رواية شوگ و ورد الفصل السابع والأربعون 47 - بقلم wad. al.Basha

للكاتبه: ود الباشا

برداً وسلاماً على عراقنا الحبيب

‏"والأمر يشبه أن يفيض كل ما في داخلك، والصمت ظاهر عليك، والأسى كل الأسى في قلبك."

مهاب: شصاير بينج وبين ام قادر وشكايلتلها؟

غسق: بلعت ريگي شحجتلك

مهاب: انه اساالج شصاير لا تردين عليه بسؤال

غسق: حجيتله كلشي هز راسه

مهاب: يعني انتي مكايلتلها انه كاتله اخوجن وراح يجيجن السره؟

غسق: اشرت على نفسي اني هيج حاجيه هز راسه بمعنى اي لا والله مكايله هيج واني وين اعرف اخوهن وشوكت كاتلته علمود اكتلهن الهم وبعدين هن منو الاكتلهم

مهاب: هي والوالده

غسق: من كل عقلها هيج تحجي اني شلون احجي هيج شي وبعدين اني اكثر من مره كتلكم الرجال الماات ماعرفه مجرد ردت اسعفه ليش تتهموني بي
فرك وجه

مهاب: المشكله هم مايعرفون انتي نفسج الاسعفتي والاشتكينا عليج لأن مشايفيج هي شمدريها

غسق: باوعتله مصدرمه يعني قصدك اني حاجيتلها وكلامها صح

مهاب: ماكلت هيج

غسق: بس هذه هو معنى كلامك كمت وكفت حجيت بعصبيه فعلاً احترك دمي واجهني وياها

مهاب: كعدي انه مصدكج ومامجذبج

غسق: لعد شنو قصدك بكلامك

مهاب: مادري انه هم دخت منو هذه الكايللهم انه راح اعرف لا يضل بالج

غسق: ابتسم وسحبني لحضنه باس راسي واخذ نفس

مهاب: افيش يا ريحه هلي لو تعرفين شكد احبج شو باعيلي

غسق: رفع راسي اجت عيني بعينه

مهاب: لا تفكرين بشي انه بس ردت اتاكد منج

غسق: هزيت راسي مصار شي

مهاب: كومي بدلي نطلع

غسق: تاخر الوكت خليها غير مره

مهاب: كوومي يا بعد ضلوعي انه هم ضايج وجوعان ناكل شي ونرجع

غسق: كمت لبست صايه وشمرت الحجاب شمر بدوت ما الفه لأن بس بسياره ماننزل
نزلت صارت كبالي امه خزرتني ماهتميت طلعت للكراج شفته واكف يدخن شافني شمر الجكاره وداس عليها تقرب مني باوعلي من فوك ليجوه
لزم الشاا سحبه غطه شعري الطالع شوي منه وجاب الطرف الثاني هم شمره على جتفي ابتسم

مهاب: شسوي بيج اضمج بين ضلوعي والله انه لو اكعد اشكر ربي ليل نهار هم قليل لأن خلاج من قسمتي

غسق: ابتسمت حسيت كلامه فعلاً طالع من كلبه بس اني انلجمت من ارشد والخوف لهسه بيه ماكدر بسهوله اصدگه لزم ايدي ركبنا السياره كل شوي يباوعلي ويرجع يسرق وصلنا لمطعم

مهاب: ننزل؟

غسق: لا بسياره احسن

مهاب: اي انه هم كلت اجيبلج على ذوقي لو تردين خبز العباس

غسق: ههههههههه على ذوقك نشوف شتجيب اشر على عيونه وراح بقيت اباوع علسياره مرتبه ونضيفه حتي عطرها طيب فتحت الچكمچه ابحوش بيها فضول

بيها دفاتر وارقام وبضاعه لفلان وعلان رجعته لمكانه شفت نفس الجيس الصغير البلكنتور هم حبوب صفنت عليهن شنو ذن ليش عنده بكثره منهن رجعتهم وسديته بقت فكره تجيبني وفكره تاخذني والمشكله ممكتوب شي عليهن علمود اعرف شنو هنه
اجه كعد انطاني علاگه الاكل

مهاب: نرجع للبيت ناكل جبت مندي وكنتاكي هم كلت اخاف ميعجبج

غسق: لا عادي اكل حجيتها بشرود

مهاب: هسه جنه لطيفين وشحلاتنه شبيج

غسق: باوعتله اسألك بس تجاوبني بصراحه شغل السياره وباوعلي

مهاب: اسألي شعندي اجذب عليج يعني

غسق: لا مو قصدي اتجذب بس مثل كل مره تتهرب من السوأل

مهاب: احجي قلقتيني تره

غسق: فتحت الچگمچه طلعت الجيس بقى يباوع عليه
ابتسم

مهاب: خوش تفتشين

غسق: مافتشت بس شفت عندك منه بلبيت هم ودائماً اشوفك تاخذ منه مال شنو هذه وليش ممكتوب عليه شي حرگ السياره واني اباوع عليه اريد اشوفه يتوتر او شي بس ماكو هادى

مهاب: عندي شقيقه ودائماً راسي ياذيني لهل سبب وين اخليهن وياي وين ماروح

غسق: زين ليش هيج ليش مو علبه او شريط حتى كتابه مامكتوب عليه

مهاب: من اروح لدكتور اسأله الج حبيبي ليش مدوخه نفسج بهلسوالف

غسق: فضول لأن مشايفه هيج علاج الاعرفه لو علبه لو شريط

مهاب: كلشي اكو عوفج من هلموضوع
شرايج نطلع هل اسبوع للشمال

غسق: ماعندك شغل

مهاب: لا

غسق: مادري براحتك

مهاب: اضبط اموري وانطيج خبر

غسق: رجعنا للبيت صعدت فوك ذبيت الصايه رتبت الاكل دخل غير ملابسه وكعد كعدت كباله ابتسم كملنا اكل نزلت خليت الباقي جوه غسلت ورجعت للغرفه فتحت الباب شفته واكف يم الكنتو من شافني سد الباب وراح شرب ماي عرفت اخذ حبايه راسك يوجعك هز راسه بمعنى اي وتقرب مني باسني بلهفه ابتعد باس عيوني

مهاب: عليتي كلبي ومحمد

غسق: ليش

مهاب: بحبج يا بعدهم كلهم

غسق: سحبني من ايدي كعدني على رجله

مهاب: اليوم اتصلت بيج ام مسره

غسق: بيها شي

مهاب: لا تسأل عليج باجر اجيبلج جهاز وخط جديد

غسق: شلونها ابتسم

مهاب: بخير مبين تحبيها

غسق: متتخيل شلون وكفتلي بايامي الصعبه لو ماهي جان نمت بلشوارع وحتى غسان ومسره هم مادري شلون اجازيهم طبگ حواجبه وهو بلعب بشعري ممرتاحه بكعدتي ردت اكوم رجعني

مهاب: ولت راحت لا تفكرين بيها

غسق: خله راسه برگبتي ياخذ نفس قوي ويرجع يطلعه

مهاب: اياام اتحسر على هلريحه انه شلون جنت متحمل مادري بقدرة قادر

غسق: سحبني اله بس هلمره عضني صرخت لزم حلگي

مهاب: بنت الاوادم فضحتينا

غسق: اذيتنييي ليش تعض

مهاب: هههههههه لو بيدي اسويج لگمه واكلج

غسق: بقيت اباوعله متوجعه وهو مبتسم

مهاب: تعاي ماعيدها

غسق: ماااجي اريد انام

مهاب: لازم اطنكرين مابيها مجال

غسق: تمددت على السرير اجه شمر نفسه عظامي كلها طكت اختنكت والله مهااب راح للجه الثاني واخذني الحظنه

مهاب: بربوكه وتتبربك عليه شلووون بگلبي شسويله وهو يركص ويا كل حرگه منج

غسق: هذه مو كلب فيفي عبدو
حجيتها وطكها ضحكه بصوت عالي لزمت حلگه الناااس نايمه والله شهرتنه گلب نفسه صار فوگي
بقى يبوسني بلهفه اني ممتقبلته ليهسه بس مجبوره اسكت ومتاكده يجي يوم اتقبله واحبه مثل ماهو يحبني كام باس راسي وراح للحمام
دگ جهازه باوعت ساعه ب 3 بليل استغربت شفت الاسم ابو سوده
لازمه جهازه وفتح الباب بقى يباوعلي مقلص عينه نظراته بهلطريقه تخوف صارله ساعه يدك ابو سوده
تقرب بخطوات ثكيله سحبه مني وراح كعد على قنفه
جاوبه

مهاب: انام ساعتين واجيك ماكدر هسه

غسق: بقى ساكت شوي ورجع حجه

مهاب: اي هاهي بلسته انه يمك نتشاوف وبعدين نتفاهم

غسق: كطعه وشمر الجهاز على الطبله وكعد يدخن
متنام مجاوبني عفته ورحت للحمام راح يخبلني والله
خلصت طلعت رجعت للغرفه بعده كاعد نفس الكعده ويدخن دخلت وسديت الباب وهو مامنتبهه صرت كدام. المرايه امشط التفت عليه مهاب باوعلي عيونه حمر بيك شي

مهاب: اي تعاي

غسق: بلعت ريك وتقربت منه هلمره كعدني بصفه ولف ايده على ركبتي حاظني

مهاب: لا تبحوشين ورايه غسق اتعبين وتعبيني خلينا هيج

غسق: مامبحوشه تره موبايلك دك و بعدني ممكمله كاطعني

مهاب: المهم مثل ماكتلج لا تعبينا خلينا هيج

غسق: ليش تتعب مفتهمت وشعندك يعني

مهاب: ماعندي بس اكلج لا تعبين نفسج وتعبيني هذه الشك شيلي من راسج

غسق: اخذ المشط مني ودارني بقى يمشطلي اول مره احد يسويها من سنين اول مره احد يحسسني بهلحساس اخر وحده ماما مشطتني نزلت دموعي لا اردياً مسحتهم وهو مستمر يمشط على كيفه خلص كام رجع المشط بمكانه وسحب ايدي تمدد علسرير وخلاني بحضنه شوي وثكلت انفاسنه ثنينه ماحسيت غير ساعه ب 11 الصبح كعدت مالكيته غيرت ملابسي ونزلت بسرعه صارت بوجهي خاله

ام مهاب: بعد وكت جان انتضرتي يصير الغده وتنزلين

غسق: اعتذر اخذتني نومه

ام مهاب: حقج اذا الليل كله ضحكج واصل لسابع جار دكول مو بيت استغفر الله

غسق: عفتها ادردم ورحت للمطبخ مالكيت غفران غسلت الامواعين الموجوده خلصت نضفت البيت والكراج نفتحت الباب دخلت ام قادر هي وعبايتها الطايره مبينه شرانيه سبحان الله
باوعتلي بخزره وراحت يم اختها خلصت شغلي دخل مراد

مراد: الله يساعدهم

غسق: ابتسمت ويساعدك

مراد: وين الجماعه

غسق: خاله جوه بس غفران مادري بيها وين

مراد: تلكيها طالعه ويا صديقتها

غسق: حجاها وراح للصاله نشفت ايدي ودخلت للصاله علمود اصعد فوك غمتني ام قادر هاي شبيها صدك تحجي

ام قادر: فوك ما مطلگه تكعد الضهااري هم والله لو عندي اعرف شغلي ويااج

مراد: خاااله شنووو لزوم هلكلام

ام قادر: لا دااافعلهااا تره حاطه عله هلكبررر على گلبي
قاتلله ام الزلم

غسق: عفتها وصعدت مجاوبتها مراد ورايه يسكت بيها مراضي على كلامها بقيت بلغرفه نضفتها صليت غيرت ملابسي وكعدت العب بوجهي مهاب تاخر صارت ب 4 وهو ماكو
اكيد هسه غفران راجعه رحت لغرفتها دكيت الباب دخلت البيت وحشه بدونج

غفران: غير اني ماحجي وانتو ماتقدرون وجودي

غسق: والله اني مقدره واحبج وفقدتج كلش بهل كم ساعه

غفران: يا حبيبتي فدوه اروح شعجب يمي مهابج وين

غسق: مادري اجيت اخابره منج شو تاخر جهازي خربان

غفران: ذاك على الميز جيبي

غسق: انطيته الها دكيت عليه مرتين مجاوبني بقيت ادك جاوبني بعصبيه

مهاب: زربااان شكووو لحيتتتي

غسق: مو قصدي بس ضل بالي تاخرت

مهاب: غسق عبالي سوالف غفران ساعه وارجع حبيبي لا يضل بالج

غسق: مم خوش كطعته منه صافنه يمه هوسه وصوت زلم يحجون بصوت عالي

غفران: نحنووو هنا وين صفنتي

غسق: لا هيج اخاف تردين تنامين زاحمتج

غفران: لا عيني يا نوم كاعده وبعدني ممتغديه

غسق: نتغده سوه

غفران: اي يلا

غسق: نزلنا حمينه الاكل وكعدنا ناكل
ونسولف

غفران: اكول شو ناترحين لعمامج شعجب

غسق: مو هنا مسافرين بقت تباوعلي بشك كلش نقهرت كملتها خالتها دخلت كعدت كدامي

ام قادر: خووش ملفين الكح.... المجرمات

غفران: ياهنه ذني المجرمات اخاف حلمانه ام قادر

غسق: بقت تباوع عليه خازرتني هزيت راسي بمعنى شكوو دخل مهاب سلمت وراحت تقرب باس راسي بي ريحه غريبه اصبلك اكل

مهاب: لا تعبان اريد انام

غسق: سحب ايدي ومشى صعدنا فوك نزع ملابسه وهو يباوعلي

مهاب: احجي شبيج

غسق: بلعت ريگ بيك ريحه غريبه

مهاب: تعبت وعرگت اكيد تصير بيه ريحه هسه ادخل اسبح

غسق: اخذ المنشفه وطلع حتى مشيته غريبه رجع ينشف براسه شمر المنشفه وتمدد اشرلي علئ اييده
ليش متاكل

مهاب: اكلت بره

غسق: شوي وثكلت انفاسه بقيت اتكلب مجايني نوم كمت على كيفي شفت موبايله يضوي مخلي صامت
نفس الشخص ابو سوده اخذت الموبايل واني اباوع عليه ايدي ترجف فتحت الخط خليته على اذني

ابو سوده: لك كو... وين رحت خليتني بوجه المدفع هي بضاعتي لو بضاعتك فوكاها يطوطح من السم الشربه ابن الزفره

غسق: كطعته بوجه شهگت ورجعت ليوره. كعدت على القنفه اباوع عليه نايم محاس بشي
بقيت على كعدتي علما اذن كمت صليت ودمعتي بخدي نزلت ساعدت غفران بلعشا هي تحجي وياي واني بغير عالم

غفران: شبيييج راح تخبليني صار ساعه احجي وياج

غسق: شنو شكلتي

غفران: لا سلامتج مهاب ماخذ عقلج ماباقي براسج عقل

غسق: لا بس ماسمعتج هزت راسها بدون ما تحجي
خلصنا
انتضرنا يتجمعون علمود نصب

غفران: شو مهاب ماكو

غسق: نايم

غفران: كعدي ينزل يتعشى

غسق: اي رايحه صعدت شفت نايم على بطنه وشعر متبعثر كعدت بطرف السرير اكعد بي ماكو شويه وفتح عينه على النص باوعلي سحبني ورجع نام متتعشى

مهاب: مجوعان

غسق: كوم بعد غوربت موزين التفت عليه خربطت شعره ابتسم

مهاب: تحارشين

غسق: لا بس كوم بعد اكل عمي اذا مايشوفك يضوج
كعد تربع سحب جهازه باوع

مهاب: شنو هل اتصالات خرب يومكم

غسق: طبگ حواجبه باوعلي ورجع باوع لجهازه اتصل برقم حجه وهو يباوع عليه

مهاب: اشبيك ابن الكو... داز رسايل تغلط بيها

غسق: بلعت ريكي كمت اطلع سحبني رجعني لمكاني وهو يحجي ويا الطرف الثاني

مهاب: مادري انه نايم احتمال فتحته عليك ومادري بنفسي لاا تلح كتلك عود امرلكم ساعه بلوحده او 12

غسق: سده منه وهو يباوع عليه

مهاب: عندج شي تحجيليا

غسق: لا

مهاب: متاكده

غسق: اي هز راسه وكام طلع اجه شعره ينگط ماي اخذ المنشفه نشفه وهو نظراته عليه ارتبكت اروح اساعد غفران

مهاب: كعدي خليها بعد وكت مايتعشون هسه

غسق: رجعت كعدت وهو عيونه عليه

مهاب: من جنت نايم هم شفتي جهازي يدگ؟

غسق: بلعت ريگ ماحجيت شي اجه كعد يمي رفع راسي ركز بعيوني

مهاب: احجي جاوبيني انتي راده عليه جهاازي

غسق: كمت وكفت افرك بايدي هواي دك فتحته بس ماحجيت فرگ كصته وسحب خشمه كام تقرب مني

مهاب: منو جان المتصل؟

غسق: مكتوب ابو سوده اني حجيت هيج وضربني راجدي رجع لزم شعري

مهاب: شنبهتتتتج انه شكلتتتت انتي ناوووويه تموتينييي بنت الچلاب شكو تردين اذا شفتي اسم صاااحبي علييييش تردين

غسق: سحبت نفسي منه بقى واكف يباوعلي عيونه ناطه حمر رفع اصبعه بوجهي بتهديد

مهاب: ومحمد مره ثاااانيه تعيديها ادفنج بمكااانج

غسق: سكتت منه اندكت باب الغرفه باوعلي مخنزر
فتح الباب دخلت غفران

غفران: شنو هذه صياااحكم

مهاب: انتي شكو شعليج؟

عفران: مهااب حاجيني عدل وانه مميته اعوف ابوك دزني اشوفكم شبيها غسق تبجي شسويتلها

مهاب: طلعيي ماعليج

غسق: دفعها وسد الباب تقرب مني خله ايده وره راسي طبك كصته بكصتي وياخذ نفس قوي وترني فوك خوفي منه

مهاب: ليشش تاذينييي وتخليني اصير حيوان وياااج

غسق: وخرت راسي منه مسحت دموعي اني ماعرف شي عنك انت غامض مدافهم اني عايشه ويا منو احجي وهو يمرر اصبعه على خدي ويباوع عليه

مهاب: غسق ناويه تموتيني شتردين تعرفين ليش جاي تفتشين ورايه ليييش تخليني افقد عليج والله اتاااذينييي

غسق: قربني اله باس خدي

مهاب: عساها بلكسر ايدي

غسق: البارحه انت جنت شارب؟
وخرني ميل راسه يباوع عليه دمعتي بطرف عيني مهضومه من الديصيرلي

مهاب: بربوكتي منين جايبه هلحجي

غسق: هذه الخابرك كال

مهاب: معليج بي يشاقه

غسق: لا تجذب عليه خليني اعرف علمود لا انصدم بيك جر حسره خله شعري وره اذني

مهاب: بشنو تنصدمين ابويه انتي

غسق: اني ممرتاحه عض شفته عافني وكعد رجع نفسه ليوره شغل جكاره

مهاب: بشنو ممرتاحه فهميني

غسق: احس ضام شي عني

مهاب: اذا اشياء مو مهمه ليش اكعد احجيها؟

غسق: كعد كدامه شلون مو مهمه اني عايشه وياك وابسط الاشياء ماعرفها عنك انت طلعت اليوم الفجر اجيت المغرب بيك ريحه مطيبه وهاي ودكلي مشارب اني مو طفله وتقشمرني كام فرگ وجه متوتر

مهاب: تااالي وياااج

غسق: مسحت دموعي مااريد انصدم اكثر والله تعبت اني كافي تقرب مني عيونه ناطه

مهاب: لج من شنو تنصدمين لا تخبليني فوك خبالي

غسق: سكتت ماحجيت زين ليش ماتحجيليي

مهاب: شحجيللج شحجييي يعنييي تردين تسوين من المااااكو كباااايه وتصدگين نفسج فوكاها

غسق: عفته وردت اطلع من الغرفهرسحبني حيل شمرني شمر علسرير

مهاب: من احجييي وياااج ماديرين وجهج هيج وتمشييين

غسق: تريد اتعاارك وياااك يعني شسوووي
لا انت الراضي تفهمني ولا راضي تفتهمني

مهاب: لج ابويه هذه الشگ البراسج بطلي يوميه طالعتلي بسالفه

غسق: احلف ماجنت شارب صفن بوجهي فرك عيونه حيل

مهاب: يعني اذا احلف ترتاحين

غسق: هزيت راسي اي

مهاب: شربت شوي

غسق: شفتت يعنييي مغلطاانه

مهاب: متنعاد

غسق: سكتت مجاوبته جنت متاكده منه
كعد يمي لف ايده على ركبتي وسحبني عليه
وخرت ايده وكمت منه وهو صافن عليه. عفته وطلعت رحت لغرفه غفران مموجوده اني شسويت بحالي؟
بقيت صافنه نفتحت الباب

غفران: كاعده اهنا عبالي بغرفتج كومي نتعشى

غسق: مجوعانه

غفران: هم تعاركتو

غسق: لا

غفران: صوته عالي جان وهسه عيونج مدمعه

غسق: ماكو شي جوه هو

غفران: لا بعد مانازل

غسق: كومي ننزل طلعنا من الغرفه ويا طلعتنا هو هم طلع مبدل وعطره سابقه
باوعلنه نظره سريعه ونزل نزلنا وراء رحنا للمطبخ حضرنا وفرشنا سفره داخلي الامواعين وسمعت عمو يحجي ويا

ابو مهاب: اكل لكمه واطلع كعداتك ويا جماعتك ماتخلص

مهاب: شسالفه يابه اول مره اخر مره انه طالع وياهم

ابو مهاب: وضعك اختلف ابني انت هسه متزوج قلل طلعاتك مايصير

غسق: عفتهم ورحت للمطبخ شويه وفات من يمي طلع وطبك الباب حيل خطيت خطوه اروح وراء امنعه بس ماكدرت خفت يفشلني او يتجاوز واحنه جوه مابيه حيل قال وقيل خلينا الاكل كعدنا ناكل اني بالي مو يمهم نغزتني غفران

غفران: ابو مهاب يحاجيج

غسق: وياي عمو اعتذر مسمعتك

ابومهاب: بيج شي بنتي وضعكم انتي ومهاب معاجبني اذا صاير شي احجي بلكت اكدر اساعدكم

غسق: لا عمو ماكو شي بس اني شوي دايخه
هز راسه بعدم تصديق كملنا رفعنا عزلنا المطبخ داطلع صارت بوجهي خاله لزمت ايدي

ام مهاب: سمعي زين عبالج مدااشوف شلووون شالعه كلبه لمهاب وهو ساكت والله من عين باجر ازوجه زينة البنات واخليج تتحسرين على شوفته
فوك مامطلكه واهلج شمروج شمر علينا تتعايرين

غسق: محد شمرني عليكم انتو اجيتو برجلكم خطبتوني عفتها وصعدت فوك افوور غسلت وجهي اريد انسى الصار اليوم احس راسي يريد ينفجر شغلت التلفزيون وكعدت تذكرت حبوب وجع الراس مال مهاب فتحت الكنتور اخذت الجيس طلعت حبايه وشمرت على الطبله بلعتها وشربت ماي شوي وحسيت راسي خدر واحس روحي طايره فوك فركت راسي ماحس بي فعلياً خدران
مادري شكد مر وكت نفتحت الباب دخل مهاب اشوفه خمسه خليت ايدي كدام وجهي وكمت احسب حتى لساني خدر بقيت كاعده بمكاني ماكمت احس بشعور غريب بحساس غريب راحه احس نفسي فوك الغيوم طايره بعد محسيت على نفسي احس روحي بغير عالم
كعدت ثاني يوم من وجع راسي احسه يريد ينفجر شفت مهاب كدامي ركزت زين قلصت عيوني عيونه ناطه حمر يباوع عليه راسيي يوجعنييي

مهاب: شمصخمههه شلووون تاخذييين من صخااامي شلووون لج شسوي بيج مرمرتيني

غسق: وكفت يمه مهاب راسي راح امووت لزم ايدي طلعني من الغرفه واني اروح واجي بايده مثل السعفه
دخلني للحمام شمر ملابسي وفتح الدوش

مهاب: كاافي تعذبيني لخاطر محمددد

غسق: مامسويه شييي

مهاب: شلووون تاخذين حبوب بكيفج شلووون

غسق: راسي جان يوجعني تذكرت علاجك واخذ واحد بس خدرني كلش قوي جر حسره غسل وجهي

مهاب: لا تعيديها غسسسق لا تعيدددديها خوفتيني عليييج لووو صاير بيج شيييي

غسق: مو انت تاخذ منه

مهاب: انه مطي اتحمله انتيييي لا تقارنين نفسج بيه

غسق: خليت راسي على صدره جسمي كله يون عليه

مهاب: متاذيه

غسق: راسي وجسمي نحلان
سد الماي ساعدني بملابسي لبست وطلعت تمددت على السرير

مهاب: لا تتحرگين اجيب اكل واجي

غسق: هزيت راسي وهو طلع غمضت عيني بتعب شوي واجه بايده صينيه نواشف احس نفسي تلعب من الاكل
وهو يجبرني كاافي ماكدر راح اذبه من راسي

مهاب: يلعن ابليسج على هلدكه

غسق: بقيت اباوع عليه دايخه تمددت هو شال الصينيه خلاها على الميز وتمدد يمي بقى يلعب بشعري علما نمت
كعدت ثاني يوم زينه بس جسمي نحلان حيل واحد يسويلي بز اوكع من طولي
مهاب ماكو طلعت غسلت وجهي ونزلت

ام مهاب: نزلت المسعده بعد وكت عيني كضيتيها لو دايخه لو طايح حظج

غسق: كعدت على التخم اباوعلها بنحول وهي ادردم عليه دخل مهاب شافني كعد يمي

مهاب: شتحسين

غسق: جسمي نحلان

مهاب: مابيج شي ان شالله تعبانه كومي ارتاحي

ام مهاب: عشتووو وهي شمسويهه اليسمعك يكول كارفتلي البيت

مهاب: يمه البنيه مريضه مو وكت هلكلام

غسق: عفتهم واحد يرفع وواحد يكبس صعدت فوك شفت غفران

غفران: شسالفتج كلما ادخلج للغرفه نايمه

غسق: مادري احس تعبانه

غفران: ارتاحي مبين التعب بوجهج

غسق: ابتسمت ودخلت للغرفه اول نره يصير وياي هيج معقوله حامل بس لا مستحيل نمت مرت الايام صوت زينه والاعراض راحت مني وعلاقتي ويا مهاب رجعت احسن من قبل هو يحير شيسوي وياي مرات كلامه يضحكني
اليوم كاعده بلغرفه اتفرج تلفزيون انفتح الباب دخل وبايده علاكه خلاها كدامي فتحتها جهاز وخط جديد طفرت حضنته بست خده تشكرت منه

مهاب: تشكريني بغير طريقه ترضيني مايصرفلي هيج

غسق: خله راسه برگبتي وبقى يبوسني فتح دكم قميصه شمره مهاب

مهاب: عيونه

غسق: تحبني ابتسم

مهاب: عندج شگ بهلموضوع

غسق: سكتت ماحجيت رفعني علسرير وصار فوگي

مهاب: انت نور عيوني يا بعد كل ضلوعي انه مو بس احبج هايم بيج

غسق: ابتعد مني كمت لفيت نفسيي وهو راح للحمام فتحت الجهاز مخليلي شريحه جديده نزلت فيس لان ماعندي رقم مسره علمود احاجيها عليه اني عندي حساب فعلته ودكيت عليها مرتين يلا ردت

مسره: بذذاته. زييين ذكرتينييي اتصل بيج ماكو

غسق: موبايلي احترك شلونج خاله شلونها غسان

مسره الكل بخير يسالون عليج

غسق: لو تدريين شكد مشتاقتلكم

مسره: والله احنا اكثر مريلنا ليش كطعتي

غسق: الحكومه متقبل

مسره: اوووف من الحكومه هم شايفين الدنيا طول بعرض وخانكينا احنا

غسق: بقينا انسولف اني وياها دخل مهاب باوعلي وراح للمرايه مشط شعره ختمت ويا مسره

مهاب: هيج ملهوفه عليها

غسق: اختي مو صديقه هاي هز راسه مرت 4 ايام اني يوميه احجي ويا مسره على الماسنجر نضحك نحشش بس من يجي مهاب اسده
اليوم كاعده مثل كل يوم احجي وياها اجتلي رساله على الماسنجر من صفحه وهميه
مكتوب (هذه رجلج التتباهين بي كرت عينج)
بلعت ريكي شوي وصلتني صور حتى نسيت مسره على الخط كاعد على ميز شكول كاعدين ويا وجوهم مابيها ذره رحمه وكلها سلاحتها على الميز وشرب ووصلتني صوره لخ بايده جيس صغير نفس الحبوب الشفتهم عنده لازمها يباوع عليها واكو واحد كدامه واكف مكتوب جوه الصوره
(تاجر مخدرات)

يتبع<>
للكاتبه ود الباشا

- ‏مُرهق كمن ركض في طريق طويل هارباً من كُل شيء ، حتى وصل مُنهكاً إلى مكان يُشبه تماماً ما كان يهرب منه.