رواية شوگ و ورد الفصل الرابع والخمسون 54 - بقلم wad. al.Basha

للكاتبه: ود الباشا

هلووو شونكم مشتاقين قلب چبير وبوسه ❤️
رجعتلكم لأن حسيت النهايه لازم تاخذ حقها
وانه اختصرتها كلش هواي وكطعت هواي احداث منها وهلشي زعجني الصراحه  لأن حسيت مانطيتها حقها مثل ما لازم تكون هسه رجعت اكملها وياكم قراءه ممتعه

‏.في أوقاتٍ كثيرةٍ تكتشف أنّك مدينٌ لنفسك أكثر من أيّ شيءٍ آخر. مدينٌ لعثراتك وانكساراتك، مدينٌ للسّهو البريء والخطأ العابر الذي أضاء لكَ الدرب. مدينٌ لليالي الطويلة الشاحبة المليئة بالوِحدة والبكاء. مدينٌ للثقة المفرِطة التي فضحتْ سذاجتك وأوهامك البيضاء. أنتَ مدين لك •

غسق: حضنته من وره وهمست احبك ارجع بسرعه محتاجتك اني باوعلي بعيون ذبلانه رجع حضني

مهاب: شلون راح اخليج وحدج

غسق: ماعليه شي ابقى منتضرتك اهنا واحسب يوم يوم ترجع بسلامه باس راسي

مهاب:  عافيه گلبي وشرياني الابهر

غسق: لازم راسي بثنين ايده ويحجي عينه الذبلانه بعيني تقربت بست خده اتقوه لخاطري اتذكر اني منتضرتك ومنتضره بأي لحظه تدخل عليه وانت مبتسم ومتعالج وحالتك متحسنه
هز راسه

مهاب: ان شاالله انتبهي لنفسج

غسق: حجاها وطلع كعدت ابجي من كل گلبي شلون ادبرها وحدي وهو شلون يدبرها وحده اكيد يحتاج احد يمه حسيت البيت صار مينطاق رغم مصارله ربع ساعه من طلع تعودت عليه وعلى وجوده يمي وبقربي

اختنكت خووف خفتتت مايكدر خفت يتراجع بنص الطريق ويرجع عقلي صار يودي ويجيب كمت توضيت وتوجهت لرب العالمين ودعيت من كل گلبي لربي ارتاح لأن فعلاً تعبت وحتى طاقة تحمل بعد ماعندي لشي
مرت الايام وهاي اسبوع اني وحدي بلبيت من اقل طكه ابقى اتلفت هو ماكو شي ومتاكده مكاني امأن بس الخوف البداخلي  يخليني افز من اقل شي بالي يم مهاب شنو حاله هسه استجاب للعلاج لو لا بالي ييمه وهو مايقبل ازوره او اسأل عليه اتمنى اشوفه بهلحظه واقوووي بكلمتين مسحت دموعي
حارس البنايه ماقصر ايشي احتاجه يجيبه الي
كعدت فتحت جهازي يوميه اباوع عليه عندي امل يخابرني يطمني عليه نزلت الفيس دخلت على صفحه مسره مشتاقتلها حيل اتصلت عليها ماسنجر ماكو دزيتلها طلب وسديته بقيت كاعده اجه ابالي انزل للحارس اسأله اذا يعرف مهاب بأي مستشفى لبست صايتي وحجابي نزلت شفته كاعد بلباب سلمت عليه هو عراقي هم جاي اهنا شو الدنيا شلاعبه بي وبعائلته ومخليته يهج من العراق
عمو انت تعرف مهاب وين بأي مكان عندك اتصال ويا

والله يابنتي ماعرف هو بس وصاني عليج اذا احتاجيتي شي

غسق: زين مانطاك رقم تتصل بي اذا صار عليه شي ماعندك خبر منه هز راسه بأسف لا حسيته يعرف بس ميريد يحجيلي او هو محذره اذا خابرك كله محتاجه شي منه فدوه خلي يتصل بيه اسمع صوته هز راسه بمعنى اي عفته وصعدت موبايلي يدك ماسنجر شفتها مسره فتحت الخط

مسره:  لجج غسق وينج صدك تحجين والله بالي يمج

غسق: لا يضل بالج بخير  انتي شونج خاله غسان

مسره:  كلنه بخير الحمدالله

غسق: شبي صوتج تعبان لعد

مسره: مابي شي وين انتي

غسق: اجينا اني ومهاب لدبي

مسره: هيج فجئه شعجب

غسق: احسن تعبنا ثنينه فتره نرتاح

مسره: زين سويتي زين وياج؟

غسق: اي الحمدالله

مسره: الله يسعدكم

غسق: غسان شلونه خاله مشتاقتلها بوسيها الله عليج

مسره: البارحه جنه بطاريج احنا هم مشتاقيلج

غسق: صوتج معاجبني مسره صاير شي بيكم شي الله عليج احجيلي

مسره: ماكو شي بس رائد اخو ارشد انگتل ومحد يعرف منو كاتله وخطيه اهله حالتهم حاله البارحه جنت عدهم لو تشوفين امهم تكسر باب الگلب لج ابوو الي ميهزه شي ومتسلط وجبروته على العالم شاك دشداشته ويبجي ويلطم مثل النسوان نقهرت عليهم والله

غسق: من حجت وكالت مات شهگت وخليت ايدي على حلكي مصدومه فعلاً انقهرت عليه بعده شاب نزلت ددموعي عليه وترحمت على روحه شنووو السبب ليش كتلو

مسره: الافتهمته عداوه ويا ارشد ومهددي باهله بس مامهتم عباله مثل كل مره مجرد تهديد خطيه وكعت بأخوو المسكين

غسق: امه شنو حالها مسكينه ابد مايوم شفتها ارتاحت

مسره: صدك مسكينه كاعده بلباب ودكول لاتبجون رائد هسه يرجع مايهون على گلبه ازعل عليه مايعوفني وكل شوي ضغطها صاعد وشايليها للمستشفى
وارشد وجه من القهر صاير اسود يمشي ويخابر ويكول اطلع جتاله من جوه الكاع وابو يهدي بي يكله ماريد اخسرك انت هم

غسق: قهرتيني والله ميستاهل بعده شااب الله يرحمه ويصبر اهله

مسره: الله يسمع منج تدرين ابو ارشد سألني عليج

غسق: بلعت ريگ وحجيت مستغربه عليه؟

مسره: اي والله حتى ارشد هم سألني وكال اذا تعرفين
وينها كليلي وانه صدك ماجنت اعرف بيج وين حلفتله يلا عافني

غسق: ديري بالج مسره حبابه لا دكولين الاحد والله مو خلك مشاكل بعد تعبت

مسره: بدون مادكولين اعرف ماتقبلين

غسق: اي عفيه اخذتني صفنه من جان يضايقني رائد قهرني الله يرحمه

مسره:  الووو ويين صرتي

غسق: يمج

مسره:  اخاف عندج شغل

غسق: كاعده ماعندي شي

مسره:  العاشق الولهان وين

غسق: طالع بشغله بقينا نسولف علما ختمته وياها شمرت الجهاز واني افكر برائد وحاله امه المسكينه
الله يساعد گلبها ويصبرها مو سهله
كمت بملل للغرفه باوعت عليها شفت تشيرت مهاب اخذته اشتاقيتلك والله شمرت نفسي علسرير مرت الايام وهذه اسبوع ثاااني واني وحدي ارريد منه بس اتصاال اطمئن عليه اسمع صوته ماكوو طاقتي بدت تخلص دخلت للمطبخ جوعانه هل ايام هامله نفسي كلش فتحت الثلاجه طلعت روبه وخليت صمون وروبه وملح وكعدت اكل لعبت نفسي كمت اتقيئ احس روحي طلعت بدون وعي كمت اصيح بأسمه وابجي كمت غسلت وجهي  غمضت عيني بتعب
لبست حجابي وصايتي ونزلت للحارس متاكده يعرف بي وين سلمت عليه باوعلي

بيج شي

غسق: عموو اني كلش تعبانه الله يخليك اذا تعرف مهاب وين كوول واذا متريد دكول بس انطيني رقمه او كله يخابرني يطمني عليه ترره والله وكتابه اطلع ادور عليه مستشفى مستشفى
احجي وجسمي يرجف وامسح بدموعي هز راسه بدون مايحجي

اخذج للمستشفى

غسق: لا ماكو داعي بس انطي خبر يطمني عليه لا يخليني بقلق هيج عفته وصعدت اعصابي محروگه احب اصيييح علما تطلع الطاقه السلبيه البداخلي كلها
لليل دگ جهازي رقم غريب رديت بدون تفكير
اجاني صوته التعبان فعلياً حسيت بي وبتعبه فتره اسبوعين اني هم تعبت وراء اني هم ماتحملت يبعد عني

مهاب: شونج يابعد ضلوعي كلها

غسق: نزلت دموعي الحمدالله انت شونك ليش هيج كطعت  بالي يمك والله

مهاب: تعبان انه كلش تعبان ومااريد تسمعين صوتي ولا تشوفيني وانه بهلحاله

غسق: مشتاقتلك مشتاقه لضحكتك جر حسره طويله

مهاب: شرياني الابهر وروحي التصعد وتنزل مبقى شي
انه متحمل الوجع لخاطرج تحملي لخاطري ادري وحدج وبغربه محد يمج ومتكأبه حاس بيج

غسق: انت زين دتاكل تشرب

مهاب: هلفتره احسن من القبلها ماكدر اكلج زين ميه بلميه داصارع بنفسي

غسق: مبقى شي فتره ويخلص كلشي وتصير سوالف
سكت ماحجه

مهاب: اتمنى هسه اخذج لحضني وانام مشتاقلج بكدد رحمه الله

غسق: اني هم والله البيت محلو بدونك

مهاب: تخلص

غسق: مهاب حباب لا تگطع بيه اتصل بيه دوم خليني اسمع صوتك

مهاب: يا نظر عيونه لمهاب  صار تدللين انتبهي على نفسج ماريدج تنقهرين وعيونج تذبل اريد ارجع اشوفج مثل ماعفتج ورده حمره

غسق: دير بالك على نفسك كطعته منه وكعدت اشهگ متاكده تعبان صوته ميكول هو بخير مبين  منتهي تعب
كمت توضيت وكعدت اصلي وبقيت ادعيله خلصت رحت للغرفه تمددت دك جهازي استغربت اتصال ماسنجر ماعرفت الاسم منو فتحت الخط اجاني صوت ارشد بلعت ريگي

ارشد:  لا تگطعي برووح اهلج اسمعينييي خليييني ارتاح

غسق: ليش متصل بيه شكو؟

ارشد:  سمعتيي رائد مااات كتلوووو الميخافون الله

غسق: االله يرحمه حجيتها صوت شهكته زرفت اذني بقيت صافنه بحيره مادري شسوي ارشد يبجي؟
قضاء وقدر وهذه يومه ماعدنا اعتراض على حكم رب العالمين

ارشد: حوبتج حركتنه حوبتتتج طلعت غسسسق لا دكولين قضاء وقدر احنا تشتتنه الوالده صار يومين بلمستشفى ضغطها مراضي ينزل والوالد يمشي وماكو على السانه غير سيره رائد راح اتخبل ماعرف عليمن اباوع وعليمن الحك بعدني ممستوعب رائد مات بعدني مصدووم

غسق: الله يرحمه ويكوم خاله بسلامه

ارشد:  وين انتي؟

غسق: بارض الله الواسعه

ارشد:  الله يسعدج ويوفقج سامحينا غسق فدوه سامحينا

غسق: مسامحتكم دنيا واخره الله يفرجها عنكم ويصبركم كطعت الخط قبل لا يحجي اصلاً تندمت حجيت ويا بس قهرني حالته وشهكته من يبجي حقه مو سهله امه بلمستشفى واخو مات وابو شبهه مخبل  اتصلت بمسره ردت عليه تسالمنا
انتي كايله لارشد على الفيس

مسره: والله توسل بيه وراد عنوانج هم مانطيتهيا

غسق: ليش هيج مسره مافكرتي احتمال تصيرلي مشكله

مسره:  رجلج موجوود من خابرج

غسق: لا

مسره: الحمدالله شكلج ؟

غسق: حجيتلها كلشي خطيه قهرني مبين متاذين

مسره: كلش متاذيين تحسين بيتهم انهجم خاصه ارشد. ادمر حاير بين امه وابو

غسق: زوجته وين

مسره: يا زوجه يا بطيخ لج اطلكو وراحت لهلها

غسق: هاي شنو شوكت

مسره: قبل لا يموت رائد متجاوزه على ام ارشد رهو داخل وسامعها مجنزها ومطلكها اهلها جايين ماخذيها

غسق: شنو هاي الله يساعدهم مقهوره علئ خاله ماتستاهل

مسره:  اي والله تكسر الخاطر

غسق: الله يفرجها عنهم

مسره:  بيج شي انتي شو صوتج تعبان

غسق: مادري احس بنحول ومعدتي مدتتقبل الاكل

مسره: ممسويه تحليل اخاف حامل

غسق: بقيت صافنه علحايك وجهي باهت وكلمتها تتردد باذني اخاف حامل شلون مااجه ابالي شلون ناسيه هيج شي اني

مسره: وين رحتيي

غسق: يمج موجوده بس صفنت لأن ناسيه هلشي ذكرتيني

مسره: اخذي تحليل منزلي

غسق: باجر ان شالله

مسره: انتبهي على نفسج وحاولي تاكلين حتى لو شي قليل

غسق: ان شالله سلميلي على خاله وغسان كطعته منها وبعدني على صفنتي وضعي ابد مو مال طفل احنا بعدنا ممستقرين بعدنا حتى منعرف شراح يصير نبقى اهنا لو نرجع لو نروح لغير مكان خليت ايدي على وجهي بتعب محتاجته محتاااجه احجي ويا اشكيله
ينصحني يطبطب عليه يخفف مني هلحمل الشايلته والخوف البداخلي خليت راسي علمخده ودمعتي بخدي
ثاني يوم كعدت غسلت وجهي ولبست نزلت لعمو ابوسمر صبحت عليه

ابوسمر:  محتاجه شي بنتي

غسق: عمو اذا تكدر تاخذني لصيدليه

ابوسمر: كتبيلي شنو تردين واروح اجيبلج

غسق: لا اني اريد اروح وياك شي ضروري

ابوسمر: اي زين يلا امشي

غسق: زاحمتك عمو

ابوسمر: تدللين

غسق: وصلنا وكف يم باب الصيدليه اخذت ثنين اختبار حمل وطلعت رجعنا للبيت تشكرت منه وصعدت للشقه
سويت واحد طلع خط قوي وخط ضعيف يعني اكووو
بلعت ريك سويت الثاني طلع نفس الشي
كعدت نزلت دموعي حمدت الله وشكرته حسيت تعوييض من رب العالمين الي صح ضروفي متسمح بس يمكن على كصته يتغير كلشي اخذت موبايلي دكيت على نفس رقم مهاب الاتصل بي عليه مجاوبني ماكو رد شمرت الجهاز بضوجه خليت ايدي على بطني حبيبي تسمعني مو عمري انت اني منتضرتك يوم بعد يوم سويت ريوك كعدت كوه اكل خلصت عزلت البيت وصار عندي وهس انضف كأنو احد يمي
شويه وندكت الباب صحت منو اجاني صوت بنيه استغربت فتحتها دخلت بنيه يطلع عمرها عشرينات

سمر: اني بنت ابو سمر الحارس اكدر ادخل احجي وياج

غسق: عيوني تفضلي دخلت خجلانه كعدت كعدت بصفها محتاجه شي عمري

سمر: لا تسلمين بس بابا دزني عليج اشوفج محتاجه شي كال رحتي للصيدليه مريضه بيج شي

غسق: ابتسمت يعمريي لا مابيه شي بس جنت محتاجه شوي شغلات اشتريتها واجيت

سمر: الحمدالله تردين اساعدج بشي

غسق: لا خلصت اصلاً بس خليج يمي ضايجه وحدي والله

سمر: اخواني وحدهم ماكدر اتاخر اكثر ليش ماتجين انتي عدنا بابا يفرح

غسق: اخاف ازاحمكم ابيتكم تعالي انتي بوقت فراغج اني محد يمي وحدي ابتسمت

سمر: ميخالف احاول هسه اترخص لأن بابا ضال باله يمج اروح اطمنه

غسق: راحت سديت الباب وراها ورجعت خلصت شغليي وكعدت بملل خابرت مسره بشرتها بحملي خلص اليوم عادي ثاني يوم كعدت على صوت الموبايل مهاب عدلت كعددتي بسرعه ورديت عليه شلونك

مهاب: اني بخير من اسمع صوتج انتي شلونج يا بعد كل هلي شلونج

غسق: مشتاقتلك

مهاب: هانت

غسق: انت زين بالي يمك

مهاب: لا يضل بالج يروحي اني بخير طمنيني عليج شسوين بغيابي ابو سمر يجيبلج مسواك بالي يمج غسق على يا دقيقه اعوف كلشي واجيج روحي محتركه عليج

غسق: والله ممقصر كلشي يجيب واني زينه بس انت خليك قوي مبقى شي مو

مهاب: اي هانت ياعيون مهاب انتي يانبضه وشريانه

غسق: عندي الك مفاجئه

مهاب: خير ان شالله مبين من فرحه صوتج مبين مفاجئه حلوه

غسق: مهاب اني حامل بقى ساكت شوي وهمس

مهاب: احلفي

غسق: والله البارحه رحت ويا عمو ابو سمر جبت احتبار وحللت

مهاب: هيج هواي عليه والله طاقتي خلصت
شلون تبقين وحدج وانتي حامل شلون راح اطمئن

غسق: ماعليه شي اني كتلك علمود افرحك مو علمود تفكر بيه انت حالياً فكر بنفسك وبس علمودنا علمود ترجعلنا من وكت

مهاب: حبيبتي منو كلج مفرحان بهلحظه احس الدنيا مشايلتني بس بنفس الوكت انتي الاهم عندي على اي لحظه يصير شي لا سامح الله وانتي وحدج

غسق: ماعليه شي اني وبعدين بيت عمو ابو سمر يمي ايشي احتاج اروحلهم
هم تتواصل ويا عمو اخاف ضال باله يمك

مهاب: اي قبل شوي حجيت ويا كلشي تمام فرحانين يم اخوي وكاعدين

غسق: حسيت صوته مو تمام اخاف تريد ترتاح

مهاب: لا كلش مرتاح على صوتج حبيبي لازم ترحين لدكتوره تشوف وضعج راح اكول لابو سمر ياخذج واخذي بنته وياج

غسق: ماكو داعي من ترجع نروح سوه

مهاب: غسق عمري انتي احتمال سالفتي مطوله لا تهملين صحتج لخاطري لا تخلين بالي يمج ابويه انتي روحي باجر وجيگي وضعج

غسق: اي صار مهاب

مهاب: روحه

غسق:  خليني اجي اشوفك مشتاقتلك والله

مهاب: اروحلج فدوه ابويه انه ميت عليج يشهد الله عليه بس ماريدج تشوفيني بهلحاله هاي خليها تمر فتره

غسق: انتبهه على نفسك

مهاب: وانتي هم مثل ماكتلج روحي ويا ابو سمر لدكتوره لا تهملين نفسج لخاطري

غسق: صار ختمت ويا وكعدت اتصفن يعني على كلامه مطول  للعصر اندكت الباب كمت شفت سمر ابتسمت هلبنيه دخلت گلبي سلمت عليها تعاي دخلي

سمر: لا والله ماكدر سويت شوربه عدس وتنغصتلج وبابا يكول حاجزلج دكتور باجر العصر حضري نفسج على الساعه اربعه

غسق: داتعبكم والله

سمر: لا تحجين هيج تعبج راحه

غسق: اخذت الجدر منها وراحت ريحته زرفت خشمي كعدت اكلت طاستين هلكد ماطيب
لثاني يوم العصر حضرت روحي ورحت وياهم لدكتوره خجلانه منهم احسن داتعبهم وياي وهم ماملزومين بيه
دخلت لدكتوره من بعد انتضر سوتلي سونار وتحاليل كلشي تمام رجعت للبيت متكسره تكسر دگ جهازي شفت مسره رديت عليها واني انزع حجابي
تسالمنا سألتني على وضعي سولفتلها

مسره:  شعندج رحتي لدبي جان بقيتي يمنا

غسق: فتره ونرجع

مسره: انتبهي لنفسج بالي يمج والله حتى ماما تمعد ودكوم تسألني عليج

غسق: بوسيها مشتاقتلها كلش بقينا نسولف علما ختمت وياها
مرت الايام ثكيله وصعبه عليه كلش بحيث احس شعره وراح اتخبل هاي شهرين ونص اني وحدي صح بيت عمو ابو سمر مامقصرين وياي بس اني مليت طكت روحي مشتاقتله فعلاً حسيت بطعم الحب ويا صرت اشتاقله اتلهف حتى اسمع صوته واعرف من نبره صوته اذا ضايج او لا. اليوم سويت كيكه ورحت يم سمر كعدت البنيه طالبه جامعه سنه اخيره وملتهيه بدراستها اروح اكعد يمها شوي وارجع ماحب اثكل عليها هي هم خطيه بيت واخوانها وابوها كله عليها ودراستها هم يادوب تلحك تذكرت دراستي حنيتلها جريت حسره

سمر: ليش ماطلعين مناطق اهنا حلوه نطلع نفتر شويه

غسق: اخاف نضيع

سمر: لا تخافين اني اندل ودائماً اطلع وحدي عادي متعوده

غسق: ماعندج دراسه

سمر: لا ماعندي كومي بدلي شوي نغير جو

غسق: هزيت راسي وكمت بدلت ملابسي وطلعنا سوه تمشينا دبي حلوه كلش هواها نقي بس يعني جمالها بعمايرها وبناياتها اني مشتاقه للعراق وخاصه  لبغدادي
رغم جمال هلبلد وتصاميم عمايرها الحلوه بس مو بعيني تمشينا اشتريت كم حاجه وكعدنا بمكان نزلنا كيك وجاي كرك طيب عدهم هيج مرت ايااامي صرت اطلع ويا سمر بين الفتره والثانيه  اليوم رحنا للدكتوره اني وسمر طمنتني الوضع تمام وحامل عليه اربع اشهر كلتلي جنس الطفل ولد طلعت منها فرحانه بشرت سمر رجعنا للبيت سمر حجت لعمر باركلي وبينت الفرحه على ملامحه تشكرت منه وصعدت لشقتي ركضت علموبايل اتصلت على مهاب مثل كل مره ماكوو شمرت الموبايل واعصااابي تفور غيرت ملابسي وكعدت اكل تفاحه دك جهازي ماسنجر ماعرفت الاسم خفت يكون ارشد مارديت ماريد انطي مجال بقى يلح فتحت الخط بدون مااحجي سمعت صوت رجال مو غريب علي الصوت منو؟ 

لاا هيج بسهوله تنسين الزاد والملح وصوتي مامقبوله منج تره

غسق:  مجاوبته بس الخووف تغلغل لگلبي

مهاب وييين ولا تحاولين تكذبين

غسق: وانت منو وليش حتى اكلك مهاب وين من الاساس

مجبوره دكولين

غسق: ماكو شي يجبرنييي كطع الخط بوجهي شمرت الموبايل اعصابي فااايره شويه وصلتلي رسالتين فتحتهم صور على واتساب بلعت ريگي واني اشوف غسان رابطينه ووجه كله دم دست اتصال بدون وعي
رد بسرعه شتررريدون منه عوووفو الله يخليكم لا تاذوووو

مهاب وين يووومين عندج تننطينا عنوان مهاااب والا نجيب مرته الحلوه نخليها بصفه

غسق: حسيت نار صعدت لراسي كطعه بوجهي قبل لااحجي دكيت على مهاب فوك العشر مرات مايرد كمت افتر مثل المخبله حسيت الدنيا وكفت الل غسان ومسره امووت وراهم والله الموبايل بيدي وافتر گلبي صار طبل من الخوف بودي اعيط بعلى صوتي رجعت اتصلت على مهاب ماكو كعدت بلكاع  نزلت دموعي حباب رد مهاب الله يخليك رد
اتصلت على مسره ردت عليه طبيعي تسالمنا

مسره: شبي صوتج غسق صاير شي

غسق: لا ماكو شي غسان وين

مسره: بشغل ليش محتاجه شي الله عليج احجي صوتج معاجبني

غسق: لا والله ممحتاجه بس سلامتكم اني لازم اروح انتبهي على نفسج ككعته منها قبل لا تحجي ايدي كامت ترجف رجعت اتصلت بمهاب رد بصوت تعبان بلكوه يحجي

مهاب: حبيبتي شونج

غسق: شهكت حجه مفزوع

مهاب: غسق ابويه شبيج شصاير بيج شي لا تخوفيني عليج اروحلج فدووه

غسق: مهاب اني محتاجتك فدوه هو ماله ذنب بركبته عائله وحيد اهله اني امووت اذا صار بيهم شي

مهاب: يروح مهاب نظر عيني بس فهميني وحده وحده  شصاير لا تبجين اششش موزين عليج

غسق: خابرني واحد غريب رديت عليه طلع واحد كال دلينا على مهاب منا اليومين اذا مادليتينا نكتل غسان ووراء زوجته احجي وصوتي يرجف شهگت مهاب خاطفين غسان خاطفينه

مهاب: اهدي غسق اهديي اروحلج فدوه انه احلها

غسق: شلون تحلها يردوك مهاب يردوك ترجع وياااهم الجلاب

مهاب: كافي لا تبجين ابويه ماكو شي وداعت عيونج يطلع مااخلي يتاذه بس اريد افتهم منين جابو رقمج الكواو..... يعني يدرون احنا بدبي

غسق: بلعت ريگ مهاب اتصلو علماسنجر بقى ساكت شريه وبعدين حجه

مهاب: منو يعرف الصخااام مالج؟

غسق: مسره

مهاب: غيرهااا

غسق: بلعت ريگ بخوف خفت احجيله محد

مهاب: متاكده ؟

غسق:  اي

مهاب: خير ان شالله لا تفكرين انتي لا تاذين نفسج دزيلي الحساب

غسق: مهاب

مهاب: نبضه

غسق: لا ترجع وياهم حباب بقى ساكت

مهاب: سهله لا تفكرين بشي انتي

غسق: ختمته منه واني على اعصابي احس راسي راح ينفجر كمت تمددت على السرير مهبرطه بالي يمه لليل دگ جهازي مسره مسحت وجهي بتوتر اكيد عرفت اكيييد شحجي وياها شكووول والله نالي عيين فتحت الخط اجاني صوتها يبجي

مسره: غسسق غسان مامو من الصبح يكولون خاطفي روحي رايحه والله

غسق: هي احجي وتبجي واني ساكته وامسح بدموعي
لاتبجين مسره يرجع والله

مسره: گلبي محترك غسق خابرت ارشد بلكت يساعدنا يدور عليه اتصخم وجهي ولج ررراح شيردون منه والله ماعنده شي يروح بدربه ويرجع بدربه

غسق: منو كلج

مسره: اتصل عليه ماكووو وهو مو من عوايده ميرد عليه تالي انفتح الخط رد عليه واحد بكل حقاره يكول زووجج ضيفنا منا لكم يرم ادعي الله يحنن كلبنا ونرجع الكم سالم

غسق: الله ياخذهم

مسره: احجي ويا زووجج غسق فدوه بلكت عنده احد يساعدنا

غسق: هسه احجي ويا لا تبجين فدووه
سديته منها بقيت ابجي الموبايل بيدي دگ مهاب جاوبته والشهگه بصدري

مهاب: بالي يمج غسق زينه انتي

غسق: صوته تعبان حيل زينه اني شسويت مهاب غسان بعده يمهم خابرتني مسره تفرفح

مهاب: اي بعده باجر يطلعو

غسق: شحجيت وياهم

مهاب: لا دوخين نفسج

غسق: شتفقت وياهم احجي حباب

مهاب: غسق مااريدج تفكرين بشي خلي بالج على نفسج وعلى الابطنج ومثل ماكتلج غسانرباحر الصبح يرجع لهله

غسق: مهاب شلرن قنعتهم احجيلي ليييش متجاوبني هم من حجو وياي يردوك الك شخصياً شلون قنعتهم وشلون راح يطلع احجي لا تستغفلني

مهاب: باجر راجع للعراق

يتبع<>
للكاتبه ود الباشا

جنت خايف
شفتك وگربت يمك
ردت اگلك جيت اطمنك واني خايف
ردت اگلك حتى هذه البلد غربه
وصار موطن من هويتك
ردت اگلك .
حتى حيطان الدرابين القديمة اتاني جيتك !