رواية شوگ و ورد الفصل الرابع عشر 14 - بقلم wad. al.Basha

للكاتبه: ود الباشا

غربتي
وصوت النواعي ايــلوحني
ويلتم بديه
الصوت بي ريحة عيوني
وبي هلي اوحشة مسيه

غسق: ديحجون ويحششون فجئه اندفرت الباب كلنا طفرنا من مكانه انصدمت بقيت مخونسه بمكاني

غسان: ارشد اكعد خليني افهمك

ارشد: ايي حجااايه ماعنديي ويااك حالياً
امشييي كدامي

غسق: بقيت مصدومه مره اباوع عليه ومره على غسان
زمخ بيه

ارشد: كتتتلج امشيييي

غسق: ويين؟

ارشد: احاجيج

غسق: احجي اهنا ماروح لمكان خزرني

ام مسره: شرايد يمه شتصير منو انت؟

ارشد: رايدها بحجايتين حجيه

ام مسره: احنه ندخل وانتو احجو براحتكم

غسق: كلش خجلت منهم فوك مكاعده ابيتهم داسلب راحتهم. دخلو كلهم غسان عينه عليه اشرلي ابقئ هزيت راسي لا دخل باوعتله شررايد؟

ارشد: ليش طلعتي من البيت بدون ماتنطيني علم فهميني

غسق: اذا شافني احد ابيتك شراح يكول عني؟
علئ الاقل اهنا خاله ام مسره ومسره موجودين
بعمري ماانسئ فضلك عليه بس الله يخليك ابتعد عني لهنا وكافي

ارشد: رائد شكايلج؟

غسق: مكال شي

ارشد: لا تكذذبين

غسق: ابتلي عليه يعني؟ داكلك مكال شي

ارشد: راح اصدكج زين ودراستج؟

غسق: ماريد ارجع لدراسه اريد اشتغل اعتمد علئ نفسي وبعدين افكر ارجع ادرس جر حسره

ارشد: كملي دراستج وانه اتكفل واحسبيها دين
شوكت ماصار عندج رديهم

غسق: شكراً الك بس ماريد

ارشد: زين بعدج تردين تشتغلين سكرتيره عند الدكتوره احاجيها؟

غسق: ماعتقد باقي

ارشد: احاجيها. متاكده من قرارج دتضيعين مستقبلج

غسق: ابتسمت مستهزء باوعتله اني ضايعه بروحي بقى علئ مستقبلي

ارشد: انتي بايدج دتضيعين نفسج جنت ناوي هل اسبوع ارجعج لمدرستج وتبقين كاعده بلبيت وتتفرغين لدراستج بس شسويتي انتي؟

غسق: مامجبور تحير بيه ادبر نفسي افضالك كثرن ويمكن ماكدر اردهن الك بيوم

ارشد: انه مامسوي عليج فضل

غسق: قاطعت حجيه
فضل صدگني انت ساعدتني وخليتني ابيتك اكل واشرب وادرس. اخويه مامسوي وياي هيج

ارشد: خلج من هلكلام متاكده تردين تبقين اهنا؟

غسق: هزيت راسي اي

ارشد: المنطقه بعيده من العياده الراح تشتغلين بيها

غسق: ادبر روحي

ارشد: زين خليني اتفق ويا ابو غايب ياخذج ويردج

غسق: اكون ممنونه منك ابتسم

ارشد: راح اخليج براحتج مادامج مرتاحه اهنا اذا احتاجيتي شيي لا تترددين ابد

غسق: شكراً الك بس اريد اكلك تره غسان ماله علاقه اني الطلبت منه طبگ حواجبه

ارشد: شطلبتي منه؟

غسق: ارتبكت من طريقه كلامه عجيب هلرجال على كوله مسره فصول الاربعه بنفس الساعه يضحك ويعصب
طلبت منه يساعدني ويشوفلي مكان بعيد لأن خفت من خالي يلكاني يعني ماله علاقه
ماحجه شي هز راسه

ارشد: اترخص انه خابريني اذا احتاجيتي شي

غسق: الله وياك طلع وطبگ الباب جريت نفس كلماا اريد ابعده من حياتي يدخل بشكل اقوه ويخجلني بكرمه طلع غسان وكف يمي

غسان: كلشي تمام؟

غسق: هزيت راسي اي
اني اسفه خليتك بموقف بايخ

غسان: لا يهمج المهم انتي مرتاحه لا تفكرين بشي

غسق: ابتسمت ويا ابتسامتي نزلت دمعتي

غسان: ليش هلدموع شكلت انه

غسق: تصرفاتكم انت وارشد تخجلني والله اخويه معاملني هيج

غسان: الله مطاني اخت وانت اخيتي لا تفكرين بشي

غسق: الله يحفظكم راح غسان دخلت جوه شفت وجه خاله مگلوب عليه والحواجب مطبوگه بلعت ريكي كعدت مقابيلها خاله اعتذر على الصار

ام مسره: اذا يحبج ليش مايتزوجج؟

غسق: بقيت صافنه بوجهه منو يحبني؟

ام مسره: تغشمين رويحتج عيونه فاضحته

غسق: منو والله مدافهم عليج

ام مسره: هذه ارشد الاجه وعيونه اكلتج اكل
مفضوح ابن اللذينه

غسق: خاله حبيش رحمه لموتاج الرجال متزوج ولان صديق عمو الله يرحمه يريد يساعدني ماكو شي من البالج صدكيني هزت راسها وطبكت ايدها خلتها علئ بطنها

ام مسره: نشوف عيني واذكرج

غسق: ماخليت الموضوع ابالي لان من سابع المستحيلات اسويها دك موبايلي بليل ارشد جاوبته تسالمنا

ارشد: باجر الضهر يجيج ابو غايب اتفقت وياها من ساعه ب 3 ل 8 اقل اكثر حسب المراجعين

غسق: تعبتك

ارشد: راحه يابه بس لو تخلين هذه اعنادج وترجعين لدراستج وبعدين تفكرين بشغل احسن

غسق: جانت امنيتي اكمل بس الضروف اقوه مني
اسألك سوأل الله عليك تجاوبني

ارشد: اسألي

غسق: خليل وين بسجن لو شنو؟

ارشد: واصل مرحله من الادمأن بحيث حتئ المهدئات مدتساعده يتحسن

غسق: اريد احجي ويا

ارشد: حالياً مو مال واحد يحجي ويا واصلاً مايستوعب حجيج ولا يفهمه

غسق: لهلدرجه

ارشد: واكثر

غسق: بقيت ساكته ماحجيت شي بلعت غصتي

ارشد: لا تفكرين بي من البدايه ماعرف يتصرف وعاشر اصدقاء السوء ضيعوو

غسق: بسببه هسه اني بيت ناس ماعرفهم وممكن اكون سالبه راحتهم وساكتين لطف منهم خله الغريب يشفق عليه

ارشد: شوكت ماحسيتي نفسج متضايقه او الوجوه ثكيله بيتي مفتوح الج

غسق: دتخجلني بكرمك والله
بس تدري خاله ام مسره تخبل نفسيته وحنيتها حتئ عصبيتها هم حلوه تعاملني مثل بنتها صح مصارلي فتره طويله عدها بس ماتفرق بيني وبين مسره
مثل خاله شكد مشتاقتلها

ارشد: البارحه سألتني عليج عبالها بعدج يم اخوج

غسق: ماعندي اخ هذه ميسمو اخ
الاخ نعمه هذه نقمه عليه سمعت خاله تصيحني اني اترخص منك دوختك ديصيحوني

ارشد: اخذي راحتج وباجر علئ ساعه 2 ابو غايب يمج

غسق: ان شالله ختمت ويا رحت يم خاله كعدت صحتيني

ام مسره: اي بنيتي صحتج شنو تردين تشتغلين انتي؟

غسق: اي باجر ابدي

ام مسره: مقصريين وياج احنه

غسق: مو هيج خاله والله بس اني هم اريد اعتمد علئ روحي خوما ابقئ هيج كاعده وانتي تصرفين عليه طبعاً ماقبلها علئ نفسي كفختني براسي

ام مسره: چا انه شلون اقبل بنيتي تروح تشتغل وين صايره هااي

غسق: حضنتها فدوه خاله انتي مو تردين راحتي خليني اشتغل علمود مااحس روحي ثكيله على احد

ام مسره: وين تشتغلين؟

غسق: سكرتيره عند دكتوره

ام مسره: يمه الدنيا ماتتأمن وانتي بنيه حمره خضره اخاف عليج

غسق: فدوه اروح لگلبج الحنين اني بس العياده أمان ماعليه شي كم ساعه وارجع

ام مسره: سوي اليريحج ما اعارضج بس ديري بالج على نفسج وخلي ابالج البنيه شما تسوي وشما يكون عدها يبقى اغلئ شي عدها سمعتها لا تخلين بيوم تجيج حجاايه محلوه

غسق: بست راسها الله يحفظج ويخليج ويطول بعمرج
كمت من يمها رحت نمت ثاني يوم كعدت نضفت البيت ويا مسره

مسره: شغليني وياج طلعيني منا طگت روحي

غسق: تعالي فرت حلگها يمين ويسار وفوك تحت موتتني ضحك

مسره: غير الوالده العزيزه الكريمه تعلگني اها ها بمكان هلثريه وتخلي الرايح والراد يضربني بسوط

غسق: زين ليش ماتكملين دراستج
باوعتلي صفح

مسره: بربج يعني هذه شكل وحده تكمل دراسه خليني اشتغل بلبيت واداري ابويه اشرفلي وانه معولت اترك وراسي يبرد تريدني ارجعلها

غسق: اروح احضر روحي احسن اخذتيني بسوالفج الحلوه وراح الوكت

مسره: روحي عيني روحي

غسق: رحت غيرت ملابسي لبست بنطرون جينز وتشيرت ابيض وشعري ضفرته وخليت مرطب وطلعت شافتني خاله طبگت حواجبها

ام مسره: شني هااي وين ؟

غسق: لشغل خاله اشرتلي من فوك ليجوه واني ويا اصبعها كمت اباوع علئ نفسي

ام مسره: هيج اطلعين؟

غسق: يعني شلون

ام مسره: حجابج وين عبايتج وين؟

غسق: اني مو محجبه خاله

ام مسره: روحي لشغلج هسه بعدين نحجي

غسق: هزيت راسي وطلعت ابو غايب منتضرني ركبت ويا واني افكر بخاله معقوله ضايقها لبسي الطريق طويل علما وصلنا تشكرت منه ونزلت دخلت للعياده الدكتوره جايه  دخلت سلمت عليها حبيتها يطلع عمرها اربعينات فهمتني علئ الشغل وطلعت كعدت بمكاني مشيت المراجعين اول يوم حسيته صعب
طلعت الدكتوره انطتني مفاتيح اقفل العياده علمود باجر افتحها قبلها لميت الغراض رتبتهم وطلعت قفلت الباب شفت سياره ارشد بقيت اباوع عليه بس ماتقدمت اريد ابتعد ماريد مشاكل اكثر تعبت
باوعلي وبايده الجكاره اشرلي براسه بمعنئ صعدي
ماحبيت افشله بهلطريقه وهو صاحب فضل عليه تقدمت وكفت يم باب السياره سلمت عليه رد السلام

ارشد: رگبي اوصلج

غسق: منتضره عمو ابو غايب

ارشد: صارت عنده شغله ماكدر يجي انه اوصلج

غسق: ماريد اتعبك اروح تكسي خزرني

ارشد: رگبي يابه يلا

غسق: صعدت ماحجيت شي وصلنا نص الطريق التفتلي

ارشد: تتعشين؟

غسق: لا مجوعانه

ارشد: انه جوعان ناكل لگمه واوصلج

غسق: مجوعانه والله ماريد اتاخر

ارشد: بيج شي مو علئ بعضج ؟

غسق: مابيه شي بس دنيا ليل ومحلوه كعدتنا سوه بلمطعم ماحجه شي وكف اشتره لفات ورجع انطاني علاگه

ارشد: افتحي وانطيني لفه تره لو مطاكتني الوجعه مانزل بيج للمطعم

غسق: انطيته لفه وفتحتله ببسي
شغل السياره راد يسوق وهو ياكل شدتسوووي باوعلي مصدوم يمكن من نبره صوتي

ارشد: نطبگ بغير مكان

غسق: ماكو داعي كمل اهنا لا تسوق وانت تاكل الله عليك اخاف

ارشد: تره ماكو شي متعلم

غسق: انزل والله
باوعلي نضره غريبه ورجع كمل اكله خلص 3 لفات واني بعدني بوحده خليتها بلعلاگه مكدرت اكمل

ارشد: بيج شي معاجبتني اليوم

غسق: لا بس الشغل تعبني اليوم لان ممتعوده

ارشد: شلج بدوخه الراس مادري رجعي لدراستج ونامي رغد ولا تفكرين بشي

غسق: رفعت راسي ركزت بعيونه حتى نسيت شردت اكول بلعت ريگ

ارشد: شبيج؟

غسق: درت وجهي مابيه بس اني اريد اعتمد على نفسي كم يوم الواحد يريد يتكفلني قابل تاليته يمل

ارشد: صدگ تحجين؟ مستعد اتكفلج العمر كله بس انتي راسج يابس وعايفج براحتج

غسق: مجاوبته ماريد اتعمق زايد ويا ماريد انصدم واتاذه اكثر خليت راسي على الجام علما وصلنا شكراً الك تعبتك

ارشد: راحه يابه سلميلي

غسق: الله يسلمك انت هم سلملي على الاهل

ارشد: يوصل

غسق: دخلت تعبانه بس اريد انام تلكتني مسره
حضنتني

مسره: اشتااقيتلج والله

غسق: مووو بكدي همست بذاني

مسره: امي عصبيه لا تجاوبيها

غسق: همست شصاير
وجان اسمع صوتها ورايه

ام مسره: بعد وكت عيني لو باقيه بعد لنصاص الليالي

غسق: انهضمت من كلامها وحجيت بكسره الدكتوره تاخرت اليوم مراجعينها هواي

ام مسره: انه مايصرفلي بنيه شابه تطلع من بيتي من الضهاري لنصاص الليالي والشعر محلول شدكول عني الناس وانه وهاي البنيه نعتبر بوحدنا ماريد تجيني حجايه

مسره: ييييمه مو هيج

ام مسره: وصمه هيج ونص

غسق: بقيت صافنه على طريقه كلامها صدمتني بس كم يوم انطيني مجال اشوفلي مكان واطلع

ام مسره: انه ماكتلج طلعي بس انتبهي الحركاتج وتصرفاتج

غسق: يا حركات وتصرفات خاله فدوه لعينج اشايفه مني اني لو ممحتاجه للشغل هم ماطلع وابقئ بلبيت مصار شي حقج هليومين بس اتحمليني اشوف مكان

مسره: غسق امي ماتقصد هيج والله لا تزعلين

غسق: مزعلانه والله بس اني ممسويه شي موزين علمود تحاجيني بهلطريقه نزلت دموعي مكدرت اكمل حجايتي عفتها ودخلت للغرفه مصدومه بكلامها شغيرها للصبح اني منايمه الوب مثل السمجه المزوهره
للضهر يلا كعدت من النوم بدلت وطلعت ماحجيت ويا احد احس گلبي محروك حتئ منتضرت ابو غايب بقيت امشي تالي وكفت علئ هورن التفت ابو غايب صعدت سلمت وخليت راسي علئ الجامه
وصلنه تشكرت منه نزلت رتبت العياده ومسحتها وحضرت كارتات الناس الحاجزه اجتي الدكتوره سلمت ودخلت
كمت وراها سئلتها محتاجه شي

زمن: تسلمين عمري عيونج مورمه

غسق: البارحه مانمت زين

زمن: تكدرين تحجيلي مادام ماكو احد

غسق: المكان الكعده بي ممرتاحه واريد اشوفي مكان بس مادري وين

زمن: يعني تعيشين وحدج؟

غسق: اي

زمن: ماتتحملين صدكيني اهلج وين كرايبج شلون يقبلون؟

غسق: ماعندي احد

زمن: اطلبي مساعده من ارشد ميقصر ورده مال الله

غسق: ساعدني كلش هواي مالي عين اطلب منه شي
صفنت عليها العياده بيها مطبخ وحمام اكدر ابقى اهنا لفتره صفنت بوجهي

زمن: شبيج امي وين تبقين اهنا انتي شايفه المنطقه من تعزل طير ميبقى بيها وانتي بنيه شابه كلشي يصير

غسق: محد يدري اقفل البيبان من جوه وانام ماخلي احد يحس

زمن: مسئوليه هاي وكلشي يصير ماكدر اعتذر

غسق: حقج طلعت جريت نفس حالياً اني غركانه واريد اچلب بگشايه ومداعرف شتصرف بدو المراجعين يجون اليوم هم ازدحام هلكت ل 8 يلا خلصنا طلعت الدكتوره اني هم قفلت البيبان وطلعت ابو غايب منتضرني ل 9 وصلنا للبيت مهضومه ماريد ادخل هلبيت صارت بوجهي خاله ام مسره سلمت ماجاوبتني ودارت وجهه عفتها ودخلت سمعت صوت مسره تحجي وياها

مسره: شرايده منها لخاطر النبي عوفيها البنيه مناقصه

ام مسره: انتيي انجبي اهل المنطقه يشوفوها هيج يوميه طالعه وطابه والشعر محلول شيكولون عليناااا

مسره: اي يمه انصحيها تلبس حجاب احجي وياها مو تردين اطفشيها وبحركاتج دتطرديها وتعرفين ماعدها احد وغسان أمنها عدنا

غسق: رحت تمددت ونمت تعبانه ماريد افكر بشي مرت الايام وهاي اسبوعين اروح للعياده وخاله نفسها يوم عن يوم تسمعني حجي اقوه وساكته لان ردت اطلع ماقبلت مسره دكول طبعها هيج مايتغير متعايشه ويا الوضع ومتحمله ارشد ماشفته بعد من اخر مره وصلني ولا خابرته اليوم صادف جمعه دگ جهازي غسان رديت

غسان: صباح الخير

غسق: صباح النور

غسان: شعندج اليوم

غسق: ماعندي شي ليش

غسان: طالعين حمله تبرعات كلت تجين وياي اشوفج
المكان وضعهم وتساعدينا

غسق: ساعه بيش تروح منو وياك

غسان: بس انه والبقيه يجون بسياره التبرعات

غسق: لا قصدي احد من اهل ارشد

غسان: لا ماكو احد منهم  اجي عليج

غسق: اي راح احضر روحي

غسان: ديلا لعد مسافه الطريق

غسق: كمت غسلت وجهي ورحت يم خاله انطيها علم عيب اطلع بدون علمها كتلها كالت بكيفج بس مطنكره مسره كالت اجي وياج خزرتها خاله
خليها تجي نوزع التبرعات ونرجع منتاخر وغسان ويانه

ام مسره: لا عيني روحي انتي ويا غسان مسره ماتروح
اكو غيرها يكفي ويوفي

غسق: عفتها ورحت للغرفه كلامها ياذيني والمشكله ماعرف بيها شتريد بضبط بس اطنگر عليه من اريد اطلع منا تبقى تتوسل بيه حتخبل لبست جينز وتشيرت اسود ورفعت شعري انتضرت غسان وصل طلعتله سلمت دخل سلم على عمته ورجع

غسان: صاير شي؟

غسق: لا ليش

غسان: هيج داسألج
مرتاحه اهنا؟

غسق: اي كلش حبابين بس هم ميصير ابقى دوم اهنا اريد اشوفلي مكان

غسان: انتي وحدج والدنيا مو أمان وكتنه مو خوش وكت ماتكدرين تعيشين وحدج

غسق: شسوي داحس نفسي ثكيله على العالم مبتليين بيه

غسان: ماكو اي ثگل انتي تتحسسين زياده لا تفكرين بهلسوالف

غسق: بقينه طول الطريق نسولف ماحسيت بلوگت دخلنا منطقه شحجي عنها شكول غير الله يساعدهم ويعينهم علئ عيشتهم بيوتهم عباره عن تنگ دهن فارغ تارسيها رمل وحصو ومسووينه مثل الغرف بقيت مصدومه منطقه حرفياً غير صالحه للعيش الجهال مطينه وكاعده تلعب بخيسه غسان هاي شنوو وين احنا

غسان: حي التنگ منطقه تجاوز اهنا فعلاً يستحقون حملات المساعده شوفي حالهم وبيوتهم عباره عن تنگ دهن ورمل وحده فوك لخ

غسق: متحملت المنظر جهال حفااي بتراب وبيووتهم مادري شلون مسويها الجهال كسروو باب گلبي دگ موبايلي ماهتميتله المنظر كسر گلبي شايفه من تشوفين عندج احد متاذي وماكو بيدج شي حالياً اني اتمنئ اساعدهم واحد واحد واكعدهم ببيوتهم بس ماكو بيدي شي.

غسان: شبيج؟

غسق: حالتهم اذتني

غسان: صدك تاذي تدرين اهنا مايدزون جهالهم للمدرسه لان ماعدهم يشترون قرطاسيه

غسق: ليش الحكومه متساعدهم تسويلهم شي تره منطقتهم. غير صالحه للعيش من كل النوااحي ديدمروون جييل كااامل لا دراسه ولا بيت صالح للعيش ولا منطقه شمنتضرين من اطفال تتربى بهيج منطقه وبهيج بيئه

غسان: هواي حجينا وهواي حاولنا بس ماكو بيدنا شييي غير نساعدهم بلنكدر عليه

غسق:وزعنا المساعدات واني دمعتي على خدي ناس بسطاء بشوشين رغم مأساتهم يضحكون بلوجهه
ركبنا السياره

غسان: عازمج على عشه  تعبتي وياي

غسق: ماكدر والله اريد ارجع ارتاح

غسان: وجهح معاجبني بيج شي

غسق: لا والله تعبانه شويه من الشفته

غسان: الله كريم لا تخلين ابالج وعزيمتي ماتنرد كلمه وحده مااريد

غسق: اخاف نتاخر

غسان: بعدها بلسته منتاخر

غسق: نزلنا يم مطعم نزلنا كعدنا
غسان ماتعرف شي عن خليل؟

غسان: لا والله السمعته من ارشد ديتعالج

غسق: اي هم گال ديعالجو

غسان: لا تفكرين الله كريم

غسق: هزيت راسي بقهر نزل الاكل كعدنا ناكل ونسولف
كمت اغسل صار بوجهي رائد وارشد وياهم جماعه رائد ابتسم ابتسامته الحقيره وارشد بقئ يباوعلي طابك حواجبه حضيي الاكشر دوم يخليهم بدربيي
رحت غسلت وطلعت صار بوجهي ارشد وكف گبالي

ارشد: طلعييي جهازج

غسق: ليش

ارشد: كتتتلج طلعييي

غسق: طلعته من جيبي سحبه مني
فتحه وخلاء بوجهي 6 مكالمات منه

ارشد: عليييش ماتجاوبين

غسق: بلعت ريگي خفت يسويلي فضيحه بلمطعم ماسمعته

ارشد: لا تگذبييين

غسق: لا تصييح منا الناس ماسمعته داكلك

ارشد: وين جنتتي

غسق: ماردت اجاوبه لأن ماله علاقه بيه شكو هيج يدخل بيه خفت يسويلي فضيحه
رحت ويا غسان يوزع تبرعات

ارشد: حلووو وجايه للمطعم هم ويا غسان؟

غسق: اي

ارشد: امشي كداامي

غسق: ويين؟

ارشد: ارجعج للبييت

غسق: اجيت ويا غسان ارجع ويا لا تعب نفسك كز علئ اسنانه بعصبيه

ارشد: امشييي كدااامي

غسق: مشيت كدامه وافتريت رجعت يم غسان اكو ناس ميكدر يسوي شي خليت جنطتي علئ جتفي رفعت راسي صار بوجهي رائد شمرلي بوسه  دنجت بسرعه ماهتميتله الحقيير دوم يعاملني برخص ماحسيت الا ايدي انسحبت حسيتها انخلعت
التفت ارشد سحلني سحل بره المطعم وغسان يحجي ويا مدايرله بال

غساان: شدددتسوي ارررشد عوووف البنيه شبييييك

غسق: التفتله خازره رفع اصبعه بوجه

ارشد: شحذرررتك انه شكتلك ابتعد عنها لا تخليني اخليك بررراسي غساااان

غسان: البنيه زميله مقام اختي ماكو داعي لهذه كلامك
ومثل ما اجتي وياي ترجع وياااي

ارشد: روح منا ابني مااريد ائذيك تووكل

غسق: تقرب غسان عرفت راح يتعاركون غسان اني اريد ارجع ويا عندي حجي حباب روح انت باجر اخابرك

غسان: اجيتييي وياااي ترجعين وياااي

غسق: لزمه ارشد من ياخته والناس كلها تباوع عووفه شدتسوووي مكدرت اوخره كل واحد جنه غوول اجه رائد صار بنصهم

رائد: شسالفه صدك تحجون جهااال انتووو

غسان: امشي يلا نروح

غسق: مانتضرني احجي خزر غسان وسحلني فتح باب السياره باوعت على غسان لازمه رائد ميخلي يتقرب خفت منه صار جنه ثوور هايج

ارشد: رگبيييي

غسق: لااا تصيح مااااجي ويااك دفعني وسد الباب افتر رگب شخط السياره عندي فوبيا من السرعه حسيت راح تنگلب بينه خففف السرررعه
ماهتمليي صرخت خفففف اخاااف والله اخاااف
خففها شويه جريت نفس
طبك مكان جوول بس ترابه كلشي ماكو
ويين جايبني

ارشد: شعندج ويا غساان؟

يتبع<>
للكاتبه: ود الباشا

ثم تجلس بعد ركضٍ مضي على حافة الرصيف، مدركًا أن لا جدوى من قطع المسافات مادامت الذاكرة حيّة