رواية شوگ و ورد الفصل الثالث والثلاثون 33 - بقلم wad. al.Basha

للكاتبه: ود الباشا

‏ليست الأشياء كلها قابلة للفهم أو القول كما يحب الناس عادة أن يجعلونا نعتقد، فمعظم الأحداث لا يمكن التعبير عنها بالكلمات، وتحدث في مكان لم تطأه يومًا كلمة.

غسق: اجه غسان ونصدمت من دخل وراء ارشد خازرني وكف يمهم دكوله تحيه تقرب غسان مني

غسان: شصار غسق فهميني ماتعرفين شلون اجييت الا شويه نسوي حادث

غسق: ليش جبته وياك

غسان: ابدد مو وكت هلسوالف انه ماعرف احد بلمركز وهو هاي شغلته

غسق: والله مو اني هيج سويت حجيت وياهم بس ميصدكوني

غسان: زين حاولي تهدئين تعاي كعدي واحجيلي بتفصيل خليني اروح افهم ارشد

غسق: حجيتله كلشي ضرب رجله وكام

غسان:  من هلسوالف الطايح حضها الرحمه راح تنكطع من كلوب الناس ابقي بمكانج علما اجي اشوف الافندي شسوه

غسق: طلع بقيت كاعده انتضرهم ساعه ساعتين وهم ماكو شويه ودخلو ثنينهم متعصبين

غسان:  ليش سكتتله وهو هيج يتجاوز

ارشد:  تريد اضربه مثلاً طلقه علمود ينتازل متشوووفه يشمر علينا يدريييي راح نقبل واحنا الممنونين وسويت هيج لأن ماريدها تبقى دقيقه بلمركز

غسان:  هو تنازل ليش باقين

ارشد:  ساعه يكملون الاجرائات ونطلع روح انت انه اوصلها

غسق: باوعلي غسان

غسان:  لا انتضر ماعندي شي

ارشد:  توكل غسان ابوك منتضرك

غسان:  يلا لعد اتوكل اذا احتاجيتو شي خابروني

غسق: طلع التفت يباوع عليه وخازرني

ارشد:  شمطلعج من المهجووم

غسق: مجاوبته واصلاً مالي نفس احجي ويا كام من مكانه اتقرب عليه

ارشد:  من احجي وياااج تجاوووبين لا حظج اطيحه لج قندرااااا تااالي وكت مررتي بلمراكرزز

غسق: منووو كااال اني مرتك كتلك طلگني وانت من ذاك اليوم اختفيت يعني هسه احنا حالنه حال المنفصليين

ارشد:  نطلع ونتفاهم سهله غسق

غسق: رجع كعد بمكانه درت وجهي منه الحقير دگ جهازه جاووب من طريقه كلامه عرفتها ريتاج باوعتله بسرعه من كللها

ارشد:  السند شلونه

غسق: عيوني ركزت بي ختم وياها واني بعدني اباوع عليه حجيت بكلمات متقطعه سميتو سند
مجاوبني كاعد يفر بلسويج داحجييي وياااك سميتو سند

ارشد:  صوووتج لا تعلي مو بيت الخلفوووج بمركززز انتي

غسق: جاوبنيي الله عليك

ارشد:  اي سميته سند

غسق: مسحت دموعي عندك صوره اشوفه

ارشد:  لا

غسق: كللهم يدزولك بقى صافن بعيني محجه شي رجع راسه ليوره داحجي وياك

ارشد: اسكتي لا تحجين

غسق: شنو من بشر انت شنووو حررام تتسمى بشر والله حرام مجاوبني اني هم سكتت ضاغطه على نفسي وكاعده كدامه واني حتى خلقته محابه اشوفها
كام شال غراضه

ارشد:  يلا نطلع

غسق: وين

ارشد: افرج بلمركز شويه داشوفج ضااايجه عجبج الوضع نطلع للبيت يعني وين

غسق: شلت جنطتي طلعت وراء اشرلي اروح للسياره وهو بقى واكف يم واحد يحجي ويا اجه وكف يمي

ارشد:  مو كتلج روحي للسيارره

غسق: ارجع وحدي لا تعب نفسك عفته مشيت خطوه سحبني من ايدي فتح باب السياره شمرني وركب

ارشد: اسمعيني زييين فتحيلي اذنج بااب البيت اذا طلعتي اكسرج ومحمد جان اليوم سويتيلنا مصيبه واكعد ادورج بلسجون

غسق: شتريد اكعد بين اربع حيطان واخلي ايدي جوه خدي لكيت شغل ومن باجر اطلع للشغل وانت اطلگني هم انت تريح راسك وهم اني وصلنا للبيت نزلنا نزل ورايه دخل حجه بصوت خشن

ارشد: واذا ماطلكت؟

غسق: شتريد مني انت شترررريد مووو كافي السويته بيه مو كافيييي فوكاااها جاي بكل ثقه تحاااسبني

ارشد:  واكسر راسج مبقى شي تبدي السنه الجديده تكملين دراستج والتردي يوصلج

غسق: مو بكيفككك اطلع من بيتي باوعلي بطرف عينه

ارشد:  انشوف خليني المحج طالعه وحق كل حرف بكتاب الله موتج يصير على ايدي

غسق: خوفتني كمت ارجف اطللع برررره

ارشد:  اطرديني من بيتي

غسق: رفعت حاجبي بييت بابا ابتسم تك خد

ارشد:  راييح اني مثل ما اتفقنا لا تكسرين حجايتي

غسق: ماتفقنا على شي وبعدين ليش من اكلك بيت بابا تستهزا

ارشد:  اني رايح قفلي البيبان عود باجر نتفاهم

غسق: طلكني قبل لااا ترووح

ارشد:  طلاك ماااطلك شيلي هلسالفه من باالج

غسق: موو بكيفك انت مو ردت طفل اني انطيتك طفل نزلت دموعي ويا ما احجي وهسه ماريد منك شي طلگني كارهتك والله وكاررهه روحي لأن بذمتك
تقرب مني

ارشد:  كارهتني

غسق: فوك ماتتصور السوويته بيه عدووو مايسوي بعدووه انت دمرتني شون كلبك انطاك تاذيني هيج شلوون ابني راح يصير ثلاثة اشهر وبعدني مشايفته عفتني بلمستشفى مثل الچلبه وانت تعرف ماعندي احد توسلت بيك اشوف ابني ماخليتني وهسه جاي دكلي كارهتني لو ينطوني دمك اشربه على الايام السوده العشتها

ارشد:  قفلي البيبان زين

غسق: حجاها وطلع الحقيير قفلت البيبان وكعدت بصاله استرجع الصار وياي اليوم لو ما الله سترني جان هسه اني بلسجن كل ما انذكر يقشعر جسمي كله مر اليوم عادي ثاني يوم كمت تريكت غيرت ملابسي
قفلت البيبان وطلعت اخذت تكسي وصلني لنفس المكان حاسبته ونزلت تمشيت للحضانه كلش متأمله وكلي طاقه لهل شغل وصلت بقيت انتضر المديره تجي بعدها مجايه بلشو الطلاب يجون واحد وره الثاني اباوعلهم ودموعي تنزل وارجع امسحها وصلت المديره شافتني ابتسمت

نشيطه اكثر من عدنا

غسق: ابتسمت متحمسه ومتأمله ان شالله خير هز راسها

واني راح اوافق على حماسج بس بلدايه اشوف تعاملج ويا الجهال يلا اثبتج تكدرين دكولين راح تدخلين فتره تجريبيه

غسق: كلش شكراً ماتتخيلين فرحتي
ابتسمت واجت وياي شوفتني غرف مخصصه الهم للعب وغرف للنوم وغرف للاكل احس روحي فراشه بينهم لعبت وياهم ضحكنا سولفنا قرينا قصص اخذو گلبي فعلاً الاطفال ملائكه نسوني كل همومي ضحكت على سوالفهم من كل كلبي لعبت وياهم لحدما هم تعبو
واحد بينهم عمره 4 اشهر اخذ كلبي اسمه انمار
خلص الدوام والاطفال كلهم راحو ويا اهاليهم كعدنل اني وست رنا بقينا نسولف

رنا:  انتبهت عليج هواي مهتمه بلاطفال

غسق: اي صح احبهم

رنا:  متزوجه

غسق: هزيت راسي لا

رنا:  الله يرزقج زوج صالح ودرزن جهال

غسق: ابتسمت تسلمين اترخصت منها ماردت اكللها علي زواجي لأن اول وتالي اني راح انفصل منه اختصر السالفه احسن رجعت للبيت فتحت الباب انصدمت كاعد ومخلي رجله على الطبله ويدخن
شلوون دخلت اهنا انت

ارشد:  وين جنتي؟

غسق: شلوون دخلت اهناااا

ارشد:  من الباب يعني شلون دخلت يرادلها علم
وين جنتي؟

غسق: مايخصك كووم اطلع روح منين مااجييت كام طفه جكارته وتقرب مني

ارشد:  شكلت انه البارحه ؟

غسق: رفعت حاجبي كلت اليوم تجي اطلكني وتخلصني منك باوعلي مستهزا

ارشد: تحلمين اخر مره اسألج وين جنتي ؟

غسق: واخر مره اكلك مايخصك
دفعني حيل على الحايط نزلت عيني ماريد اباوعله
گلبي صار طبل

ارشد:  باااعي خلي عينج بعيني

غسق: شتريد

ارشد:  انه مو كتلج طلعه من المهجوم ماكو عليش تكسرين كلامي

غسق: دفعته ابتعدت منه انتت منو حتئ اسمع كلااامك
طبك حواجبه يباوعلي بتركيز
لا تدخل بييه وطلگني وخلصني رجع كعد ورث جكارته

ارشد:  ليكون شايفتلج شوفه وتردين تطلكين؟

غسق: شكد حقير انت لوو عندك ذرره غيره ماتحجي هيج بس انت كل غيره ماعندك طلكنيييي لك والله لو اعرف اموووت هلاسبوع اطلك منك ومابقى على ذمة واحددد ناقص غيره بس الجان مصبرني عليك عندي امل ترجعلي ابني بس حتى طفل منك ومن دمك الوصخ ماااريده بقى يباوعلي ويدخن بكل برود
اخذ سويجه وجكايره وطلع بدون مايحجي اني فقدت بقيت الطم وابجي بس باااقي يطعني بشرفي نااقص

كمت للحمام غسلت وجهي بماي بارد اريد اهدى ارتاح
شكد جنت فرحانه بيومي بنص الاطفال اجه سممني وراح اخذت موبايلي دكيت علئ خاله سلمت وياها بقيت مركزه على صوت طفل يمها يطلع اصوات گلبي كام يفرفح حتى نسيت على شنو خابرتها 
خاله دزيلي صوره بس صوره فدوه اروحلج

ام ارشد: لا تبجين غسق بنيتي فدوه اغديلج دموعج تاذيني والله
شويه وادزلج تدللين

غسق:  ماتقصرين خاله كليله يطلكني خلو يجووز مني ماتحمل اشوف خلقته

ام ارشد:  ليش بعده ممطلكج كال طلكتها

غسق: مستمر يجذب لا بعده مامطلك وبعده يتدخل بيه

ام ارشد:  بلكت الله يهديكم لخاطر هلوليد

غسق: خاله هو اساساً متزوجني علمود طفل لمرته الصفره حصل غايته وخلصنا كليله يطلع فدوه اروحلج

ام ارشد:  صار هسه يجي احجي ويا

غسق: ختمنه وياها ةكعدت لازمه الموبايل متوتره منتضرتها ادزلي صوره كلبي يدك الف عبالك هسه داجيب شويه ودك جهازي وصل رساله من رقم خاله ايدي ترجف ردت افتحها وكع من ايدي رجعت شلته فتحتها طلعلي طفل نفس ملامحي بس ماخذ عيون ابو ابيض ايده بحلكه فقدت عيوني كادري منين كامت تجيب الدموع وتكتهن بقيت ابوس بلصور هذه ابني فدوه رحتلك امي ميخلوني اشوفك حارميني منك
فقدت رجعت لاول ايام رجعت لنقطه الصفر ثاني يوم كعدت قافله عيوني ماكدر افتحها الليل كله حاضنه الصور وابجي بس لازم اروح لشغلي غسلت وبدلت طلعت اخذت تكسي نزلت يم الحضانه مشى اديوم عادي بين الاطفال وكل شوي ماخذتلي ركن اشوف
صورته حسيت احد وكف يمي رفعت راسي شفت رنا بسرعه سديت الجهاز ووكفت

رنا:  بيج شي غسق اليوم اوضاعج مو تمام

غسق: لا بس تعبانه شوي البارحه مانمت زين

رنا:  اذا حابه تحجين اسمعج

غسق: شكراً الج ماتقصرين التهيت ويا الاطفال علما طلعت شفت سياره ارشد كبالي ماهتميتله ولا باوعت عليه مشيت ردت اروح علشارع وصار كبالي

ارشد:  كدامي للسيااره

غسق: شتريد انت فهمني وين تريد توووصل

ارشد:  صعدي تنتفاهم مو بلشارع

غسق: نتلاكه بلبيت عود

ارشد:  غسسق كاافي تره كرهتيني بحياااتي

غسق: جتفت ايدي لا استااذ ارشد كلشي ولا انت تكرهه حياتك

ارشد:  تستهزئين حضرتج

غسق: عفه ومشيت خطوه سحبني من ايدي حسيتها نخلعت عووووف والله الم عليك الناااس
محجه ركبنا السياره ومشى شترريد بابا شتريد

ارشد:  نتفاهم ونخلي النقط على الحررف لشوكت نبقى هيج

غسق: يا نقط يا حروف يا تفاهم شدتحجي انتتت صاحي لو مضروب براسك فرك وجهه بتوتر

ارشد:  تعبت غسق فدوه رحتلج لا تعبيني اكثر

غسق: ابتسمت طلعت انت التعبان من شنو تعبان بالله ممكن تفهمني

ارشد:  لا تستهزئين

غسق: درت وجهي علجامه وصلنا للبيت مزلت قبله دخلت شمرت جنطتي بعصبيه فعلاً دمي محروك
دخل ورايه ذب اغراضه على الطبله

ارشد:  نحجيي نتفاهم

غسق: ماكوو اي تفاهم بيناتنه انت وصلتنا لطرريق مسدود لو تصبلي نفسك ذهب وتروح عشر مرات لبيت الله تحلف وتوب وتقسم تغيرت ماصدك ولا اثق بيك بعد انتت دمرتني شوهتني من الداخل خليتني غيير مرات اني بنفسي ماعرف نفسي ولا اعرف ادتص فات التصرفها شنو دمرتني وجاي هسه بكل سهوله دكلي اخلي النقاط علئ الحروف ليش هي بقت حروف علمود تتخلي عليها النقاط احفظ كرامتك وخليني محترمه نفسي وخلي شي زين بيناتنه وطلكني
تقرب مني

ارشد:  بيناتنه طفل

غسق: درت وجهي ديضغط على نقطه ضعفي
يعرف شلوون يخليني انطي مجال واحجي ويياا
درت وجهي عليه منفعله ووووينه الطفل الدتحجي عنه وينه اني حتى اسمه ماعرف شنووو الطفل الاخذته وشمرت امه بلمستشفى مااريده خلي الك

ارشد:  من كل كلبج هلحجي؟

غسق: انت بقيت گلب بقيت اصخااام بعينك دمرتني
تقرب لزمني من فچي ضغط عليه

ارشد: لا تتجاوزين

غسق: الله ياخذك وياخذ حوبتي منك متتعداك
ان شالله خله راسه علئ راسي

ارشد:  تدعين عليه من كل كلبج

غسق: مجاوبتها بقيت ادفع بي كلما ادفعه يقترب اكثر ويلزمني اقوه

ارشد:  غلطت اعترف بس

غسق: لا تبررر لا تبرر. ماااريد اسمعكلزم وجهي بثنين ايده

ارشد:  مجبووره تسمعيني غصب عنج

غسق: مامجبوره على شي كتلك احنا خلااااص ماكو شي يرجع يجمعنااااا بيك خير طلكني وفضهااااا
عافني وراح كعد كلبي صاير صخر رغم مبين عليه التعب مبين عليه الندم بس رافضه رفض تااام اسامعه او اسمعله واخلي يبرر ايااام احتركت بيها ايااام اني ابقى لا ساعه ولا ساعتين صافنه على الباب اكول هسه يدخل وابني بايده مايكسرني هلكسره
وره 3 اشهر جايني يخلي النقط على الحروف
والله يحلم حللم ارجع افكر بي مجرد تفكير مو ارجعله واعيش ويااا وحتى اذا يريد يلوووي ذراعي بلطفل طفل هم ماريد منه ممكن تهتبروها انانيه مممن تعتبروها حقراء بس حيل تاذيت وحيل احترك گلبي مو بسهوله اكدر اسامح واعيش طبيعي واكول كلشي مصاير

ارشد:  انتي قافله على الطلاك؟

غسق: فوك متتصور

ارشد:  كارهتني؟

غسق: اكثر من ماتتخيل

ارشد:  ادري اذيتج ونزلت دمعتج وحركت كلبج
بس متندم واصلاً كلما اتذكر هيج سويتت اكره روحي
انطيني فرصه

غسق: ضحكت من كل كلبي وراها نزلت دمعتي فرصتيش انطيك انت لو تموووت كدامي مانقهر عليك لا تخليني اتجاوز بكلامي وخلينا كل واحد يروح بدربه بدون مشاكل وقيل وقال

ارشد:  انتي ضايجه علئ الطفل انتي تكدرين تجيبين اكثر من طفل بس هي ماتكدر طول عمرها تصير ام
لا تصيرين انانيه غسق فكري ورجعي لبيتج والطفل ربي انتي وياها

غسق: فتحت عيني مصدومه من كلامه انيييي شنو ذنبي فهمنييي هي صارت انانيه وراحت سقطت هذيه من ربها وعاقبها اني شنووو ذنبي هيج يصيييير بيه انت واعي علئ نفسك شدتحجييي شنو اربي اني وياها وشنو يصير عندج اكثر من طفل يعني اذا يصير عندي اطفال انسى اول كفل هلفته وجان باحشائي تسع اشهر كلامك اقبح من افعالك كام بعصبيه

ارشد:   انه طالع وانتي فكري براحتج ولا تاخذين قرار تندمين عليه

غسق: عافني وطلع ممعقوله هيج بشر اناني مشايفه بقيت افكر فعلاً فكرت وشي بداخلي يكلي رجعي وانطي فرصه وشي اقوه يكلي ديري بالك تخطئين هيج خطا لثاني ليوم الفجر اني منايمه وجع الصبح يلا شفت النوم بعيني فزيت على دكه الباب كمت صحت منو اجاني صوت خاله شفتزالساعه بلاربعه العصر حيل شكد نايمه ولا حسيت بسرعه غسلت وجهي شلت شعري ورحت فتحت الباب شايله كفل بايدها ومبتسمه بقيت اباوع عليها وعلى الطفل دخلت جوه وهي سدت الباب لأن اتبسمرت بمكاني

ام ارشد:  هذه السند ابنج غسق شوغي شكد يشبهج

غسق:  اريد اسيطر على رجلي مامو كامن يرجفن بسرعه خاله دخلت خلت الطفل بصاله واجتي لزمتني واني دموعي وحده وره الثانيه

ام ارشد:  شصار بيج ولج امي

غسق: خاله هذه ابني مو

ام ارشد:  اي امي هذه ابنج والله ابنج

غسق: حضنتني

ام ارشد:  شكد مشتاقتلج

غسق: كعدتني بلمطبخ جابتلي ماي واني بعدني بصدمتي شربت شويه بالي مو يمها كمت رحت للصاله شفت حاط ايده بحلكه ويدفر برجله كعدت بلكاع اخذته بقى يباوعلي ولم امي اني امك ولك امك والله حرموني منك حضنته وبقيت ابجي وهو يبجي وياي كلما يبجي كلما اشدد قبضه ايدي عليه

ام ارشد:  ولج يمه اختنك الولد عووفي

غسق: سحبته من ايدي واخذته تسكته واني بقيت اشهك ممصدكه حضنته شفته شلته اخذت الغطه بقيت اشتم بي شويه واجتي كعدت كبالي غافي بحظنها

ام ارشد:  مسحي دموعج غسق كافي بنيتي

غسق: لا ترحين اليوم خاله فدوه ابقي يمي خليني اشبع منه

ام ارشد: والله عمج مايدري واذا يدري يسويلنا مشكله ومالي خلكه اجيت انه وارشد كنالهم رايحين لدكتور يفحصه

غسق: كمت اخذته من حضنهت وبقيت اشم ركبته وابوس بي لا تحرموني منه

ام ارشد:  رجعي لبيتج يمه وانسي الصار

غسق: شنسى خاله هو شي سهل وينسي

ام ارشد:  لخاطر هلطفل

غسق: باوعتلها حتى لو ارجع اني مراح اكون اله ام هو مسجل باسم غيري ومتعود على ريحه غيري وابو نفسه كال انتي يصير عندج وهي طول عمرها مايصير عدها جهال يعني شنو خاله

ام ارشد:  فكري يمه

غسق: ارجع بشرط يطلك ريتاج ويسجل الطفل بأسمي
بقت صافنه بوجهي وكأنو دكلي من المستحيلات
كمت سويت غده نواشف كعدنا اكلنا اني وياها ونسولف مشتاقه لكعداتنا سوه سمعت صوته يبجي ذبيت اللكمه وركضت للصاله شلته شبيك امي جوعان يخسى الجوع خليته بحضن خاله سويتله حليب ورجعت اخذته منها كعدت بلكاع خليته بحظني وارضعه وبيدي الموبايل اخذتله كومه صور

لتسعه اندكت الباب راحت فتحتها خاله دخلت ودخل وراها ارشد سلم مجاوبته كعد كدامي

ارشد:  فكرتي؟

غسق: طلك ريتاج وسجل الطفل باسمي وارجع
بقى يباوع علئ امه ويدخن

ارشد: سالفه جديده هاي

غسق: بكيفك هذه العندي

ارشد:  طلاك ماكدر اطلك والطفل اتسجل باسمها ميايتغير هلشي بس نعقد محكمه وتصيرين زوجتي شرع وقانون

غسق: اخاف اتعب نفسك

ارشد:  من احجي وياج لا تستهزئين لا اكوم افرك حلكج

غسق:  حجيت العندي وانت بكيفك بعد

ارشد:  زين يمه يلا امشينا وتحلمين تشوفين طفل بعد

غسق: لاااا تهدد بلطفل
شلته وكمت تقرب مني ياخذه من ايدي ماتاخذه يبقى يمي

ارشد:  مو بكيفج انطييني هلمره لا تعاتبين انتي التخليتي عنه

غسق: ماااا تاخذه خاله احجي وياااا

ام ارشد:  خلينا نبقى اليوم اهنا يمه هيه هم تفكر زين

ارشد:  ماكو انطيتها مجال تفكر وهي قافله ماتريد

غسق: سحبه من ايدي وطلع بقت خاله تحجي وياي واني اشهك حسبي الله عليك يا ارشد ان شالله يحترك كلبك مثل حركه گلبي واكثر

ام ارشد:  اششش لا تدعين يمه فدوه لا تدعين وتحرگين كلبي بي

غسق: باستني وطلعت كمت سديت الباب احس اخذو كلبي وياهم ليييش خلاني اشوف ليييش لو مشايفته احسن
بقيت ابجي علما دك موبايلي رقم غريب استغربت بس مجاوبت
بقى يدك علما فصل ثاني يوم كعدت متاخره غيرت ملابسي بسرعه ورحت للحضانه اذا اكعد بلبيت اتخبل
وصلت شفت ست رنا باوعتلي تسالمنا

رنا:  بيج شي وجهج اصفر

غسق: لا ماكو شي البارحه مكدرت اجي اعتذر
ابتسمت

رنا:  لا تعتذرين مصار شي

غسق: دخلت التهيت ويا الطلاب علما خلص الدوام طلعت مرت الايام نفس الشي ارشد ابتعد مني حتى مخابره ميخابرني جان متقصد يخليني ااشوف الطفل علمود يشلع كلبي بي اليوم مثل بااقي الايام كمت رحت للحضانه التهيت بشغلي لنهايه الدوام طلعت صارت سياره بوجهي مضلله. رجعت ليوره داغير مسار مشيتي وماحس الا انجريت من ايدي للسياره ونشزت عيني  عووووف ايدي بااااييي حق تلززمني منووو انت عوووف

بقيت اصرخ عليه وهو ولانو ويا انشلع كلبي بلصااايح
نزلت دموعي وين ماخذيني منو انتووو

حسيت السياره وكفت انلزمت من ايدي وانجريت انشمرت بمكان بسرعه وخرت الوصله من عيني مكان وصخ مثل المخزن كمت بسرعه دكيت على البااااب افتحوووو الباااب ليش جبتوني اهنا افتحوووو
احس كلبي راح يوكف من الخوف كرفصت على نفسي وكعدت بزويه المكان شويه ونفتحت الباب كمت وكفت منوو انتو شتردووون منييي

عدنا وياج حسااب ولازم نتحاسب

غسق: حسابيش اني وين اعرفكم

صوتج كطعي علما يجي مهاب يتفاهم وياج

غسق: منوو هذه انووب خلووني اطلع لا والله اشتكي عليكم اخليكم تتراكعون بلسجون. مجاوبني طلع وطبگ الباب خلاني اكمز
رجعت دكيت الباب بكل قوتي محد جاوبني علما تعبت وكعدت ابجي ناقصني اني ناااقصني مصاااايب افتتتتح الباب منوووو انتو منوووو الله عليكم فتحووو. والله ماعرفكم ولا شايفتكم لييش حابسينيييي حسيت كلبي راح يطلع من مكانه
نفتحت الباب نفس الشخص شمرلي بطل ماي
راد يروح صرخت عليه اوووكف التفتلي منوو انتو الله عليك شتردون مني مجاوبني ورجع طلع تعبت من الصياح رجعت لزويه كرفصت على نفسي وكعدت حتى الماي ماشربته خفت حاطين بي شي
رجعت راسي على الحايط بقيت اباوع على الباب
متأمله ينفتح تالي سمعت صوت القفاله كمت بسرعه وكفت دخل واحد مشايفته حتى ماعرف ليش جايبني اهنا وشيريد مني  بقيت صافنه بوجه دخل وسد الباب

يتبع <>

ومن بين كل الأيام التي أخذت مني دون أن تعطيني، لم يعد لي إلا رجاءٌ وحيد، أن تكون نهاية هذا التخبّط وِجهةٌ صحيحة وقلبٌ مطمئن.

هلو ورداتي شخباركم فجرولي القصه انستا وفيس تستاهل تره وداتعب بيها
وشاركوني برئيكم ❤️