رواية شوگ و ورد الفصل السادس والأربعون 46 - بقلم wad. al.Basha

للكاتبه:  ود الباشا

محسوبة من العمر
كُل ليلة نكضيها
و محسوبة من الدرب
كُل خطوة نمشيها
ايامنا الي تمر
رحلة بقطار
العُمر سفرة بمرابع خُضر
شتريد سميها
لو نوگف بنص درب
الدنيا تبقى تِدور
المي صعد للجرف
والفخر للناعور
دور صديق الوفي
ومشي بدرب بي نور
وعينك على صاحِبك
يغفى تضل ناطور
يلـ ماشي بهلدرب وانتَ
إعلى ناسك ضيف
ينراد معشر حلو
لَمت احباب وكيف
ولو شفت برد الشته
ولسعة ظهاري الصيف
صبرك وهي تنجلي
وتصير ذكرى وطيف
أيامنا
الي تُمر رحلة بقطار العُمر

غسق: غفران ايدها على حلكه وتباوعلي
وكفت يمها شصاير شكو ماحجت عيونها مدمعه
غفررران مو اححي وياج شصاير فدوه

غفران:  مادري خابروو من تليفون مهاب كالو متصوب

غسق: شهكت شلون تصوب ليش شبي هسه وينه

غفران: بلمستشفى مثل ما كال الولد هسه ابوو رايحله كعدي انتي

غسق: شفت عمي واكف بلكراج يخابر رحت وكفت يم الباب
ودمعتي بعيني صح ماحبه بس هم ماريدله الاذيه

ابو مهاب: ابني متاكد لا تقلقني عليك

غسق: بقى يحجي شوي والتفت عليه عيونه حمر وكف يمي

ابو مهاب:  لا تخافين بابا هسه يجي مابي شي جنت احجي ويا

غسق: مابي شي

ابو مهاب:   لا الحمدالله

غسق: دخل بشرهم اني متحملت اوكف احس رجلي صارت خيوط دخلت للمطبخ باوعت عليه امه عيونها تجدح

ام مهاب:  هااي فكر من يوم الشفناها لليوم ماشفنا الخير

غسق: مجاوبتها سحبتني غفران

غفران:  شبيج ترجفين

غسق: اريد اصعد فدوه ساعدتني صعدت فوك كعدت على السرير كعدت بصفي

غفران:  شبيج مابي شي والله هسه ييجي

غسق: مسحت دموعي وهزيت راسي مابيه شي بس نهبطت

غفران: نامي شويه من يجي اكعدج

غسق: رادت تطلع غفران

غفران:  عيونها

غسق: اكدر اسألج

غفران:  اسألي

غسق: مهاب شيشتغل بقت تباوع عليه ضحكت عليه

غفران: بربج اكو وحده تتزوج وماتعرف رجلها شنو يشتغل

غسق: مجاوبتها بقيت اباوع عليها منتضره جوابها

غفران:  هو مكايلج ليش متسألينه

غسق: جاوبيني انتي حبابه

غفران:  اعمال حره والله هذه السامعته بس شنو بضبط مادري

غسق:  هزيت راسي عافتني وراحت تمددت الهبطه ليهسه بيه بقيت اباوع على الباب شلون تصوب ومنو هيج سوه فكرت معقوله ارشد
غفيت ماكعدت الا على ايد تتحرگ على وجهي فزيت مفزوعه

مهاب: اسم الله

غسق: باوعت عليه مابي شي كالو متصوب انت زين ابتسم

مهاب: ماكو شي طلقه تايهه اجتي بجتفي

غسق: متاكد

مهاب: اي متاكد مو هياتني كدامج

غسق:  الحمدالله على سلامتك
باس راسي

مهاب:  الله يسلمج ننزل نتغده منتضرينا

غسق: كمت من الفراش وهو يباوع عليه نزلنا جوه كعدنه على السفره

ابو مهاب:  متاذي

مهاب: لا يابه مابيه شي تره لا تكبروها

ابو مهاب: الف الحمدالله

ام مهاب: الله سترك يمه انتبه لنفسك فدوه رحتلك

مراد: لا تخافون عليه عار مايصيبه شي

غسق: عمي شمر عليه الخاشوكه وهو طفر من مكانه يضحك

ابو مهاب:  شوكت تكبر انتتت مادكلي

مهاب: عوفه يابه يشاقه

غسق: خلصنا كمنا رفعنا السفره اني وغفران غسلنا الامواعين رحت للصاله ماشفت مهاب صعدت فوك واني مستغربه شعجب ماصاحني اكيد متوجع وكفت داريد افتح الباب وسمعت صوته يحجي ويا احد بقيت واكفه بمكاني والفضول يقره عندي الف

مهاب: لا عبالك تخوفني بطلقه والله اذا ماشربت من دمك ماتسمى مهاب على دگتك الناقصه

غسق: خليت ايدي على حلگي يعني مو مثل ما كال تايهه

مهاب: اسمعنييي والعباااس اذا توكع بايدي مارحمك خليك خاتل مثل النسوووان ساااق.... انه تغدرنييي
وصل كلامي لجبيررك البعيررر هم وين مااااشوف واحد منكم اخذ روحه دگتگم الناااااقصه هاااي ما انسااااها

غسق: ابتعدت من الباب رحت لغرفه غفران كعدت صافنه شنو يشتغل هذه وليش هيج يهددهم وكلامه كله اخذ روحك واشرب دمك دكيت على خدي شورطت نفسي اني نفتحت الباب دخلت غفران تفاجئت شافتني بغرفتها كمت اني اعتذر دخلت غرفتج بس جنت ضايجه وردت شوي اكعد وحدي

غفران:  لا عادي غرفتج بس مهاب صاحج

غسق: هسه اروح لزمت ايدي

غفران:  بيج شي صاير شي

غسق: لا ماكو عفتها وطلعت متوتره مرتبگه خايفه فتحت الباب شفته متمدد بدون تشيرت جتفه متضمد وعلى الضماد نقاط دم بقيت اباوع عليه عبالي نايم فززني صوته

مهاب: عليش صافنه سدي الباب

غسق: سديت الباب وكعدت بطرف السرير

مهاب: صاير شي وجهج اصفر

غسق: هزيت راسي لا شلون صرت ابتسم

مهاب: احسن مابيه شي سهله

غسق: ماحجيت شي اكتفيت بلسكوت بديت اخاف منه هلفتره الراحت ارتاحيت ويا بس شو اليوم اختلف كلشي

مهاب: يمعووود وين صافنه صار ساعه ارطن

غسق: ها ماسمعت شنو

مهاب: شبيج

غسق: مابيه بس اخذتني صفنه

مهاب: اكيد صفنتي بيه

غسق: شنو ردت

مهاب: ماكو حتى نسيت المهم تردين نطلع ضايجه

غسق: انت متصوب ودكلي نطلع؟

مهاب: شخبصتوني متصوب ومتصوب تره بجتفي مو بگلبي ولا برجلي

غسق: اني مابيه ردت اكوم سحبني من ايدي رجعت لمكاني طبگ حواجبه

مهاب: وضعج معاجبني صاير شي؟ 

غسق: لا ماكو

مهاب: وجهج ميكوول هيج احجي شبيج

غسق: بقيت ابتوع بعيونه مهاب انت شتشتغل
كام تربع ميل ركبته يباوعلي

مهاب: شذكرج هسه تسأليني

غسق: ارتبكت خليت شعري وره اذني هيج اجه ابالي اسأالك لان مو دائماً تطلع رفع حاجبه مبين ممصدكني

مهاب: اي لأن اشتغل اعماال حره مو بكل وكت احصل شغل

غسق: شنو هي هاي الاعمال

مهاب: غسق تعالي من الاخير شسامعه ؟
اخد متصل بيج؟  سامعه شي من احد

غسق: لا حبيت اسألك صار فتره يمك وليهسه ماعوف شي عنك مجرد فضول هز راسه

مهاب: حقج يابه شو انتي يوم بعد يوم تحليين اكثر شتاكلين؟

غسق: بلعت ريگي اشرلي بمعنى تعاي لحضني تقربت منه سحبني باس راسي

مهاب: لا تفكرين هواي المهم احبج وراح اسعدج وعد

غسق: ماحجيت شي همست مشتاقه لخاله اخذني اشوفهم

مهاب: انسي هلشي غسق ذاك البيت ماتفوتيله بعد اكو موبايل واتصلي بيها

غسق: ماجاوبته اصلاً طلبت اروح علمود اشرد منه افكر براحتي

مهاب: مناويه تحنين عليه لخاطر خيل الحمزه

غسق:باوعت بعينه اني احس روحي ضايعه مدافهم روحي معقوله راح انخدع مره ثانيه معقوله اوكع بنفس النكره مره ثانيه اني حتى اخاف اعرف شي موزين عنه بوكتها مراح اكدر اعيش ويا ولا اكدر اعوفه
فزيت من صفنتي وهو يبوسني بخدي

مهاب: اليوم صفناتج كثرانه عساها خير

غسق: دگ جهازه سحبه باوع عليه وباوعلي
فتحه ومثل كل مره بقى ساكت يسمع للطرف الثاني

مهاب: بعدين نحجي بهلموضوع اي عود نتشاوف باجر

غسق: شمر الجهاز منو

مهاب: واحد وياي بلشغل

غسق: عفته بعد مالحيت الخوف البداخلي اكثر من فضولي مر اسبوع ايده صارت زينه اليوم كعدت ماشفته كمت بدلت وغسلت رجعت للغرفه دالبس الشال دك جهازي رقم غريب صفنت عليه تالي رديت بس ماحجيت شي

شلوونج غسق

غسق: فتحت عيني ارشد ليش متصل بيه

ارشد:  حبيت اسأل عليج مرتاحه؟

غسق: شعليك انت شيخصك

ارشد:  مقهور عليج وعلى السويتي بنفسج

غسق: لا تنقهر عليه انقهر على نفسك

ارشد:  لج غبيه عايشه ويا مجرم انتييي دخلتييي نفسج بنفسج للوحل

غسق: شدتححي انتت؟

ارشد تغاابي بعد تغااابي

غسق: داريد احجي افتهم منه اكثرر ارييد ارضي فضولي وشكوكي بهلموضوع نفتحت الباب وكع الموبايل من ايدي وكف بقى يباوع عليه بستغراب تقدم بخطوات ثگيله شال الجهاز من الكاع باوع عليه ورجع باوعلي

مهاب: شبييج؟ تحاجين منو؟

غسق: قبل لا احجي داس اتصال على نفس الرقم ردت انطق اشرلي بمعنى اسكتي اجه صوت ارشد وهو يحجي بستهزاء

ارشد: عبالي كطعتي متردتي تسمعين بطولات زووجج المجرم

غسق: باوعلي ارشد وعيونه ناطه

مهاب: لوووو ما عاار ابن سطعش عااااار ماتخااابر النسوان بلختله انه الگ بس خليني الزمك

ارشد:  ايي شسوي يعني خوفتني لك كلك خلگ مجرم

مهاب: بسيطه اشوفك المجرم شيسوي انت البديت

غسق: رجعت ليوره مفزوعه وخايفه وممفتهمه شديصير كمل اخر كلمه وركع الموبايل بلحايط تقرب مني لزمني من شعري احس جمدت حتى صوتي ماطلع بلحظه حسيته فعلاً مجرم وايده دم

مهاب: من شووووكت تحااااجي

غسق: اريد احجي اريد انطق ماكو صوتي ميطلع
قرب راسي اكثر عيونه تجدح وانفاسه نار وتجي بوجهي

مهاب: لج احجييييي من شوكت تحااااجي وانه ياغافلين لكم الله

غسق: هو يحجي واني بس اباوع بعينه كلمه ماطبعت مني دفعني حيل ضهر اجه بحافه الميز روحي طلعت كسر الغرفه كلها انگلب اندفعت الباب دخل عمي مصدوم ودخلت وراء غفران

ابو مهاب: شكووو شبييكم شصااير

مهاب: ماكوووو شي طلعوووو

ابو مهاب: مهااااب مو وكت خباااالك شصااير كتلك

مهاب: ماكووو شي طلعوووو كتلكم

ابو مهاب:  البنت خااايفه لا تصير چلب تعاااي بابا

غسق: بدون تفكير تقربت منه لزمت طرف دشداشته
مشينا خطوه نطلع من الغرفه صاح بعلو صوته

مهاب: ياااااابه اذا طلعت خطوه من الغرررفه احرگها كتلكم طلعو ولا تدخلوووون

ابو مهاب: شنووو لا تدخلون بكيفك هي هيته فهمنه شصااااير مو هيج تنحل المشاكل ابني بهدوء

مهاب: ماااسوي شي خلونه وحدنا

ابو مهاب: مهاااب اذا شعره وكعت منها احساابك يمي

غسق: ماحجه شي طلعو بقيت واكفه بمكاني الشهكه بصدري كعد خله جكاره بحلكه وباوعلي

مهاب: اخر مره اسألج من شوكت تحااااجي؟

غسق: ممحاجيته والله اول مره هو اتصل

مهاب: ليش رديتي؟

غسق: رقم غريب معبالي هوو توقعت رنا او مسره
احجي بشهگه وهو كاعد ابرود ولا كأنو قبل شوي گلب الغرفه وكسرها

مهاب: شكلج؟

غسق: سكتت ماحجيت نزلت راسي مسحت دموعي
عاط بعلو صوته

مهاب: ششششكلج لا تخليييييني اعيد السؤال الف مرررره احجيييييي

غسق: كال انت مجرم ابتسم صفح ملامح وجه تغيرت

مهاب: ايي بعد شنو كال

غسق: بلعت ريگي من نظراته تقرب مني لزم وجهي عصره لزمت ايده اريد اوخره

مهاب: الضااهر احترمتج زااايد وتماااديتي

غسق: وخر ايد راح للكنتور طلع نفس جيس الحبوب الجان بلسياره بلع وحده ورجعها وطبگ الباب حيل بقيت صافنه على كل حرگه منه رجع باوعلي
نظرات ماكدر افسرها هز راسه وطلع جريت نفس وكعدت مهبوطه وخايفه كمت ردت اطلع شفت الباب مقفوله رجعت لمكاني ممستوعبه الديصير يعنييي شنو هسه اني اصدك منو شنو الصح تقرب للكنتور فتحت بابها شفت نفس جيس لزمته اگلب بي مامكتوب شي عليه. خليته بمكانه مر وكت طويل صار الليل نفتحت الباب سويت نفسي نايمه خفت منه حسيته يتحرك بلغرفه شويه وكعد على السرير

مهاب: ادررري بيج منايمه كعدي احجي وياااج

غسق: ماكمت اجه لزمني من ايدي كعدت وكعد كبالي

مهاب:  شحجالج بعد احجييي لا تضمين عليه

غسق: ماححه شي والله بس الحجيته الك

مهاب: ليش خايفه

غسق: سكتت مجاوبته

مهاب: ليييش خاااايفه

غسق: م مخايفه سحبني لحضنه باس راسي

مهاب: نحاول ننسى الصار اليوم و اوعديني اي رقم غريب يتصل بيج ماتردين عليه

غسق: هزيت راسي بقبول

مهاب: شو باعيلي اذيتج االيوم ايدي تنكسر

غسق:  باس خدودي ورجع سحبني لحضنه حضني بقوه

مهاب: ورب الگعبه احبج انه ميت بيج

غسق: ماحجيت حرف واحد احس روحي ضاايعه

مهاب: احجي شي لا تبقين ساكته

غسق:  شنو احجي اني مو بطبعي اسكت وابقئ كاعده مثل مامسويه هسه بس خايفه منه معقوله اني عايشه ويا مجرم؟  لو هيج حجه علمود يخوفني بس اني ربطت كلامه وضربته قبل اسبوع ممعقوله كل هاي صدفه ماحسيت غير على گرصه بزندي طفرت من مكاني متوجعه

مهاب:  هاي علمود من انه يمج ماتتصفنين
عندج شي احجيي لاا تصفنين

غسق: ماعندي شي رايحه اشوف غفران
ردت اطلع سحبني غمضت عيوني

مهاب: خايفه مني؟

غسق: هزيت راسي لا

مهاب: احجيييي لا تهزين بصماخج

غسق: لا بس اجتي تشوفني وانت جنت قافل الباب اروح اشوفها شتريد تقرب يم اذني وهمس

مهاب: اريدج اليوم خلص صبري كافي

غسق: باوعت بعيونه ابتسم وباس راسي وراح كعد على السرير بسرعه طلعت من الغرفه صارت بوجهي ميسم اجتي حضنتني

ميسم:  مشتاقين عيني

غسق: اني اشوق انتي مختفيه ماكو

ميسم:  والله بعد بيت وجهال ومن هلطيحان الحظ

غسق: الله يساعدج

ميسم: مهاب موجود

غسق: اي بلغرفه راحت للغرفه واني رحت يم غفران لكيتها كاعده وبايدها موبايلها من شافتني كامت وكفت

غفران:  تعاي كعدي زينه انتي اذاج

غسق: لا بس اني خايفه غفران احس احس گلبي يريد يوكف

غفران:  دترجفين غسق شصاير ليش هيج صار بينكم

غسق: باوعت عليها ورجعت دنجت راسي مادري شحجيي حتى لو حجيت ماتصدگني

غفران:  هو موجود

غسق: هزيت راسي اي

غفران:  نامي شوي ارتاحي

غسق: لا  تخلي ياخذني ماريد اروح يمه ماحجت شي بس صافنه بوجها عبالها تخبلت
خليت راسي على المخده ودموعي تنزل حضنت المخده بقوه ونمت يمكن علمود اشرد من الواقع العايشه بي
غفيت بدون ماحس بشي كعدت على نفس حار برگبتي
فزيت ابتسم

مهاب: فززتج مو بقصد شعندج نايمه اهنا كومي لغرفتنا

غسق: مادري اخذتني نومه كام واخذ ايدي كمت ويا
رجعنا كعد وسحبني لحضنه توترت والنومه بعدها بعيني

مهاب: غسق ابويه شبيج احجيي فهميني

غسق: ماكو شي

مهاب: خايفه مني؟

غسق: ماحجيت بقيت مدنكه راسي

مهاب: احجييي لا تسكتييين موووو شعلتي اهلي

غسق: ماكو شي كلت شبيك

مهاب: اكوووو احجي شكالج الچلب بعدددد خلاج هيج

غسق: ردت اهدي الوضوع كام يصيح والدنيا ليل صوته مسموع
والله مكال شي غير الحجيته الك بس اني تعبانه مادري شبيه باوعلي بشگ

مهاب: باجر اخذج لدكتور اشوف وضعج

غسق: ميحتاج دكتور شويه ارتاح انام اصير زينه خله راسي على صدره وهو تمدد بقى يلعب بشعري

مهاب: اشوف الخوف بعيونج لا تجذبين انتي خايفه
مهما سمعتي لا تصدگين

غسق: احجيلي انت علمود افهم منك فرگ وجه بتوتر ابتعدت منه غمزلي مثل كل مره يغير الموضوع

مهاب: شكتلج انه العصر شو هم غلستي تره فاض صبري ومحمد

غسق: شافني ساكته ابتسم وتقرب اكثر
صار وجه بوجهي بلعت ريگ. نقذني عمو صاحه

مهاب: واحددد ميرتااح بمهجووومه كل شووويه واحد صايح عليه الا اهج يلا ارتاح

ابو مهاب:  لا تضل تاكل وحل وانزل عندي سالفه وياااك

غسق: هلكد ما صوته عالي وبحه صوته قويه عمي سمعه بس هو يمكن جان فوك لأن صوته قريب من الباب طلع وهو يدردم طبك الباب جريت نفس
تمددت مرات احسه لطيف خاصه من يحجي ويا ابو
بقيت افكر اذا كلام ارشد صح شسوي وين انطي وجهي نفتحت الباب دخلت غفران استغربت الوقت مو متاخر اهواي بس هم من النوع الينامون من وكت عمي صاح مهاب وهسه غفران اجتي يمي

غفران:  راح مهاب

غسق: عمي صاحه ونزل

غفران:  انه حجيت ويا علموود يحجي ويا مهاب اشوفج متاذيه منه

غسق: شكتيله حجيتها بخوف

غفران: خوفج منه وشلون اجيتيني ترجفين هسه يطيحلج حظه

غسق: نفتحت الباب دخل وحواجبه مطبوگه

مهاب: غفران انه محترمج واكول عمتي وحقها عليه بس ومحمد مره ثانيه اذا ادخلتتييي بشي ميخصج اجنزج

غفران: احترم من تحجي ويايي انت فدور صاااير

مهاب: اذا انتي بايدج ماتخلين احترام لنفسج انه شسويلج

غسق: ماحجت طلعت مشى بخطوات ثكيله قفل الباب واجه وكف كدامي

مهاب: شحاجيتلها؟

غسق: محاجيه شيي

مهاب: جذذذذذب مااارررريد جذب لا تجذبييين شكايله

غسق: والله ماحجيت شي بس رحت نمت بغرفتها
وهي هم ماحجت

مهاب: ليش كايله اخاف منه ولا تخلي ياخذني؟

غسق: عينه بعيني ويحجي بعصبيه زمخ بيه

مهاب: حجييييتيييي لو لا

غسق: لزمني من زندي قوي حسيت ايدي انخلعت كلت بس ماقصدي شي

مهاب: من شنو تخافييين اذيتج سمعت حجايه؟

غسق: هزيت راسي لا

مهاب: موووو مخليج برااحتتتتج مررتي ويمي وماكدر الزم طرف ايدج كلت ميخالف تتعود وتصير سوااالف ترحين تفضحيني بين اهلي

غسق: حاولت افك ايدي منه ماكو ميعوف ماحاجيه شي والله

مهاب: لااا تحلفين

غسق: شمرني على السرير وطلع شوي سمعت صوت سيارته وين راح بهلوكت بقيت بقلق للساعه ب 3 وهو ماكو فعلاً خفت يصير بي شي بسببي 4 ونص يلا رجع باوعلي بتعب راح شمر نفسه على السرير بدون مايحجي حرف اني هم رحت نمت بمكاني بدون صوت
كعدت الصبح هو ماكو شفت الساعه ب 12 شكد عيب صار يومين مانزل من وكت كمت بسرعه غيرت غسلت وجهي ونزلت شفت خطار خوات خاله وميسم صبحت عليهم ودخلت للمطبخ شفت الغده حاضره

غفران:  كعدي اتريگي

غسق: انضف اول

غفران: :نضفت انه كعدي

غسق: مهاب وين

غفران:  ليش مو فوك

غسق: لا

غفران:  مادري مشايفته

غسق: انطيني جهازج اتصل بي

غفرن: والله انتي امرج عجيبب اصفيلج على بر ساعه خايفه منه وساعه خايفه عليه

غسق: انطتني الموبايل دك مرتين يلا رد يمه هوسه

مهاب: خيررر غفرانووو

غسق: اني غسق سكت ماحجه طلعت من المطبخ لان حسيت عيون غفوان تريد تأكلني

مهاب: محتاجه شي

غسق: لا بس ماشفتك وكلهم عبالهم انت فوك

مهاب: اليوم اتاخر شوي لا يضل بالهم

غسق: امم الله وياك
كطعته منه رجعت الجهاز لغفران حضرنه الغده صبينا وكعدو يتغدون اني ماشتهيت هسه تريكت صعدت للغرفه شويه واجتي ميسم

ميسم:  اكدر احجي وياج

غسق: اي اكيد فوتي كعدت يم على السرير

ميسم:  غسق شصاير بينكم ليش هيج

غسق: سوء تفاهم ينحل ان شالله

ميسم:  اوضاعكم مدكول سوء تفاهم اني حافظه مهاب كلش زين من ميلفي بلبيت يعني مسكلته جبيره يطلع علمود مياذي احد لأن عصبيته متنجرع احجيلي ممكن اكدر اساعدج

غسق: ابتسمت او جبرت نفسي ابتسم علمود اوصللها هي غلطانه صدكيني ماكو شي

ميسم: زين براحتج ليش ماتغديتي

غسق: هسه تريكت مجوعان
هزت راسها وطلعت كمت عدلت وجهي وغيرت ثوبي وكلت انزل يمهم زحمه مكتره نفسي هيج خليت الحجاب على جتفي ونزلت كعدت يم غفران

غفران:  لايكلج المكياج

غسق: صدك حلو

غفران:  خيه انتي حلوه بدون مكياج هم قبل مثل وجهي من اشوفه الصبح اتعوذ من الشيطان

غسق: ضحكت على سوالفها

ام مهاب: خيرر كاعدات تتبسبسن وتضحكن

غفران:  ليش حرام

ام مهاب:  لا عيني حلال ضحكونه وياجن

غسق: اختها تباوع عليه بحقد مهتميتلها عفتهم يتجادلون ورحت للمطبخ اسوي جاي
شويه وسمعت صوت ورايه التفت اخت خاله ام قادر

ام قادر:  خوش مستعدله اموورج وجهج متفح يضحك

غسق: ترديني ابجي يعني؟

ام قادر: لا بس راح ابجيج انه اعرف انتي جتاله اخونه بس ليش هلعار مهابو لفاااج مادري

غسق: شنو جتاله ليش تغلطين انتي وبعدين اني اعرف اخوج علمود اقتله

ام قادر:  اتمسكني بعد اتمسكني اول وتالي ارجعج لشوارع الاجيتي منها

غسق:  مراح اجاوبج احترم شيباتج بس مره ثانيه مااسكت

ام قادر: تدرين انتي شنو بلنسبه الي؟ صرصره وادوسها برجلي وماهتم لا عبالج تخوفيني

غسق: مره جبيره حتئ حرت شجاوبها عافتني ورجعت للصاله كلش اتفيد من يجون كلهم الكره والحقد مبين بعيونهم طلعت كعدت بلكراج اشلع بلحشيش وارجع ليوره نفتحت الباب دخل مهاب باوعتله شعره نازل وجتف ايده ملفوف كمت من مكاني باوعلي

مهاب: شمكعدج اهنا

غسق: اختنكت طلعت اشتم هوى
شبيها ايدك

مهاب: ماكو انجرحت

غسق: دطلع دم

مهاب: اي تعاي دخلي

غسق : اضمد ايدك

مهاب: اول اسبح وبعدين

غسق: دخل سلم من وره خشمه وصعد صاحني رحت وراء فرحت لأن صاحني علمود يبعدون نظرات الشك من عدنا ويفكون ياخه مني اخذ منشفه وملابس راح للحمام حضرت المعقم والكطن علما طلع المنشفه على جتفه كعد على السرير عقمت ايده وهو يدخن
الجرح عميق اعتقد يحتاج خياط

مهاب:  لا ميحتاج ضماد كافي

غسق: ضمدته اله اتمدد بتعب

مهاب:  طفي الاضويه

غسق: متتغده

مهاب:  لا تعبان انام

غسق: طفيت الاضويه وبقيت كاعده
همسلي

مهاب:  تعاي لحضني

غسق: كمت بدون صوت تمددت يمه سحبني وعصرني بحضنه

مهاب: تردين الروح بيه وكتاب الله

غسق: ثكلت انفاسه وبده يشخر اني هم غفيت كلما اتحرك يسحبني اكثر كعدت على صوته يحجي بلموبايل مافتحت عيوني اريد اسمه شنو يحجي

مهاب: هسه شرايد كو....
هذه تحذير الك وبعد بضاعه مالك يمنا اركع راسك باربع حيطان

غسق: الهدوء اليحجي بي عكس كلامه اليطلع منه

مهاب: اليوم فوخت گلبي بي شكو قهر طلعته بوجه ابن الزفره جاي بكل برود دم يهددني اخذته على كد عقله بلبدايه اشوفه وين يوصل تالي متحملت

غسق: سكت شويه ورجع حجه

مهاب:  اطلعوو الي من جوه الكاع بذاك الوكت اجيبلكم البضاعه وانه الممنون غير هلحجي ماعندي

غسق. فتحت عيوني وكعدت
ختم المكالمه بزيج للطرف الثاني وشمر الجهاز
منو هذه اليطلعو الك من جوه الكاع
التفتلي حك طرف حاجبه

مهاب: صديق صار فتره غايب وماعرف عنوانه

غسق: شلون صارت ايدك

مهاب:  احسن كومي نتعشئ بره

غسق: خالتك اهنا

مهاب:  لأن هي اهنا اريد اطلع كومي يلا كافي كسل

غسق: تقرب كام يدغدغني اني فحطت ضحك صار فوكاي بلع ريكه تفاحه ادم تصعد وتنزل
باسني بكل وجهي وايده كامت تتجرء بجسمي همس باذني

مهاب:  خليني لا تمنعيني

غسق: حجاها واصلاً منطاني مجال احجي ويا شي
مافتحت عيني علما حسيته ابتعد سحبني لحظنه
مسح دمعتي بطرف اصبعه

مهاب: كومي نسبح

غسق: لفيت الجرجف على نفسي روح انت اول ابتسم ورجع عض خدي وطلع احساس غريب بداخلي مادري شلون افسره كمت لبست شويه واجه يغني
عفته وطلعت للحمام كملت رحعت للغرفه ماشفته مشطت شعري ودافتح الباب انزل صار بوجهي

مهاب: تعاي كعدي

غسق: كعدت كباله

مهاب: شصاير بينج وبين ام قادر وشكايلتلها؟

يتبع<>
للكاتبه ود الباشا

لا شِكيت ولا گلت
ولا مبين للخلِگ مَلچوم چنِي
انه ذاك الضمضم جروحه ويغنيّ .