رواية شوگ و ورد الفصل السادس 6 - بقلم wad. al.Basha

للكاتبه: ود الباشا

اليوم خميس گلت انزللكم بارت ❤️
قراءة ممتعة حبايبي

كبرنه ومآ عرفنه المن كبرنه غير الحزن ما شفنه بعمرنه

غسق: صارت كبالنه شابه مبتسمه من شافتني طبگت حواجبها

ريتاج: اررشددد تزوووجت عليييه موووو. والله عرفتك عرفتك

غسق: باوعلي ورجع باوعلها

ارشد: ريتااج لا تتتخبلين مالي خلگج هسه

غسق: تقربت مني خازرتني ودفعتني

ريتاج: ماتستحيييين تتزوجين واحد متزوووج

غسق: كامت تبجي واني صافنه عليها تقرب منها حضنها من وره

ارشد: حبيبتي ممتزوج والله ضيفه جايه يمنه كم يوم وتروح اهدئي شجرالج شو باعيلي

غسق: علئ صوت بجيها طلعو رجال ومره كبار يطلع عمرهم خمسينات بس معتنين بنفسهم مامبين عليهم

ام ارشد: ولك يمه شكو شبيها مريتك

ارشد: ماكو شي يمه ماااكو

ابو ارشد: لعد ليش صوتكم طالع وريتاج ليش تبجي

ريتاج: متزووج عليييه عموو متزوج مو كتلكم متغيييرر

ام ارشد: ولج امي اهدئي خلينه نفهم منو هل بت منين جايبها

غسق: اباوع عليهم مصدومه من ردة فعلهم واحس جسمي سرت بي رجفه بعمري ممتوقعه انحط بهيج موقف بعدني مداخله وصارت المشاكل بوجهي حيل انهضمت

راشد: يمه شسالفتكم مصاااايره تررره افتهموووو الخره السالفه وبعدين احجوووو

ابو ارشد: كافي ابنيي
وانتي ريتاج لصااله علما اجي

غسق: التفتلي بلعت ريكي بفشله على خوف مشاعري متضاربه

ابو ارشد: عذرينه يابه صارت بوجهج

غسق: هزيت راسي ودموعي تارسه عيوني

ارشد: دخلي ارتاحي وعذريني ممطيهم علم اتفجئووو بيج

غسق: ماكو اشكال ارجع للبيت اني احجي ويا عموو واقنعه اكعد يم خليل علما يجي
خزرني زوعت العافيه بخزرته

ارشد: فوووتي جووه علاء امنج يمييي وراح تبقين عندي علما يجي بنفسه ياخذج

ام ارشد: تعالي يمه دخلي

غسق: دخلت وياها بس متردده فتنه من الصاله دنريد ندخل للغرفه اني وامه صاحت بيه

ريتاج: مااااترحيين لمكان علما افتهم سااالفتكم موو انه الاتقشمر وارشد يلعب بضهري

غسق: دخل مثل الاعصار وزمخ بيها

ارشد: ولج ادب سزززز يااااهو مقشمرج ولاعب بضهرج لووو اريد اجيب علئ راسج 3 واشوف اليفتح حلكه بكلمه وحده بس محترمج وماعندي شي لا تخليني افلقج فلق ريتاااج جررري عدددل كتلج خطاااري كم يوم وتروح لا تلحين زايد

ريتاج: ماخذني على كد عقلييي انت؟ ياهووو يأمن بنيه شااابه عند رجااال وين عايشين احننه

ارشد: كتلج صديقي اعرفه من زماااان وضروفه قووويه

غسق: هزت راسها ودموعها عشره عشره بقيت اباوعلها شبيها هاي ليش هيج

ام ارشد: امشي بنتي

غسق: دخلتني لغرفه بيها سريرين ام النفر كعدت وبقيت افرك بايدي خجل على فشله على قهر بهلحظه صدك حسيت بيتم اهل وعمام واخ حسيت نذليت كعدت كبالي امه

ام ارشد: امسحيها بوجهي بس هيه نصدمت برجلها داخل ويا بنت شاابه ونفعلت مو بقصدها

غسق: هزيت راسي والعبره بصدري لا مصار شي حقها
كامت

ام ارشد: ارتاحي امي اذا احتاجيتي شي تعاليلي لا تستحين البيت بيتج

غسق: تشكرتها وطلعت واني دفنت راسي بلمخده وضليت اشهكك راضيه ارجع لبيت عمووو والله ولا هيج ذله بقيت بلغرفه صاحوني على العشاء مارحت جابولي للغرفه ماشتهيت لفيت راسي لثاني يوم كعدت دمعتي ناشفه بعيني مو ربنا يكول فليتيم فلا تقهر شو اني كلها قهرتني وذلتني اخويا لو عمي وهسه صفيت عند الغريب كمت رتبت شعري وعدلت ملابسي محتاجه حمام اكو باب بلغرفه فتحت والحمدالله لكيته حمام ابتسمت احسن شي لان اخجل منهم غسلت وجهي وطلعت كعدت بمكاني كلت خليني اطلع كتبي واكعد اقره احسن ما بعدين تروح علي دروسي واني كلشي ممفتهمه بلكت احجي ويا يخليني باجر اداوم التهيت اقره وحتى ماعرف بيش الساعه دخلت ام ارشد ابتسمت صبحت عليها

ام ارشد: صباحج عافيه كومي تريكي ويانه

غسق: بلعافيه خاله مجوعانه

ام ارشد: كومي ولا تگطعين گلبي اكليلج لكمه لا تخربين ادور

غسق: كمت رحت وراها فارشين بلحديقه يتريكون نزلت راسي صبحت عليهم جاوبوني الا الاسمها ريتاج غلست مني كعدت بصف الحجيه وتجيب وتخلي كدامي جوعانه بس استحي اكل احس العيون عليه بقيت انكش علما خلصو واجتي مره تشيل الامواعين بقيت اساعدها صاح بيه ابو باوعت على ارشد هز راسه تقربت كعدت يمه

ابو ارشد: انتي بنت ابو خليل الله يرحمه

غسق: هزيت راسي اي

ابو ارشد: الله يحفظج بنيتي غالي ابو خليل على كلبي الله شاهد

غسق: تسلم عمو الله يحفظك

ابو ارشد: ويحفظج اخوج خليل وين؟

غسق: بلعت ريكي وباوعت على ارشد مادري شحجي اخاف هوه حاجيلهم غير شي

ارشد: يابه مو كتلك بسالفته وعمها امنها عدنا

ابوارشد: ارشددد خلينه نفتهم اذا باجر عگبه اجه عليها اخوها او عمها يكلولك باي حق بنتنا يمك شدكللهم عمها علاء امنها عدنا متوكل خبز يا وليدي يبقون اهلها

غسق: فرگ وجه بعصبيه

ارشد: اليتقرب منها ادك القندره على راسه لا تفكر بهلسوالف يابه خليها عليه

غسق: الحجي هز راسه بعدم رضه بس ماحجه
فعلاً حسيت باهانه امبين ممرغوبه بيه ابيتهم بس شاسوي ماعندي احد ومجبوره ترخصت منهم اصلاً مادري بنفسي وين اروح دخلت للغرفه لزمت الموبايل غمضت عيوني بتعب مرت 3 ايام عاديه معامله الحجي والحجيه زينه وياي بس ريتاج مطيقني وكل متشوفني لو تشمر حجي عليه لو تخزرني اني بعيده منها احاول ابقئ بغرفتي بس هل كم يوم تمر بسلامه حسيت نفسي مخنوگه كمت طلعت للحديقه شفت رجال جبير يرتب بيها ابتسمت الله يساعدك عمو

ابو غسان: ويساعدج بابا

غسق: ابتسمت تريد اساعدك بشي

ابوغسان: ماتقصرين خلصت ماعندي شي

غسق: كعدت علئ الكرسي وهوه واكف يرش ماي على الزرع نفتحت الباب دخل ارشد سلم علينه ردينا السلام وكمت تقربت خطوتين اكدر احجي وياك

ارشد: اي احجي محتاجه شي

غسق: اريد اروح للمدرسه اخاف تروح مني دروس ومالحك

ارشد: سهله عمي غسان موجود

ابوغسان: لا والله يوليدي طلع على باب الله

ارشد: الله يرزقه من يرجع خله يمرلي

ابو غسان: تدلل

ارشد: فوتي جوه لا تضلين بره

غسق: حجاها ودخل كعدت بمكاني مخنوكه ماريد ادخل طلعت الموبايل خابرت عمو مجاوبني رجعته لجيبي بقيت اباوع علئ عمو ابو غسان شلون حلو يرتب الحديقه كمت دخلت جوه ملل احس روحي راح انفجر مااريد ابقى اهنا احس روحي ثكيله عليهم دخلت للغرفه ودموعي على خدي مرت يومين عاديه بس الفرق الكأبه يوم عن يوم تزيد عندي وكل شويه الزم موبايلي اخابر خليل يجي عليه واتراجع دگ جهازي تعجبت ماكو احد يدك عليه طفرت من السرير لزمته بايدي وشفته ارشد استغربت احنه مو بنفس البيت ليش حتئ يدك عليه جاوبته

ارشد: شلونج

غسق: الحمدالله انت شونك

ارشد بخير حضري روحج باجر غسان يوصلج للمدرسه

غسق: كول والله بقئ ساكت ماحجه امم اعتذر مادري شلون اشكرك

ارشد: ماسويت شي اني نقلتج لمدرسه قريبه منا بس هم اريدج تنتبهين تره خليل مراقبني وماعتقد يجوز منج وهم انطي الحق تبقين اخته وعرضه بس هوه حيوووان ماينصلح

غسق: سكتت ماحجيت شي

ارشد: يلا يابه اخذي راحتج واذا محتاجه شي للدوام احجي لا تستحين

غسق: لا تسلم ماقصرت والله
ختمتت المكالمه وكعدت اتصفن تالي شراح يصير بالله يشيلها العقل شارده من اخوي لعند غريب رتبت جنطتي. وملابسي ونمت كعدت الصبح بدلت وشلت شعري ولبست حذائي همزين من طلعت جبتهم وياي جان احتاريت ومستحيل اكول الاحد اشتريلي شلت الجنطه وطلعت جانو بصاله يتريكون احس رجلي ثكلت مستحيه من عدهم كل يوم ما اطلع بوكت كعدتهم اسوي روحي نايمه

ام ارشد: تعاي يمه كعدي اكلي لگمه

غسق: حاطه ايد بايد متوتره لا خاله مجوعانه

ام ارشد: تعاي  كعدي يا بنتي لا تستحين

غسق: ابتسمت ورحت كعدت بصفها ريتاج گالبه خلقتها عليه وعمو محجه شي وارشد ماتجرئت اباوع عليه خفت يفتهموني غلط اكلت لگمه وتذكرت ماما شلون مجانت تخليني اطلع من البيت اذا ما اكل تجمعت دموعي بعيني

ارشد: الخط ينتضرج

غسق: ترخصت منهم ودرت وجهي سمعت ريتاج دكللهم

ريتاج: الووضع صاااير ماينطااااق

غسق: طلعت بسرعه سويت نفسي ماسمعت شفت ولد شاب واكف يم الباب ويحجي ويا ابو غسان صبحت عليهم وحجيت ويا عمو
الولد اليوصلني ما اجه
التفتت علئ الولد الواكف بصفه حط ايده علئ صدره

غسان: بشحمه ولحمه منين طالعتلنه الشمس وجايلنه هلجمال

غسق: ماحجيت شي او بلاصح ماردت تصير مياانه

ابو غسان: ولك غسان وصل البت وحجايه زايد وياها ماريد

غسان: صار يابه تدلل انت والبت

غسق: ركبت السياره طول الطريق يسألني انتي منين وشعندج اهنا واني ساكته ماحجيت شي تالي كال

غسان: والله لو ماسامعج تحجين ويا الوالد اكول عنج خرسه

غسق: ابتسمت لا بس ماعرف شجاوبك

غسان: زين يا صف انتي

غسق: رابع

غسان: الله يوفقج

غسق: تسلم

غسان: اذا احتاجيتي شي بدروس ومتفهمتي شي تعالي ادرسج

غسق: ماتقصر شمكمل انت

غسان هندسه بس مثل ماتعرفين احنه بلعراق العظيم تعينات ماكو فكاعدين وساكتين منتضرين رحمة الله

غسق: ان شالله تتعين ومايرروح تعبك ابلاش

غسان: الله يسمع منج هاي هم وصلنه ب 12 اني اوكفلج اهنا

غسق: هزيت راسي ونزلت وهوه بعده مبتسم دخلت للمدرسه جديده ماعرف بيها احد اجت ابالي غدير شصار بيها هسه جريت حسره ودخلت مشئ اليوم عادي بين الدروس والكعده وحدي ماختلطت باحد
علما خلص الدوام وطلعت ادور علئ الخط سمعت هوورن التفت شفت غسان ركبت سلمت عليه طول الطريق ساكتين قريب مدنوصل

غسان: اسألج سوال

غسق: هزيت راسي اي

غسان: ليش هيج هادئه انتي

غسق: دنجت راسي تكدر دكول مو اجتماعيه

غسان: احسن لا تختلطين ماتعرفين نفوس هلناس شبيها

غسق: اي اني هم مبتعده ماريد انصدم باحد

غسان: مبين مصدومه صدمه قويه بحياتج

غسق: مجاوبت هوه هم سكت وصلنه للبيت سلمت علئ عمو ابو غسان ودخلت صارت بوجهي ام ارشد ابتسمتلها

ام ارشد: الله يكويج بنيتي غيري ملابسج وتعاي تغدي

غسق: مجوعانه خاله بلعافيه هستوني اكلت لفه اريد انام شويه علمود اكعد ادرس
جذبت عليها اصلاً ميته جوع بس استحي اكعد وياهم
ومالي خلك ريتاج تكعد تخوزر بيه

ام ارشد: براحتج اذا جعتي لا تستحين البيت بيتج

غسق: ابتسمت ماعرفت شجاوبها مرت الايام وهاي شهر اني اهنا عمو يخابرني ويسأل علئ حالي ويكول مبقئ شي وعايشه علئ امل يسحبني عنده وارتاح
وام ارشد وابو ممقصرين وياي وهوه مو دائما بلبيت من يكون موجود مااطلع من الغرفه اخاف مرته تسويها سالفه غيرتها عليه بخبال
الماخذه راحتي وياهم بلكلام نضحك ونسولف همه عمو ابو غسان وغسان يحسسوني اني وحده منهم وبيهم بس مع الاسف ام غسان مطيقني بعيشه الله
لازمه كتاب الرياضيات وافتر بي مدافتهم حللل هل درس تذكرت غسان فتحت الباب واني مدنجه بكتابي والقلم بحلكي وامشي اجيت ترس بشي صلب غمض عيوني كل ضني حايط بس اجت بخشمي ريحه عطر تسطر
رفعت راسي شفت ارشد رجعت ليوره مرتبكه
ااا اسفه مو قصدي والله

ارشد: مصار شي انتبهي من تمشين لا تنردمين بلحايط

غسق: نزلت عيني منه وهزيت راسي

ارشد: شلونج

غسق: الحمدالله

ارشد: شلونج بدروسج

غسق: كلشي تمام بس محتاجه شوفه عمو

ارشد: ماضل شي ان شالله محتاجه شي

غسق: داريد اتشكر منه سمعت صوت مرته ورايه

ريتاج: حبيبي شوكت اجيت

ارشد: هاي جيتي

غسق: اجتي حضنته وضلت تبوس برگبته وهوه عيونه عليه دنجت راسي وطلعت للحديقه عزه بعينها لا تستحي ولا تخجل عززه بقيت كاعده صافنه على حركاتها معقوله الحب هيج يخبل بقيت كاعده احاول احل المسائله علما يرجع غسان لان طالع
صارت ب 11 وهوه ماكو كمت دادخل ونفتحت الباب عرفت بي هوه رجعت كعدت

غسان: هلا بضلعي شو اهنا

غسق: منتضرتك

غسان: ساعة المباركه غسوقه تنتضرني بعد شرايد اني

غسق: بالله اليسمعك كلامك شيكووول

غسان: ههههههههه اخ وديتشاقه ويا اخته

غسق: اي مادام هيج تعال حلي هل مسائل تره راسي افتر ونبي

غسان: سلامة راسج عيني شو جيبي

غسق: كعد بصفي وجر القلم من ايدي وكعد يعلمني ابتسمت والله طلعت شاطر

غسان: افاااا وعندج شك اعجبج عيني يلا شوفيني عرض جتافج

غسق: انطاني القلم وكمت احل غسان هاي شلون والله مدافهم دنج راسه يعلمني وماسمعنه الا صوت فززنه ثنينه طفرت من مكاني وهوه هم كام

ارشد: غسسسق شسوووين اهنااااا

غسان: عدها مسائله مكدرت تحلها وداساعدها

ارشد: كتلي تساااعدها وماكوو غيرك يساعدها

غسان: ارشد مو صغير كدامك وواكف هيج تنتر بينه وثانياً كتلك البنيه جابت كتابها وطلبت اساعدها ماعتقد صار شي

غسق: باوعلي عيونه تجدح فعلاً خفت منه شبي هذه

ارشد: دخلييييي لغرفتج

غسق: اخذت كتابي وركضت عزه مو طبيعي نفس خبالات مرته طفيت الضوه ودخلت لفراشي عيطته هبطتني سوت عندي سكر نزلت دمعتي بقهر بالله لو اخويا بي خير اني شصخم وجهي اهنا
بقيت ابجي علما نمت كعدت الصبح بدلت علئ السريع ظفرت شعري وطلعت كاعدين يتريكون كلعاده مارفعت راسي مابيه حيل يخزرني من صباحيات الله ويزوعني العافيه صبحت عليهم وداريد اطلع اجاني صوته

ارشد: انتضري اني اوصلج

ريتاج: خير حبيبي غسان ويين لعد

ارشد: الصخامم عطلان تالي وياج انتي كل حركه تحاسبيني عليها جري عدل ريتاااج

غسق: راح تصير عركه طلعت وكفت بره علما يجي شويه واجه اشرلي بمعنئ يلا ركبت ويا مشى مسافه ووكف السياره نزع نظراته شمرهن وباوعلي

ارشد: اسمعيني زين انتي عمج أمنج عندي ولو مو عمج خطوه وحده مادخلج لبيتي على سمعت اخوج الطايح حظها

غسق: بلعت ريك من طريقه كلامه واسلوبه

ارشد: بس علاء صاحب وكفات وياي كعداتج بلحديقه ويا غسان ماتعجبني وشعرج وملابسج الكصاف هم مايعجبني

غسق: بلعت غصتي وحسيتها جرحت بلعومي غسان ماعندي شي وياا مجرد صديق ومثل اخ البارحه الدرس جان صعب عليه وساعدني

ارشد: بس ممبين اليشوفكم يكوول داخلين بنضيف

غسق: اليشوف مشكلته كلمن يراء الناس بعين طبعه وبعدين اني ماطلبت رئيك لا بملابسي ولا بشعري انت كلتها اني خطار عدكم مو باجر عگبه رايحه

ارشد: بس مادامج ابيتيييي تحترررمين

غسق: وين تريد توصل حضرتك صح ساعدتني و فضلك طول عمري مانساه بس مااالك حق تكعد تحجي عليه هيج بعد فدور كول انتي وحده موزينه وفضها رفع تك حاجب

ارشد: شجاوبج منو اخوج؟

غسق: لا تجيب سيرة اخوووي اذا هوه موزين فانت هم موزين لو جنت زين ماتكعد بنصهم وتشرب وياهم لا تسوي نفسك شريف حجيتها بنفعال نرفزني حيل نرفزني ماحسيت الا كفخه على حلكي

ارشد: بكد القندره والساااانج اطول منج لا عبالج خليل الكو..... كبالج ويسكتلج اسنونج اكسرهن بحلكج

غسق: انصدمت من ضربته نززلني اهناااا فرگ وجه بعصبيه

ارشد: سدي حلگج صوووتج ماسمعه

غسق: والله دقيقه مابقى خااابر عمووو ارجع يم خليل انت منو وشحاسب نفسك تضربنيييي

ارشد: تردين اوصلج عنده؟ يكو.... عليج

غسق: خاابر عمووو
فر السياره ورجع للبيت

ارشد: دخلي جوه ومدرسه بعد ماكووو علما يجي عمج ياخذج و داومي يمه

غسق: موو بكيفك خزرني

ارشد: لا تعاندين يا بت الناس تره خلكي ضيگ

غسق: طلع غسان من البيت بقى يباوع عليه

غسان: شبيج غسق ليش تبجين

غسق: ماكو شي

غسان: ليش راجعه لعد

ارشد: لا تلح غسااان توكل على الله

غسان: شقصتك يمعود عليش تصيح ابنك االصغير انه

ارشد: لا محشووم بس توكل على شغلك ومالك شغل بيها

غسق: التفت راح صحت بي غسان وصلني بطريقك لمدرسه اشرله بايده روح

ارشد: توكل غسان مالك شغل بيها
ماخذلها اجازه

غسق: ركب سيارته وراح مبين عصب عليه بس ماكدر يحجي حقه عيشتهم عليه
شبييك انت اذا ثكلت عليكم كوول خليني اولي ماكو داعي هيج تسوي

ارشد: صوتج دخلي جوه

غسق: ما ادخل عفته ورحت كعدت علئ الكرسي بقئ واكف يخابر ايد شايل الموبايل وايد بجيبه درت وجهي منه كرهني بنفسي صارله شهر مخنوووس ماله صووت واليوم عفاريته دكمز علئ راسه

ارشد: يييييمه

غسق: فزيت من صوت والله خبل هذه مو صاااحي اجتي المره تركض جنها بطريق

ام ارشد: خير يمه شبيك هرجتنه بصووتك شصاير

ارشد: رايح لشغلي عينج علئ هلبلوه

ام ارشد: يا بلوه ولك ليش مرجعها مو اخذتها لمدرسه شصاير

ارشد : مصاير شي بس مديرهم مات وانطوهم حداد 3 ايام

ام ارشد: يا عيني الله يرحمه

ارشد: ويرحم موتاج

غسق: فوكاها طلع جذاب باس راس امه وطلع اجت امه كعدت يمي

ام ارشد: خطيه الله يرحمه لا تنقهرين بنيتي

غسق: هزيت راسي بدون ما احجي ودموعي متجمعه بعيني وهيه المسكينه عبالها ابجي على المدير العايش وكعدت تواسيني

ام ارشد: كومي يمه كومي لغرفتج ارتاحي شويه ذبي هلملابس

غسق: كمت وياها دخلت للغرفه وقفلت الباب صفنت على الحايط شداسوي اهنا لا المكان مكاني ولا الناس ناسي شجاابني اهنا شصخم وجهي نفتحت الباب طفرت من مكاني ريتاج واكفه وشياطين الدنيا دكمز على راسها وعيونها حمر من البجي حالها اسواء من حالي

ريتاج: شعندج ويااااا ارشد

غسق: بقيت اباوع بعيونها مقهوره عليها

ريتاج: لااا تباااااعين هلشكل احجيييي شعندددج ويا ارشد

غسق: انتي ليش ماعندج ثقه بي

ريتاج: وانتييي يا قندره وتكولين ماعندي ثقه بزوجي

غسق: تره كلامج هوه اليكووول مو اني وماسمحلج تتجاوزين عليه

ريتاج: والله انتي اذا مووو عااار وسگط اهلج مايشمروووج علئ ناس غربه

ام ارشد: ولج ريتاج شنو هل حجيي هذذه

ريتاج: مامجذبه عمه مامجذبه شتسووووي يمنه صارلها اكثر من شهر كاااافي توووولي خطار يوم يومين خوماا طول العمر

ام ارشد: ولج صلفه بلعي الساااانج لا يسمعج يكسر ظلوعج سترررري على نفسج روحي انطمي بغرفتج يلاااا

ريتاج: هاااي انتو دائماً هيج اليوم لو اني لو هيه اخابر بابا يجي ياخذني والله ماكعد دقيقه اهنا

غسق: كامت تبجي وطلعت تقربت عليه ام ارشد

ام ارشد: لا تنقهرين من كلامهم هيه هيج تصرفاتها ماتحسبلها احسااب

غسق: طبطبت علئ جتفي ابتسمت وطلعت كعدت علئ سرير بخيبة امل وين جنت وين صرت مجنت اعرف النتره شنووو بدلال بابا وماما وهسه الرايح والجاي يزمخ ويصرخ عليه والله مابقى دقيقه اهنا لزمت موبايلي دكيت رقم خليل مرتين مجاوبني كمت لميت اغراضي بنفس الجنطه الاجيت بيها من يجي احجي ويا يرجعني دكيت على عمو هم مجاوبني من الاعصاب البيه ردت اركع الموبايل بلحايط
لليل سمعت صوته طلعت مرتبكه رحت للصاله همزين وحده كاعد يخابر انتضرته خلص مكالمته رفع راسه باوعلي برفعه حاجب

ارشد: بعدج تبجين علمدير ؟

غسق: متضحك تره ابتسم بدون مايحجي اريد ارجع للبيت تلاشت ابتسامته

ارشد: راسي مصدع هلموضوع غير يوم نحجي بي

غسق: ماكوو غير يوم هسه دكوووم ترجعني عند خليل ماااريد ابقى اهنا ولا دكلي عمج خليجي ياخذني بدال مامخليني اهنا

ارشد: انتي متخافين على نفسج بابا افهمي اخوووج بايعها شلوون اوصلها الج

غسق: تره انتووو الغربه ولازم اخاف علنفسي منكم

ارشد: الرايدته شنو؟

غسق: ترجعني منين ما جبتني

ارشد: انتي عمر عاجبج يعني دطبقين مثل عيب اكوله

غسق: يااا عمر انت شددكوول

ارشد: اشششش صوتج لا تعلي لا اكص الساااانج
روحي لغرفتج وتجفي شررري

غسق: مااريد ابقى اهنا الله يخليك رجعني اخذني لبيت عمو محمد سكت ماحجه دار وجه يروح تره اروح وحدي والله لا عبالك ماسويها ماهتملي عافني وراح دخلت للغرفه دمي يفور احس عيووني تطلع منها نااار
دكيت رجل لو اني لو انت انتضرت صارت ساعه 11 خليت الجنطه على جتفي وطلعت اتمشى علئ طرف اصابيعي فتحت الباب على كيفي طلعت للحديقه امشي بخوف ودموعي ينزلن ماحسيت الا انلزمت ونحطت ايد على حلگي

يتبع<>

هلي گبل لا أحجي انتو حسو بيا
هلي مو مال اوصيكم عليه ..
كلش زين تدرون انه مو زين
وغير اجفوفي ماظل شي بديه ..
هلي گلبي بلم ياما شلت ناس
بگلبهم ما دري اشالو اليه ..
كلهم مشو وانه وگلبي باقين
لا وافتنه ناس ولا منيه ..
على الينباع اسأل ليش ؟ مو بيش
اخاف انباع هم مثلي خطيه ..
انخاف وعلى اي واحد زين منگول
ليطلع حالة من حال البقيه ..
هلي شحجيلكم روحي وهضمها
تحن الكم حنين الام على امها
واحنلكم والمصبرني والله
ابات وياكم بنفس الهويه ..
هلي تمنيت ماننشرة وننباع
احسن بيش من عدنه الهديه ..