رواية شوگ و ورد الفصل الخامس عشر 15 - بقلم wad. al.Basha

للكاتبه:  ود الباشا

‏"عندما يكون الواقع بهذا الانحدار، فإن أسوأ ما يمكن أن يحدث لك هو أن تتأقلم."

ارشد:  شعندج ويا غساان؟

غسق: شدددكووول انتت

ارشد:  سوألي واضح شعندددج ويااااا

غسق: لا تصيح عليه غسان اخ وزميل ماعندي وياااا شيي وحتئ لو عندي انتت شعلييك شلك علااااقه؟

ارشد:  وكتتتاب الله راااسج اكسره لج لا تشوفيني ساااكتلج ومخليج بررراحتج حظج اطيحهز

غسق: بقيت اباوع عليه مصدومه بصفتك شنووو تكسر راسي وتسوي كل هلهوسه
ماالك ايي حق تحاسبنييي ساعدتني اي وممنونه منك بس تتحكم بيه بأي حق
باوعلي نص نظره

ارشد:  ابتعدي من غسااان وبيت عمته اطلعين منه

غسق: غساان اخوووي مابتعد منه ولا اطلع من البيت انت ابتعد مني وچفيني شرررك
التفتلي نار تطلع من عيونه لزم فچي بقوه

ارشد:  انه شرر؟

غسق: لعد من هيج تسوي شنو حاولت اوخر ايده ماكووو حسيت وجهي اندارر همست بوجع دتاااذيني

ارشد: باااجر اطلعيين من بيت عمته ومااااريد اشوفج ويا مره ثااانيه

غسق: شعليييك انت شعلليك وليش  دتحاااسبني
بقى يباوع بعيوني نظرااته غريبه نفس نظرات بابا من جان يباوع لماما

ارشد:  مااريدج اضيعين نفسج انه

غسق: ماكمل حجايته دار وجه وفرك ركبته صافنه بكل حركاته الغريبه اريد افهم تصرفاته

ارشد:  تكعددين بلمشتمل وتكملييين دراستج

غسق: ماااريد اكعد يمك عووفني مساعدتك مرررفوووضه مرتاحه بحياتي مشاكيتلك اني

ارشد:  يعني افهم منج مرتاحه لكثره الذباااان الداير مدايرج

غسق: شتقصد؟

ارشد:  ميحتاج اعيد هسه ارجع اعيد السوأل شعندج وياا غسان؟

غسق: واني ارجع اكلك غساان اخ وزميل واذا عندي شي ويا اكولك مخايفه منك باوعلي بنظره خلتني اصفن بملامحه الحااده
هسه تكدر تررررجعني لوو اني ارجع

ارشد:  غسسق صااابر عليج مارريد ائذيج واتاذه انتبهي لتصررفاتج اكثر يمكن هلمره عديتها وسكتت مره ثانيه اذا اشوفج ويا غسان ماضمنلج شراح يصير فنتبهي

غسق: تهددني؟

ارشد:  احسبيها مثل ماتردين

غسق: شغل السياره باوعلي

ارشد:  بما انو. خربت عليج وماكدرتي تاكلين عازمج على الاكل

غسق: شبعت ميحتتااج تعزم رجعني للبيت تاخر الووگت

ارشد:  منتاخر

غسق: لا تخبلنييي رجعننييي انتت متخاف مرتك تشوفك وياااي

ارشد:  بايك ناهب خليها تشوف

غسق: مو طبيعي انت مو طبيعي وكفنا يم مطعم نزل بكل اريحيه ولا عبالك صاير شي اشرلي براسه بمعنى انزلي نزلت نار تطلع من عيني فشلني ويا غسان
تره اكلت مجوعانه لو ترجعني لو تخليني ارجع

ارشد:  مو مشكله اكلي مره ثانيه على الوهس

غسق: دخلت ويا كعدنا بقيت اباوع عليه كاعد يدخن منتضر الاكل يدك بصابيعه على الميز

ارشد:  باجر اشوفلج مكان تسكنين بي قريب على شغلج

غسق: مااريد مرتاحه بمكاني

ارشد:  ماريدج تكعدين بشقه بالله اشوفلج مشتمل

غسق: هوه يحجي واني صافنه تره داكلك مرتاااحه بمكاني مرتاحه

ارشد:  بس انه مامرتاح

غسق: مشكلتك مو مشكلتي وارجع اكلك ساعدتني اتشكرك هواي بس مالك حق تدخل بحياتي
ضرب الطبله بقوته وكز على اسنانه

ارشد: غصبب عنج اتدخل لا تحرگين دمي اكثر علمود ماتتشوفين وجهي الثاااني

غسق: وگفت

ارشد:  ووين؟

غسق: للحمامات لو هم ممنوع
ماحجه شي متعجبه من تصررفاته شصايرله مادري مجان هيج غسلت وجهي وجريت نفس طلعت الموبايل غسان ورقم غريب  داگين عليه ماتصلت رجعته لجيبي وطلعت ديلعب على اعصابي واني ماتحمل هاي المهزله باوعتله ملتهي يخابر بسرعه طلعت وكفت على الشارع اخذت تكسي نطيته العنوان
وصلني بالف دعاء خايفه تكسي وحدي بليل انطيته كروته ونزلت دكيت الباب فتحته خاله معصبه

ام مسره:  بعد وكتت عيني

غسق: اعتذر خاله تاخرت شويه دارت وجها ودخلت جوه دخلت وراها

ام مسره:  شوفي بنتي انه مايصرفلي هيج لوو تكعدين وتسكتين بلبيت لو من اطلعين وتشتغلين تلتزمين

غسق: اخر مره خاله والله بعد ماتاخر

ام مسره: المنطقه الكاعدين بيها ماترحم يطلعون الف حجايه علئ الواحد بس اكلج انتبهي اغلى شي عند البنيه سمعتها والناس ماتعرف مخافه الله كلشي تحجي

غسق: عافتني وراحت لغرفتها اني هم دخلت لغرفه شفت مسره كاعده تصفط ملابس

مسره: واخيراً گلبي نار عليج تاخرتي

غسق: اي ازدحامات

مسره: شبيج ضايجه حصلتي رزاله مو؟

غسق: لا حقها من تحجي خايفه عليه وعلى بيتها منطيتها كل الحق
صاحتها امها راحت كمت نزعت ملابسي لبست تراك
وكعدت صافنه بلصار  شفت ضوه موبايلي يشتغل مخليته صامت باوعت الاسم ارشد جاوبته خفت لا يجي اهنا ويسويلنا فضيحه اجاني صوته يرعدد

ارشد:  ووووووينج؟؟

غسق: لا تصيح ارشد

ارشد:  العننن ابو ارشد الف مره وينج گلبت الصخام المطعم عليج وماكووو

غسق: رجعت للبيت سكت شويه بس صوت نفسه عالي

ارشد:  غسااان اجه علييج

غسق: لااا والله لااا اننييي رجعت

ارشد:  بسيطه غسق بسيطه باجر نتحاسب

غسق: حجاها وسد التليفون بوجهي مصدومه من تصرفاته شيريد ليش هيج يسوووي خفت يشد ويا غسان وخطيه همه رزقهم عليه رجعت اتصلت بي مجاوبني دكيت عليه مره ثانيه
بلعت ريگي

ارشد: احجي

غسق: غساان ماله علاقه اليوم اني ويا رحنا ردت اكمل زمخ بيه

ارشد:  انعل ابوووو غسان مخابرتني تسولفين علئ غسااان

غسق: انت ليش ماخذ العالم بصياحك وعياطك اسمعني بعدين احجي

ارشد:  كملي بالله احجيلي مغامراتج ويا غمان

غسق: اني ويا رحنا علمود حمله تبرعات لمنطقه فقيره حالتهم تقهر خلصنه وكال عازمج علئ مطعم هذه كل الصار اني ممجبوره ابررلك بس علمود غسان مااريد اهله او هوه يخسرون شغلهم او تصيرلهم مشكله بسببي

ارشد:  غسق خلصتي؟

غسق: اي

ارشد:  تصبحين علئ خير باجر نتفاهم

غسق: رجع كطعه استغفرت ربي ونمت كعدت الصبح نضفت البيت ويا مسره خاله طالعه تتسوك  اندكت الباب راحت فتحتها دخل غسان سلمنا عليه

غسان: مسره بعد اخوج ماي

غسق: راحت تجيب ماي

غسان: شصار الباارحه؟

غسق: والله مادري كال شعندج طالعه بليل للمطاعم ومن هلحجي يخاف عليه طبعاً جذبت عليه قابل شكوول يكلي شعندج ويا غسان تصير دمايه بينهم

غسان: متاكده ؟

غسق:  اي

غسان: لا تخافين غسق اذا اذااج احجيي
تره احنا صح نشتغل يمهم بس مو عبيد الهم

غسق:  بلعت ريگ تره استاذ ارشد مياذي صدگني بس لان عمو موصي عليه يحسني امأنه عنده
ماحجه شي هز راسه لازم ابرد الوضع اجتي مسره كعدنه نسولف رجعت خاله من السوك كمنا رتبنا المسواك سوينه غده تغدينه كلنا سوه طبعاً الكعده ماتخلص من مناكر خاله وغسان

ام مسره: بشرني ابوك العار شلونه

غسان: يسلم عليج وكال حب راس عمتك هم

ام مسره: تدري همزين انت مطالع علئ ابوك طالع انغل منه

غسان: خلف الله عليج والله لو ما غاليه جان عرفت شجاوبج

ام مسره: بالله جاوب داشوفك شلون اخلي النعال يرگص على ضهرك

غسق: غسان باوع علينه اني ومسره شافنه مخنوگين بضحكتنه

غسان: وجع شكو تضحگن

ام مسره:  انلصمن يلااا انه احجي عليه واضحك وارزل الي حق اكسر راسه بعد انتن شكووو لازمات الحلك وتضحگن عاب حتئ عاب

غسان: غير انتي تضحگيهن عليه وانتي ترزليهن حلوه هاي والله تالي عمري جبار عليه

ام مسره: احترم روحك لك جبار شنوو انه ام مسره تدري عمك شلون حارب الدنيا علمووودي

غسان: جان معمي علئ عيوونه ومن فتحهن انجلط الرجال

غسق: حجااها وشرد وخاله لزمت النعال وركضت وراء
ماالحكت بي گمت شلت المواعين ويا مسره غسلناهم ورحت بدلت ملابسي صاحتني خاله رحتلها لغرفتها فتحت الباب كدامها علاكه اشرتلي بمعنى كعدي كعدت كدامها

ام مسره: غسق انتي بمثابه مسره عندي الله شاهد حتى من ارزل بيج واعصب حاسبتج حسبة بنيتي
انتي جبيره وحلوه والف واحد يتمناج اتمنى تلبسين حجاب وتغطين هلشعر الحلو وتخلي لليستاهله

غسق: باوعتلها اني احب اتحجب والله بس اختنك بي
ماتحمله

ام مسره: يوم يومين تتعلمين اخذي وجربي اليوم وثاني يوم ماراح تكدرين اطلعين بددونه

غسق:  اخذته منها تشكرتها وبست راسها رجعت للغرفه طلعتهم الوانهم حلوه سحبت واحد اسود خفيف يصير ذبيته هيج على راسي عود علما اتعود عليه اخذت جنطتي وطلعت شافتني خاله خزرتني

ام مسره: هذه حجاب لو شنو اكو واحد هيج يلبسه يا بنتي شو الشعر طالع الركبه طالعه الاذانات طالعه شمغطيه بالله

غسق: تقربت منها خاله فتره علما اتعود فدوه هزت راسها عفتها وطلعت قبل لا اترزل اكثر باوعت يمنى ويسرى ابو غايب ماكو مشيت علئ راس الشارع سمعت صوت هورن التفت شفت ارشد بلعت ريكي
تقدم وكف بصفي ركبت ماكدر اعاند ويا
واسوي مشكله اسايسه واشوف لوين يوصل موبايله مثل كل مره يدك وهوه ميرد تالي حوله صامت وشمره

ارشد: ايي ست غسق اسمعج

غسق: شتسمع؟

ارشد:  البارحه شلون اطلعين من المطعم بدووون علمي ؟

غسق:  سكتت شويه وهمست شنو التريده انت؟

ارشد:  لا تردين سوألي بسوأل ثاني جاوبيني

غسق: جنت تعبانه هز راسه

ارشد: كتيلي تعباانه

غسق: ضرب الستيرن بقوه باوعلي ركز بعيوني

ارشد:  طفلل انه وتقشمري

غسق:  باوعت بحديه بعينه اررشد ممكن اعرف وييين تريد توووصل لييش تريد تتحكم بيه  فهمنيييي اشر علئ نفسه

ارشد:  انه متحكم بيج؟

غسق: اهلي مديحاسبوني انت ليش تحاسبني ليش فهمني خليني افتهممم

ارشد:  يااا اهلل الدتحجييين عنهم ابوووج لو جان عااايش يقبلل اطلعييين ويا ولد شاب توزعين تبرعاتتت
الناس الفقره باقيه لا اكل لا شرب منتضره  ست غسق

غسق: ماسويت شي غلط تره حبيت اروح اشوف بعيني شلون عايشين وشنو وضعهم ليش تكبررر المووضوع انت وبعدين لو بابا جان عااايش ميحاسبني بهلطريقه هاااي لا تدخل بيه بعد رجاءً

ارشد:  سكت ماحجه

غسق: تاخرت على شغلي

ارشد: انه من احاااسبج ودمي محروووك خايف عليج وعمج الله يرحمه يمشي ويوصيني عليج بس انتي راسج محجررر

غسق: انقهرت لأن حاجيته بهلطريقه بس هوه اسلوبه اخر فتره حيرتني
ماحجيت شي وصلني للعياده نزلت تشكرت منه ماجاوبني دخلت التهيت بشغلي لساعه ب بسبعه ونص طلعت الدكتوره بقيت اعزل بلكارتات العياده علمود باجر الضهر ماعندي شي وباقي نص ساعه لجيه عمو ابو غايب رفعت راسي داريد اخلي الكارت بمكانه صار كبالي رائد بلعت ريگي بخوف دخل وسد باب
ش شدتسوي انت

رائد:  اجيت اسلم عليج

غسق: ارتبكت حيل رجعت ليوره تطلع لووو اصرخ الم عليييك العالم والله

رائد:  جرربي سويها هياتني كاعد ماعندي شي

غسق: كعد وبقئ يباوعلي

رائد:  كم مره كلت ابتعدي من ارشد؟

غسق: ماعندي شي وياا
ضرب الميز حيل

رائد:  لااا تچذذذبين ماتستحيييين مخليه زوجته تفرفح وهوه ليل نهار يفتر ورررراج 

غسق: اني شعلييي لا جابرته يفتر ورايه ولا كايلتله عووف مرتك ضحك صفح

رائد:  هلسووالف ماتمشييي علييه حافظ امثااالج زين يتمسكنن علما يتمكنن

غسق: تفهم انت لو لا كتلك مااالي علاقه بي والله
وبعدين اني شلووون اخلي عيني على رجال متزوووج

رائد:  امثالج كلشي يسون شفتييي خليل كعدج على الحديده كلتي خليني استغل ارشد واحصل منه كم فلس

غسق: فتحت عيووني مصدومه انت صاااحي شددكول وبعدين ارشد طفل علمود اني استغله خااف ربك
انت ليش متعب روحك و جاي تحاجيييني الي روح حاجي اخووك يبتعد مني

رائد: اريدج انتي تبتعدين وراح تبتعدين غصب عنج

غسق: اطلع بررره طفر وكف كبالي رفع ايده

رائد: ديررري بالج تعلييين صوتج عليه انه مو ارشد واسكتلج افلقج فلق وعلي

غسق: خزرني وطلع مو صاحي هذه مسحت وجهي زوعني العاافيه الله لاينطي جريت نفس كمت بسرعه قفلت الباب وطلعت خفت يرجع عليه اني طلعت واجه عمو ابو غايب ركبت بسرعه مرتبكه

ابو غايب: بيج شي بنتي

غسق: هزيت راسي لا
انطاني بطل ماي شربته جره وحده
باوعت ايدي ترجف سندت نفسي علئ جامه السياره
نزلت دمعه من عيني وينك بابا شوف حالتي ماتقهرك مو يكولون دتشوفني وتحس بيه لعد شلوون گلبك مطيك عايفني اتاذه بهلشكل تعال احميني بابا مداعرف اتصرف تايهه اني فزيت من صفنتي على صوت عمو

ابو غايب:  بنتي بيج شي صاير وياج شي

غسق: مسحت دموعي محتاجه بابا عمو گلبي ديتكطع محد ديحس بيه

ابو غايب:  الله يرحمه اني بمثابه ابوج احجيلي اساعدج

غسق: ماتقصر رجعت مسحت دموعي بقيت ساكته علما وصلنا تشكرت منه ونزلت دخلت للبيت خاله ومسره بلمطبخ سلمت عليهم ودخلت صاحت ورايه مسره

مسره:  بدلي وتعاي نتعشئ

غسق: بلعافيه مجوعانه ابدل وانام تعبانه منتضرتها تحجي رحت للغرفه ذبيت نفسي على الفراش بتعب عيوني احسها ورمت من البجي
نفتحت الباب بسرعه غمضت عيني

مسره: غسق كومي بدلي ملابسج ونامي

غسق: بعدين اريد انام تعبانه

مسره: صاير وياج شي

غسق: هزيت راسي لا
عافتني وراحت بقيت اتگلب واتذكر ايامي بنص بابا وماما وعزي ودلالي علما نمت كعدت الصبح على صوت موبايلي باوعت ارشد مجاوبته مناقصني مشاكل البيه كاافي سويته صامت وشمرته ورجعت نمت للضهر كعدت جسمي متكسر كمت غسلت وطلعت للمطبخ شفت خاله تسوي غده صبحت عليهم

ام مسره:  مبين التعب عليج ذبيتي نفسج فرد ذبه

غسق: اي والله ارتاحيت بلنومه

مسره:  ردت اكعدج من العشره ماما ماقبلت

غسق: تقربت بستها فدوه لكلبها خاله صبت غده تغدينا عزلت المطبخ ويا مسره ورحت غيرت ملابسي ذبيت الحجاب اترخصت من خاله وطلعت اباوع عمو جاي لو بعده سمعت هورن سياره ورايه درت وجهي شفت ارشدد مشيت سريع ماريد اصعد ويا ولا اريد احجي ويا ماحسيت غير انسحبت زمخت بي عوووف ايددددي شمرني بلسياره ورجع رگب حرف ماحجه علما طلعنا من المنطقه

ارشد:  شو باعيلي شبيج؟ ليش عيونج مورمه

غسق: مابيه شي

ارشد:  متاكده؟

غسق: شترريد مني ليش جاااي؟

ارشد:  انتي من كل عقلج اعوووفج تنوووكلييين لج وين عقلج

غسق: ميخااالف خليني انوكل لا تدخل بيه
باوعلي مضيك عيونه

ارشد:  غسق تااالي وياااج تااالي بس فهميني منوووو لاعب بررراسج

غسق: محد لاعب براسي بس ابتعد منييي

ارشد:  انتيي امانه عندي افهميييي هلشيييي

غسق: انتت متزوج واذا احد شافنه هسه كاعدين هلكعده راح يفكر الف فكره غلط خلينا بعيدين واذا احتاجيت شيي اتصل خلينا مكالمات  عادي

ارشد:  سامعه شي؟

غسق: هزيت راسي اي بس مايفيد الحجي

ارشد:  منووو حاجيي اگص السااانه وكتاب الله

غسق:  الحجي يطلع  كم واحد تريد تگص لسانه سكت ماحجه شويه والتفت عليه اكدر اشوف خليل اريد احجي وياا باوعلي

ارشد:  خليل وضعه حيل حرج حتى المركز مديسيطرون عليه والمهدائات متفيده

غسق:  قصدك واصل مرحله من الادمان

ارشد:  ضيع نفسه وعلاجه مو بهلسهوله يحتاجله وكت طويل

غسق: اكو امل يتشافه

ارشد:  اي طبعاً بس هوه مديساعد نفسه لهل سبب اكلج علاجه يتاخر

غسق:  سكتت شويه باوعتله ممكن تسمعني شراح احجيي للاخير الله يخليك
هز راسه

ارشد:  اسمعج

غسق: ليش دتسااعدني. ممكن اعرف؟

ارشد:  وصيه عمج ولأن اعرف ماعندج احد ماريد تضيعين

غسق:  مساعدتك خلااص مرفوضه ساعدتني هوواي وتعبت ويايي مااريد تصيرلك مشاكل بسببي

ارشد:  شاكيلج انه؟  كايلج دتسوييليي مشااكل
منين تجيبين هلحجيي انتيي

غسق:  الناس كلشي تحجيي انت غرريب عني من يشووفك وياي  شيكوولون باوعلي طابك حواجبه

ارشد: يعنييي شيكوول انتيي طلعتي ويا غسان فريتي عگه ومگه مافكرتي بكلاام الناااس
وبعدددين تره مبادر مني شي غلط علمود الناس تكعد تحجييي

غسق:  ماتخااف مرتك تشوفنا وانت تعرف غيرتها عليك بخباال

ارشد:  مادام مامسوي شيي غلط مايهمني احد

غسق: طبعاً ميهمك الكلام ديطلع عليه انت شرايحلك

ارشد:  لا تخبلييييني ياااا كلام منو هذه الحاجي علييج فهميني ومكه اروح حلكه اشگه

غسق:  بقيت افرگ بايدي متوتره وهو صار عصبي انتت ليش من احجيي ويااك بهلموووضع تتعصب فهمني طبعاً الناس التشوفنه تفكر تفكير غللط
انت شفت روحك بلمطعم شسويتتتت من شفتني ويا غسان ردت تخنگه

ارشد: انتي هذه الهااامج ردت اخنگ غسااان؟

غسق: تصررفاتك مو طبيعيه
وكف يم باب العياده

ارشد:  بعدين نحجي كلت اوصلج واروح عندي واجب
ديري بالج علنفسج واذا احتاجيتي شي خابريني
وحالياً هلمواضيع كلها طلعيها من بااالج من ارجع نتفاهم

غسق: باوعتله بس اني هسه اريد افتهم لا دكووول غير يووم باوعلي وفرگ عيونه

ارشد:  شتفتهمين؟

غسق:  صار ساعه شحجي اني

ارشد:  من ارجع يصير خير

غسق:  عفته ونزلت طبگت الباب حيل دخلت للعياده افورر منه يحجي بدم بااارد واني يوميه ماكله تهديد من اخووو لازم احجيله مادااام منااوي يبتعد مني
بدو يجون المراجعين جريت نفس اهدئ شويه
لليل اني بلعياده بس طلعت الدكتوره طلعت خفت ابقى اكثر وهلحقير كلشي يطلع منه باوعت ابو غايب ماكو طلعت موبايلي باوعت رقم غريب داگ عليه مرتين كلت من ارجع للبيت افتهم منو هذه وكفت يمي سياره رفعت راسي نزل الجام رائد رجعت ليوره بخوف فعلاً اخاف منه احسه مخبل كلشي يسوي

رائد: صعدي

غسق: بلعت ريگي منتضره الخط نزع نظاراته وباوعلي

رائد: ليش تخليني انزل وتصير فضيحه كدام الناس صعديي احسنلج

غسق:  تهدد انت؟

رائد: شتحسبي احسبيي

غسق: درت وجهي ومشيت ماهتميت لكلامه صاح ورايه

رائد:  جرربي وامشيي خطوووه ثااانيه

غسق: احس گلبي حيطلع من مكانه اجذب اذا اكول ماهتميت بس كابرت ومشيت
اجه ورايه بلسياره

رائد:  شنو رئيج باجر اروح لعمج واكله شفتج بارقه
بارر ابغداد 

غسق: انت شنو مشكلتك فهمني التريده شنوووو

رائد:  تعاي نكعد بمكان علمود افهمج شريد بضبط

غسق: ماا اجي وياك لمكاان عندك حجيي احجي اهناا اسمعك ماعندك الله وياك
نزل من السياره بكل ثقه راح يخبلني عقل مبقالي افكر بي

رائد: العصفوره كلتلي اليوم ارشد وصلج للدوام ودعج قبل لا يلتحق

غسق: مراقبني حضرتك ابتسم ابتسامه صفره

رائد: خلينا بلمهم انه البارحه شكتلج؟
حذرتج لو لا؟

غسق: انت شنو مشكلتك ممكن افهم يعني معقوله اخوك ليهسه محاجي ويا بنيه. تره هوه زمييل ماعندي شي ويااا

رائد:  يمج زميل بس هو يوم وره يوم يتعلق بيج ويحبج اكثر

غسق: فتحت عيوني بصدمه يحبني؟

رائد: تغشمين روحج ؟
المهم خلييني احجي وياج مثل الاوادم ارشد مايفيدج

غسق: انت ليش مصر تحاجيني الي حاجي اله وفهمه يبتعد مني وبعدين هو متزووج شكو هيج يسوي

رائد:  ماكدر احاجي قافل وبنسبه لزوجته تره لا عبالج اذا وافقتي ترتاحين تره تحبه بخبال تشوفج نجوم الضهر

غسق: المطلووب شنووو

رائد:  طلعي خارج بغداد واذا العراق بعد احسن

غسق: ضحگتني والله من كل عقلك لو تخبلت رسمي وين اروح

رائد:  اربيل سليمانيه غير محافظه بكيفج بس اريد يضيع اثرج

غسق: واذا ماطلعت

رائد:  تتحملين اليجرالج

غسق: لا تهدد والله اشتكي عليك

رائد: حجيت العندي وانتي فكري زين

غسق: عافني وراح بقيت اباوع ممعقوله ارشد يحبني؟
مشيت اخذت تكسي رجعت للبيت وبعدها الصدمه واضحه على ملامحي
دخلت سلمت عليهم دخلت للغرفه غيرت ملابسي اجتي مسره

مسره:  وجهج حيل تعبان لو تاخذين اجازه ترتاحين

غسق: مبقى شي للجمعه ارتاح بيها

مسره: بيج شي حتى صوتج مو طبيعي

غسق: لا بس كتلج تعبانه

مسره: كومي ناكل انه وياج جوعانه انتضرتج

غسق: كمنا تعشينا ورجعت للغرفه. خطيه مسره ماخلتني اسوي شي شفت موبايلي يدك  ارشد
مجاوبته دز مسج

ارشد:  غسق لا تخلين بالي يمج ردي طمنيني عنج

غسق: رجع دك خليت الموبايل صامت ونمت كعدت الصبح على صوت هوسه وحجي نسواان كمت من فراشي استحيت اطلع اخاف جايين كرايب خاله مسره بس سمعت اسميي. طلعت وانصدم ريتاج جايه و ياها وبنيه ثانيه ماعرفتها شافتني رادت تتهجم عليه لزمتها خاله

ام مسره: خيييررر لا تخلييني اكسرلج ضلووعج

ريتاج:  شكد ساقطه انتي تلحكييين رجال متزووج خلصووو الزززززلم والله اگلب حيااتج جحيم اخليج تمشين وتلتفتين وراج لا عباللج اسكتلج

غسق: احترررمي نفسج ولا تتجاوزين ماعنديي شي ويا رجلج

ريتاج:  طلعاااتكم ومكالماتك للصبحيه شتسميهااااا

ام مسره:  لزمي رجلج ولا تهوبزين زايد علينا
وبعدين علئ هذه سلووبج الزباااله حقه يتزوج عشرره عليييج

غسق: ماهتمت لكلام خاله ام مسره باوعتلي ونار وشراره تطلع من عينها رفعت اصبعها بوجهي

ريتاج: حياتي وزوجي خط احمرر احرگج وحق الله لا عبالج بس كلام فارررغ ديطلع مني

غسق: دارت وجها وطلعت بقينا مصدومين اني ومسره وخاله تمشي وتحجي عليها راحت لغرفتها صاحتني حيل خجلانه منهم يوميه سالفه ويوميه مشكله تجي باب بيتهم بسببي
كعدت گبالها

ام مسره: منو هلبنيه تعرفيها؟

غسق: زوجة ارشد

ام مسره:  ارشد الاجه اهنا

غسق: اي

ام مسره: احجيلي الحقيقه خليني افتهم عندج شي ويا

غسق: لا والله ماعندي بس هيه مادري شبيها وياي

ام مسره: حقها يمها تره نظراته الج مبينه ميت بيج بس انتي مامنتبه

غسق: والله خاله ماكو شي من هلحجي لليوم مسامعه منه حجايه محلوه

ام مسره: يمه انه مالي شغل بحجاياته انه شفت نظراته الج شفت لهفته وخوفه الزلمه مبين يحبج ومريته ماتحجي من جيبها اكيد سامعين حجايه منه
حاجي ويا امه يريد يخطبج او هيج شي لأن ردة فعلهم قويه

غسق: انصحيني خاله فدوه لكلبج شسوي اني يشهد الله عليه ماعندي ويا شي وممفكره مجرد تفكير ويا نفسي بي

ام مسره:  هوه هاويج يا بنتي واذا انتي ماتردي ابتعدي منه لا تأملي بشي

غسق:  هزيت راسي رجعت للغرفه بخيبة امل سحبت الموبايل قريت مسجاته شفت الخوف واللهفه بيهن غلقته وشمرته غيرت ملابسي وطلعت عمو منتضرني رگبت السياره سلمت عليه
رد السلام

ابو غايب:  بنتي وين جهازج خابرني اليوم استاذ ارشد يسأل عليج مشغول باله

غسق: احترك جهازي عموو حجيتها بحده ودرت وجهي للجام وصلت للعياده نزلت اتلفت رائد سوه بيه خوفه للعصر ويا الدكتوره امشي المراجعين وايدي على گلبي مدام زوجته اجتي لبيت خاله ماعتقد رائد يسكت خايفه يسويلي فضيحه كاعده افكر وگلبي محروگ ماحس غير  باب العياده نفتحت بقووه  رفعت راسي اباوع وجسمي يرجف

يتبع<>
للكاتبه:  ود الباشا

‏"الخوف أيضًا مُرعب، يمكنه أن يجعل الإنسان يتخلى عما يخاف خسارته، فقط لكي تهدأ مخاوفه"