رواية شوگ و ورد الفصل الثامن 8 - بقلم wad. al.Basha

للكاتبه: ود الباشا

أول مــرة أحــس..
مــــا بيــدي حِيلــة
ولا عنــدي شخــص حتـی أشتكيلــه

غسق: وكفت سياره يمي بقيت صافنه
خليل شذكره بيه البارحه اتصلت بي مجاوووب نزل من السياره مثل الرعيده لزمني من ايدي بدون كاف ميم وشمرني بلسياره شددتسوووي

خليل: انجبييييي لج دماااغ سزززز كاعده بيت نااااس غرررربه

غسق: بلعت ريكي هسه تذكرررت انت تعرف شصار بيه ابيييتك تعرف صديقك شسوووه

خليل:  اي اعرف واجيت اليوم احل هلسووواد الوجههه

غسق: شتحل شتررريد تسووي

خليل:  سدييي بوووزج ماسمعلج صووووت

غسق: سكتت ودرت وجهي للچامه وضعه معاجبني ايده دترجف وجوه عيونه سود خفت احجي وماعرف شيريد يسووي. وصلنه للبيت نزل نزلت وراء بلكوه فتح الباب مرتين وكع المفتاح من ايده دخلنه البيت وصخ والريحه تكتل بقى يفتر مره يلزم راسه ومره يكعد اخذ الموبايل بلكوه مسيطر عليه خفت منه كلش خفت

خليل:  وووينك منتضرك ايي جبتها جيبهن وياااك

غسق:  خليل شديصير منو هذه وشبيك هيج ترجف نروح للمستشفى يشوفوك
ماحجه شي بس يفتر مثل المره التطلك خليل داحجي ويااك خلي نروح بعدني ممكمله زمخ بيه

خليل:  اسكتتتتتتي صوووتج مااااسمعه

غسق:  خفت منه كمت ردت اصعد حالته مو طبيعيه ديخوفني موبايلي مجايبته ويااي

خليل:  وييين.

غسق:  اصعد فوك

خليل:  ابقي كاعده امكااانج

غسق:  اتوقعته ضااايج لان كاعده يم ناس غربه بس حالته مادكول هيج اصلاً ممهتملي لعد ليش جايبني اهنا اندكت الباب طفر فتحها دخل عمر خليل لزم ايده

خليل: جبتهن وياااااك انطيني

عمر:  تدخل لغرفتك ماتطلع منها

خليل: اعقد عليها واخذها

عمر:  ههههههه تسوه والله

غسق:  گلبي دكاته الف ونظراته تاكل بيه اكل
خليل لازم ايده

خليل:  انطيييني عمرررر راسي راح ينفجرررر

غسق:  طلع جيس صغير من جيبه انطاهيا ودخل لغرفته عافني يمه تقرب وكف كبالي

عمر:  مشتاقلج يحلوه

غسق:  خلييك بعيد لا تتقرب احسلك احس گلبي راح يطلع من صدري عيوني مدمعه ومصدومه من خليل

عمر:  شسوين ترجعين تضربيني

غسق:  شتريد مني انتتت
اشر على راسه

عمر:  دخلتي اهنااا عجبتيني والصراحه اني ماكدر اخلي شي بنفسي

غسق:  بلعت ريكي اصرخ الم عليك العالم والله ابتعدددد مني احسنلك ابتسم صفح

عمر:  حتئ عصبيتج حلوه

غسق:  لزمني من زندي

عمر:  نصعد فوك اريحلنه اخوج هسه تلكي مخمود مو بحال احد

غسق:  سحبت نفسي عووووفني عووووف ايدددي
خلييييييل
سحلني سحل علدرجات هوه يسحبني واني اسحب نفسي فحطت من البچي

عمر:  كااافي لا تخربين مزااااجي وتخليني ائذييييج

غسق:  حباب وخررر بداعت اااامك عووووفنيييي
شمرني بلكاع نزع تشيرته وهجم عليه راد يفتج الصدريه ماخليته لزمها شكها دفعت ايده وخرررررر عوووفنييييي ساااااعدوووني

عمر:  كااافي اثبتييي

غسق:  بقيت ارفس برجليه خليييييلل حباب تعاااال اني اختتتتك خليييل بقى يبوس برگبتي اذاااني ومتقزززه منه حيل متقزززه عوفنيي حبااب عوفنيييي
حررام عليييك غمضت عيوني وحسيت شي ثكيل وكع عليه فتحت عيني بخوف شفته واكع عليه لا يحرك ايد ولا رجل دفعته باوعت خليل لازم توثيه جبيره صوتي مبحوح حتى ماكدر احجي كمت بسرعه طلعت وصار ارشد بوجهي شافني طبگ حواجبه باوعلي من فوك ليجوه استحيت من نظرااته طبگت القميص استر نفسي
مصدوم بحالتي بقئ صافن سمعت صووت رائد وراء
مشافني لان رجعت ضميت نفسي بلغرفه

رائد:  ها بشرر لكيتها

ارشد:  اطلع منااااا

رائد:  شبييييك وين اطلع لكيتها لو نرجع

ارشد:  اطلع بررره انتضرني بسياره

غسق: دخل للغرفه شاف عمر بلكاع وخليل واكف صافن احسه مو بوعيه تقرب ارشد  لزم ايدي

ارشد:  شنووو هاي حااالتج شصااايرررر

غسق:  ماااحجيت شي بس ضليت ابجي مصدومه وحتى صوتي مديطلع

ارشد:  جاااااوبيني احجيييي لا تخليني ادفنج اهنااااا احجييي

غسق:  لزمتني شهگه عافني وراح على خليل لزمه ضربه زوعه العافيه وهوه حتى مادافع على نفسه رفس عمر برجله ولزم ركبته

ارشد:  عااار مايصيرله شي

غسق:  تقرب مني وعيونه تجدح

ارشد:  تحجيييييين لو اكسرججج وادفنج بصفهم شسوووالج

غسق:  همست بصوت مبحوح ماسوه شي تقرب مني اكثر لزمني من شعري وقربني يم المرايا

ارشد: لعددددد هذه صخاااام وجهج شنوووووو

غسق:  باوعت ركبتي كلها اثار ماسوه شي والله ماسووه حباب طلعني منا واحجيلك كلشي والله بلكوه حجيت راح للكنتور لكا فارغ نزلنا جوه شاف جرجف على القنفه سحبه وشمره عليه

ارشد:  لفييي نفسج علما اجي

غسق:  وين رايح باوعلي صفح وطلع بدون مايجاوبني عيني علدرج اخاف ينزل بقيت كاعده سمعت صوتهم بره عالي تقربت يم باب المطبخ

رائد:  داكلك ماااروح لا تعاااند

ارشد:  رائد اخذ سيارتك وتووووكل يلا حبيبي وغطي على غيااابي بلبيت

رائد: ليش مااا انت تروح مرتك منتضرتك وراح تلاحظ غيبتكم سوه وتسويلك عرس على الاقل اني رجال خالي مختلي ماعندي شي

غسق:  ابتعدت كعدت على الكرسي ولازمه الجرجف باثنين ايديه وجسمي يرجف دخل ارشد

ارشد:  كووومي يلا

غسق: كمت طلعنه شفت رائد واكف يم سيارته من شافنه ذب الجكاره وبقى يباوع عليه ورجع باوع على ارشد اشرله بمعنى ولا كلمه ركبت السياره وخليت راسي على الجامه بتعب ودموعي ينزلن خجلانه كلش خجلانه من نفسي ومن الموقف النحطيت بي كدام ثنين شباب غربه امنيتي بهلحظه الكاع تنشك وتبلعني
وكف السياره يم بيت صغير

ارشد:  ارجع رائد

رائد:  مارجع علما افتهم السالفه شديصيرر

ارشد:  مايخصك شديصير ارجع ولا تلغي زايد

غسق:  نزل وركع باب السياره فتح الباب اليمي
نتر بيه

ارشد:  انزززلي وانت توكل

رائد:  كتلك ما اخطي خطوه منا الا رجلي على رجلك وافتهم الديصير

غسق:  نزلت والخجل ماخذ مني حتى ماكدر ارفع راسي واباوع بوجهم دخلنه جوه كعدت على القنفه ارشد كعد كبالي ورائد بقى واكف

ارشد:  متاااذيه اخذج لدكتوور

غسق:  ماحجيت شي بس دموعي ينزلن جمر على خدي

ارشد:  داحجييييي ويااااج جاوبيني لا تخبلينيييي احجييييي

رائد:  ارررشد شبيييك شوف البنيه دترجف من الخوف وانت تصيح عليها

ارشد:  لاااا تدخل انتتتت اطللللع منا اطلع

رائد:  تخبببلتتتت موووو هيج تررره مدتحققق ويا مجرم عندككك

ارشد:  لك عمها مخلييييهاااا امانه عنددددي من يرجع ويااااخذها شكله صخااااام وجهههه راااائد ممفتهم شي اطلللع منااااا اطلععع

غسق:  صار مدافع بيناتهم وصوت شهگتي مكدرت اسيطر عليها ارشد دفع رائد بره وقفل الباب رجع كعد كبالي  ورث جكارته وبقى يباوعلي بتركيز دنجت راسي ليش انحط بهيج مواقف دگ موبايله رفضه وركعه علئ الطبله

ارشد: احججيييي لا تخليني اسحب الحجاااايه منج

غسق: شش شحجي

ارشد:  شااااخذج لبييييت السگط اخوووووج موووو محذرج ماتوصليييين اهناك مووو عمج محذرررج شكووو هلعناااد هذه

غسق: اااا اني مم مارحت هوه اجه للمدرسه اخذني

ارشد:  اخذذج يبيعج لعمر علمود الزقنبووووت مالته موووو؟

غسق: سكتت ماحجيت شحجي ؟

ارشد:  استغفر الله ربي استغفر الله سووالج شيي لج ريحيني لا تسكتين احجي شصخم وجهي يم عمج

غسق: مسحت دموعي وهزيت راسي لا مكدرت احجي خجلانه منه

ارشد:  مايصرفلي هلحجي

غسق:  راح لوحده من الغرف جاب صايه وحجاب شمرهن يمي

ارشد: لبسييي منتضرج بررره

غسق: وين ماخذني

ارشد:  بعدين تعرفين

غسق:  عافني وطلع رحت للحمام غسلت وجهي باوعت بلمرايه رگبتي كلها طكع خدي بي اثر عضه مكدرت اكتم شهگتي
سمعت صوته

ارشد:  استعجليييي

غسق:  كل ضني ياخذني لبيتهم يم امه محتاجه احد احضنه اشكيله لبست ولفيت حجابي شفته كاعد بلمطبخ يدخن طلعنه رائد مموجود ركبنه السياره ماحجه ولا حرف بس جكاره وره جكاره وكف يم مستشفى اهليه
بلعت ريكي ليش جايبني اهنا

ارشد:  الدكتوره تشووفج

غسق:  من كللل عقلك مااا انزل كتلك مااابيه شي مااابيه ماتقرب والله نتر بيه

ارشد:  موووور بكيفج تنزلين غصب عنج لوووو احجي كلشي لعمج هوه يتصرررف؟

غسق: وينه عمي؟ لوووو عندي عم زييين مجاان وكعت بيد خليل هيج يسوي بيه ولا وكعت بيد الغربه يمرمطون بحااالي لوووو اختك تجيبها لدكتوور

ارشد:  لو اختي اخسر بيها طلقه وماخسر بيها دكتور

غسق:  نزلت دخلنه جوه حجز بقينه ننتضر سرانا والخوف ماكلني جسمي كله يرجف رغم مو بارده  صاحو بأسمي كمت دخلت بقئ كاعد بره
الدكتوره شافت حالتي ودموعي اشرتلي اكعد

دكتوره: كعدي ماما شبيج

غسق: ماحجيت شي بس دموعي هيه تحجي كلشي

دكتوره:  احجيلي بنتي ليش هلدموع متزوجه انتي

غسق:  لا

دكتوره:  لعد شبيج

غسق:  ماحجيت شي كومتني مبين ارشد حاجيلها لان عرفت جايه على الفحص

كتبت ورقه وصاحته كرهته اضعاف كرهي اله اجه كعد وعيونه عليه عفتهم وطلعت ماردت اسمع اي حجايه احس روحي مخنوكه شويه وطلع ورايه رجعنه لنفس البيت

ارشد:  اتقربي اكلي لكمه وروحي ارتاحي

غسق: مجاوبته عفته ودخلت للغرفه احس روحي تريد تطلع شمرت الحجاب بقيت بلصايه تمددتت تذكرت الصار گرفصت علئ نفسي وبعد ماحسيت علنفسي شلون نمت مادري شكد مر الوكت كعدت عيوني ثكييله وجسمي يرجف حلكي يابس بلكوه كمت من الفراش سندت نفسي على الحايط وطلعت شفته متمدد علئ القنفه دخلت للمطبخ جسمي يرجف احس بي قالب ثلج شربت شويه ماي والكلاص وكع من ايدي عفته يباوع مره عليه ومره على الكاع رجعت للغرفه كعدت علسرير
لكيت بطانيه سحبتها وتغطيت بيها وبعد محسيت على شي
فتحت عيوني بتعب لكيت ارشد فوك راسي يتصل من شافني باوعلي وشمر الموبايل

ارشد:  الحمدالله عسلامه يابه

غسق:  ماحجيت شي لابسه دشداشه واني متاكده جنت لابسه صايه باوعتله اا ني جنت لابسه صايه

ارشد:  صارلج يومين مريضه ونايمه محاسه علئ شي

غسق:  كتلك منووو غير ملابسي باوعلي صفح

ارشد:  جبت الوالده

غسق:  همست اطلع برره
ماحجه شي عافني وطلع كمت شفت نفسي خاله مغيره بس الصايه جريت نفس معقوله صارلي يومين نايمه كمت فتحت الكنتور اخذت ترااك ومنشفه احس روحي مدبگه وماعرف امشي بدشداشه احسها تلف علئ رجليه دخلت للحمام سبحت بماي شبهه حاار جسمي متكسر  خلصت لفيت للمنشفه علئ راسي وطلعت كاعد يدخن وكدامه علاليك

ارشد:  تعاي اكلي

غسق:  باوعتله بحقد مجوعانه

ارشد:  علمود العلاج سندي نفسج

غسق:  مجاوبته ولا طايقه اجاوبه عفته ورحت للغرفه
كعدت مشطت شعري ودموعي تنزل كلما اتذكر الصار وياي احسه جان كاابوس وصحيت منه جريت نفس مسحت دموعي لفيت شعري انسي الصار غسق انسي علمود تعيشين ندكت الباب فتحها بدون ما احجي

ارشد:  انه طالع لليل يلا ارجع الباب لا تفتحي لاحد واكل بلمطبخ اذا جعتي

غسق:  ماحجيت شي

ارشد:  سمعتيييني

غسق:  اي

ارشد:  كومي قفلي البيبان ورايه ومثل ماكتلج الباب ماتفتحب لمخلوق

غسق: كمت وراء بتعب طلع قفلت البيبان طلعت الاكل اكلت شويه ورجعت للغرفه نمت ماحسيت الا على دكه الباب بقوه طفرت من مكاني فتحته دخل معصب

ارشد:  صاار ساعه ادك بلباااب

غسق:  جنت نايمه

ارشد:  شلون صرتي؟

غسق:  احسن عفته ومشيت وصلت لباب المطبخ

ارشد:  اخذتي علاجج

غسق:  لا

ارشد:  اخذي ورجعي نامي وجهج ذبلان وضعج معاجبني باجر حضري روحج اخذج للدكتور

غسق: ماكو داعي ارتاح شويه اصير زينه

ارشد:  اخذي علاجج ورجعي نامي

غسق: اخذت ماي وراح يم الكاونتر طلع علاجات انطاني اخذتهم ورجعت للغرفه قفلتها وتمددت ماكدر شبعانه نوم جريت نفس بتعب اندكت الباب غلست منه علما راح بقيت اتكلب وكلما اتذكر الصار وياي دمعتي تنزل من وحدها حتى عمو علاء كرهته يدري عمو مطايقني وخليل مو كفو ليش خلاني عدهم وسافر
بقيت اكل بروحي والوم الكل على اليصير وياي علما نمت حلمت راجعه للبيت يم خليل وهم شفت عمر ضحك نفس الضحكه الخبيثه وتقرب مني اريد اصيح اريد احجي احس بلعومي مجرح وصوتي مايطلع فزيت على شي بارد انذب بوجهي كعدت بلكوه اتنفس

ارشد:  اهدئي حلم

غسق: ماايجوز مني مايخليني

ارشد:  منو؟ ؟

غسق:  باوعت عليه اريد ماما

ارشد:  اترحميلها موزين هيج تسووين تاذين نفسج وتاذيها اتصل بعمج تحجين ويا؟

غسق:  لا مااريد اكرهم كلهم اكرهم

ارشد:  اخذج للبيت يم الوالده احجي شنو اليريحج

غسق:  الموت
فرگ وجه ورجع باوعلي

ارشد:  زين احجيلي علمود ترتاحين وتطلع الطاقه السلبيه منج

غسق:  اني ليش يمك؟
مو المفروض هسه اني بنص عمامي وعوائلهم او بيت اخويه معززه مكرمه؟ 
مو المفروض حالي حال اي بنيه بنص عائلتها ليش مخلين الغربه يبتلون بيه لييييش

ارشد:  احنه هم اهلج ليش حاسبتنه غربه

غسق:  موو اهلييي انت عندك عائلتك وزوجتك كاعد اهنا مكابلني ليشش لووو عندك اخت تخليها تروح لبيت ناس غربه يابه شنو انت تريد تحصل اقامه والثاني لا هوه يريدني ولا زوجته واخويه انت ادره بي اكثر مني

ارشد: علاء حاول اكثر من مره يجي بس زوجته ماتريد ترجع هوه بقى حاير بيناتكم

غسق: حجج كلها حججج سكت ماحجه

ارشد:  نرجع باجر للبيت؟  يمكن يم الوالده ترتاحين اكثر

غسق: هزيت راسي ماريد اشوف احد واذا انت هم بعد متجي احسن

ارشد:  الوحده اتعبج اكثر

غسق:  تريحني الناس مكامت تنفهم الزين من الشين تدري شمحتاجه هسه نزلت دمعتي واني اتذكر بابا من جان يحضني ويكول احميج من الدنيا كله وابن ابو الياذيج

ارشد:  شمحتاجه يمكن اكدر اساعدج واجيبه الج

غسق:  باوعتلي والدموع تلالي بعيني محتاجه بابا اشكيله من اخوانه ومن ابنه وشكاعد يسوون بيه
متاكده يروح يطيح حضهم ماحجه شي استغفر وكعد يدخن

ارشد:  ترحميله كلنه علئ هذه الدرب

غسق:  ياريتني ميته وياهم ياريتني ميته ولا شايفه هل ايام السوده

ارشد:  حرام عليج دتعترضين علئ امر الله توكلي عليه ومايخيب ضنج والله يبرد گلبج اعرف الديصير وياج مو سهل وتحسين نفسج وحيده وماكو واحد من اهلج يمج وتحسينه غربه وهم منطيج الحق بس تذكري اكو ناس اسوء منج ومن حالتج بهواي وهم حامدين ربهم وشاكرينه وصدكيني علاء باله يمج ويوميه يخابرني يوصيني عليج بس بعد كل شخص وضروفه ماتدرين شنو ضروفه التمس لاخيك سبعين عذراً لازم تقدرين ضروف عمج وتنطي العذر تدرين كم مره صار يدك عليه ويريد يحاجيج واكله نايمه لو بلداوم

غسق:  مسحت دموعي بدون ما احجي شي محد يفهمني لو اكعد احجي منا الباجر علئ كولته يدورون لنفسهم اعذار

ارشد: اقري المعوذات وايه الكرسي ورجعي نامي
واذا تردين ابقى كاعد اهنا علما تنامين

غسق:  باوعتله لا شكراً اخذ راحتك
عافني وطلع بقيت اتگلب بفراشي احس مخنوگه احس اكو كلام بگلبي مداكدر اطلعه وحتى لو اطلعه محد يفهمني ماحسيت شلون نمت كعدت الصبح جسمي متكسر طلعت سمعت صوته بلمطبخ يحجي بلموبايل معصب رحت غسلت وجهي
طلعت من الحمام صار بوجهي

ارشد:  صباح الخير

غسق:  صباح النور

ارشد:  اكلي علمود نرجع للبيت

غسق:  مانتضرني احجي عافني ومشى
رحت للمطبخ محضر الريوك زين يعرف يسوي صبيت جاي وكعدت اكل اجه كعد كبالي
اريد ابقى اهنا وحدي ارجع انت باوعلي صفح

ارشد:  شلوون تبقين وحدج؟
من ترحين يم عمج عود عيشي وحدج

غسق:  جريت حسره وبعد ماحجيت شي وهوه موبايله ماسكت
خلصنه كمت عزلت المطبخ 

ارشد:  يلا استعجلي

غسق:  رحت لبست الصايه ولفيت الحجاب لان الاثر بعد برگبتي طلعت ديخابر وصوته واصل لسابع جار

ارشد: ريتاااااج مااااتعببيييين ماتملييين طيحتي حضي ساعة السسسوده الحبيتج بيها

غسق:  التفت شافني وراء كطع التليفون وجر السويج وباكيت الجكاير ومشى اني هم طلعت قفل البيبان ركبنه السياره النار تطلع من راسه حتئ خفت احجي شي ويطلع حرگته بيه وصلنه لباب البيت التفتلي

ارشد:  محد يدري بشي كايللهم جنتي يم صديقتج علمود عرسها وماريد احد يعرف اليسالج دكولين يم صديقتي وبس

غسق: هزيت راسي دخلنه جوه صارت بوجهنه ريتاج عيونها دم ومورمه مبين باجيه

ريتاج: ووييين جنت وييين ليش تحرك كلبي انت

ارشد:  صوووتج لا تعليي بوجهييي

غسق:  بقيت اباوع عليهم ثنينهم معصبين ومبين راح تعلك سحبت نفسي مشيت خطوتين ووجهت كلامها الي

ريتاج: ماتستحييين انتي ماتخجلييين فوك مكاعددده ابيتي حاطه عينج على رجليييي والله افگسهن الج

غسق:  التفتت مصدومه باوعت على ارشد دمارات ركبته بارزه من العصبيه حطيت عيني بعينها عقلج بي شي انتي؟ 
شبيه شناقصني حتى اخلي عيني على متزوج لا تذبين مصايبج على راسي خليها بعيد عني رادت تهجم عليه لزمها  وبقى يباوعلي بدون ردة فعل عفتهم ودخلت گبل لغرفتي ناقصني مخابيل هوه اني باقي نص عقل براسي وتريد اطيره قفلت الباب وكعدت بتعب بالله اطلع من ضيم ادخل بضيم اندكت الباب كمت فتحتها صارت بوجهي خاله ابتسمت وجه مريح للعين وللقلب تنطي طمائنينه عجيبه للمقابيل حضنتني وسلمت عليه

ام ارشد:  تعودت عليج والله

غسق: اني هم تعودت عليج خاله

ام ارشد:  فدوه لعينج بنيتي اكيد. سمعتي صياح ريتاج وكلامها الزايد لا تاخذين بخاطرج منها هيه طبعها هيج

غسق:  لا عادي خاله

ام ارشد:  لايكلج الحجاب

غسق:  عدلته برتباك وابتسمت

ام ارشد:  يلا ارتاحي شويه اروح اشوف المصيبه البره لا يذبحها من السانها

غسق:  تقصد ريتاج لان صوتها بعده عالي عافتني وطلعت ممعقوله هل بنيه دتصدمني شنو سبب تصرفاتها رجعت قفلت الباب وتمددت كلما اتذكر الصار وياي جسمي يكزبر واحوالي تتخربط حسبي الله عليك عمر خليتني اعيش برعب مرت الايام صارلي 3 ايام راجعه للبيت ماطلع من غرفتي ابد غير من اجوع اكل لكمه وارجع بسرعه اقفل الباب ريتاج وارشد يوميه صوتهم يوصل لسابع جار الافتهمته اهلها عايشين باربيل وتريد تقنعه يرحون يعيشون يمهم وهوه قافل اخر مره كللها معاجبج اركعي راسج باربع حيطان وخابري اهلج يجون ياخذوج مللتيني من حياااتي

كمت غسلت وجهي ورجعت كعدت علسرير جوعانه بس ماريد اطلع واشوف احد احس الكل يباوعلي نظرات محلوه مرت ساعه كمت طلعت من باب الاستقبال للحديقه شفت غسان يرش بلحديقه ويدندن ويا نفسه كعدت علئ الكرسي اباوع عليه دار وجهه شافني ابتسم

غسان:  عاش من شافج

غسق:  عدلت الحجاب جاوبته ببتسامه مو لهل درجه ماغبت سنه تره

غسان:  شو ذبلانه والوجه صاير اصبعين بيج شي؟

غسق: ارتبكت حسيته يعرف نترت بوجهه انتتت شعليك ليييش تسأل فتح عيونه مصدوم

غسان:  مقصدي شي بس عبالي مريضه

غسق: عفته ومشيت صاحني. بس ماهتميت نزلت دموعي شديصير مداعرف نفسي وين اني  دخلت جوه صار بوجهي ارشد

ارشد: ليش تبجين شبيج؟

غسق: معلييييك ضغطت على الكلمه عفته ودخلت للغرفه شعليهم همه شعليهممم اني شبييه مايخصهممم لييييش يسألون اهلي همه لا كرايبي لا عمامي لاااا
مااالهم حق يسألون
كعدت ابجي مهضومه من حالتي مهضومه من اهلي
شخصيتي صايره عنيفه اتهجم  على المقابل بدون ما افهم شيقصد حتى لو يحاجيني حجايه مدح عقلي يفسرها ذم لليل كاعده بلغرفه اتصفن بلحيطان اندكت الباب دخلت خاله

ام ارشد: همزين كاعده عبالي نايمه كومي نتعشه بدون اي اعذار يلا

غسق:  شلون افهم المقابيل اريد ابقى وحدي ماريد اختلط واشوف نظرات الشفقه بعيونهم
مجوعانه خاله كعدت بصفي لزمت ايدي

ام ارشد: شبيج  امي شوفي حالتج وكلما اجيب طاري الاكل يمج دكولين مجوعانه اجيتينه مليانه صفيتي جلد وعظم احجيلي شصاير وياج بعدج زعلانه من حجايه عمج تره والله وداعت ولدي ميقصد شي وماعنده گلب واذا يرضيج هسه اخلي يعتذر منج

غسق:  ابتسمت لا خاله والله بس اني احس روحي تعبانه محد مضوجني ولا ضايجه من كلام عمو

ام ارشد:  اذا هيج يلا كومي ناكل لكمه سوه

غسق:  لزمت ايدي وسحبتني طلعت وياها الكل مجتمع
كعدت بصف خاله

ابو ارشد: مختفيه بابا  غسق بيج شي شو حتى لدوام مترحين

غسق: بلعت ريكي اي عمو تعبانه شويه

ابو ارشد:  اخذج لدكتور

غسق:  افرگ بايدي واحاول اشتت عيوني لاتسلم ماكو داعي شويه صداع من ضغط الدراس هلفتره مداروح للدوام علمود ارتاح

ابو ارشد:  الله يسهلج ويوفقج

غسق: تشكرت منه بقيت منزله راسي على الماعون واحس روحي راح اغص بلاكل
مادري شديصير وياي احس حجاره على صدري
التفكير كتلني محد ديفهمني محد بحالي ممرتاحه اهنا اريد اكون بنص اهلي كرايبي هذه مو مكاني

رائد: يمه خابرني احمد

ام ارشد:  يا احمد

رائد:  ابن خاله سناء

ام ارشد:  شمذكره بينه وشدراء انت راجع

رائد:  والله مادري بس كال احتمال هل اسبوع يجون يمنا

ام ارشد:  هلا بيهم

ارشد:  وشعدهم جايين عينهم كوويه

ام ارشد: ميخالف يمه مهمها يصير تبقى اختي

ارشد:  يمه يرحم والديييج يا اخت ماتتذكرين شسووت بينه الا شويه ويصير مذابح من وراها

ام ارشد:  شسوي يمه قابل اطردها وهيه تجي خطار يوم يومين

ابو ارشد:  اي يابه نصير احسن منهم الدنيا متسوه والصار صار وراح واحنه ولد اليوم

ارشد:  يابه اني مو علمود شي بس انت تعرفها السناء ماتكعد ولا توووب

ريتاج: حبيبي مهما يكون هيه خالتك وزحمه تحجي عليها كدام الغرب هيج

غسق:  رفعت راسي باوعتلها

ام ارشد:  منو الغريب؟ ماكو داعي لهذه حجيج ريتاج غسق حسبة بنيتنه

غسق:  بلعت ريك سفره دايمه اترخص

ارشد: كعديي كملي اكلج

غسق:  شبعت عفتهم ورحت للغرفه قفلت الباب تمددت وغمضت عيني معقوله عمو ماسمع بلصار وشسوه خليل بيه
فزيت من صفنتي علئ صوت هوسه برره بلبدايه ماهتميت بس الصوت ديعلى اكثر وكفت يم الباب اسمع صوت ارشد

ارشد:  ليييسش تچفصييين ابطني انتيي تااالي يلكائنات تالي وييياج بس فهميييني

ابو ارشد:  كافيي ارشد احترررم ونزل صوووتك

ارشد:  طلعت انه المامحترم شوووفلي صرررفه وياااها قبل لا اسگطها والعبااس

ريتاج:  شوووف عموووو شووف شووون يحجي عليه علمووودها

ارشد:  لج لا تخبليييني يا علمودها طاح حظج وحظها وحظ كل بنيه كرهتيني بشكو بنيه اسلووووبج ينرفزني اسلوووبج يخليني اطلع من طوووري جررري عدددل يا بنت الناااااس

غسق:  سمعت الباب انطبگت يمكن طلع

ريتاج: شفتتته عموو شلوون يحاجينييي والله لو ما احبه دقيقه وحده ما اكعد يمه شحجيييت انيي شكلت
علمووود وحده غررريبه يرزلني بهلطريقه لييش ترضاااها عمي

ام ارشد: انتي حجاياتج سم وتذبيهن وتالي دكولين مامسويه شيي احنه دنسوولف شكووو دخلتي هلمسكينه وسويتليها اللگمه زقنبوت

ريتاج: عمه انتي دوم تخليين الغلط بيه مااايوم وكفتي وياي

ام ارشد:  انه ويا الحق وانتي هسه غلطتي حاطه كورتج بكوره هلمسكينه عليش ماكله حلالج وماندري

ابو ارشد:  كاافي لا تفتحون هلسالفه بعدد وانتي يابه ريتاج بنيتي ابتعدي من البت ومالج شغل بيهااا خطاار علئ يا ساعه ترجع لهلها زحمه نطلع بسوواد الوجهه

يتبع<>
للكاتبه: ود الباشا

تعبان
مثل الهوه
بس  يمشي  ماراكد ..
ونعسان
مثل الضوه
كل عمره ضل گاعد !