رواية شوگ و ورد الفصل الثامن والأربعون 48 - بقلم wad. al.Basha

للكاتبه:  ود الباشا

ياريَل گَطعوها الِسچچ
والگَهوة مَچفية
والهيَل عِطره خِلص
والريحة ما هيَ
چذاب حبهُم يا حَمَد
عدهُم ألِف نِية.

غسق: مكتوب جوه الصوره
(تاجر مخدرات)  ايدي كامت ترجف رجعت اگلب بلصور وصوت مسره هي وتحجي وترني اكثر كطعت الخط منها ورجعت اباوع اكثر من 5 صور وحده منهن كاعدين ويا نفس الزلم ويمه بنات فاتحه عيني مصدومه
عيوني غوشت بدموعها واني اشوفه معقوله كلامه صح شلون انخدعت للمره الثانيه شمرت الموبايل خليت ايدي على حلكي اريد استوعب اني صح جنت شاكه بشغله بس من اشوف بعيني غييير بلعت ريگ دگ الموبايل شلت وايدي ترجف اريد اسيطر ماكو هو ديدك عليه انگطع ورجع دك مره ومرتين وثلاثه بس مارديت ماريد اسمع صوته طلعت الصور وبقيت اباوع ودموعي على خدي اريد اجذب عيوني ماريد اصدك
احس الهوى انگطع من ريتي اختنگت كمت افتر بلغرفه مثل المخبله شسووي شتصرف شلون اواجهه مادري شكد مر وكت دخل وطبگ الباب زمخ بيه

مهاب: موو. اتصل بيج ليييش متجاوبينن

غسق: بقيت صافنه بوجه هو هم ركز بوجهي. تقرب مني ابتعدت خطوه

مهاب: ليش تبجين شبيج

غسق: بلعت ريگي خايفه منه لزم ايدي سحبتها

مهاب: بدينا اخبالات شبييج شصاير

غسق: ابتعدددددد منييي كفخني على حلگي

مهاب:صووووتج لا ترفعي علللييييه غسسسسق احتررررمي  شبييييج رااااح اتخبل من وراااج عندج انفصااام الصبح مابيج شي ومثل الورد

غسق: لااا تضررب طبگ حواجبه

مهاب: لج ابويه انتي شبيييج شصاير احد ماذيج

غسق: وين جنت ميل ركبته وجتف ايده واستند على الحايط

مهاب: رجعنا لنفس الطاسه ونفس الصخام بلشغل يعني وييين

غسق: انتت انت تاجر مخدرات صفن بوجهي وبعده على وكفته

مهاب: منين جايبه هلحجيي؟ 

غسق: لا تنكررر لا تنكرررر صير رجاااال واحجي الصددددك رفع حاجبه وتقرب مني لزم وجهي عصره مانطيت اي رده فعل

مهاب: تجاااوز لا تتجاوزين لا حظج اطيحه

غسق: دفعني حيل وكعت ليوره كرفصت رجليه

مهاب: منوووو لاعب بررراسج هلمره حاجيه ويااامن

غسق: مجاوبته اجه بعصبيه لزم زندي كومني

مهاب: احجي وياااج ردي غسق منييين سامعه هلحجييي

غسق: ليش تنكررر فرك وجه واستغفر

مهاب: لج بابا انتي راح تضلين ادورين ورااايه تالي ويااااج

غسق: ايدي ترجف كعدت على السرير متجاهله نظراته

مهاب: منيييين سامعه هلحجيييي احجيييي

غسق: مسامعه شفت

مهاب: ويين شفتييي

غسق: كمت اخذت الموبايل اريد افتحه اسيطر ماكو وكع من ايدي رجعت شلته تقرب سحبه مني كعدني

مهاب: اهدديي شنووو هل رجيف هذه

غسق: انت حجيتها وشهگت انت خدعتنيييي
سحبت الموبايل منه طلعت الصور وخليته كدام عينه ثبت ايدي بايده وبقى يباوع مره عليه ومره عليهن

مهاب: منوووو دازهن

غسق: هذه الهامك ارتااح مو ارشد هووو حذرني منك بس ماسمعت كلااام جنت خايفه منه هو الياااذيني بس طلع اشرف منك حجيت هيج وماحسيت الا لزم شعري وضربني راجدي حسيت طبله اذني طارت قرب راسي منه عيونه دم

مهاب: لاااا تجاووووزين لااااا تجبريييني ائذيييييج
صااارلج ساعه تجفصين ابطني

غسق: ردت اسحب نفسي بس قبضه ايده على شعري قويه نزلت دموعي شمرني علسرير اخذ موبايلي وكعد اندكت الباب فتحها وطلع شويه ورجع كعد يلعب بجهازي ويدخن كمت ردت اطلع زمخ بيه

مهاب: لمكاااانج

غسق: اروح يم غفران

مهاب: كلتتتت لمكاااانج

غسق: كااارهه نفسي وكارهه وجودي ويا بنفس المكان
شويه واخذ الموبايل وسويج سيارته وطلع قفل الباب عليه من بره شسوي بنفسي اني معقوله اهله عايش وياهم وميدرون بي تمددت سحب رجليه لصدري وضع الجنين ودمعتي بخدي ضاايعه حايره شلوون اطلع منها
والله اكتل نفسي واخلصصص طاقتي خلصت ررح مابقت عندييي بقت فكره تاخذني وتجيبني اشرد منخ بس وين اروح لا يجي احجي ويا واكله ننفصل كلمن بطريقه احسن اي احسن اني ماكدر اعيش ويا واحد هييج مسحت دموعي بديت اتعود عليه بديت اميله
ليش هيج ليييييش مر وكت طويل بعدني على صفنتي نفتحت الباب غمضت بسرعه
حسيته كعد ورايه علسرير ضهر عليه شوي وسمعت طگه الجداحه بس صوت انفاسنه الغرفه هدوء

مهاب: كعدي احاجيج

غسق: مجاوبته ولا. اريد احجي ويا واجاوبه سحبني من ايدددي وكفت صار مقابيلي نظرات عيوونه تخوف

مهاب: وبعديين شنو؟

غسق: مافهمت سؤاله بقيت سااكته

مهاب:  عرفتييي. ارتاحيتتتتييي

غسق: باوعت على الساعه ب 2 ونص
يعني بنظرك اذا عرفت زوجي مجرم وتاجر مخدرات ارتاح؟

مهاب: لاااا تردين عليه بسؤال جاوبينييي

غسق: لاا بعدنييي ممرتاحه طلگني مستحيل اكدر اعيش ويااااك انيي عااايشه ويااا مجرررم انتت خدعتني

مهاب:  انه حبييتج ماخدعتج

غسق: هذذه مووو حب تقبل اختك تتزوج واحدددد مثلك تقرب لزم وجهي

مهاب: اذا يحبها نفس حبي اااالج انه اسلمها بايدي اله

غسق: ليش ماحجيتليي سكت ماحجه عافني ودار وجه وراح كعد

مهاب: كعدي نسولف

غسق: ماكو شي نسولف بي

مهاب: غسسسق لااا تاذيييني كااافي

غسق: كعدت على السرير هو كدامي ضهره عليه
التفتلي جر حسره واجه كعد يمي راد يحضني ابتعدت

مهاب: نبقى هيج خلينا نتفاهم

غسق: بشنوووو نتفاااهم بشنووو انت ليش كاعد تحجي ابرررود اعصاااب انتت تعرف شسووويت بيه دمرتني فوك دماري فرك وجه

مهاب: كعددي نحجيي

غسق: ماااعندي حجي وياااك طلكني

مهاب: انسييي سالفه الطلاك طلعيها من بااالج

غسق: اشتكيي عليك والله

مهاب: سووي التررردي

غسق: مشى خطوتين وهو يفتح بدگم قميصه
كعدت احس حيلي مهدود نزلت راسي اباوع على الارضيه بس يصبح الصبح دقيقه مابقى اهنا والله حتى لو يموتني مابقى وكف فوك راسي سحبني حضني عظامي طگت جوه ايده

مهاب: لا تاذيني بيج خليج يمي يكفيني

غسق: ماانطيت ردة فعل لزم وجهي باس عيوني
وسحبني يمه تمدد وخلاني على ايده بقى ردت اكوم مطايقته سحبني وحضني اقوه قفل عليه برجله
راسي صدع من البجي هو نفسه الحار بركبتي غمضت عيني بقوه علما ماحسيت بشي بعد غفيت كعدت الصبح مموجود كمت من مكاني اخذت جنطه صغيره خليت بيها الاحتاجهم لبست صايتي وحجابي بستعجال حتى وجهي ماغسلته لزمت يده الباب متنفتح ضربتها بااايدي حييل وصحت غفررران افتحييييي الباااب شوي واجت

غفران: غسسق شصاير ليش قافل البااب

غسق: افتحوها فدووه طلعوني منا مااريد ابقى

غفران:  ميتحاجه والله الصبح تعارك ويانه وطلع شبيكم شصاير

غسق: شمرت الجنطه بعصبييه الله ياااخذك حقييير

غفران:  لااا تدعيين اححجججي شصاير

غسق: هووو يحجيلج كعدت على السرير اسب بي والعن بداخلي للضهر يلا اجه دخل وبايده صينيه اكل خلاها بلكاع وراح غير ملابسه باوعلي

مهاب: مبدله؟

غسق: اريدد اروح منااااا مااابقى بعد دقيقه طبگ حواجبه وبلع ريكه تفاحه ادم تحركت

مهاب: كومي ناكل لگمه هسه بعدين نتفاهم

غسق: مااااكو شي اتفاااهم بي ويااااك خليييني اروح كلتتت مابقى اهنااااا رفع راسه باوعلي حواجبه وحده لازكه بثاني حك طرف حاجبه بصبعه تقرب مني عينه بعيني

مهاب: اطلعيين منااا ومن ذمتي بحاااله وحده بسس
لووو انه امووت ودفنيني بايدج لو انتي تموتين وادفنج بايدي غيرها تحلميييين حلم فاهمه

غسق: حجه الكلمه الاخير وهو صاگ على اسنانه
حجيت بشهكه اشتكي عليك والله طلع موبايله من جيبه خلاا بايدي

مهاب: يلااا اشتكيييي لا تهددديني غسسسق لا تهددددين انه ماتهدد

غسق: شتريد منييي ماريد اني ماريدك كرهتتتتك مداتقبلك

مهاب: ميخالف فتره وتتعودين انه هم مرايد منج شي غييررر تبقيين يمي وكبال عيني واحضنج من اناااام
وخليها گطنه باذنج بس المووت يحرمني منج

غسق: حجاها وراح كعد كدام الصينيه

مهاب: تعاي تغدي

غسق: مااااكل ويا مجرم على نفس الصينيه انتووو انتوو حتئ الاكل التاكلو حررررام فرك وجه بعصبيه كام طلع وطبگ الباب وراء بقوه كعدت ابجي بصوت عالي احس روحي مختنكه ليش هيج يصير وياااي ليششش والله بعد ماتحمللل باااابا وينك عني وينك
بحاجتك اني بجيت من كل كلبي علما تعبت تمددت عيني على الباب ودموعي تنزل كمت بعصبيه مسحتهم كاافي بجي لبست حجاب واخذت الجنطه فتحت الباب نفتحت نزلت جوه كلهم كاعدين بصاله وهو كاعد ومرجع راسه ليوره شافتني غفران كامت من مكانها

غفران:  غسق وين رايحه

غسق: حجت هي وهو رفع راسه باوعلي

ابو مهاب: بيج شي بنتي وين رايحه وليش تبجين؟

غسق: اريد اروح اشوف خاله

ام مهاب: روحه بلا رده

غسق: باوعلها بدون مايحجي هي سكتت
حجه بعصبيه

مهاب: صعدي لغرفتج

غسق: كتلك ماااابقى اهنا كام بعصبيه لزمه عمي

ابو مهاب:  اهدء خلينا نتهم السالفه

مهاب: ماكوووو سااالفه يااابه

ابو مهاب: لاااا تصيح بوجهي مهااااب اطللع منااااا لا والله تبتلي بيك

غسق: فرگ عيونه وباوعلي

مهاب: صعدي لغرررفتج كتلج

ابو مهاب: لاااا تجوعرررر خليني افتهم شبيييها

غسق: تقرب مني لزم ايدي اجه هو سحبني حسيت ايدي انخلعت

ابو مهاب: مهااااااب اطلع بررره

مهاب: يااابه يرحم اهلك لا تدددخل بيناااا مشاااكلي انه احلهاااا

غسق: عوووف ايديي ماااااجي وياااك عووووف خزرنيي راد يطلعني من البيت واني اجر نفسي منه جر صرخ عليه عمي

ابو مهاب:  اذا طلعتتت من هلبااااب اتبررره منك ليوووم الدين

غسق: وكف باوعلي بعتب

مهاب: يابه اروحلك فدوه لا تدخل خليني انه ويااهاا

ابو مهاب: ميخالف ماتدخل بس حلو مشاكلكم اهنا بلبيت لا طلعها

غسق: باوعلي وهز راسه

مهاب: نفتر شوي ونرجع ماتاخر

غسق: سحب الجنطه من ايدي شمرها طلعنا ركبنا السياره ركب خله حكاره بحلكه ساق سرريع غمضت عينيي تمنيت يسووي حاددث وامووت وارتاح تمنيت الموت بلحظة ضعف بلحظه خوف من المستقبل والمجهول الراح اعيشه ويااا فتحت عيني بعده نفس سرعته ويمكن اسرع حجيت بخوف اطرافي كامت ترجف خفف السرعه باوعلي ورجع باوع للشارع ماخففها كتتتتلك خفففف السرعه
خففها بدون مايحجي حرف بقيت اباوع على الشارع اريد اعرف وين ماخذني طلع جهازه من جيبه يتصل
حروگ كصته بارزه عيونه حمر حوجبه مطبوكه تبين عصبيته درت وجهي منه سمعته يحجي

مهاب: وين انت اريد مفتاح الشقه انه بمنطقه —— منتضرك

غسق: كطعه وشمره علگشن خليت راسي على الجامه
وكف السياره وكام يفرك بگصته  بحركه دائريه رجع راسه ليوره درت وجهي عنه نزيت من فتح الجگمجه طلع الحبوب بلع ثنين طبگ وشمره وسده حيل شرب ماي ورجع راسه ليوره خليت راسي على الجامه شويه واتصل بي واحد فتح الباب نزل التفت ليوره شفت سياره واكفه نزل واحد منها تسالمو وهو يضحك
احساس غريب بداااخلي خوف متملكني شويه ورجع ساق بهدوء وصلنا لمكان نزل واشرلي بايده انزل نزلت
طبگت الباب صعدنا لطابق الرابع وكف يم باب طلع المفتاح فتحه دخلنا صاله مرتبه وبيها باب ثاني اعتقد غرفه والمطبخ مفتوح على الصاله اشمئزت شمئزت نفسي تدذكرت الشرب والبنات اكيد عدهم سوالف موزينه اهنا راح كعد على قنفه ايده على راسه مبين متوجع بقيت اباوعله عدل كعدته وورث جكاره

مهاب: كعدي

غسق: مرتاحه هيج ليش جبتني اهنا

مهاب:  نسولف افتهم علتج شنو

غسق: علتي؟  انت مقتنع بلتحجي

مهاب: شغلي مماذيج بشي شغل حاله حال بقيه الشغل

غسق: ضحكت مستهزء تكتل اروح النااااس شغل تخلي مراهقين بعدهم ورود يصيرون مدمنين شغلل
فلووس الحرررام الداخله ابطنكم شغل

مهاب:  اي المطلوب هسه شنوو؟

غسق: اطلگني سكت شوي وكام وكف مقابيلي

مهاب: هيج بسهوله عادي عندج؟

غسق: اي بسهوله اني ممستعده اعيش ردت اكمل خله اصبعه على حلگي

مهاب: لا تاذيني اكثر انتي راحتييي تعرفين يعمي شنو راحتي وجنتي بهلدنيا

غسق: وانتت ناررري لزم وجهي مبين التعب بعيونه وبوجه

مهاب: نعلييي الخلاني اعرفج وخلااج تصيرين بدررربي انه مرايدلج الاذيه انه حبيتج وحبيت كل تفاصيلج

غسق: خدعتني حجيتها وطفرت دمعه من عيني مسحها بطرف اصبعه

مهاب: ومحمد ماخدعتج انه حبيتج حب بس الله اليعلم بي ايااام اتخيلج بحضني واشم ريحتج ايااام وانه انام واتخيلج بحظني الف مره ردت ابتعد عنج ردت اعوفج تعيشين مثل ماتردين من شفت الرفض بعيونج بس ماكدرررت انه مامصدك صرتيي بين ايدي وبيتي ومريتي شلون ترديني اعوفج

غسق: يحجي ويمرر اصبعه على خدي
رجع حجه بصوت مبحوح

مهاب: سوي التردي. يجرااالج بس لا تاذيني بييج

غسق: اني مماذيتك انت اذيتني من تعرف نفسك شنو وربطتني بيك واني يا عافلين لكم الله تعرف شعور الواحد من يحسس نفسه مغفل للمره الثانيه تعرف شيصير بي

مهاب: انه لو جنت حاجيلج مجان وافقتي عليه من الاساس انتي ماتعرفييين وجنتي رافضه لوما ضروفج
وعمامج شلون ترديني احجيلج واني ادري راح اخسرج

غسق: يعني تعرف الدتسويي غلط ومستمر بي لييش
جر حسره

مهاب:  انه ماناكر هو غلط  بس هم مجابر احد ولا غاصب احد اذا مو مني ياخذون من غيري

غسق: دفعته من صدره رجع ليوره بثكل
تبررر لنفسك وقاحتك ضرب الحااايط

مهاب: كااافي كاااافي اقتنعييي ولا تصصورين اعوووفج لا تلحييين اكثرررر ملحه لا تلحيييين لا تخليييني ائذيج غسسسق افهميييي ماااريد ائذيج لاتجبررررينيي

غسق: والله لووو تموتني مااا ابقى ويااااك ماااريدك مستعده اعيييش بشااارع وماعيش يمك باوعلي بعصبيه واني واكفه اباوع بعيونه خازرته نااار تطلع من راسييي
سحبني من صايتي اندكيت بصدره

مهاب: لو طبين بسابع ارض اطلعج

غسق: اكتتتتل روحييي عووود طلعني من كبرررري
ذبلت عيونه

مهاب: لا تاذيني بيج والله وحق محمد لو تعرفين حبج بكلبي ماتحجين هيج طاري الموت لا تجيبي

غسق: حضني بقوه بحيث حسيت بدكات گلبه السريعه

مهاب: ارتااحي فتره وبعدين نتفااهم

غسق: ماكو شي نتفاهم بي حسيته بلكوه يفتح عيونه فرگهن ورجه باوعلي

مهاب: شنو التردي يجرالج غير الطلاك

غسق: كعدت بلكاع خليت ضهري على الحايط رجليه احسها ترجف مكدرت اوكف كرفص كبالي لزم ايدي

مهاب: احجي لا تسكتين

غسق: تعوف هلشغل الحرام واتوب من ذنبك باوعلي بحيره كام راح للمطبخ خله راسه جوه الماي غسل وجه سحب كلينكس مسح وجه بعصبيه مدري هو حركاته هيج جاب باكيت الجكاير والجداحه وكعد بصفي ومد رجليه واني ساحبه رجليه لصدري باوعت عليه ورث جكاره والماي ينكط من شعره

مهاب: عبالج ماحاولت قبل لا ارتبط وياج؟
بس مو بسهوله اكوو سياسين واكو عصابات مهتمدين عليه بهلشي

غسق: قصدك معتمدين عليك بمووت المراهقين والشباااب والممنوعاتت التجيبها الهم سكت جر حسره ورجع كمل

مهاب: هددوني اكثر من مره بيج وبااهلي من اخذتج للشمال جنت بوكتها احااارب علمود اطلع نفسي من بينهم بس مكدرت انجبرت ارجع وياهم لأن من اخذتج وأمنت عليج هددوني بميسم

غسق:  لييش هيج سويت بنفسسك وانت تعرف هلشيي غلط تعرف كاعد ادمر حياااة ناااس
خله راسه علحايط ونفخ الدخان

مهاب: سالفه طويله

غسق: دك موبايله اكثر من مره ما اهتم ولا شافه منو
طفه جكارته بلكاع نزل رجلي بايده وخله راسه على رجلي

مهاب: راسي ماذيني

غسق: ماحجيت اخذ ايدي وخلا على كصته

مهاب: بس خليني انام شويه ارتاح دلكيلي

غسق: بلعت ريگي مكدرت ابعده شي يداخلي منعني غمض عيونه بقوه واني ادلگ راسه سحب ايدي باس بطنها وسحب نفس من بطن ايدي قوي وزفره رجعت ادلكله شوي وثكل نفسه نام بقيت اباوع عليه حواجبه المطبوگه هو ونايم ملامحه القاسيه لحيته وشواربه الكثيفه فززني من صفنتي دكه الموبايل دگ 3 مرات وانطفى وهم رجع دگ خليت راسه على الكاع كمت جبت كوشه خليتها جوه راسه اخذت الموبايل شفت المتصل الغالي عرفته عمو ردت ارد بس شنو اكله حتى لو حجيتله اخاف ينجلط وخطيته تصير يرگبتي كعدت بحيره رجعت باوعت عليه نايم مثل الطفل اليشوفه يكول مستحيل هل انسان. يشتغل هيج شغل وصخ

باوعت على الباب هاي فرصتي عدلت حجابي ردت كمت انشي بطرف اصابيعي بزمت يذه الباب افتحها مقفوله نزلت دمعتي بقيت ادعي ربي يخلصني
درت وجهي شفته بعده على نومته
دخلت للمطبخ فتحت الثلاجه فارغه مابيها شي شربت ماي وطلعت من المطبخ دخلت للغرفه بيها غرفه تركيه حلوه بس هوسه طلعت وسديت الباب رجعت كعدت على القنفه اباوع عليه رجع دك جهازه رقم بدون اسم انگطع ورجع دگ ابو سوده هم انگطع هواي دگ واكثر من رقم واسم اخر شي دك واحد اسمه ابو الضبع استغربت الاسم شهل اسما الغريبه مثل شكولهم تخرع
شمرت الجهاز علميز طلع صوت گلب نفسه فتح عيونه وكعد فاز باوعلي ابتسم

مهاب: غفيت بذون ماحس جوعانه

غسق: هزيت راسي لا

مهاب:  كومي ناكل لكمه ونرجع للبيت

غسق: مااارجع وياك لمكان غمض عينه كام شمر الكوشه على القنفه وكعد سحب الجهاز اتصل خلا علئ اذنه يسمع للطرف الثاني

مهاب: ناايم ماسمعته طززز بي عنده شي وياي ينتضر لا ينبح على راسي تره ررحي بخشمي ابووو سوده انه ماتصل بي الي عنده  مصلحه يمي يجي برجله او هو اليتصل هذه العندي

غسق: ختم ويا  وشمره على الميز كاعده اباوعله ونفسي لعبانه من كلشي

مهاب: باااعي عدل لا اخليهن بايدج هووواي تماديتي

غسق: ماحجيت شي
فرك وجه ورجع تمدد علقنفه

مهاب: تعاي يمي

غسق: ماريد اتمدد مرتاحه بمكاني خله ايده على كصته بدون مايحجي دك جهازه سحبه فتح الخط

مهاب: هلا يابه

غسق: سكت شوي ورجع حجه

مهاب: ماكو شي شويه وراجعين
ميخالف صار

غسق: باوعلي وكام من مكانه كعد يمي

مهاب: غسق بنيتي عمري انتي لا تاذيني اكثر وكتاب الله بلكوه واكف من الوجع البيه لا تزيديها عليه
ولا تعاندين اكثر انه مال اتخلى عنج واعوفج  مستحيل سامعه بيوم احد عاف روحه وعاش بدون روح؟  انتي ملكي وحقي ورزقي بهلدنيا

غسق: صفنت بعيونه اني متاكده من كلامه مراح يعوفني حتى لو عفته وشردت يكدر يطلعني من جوه سابع ارض على كولته يباوعلي بتركيز منتضر ردي على كلامه بلعت ريكي بخوف اني خايفه مستحيل احد سحس بيه وباحساسي خوف على خذلان على انكسار من اقرب بشر الي بسببهم اني اهنا وبهلموقف بسببهم اني داعيش هلشعور الحقير بسببهم اني وكعت بايد مجرم يمكن رب العالمين زرع حبي بكلبه علمود لا ياذيني وكعت دمعه من عيني حسيت كلبي يريد يوكف هلمد مايدك سريع وبطني مغصتني باوعت بوجه خله كصته على كصتي

مهاب: عيونج راحتي وقربج اماني وسعادتي

غسق: نزلت دمعتي صارت على وجه باوعلي حجه بتعب

مهاب: ادعي الله ياخذني وترتاحين ادعيي اروحلج فدوه انه لو ابقى عايش مراح ترتاحين لأن كارهتني وكاررهه قربي منج وانه ماكدر بلياااج ارحمي كلبي غسق

غسق: ابتعدت منه مسحت دموعي ابقى وياك بشرط
بقى يباوعلي عصر عيونه هز راسه بمعنى احجي

يتبع <>
للكاتبه ود الباشا.

‏ بروحي حِزن ديره
ومَلامح خوف
وحَرب چذبه
وحِلم تايه هِجر جِفني
ونهر ثالث حُفر خدي
غريب بگاع مَ تلمني.

الانستا تنوروني 🌺