رواية شوگ و ورد الفصل السابع 7 - بقلم wad. al.Basha

للكاتبه:  ود الباشا

‏"أعرف أن عبور هذا الأمر حتميّ، لكنه يارب ثقيل في الروح، لا مواساة تزحزّه ولا ضحكه تلّونه.. جاثٍ على صدري كشيء قديم أثره باقٍ للأبد."

غسق: ماحسيت الا انلزمت ونحطت ايد على حلگي
بقيت اصرخ بس صوتي ماكو قبضه ايده قويه علئ حلكي كمت ارفس برجلي اريد اشوف منو

ارشد:  ثبتييي

غسق:  بقيت اوون اريده يعووفني يمشي ويجر بيه مثل البهيمه اخذني لنهايه الحديقه لو اصرخ بعلو صوتي محد يسمعنيي دفعني وخزرني باوعتله بخوف مادري ليش هسه يلا حسيت بغلطتي لو جنت طالعه ومحد يدري بيه وين هوه الوحيد اليلووومو

ارشد: ويين موليه بهل ليل؟

غسق بقيت ساكته مو خوف منه بس اعرف بنفسي غلطانه زمخ بيه

ارشد: موووووو داكل نععععل وياااااج وين موووليه بهليل

غسق:  مسحت دموعي يم خليل مسح وجهه بعصبيه وباوعلي طلع موبايله

ارشد:  اتصل علئ عمج يتصرف ويااااج يصير بيج شي يسوووج ادميه براسي

غسق:  لا تتجاوز

ارشد:  اكلييي تبن ولا حرف تردين تصخميييين وجهج اكثر ما اخووووج مصخمه
كلت عنج فقيره وحرامات اخت خليل تااالي طلعتي ازرب من خليل الجلب

غسق:  رجعنييي معليك بيه اني احجي ويااا عمو واقنعه

ارشد:  مكااتتل روحي علئ خلقتج ومتحمل مسئوليتج لخاطر عمج ولا هسه انتي لو شارده انه شكول شحجي مايكولون هوه الخلاها تشرد وطلعين مريم العذراء بررراسي

غسق:  بقئ يروح ويجي

ارشد:  اخابر عمج وكليله اريد اروح يم خليل مبين  عاجبج عيشه خليل روحي وخلي عمر يكمل الماكمله بذاك اليوووم

غسق:  بلعت ريكي من كلامه
اتصل بعمو وحطه على سبيكر
تسالمو

ارشد:  يابه اعتذر داگ عليك بهيج وكت

علاء: مو من عوايدك ارشد غسق بيها شي

ارشد:  لا مابيها سلامتك بس تريد ترجع لعند اخوها وترريد  تنطيك علم

علاء: شعدهاااا يم اخوها تنجب وتكعد علما اجيها روحه ماكو

غسق:  رفعلي حاجب

علاء: بشاربك اني ارشد خلي بالك منها ماريدها تطمس بسوالف اخوها

ارشد:  حاجيها انت خويه

غسق: انطاني الموبايل وراح
هلو عمو شونك

علاء: موزين ولج غسق شمصخمه

غسق:  عمووو ماريد ابقئ اهنا شوووفولي حل عندي اخ وثنين عمام وباااقيه بيت ناس غررربه لييش حباب عمووو تعال اخذني والله گلبي ديحترك محد ديحس بيه لووو جان بابا عااايش قبل بديصير قبل بنته تكعد بيت ناس غربه عنها ليش هيج تسوون بيه؟

علاء: استغفر الله لج بنتي وكتاب الله معااايفج بس مو بسهوله اكدر اسحبج السالفه اطووول تحمليي لخاطري  وبعدين ارشد واهله عشرررة عمررر مو غربه لا تتحسسين منهم غسق بنيتي فدوه اروحلج لا تااذيني بيج وانسيي ترحين لخليل مااااتتقربين منه

غسق:  ليش شبي؟

علاء: مابي شي بس ابتعدددي اتفقنه لا تخلين بالي عليج

غسق:  بس لا تتاخر عليه

علاء: مراح اتاخر عليج وعد

غسق: بقى يحجي وياي ويطمني علما ختمته ويا والله استحي اخلي وجهي بوجهه جريت نفس وتقربت كاعد يدخن مديتله الموبايل باوع عليه واخذه
بلعت ريكي اني اسفه

ارشد:  اسفج نگعي واشربي مااايه شلون هيج تسوووين

غسق:  حتئ لو احجيلك مراح تفهمني

ارشد:  لا افهمج ولا تفهميني تصرفااات المزعطه تتركيها مادامج اهنااااا من ترحين لاهلج سوووي التردي

غسق:  الله يسمع منك واروح لهلي حجيتها بخنگه عفته ودخلت جوه مابيه حيل احجي اكثر و هوه محمل عليه تمددت بفراشي ثاني يوم جسمي متكسر حتى مالي خلگ اروح للمدرسه ومادري اذا يخليني اروح لو بعده الحداد علئ المدير للضهر واني بفراشي مو مريضه بس احس راسي ثكيل من التفكير مالي طاقه لشي جسمي نحلان كل شويه اتذكر دلال بابا وماما واتحسر علئ حالي اندكت الباب دخلت ام ارشد

ام ارشد:  صباح الخير

غسق:  جاوبتها بتعب صباح النور

ام ارشد:  شعجب غسق ام النشاط بعدها بفراشها بيج شي يوجعج شي

غسق:  كعدت نص كعده هزيت راسي لا خاله بس البارحه مانمت زين

ام ارشد:  وجهج تعبان

غسق:  نزلت دمعتي كعدت بصفي وضمت راسي لصدرها  حضنتها محتاجه هيج حضن محتاجه احد يطبطب على ضهري وينطيني طاقه ايجابيه توكفني علئ رجلي

ام ارشد:  بسم الله الرحمن شبيج بعدج ضايجه من كلام ريتاج

غسق:  هزيت راسي لا

ام ارشد:  لعد شبيج منو وياج

غسق:  ضايجه من اهلي خاله ليش عافوني وراحوو ويدرون بيه راح احتاجهم ليش خلوني وحدي

ام ارشد:  اذكري الله بنتي كلمن يومه وساعته اترحميلهم احنه موجودين وانه حسبة امج والله شاهد حاسبتج حسبة بنتي لا تخلين هل افكار تسيطر عليج وتاااذيج اجتهدي بدراستج ولا تفكرين بغير شيي وان شالله عمج مايقصر وياج

غسق:  هزيت راسي ودمعتي بعيني

ام ارشد:  كومي ويانه اكلي لگمه

غسق:  مجوعانه اذا جعت اني اجي اكل

ام ارشد: اخليج براحتج ومسحي دموعج غاليه عليه

غسق:  حسيت براحه كمت غسلت وجهي وشلت شعري كعدت اقره لليل ماطلعت من الغرفه حسيت صوت عصافير بطني وصلت لسابع جار تستغيث
باوعت علساعه 12 ونص فتحت الباب مشيت علئ طرف اصابيعي للمطبخ فتحت الثلاجه اخذت خياره وصرت اكرط بيها فتحت الفرن شفت ماعون مشاوي حميته وكعدت اكل هلكد ما جوعانه نسفت الماعون نسف كمت بسرعه عزلت المكان داريد ارجع للغرفه وصارت ريتاج بوجهي

ريتاج:  ماخذه راحتج زايد تره خليها ابالج مووو بيت الخلفوووج

غسق:  شكو حاطه راسج براسي ممكن اعرف تره اني خطار عدكم باجر عكبه رايحه ماكو داعي لهذه اسلوبج

ريتاج: كلتيلي اسلوبي محلوو؟
تره كعدتج اهنا هيه المحلوه تعرفينه نعرفج جااايه وعبالك ثاردين ويييااج من عشر سنين بابا الكرااامه حلووه خلي عندج كرامه

غسق:  جايه لبيت ابوج داخله لبيت اخوج شو ماتعرفين تحجين لا تشوفيني متجنبتج وساكتتلج عبالج اخاف منج محترمه النااس الكاعده عدهم
صفگت بايدها تقربت مني اكثر

ريتاج:  برافووو طلع وجهج الثاااني  اسمعيني يا حبابه هذه لا بيت ابوي ولا بيت اخوي هذه بيتي اني والماااريده ركززي الماااريده اذبه بره ذبه الچلب الاسوود

غسق: الكلام وياااج عقيم عفتها ودخلت للغرفه افووور حقها صح حقها بيتها واني نفر مامرغوب بي بس وين اروح كعدت علئ السرير دموعي مايرضن ينزلن
اكعد ويا ارشد هوه يقنع عمو علاء اروح لبيت عمو محمد اتحمل زوجته ولا هل ذله سحبت الموبايل ردت اخابره بس تذكرت هوه مو احسن من مرته اصلا مكعدني على اعصابه جريت نفس بتعب شسوي بحالي يارب استودعتك نفسي وامري انت الذي لا تضيع عندك الودائع
يسر امري يارب مالي غيرك

بقيت اتگلب بفراشي علما رجعت نمت كعدت الصبح على المنبهه كمت بدلت وحضرت جنطتي طلعت صبحت عليهم رفع راسه باوعلي بطرف عينه

ابوارشد:  كعدي بنتي اكلي لكمه قبل لا ترحين

غسق:  ابتسمت مجامله لا عمو شكراً متاخره هم يلا الحك ابتسم بوقار

ابو ارشد:  لعد تقربي اسويلج لفه اكليها بطريق سندي بيها نفسج

غسق:  بقيت اباوعله  بلحظه حسيت هذه بابا كاعد گبالي مدلي ايده اخذت اللفه منه تقربت بست راسه مادري ليش هيج سويت وشلون بدر مني هلتصرف بس ردت اعيش اللحظه ردت احسن بامأن الجنت احس بي بوجود بابا

ابو ارشد:  الله يرضئ عليج ويسعدج

غسق:  رديته ببتسامه حزينه

ارشد: ابو غايب منتضرج بلباب لا تتاخرين عليه

غسق:  هزيت راسي وطلعت توقعت غسان هوه اليوصلني بس غير واحد رجال جبير ركببت السياره سلمت عليه وكعدت اكل بلفه طول الطريق ساكتين قريب منريد نوصل طلع من جيبه خمسه وعشرين

ابو غايب:  هاي من استاذ ارشد وصاني انطيجياها

غسق: شكراً عمو ممحتاجه رجعها اله عفته ونزلت اخذت الدروس من طالبه وياي ومشه اليوم عادي
خلص الدوام طلعت شفت ابو غايب منتضرني ركبت

ابو غايب:  الله يساعدج

غسق:  ويساعدك عمو وصلنه للبيت نزلت دخلت جوه شفتهم مخبوصين ماعرف شصاير مجرد سلمت ودخلت لغرفتي اخذت موبايلي اتصلت على عمو

علاء: فدوه اروح لبنيتي شلونج

غسق:  الحمدالله انت شونك

علاء: اذا انتي زينه اني بخير

غسق: عمو اني موزينه داحس نفسي ثكيله عليهم اني عمامي موجودين اخويه موجود ليش كاعده عند ناس غربه ليش بس فهمنيي

علاء: سامعه حجايه مسمعيج حجايه مأذيتج

غسق:  لا بس عمو مداكدر استوعبها افهمني فدوه

علاء: افتهمج غسق اعرفج شددكولين بس انتي هم افهميني من خووفي عليج لو ما عشرة عمر وياهم واعرفهم همه شنو واخلاقهم شنو دقيقه مااخليج عدهم وعمج محمد مو ادمي ولا كفو واخليج عنده عربانه رايح راد وره حجي مرته واخوج يا عمي خليني ساكت مو دقيقه اقل من الثانيه بعد مأمنج عنده والله داشتغل علئ معاملتج وداحاااول بكل طاقتي اجيبج عندي باسرع وكت واذا ماكدرت اسحبج عندي اعوف كلشي واني اجيج بس انتي هم صبرج ويايي
لا كل ساعه حارگه كلبي عليج

غسق: لا طول عليه عمو فدوه

علاء:  ماطول يروح عمج

غسق: بقينه نسولف علئ عيشتهم بسويد وحياتهم اهناك ختمت منعنده واني مرتاحه شويه كمت غسلت وغيرت ملابسي وطلعت صارت ام ارشد بوجهي سلمت عليها ابتسامتها ترد الروح
خلتني ابتسم لا اردياً

ام ارشد:  يلا اكليلج لگمه وتعالي ساعدينا اذا ماعندج دروس

غسق:  صار خاله

ريتاج:  هيه هاي تاليتها الناس الغربه تشتغل ابيتنه

ام ارشد:  ريتاااج اركدي لا تخليني اخليج بحلك ارشد هوه اليتصرف وياااج

غسق:  عفتهم ورحت للمطبخ صبيت تمن وفوكا مركه كعدت اكل

ام ارشد:  ولج يمه ليش هيج هذه شيشبع صبيلج لحمه اكليلج خبزه

غسق:  لا خاله هواي ماحب اثكل

ام ارشد:  لا تستحين البيت بيتج حبيبه

غسق: الكلام ضاع مني اكتفيت ببتسامه كملت غسلت الماعون ورحت ادور عليها شفتها بغرفتها تحتاجين شي اسوي وياج خااله

ام ارشد:  يا بعد خالتج غيريلي جرجف الجربايه ونزليلي هل بردات

غسق:  صار جبت الدرج او نزلت البردات شفت البنكه عليها تراب جبت وصله ورجعت صعدت انضفها مندمجه انضف بيها وسمعت صوت ارشد يحجي ويا امه ضهري عليهم يعني باب الغرفه صاير ورايه نزلت تشيرت البجامه خلصتها ونزلت مالكيته جريت نفس ماريد اشوفه

ام ارشد:  عاشت ايدج تعبتج والله

غسق:  ماسويت شي تعبج راحه نضفت الكنتور والاخشاب واخر شي فرشت الجرجف وغير وجوه المخاد
مسحت الارضيه وطلعت صار بوجهي عمو ابو ارشد ارتبكت الصراحه خفت يفكر بغير شي
دنجت راسي الله يساعدك عمو

ابوارشد:  ويساعدج بنتي

غسق:  عفته ورجعت للغرفه هنوبه كلت عيب هسه خاله دكول لان طلبت منها تشتغل راحت ضمت نفسها طلعت داريد ادخل المطبخ وسمعت صوت ابو ارشد

ابو ارشد:  شفتها طالعه من الغرفه

ام ارشد:  اي خطيه جانت تساعدني بتنضيف الغرفه

ابو ارشد:  شلون تخليها ماتخافين تبوك وحده غريبه عنا شلون تخليها تدخل غرفه نومنا

ام ارشد:  لا تسمعك لا صيح شبيك وبعدين هلبنيه گلبي مرتاحلها وماعدها هيج سوالف

ابو ارشد:  شمدررريج يا مره شمدريج اول مره واخر مره

ام ارشد:  اي اي بس صوتك فدوه لا تسمعك خطيه

غسق: احس من دگات گلبي بعد ماكدر اتحرك گلبي من كثر دكاته يريد يوكف اريد اتحرگ ماكو احس عقلي وكف بقيت ارمش بعيوني اكثر من مره بلكت استووعب الكلام السمعته اني مابگت شي ولا لعبت بغراضهم  ليش هيج يحجي عليه

ريتاج:  انتييي شسوووين اهنا

غسق:  بلعت ريگي اريد اجاوبها ماكدر

ريتاج:  مووو احجي وياااج

غسق:  سديت جف ايدي بقوه اريد اطلع القهر البداخلي
اجيت اشرب ماي لزمتني من زندي ودفعتني للمطبخ

ريتاج:  خطاركم ديتصنط عليكم شوفي عمه هيه هاي التمشين وتمدحين بيها

غسق:  بقت باهته بوجهي لميت نفسي وبللت ريكي اني هسه اجيت اشرب ماي جريت ايدي منها بقوه
دخل ارشد يباوع

ريتاج: لا تجذبيين اني شفتج تتصنطين عليهم

ارشد:  شصاير؟

ام ارشد:  ماكو شي ابني

ارشد: منو يتصنط علئ منو؟

غسق:  محد عطشانه اجيت اشرب ماي واسأل خاله محتاجه شي او لا

ريتاج:  چذابه حتئ عيونج انگلبت من سسمعتي كلامهم

ارشد:  ريتااااج تااالي

ابوارشد: لا تصرخ عليها

غسق:  التفت عليه

ابو ارشد:  اذا جنتي سامعه كلامي ويا ام ارشد فعذريني تبقين غريبه والحذر واجب
صح انتي بنت صديقنا المقرب وعشرة عمرر بس اخووج بعمايله وتصرفااته خلانه ننسئ كلشي ونخاف ونحذر من كلشي بنفس الوگت

ارشد:  خلووونه نفتهم شصااااير شهل كلام طرطور واكف انه واحد يجر عرض وواحد طووول

غسق: احس نفسي مصدومه حتئ مداجمع الكلام علمود احجي ابرر شفافي ترجف وطابگه ايد بايد علمود لا تبين رجفه ايدي اكتفيت بهز راسي وطلعت من بينهم رجعت للغرفه لميت اغراضي كلها هلمره لو مو عمووو لو مادري شيصير دقيقه وحده مابقئ اهنا اني امد ايدي وابوك ؟
بابا تااارس عيني من الصغر مامخلي بنفسي شي ليش هيج يتهمووني لييش لميت ملابسي بعشوائيه وعيوني ماشوف بيها من البجي
نفتحت الباب مادرت وجهي ولا اريد اشوف منو حتى نفسي كارهتها

ام ارشد:  بنيتي سمعيني فدوه لعينج

غسق:  بقيت ساكته بس صوت شهگتي تنسمع
لزمت ايدي ودارتني عليها عيونها مدمعه

ام ارشد:  ادري كلام ابو ارشد اذاج وصعبه ويشهد الله عليه ماراضيه عليه لا تشيلين بخاطرج وانه اعتذر منج على كلامه

غسق:  خاله والله اني عيني مليانه مو بعيني لا فلوسس ولا غراض ولا شي بابا مجان مقصر عليه مشبع عيوني من الصغر وادري اني مثكله عليكم بس عمو هوه الجابرني اكعد اهنا لو بيدي دقيقه ماكعد اهنا و اخوي وعمي موجودين واصلاً زحمه

ام ارشد:  لا تحجين هيج يشهد الله تعودت عليج وصرت اذا ماشوفج ماارتاح

غسق:  شكراً علئ كلشي والله اني هم حبيتج هواي بس اني اريد اروح يم عمي مالي كعده اهنا
حجيتها ونفتحت الباب دخل ارشد والشياطين تتكامز فوك راسه بسرعه صديت وجهي سديت سحابه الجنطه

ارشد:  يمه من رخصتج

غسق:  ماكو داعي خاله تطلع اني اريد اروح لبيت عمو محمد ماكعد اهنا

ام ارشد:  ولج بنيتي تهدي بلرحمن ولا تخلينه نخرب ويا عمج فدوه رحتلج انسي الكلام كله واحسبي حسبه ابوج وغلط بحق بنيته

ارشد:  يمه فدوه لطولج من رخصتج روحي شوفي الوالد ضغطه ارتفع

غسق:  طلعت بقئ يباوعلي رجعت شعري وره اذني

ارشد: وين محضره جنطتج؟

غسق: يم عمو. هز راسه

ارشد:  الوالد غلطان وانه اعتذر منج وامسحيها بوجهي
لا تكبرين السالفه اكثر ولا تخليها توصل ل علاء

غسق:  ماحجي شي والله بس اني ممرتاحه اهنا اريد اروح يم عمو

ارشد:  يم عمج ترتاحين ؟

غسق: يبقى عمي ومجبور بيه انتو رحتو اجيت غربه عني ومامجبورين بيه مسحت عيوني وخشمي بعصبيه

ارشد:  طلعه منا ماكو الا وعمج علاء يجي برجليه ياخذج غير هلكلام ماعندي

غسق: مو بكيفك خزرني

ارشد:  حاولي تخطين خطوه وحده بره البيت وشوفي بكيف منو مادامج أمانه يمي تنجبين وتكعدين واذا على كلام الوالد ااعتذرت منج وارجع اعتذررر وامسحيها بوجهي بس سالفه الطلعه منا انسيها

غسق: طلع وطبك الباب قوي وراء سمعته صياحهم بس مافتهمت شي رجعت كعدت علسرير مخنوگه اخذت الموبايل خابرت خليل هم مجاوبني شمرت الموبايل واختنگت بشهگتي بقيت كاعده بغرفتي اسمع صوتهم وضحكهم وماكلني القهر همه اهلي مامهتميلي اريد الناس الغربه يهتموون لليل حسيت اختنكت فتحت الباب طلعت بره كعدت ورفعت راسي للسما بابا دتشووف حالي من بعدك تشوف شديصير بيه
خليت جفوف ايدي علئ وجهي وضليت ابجي بقهر
سمعت صوت حمحمه فتحت عيوني شفت رجال كمت من مكاني طبك حواجبه

منو انتي

غسق:  انت منو ؟ رفع حواجبه

تره انتي ابيتي مو اني ابيتج

غسق:  عفته ومشيت مالي خلك اجاوبه او احد يشوفنه وتطلع عليه حجايه ثانيه
نتر بيه

اوووكفييي مووو احجييي ويااااج

غسق : التفت عليه شرايد؟  واصلاً منو انتتت
تقرب مني باوعلي من فوك ليجوه حتئ حسيت ملابسي بيهن شي من نظراته

مكتيلي منو انتي؟

غسق:  وانتت شعليك منو انييي شيخصك
راد يحجي وسمعت صوت ارشد من ورايه

ارشد:  رائد شمطلعك بهل ليل

رائد:  مشتاگ للحديقه ولهل هوئ الحلو

ارشد: غسق شمطلعج انتي

غسق:  اختنگت طلعت اشتم هوه الله هم ميصير
خزرني

رائد: منو هل لبوه هاي معرفتني عليها

ارشد:  تعرف علاء

رائد:  اي خطيه سمعت اخو مات هوه مرته

ارشد:  اي تصير بنت اخو الله يرحمه

غسق: حگ  راسه وبقى يباوعلي عفتهم ودخلت حتى بعد لو اختنك مااطلع جان واحد صارو اثنين بلكوه نمت احسه عقلي من التفكير راح يوكف كعدت الصبح بكسل غسلت وجهي وبدلت شلت جنطتي وطلعت كلهم كاعدين يتريكون صبحت عليهم دنگت راسي وردت اطلع صاحتني خاله

ام ارشد:  تعاي يمه اكلي لكمه سندي بيها نفسج

غسق: تسلمين خاله مجوعانه الف عافيه عفتهم وطلعت للكراج انتضر ابو غايب سمعت صوت الهورن ركبت السياره سلمت ودرت وجهي على الشباك فلوس مبقت عندي ومستحيل اخذ منهم فلس واحد وعمو استحي اطلب منه جريت نفس لزمت التراجي اتذكر بابا جابهن من نجحت سديت عيوني بتعب وصلت للمدرسه مو ذاك النشاط الجنت اجي بي كعدت بلساحه وتذكرت غدير شصار بيها هسه تزوجت من ابن عمها لو بعدها دخلت للصف ومشى اليوم عادي خلصنا طلعت بقيت واكفه انتضر ابو غايب وكفت سياره يمي بقيت صافنه

يتبع <>
للكاتبه:  ود الباشا

”حوصرنا بطريقةٍ ما على حواف كلماتنا التي كُتِمَت، نحن الذين توشحنا بالصمت ردعًا لمشقةِ الحديث“