رواية شوگ و ورد الفصل الرابع والثلاثون 34 - بقلم wad. al.Basha

للكاتبه:  ود الباشا

ﻣﺮﺍﺕ ﺍگولن گضت
ﻣﺎﺑﺎﻗﻲ حسبة ﻭﻛﺖ
ﻭﺍﺭﺗﺎﺡ ﻭﺗﻌﺪﻱ ..
ﻭﻣﺮﺍﺕ ﺍﻛﺮﻫﻪ ﺍﻟﻌﻤﺮ
ﻭﺍﺳﺌﻞ ﻭاﺩﻭﺭ ﺩﺭﺏ
للمگبرة ﻳﻮﺩي !!

غسق: بقيت صافنه بوجه دخل وسد الباب
منوووو انتو شتردووون مني

صوتج لا تعليي

غسق:  عليش جايبيني اهناااا منوو انتووو والله الا اشتكي عليكم

اي ميخالف

غسق: صاح واحد بيهم دخل التفتله

ضيفتو غاليتنا لو نضيفها شو وجها اصفر معاجبني

غسق:  بقيت اباوع عليهم انتو تردون فلوس
تره ماعندي وماعندي احد يدفعلكم اذا تردون اخذو موبايلي والفلوس بجنطتي وخلوني اروح رفعلي حاجبه

جيبولها شي تاكله زحمه مخلين ضيفتنا بدون اكل

غسق: تره داحجي ويااك عللليش جايبيني اهنا ماتستحون علئ شواربكم خاطفين مره

ليش حاسبه نفسج علنسوان؟
الله وكيلج داحس نفسي احجي ويا اخوي من صوتج العالي وشيلي ايدج

غسق: مجاي اضحك وياك وماعتقد وكت ضحك علييش جايبيني اهنااا يحتاج اكررها بعد

يجي وكتها وتعرفين

غسق: شنووو وكتها طلعوني والله افضحكم ماهتمولي طلعو وقفلو الباب استسلمت ورجعت كعدت بمكاني ربع ساعه رجعت نفتحت الباب الرجال الشفته اول مره بايده صينيه خلاها كدامي وطلع باوعت تمن وعليه لحم وبصفه كاسه سفري مرك خفت اكل رغم شكد جوعانه بس الخوف تملكني غمضت عيني بتعب ضلمت الدنيا والمكان ديصير اضلم باوعت ماكو شمعه ولا نقطه كهربا كمت للباب دكيتها افتحووو الباب حررام عليييكم والله حرررام

اسمع صوتهم يسولفون ويضحكون بس محد منهم اهتملي الخوف اخذ من حيلي حيل بودي الكاع تنشك وتبلعني شنو السويته حتى استاهل كل هذه من التعب والجوع والارهاق والصدمه محسيت بنفسي شلون غفيت بزويه المكان ردت اشرد من الظلام بلنوم اشرد من الواقع هذه تمنيت يموتوني وارتاح فزيت على صوت الباب شفت الضوه طالع جريت نفس ولميت رجليه لصدري دخل واحد منهم بقى يباوعلي مقلص عيونه
حجه بصوت خشن بي بحه

شلونها غاليتنا اليوم

غسق: منوو انت شتريد منييي ولييش حابسيني

انشوف طولج الحلو ونشبع منه فدوه للخلقج

غسق: يحجي ويعض بشفته تقززت منه شويه وادخل بلحايط من كثر ما دحست روحي

بيج حيل للحسااب؟

غسق: بلعت ريكي حسابيش اني منين اعرفكم حتى يكون عدكم يمي حساب

لااا غاليتنا ممقبوله منج ماتذكرينا مشايفتنا بوجه احد قلصي مخج وتذكري زين

غسق: شدتخررربط انت شدتحجي

نتريك وبعدين نكمل يومنا طويل وما ورانا شي

غسق: سكتت وبقيت اباوعله بطرف عيني خايفه منه ونظراته متبشر بخير دخل واحد شايل صينيه بيها انواع الاجبان وبيض سلك ومربا وكيمر حطه كدامي وشال كوب جاي ولفتين انطاها للكاعد كبالي

مدي ايدج لا تستحين ولو ادري انتي نقطه وزايحتها

غسق: بهت لوني من كلامه ورجفت شفايفي ممفتهمه شديحجي دفعت الصينيه وباوعت عليه ياكل ويباوعلي ليش اني اهنا الله يخليك احجي زين انطيني موبايلي اخابر احد يجي يتفاهم وياااكم
رفعلي حاجبه

اكلي وبعدين تفهمين كلشي

غسق: شاااكل وشيضمنلي محاطين شي بلاكل رفع راسه وضحك بعلو صوته وكام يكح

خرب ببليسج عايشه فلم تركي مدري هندي لج بابا احنه بلعراق يعني ميحتاج نخدرج وهلسوالف انمطلج وانام على اخوانيكج والبالنه نسوي

غسق: مجاوبته

ايي هسه تاكلين لو شنو

غسق: بدون تفكير اخذت كوب الجاي وقطعه جبن خليتها بحلكي شربت من الجاي احسه حرك معدتي لان فارغه

رسول تعرفي؟

غسق: انت شدتحجي خااف غلطان الله يخليك ماعرف هيج شخص ولا بعمري شايفتك ولا شايفته

رسووول الي توفه بحادث سياره وانتي سبب هلحادث

غسق: كام دفر الكرسي برجله خليت ايدي على راسي اني ماعندي سياره ولا اني سبب الحادث باوعلي وعيونه يردن يطلعن

جذذذب ماااريد لا ومحمد اجنزج اكول حرمه ماريد امد ايدي عليييج بس جذب لا تجذذذبين

غسق: بلعت ريكي مداجذذب بابا ليييش اجذب روح اسأل المنطقه شوف الكامرررات اني ماعندي سياره والله شفته واكع والناس ملتمين عليه متحملت اني هم ابقى اباوع اسعفته وساعدني ولد ابو تكسي شعنددي ويااا اكتله عدل الكرسي كعد وركز بملامحي

منين انتي  من يا منطقه؟

غسق: ميخصك

الساانج طوويل مايعجبني شووفي مال اصدكج ماتمشي عندي احاول اصدكج وتبقين اهنا علما اتاكد

غسق: شتتاكد وبعدين ليش حابسني اهنا طلعني وروح اتاكد ومن تخلص اني موجوده ابيتي وتعال نتفاهم
رفعلي حاجبه غمز وابتسم تك خد

تعزميني على بيتج فالتووو انتي

غسق: انتتت صدك ماتستحي اني ماقصد هيج

لا يطگلج عرج استقرري شكو تهزين بجسمج ندري عندج هضبات وجبال وكذا

غسق: فتتحت عيوني مصدومه ومتقززه من طريقه كلامه ونظراته رجعت كرفصت على نفسي اشرد من نظراته اني ماكتلته ومالي علاقه والله اصلاً ماعرفه جنت طالعه وكلشي صار صدفه ومادري انتو ليش خاليينن ابالكم اني كاتلته

انتي مو حبيبته؟

غسق: شدتحجي رجااال بكد ابويه شنو حبيبته وبعدييين اني متزوجه منين اجيت حبيبته فرك وجهه حاير

متزوجه؟

غسق: اي والله نزلت دموعي خلوني اروح

سمعيني زين راح اطلعج مناا بس ثقيي بالله ورسوله اذا عرفت الج ايد بلموضوع وجذبتيي اطلع روحج بايدي ومارحم بحااالج شايفتهم ذولي البره اذا اهدهم علييج يشربون دمج بس انه  واكف بوجهم

غسق: هزيت راسي بقبول بس اريد اطلع منا مداتحمل ابقى اكثر وخايفه حيل خايفه

وهاا لا عبااالج تغيرين عنوانج لو اتغيرررين روحج هم اجيبج

غسق: بس طلعني منا اني مراح اغير شي والله
طلع وصاح بعلو صوته شباااب طلعووو غاليتنا
رجعوها منين ماجبتوها سمعت صارت هوسه واحد يجر طول وواحد عرض علما انفتحت الباب اشرلي براسه يلا وعيونه ناطه بكصته طلعت ركبت السياره واني مخليه ايد بايد متوتره صعد حرگ السياره باوعلي

شسمج؟

غسق: شعليك طكها بضحكه باوعتله ماكو شيي يضحك ترره

اعصاابج ست غسق ارجع اكلج لا يطكلج عرج اهدئي متسوه هيج حاركه اعصابج

غسق: بقيت صافنه عليه منين تعرف اسمي

العصفوره كلتلي

غسق: وصلني لباب البيت واني حتى منطيته عنوان التفت عليه اباوعله مصدومه
منين تعرف عنوان بيتي

مو صعب

غسق: عفته ونزلت نزل الجامه

ماتعزمينا على جاي كهوه بمناسبه رجعتج

غسق: همست شكد صلف ماعندي لا جاي ولا كهوه الله وياك

هاي شنو هاي لج مصار خمس دقايق نزلتي من السياره طلع الساانج يلعلع ولمخزن جنج دجاجه مبللين ريشها
تشرفنا

غسق: خله ايده على راسه بمعنى على راسي  وطلع اني هم دخلت للبييت فارغ ويمكن اصلا محد حاس على غيابي بقيت افتر بلبيت وتذكرت جنطتي مانطونياها جريت نفس ممصدكه طلعت منهم شكولهم مابيها رحمه الحقراء اخذت ملابس بوجهي للحمام سبحت ارتاحيت حسيت صرت ريشه وبوجهي لفراشي نمت نومه عميقه بدون ماافكر بشي ولا افكر باحد
كعدت وجهه الفجر صليت وصليت شكر لله طلعت منهم كمت تريكت ونضفت البيت شويه وغيرت ملابسي صفنت فلوسي بلجنطه وموبايلي تذكرت ضامه كم فلس لوكت الحاجه خليتهم بجيبي قفلت الباب وطلعت مستحيه من ست رنا غبت ومانطيتها علم رماريد احجيلها الصار وياي جريت نفس اخذت تكسي وصلتي لباب الحضانه حاسبته ونزلت بوجهي لمكتب ست رنا شافتني ابتسمت سلمت عليها وكعدت
خجلانه منج كلش هواي والله بسبب غيبتي ومانطيتج خبر

رنا: اني كلت شردتي من شفتي هوسه ودوخه الاطفال

غسق: لا بلعكس اصلاً اني راحتي بنص هلهوسه والدوخه بس صارت عندي ضروف كلش قوويه مكدرت اتواصل وياج

رنا:  سهله مصار شي بس حاول مره ثانيه تنطيني علم

غسق: ان شالله متتكرر  كمت على شغلي بوستهم واحد واحد من فرحتي
هلصت وياهم يومي كعدت اباوع عليهم واحد واحد شلون يطلعون اجتي معلمه ويانه وكفت يمي مدتلي جنطتي

هاي الج اجه واحد كال اسلمها الج

غسق: اخذتها منها تشكرتها منو هذه حركت جتفها بمعنى ماعرف فتحتها مثل ما هي لكيت بيها ورقه مطبوكه اربع طبكات مكتوب بيها تشرفت بيج
هزيت ايدي اني جنت مخطوفه لو داخله لقاء عاطفي والله يالله حتى خطفتي مو مثل الاوادم كمت طلعت انتبهت سياره نفس الخطفتني واكفه مشيت سريع صارت بيه خوفه وكفت تكسي علما وصلت للبيت اني ايدي على كلبي دخلت للبيت ودك جهازي شفت رقم غريب رديت اجاني صوت سامعته

شدعوه هيج مستعجله وتتعثرين على كيفج يابه

غسق: منو انت؟

ضلج

غسق:  نفسك الخطفتني مووو؟

اخرب واتخربط على الموو اي نفسي بس اصححلج شغله انه ماخطفتج ضيفاج عدنا يومين هذه مايسمونا خطف اجيتينا سالمه ورجعتي غالسه وسالمه

غسق: گطعته بوجه وايدي ترجف مخبل هذه مو صاحي دز رساله هلمره كطعتي الخط بوجهي وراح اعديها بمزاجي مره ثانيه اگطعلج روحج
بلعت ريكي  احسه تحجر مو نشف جاوبته واصلاً الجهاز غلقته مرت يومين واني وحدي ومحد سأل عليه استغربت معقوله محد بيهم لاحظ غيابي للعصر اندكت الباب كمت فتحتها مسره وغسان حضنتها وبقيت ابجي مادري ليش بس جنت محتاجه جتف ابجي عليه اطلع حركه كلبي

مسره: شبيج ليش تبجين

غسق: مشتاقتلج

مسره:  عذريني والله التهينا بلبيت ومكدرنا نجيج شلونج شخبارج

غسق: الحمدالله زينه انتي شونج

غسان:  احم احم

غسق: التفت عليه مبتسمه نسيتك شلونك والله مشتاقتلكم

غسان: احنه اكثر

غسق: تفضلو ليش واكفين

غسان: انه مستعجل منتضريني الجماعه علمود التبرعات

غسق: نجي ويااك حباب

غسان: لا وين غير مره

غسق: حباب غسان والله ضايجه وكلش افرح من اساعدهم واصلاً عندي مبلغ محضرته علمود انطي الهم
ابتسم

غسان:  بس استعلجوو

غسق: هزيت راسي ورحت لبست بسرعه صايه ولفيت الحجاب وطلعتله انطيته المبلغ

غسان:  خليهم هسه غسق اخاف ماعندج

غسق: لا عندي طلعنا وهو موبايله ماسكت همست لمسره شلونه الطفل طمنيني عنه

مسره: زين الحمدالله كاعد بحضن حبوبته ويعفط للرايح والجاي

غسق: ابتسمت ليش ريتاج مو يمه

مسره: يمه بس ام ارشد ماتأمن عدها تعرفيها حايره بلبسها ومكياجها وكشختها

غسق: مشتاقتله

مسره: ربي يرجعه لحظنج بجاه الحبيبي محمد ويحنن گلب ابو عليج

غسق: وصلنا لمنطقه كلها طين مامبلطه شكد ماكول عنها تعبانه ابقي مقصره اكفال يلعبون بلطين سألت غسان كال هاي حواسم بس هيج كال حواسم اي منطقه ماعرف شويه وطبكت سياره جبيره كلش بيها كراتين غذائيه واكياس ملابس للاطفال والعاب متتخيلون الفرحه النرسمت بوجهه الاطفال متتخيلون الناس الوكفت تدعيلنا اني ومسره بس دموعنا تنزل ونباوع حاول ادخل بنصهم اساعدهم بلتوزيع بس مكدرت المتبرعين بهلحمله اغلبهم شباب رفعت راسي مسحت دموعي شفت واحد واكف لابس نظارات ويصور من بعيد ماهتميت جذبني طفل ماحصل شي وبقى عيونه تلالي دموع تقربت منه بسته شبيك يعمري انت اشرلي عود منطاني هسه اني اروح اشتريلك رحت يم غسان اروح تكسي لسوك قريب منا واجي

غسان:  شسوين

غسق: هذه الطفل ماحصل شي اخذ گلبي
باوعله وباوعلي ابتسم راح للسياره طلع علاكه وكارتونه شافنه وضحكته شكت حلكه باسه غسان وراح همستله وين بيتكم علمود اوصلهم الك
اشربي شلت الكارتونه وهو كدامي شايل العلاكه ويكمز من الفرحه وصلنا لبيتهم تعباان حيل تعبان طلعتلي مره جبيره بلعمر سلمت عليها وبقت تدعيلنا فتحت جنطتي وطلعت خمسين خليت بايده باستها وخلتها علي راسها عفتها وطلعت ابجي والله لو عندي احط بايدهم واحد واحد بس ماعندي بقتلي 25 لازم ادبر بيها نفسي مسحت دموعي ولاحظت هذه لازم جهازه ويصورني تقربت مني واني الشهكه بصدري انتتت ماتستحي تصوور

هو صورت الحمله كلها شدعوه هيج معصبه

غسق: يا حمله وانت وين ماروح مخلي موبايلك. بوجهي انطيني شوفني مصور حضرتك

روحي منا اختي حرمه ماريد اتجاوز واحجي شعندي وياج اصورج

غسق: عفته ومشيتماردت تصير مشكله غسان مراح يسكت رجعنا للبيت مرتاحه سويتلهم نواشف عشا وكعدنا ناكل ونسولف ونضحك شويه وندكت الباب راح غسان فتحها شفت ارشد دخل ووراء غسان طابك الحواجب ترخص وصاح مسره بعصبيه يلااا
بعد وكت لا ترحون ابقوو اهنا

غسان:  لا هم يلا

غسق:  يباوع على ارشد ويحجي ودعتهم ورجعت شفته كاعد من دخلت باوع عليه

ارشد:  خوش ماخذه راحتج وفاتحه البيت للرايح والجاي

غسق: شقصدك

ارشد:  اننه مايصرفلييي هيج لووو اما ترجعين لو اما ننفصل وترحين منين مااجيتي

غسق:  شنو الجديد صار كم مره اكلك طلگني

ارشد:  اطلگج بس ماتبقين اهنا مااالفي مطلگات ابيتي ويكعدن يلعبن لعب

غسق: حسيت النار كامت تطلع من راسي شقصدك انتت شددكووول

ارشد:  مثل ماسمعتي

غسق: هذه بيت بابا بأي حق اطلع منه ابتسم بستهزاء

ارشد:  هذه بيتي مو بيت الخلفوج وكعدتج بي شفقه ماردتج ترجعين لشغل الكوفي لو لعمج اليجدي بيج استخطيتج

غسق: احتررم واحجي عددل

ارشد: مثل ما سمعتي تردين ترجعين هسه ويايي وتنسين كلشي لوو مثل ما كتلج

غسق: بقيت صافنه عليه مصدومه واني جنت معتمده على البيت لان ماعندي ايجار بس بطرك روحي مدبره المصرف بس هسه شلون وين اروح منو الي
دگ جهازه ريتاج واني بعدني على صفنتي

ارشد:  اعوفج تفكرين لباجر بس باجر عندج

غسق: عافني وطلع كعدت وخليت ايدي على حلكي اشهك عباله يذلني والله مانذلك والله اندمك واذوگگ الذگته واكثر عباله ارجعله واخلي يعيد السواء بيه يهددني بلبيت طاح حظك وحظ البيت وحظ الزلم المثلك يا خايس لميت اغراضي كلها بجنطه جبيره خليتها على صفحه واخذت جنطه جتف خليت بيها الضروريات الاحتاجهم رجعت كعدت بنفس المكان صافنه اني وين اروح كل ملكيتي 25 وين اروح بيها
معقوله ربي ابقى وحدي بحيرتي ساعدني يارب ولا تخليني اذل روحي اله بيومها مانمت بحيث رحت للدوام واني دقيقه منايمه احس ملح بعيوني خبص الدوام واني على اعصابي باوعت يمنه يسرى فكرت ارجع مشي للبيت بس بعيد وكلت امري لربي وكلت امشي شوكت ماتعبت اخذ تكسي علمود تقل الكروه
بقيت امشي ودموعي تنزل بقهر بكلب محروك كعدت على الرصيف والخنكه بصدري تالي اجرت تكسي ورجعت للبيت شفت سيارته فتحت الباب فاتح باب المطبخ وكاعد على الكرسي يدخن

ارشد:  وين جنتي بعد وكت؟

غسق: داشتغل بحضانه شجايبك

ارشد:  نسيتي كلامنا البارحه

غسق: مارجع وياك طلكني وكل واحد يروح بدربه اصلاً انت من اول ماشفتني جانت الك غايه وياي حصلت غايتك وعفتني وهسه الله العالم شنو برراسك
بس تحلم حلم ابتسم صفح

ارشد:  لو تبقين تمشين وتحققين غاياتي احسن ما تتبهذلين وتصفين بلشوارع

غسق: ابقى بلشوارع احسن ما ابقى جوه رحمتك وذلك

ارشد:  راح اسوي التردي بس خليها هلكلام باذنج اذا طلعلج احد مثل عمر وطيح حظج لا تجين يمي تتبجبجين بوكتها ارگعج بلقندرا

غسق: بقيت صافنه بوجهه اذا ارجع اتسجل الطفل بأسمي

ارشد:  حجينا بهلموضوع

غسق: هزيت راسي متأسفه

ارشد:  قررتي؟

غسق: مالنا نصيب سوه طلكني

ارشد:  امشي وياي

غسق: وين

ارشد:  امشي

غسق: طلعت وراء ركبت السياره وين رايحين

ارشد:  هسه تعرفين

غسق: وصلنا للكاظم دمعت عيني اتذكرت اول مره اجينا اهنا نزلنا سلمت على الامام من بعيد

ارشد:  باعيلي

غسق: خليت عيني بعينه

ارشد:  انه حبيتج لا عباالج ضحكت عليج ولعبت عليج لا وحق هذه الامام بس الصار مادري شلون اشرحه الج ريتاج عدها معزه بداخلي وحب ماكدر اوصفه الج وحتى هي حبها بخبال والطفل هذه من زمان جنت واعدها بي ماجذب عليج اول ماشفتج اجتي هلفكره براسي واصلاً اتزوجتج علمودها بش بعدين حبيتج كلبي دك الج شلون وليش مادري

غسق: انت واعدها اني شنو ذنبيي بلسويته ويااي يا حب الدتحجي عنه ؟
انت فاهم الحب غلط كلش غلط

ارشد:  غسق اذا انفصلنا اتضيعين لا تضيعين نفسج رجعي لبيتج وفكري بعقلج

غسق: لا تخاف ما اضيع بس ابني اريد اشوفه

ارشد:  انسي هلشي

غسق: شلون يعني انسى هلشي تره هذه موشي هذه ابنيي قطعه مني جر حسره وباوعلي

ارشد:  مصره على الطلاك

غسق: هزيت راسي اي

ارشد:  راح ترجعيلي برجلج وطلبين مني ارجعج واذكرج

غسق:  دخلنا للسيد اطلكنا بكل هدوء

ارشد:  اوصلج للبيت

غسق: بقيت صافنه خايفه بداخلي السويته غلط اخااف ارجع للذل باجر اطلع من البيت بس الليله
ماحجه تمنيت يكول ابقي بي لا طلعين بس مبين يريدني انذل علمود ارجعله برجلي مثل ماكال
وصلنا للبيت بدون مانحجي حرف قريب ما وصلنا التفتت عليه اريد اشوف ابني

ارشد:  ماالج شي يمي

غسق: مو من حقك تمنعني عنه
مجاوبني اشرلي انزل نزلت وطبكت الباب بكل قوتي
دخلت للبيت منهاره بجيت بكل مابيه من طاقه بجيت علما تعبت ونمت على قنفه الصاله كعدت بليل بطني تاذيني من الوجع فتحت الثلاجه سويت لفه جبن وجاي كعدت اكل وماخذتني صفنه وين اروح باجر وين انطي وجهي ذبيت اللفه من ايدي فركت وجهي متوتره نزلت دموعي وحده وره لخ لبصبح مانمت وكأنو اعاقب نفسي بهلتصرف هذه كعدت بدلت ورحت للشغل بالي مو يمي وحتى اصوات الاطفال تزعجني احس راسي بي طبل طلعت بعد ماخلص الدوام فتحت جهازي طلعت رقم مسره الشهكه بصدري بس بلكوه لازمه روحي ماابجي جاوبتني تسالمنا

مسره: غسق بيج شي صوتج معاجبني

غسق: مسره خابرتج اكلج اذا اروح يم خاله تستقبلني لفتره

مسره: صاير شي

غسق: تطلكنا ولازم اطلع من بيته

مسره: مو علساس بيت ابوج

غسق: لا بعدين افهمج

مسره: وين انتي نجي عليج انه وغسان

غسق: هسه راح اوصل للبيت

مسره:  حضري اغراضج امي تفرح والله

غسق: سديته منها منهاره امشي وابجي وامسح بدموعي بابا دتشوف حالي مو دتشوف شصار بيه وشلون تبهذلت اخذت تكسي وجهازي بيدي دك رقم غريب مجاوبت خفت يكون نفس الشخص
وصلت للبيت نزلت تاكدت من اغراضي شويه واجوي غسان ومسره خضنتها وبقيت ابجي من كل كلبي

مسره:  كاافي غسق لا تسووين هيج والله مايستاهل اضفر منج هذاك هو كاعد يضحك ويسولف ولا كأنو صاير شي

غسق: مقهوره على نفسي اني

مسره: كلشي يتصلح بس انتي ابقي قويه مثل ما اعرفج

غسان: لا تفكرين بشي لو ادري اطلع من اهلي واجر بيت ونكعد سوه

غسق: لو ما انتو اني شسوي بنفسي شكراً الكم ان شالله اكدر اجازيكم

مسره: لا تحجين هيج انتي اختنا يلا بسرعه لا تبقين اهنا اووي اختنكت اصلاً بيته خنكه ومينراد ولا ينعاش بي امشي اني منتضرتنه

غسق: ابتسمت على طريقه كلامها صعدنا بسياره وصلنا بمنطقه غير منطقتهم القديمه باوعتلها مغيرين البيت

مسره: اي علمودي تدرين ماعدهم احد اشترو بيت قريب مني علمود اكدر اروحلهم يوميه وارجع

غسق: هزيت راسي بدون كلام وصلنا للبيت صغير مقارنه بذاك بيتهم بس طابقين وبناء حديث مسره اخاف خاله تضوج

مسره: والله يوميه تسألني عليج لا تفكرين هيج انتي كطعيه كطعتي بيها

غسق: باوعتلها تعرفين الصار بيه
هزت راسها متفهمه دكيما الباب فتحت خاله بقت تباوع علينه ابتسمت وفتحتلي ايدها حضنتها وكأنو ماما گبالي فقدت بلبجي

ام مسره: ولج يمه شبييج ياهو ويااج

غسق: وخرت من حظنها شفت مسره تمسح بدموعها

مسره: بعدين يمه خلينا نفوت بابا شلونه

ام مسره: بخير

غسق: باوعت على غسان يباوعلي باسف ويهز براسه مقهور بس مابيده شي بقينا لليل كاعدين سوه علما ترخصو غسان ومسره بقينا اني وخاله وعمو نايم بلغرفه

ام مسره: ليش هيج ضعفانه وجهج متغير مسره حجتلي شلرن ماخذين وليدج منج

غسق: حركو كلبي خلوني ليلي ماانامه

ام مسره: لا تحجين شي كومي سبحي ونامي ارتاحي ايامنه هواي نكعد نسولف براحتنا

غسق: خاله راح ائذيكم
بس فتره علما ادبر اموري والله

ام مسره:  عااب هل حلك اي والله حتى عاااب لنه ماعول اخد يدك بابي واكعد ويا راح اتخبل من الوحده دكلي فتره عيديها وشوفي شون افرك حلكج

غسق: ابتسمت وكمت حضنتها الله يحفظج وينطيج الصحه كمت سبحت وكبل صعدت فوك نمت لان جوه بس غرفه وصاله ومطبخ وفرك غرفتين كعدت الصبح بدلت بسرعه لفيت حجابي نزلت صبحت عليهم جانت كاعده توكل عمو

ام مسره: وين بنتي

غسق: خاله اداوم بحضانه

ام مسره: مو تعبانه اخذي اجازه

غسق: ماكدر خاله اخاف يبطلوني وبعد مالكه شغل

ام مسره: ربي يوفقج ويفتحها بوجهج

غسق: بست راسها وترخصت منهم اخذت تكسي هلمكان ابعد من ذاك البيت فلوس التكسي تجي اكثر واني مابقى عندي جريت حسره يارب لا تخليني احتاج احد بجاه حبيبك محمد وصلت للحضانه دخلت مبتسمه للاطفال نهايه دوامي صاحتني رنا كعدت يمها

رنا:  غسق انتي دتعبين وعجبني تعاملج ويا الاطفال والاطفال هم حبووج   ققررت من نهاي الاسبوع احسبلج راتب

غسق: ابتسمت من كل كلبي وشكرت ربي تشكرتها وكمت طلعت مثل كل مره امشي علمود يقل عليه فلوس التكسي وكفت سياره كدامي شخط باوعت مصدومه الا شويه ويدعمني نزع النظارت وبقى يباوعلي مبتسم صفح

يتبع<>
للكاتبه:  ود الباشا

اريدن ضحكتي الي
من اشفاي باگوها..

هلوو حبايبي تره البارت مو قصير والله 3 الف
ليش تصيحون قصير 😣
شاركوني رئيكم وفجرولي القصه حبايبي انستا وفيس ❤️
واليكول البارت قصير اكول لذولاك الناس يخطفووو 😂