رواية شوگ و ورد الفصل الرابع والأربعون 44 - بقلم wad. al.Basha

للكاتبه ود الباشا

چنت اودهم ..

چنت اظن سدرة بـ ظهاري الصيف
تچويني الشمس واگعد بـ سدهم !

غسق: بقيت حايره وافكر بحل اجاني صوت ميسم وهي دكول الشيخ يسألج جاوبي
باوعت عليها رجع الشيخ كرر كلامه نعم موافقه
حجيتها وطشو الجگليت على راسي باوعت امه خازرتني رجعت لمكاني بعد ما الكل باركلي كعدت يمي ميسم

ميسم: غسق انسي كلام ماما تره ماتكدر تسوي شي والله المهم مهاب يحبج وشاريج

غسق: ابتسمت عادي
كلمه عادي مرات سهل ننطقها بس بداخلنا كلشي مو عادي كلشي دياذينه موجوعين حتى من روحنا بس مانريد نبين على نفسنا شوي وبدو المعازيم يطلعون بقينا بس احنا اهل مهاب ترخصو يرحون كمت وكفت اجه عمي باس راسي وخله فلوس بايدي

ابو مهاب: زوجة الغالي الف مبروك

غسق: يبارك بيك عمو
ترخصو وراحو بقى مهاب وكف كدامي باس راسي وعيوني

مهاب: الف مبروك عليج اني

غسق: ابتسمت يبارك بيك

مهاب: بدلي نطلع نسولف شوي

غسق: ممكن افتهم عمامي شلون قبلو يصير كل هذه

مهاب: ماكدر احجي حرف وكل هلجمال كبالي شطاالعه يلحمززه كيك خوما كيك

غسق: ابتسمت هو لابس قميص ابيض وكاف ردنه وبنطرون اسود ورافع شعره يعني ماقصر شي بس ماعرف اسوي مثله واكعد اتغزل

مهاب: يلا استعجلي انتضرج زوجتي العزيزه

غسق: عفته ودخلت مسحت المكياج غسلت وجهي وفتحت شعري تسريحه بسيطه حتى متعبتني غيرت ملابسي لبست صايه ولفيت الحجاب صارت بوجهي دينا

دينا: خوش والله يوميه جايبه واحد شكل وواحد اثكل من الثاني وواحد يكول لثاني اني احلى منك بخت الگح....

غسق: لا تتجاوزين احسنلج خليني محترمتج عفتها ونزلت قبل لا تحجي مسمومه على امها. شافتني بلمطبخ امها غمتنيي

ام رافد: ويين موليه خدم عندج احنا شوفي حال البيت

غسق: مجاوبتها طلعت شفته واكف بلكراج رافع حاجبه

مهاب: هاي وياج هيج تحجي؟

غسق: ها لا مو وياي

مهاب: غسسق لا تچذبين

غسق: اي وياي بس عادي راد يدخل لزمته حباب عوفها لا تسويها مشكله عمامي منا ومابيه حيل مشاكل والله
شمر جكارته داسها برجله وطلع طلعت وراء ركبت السياره

مهاب: لا تسمحين لأحد كأن ما يكون يتجاووز عليج دخلي بنص عيينه وطيحي حضه
مفهووم

غسق: هزيت راسي بمعنى اي

مهاب: غسسق لا تصيررين فاهيه اهطرج بلعباس

غسق: شبييك ليش تصييح

مهاب: حرگت دمي بنت الگلب

غسق: وكف يم مطعم باوعتله وين مانزل اني

مهاب: نزلي منتاخر

غسق: خلينا بلسياره اشرلي نزلي وسد الباب جريت نفس حبيت نكعد بلسياره
نزلت كعدنا طلب اكل باوعلي

مهاب: لج بربوك صرتي مرتي

غسق: ليش تغلط

مهاب: بكيفي لج اشتعلووو عمامج لو تدرين شكد احبج

غسق: باوعتله مبتسمه انت ماتعرف تحجي بدون ماتتجاوز

مهاب: شتجاوزت هسه شكلت سبيت العنب الاحمر

غسق: مجاوبته

مهاب: صار شي اليوم احد سمعج حجايه من اهلي ؟

غسق: بلعت ريكي ردت احجيله على امه بس خفت يكولون من اول يوم خطوبه سوت مشكله
لا ماكو شي ليش دتسأل

مهاب: هيج حبيت اتاكد اذا سمعتي حجايه او احد ضوجج لا تسكتين

غسق: تحسسني داخله حرب
مجاوبني نزل الاكل كعدنه ناكل رفع راسه باوعلي

مهاب: للخميس اريدج جاهزه ماريد اأجل اكثر

غسق: ماعندي شي غمزلي

مهاب: راح ادز عليج ميسم تشوف شعندج نواقص تكملهم

غسق: اني اكملهم لا تزاحمها خطيه

مهاب: انتي حيري بعمامج طيحيلي حضهم قبل لا اخذج طلعي حرگة گلبج بيهم

غسق: تحسسني بجبهه احنا شعلي منهم هو بس هلسبوع يمهم

مهاب: فاهيه ماتصيرلج جاره

غسق: خليني بفهاوتي احسن
شلون سكتتهم واقتنعو؟ بدون مشاكل هم ماراضيين بهلزواج؟

مهاب: شغلتيي مايعصون عليه هلمخانيث ذول كدرتهم بس عليج تره

غسق: احجيلي عنك خله اللگمه بحلگه وباوعلي

مهاب: شحجي يعني هاي اني كدامج واهلي كلهم شفتيهم بعد شنو؟

غسق: شنو شغلك

مهاب: اعمال حره

غسق: ذولي الخطفوني واجيت عليهم منو؟ وشنو رادوك تسووي وياهم وليش اخذتني للشمال اسبوعين
تره دخت والله واعمامي شلون سكتتهم

مهاب: بده طيحان الحظ هاي كلها ابالج ؟
زين على كيفج وحده وحده مو كلهن هيج تكتيهن عليه

غسق: كلما اسألك تغلس او تغير الموضوع متجاوبني

مهاب: ماشوفه شي مهم او ضروري علمود تعرفي

غسق: شلون مو مهم واني ناس تعرفهم خطفوني ويبسوو دمي ولليوم ماعرف السبب

مهاب: انسي الصاار كله وخلينا ولد اليوم

غسق: انت مراح تاذيني صح؟

مهاب: الافتهمه منج خايفه مني؟

غسق: تكدر دكول هيج

مهاب: طيح الله حضج

غسق: لا تغلط تره ماحب هيج

مهاب: تعتبري غلط هذه؟ واقع بابا اكو وحده براسها عقل تتزوج واحد خايفه منه ومن شنو خايفه بالله بعبع ومادري بنفسيي

غسق: وبرئيك عندي خيار ثاني؟ تره ضروفي هي الجبرتني اقبل

مهاب: هااا كتيلي ضروفج يعني لوما ضروفج ماقبلتي

غسق: الصراحه اي وانت كلش زين تعرف بهلشي
بقى يباوعلي وجه اطعن

مهاب: تاليتج اچلطيني مادري شلي بهدوخه انه رجال خالي مختلي شكوو جايب مصيبه لنفسي

غسق: احجي وياك الصراحه تريدتي اجذب عليك

مهاب: لا ماي عيني انتي ليش اتجذبين خليج على صراحتج تموت

غسق: كملنا اكل دك جهازه فصله شرب جاي وطلعنااا ركبنا السياره

مهاب: خلي موبايلج قريب بالي يبقى يمج انه عمامج الكواو.. مامرتاحلهم

غسق: احنا مو عقدنا ميكدرون يسون شي بس احجيلي بشنو سكتتهم تره والله الفضول يدمر راح ابقى افكر وحتئ نوم ماكدر انام باوعلي ابتسم رجع يباوع للشارع

مهاب: تره عمامج مخانيث هذه محمد حرمه بس عنده شوارب

غسق: ماطلبت منك شرح عنهم اريد اعرف شلون قنعتهم

مهاب: اكوول ليش انتي هيج حشريه؟ هسه شعليج شلوون اقتنعوو المهم تمت على خير وفضت وراحت

غسق: سكتت لأن اعرف لا احصل منه حق ولا باطل

مهاب: اكول شرايج تباتين يمي الليله

غسق: لاا رجعني شكو بايته عندك

مهاب: اباوع على طولج الحلو

غسق: سكتت منه بقيت صافنه معقوله هلطريق خير الي معقوله راح ارتاح وانسى كلشي واعيش سعيده ومثل مااتمنى فززني صوته

مهاب: مو احاجيج وين صفنتي

غسق: يمك لزم ايدي بقوه وايده الثانيه على الاستيرن

مهاب: ماريدج تفكرين بشي سلبي او تخافين من اني يمج

غسق: اكتفيت بهز راسي لأن فعلاً اني خايفه شنو المنتضرني بيوم وليله صرت بذمه واحد جان خاطفني انسان جان يتهمني بموت خاله واصلاً مايوم فكرت راح اقبل بي وراح اصير بذمته
كلشي صار بسرعه بسرعه وهو مديساعدني ويجاوبني على الاسأله البالي علمود يخليني ارتاح وابطل هلقلق

مهاب: ابو صابر وصلنا گضيتي الطريق صافنه شكو؟ بيج شي محتاجه شي لا تترددين غسق احجي البيج لا تكتمين

غسق: حجيت ومالكيت الجواب ماكو داعي ارجع احجي صفن بعيوني

مهاب: كلشي بوكته حلو خلينا فرحانين هسه

غسق: مهاب

مهاب: ماي عيونه اول مره اعرف اسمي هيج حلو ابو راس الوالد عليه

غسق: لا تصدمني بيك اذا اكو شي ضامه عليه احجي من هسه خليني بلصوره

مهاب: اي والله راح اخليج بصوره واعلگج بغرفني بعد شرايده

غسق: تره متضحك خوش

مهاب: خوش انتي اليوم گالبه هرموناتج عليه الله اليستر

غسق: نزلت نزل ورايه التفت عليه ويين

مهاب: غير اوصلج للبيت

غسق: عفته ودكيت الباب فتحته دينا اكلت مهاب بسلام عبالك صار سنين تعرفه دخلت من باب المطبخ هو دخل من باب الاستقبال شافتني ام رافد فرت حلگها

ام رافد: شبع بيج ورجعج لو رايحه ويا لبيته وفاگتنه من شرج بعد عليش يسوي زفه ويخبص نفسه

غسق: مشيت من يمها داصعد الدرج صاحني مهاب رحت وكفت يم باب الاستقبال عمامي ورافد كاعدين

مهاب: غاليتي محتاجه شي؟

غسق: اخذتلي صفنه بوجه لا سلامتك

مهاب: انه رايح طمنيني عنج واذا صار شي خابريني مسافه الطريقه

غسق: احسه من يحجي يبسمر بيهم رفع ايده سلم وطلع باوعولي بحقد عفتهم وصرت بباي گبل لغرفتي خفت يتجاوزون عليه نزعت ملابسي ودخلت للحمام خلصصت رجعت للغرفه تفاجئت دينا كاعده وتلعب بجهازها طبگت حواجبي لأن خفت منها واني ادري ذول كلشي يطلع منهم

دينا: اجيت يمج شويه نسولف ضايجه

غسق: انتي بيج انفصاام تره مصار كم ساعه ذبيتي سمج عليه

دينا: خوات احنا مابيناتنا هلامور

غسق: عفتها وكعدت انشف شعري

دينا: اكلج غسق سلون تعرفتي على هذه الخطبج مبين خوش رجال

غسق: قسمه وصارت

دينا: ماعده اخو تسوين فضل عليه واني اختج

غسق: حجتها بضحك عود مجاوبتها

دينا: اكول هو اعزب لو شنو وضعه

غسق: اعزب

دينا: والله بختج لايح السما

غسق: اعوذ بالله شبيج بابا صلي علنبي انتي عيني عينك دتحسديني على شنو مادري

دينا: على حضج اول واحد طاگ ورتبه وهذه هم مناقصه شي تلكطيهم تلگيط انتي
شو اني واحد خبصني احبج واحبج طلع حافي وعيشني ضييم

غسق: مجاوبتها عفتها تغرد بكيفها تمددت بفراشي

دينا: شو انتي شايفه روحج على شنوو ماخذه منو قابل

غسق: تره اني مداحجي انتي تحجين وترجعين تجاوبين نفسج شو هاي غمتني وطلعت وطبكت الباب حيل وراخا نلقصني مخابيل كمت قفلت الباب ورجعت لفراشي نمت نومه عميقه ماردت افكر بشي اخلي حملي كله على ربي واتوكل عليه وهو نعم الوكيل مايخيبني
كعدت شبعانه نوم بس ماريد انزل واسمع سمهم بقيت صافنه على السكف تذكرت كلام دينا ضحكت على عقلها مو طبيعيه بالله بيها انفصام مو طبيعي دك جهازي باوعت اسم مهاب رديت عليه

مهاب: صباحج خير مرتيي

غسق: صباح النور

مهاب: خوما كعدتج

غسق: لا كاعده

مهاب: حضري نفسج اجي عليج ترحون انتي وميسم تجهزين نفسج

غسق: خليها باجر تعبانه

مهاب: مااريد اعذار يلا انه اريد اطلعج من ذاك البيت لليل ارجعج عود

غسق: زين انتضر بس اتريك

مهاب: لا تتريكين ناكل شي بطريق

غسق: انت هم مماكل

مهاب: ماكل بس غير وياج على الواهس ادري بيج ماتحبين تاكلين وحدج

غسق: ابتسمت ختمت ويا كمت طلعت ملابس عدلت خلقتي شويه وبقيت كاعده انتضره شويه واتصل بيه نزلت صار بوجهي علاء

علاء: ويين من صباح الله

غسق: مهاب منتضرني هو واخته بلباب

علاء: شكوو جاي شعنده

غسق: نروح نشتري اغراض

علاء: هيج سوالف ماتصرف عندي كليله يقلل جياته علما ياخذج ونخلص

غسق: هو واكف بلباب اذا تريد روح كله
خزرني وراح كعد دخلت للمطبخ ام رافد تباوعلي صفح ماهتميت بسرعه طلعت ركبت صبحت عليهم

مهاب: بالله مو وجهه يجيب العافيه

ميسم: اسكت لا تضربها عين

مهاب: عيني عاطله ماتشتغل
تتريكون اول؟

ميسم: انت تنزل ويانه لو تنتضرنه بلسياره

مهاب: شو جنج مراضيه انزل وياكم

ميسم: والله ياخويه راح تخبصنه وكلشي مانفتهم انه اكول لو تنتضرنه بلسياره

مهاب: وانه مخبل انتضركم بلسياره وانشتل لا ساعه ولا ساعتين نسوان ونهدن بلسوك جيب اليفگهن بووويه مخبل عاقل

غسق: ابتسمت منتاخر هواي

مهاب: خلصو وخابروني اجي عليكم

ميسم: اي احسن هيج

مهاب: خليني اجيبلكم شي تاكلو

ميسم: انه ماريد اتريكت جيب لغسق

غسق: استحيت اكل وحدي وثنينهم ماكلين
لا مجوعانه اني

مهاب: انه جوعان

غسق: نزل جاب اربع لفات كباب اخذ وحده وانطا وحده لميسم وانطاني ثنين بس وحده ماكدر اكثر

مهاب: اكليها لميلج لحمه

ميسم: ليش خويه تريد تذبحها على عيد الاضحى تره البنيه حلو جسمها لا تخربها بسوالف العجايز يدورن لحم تالي من تسمن يكعدون يصنفون عليها

مهاب: شكو بكلشي مدخله نفسج لج ميسسم

غسق: حجاها بطريقه شقه وميسم طكتها بضحكه ابتسمت هو كلامها صح بس مادري ليش تنرفز وصلنا للسوك نزلت ميسم هو التفتلي انطاني فلوس

مهاب: ماحب ترحون وحدكم بس لازم تتحمليني ماحب طلعه السوك وتفرفر
اذا احتاجيتو شي خابروني ومن اجي عليكم نمر للصايغ نشتري ذهب انتبهي لنفسج

غسق: هزيت راسي ونزلت وكفت يم ميسم

ميسم: امشي نبدي من المكياجات وملابس النوم والبيت

غسق: وصلنا لكوزمتك اشتريت الاحتاجهم وبعدين رحنا لملابس البيت ميسم اتجيب وتخلي

ميسم: دللي اخوي يستاهل تره

غسق: ادلله بلملابس

ميسم: اي ولج والله يحب مهاب الگشخه والمكياج وهلسوالف بس بلبيت بره البيت ميقبل

غسق: اي كافي هلوجبه غير مره اخذ وجبه ثانيه
بقينا نجهز نسينا حتى نفسنا علما خابرني مهاب جاوبته واني فحطانه

مهاب: عدلين ميتين

غسق: موغفين على گلبك طكها بضحگه

مهاب: احلى توغيفه وينكم اجي عليكم

غسق: اي تعال تعبت

ميسم: بعد عدنا نقوصات

غسق: غير يوم تعبت والله

مهاب: طلعو مسافه طريق انه

غسق: كطعته منه التفتلي عود زعلانه لأن كتله تعال
ماتعبتي شوفي ايدنا راحت

مهاب: جان خليتينا ناخذ سيتات نوم علمود يبقى بس ملابس طلعه واحذيه وجنط وهلسوالف

غسق: بعد اسبوع باقي نلحك والله بس هسه نعد حيلي وصلنا للسياره نزل خله العلاليك بلصندوك ركبنا

مهاب: الله يساعدكم شصاير بيكم

ميسم: مرتك الفاهيه تعبت

مهاب: انتيي لو انومج بلسوك هم مادكولين لا

ميسم: فوكااها تره جايه ويا مرتك اجهزها

غسق: تعبتج وياي والله

مهاب: عبالج هاي تتعب ابلاش اتقط بيه وترجع ليوره

غسق: نعمت صوتها وضربته بجتفه

ميسم: غير اخويه وتاج راسي اذا الك ماقط اقط منو لعد

غسق: بقو يتناكرون علما وصلنا لبيت اهله بقيت كاعده

مهاب: يلا نزلي

غسق: وين رجعني للبيت

مهاب: اتغدي ارتاحي وبعدين ارجعج يلا

غسق: استحي والله يوميه جايه عليهم

مهاب: امشي وهذه تفكيرج بطلي

غسق: نزلت دخلنا سلمت عليهم كلهم وجهم بشوش الا امهم دكول ماكله ورثها اجتي عمه مهاب كعدت بصفي

انه عمه مهاب غفران

غسق: اي شفتج البارحه
تشرفت بيج خاله

غفران: فدوه لكلبج بنيتي ممحتاجه شي

غسق: سوالها خجلني يمكن لأن اول مره اكعد يمها سلامتج حبيبتي

غفران: شلون مهاب وياج بشريني

غسق: رت احجي واجه مهاب كعد بصفها وحضنها

مهاب: سمعتج جبتي اسمي بساالفتكم خيررر عمه

غفران: ولك طركاعه مردتني شوو وخررر مني

مهاب: فوك ما احضنج واشبعج حنااان ودلال وين لاكيتها

غفران: يمه منك ابو السان متر ونص وين لكيت هلورده ولك فاهيه نازكه ماتلوكلك انت تلبك لبك
وخبصه وهوسه

مهاب: هااي شنو دتكسرين بسوكي انتي عممه ماسمحلج ياااابه تعال لختك لا اخليها بلكراج واحركها

غفران: اي بيع ذن السوالف براسي كول وين لكيتها

ام مهاب: تره خبصتوني بيها وين لاكها يعني تره كلها خلك مطلگه وهو مناقصه شي تره غفران جمال ومال ومكانه اجيبله اغاتها بس هو مايريد معمي على عيونه

غسق: بقيت صافنه عليها ممستوعبه كلامها شلون تكدر عيني عينك هيج تحجي بدون ماتهتم او تحسب حساب لمشاعري

مهاب: يييمه شكو هلحجي هذه هسههه انه وعمه دنشاااقه شجاب هلكلام بلنص

ام مهاب: وشحجيت انه غير الحقيقه

مهاب: استغفر الله حقيقه خيال حلم صخامم لاااا احد يتدخل حيااتي هاي وانه راضي بيهااا

ابو مهاب: اول مره واخر مره اسمع هلگلام مره ثانيه تره تشوفين وجهي الثاني يا مره خليها ابالج
وانت لا تبقى تغرد على راسنا

غسق: التفتلي عمو

ابو مهاب: اعذرينا بويه حسبيها عليه

غسق: مصار شي باوعتلي عمه غفران وهزت راسي مراضيه مهاب بقى يهز برجله ويدخن وترني اجتي ميسم سابحه والمنشفه براسها كعدت يم ابوها حضنها وباس راسها بقيت اباوع عليهم مشتاقه لبابا وحنيته. مشتافه لكل تفاصيله هو وماما لخوفهم وحرصهم ودلالهم وعقابهم نزلت دمعه من عيني مسحتها بسرعه شفت مهاب يباوع عليه

مهاب: كومي غسق نطلع للحديقه شوي

ايو مهاب: اتغدو وروح بعد وكت حاره

مهاب: لا حلو الجو

غسق: وكف يمي لزم ايدي كمت ويا طلعنا للحديقه حديقتهم حلوه ومعتنين بيها

مهاب: الوالده اعصابها تعبانه هلفتره اذا تكدرين تسايريها اكون ممنون منج لا تاخذين بخاطرج منها

غسق: اني جنت متوقعه ردة فعلها يعني مو شي انصدم منه عادي وهي هم حقها

مهاب: هلموضوع لا تفتحي محد حقه يتدخل بحياتي او حياتج غيرنا بس سايريها هلفتره

غسق: لا تتوقع يجي اليوم اضوج او اتجاوز على مره جبيره اطمئن تقرب مني

مهاب: احبج

غسق: تحبك العافيه حجيتها ودنج

مهاب: اشتعلت عافيه عدوووانج كولي امين

غسق: لا خطيه

مهاب: انه هم خطيه حسي بيه

غسق: شبيك

مهاب: بيه انتي
شرايج اشوفج غرفتنا

غسق: حجيت بسرعه لااا ضحك عليه

مهاب: تره ماكتلج اكلج كتلج اشوفج الغرفه

غسق: ماكو داعي

مهاب: متصعدين الاغراض بيها

غسق: انت بعدين صعدهم

مهاب: مامن وراج شي امشي نتغده احسن

غسق: لزن ايدي دخلنا جوه كعدنا اكلنا خلصنا ردت اشيل الامواعين وياهم عمته ماخلتني بقيت كاعده بمكاني اجتي ميسم كالت رجلها راجع

مهاب: خابري يجي اهنا

ميسم: كتله ماقبل

ابو مهاب: كوم مراد وصلها

غسق: باستني همست باذني

ميسم: اشوفج باجر

غسق: راحت ويا مراد بقينا احنا العرفته عمتهم مامتزوجه وعايشه وياهم وعدهم بعد اخ اسمه مروان متزوج و مسافر

غسق: وجهتلي سوأل ام مهاب

ام مهاب: انتي وين عائلتج

غسق: متوفين بابا وماما واخوي
عايشه عند بيت عمي

ام مهاب: مبين شالعه گلب مره عمج مسكينه ذاك اليوم تحجي بحرگه كلب

غسق: بقيت اباوع عليها نفس صنفها بضبط هي ماتحبني

ابو مهاب: ماكو داعي لسوالف المابيها معنى

مهاب: خليها يااابه خلينا نشوف وين تريد توصل بهذه كلامها وشراح تحصل منه

ام مهاب: وشدعوه عليك بعدها مداخله لبييتك ولاحسه عقلك

مهاب: ييمه شنو لاحسه عقلي انتي منتبهه لنفسج شدتحجين

ابو مهاب: مهاااب صوتك

مهاب: يابه شنو صوتك بعدها مجايه للمهجوووم شوف الكلام باجر عكبه شلوون

ام مهاب: شوووفه شوفه شلون يدافعلها ست الحسن

ابو مهااب: كااافي كلت انتي ماتفهمييين

غسق: كاعده افرك بايدي بتوتو واباوع عليهم
كامت طلعت من الصاله

غفران: خويه ميصير هيج حاجيها

ابو مهاب: شسويلها بقي شي وماسويته وياها شو لا ينفع صياح لا ضرب لا اهانه حتى انه تعبت منها ولدها صارو زلم وهي بعدها نفس التصرفات

غسق: اني التزمت السكوت خطيه اعتذرو مني وعمة باس راسي اترخصنا منهم طول الطريق مهاب ساكت وبس يدخن شبيك شو ساكت

مهاب: متعجب من الوالده جانت تتمنى اتزوج شو من صارت صدك كلبت عليه

غسق: انت تعرف السبب ماكو داعي تغشم نفسك

مهاب: انه راضي محد اله شي يمي حياتي وانه حر بيها
وعاجبني اكمل الباقي ويااج

غسق: بقى يحجي واني ساكته منه وصلنا هم نزل وياي دخلني وسلم عليهم هو طلع واني صعدت وقفلت الباب علمود لا اسمع حجايه السمعته اليوم كلش كافي وزايد مرالاسبوع بين التحضيرات والمكالمات عمي علاء صاحني وحاول وياي اكنسل كلشي وافصخ الخطوبه بس رفضت اني اعرف غايته الفلوس وهو اصلاً راجع اهنا علمود الفلوس عفته وتحسبت عليه من كل گلبي اذا فعلاً هو غايته جان يرجعني لارشد مقابل فلوس اليوم حنه مهاب اني رفضت اسوي حنه لأن اصلاً ماعندي احد يجي هم مسوين بلحديقه عازم كل اصدقائه خابرتني ميسم

ميسم: تعالي لبيتنا وخلينا نشوف حنه الزلم تتونسين والله

غسق: ماريد ميسم خليني ارتاح

ميسم: براحتج بس كلت تتنونسين

غسق: محتاجه نوم اصلاً راح انام
ختمت وياها اني منعسانه بس خايفه ورايه شي مجهول شي خايفه منه حياة جديده ماعرف عنها شي ماعرف راح تسعدني لو تتعسني اكثر شفت ساعه ب 7 دك جهازي مهاب جاوبته

مهاب: حضري روحج اجي عليج اجيبج اهنا

غسق: ماكو داعي تعبانه واريد انام

مهاب: باجر انومج بحضني بنص ضلوعي

غسق: سكتت جر حسره

مهاب: اذا غيرتي رئيج خابريني

غسق: ماشي كطعته كمت دخلت للحمام كعدت جوه الدوش حسيت ارتاحيت لفيت المنشفه على شعري ورجعت للغرفه شفت رسالتين من مهاب فتحتها صورته. وكاتب عليها تمنيتج وياي غاليتي

غسق: ما رديت عليه سديت الجهاز وخليت راسي ونمت الثاني يوم كعدت شفت الموبايل يدك جاوبت مهاب

مهاب: صباح الخير

غسق: صباح النور

مهاب: كومي صحصحي مراد جاب ميسم واجه عليج ياخذكم للصالون

غسق: اي ماعندي شي كمت بسرعه لبست وغسلت خطيه ميسم جايبه البدله رحنا للصالون طلبت مكياج بسيط والحمره نفس المسكه حمره طلع كلش حلو وميسم هم سوت مكياج خفيف خلصنا اجه مهاب لزم ايدي ركبنا السياره جر البركع نزله اكثر على عيوني

مهاب: منا الناس كتلج لبسيها شي زين

ميسم: شلبسها بعد تره بركع البدله وممبين منها شي

غسق: رحنا طگينا صور كل شويه يهمس باذني شي لو بايسني خطف خله المصوره تباوع علينا وتضحك
اخذني لبيت عمي بس الصدمه جانو طالعين حركو كلبي بهذه تصرفهم صرت هدوتني بقينه كاعدين شويه اسمع كلامهم يزرف بكلبي مااجوي رجعنا طلعنا رحنا لبيتهم ذبحو ذبيحه جوه رجلي واني دمعتي بخدي بقيت كاعده اباوع بلوجوه ميسم وغفران ماقصرو بس دكه عمامي حزت بخاطري شويه ودخلو خاله ام مسره ومسره اهنا عبالك شفت اهلي كمت بوستهم خاله حضنتني وتصلي على النبي بقو كاعدين يمنى اجتي غفران

غفران: نصعدج للغرفه علمو يزفوو

غسق: حسيت دم مبقى بيه مااريد اصعد اني قبلت بي اخلص من عمامي وارشد لو ما هم طول عمري مافكر اتزوج ولا افكر بشي اسمه ابن ادم صعدوني بقت غفران كاعده يمي تسولف يمكن حست بيه متوتره صعدت امه باوعتلي من فوك ليجوه

ام مهاب: شكو كاعده يمها تره مو بنت بيوت ونكعد ننتضر النيشان

غفران: ام مهاب لا تبدين تره منا الناس واذا سمعو كلامج مايسكتولج لا تسويها عركه وطلابه خليها تفض على خير

ام مهاب: والله هلحيه انه مراضيه عليها دخلت بيتي واخذت ابني غصب ولا شنو هلمطلگه اني ادخلها بيتي وتاخذ ابني الجنه ورد

غسق: خاله ماسمحلج هيج تحجين وياي وبعدين اني مجبرت احد عليه احجي وياها وارجف وعيوني تطلع منها نار ويا الدمعه

ام مهاب: ضحكتيني والله لو بيج خير مجان عمامج عافو البيت وطلعو وحتى بخلقتج ماباوعو

غفران: لا تسوين هيج. لا تخلي يگلب البيت علئ راسنا خلي فرحان على الاقل بس اليوم

غسق: عافتنه وطلعت تفر بايدها كامت غفران عدلت مكياجي وتحجي عليها شويه وسمعنى صوت زلم عالي

غفران: زفو يلا انه اروح اذا احتاجيتي شي غرفتي هياتها اهنا بس صيحيلي

غسق: مجاوبتها من التوتر طلعت ماكو خمس دقايق ودخل بايده صينيه اكل قفل الباب خلاها على الميز وتقرب باس راسي

مهاب: واخيراً صرتي ابيتي وبغرفتي وبأسمي غاليتي وام بيتي

غسق: هو يحجي واني ارجف من التوتر او من كلام امه البقه ابالي بقى يباوع بعيني نزلت عيوني بسرعه رفع حنجي بطرف اصبعه

يتبع<>
للكاتبه ود البااشا

وين اهذري الكلشي بيه
وين اگولن كلشي مر
لا درب ما عثراني
ولا گصد جدمي بطر
ولا محطة البيها اونس روحي لو گلبي عثر
انه ويه الكلشي ماكو أصحاب كضينه العمر