رواية شوگ و ورد الفصل الخامس والأربعون 45 - بقلم wad. al.Basha

للكاتبه: ود الباشا

أنت لا تفهم معنى أن يُهمل الإنسان شُعوره خشيةً من بُكائه

غسق: نزلت عيوني بسرعه رفع حنجي بطرف اصبعه

مهاب: واخيراً صرتي الي ابيتي تعااي لحضني خليني اكسر ضلوعج بشوكي

غسق: حضني بقوته حسيت عظامي طگن جوه ايده
ابتعدت منه

مهاب: بدلي علمود نتعشى

غسق: مهضومه ودمعتي بعيني من سوايه عمامي الانذال ومن كلام امه ردت امشي للحمام سحب ايدي

مهاب: بيج شي؟

غسق: هزيت راسي بمعنى لا وعبرتي خانگتني

مهاب: احجي وين صوتج

غسق: ماكو شي

مهاب: متاكده؟

غسق: اي اطلع للحمام لو اكو احد

مهاب: التفتي افتحلج البدله

غسق: مالتفتت بقيت واكفه ولازمه دشداشتي
حسيت ايده على جتفي

مهاب: تتبهذلين بيها انزعيها وروحي انه طالع

غسق: دارني عليه خله عينه بعيني مبتسم

مهاب: عليش خايفه مني لخاطر الله تحسسيني بعبع

غسق: اريد ابدل

مهاب: زين افتهمت شو تعاي كعدي اصيحلج ميسم تساعدج مبينه عمامج داعين عليه مابيها مجال

غسق: فتح الكنتور اخذ ملابس غير وطلع بقيت كاعده نفتحت الباب دخلت ميسم وكفت يمي متخوصره

ميسم: شسوي بيج اكتتلج

غسق: شبيج

ميسم: لج هلتعب وصالون وصخام وتالي يطلع من الغرفه يحجي ويا نفسه

غسق: اني شعلي

ميسم: هاا انتي شعليج ابوي وجه يتلاطم
دكومي كومي اساعدج الله يساعده عليج

غسق: ميسم شبيج حجيتها ونزلت دموعي وكعدت ابجي لأن فعلاً ممتحمله حجايه احس حجاره على گلبي بقت صافنه بوجهي

ميسم: لج شبييج اتشاقه ويااج والله

غسق: كعدت اشهگ من كل گلبي احس حمل على گلبي

ميسم: والله ماحجه حرف وعافيه بابا اني من شفته عرفت مطنكره بوجه انتي ليش تبجين

غسق: هزيت راسي ماكو شي

ميسم: احد مسمعج حجايه

غسق: لا

ميسم: كومي اساعدج نزعيها ترتاحين

غسق: ساعدتني فتحت التسريحه ورحت للحمام فتحت الماي وكعدت ابجي من كل گلبي علما دكت الباب عليه كتلها خلصت بسرعه سبحت وطلعت شفتها واكفه

ميسم: عيونج مورمه باجيه احجيلي شصاير

غسق: يمكن من محست المكياج تحسسن مباجيه هزت راسها بعدم تصديق دخلت لغرفه نشفت شعري مشطته وكفت كدامي

ميسم: غسق احسبيني اختج اي شي تحتاجي انه موجوده

غسق: ابتسمت متقصرين والله تعبتج وياي

ميسم: تعبج راحه عمرري انه رايحه اشوفهم جوه اخذي راحتج انتي

غسق: طلعت وسديت الباب كعدت على السرير شويه ونفتحت الباب دخل مهاب خله غراضه على الميز وكعد كدامي

مهاب: نعيماً

غسق: ينعم عليك

مهاب: تعاي ناكل فحطت من الجوع

غسق: تربع بلكاع وخله الصينيه كباله اني مجوعانه اشرلي بمعنى تعاي كمت كعدت نگشت ويا لكمتين وكمت غسلت رجعت شفته كاعد يدخن

مهاب: عيونج مورمه؟ بيج شي

غسق: لا بس تعبانه شوي

مهاب: غسق انتي باجيه؟

غسق: يحجي بشگ خفت من طريقه كلامه خفت عباله بعدني افكر بارشد
لا بس يمكن من مسحت المكياج عيوني تحسسن

مهاب: متاكده؟

غسق: اي ماحجه كام طلع شويه ودخل ينشف بايده شمر المنشفه وتمدد

مهاب: تعاي

غسق: بلعت ريگي

مهاب: اليوم وين الساانج

غسق: حجاها وغمز
اشرلي بايده تعالي تقربت سحبني صرت بحضنه

مهاب: اكدر افتهم شبيج لا تضمين شي عليه احجي

غسق: يباوع بعيوني ويحجي دائما من يحجي وياي يركز بعيوني وخرت من حضنه
مابيه شي

مهاب: وجهج ميكول هيج

غسق: شوي تعبانه تعرف صار اسبوع مكاعدين سحب ايدي خله راسي على ايده وحضني

مهاب: انه هم تعبان يلا انام

غسق: غمضت عيني بتعب اني منعسانه بس ردت اتهرب من اسألته ونضرته الشگ البعينه لهنا وغفيت ماحسيت غير الصبح شي يمشي على خدي فزيت شفته
مبتسم

مهاب: صباحج عسل يا عمر وروح مهاب اسعد صباح بحياتي

غسق: عدلت كعدتي ابتسمت صباح النور سحبني باس خدي حيل وراها عضني صرخت وهو ضحك بعلو صوته

مهاب: فضحتينا تعاي

غسق: اذيتني والله

مهاب: وانه شبيدي اذا انتي تنگرطين؟

غسق: رحت للكنتور طلعت ثوب طويل حسيته وكف ورايه جمدت بمكاني حضني

مهاب: موو كاافي تره عذاب نفسي

غسق: ابتعدت منه مو شسمه عيب منتضرينه جوه

مهاب: محد منتضر

غسق: داريد احجي ونقذني دگه الباب
صاح بعصبيه

مهاب: منوووو

ميسم: منتضريكم نترييك عيني فضونه متنه من الجوع

مهاب: جايين ولي

غسق: سوه حركه بوجه بمعنى بسيطه ابتسمت طلع للحمام بدلت خليت شوي مكياج عدلت الخلقه لفيت حجابي وفتح الباب شمر المنشفه وراح للمرايه مشط شعره وكف تعطر نرلنه سوه كابلتنه عمته وميسم بلهلاهل صبحت عليهم
وكف يمي همس

مهاب: على شنو يهلهلون مادري مال اوكف بنصهم واحجي حركه كلبي

غسق: مجاوبته كعدنا على السفره ناكل ومهاب ونراد كضوها تصنيف

مهاب: نصيحه لوجه الله زوواج لا تتزوج خليك هيج عايش بأمان الله

مراد: لك مهاب تسكت لو شلووون هو انه بلكوه اقنع بنفسي علمود اتزوج وانت تجي تكملها عليييه يااابه احجي ويا

ابو مهاب: مامجذب الولد احنه جربنا ودنصحك يكول المثل اسأل مجرب ولا تسأل حكيم بعد انت بكيفك اذا تريد تتورط

ام مهاب: ليش عيني يعني انت هسه تورطت؟

ابو مهاب: وشيفيد الحجي بعد احنا اكلناها

مهاب: اي والله يابه حالي حال الممتزوج واحد هو هذه الفكر راح للصحراء كللوله ادنه

غسق: صرت هدوتني من كلامه وهو مستمر منطلق والمصيبه ابو صار ويا وبقو ثنينهم يحششون وامه تشيل روحها وتركعها بلكاع الا شوي تبجي

مهاب: يابه الوالده بعد ماتفيدك جدد وعلى حساابي

ام مهاب: يااا حيف التعب والربه بييك ولك يوووم واحد غيرتك عليه وتكعد توز ابوك يتزوج لو تبقى يمك سنه شسووي

مهاب:اي يمه انه وابوي نتزوج بنفس اليوم ماتفيدن انتن شنو الفايده جمال وكلشي مامستفادين شدكول يابه

ابو مهاب: صار ساعه اساير بيك اشوفك وين توصل كمت تجفص وتاكل تبن زاييد كوووم لا بارك الله بيك البارحه متزوج واليوم يفكر بلثااانيه طيح الله صبغك وحضك

مهاب: هاااي شنو ولك ابو مهااابو گلبت عليه انت هم مادري شلونك خفت منهااا مو تخاااااف تكطع عليك الماي والهوئ

غسق: شمر عليه الكلاص عميي والتفتلي

ابو مهاب:  يابه شلون رضيتي بي هذه يصعد الضغط ويا السكر الله يساعدج

غسق: باوعلي مهاب شمري بوسه وغمز

مهاب: تغااار مني انه ادري من زمااان تغار بس شسوي ماكدر احجي الحجيه تضيع وراك وتضيعنا

غسق: ضحكنا كلنا مادري صدك يحجون شقه بس عمي ومهاب عبالك اخوان مو ابن وابو خلصنا ريوك ردت اساعدهم بشيل السفره غفران ماقبلت اكوم وياهم كعدت بصف مهاب همسلي

مهاب: نصعد تعبان انام شويه

غسق: زحمه خلينا كاعدين حجه بصوت عالي عضيت شفتي

مهاب: شلوون بااالله تعبااان اريد ارتاااح

ابو مهاب: لك شبييك تجوعررر امشييي ولللي ارتاح

غسق: باوعلي رفع حاجبه كام سحب ايدي وصعدنا كعدت علسرير اجه كعد يمي

مهاب: تاالي شلون نبقى هيج شو نازل عليج وحي الخجل جنتي تمشين لو. تغلطين لو ترفعين صوتج على حضي الحلو حتى صوتج اختفى

غسق: سكتت ماحجيت بقيت اباوع عليه عيونه وملامح وجه مبينه عليه معصب بس بلكره لازم نفسه وديغطي على نفسه بضحك والشقه

مهاب: غسق لا تعصبيني فدوه اروحلج احجيلي شبيج ليش ضايجه اسمعيني وخلينه نتفق من البدايه ماتضمين عليه شي ابداً شمايكون تجين وتحجيلي

غسق: ماعندي شي احجي
بس اني مثل المصدومه بسبوع حياتي تغيرت تماماً
اكيد حتكون ردة فعلي هيج

مهاب: بس اكو امل تتعودين وانه انتضرج مامستعجلين علئ شي

غسق: بقيت صافنه بوجه نظراته تغييرت

مهاب: لا تباعين هيج تره ماضمن نفسي

غسق: نزلت راسي سحبني لحضنه عصرني حيل

مهاب: لج والله احبج لو تدرين مكانج بكلبي دقيقه ماتبتعدين مني احب هيج اخليج بين ضلوعي

غسق: سكتت لأن اجه ابالي كلام ارشد وتالي شسوه بيه؟ لليوم اني مكسوره بسببه دگ جهازه كام عدل كعدته ورد بس بقى ساكت

مهاب: ماكدر اليوم هليها باجر اشوفك ونتفاهم

غسق: عيونه صارت حمر اخذ الباكيت بايد خله جكاره بحلكه ويسمع للطرف الثاني

مهاب: كتتتلك بااجر انتهى ماكو داعي للكلام الزااايد واذا ماتريييد بعد احسن

غسق: بقيت اباوعله يهز برجله مبين عصب

مهاب: لاااا تلح بلقران اجي اسكطك تي ميخالف كتلك باجر وخلص يلللااا وليييي

غسق: كطعه وشمر الجهاز على الطبله همست صاير شي باوعلي وحگ طرف حاجه باصبعه

مهاب: لا ماكو شغله جان لازم اسويها اليوم نسيتها

غسق: ليش هيج عصبت

مهاب: لأن اريد واحد شررريف ماكوووو حركو دمي الكواو....

غسق: سكتت منه بقيت كل شوي اباوعله اروح يم ميسم انت ارتاح شوي سحبني من ايدي

مهاب: راحتي يمج انه كعدي

غسق: لف ايده على ركبتي وباسني بخدي

مهاب: بربوك حراميه

غسق: شنوو حراميه

مهاب: الحرامي احسن منج

غسق: ابتعدت منه شددكول انت رفعلي حاجبه

مهاب: بكتي گلبي مني وطيحتي حظ حضي بالله اني وين الزواج وين

غسق: ومنو الجبرك تتزوج غير انت خليتني كدام الامر الواقع سحبني لزم راسي وعضني من خدي حيل خلاني اكمز

مهاب: هاي علمود مره ثانيه ماتجذبين وانتي جنتي كاتله روحج عليه وماخليتي دعاء ولا نذر علمود اتزوجج سطرتيني بسحورتج تالي تجين دكليلي خلتج كدام الامر الواقع بربوووك

غسق: هذه مو شقه اذيتني والله

مهاب: مالتي وكيفي اعضج اكلج امردج العب وياج چمبق لمبق كيفييي

غسق: مخليه ايدي على خدي واباوع عليه انتت واحد ماتستحيي والله اروح اشتكيك عند عموو هو يتفاهم ويااك من البارحه صار مرتييين تعضني بقى يباوعلي اجه وخر ايد يبقى يباوع على خدي

مهاب: توجعج

غسق: لاا

مهاب: لعد تعاي اعضج بعد

غسق: لااا مهاب حباب والله توجع ابتعدت منه وطلعت من الغرفه چلب مو رجال تلاكيت ويا غفران

غفران: شبييج تحجين ويا نفسج

غسق: ماكو شي ضجت بلغرفه كلت اطلع شوي

مهاب: لجج غسسسق تعايي

غفران: شبيي يغرد

غسق: ها مادري يمكن يريد شي

غفران: ياا هذه شبي خدج هيج

غسق: خليت ايدي على خدي شبي

غفران: صاير ازرك

غسق: مادري يمكن مضروبه بشي

غفران: انتبهي روحي شوفي شيريد لا يصيح ابو نايم خطيه

غسق: اجي وياج ضوجه والله

غفران: ههههههههه اكص ايدي اذا مشارده منه لج اني ادري بابن اخوي مخبل وراح يخبلج ويا الله يساعدج علئ سوالفه

غسق: داريد احجي طلع من الغرفه

مهاب: وشبيها سوالفي عيني غفرانووو

غفران: تخبل وين اكو احلى من اسوالفك الطايح حظها

غسق: تقرب منها حضنها ضاعت بحضنه عصرها حيل

غفران: ولك ادبسززز عوفني وخررر ذيج مرتك وابتلي بيها

مهاب: مسويه حصااار

غفران: اكول متخبل وهي المكروده شارده منك راح تهججها من اول يوم

مهاب: تموت علئ ربي ماتهج لا تخافين عليها خافي على نفسج

غفران: مهاب شووو وخر عود تفاهم انت وياها مخبل اليدخل بيك انت داهيه

مهاب: طالع على اخوج الحباب

غفران: بس هو دواك

غسق: اندارت عليه

غفران: شلون متحملته ياالله صوجي اني مانصحتج وكتلج هذه مينحمل

مهاب: غفرررانوووو لا اطلعين خبالاتي عليج اهطرج بلعباس

غسق: عافته وراحت لغرفتها التفتلي خطيه شبيك وياها

مهاب: ماتزعل متعوده هي

غسق: ميسم راحت

مهاب: وشتردين من ميسم شمضيعه عدها انه زوجج تره لا تخليني انتحر بيهم كلهم كل ساعه شارده يم واحد

غسق: رجعت للغرفه واني ممنونه سوالفه دوختني فوكاها جار بوشهم كلهم اندكت الباب

مهاب: يا طلابه الماتخلص تااالي منووو

ميسم: هاااي شبييك بابا يصيحك جوه

مهاب: اشتعلووو واحد كاعد بغرفته ومنجب شكووو كل شويه كامزين على راااسه

ميسم: عدنا خطااار جايين جماعه بابا وولد جماعتك يباركون

مهاب: مننووو عاتب عليهم

ميسم: يااا طلابه روح خوويه لا يسمعوك زحمه يلا

مهاب: وان شالله تنزليها الهم

ميسم: غير جايات نسووان يشوفوها

مهاب: استغفر الله ميسم عيونهم تزرف الحديد مابيه حيل ونبي

ميسم: لا تخاف بس روح

غسق: وكف تعطر مشط شعره ونزل جرت نفس

ميسم: كارثه اخوي كارثه امشي بدلي ننزل جايه ناس تباركلج

غسق: كرايبكم يعني

ميسم: اي اريدج اطبين بعينهم وتدلعين ومن هلسوالف

غسق: كمت لبست ثوب حلو خليت مكياج ليست ذهبي
ونزلت ويا ميسم شفت الصاله بيها بلخمس نسوان ماعده الجهال بستهم وكعدت يم غفران

غفران: لج عيني خفي لخاطر رببج راح تخبلي للرجال فوك خباله

غسق: ابتسمت هو مخبل شخبل منه اني

غفران: ههههههههه والله ماكو أعقل منه بس هو يحب يتشاقه ويضحك تعاي اقره عليج المعوذات من عينهن

غسق: شبيها عينهن مهاب يكول عينهن تحرك وانتي هم دكولين

غفران: اي ذني معروفات

غسق: شيصيرن منكم

غفران: كرايب ام مهاب وخالاته الحلوات
ميتات لأن ولا واحد من ولذنه اخذ من بناتهم

غسق: دخل مهاب سلم من بعيد وحده منهن حجت

تعال يمه ابوسك مشتاقتلك

مهاب: تشتاقلج العافيه خاله انه مابوس غير مرتي ماتقبل

غسق: كحيت وغفران ضربت ضهري تباوعلي وتضحك
هو دخل للاستقبال والله فضحني اني شوكت كايلتله ماقبل

غفران: يضوج منها وهي اذا تلزمه ساعه تبقي تمطك بي

غسق: ايييع

غفران: ابعينج غير انتي رافسه النعمه يخبل ابن اخوي اصلاً بس انتي مدري شبيج ويا

غسق: ابتسمت حجت وحده من النسوان الكاعده اني ليهسه ماعرفهم ولا اعرف ياهي بيهن اخت خاله

هي هاي المطلكه الكتل روحه عليها مهاب

ام مهاب: اي والله يا خيه هي هاي شكد حجيت وشكد كلت ماسمع مني

وشناقصه حتئ ياخذها مطلگه وهو زينة البنات تتمنئ نظره منه

غفران: حبها وخذاها واذا منفصله يعني شنووو كفرت خوما كفرت لا تخلو يسمع هذه حجيكم انتو تعرفووو بعد ماداعي احجيلكم شيسوي

ام مهاب: وشدعوه عليج عيني غفران هيج صايره محامي الها وشحجت ام قادر غير الحقييقه

غفوان: حقيقه او لااا هو راضي انتو شكووو لا دخلون خشمكم بحيااته

غسق: يعني انتي راضيه على كلامها مهما يكون اني جنتج وملازم تقبلين احد يحجي عليه ويقلل من قدري واحترامي لخاطر ابنج

ام مهاب: وشحجت غير الحقيقه يعني جذبت انتي ماطلگتي؟ لو مهاب ماتتمنى زينة البنات

غسق: اكو نسوان ماقبلو لكلامهم واكو خاللت ايدهن على حلكهن ويضحكن عفتهم وكمت صعدت لغرفتي ماردت احجي واچفص وتصير مشكله بسببي نفتحت الباب غفران وميسم

غفران: ليش كمتي جان كعدتي ودخلتي بنص عينهن

غسق: ماريد مشكله شفتيهم بعينج شلون يحجن

ميسم: يولن غيرانات منج والله لا تهتميلهم يطشرن سم ذني الحيايه

غفران: لج عيني صوج امج لو شوفيها شلون تحجي

غسق: تقربت مني ميسم لزمت ايدي

ميسم: فدوه لعينج لا تحجين اذا يعرف مهاب يسويها مشكله خلينا فرحانين ومتونسين

غسق: مسحت دموعي ميسم اني ماعندي وياهم شي والله لو مااكول عيب حتى ماانزل بس كلامهم يحرك گلبي يعني واذا منفصله
اني مهاب رفضته لهل سبب ماردت يجي يوم واتعير وعرفت وجنت متاكده يصير هيج

ميسم: ميخالف يعمري مسحيها بوجهي والله انه احجي ويا ماما وافهمها تبتعد منج

غسق: هزيت راسي مسحت دموعي نفتحت الباب مهاب بايده جهازه يخابره وحواجيه مطبوكه شافنه باوع علينا وحده وحده كطع الخط وتقرب وكف كبالي

مهاب: شصاير؟

ميسم: ماكو شي صعدنا نعدل مكياج غسق

مهاب: متاكده؟

ميسم: شبيك مهاب قابل اجذب عليك

مهاب: شايفتني اثوووول كدامج ماتشوفين وجها مطعون وعيونها مدمعه شصااااير

غسق: ماكو شي شبيك تصرخ

مهاب: انتييي انطمي الفاهييييه راح تموتيني ناقص عمر

غفران: مهااب لا تصرخ عليها

مهاب: شصاااير احجوو لو انزززل اتصرف

ميسم: مو هيج اهدى شبيك هو سوء تفاهم صار

مهاب: انتي انجبي طلعيي منا

ميسم: مهااب شبيك

مهاب: كتتتتلج طلعي

غسق: بقيت صافنه على ردة فعله ميسم طلعت وهي تباوع عليه مقهوره التفت على غفران

مهاب: غفران وكتااااب الله ااذا جذبتي بحررف وووواحد تعررفين شسوي

غسق: مهاب ماك. شي شبيك منا الناس عيب والله صوتك عالي اشر بايده على حلگه بمعنى اسكتي
باوعت لغفران بترجي لا تحجين اووول يوم تصير مشكله والله استحي شيكولون عليه
حجتله غفران كلشي بدون حرف جذب
باوعلي بخزره طلعت غفران راد يطلع لزمت ايده
لا تسويها سالفه عيب والله خزرني امثر وجهازه بايده يدك ممهتمله

مهاب: هااااي الفهاوه بطليييها جان رديتيها ليييش سكتي ذنييي لو يشوفنج ساااكته ياكلوج اكثثر غبيه لا تصيرين

غسق: لا تغلللط خوش اني مو غبيه بس احترم الماقبيل والاكبر مني وبعددديين اني قبل لا نتزوج هلزوووواج كتلك راح اتعير بهلموضوع وانت ماسمعت مني وكلشي عندك عادي لزم ايدي فتح الباب وكفت بمكاني مهاب حباب عيببب عوف ايدي مانزل والله
خزرتي وسحب ايدي نزلنا الدرج واني اتوسل بي يجوز بس ماسمع مني صرت هدوتني وكف كدامهم

مهاب: ام قااادر

ام قادر: يااا انت صاير فدور ماتحترم كول خالتي واحجي عدل لو حتى الاحترام نسيته

مهاب: اي انسى الاحترام ويا الناس المامحترررمه زوجتي ابتعدي منها انتي وسمج منفصله ما منفصله طايح حظها مطايح هلشي مايخصج ولا يخص احد انه راضي بيهااا وقانع واشوفها زينة البنات وحاضركم يعلم غايبكم الاشوفه يمس زوجتي بگلمه وحده احسب الله ماخلقه

ام مهاب: ياااا ولك خالتك احترررم انت من كل عقلك
الا اصيح ابووك اشوفهزيرضه بهيج سااالفه كشره من اكلك من اول يوم اكلت عقلك ماتصدگني

مهاب: يييمه لا تخبلينيييي كامشيها اكس مربع مخلين دمعتها بعينها ودكليلي ماكله عقلك وانتووو بقيتو عقل
غفرررران

غسق: هو يحجي واني اباوع بلوجوه صاح غفران اجت وكفت يمه

مهاب: اذوووها بلحجي لو لا

غفوان: اي كعدو يعيروها مطلكه ومطلكه

مهاب: غفران هم تجذذب يمه

غسق: كامت ام قادر لفت عبايتها وهي تباوع علي مهاب

ام مهاب: وين رايحه خيه والله مارضى اطلعين

ام قادر: انه مابقى بلبيت الانهان بي

مهاب: اذا ماتقبلين الاهانه على نفسج شلون تقبليها على غيرج يعني ماتقبلين احد يحجي الحقيقه بس انتي تكعدين تهينين هلمسكينه عادي

ام مهاب: وانتتت صدكت هلحيه النزلتلك دمعتييين

غسق: طلعت ام قادر وخاله سوتها هوسه اجه عمو يكول شكو شنو هلصوت

ام مهاب: تعال شوف ابنك صاير فدور واكف كدام خالته يهين بيها

ابو مهاب: شصاير ليش هيج

ام مهاب: اكلك هانها دكلي شصاير ليش هيج

ابو مهاب: صوتج لا تعلييي الولد مو خبل علمود يجي هيج يهين ويصرخ

غسق: مهاب وكف يم باب المطبخ يدخن اجت غفوان حجت كلشي لعمو باوع عليه هز راسه

ابو مهاب: يابه ام قادر انتي ضيفتنا وغاليه وعزيزه علينا بس ميصير تهينين جنتنا وبيتنا علئ الاقل احترام النه تحترميها

ام قادر: ليش جذبت انه هي مو مطلقه

ابو مهاب: يابه منفصله او ارمله او بنيه ماحد اله شغل هو راضي ومرتاح شلج دخل انتي تجين اهنا خطار انخليج على راسنا بس تجين تهينين وتسوين مشاكل كلمن يكعد ابيته احسن

ام مهاب: يعنييي صفيت ويا ابنك وهاي الجايبها الفكر من اول يوم حركت البيت وسوت مشكله

غسق: وكف يمي

مهاب: صعدي فوك

غسق: لا تحجي بعد كافي حباب

مهاب: صعدي هسه

غسق: صعدت اني والعن بحضي صدك فشلت كعدت بلغرفه سمعت صوتهم صار علي شوي وصار هدوء تمددتت لليل انتضرت مهاب ماكو طلعت رحت لغرفه غفران شفتها تخابر شافتني سدت الخط وارتبكت

غفران: تعاي غسق محتاجه شي

غسق: لا بس ضجت وحدي بلغرفه وخجلانه انزل اني ماردتتها توصل لهيج مواصيل

غفران: انتي على نياتج ذني اذا مو هيج ميمشن عدل

غسق: هو مهاب يعني ميبين عصبي ليش هيج سوه ضحكت

غفران: منو مو عصبي هذه نار كل احنه متجنبي لأن عصبيته بخبال تشوفي يتشاقه ويضحك وعلئ يا ساعه يگلب علينا

غسق: مامبين اني استغربت

غفران: لا تستغربين هو دواء بس ابو يعرف دماراته وتشوفي من ابو يحجي هو يسكت بس ماضم عليج مرات حتئ على ابو يعصب يعني محد سالم منه

غسق: بقينا نسولف سألتني على دراستي
حابه اكمل بس اخاف مايقبل

غفران: جربي وشوفي مخسرانه شي

غسق: احاول انفتحت الباب بدون ماتندك دخل وسدها

مهاب: مجتمعين الله اليستر

غفران: نتفق عليك

غسق: تقرب حضني

مهاب: مرتي حبيبتي متسويها

غفران: اي لان جبانه لو منها او ساعه عرس اشرد منك

مهاب: انتي الگيلج واحد مثل وبعدين شردي عمتي العزيزه تصبحين على عريس

غسق: خلت ايدها علئ حلكها تضحك هو لف ايده على ركبتي ورحنا للغرفه شفت جايب بيتزا وكباب كعد تربع

مهاب: كعدي ناكل

غسق: شلون رهمتها

مهاب: كلت اخاف متحبين الكباب جبتلج خبز العباس

غسق: هههههههه بيتزا قصدك

مهاب: اي

غسق: كعدنا اكلنا خلصنا عزلتهم ورحنا غسلنا شغل فلم وكعدنا نتفرج مرت الايام عاديه هاي شهر اني بنصهم طبعاً ماتخلص من بسامير وكلام ام مهاب التزرف بي گلبي بس مغلسه ماريد مشاكل عمامي مسالو عني بعد ولا سمعتلهم صوت مسره وخاله بين كل كم يوم ييخابروني طمئنون عليه واذا مخابرو اني اخابرهم
مهاب بعده ساكت مني كلما يريد يتقرب مني اطلع حجه ومايحجي شي يعوفني براحتي كل يوم يسمعمي كلام حب وغزل شكل بديت اتعود عليه او يمكن هو بسوالفه وشقى وكلامه الحلو خلاني غصب اتعود غفوان شكد ماكول عنها طيبه ماوصفها ميسم بين فتره وفتره تجي عمي الفرق بين عمو ابو مهاب وابو ارشد من السما للكاع كل مايشوفني يسألني بابا محتاجه شي بابا جوعانه بابا كعدي يمي نسولف شلونه مهاب وياج اذا مأذيج اطيحلج حظه
نبقى نسولف ونضحك ونشاقه كلش مرتاحه بينهم لوما امه
اليرم كعدت مهاب ماكو كمت غيرت ملابسي طلعت غسلت وجهي ونزلت صبحت عليهم عبالي الكا جوه بس هم ماكو اخذت موبايلي دكيت عليه مجاوبني عفته كلت عنده شغل تريكنا اني وغفران وكمنا نضفنه البيت التركيب على خاله بس هم نساعدها
كاعده اغسل الكراج وسمعت صوت صياحهم شمرت الصونده ودخلت شفت عمي مخبوص وخاله تبجي وغفران ايدها على حلكه وتباوعلي
وكفت يمها شصاير شكو

يتبع<>
للكاتبه ود الباشا

في لحظةٍ ما شعرت بأن ما يعزّ علي هو ذاك العشم الذي أهدرته في المكان الخطأ ، لم أندم و لكنني صفعت و تلك الصفعة موجعة ، و التي تستيقظ بعدها و قد أصبحت شخصًا آخرًا.