقيني كل هل وكت بنص الشارع استغفر الله ربي منين الكاها من عمي لو من خليل
شو وين مالتفت سوده مصخمه وصلنه صعدت گبل فوك نزعت ملابسي ونمت
فتحت عيوني طفرت من مكاني عززه بعيني تاخرت علئ المدرسه شغلت الضوه شفت الساعه ب 9 بليل
تنفست براحه رحت غسلت وجهي وعدلت شعري ونزلت سمعت صوت زلم جوه معقول لا اكيد التلفزيون ميجيب جماعته بهيج ايام ممعقوله
رحت للمطبخ سويت لفه وكوب چاي وداصعد وصار بوجهي عمر مهتميت متعوده عليه بين كل فتره وفتره اشوفه بلبيت دنچت راسي ومشيت وكف كدامي بلعت ريگي

عمر: شبي الحلو خايف

غسق: خزرته وخرر من طريقييي

عمر: اروح سبع فدوات لهل خزره شحلاتها

غسق: عفته ومشيت بسرعه هوه هم عافني صعدت قفلت الباب وگلبي من الخوف يريد يطلع عرفت بي جايب اصدقاء ياربي لشوكت اتحمل هل قذاره هااي

اكلت لگمه وكملت دروسي وكل شويه اغفه وافز بالله لو واحد منهم سكر ومحس علئ نفسه وصعدلي شراح يكون مصيري شراح يصير بيه اني غبيه لو باقيه بيت عمو احسن لي

بقيت افكر علما غفيت كعدت علئ صوت المنبهه بسرعه بدلت ونزلت ردت ادخل لغرفته بس استحيت

رجعت ليوره ودمعتي نزلت ليش هيج يسوي ميخاف عليه طلعت بره الا اروح وحدي مسوي نفسه يخاف عليه من الشارع وهوه مسووي البيت انگس من الشارع
بقيت امشي وابجي اتمنئ عمو علاء ياخذني يمه ويخلصني منهم كلهم
وصلت للمدرسه واني دايخه وتعبانه مدري من الخووف مدري من القهر دخلت تلگتني غدير الثانيه هم معبسه

غدير: شسالفتج گالبه الجهره. بالله اني مقهوره من بابا انتي شبيج

غسق: مابيه شي بس البارحه منايمه زين
فضلت السكوت شحجيلها يعني شكللها والله حتئ اخجل

خلصت الدوام طلعت دامشي وطبگت يمي سيارة. خليل وعيونه تجدح صعدت بدون ماافتح حلگي بحرف
سياقته بخباال وصلنه للبيت نزلت بسرعه داريد اروح لغرفتي لزمني

خليل: ليش ماكعدتينيي شلووون راييحه وحدج

غسق: شفتك نايم ومن سابع المستحيلات تكعد
وجان عندي دوام يعني شسوي اكعد اخلي ايدي علئ خدي وانتضرك مثلاً
وبعدين ياا خوويه خاف عليه من بيتك مو من الشارع بيتك انت صاير اخطر بالف مره من الشارع تدخله اشكال والوان عفته ومشيت ودمعتي بطرف عيني
لزمني من ايدي بكل قوته

خليل: طولاان الساانج گصي قبل لا اگصه واخلي بيدج

غسق: عافني وراح
صعدت فوك غيرت ملابس وبديت ادرس للعصرصعد وبيده موبايله دخل حتئ بدون ما يدك الباب

خليل: عمي يريد يحجي وياج

غسق: اخذته منه شفت الاسم ماكو بس الرقم جان دولي عرفت عمي علاء سلمت عليه والدمعه واكفه بطرف عيني

علاء: طمنيني عنج غسق شونج

غسق: بخير عمو زينه انت شلونك شلون صحتك خالتي شونها

علاء: احنه بخير ياروح عمج اذا انتي بخير
شنو هل اخبار السمعتها ليش طالعه من بيت عمج محمد بدون علمهم ورايحه يم خليل؟

غسق: عمو والله همه ميحبوني وميردوني اصلا
واخر شي رادو يجبروني اتزوج لهل سبب عفتهم واجيت يم خليل

علاء: بابا اسمعيني ديري بالج علنفسج وابقي مفتحه عيونج ولا تثقين بااحد علما اشووف حل واجيبج يمي

غسق: ياريت عمو اني داخاف من خليل هواي

علاء : ليش بنتي شصاير ليكون يتعارك وياج

غسق: لا عمو بس هوه يشرب ويجيب جماعته هم ويا وعلئ كلشي عصبي وماكدر احجي ويا ولا يتفاهم

علاء: ايا طايح الحظ متوقعت بعده بهل قذاره هاي
رجعي لبيت عمج علما اشووف حل

غسق: مستحيل ارجع اهناك عموو خليني اهنا احسن ماعليه شي واني اقفل غرفتي يعني اطمأن ماكو شي منتضره اجي يمك وارتاح عمو لا تنساني مالي غيرك

علاء: انسئ روحي وماانساج بنتي اسوي المستحيل خاطر اجيبج يمي وترتاحين من هل ناس المتخاف ربها

غسق: بقينه نسولف علئ الفتره السكن بيها بلغربه علما ختمت ويا نزلت اريد انطي الموبايل صار بوجهي عمر

عمر: بعرضي گمر 14

غسق: مهتميتله خزرته ودخلت لغرفه خليل انطيته الموبايل وصعدت بسرعه لغرفتي وقفلت الباب نظراته حيل تخوفني
مرت الايام عادي تعودت من البيت لدوام ومن الدوام لغرفتي واقفل الباب
اليوم خميس كعدت بسرعه بدلت ونزلت اريده يوصلني بس كلي روحي انتي مادري شعجب
سويت لفه اكلها بطريق وطلعت امشي بسرعه علمود اوصل علئ الوقت

امشي واكل وادردم علئ خليل لو موصلني خررب ماعنده غيره ابببد
وصلت للمدرسه وهمزين لحگت عليهم غدير اليوم ممداومه والمدرسه كأبه وضل بالي عليها ان شالله خير خلصت كلشي ورجعت هم وحدي بس امشي علگيفي علما وصلت للبيت شفت سيارات يم بابنه عرفت بدت رحمة الله هسه راح يطلعون يرجعون بليل وياهم بنات ياربي شهل قذاره العايشين بيها خفت اطب للبيت كدامهم رجعت اكو اسواق براس الشارع كلت اشتري منه علما يولون
اشتريت كومه شغلات اليوم ماكو عشه علئ الاقل اكل حلويات
رجعت جانو رايحين دخلت للبيت وكبل فوك اخاف لا احد منهم باقي قفلت الباب وكعدت صافنه علئ الحيطان علئ هل حاله راح اتخبل
كمت غيرت ملابسي وطشرت الحلويات گبالي وطلعت كتابي اقره ومادري شكد مر وگت بعد محسيت علئ نفسي فزيت دنيا ليل شفت الساعه ب 9 ونص

عززه شكد نايمه عصافير بطني دتضرب دقلات
نزلت واني ادعي كون بعدهم مجاايين
نزلت بسرعه لللمطبخ اخذت صمونه وعلبه الجپن سويت لفه واخذت فواگه وصعدت بسرعه
بقيت طول الليل ادرس وارجع ليوره وبالي كله يم غدير العوبه

اريد اروح للحمام بس خايفه
نزلت دموعي وحيل محتاجه اروح كمت فتحت الباب علكيفي مديت راسي محد اكو رحت للحمام غسلت ايدي وطلعت انصدمت بواحد رفعت راسي ابتسامه خبث مرسومه علئ وجهه
رجعت ليوره

يتبع «»

لطالما كانت مأساةُ الشجرِ أنَ يد الفأسِ مصنوعةٌ من صُلبِها.