رواية شوگ و ورد الفصل الثالث 3 - بقلم wad. al.Basha

للكاتبه: ودالباشا

نحن من تساقطنا على الأيام، ولم يتكفل أو يفكر أحد بجمعنا، نحن أبناء مواسم التعب، من هشمت الحياة ثباتنا، ولم يعتذر إلينا أحد.

غسق: تقرب مني اني هم كمت وبعدني ممفتهمه السالفه وشيقصد عمي
ضربني راجدي فرني بي فر لاول مره انضرب بحياتي بقيت اباوع عليه منتضرته يحجي ولو كلمه وحده يفهمني شديصير وليش ضربني

ابورافد: وتجذبيين يااا حقيره الله ياخذج وارتاح

غسق: بلعت ريگي وباوعت علئ ستار الكاعد علئ صفحه ويبتسم صفح
عمي شصاير مدافتم شنو السالفه الچبيره لهل درجه تضربني علمودها

ابو رافد: لا ابد مو چبيره راح اخلي گرون واكعدلج يم الباب
طاااايحه الحظ منو هذه اليوم راكبه ويا بسيااااره

غسق: يا سياره ويا منو راكبه والله مرايحه ويا احد رحت امتحنت ورجعت

ستار: ليش تجذبين مو شفتج رگبتي بسياره ويا واحد يطلع عمره عشرين
مراهق متخاافين يقشمرج ويشمرج

غسق: شدتكول انت مو اجيت بنفسك وكلتلي رگبي ومااجيت وياك ورجعت للبيت بعد منو هذه لييش تجذب

ستار: من شفتج تردين ترگبين ويا كتلج امشي اوصلج للبيت الدتسوي غلط كتيلي معليك خليك بنفسك ركبتي ويا ورحتي

غسق: بقيت صافنه علئ كلامه ودمعتي بطرف عيني

ابو رافد: ولج احجييي مو هذه الصخمتي وجهج ويااا

غسق: دخلو علئ صوته الولد ومرته
عمو اني ممسويه شي من هذه والله وماعرف ليش هيج ديحجي وشنو غاايته

ستار: عمي اني مستعد اخطبها منك واستر عليها

ام رافد: اصخاام الصخمني شمسويه من مصيبه وشنو تستر عليها امك تموت والله هيه اصلا مطيقها

غسق: لووو اموووت ماتزوج واحد مثلك مادري ليش هيج سويت وبعدك مستمر تجذب بس ان شالله حوبتي تطلع بيك ومتتعداك
عفتهم وطلعت بسرعه وعمي بقئ يغلط ويرزل بيه وره ساعه صعدت مرته

ام رافد: حضري نفسج باجر العصر يجي ستار يخطبج

غسق: خاله لاول مره احسبيني مثل بنتج والله اني لا صاعده ويا احد ولا شايفه احد وماعرف ليش هيج سوه وأبتلاء عليه الله يخليج اني ماريد اتزوج

ام رافد: لج ترحين فدوه لضفر واحد من بنتي وخليج بعيده عنها ماريد تخرب اخلاقها وياريت تقبلين وتخلصيني من خلقتج

غسق: عافتني وطلعت شكد نذل ياااربي لعب لعبته بعده ميعرفني نجوووم السما اقربله مني بسيطه طلعت جنطة مدرستي خليت بيها الغراض الاحتاجها وسديتها بعد مالي كعده بهذه البيت لو اعرف اروح اجدي بشوارع

بقيت كاعده لثاني يوم الصبح افكر وين راح اروح وشلون اطلع من البيت بدون ما ينتبهون كمت غسلت وجهي ورجعت للغرفه عندي قاصه صغيره فتحتها لكيت بيها خمسين الف خليتهن بجيب الجنطه لبست ملابس المدرسه ونزلت شفت مرت عمي كاعده صبحت عليها مجاوبتني

ام رافد: وين موليه

غسق: للمدرسه امتحن

ام رافد: مو علساس البارحه اخر امتحاان

غسق: لا اليوم اخر امتحان وبعد نخلص
محجت شي عفتها و طلعت وين اروح وين اولي ماعرف بس المهم اطلع من هل بيت العيشه البيها ذل ماريدها

بقيت امشي مسافه للشارع بلكت الگه تكسي رجال جبير يوصلني للمكان الاريده وغصب عنه يتحملني مو هوه مغرگ نفسه بخير بابا واني طايح حضي ابيت عمي رجعت بيه ذاكرتي لقبل ست سنوات

الطريق كله ماما تدعي واني ادعي نوصل بسلامه يمكن هسه دكولون مكبره الامور بس ممكبرتها احنه ممتعودين نطلع هيج مكان بليل خاصه بابا نضره ضعيف شويه نخااف عليه بقو هوه وخليل يحجون وماما دايره وجها زعلانه منه

بقئ يحاجيها يريد يرضيها بس هيه قافله ليهسه اتذكره من جان يشاقيها وفجئه محسينه الا بابا دگ هورن كلش قووي مادري شنو الصاار بس حسيت السيااره نگلبت بينه خليل  كاعد بصفي شفت الدم يطلع من راسه بقيت اصرخ بابا وماما فقدو الوعي
راسك ديطلع منه دم

خليل: مابيه شي انتي زينه

غسق: اي زينه

خليل: ياابه يييمه تسمعووونييي

غسق: بقينه نحجي وياهم بس همه لا حس ولا نفس بقيت ابچي وخليل زمخ بيه

خليل: اسكتتي مااابيهم شي واذا صار بيهم شي يا غسق انتي المسئوله الوحيده الا اندمج بعيشتج

غسق: بقيت صافنه بوجهه ماستوعبت شنو كال بالي مو يمه سحب ايدي وطلعنه اني ويا من السياره
حاولنه نطلع بابا وماما ماكدرنه

خليل: ابقي واكفه اهنا بلكت اشوف واحد يجي يساعدنه

غسق: هزيت راسي  يحجي ومبين عليه الخوف عافني وراح بقيت اطگطگ من الخوف عليهم ولان عافني وحدي بهل ليل وراح ربع ساعه واجه ويا واحد خابرو على الاسعاف هم اجه طلعناهم بس شنو لا يحركون ايد ولا رجل اني عبالك بغير عاالم اكول هذه حلم واكيد راح اصحه منه وهمه مابيهم شي راح اكعد من هل حلم لا مو حلم كابوس وانزل جوه واشوف ماما محضره الريوك ومنتضرتني اروح للمدرسه
بس مع الاسف طلع حقيقه مو حلم

اجه الاسعاف اخذ بابا وماما للمستشفئ واحنه رحنه وياهم خليل راح ويا ماما واني ركبت ويا بابا لزمت ايده الله يخليك لا تعوفني ارجعلي بابا وعد بعد ماريد منك سفرات ولا طلعات

وصلنه للمستشفئ شفت خليل عيونه حمر خفت اسئله شبيك ادري بي راح يزمخ بوجهي ويتعارك وياي بقيت امشي ويا رحنه وراهم دخلووهم ومخلونه ندخل وياااهم بقينه واكفين واحد يباوع علئ لاخ
شويه وطلع الدكتور ركضت عليه
عمو شلونهم بابا وماما
خله ايده علئ راسي

الدكتور: ادعي لبابا يكوم بسلامه وان شالله مابي شي

خليل: شبيهم دكتور

الدكتور: الوالد مضرووب براسه ضربه قووويه ومنا ل24 ساعه عدنه امل يكعد واذا ماكعد ماكدر ابشركم بخير

غسق: عمو ماما شلونها باوع عليه ورجع باوع علئ خليل

الدكتور: ليش وحدكم ماكو احد وياكم عمكم خالكم؟

خليل: احنه من بغداد اهلنه اهناك

الدكتور: اتصل عليهم خليهم يجون

خليل: دكتور مجاوبتنه على السوال ماما شلونها

غسق: بقيت اباوع علئ وجه الدكتور.خله ايده علئ جتف خليل

الدكتور: البقيه بحياتكم الوالده انطتكم عمرها

غسق: بقيت صافنه بوجه الدكتور خليل صاار احمر وعيونه دم طفرت دمعه من عيونه

خليل: دكتور اكيد مشتبهه امي متعوفنه بهل سهوله هيه قوويه وراح تتحمل

الدكتور: الله يصبركم ويعينكم

غسق: اني بعدني علئ صفنتي يمكن مداكدر استوعب وماريد اصدك كلام الدكتور خليل كعد بلكاع وكام يبچي مثل الطفل اول مره بحياتي اشوفه هيج تقربت منه ليش تبجي تره الدكتور يجذب وماما كلشي مابيها
بقئ يباوع عليه عفته وكترت نفسي علئ صفحه وبقيت علئ نفس صفنتي لثاني يوم علما اجوي خالي اكرم وحازم و عمي علاء ومحمد كرهته. كله بسببه لو جان مجااوب علئ الموبايل مجان صار بينه هيج العجيب اني ليهسه دمعه وحده منازله مني وكلش هادئه اليشوفني يكول ممهتمه ولا دايره بال بس بداخلي نارر ودمووعي معانده وياي مدتنزل

اجه عمي علاء كعد يمي ولزم ايدي

علاء:  حبيبة عمج انتي بااوعي عليه

غسق: متحركت ولا حجيت شي اصلا لا الكلمه دتطلع مني ولا الدمعه
بس عيوني يتحرگن بعده كلام الدكتور يرن براسي البقيه بحياتكم نطتكم عمرها

عمو مل مني هلكد ماحجه وياي بدون فائده العصر الدكتور فحص بابا وكال ماكو كل اجاابه منه

اريد دموعي ينزلن ارتاح حتئ خليل الصخر كام يبجي واني دمعتي معانده وياي جابو اكل لحو اكل وياهم مكدرت لليل صارت هوسه دكتور طاب ودكتور طالع

فزيت من صوت هورن السياره وكف تكسي كدامي وجان رجال چبير بلعمر انطيته اسم مدرستي الابتدائيه واسم المنطقه مناك راح اندل بيتنه

نزلني گدام باب المدرسه انطيته كروته ونزلت
بقيت اباوع علئ كلشي رجع بيه الزمن من جان بابا يوصلني بقيت امشي  وصلت للبيت بعده نفسه ماعرف اذا متغير من جوه لو لا دگيت الباب مره ومرتين ماكوو احد رحت دگيت باب الجيران فتحته مره چبيره بلعمر سلمت عليها خاله هذه البيت بي ناس لو فارغ

اكو عايشين بي ليش تسئلين تره ميبيعو

غسق: تسلمين خاله لا مجايه اشتري بس اني كرايبهم ومن زمان مجايه عفتها ورجعت دگيت الجرس والباب سويتها ملحمه واخيرا انفتح وصار بوجهي خليل  كبران يمكن اذا قبل فتره مشايفه صورته يم عمي ولا عرفته بقئ صافن عليه
طلع وطبگ لباب وراء لزمني من ايدي

خليل: انتيي شجااايبج منو جااابج

غسق: يحجي وصاگ علئ اسنانه رجليه جابتني يا ابن امي وابووويه

خليل: رجعيي منين ما اجيييتي

غسق: موو بكيفك انت عااايش مرتاح بعز بابا واني مذلوله لليسوه والمايسوه مثل ما هوه بيت ابوك بيت ابوي

خليل: لا تخلييني اتصررف تصرف اندم عليه وانتي عمج شلووون مخليج اطلعييين وحدج امشيي خليني ارجعج فضيني

غسق: سحبت ايدي منه بكل قوتي والله مسستعده اروح اعيش بشوارع وانام علئ الرصيف ومارجع لبيت عمك انت هم متريدني هاهيه لعد بعد لا دورون عليه ولا تسئلون واذا بيوم الناس سألت عليه كولو ماتت وخلصت من هل دنيا احجي وغصه بكلبي عفته ومشت اجه سحبني من ايدي

خليل: دخلي جوه بعدين اتفاهم وياااج

غسق: دخلنه جوه وصار بوجهنه شاب يطلع عمره 25 او اكثر جان يضحك

عمر: لك شنوو هل قنبله الجايبها

خليل: عمررر انجب وروح اكعد جوه

غسق: بقيت فاگه عيني عليه شبي هذه وجان مبين البيت بي ناس غير هذه وخليل وريحه مطيبه

خليل: اتصعددين للغرفه وتقفلين الباب متفتحيها علما تسمعين صوتي

غسق: باوعت عليه متعجبه شعنده وليش هيج خايف هزيت راسي وعفته ميهمني المهم اخلص من عمي ومرته الحقيره صعدت فتحت باب غرفتي ودموعي كامن ينزلن بعدها على حطتها ماما وينج مشتاقتلج مشتاقه تكعدين وتمشطين شعري كعدت علسرير بتعب. اباوع على كل ركن من الغرفه بكل ركن بيها عندي ذكرى ويا ماما
كمت كفيت ارداناتي وبقيت انضف بيها وكل شويه اباوع ليجوه اريد انزل جعت نضفتها وخلصت جريت نفس بتعب وكلت خليني انزل اكيد طالع ونسااني لان ماكو صوت جوه نزلت واني اتلفت خفت اكو احد غريب دخلت للمطبخ هدوء ماكو صوت اكيد طالعين
فتحت الثلاجه فارغه مابيها شي غير بطاله بقيت فاتحه عيوني مصدومه سديتها بسرعه وين موصل نفسك يا خليل شدتسووي
وينكم ماما بابا تشوفون شصار بينه من بعدكم كعدت حتى نفسي نسدت حاطه ايدي جوه خدي وصافنه فززني صوت من ورايه

الحلوه الضامها علينه خليلو

غسق: طفرت من مكاني مفزوعه رجعت ليوره واني اباوع عليه بخووف نفس الشخص الشفته البارحه

عمر:  لا يحلوه ليش الخووف تره منخوف ندري بيج حصه خليل الخاصه كلعاده بس لابد النه نصيب بيها

غسق:  بلعت ريكي بخوف انت شتسوي اهنا وخليل مو اهنا ارتجى علئ الباب بخباثه

عمر: اهل احنه بس مادري ليش مستعزج عليه

غسق:  سكتت ماجاوبته واكف يم الباب يعني ماكدر اصعد واخاف اتقرب نظراته ربگتني نزلت عيوني وسمعت خطواته تتقرب مني
وكف گبالي رفعت راسي وجسمي كله يرجف نفتحت الباب الخارجيه وهوه ابتعد دخل خليل معصب باوع بخزره عليه

خليل:  لك ساق.... اني شكتلك

عمر:  شبيك يمعوده لا تغلط تره هيه النزلت مو اني الصحتلها

خليل: امشي كدااامي وانت توووكل مادامك صحيت

عمر:  اي رايح اصلاً

غسق: صعدت فوك وجسمي كله يرجف منو هذه وشديصير صعد ورايه  وعيونه فوك راسه
لزم ايدي حسيتها راح اطگ

خليل:  شاااارده من بيت عمج لج انتيييي شكد صلفه وشكد مستهتره

غسق:  عووف ايدي دتاااذيني

خليل: والله لو اكسر رااااسج هم ماارتااااح ماااخفتي من طلعتي شاررررده

غسق:  رادووو يزوجوووني ويتهموووني اتهامات اني ممسويتها وانت لا تسأل ولا دكووول وعمو يوميه يكول اليوم وباجر اسحبج وماكووو شتريدني اسووووي لعد كفخني على حلگي

خليل: جان خااابرتينييي ليش صخمتتتتي وجهج

غسق:  وينن اعرف رقمك واخابرك جان تعبت نفسك مره وحده وسألت عليه
فرگ وجه بعصبيه وطلع وركع الباب وراء اكيد عمي رايحله وحاجي ويا ومزود حجييي على الصار كعدت بقله حيله بكسره هاي الماعدها اهل تضييع حتى بكعدتي اهنا خاييفه مادري خليل شنو طينته هوه اصلاً من الصغر يكرهني ومايطيقني كمت قفلت الباب ومن قهري نمت ماكعدت الا ثاني يوم الصبح واحس معدتي تحرگني حرگ من الجوع خفت انزل وبعده موجود بقيت اتلوئ بمكاني عاد متحملت كمت نزلت علئ طرف اصابيعي ونزلت فتحت باب الغرف والصاله علئ كيفي ماكو احد الحمدالله رحت للمطبخ شفت ريوك وصمون بجياستهم سويت جاي وكعدت اكل ودمعه بطرف عيني كمت عزلت المطبخ نظفته جلف جلف نضفت الصاله لعبت نفسي منها كلها بطاله فتحت الشباببك هويتها واخر شي نضفت غرفه خليل والصدمني سيتات نوم نسائيه بقيت مصدومه ليش هيج صاير بي شرب وبنات وفوكاها ابيتنه هويتها وغيرت الجرجف خليتها تلمع اخر شي شغلت الغساله وكعدت فحطانه من التعب اندكت الباب خفت لان لو خليل اكيد عنده المفتاح تقربت يم باب المطبخ وصحت منوووو

يتبع <>
للكاتبه: ود الباشا

‏"أنضجتني الليالي التي قضيتها وحدي وأنا في حاجةٍ لمن يسمعني أو يهتم لأمري، الليالي التي كانت من مرارتها أيأس من فكرة أنها ستنقضي، وأني سأظل أعيش في متاهاتها كثيراً، نجوتُ  منها لكن الأثر الذي أحدثته بداخلي لا يُنسى لأنها جعلتني أكبُر عن عمري الحقيقي بمراحل."

حساب الانستا ❤️