للكاتبه: ود الباشا
تاخرت عليكم اعتذر بس راسي اليوم كلش ماذيني اسم الله عليكم
لا يوجد أسوأ من أن تكون قويًا لدرجة أن لا أحد يتوقّع أنك تحتاج للمساعدة.
مهاب: تره فاض الصبر بيه وحق كفيل زينب
غسق: شبييك؟ باوعلي صفحه ورجع يسوق
وصلنا قريب البيت علئ راس الشارع
نزلني اهناا
مهاب: غسسق عدل گبل للبيت منا ومنا مااريد
غسق: رفعت حاجبي نزلني اهناا كتلك عندي موعد ويا البنييه تاخرت عليها
مهاب: وانه كلت مااكوو
غسق: بأي حق تتحكم بيه اصحى على نفسك نزززلني
مجاوبني وبقى مستمر يسوق وصلني لباب بيت خاله
والتفتلي
مهاب: تنزلين مثل الحبابه للبيت ترحين تنامين تريحيلي هلعيوون الحلووه علما باجر اجيب الاهل واجيج وتوافقين وانتي الممنونه
غسق: على شنو ممنونه على خبالاتك وبعدين كتلك اني فكره الصخام شايلتها من بالي عفته صافن ونزلت بقى يباوعلي نزل الجامه
مهاب: باعيلي مخبل ومخبله يتوالمون ويجيبون جهال مخابيل وشووواذي بس تخيلي حياتنا شلون تكون سعيده
غسق: ابتسمت على طريقه كلامه ترمل توكل عود نتفاهم باوعت على الساعه غير يروح بعد لزززك
مهاب: امشيي اوصلج وين تردين عليش تركبين تكسي صاير تكسي الخلفوج انه
غسق: باوعتله ضايجه من كلامه بسس روووح معلييك بيه لخاطر الله خررب اعصابي ابروده واني واكفه دمي محروك رفع ايده وراح اني هم بسرعه رحت على راس الشارع داوكف تكسي وكف كدامي مبتسم انتت شجاابك صدك تحجي
مهاب: امشي اوصلج واشووف شنو سالفه الموعد الستقتلتي عليه
غسق: وشكوو جاي وياااي غمزلي
مهاب: بعتبار رجلج المستقبلي
غسق: وااثق كلش حضرتك
مهاب: غير انتي ميته على ربي بس تكابرين
غسق: خزرته لاا تطلع بوجهي بعد الله يخليك اني مو مال هيج سوالف ضيمي كافي وزايد عليه
مهاب: اصيرلج سند واساعدج
غسق: بعدين نتفاهم هسه لازم اروح تاخرت
مهاب: كتلج انه اوصلج صعدي يلا
غسق: باوعتله صفح اني اريد ااخلص منه يفك ياخه مني وهو يكول اني اوصلج صعدت لأن تاخرت على رنا عيب منها
مهاب: ولو مثل كل مره راح تحسبي تطفل مني ممكن اعرف شنو هلموعد المهم؟
غسق: موعد شغل ادعيلي انقبل كلش بحاجته جر نفس من الجكاره وهز راسه
مهاب: كلتي موعد شغل؟
غسق: اي
مهاب: شنو نوع الشغل؟
غسق: سكرتيره دكتور قلص عليونه معاجبه بس ماحجه شي وما اله حق يحجي وصلني للمكان شفت رنا منتضرتني بسيارتها من شافتني نزلت ابتسمتلي واشرتلي يلا سميت باسم الله ودخلت للعياده التفتت شفت ورايه يدخن تررددت اكله لا تدخل وياي خفت يسوي هوسه بلعياده دخلنه استقبلنا رجال يطلع بدايع الاربعينات لابس نظارات دخلت رنا سلمت عليه سلام حار دخلنا بعدها سلمت عليه وتقدمت كعدت
رنا: دكتورنا غسق الحجيتلك عنها
دكتور: اهلاً وسهلاً عزيزتي
غسق: اهلاً بيك دكتور
رنا: غسق معرفتينا علئ الاخ
غسق باوعت عليه رفعلي حاجبه وعروگ كصته مبينه
مهاب ابن عمي ماطلع بلساني غير ابن عمي خجلت شكللهم مثلاً
اكو كرسي بصفي كاعد عليه واحس انفاسه تلفح بوجهي رحبو بي ثنينهم
مهاب: شلون ساعات الدوام
الدكتور: تتواجد بلعياده ساعه ب 2 لساعه 8
غسق: هز راسه بدون مايحجي
الدكتور: هاهي اتفقنا اليوم خلاص باجر باذن الله تبدين دوام
غسق: شكراً دكتور ان شالله
الدكتور: عزيزتي الشكر لله
رنا: يلا لعد احنا نترخص
غسق: مهاب ترخص طلع قبلنا فرحت كلت رااح فگ ياخه شفته متجي علسياره يدخن من طلعت خزرني
رنا: خلي يروح تعاي وياي نروح للمطعم وارجع للبيت
غسق: درت وجهي عليه اشرلي يلا تقربت منه ورنا اجتي وياي روح اني ارجع ويا رنا
مهاب: امشي كدامي فضيني
رنا: من زمان ماملتقين خلينا سوه اذا ماتصير زحمه واني بنفسي ارجعها للبيت
مهاب: عذريني الاهل بلبيت منتضريها ولازم نرجع خلوها غير مره
غسق: مجاوبته رنا حضنتني وهمست باذني
رنا: شكددد شايف نفسه لخاطر الله شكو جايه ويا
غسق: حضيي غير توادعنا ركبت السياره لنص الطريق هو ماحجه شي بس يدخن
مهاب: هلشغل متشتغلي غسق كطنه وخليها باذنج
غسق: التفتت عليه انتتت ليش تدخل بيه كرهتني بحياااتي ترررره والله يااااخي لا تدخل معليييك وبعددد ماريد اشوفك توكف بطريقييي فك ياخه مني لخااطر الله عاايش الدور زااايد التفت خازرني لاا تخزرر احجي فهمني شنو التريددده مني شكووو تلحگني انت ماعندك شغل اصخام بوجهي من الصبح تفتر بيه احجي محروگ دمي وهو ولا عبالك ويا كاعد بكل برود يدخن ويسوق داحجيي وياااك شفته. غير طريق البيت التفتت عليه دمي محرووك اطلع من ازمال اوكع بحمار وهم ثنينهم نفس الشي بس فرق اسما ويين ماخذني
مهاب: نتفاهم
غسق: ماكو شي نتفاااهم عليه
مهاب: بلنسبه الي اكو
غسق: جريت حسره ودرت وجهي على الجامه نزلت دموعي مسحتها طبگ يم مطعم التفت عليه ماانزل عندك شي احجي اهنا وخليني اروح رجع طبگ السياره وفرك وجه
مهاب: شبلاني بيج مادكليلي منين طلعتيلي لووو ميت انه ولا ذاك المصخم وبلاني بيج بلوووه
غسق: يحجي بحرگه گلب واني صافنه عليه
رجع ساق خبلني هو هم مايعرف شديسوي نزلنيي اهنا ارجع للبيت هسه خاله ضال بالها علييه
مهاب: مو قبل مانتفق
غسق: على شنووو نتفق
مهاب: ماتشتغلين بهلعياده
غسق: وانت شعلييك اشتغل بيها انام بيها استغفر الله ربييي افتتتتح الباااب زمخ بيه
مهاب: صووووتج لا تعليييي لا اخليج تبلعييي وكلمه انت شعليييك مره ثانييه ماريييدج تنطقيهاااا ومحمد نهايتج تصير على ايدي
غسق: شتريد مني انت؟
مهاب: باجر الاهل يجون يطلبون ايدج
غسق: ماااريد. اتزوج افهم هلشي وبعديين اني شعرف منك واقبل بيك
مهاب: اكو فتره خطوبه واحد يتعرف علثااني
غسق: لاااا تستفزززني كتتلك ابتعد من طريقيييي مو تعال اخطبني انيي زوااج ماتزوج روح شوفلك غيررري لزمت الباب افتحها ماتنفتح ايدي كامت ترجف نظراته تريد تاكلني افتتتح البااب مجاوبني حرگ السياره بدون مايحجي وصلني للبيت وشخط سيارته مخببل
مامصدكه وصلت للبيت جريت نفس خانكني خنك
فتحت خاله الباب سلمت عليها
ام مسره: شو تاخرتي. ضل بالي عليج
غسق: افتريت افتريت ورحت للحضانه الجنت اشتغل بيها رنا كالت ابن عمي يريد سكرتيره هو دكتور من باجر اشتغل ويا رفعت ايدها
ام مسره: الله يوفقك بكل خطوه ويسعدج
غسق: بست راسها وصعدت ذبيت ملابسي واني افكر بي مو طبيعي كرهني برروحي والله غسلت وجهي ونمت من التعب وحرگان الدم
مر اليوم عادي ثاني يوم كعدت من الصبح ساعدت خاله اجتي مسره كعدت ويانه شفتها ضايجه شبيج صاير شي
مسره: البيت صاير مينطاق همه صايرين ناار ويطلعون حرگت كلبهم بينه
غسق: شونها خاله
مسره: بعدها تون والله تصفن تصفن وتبجي وذاك اليوم وصلت للستار بينها وبين هلشاايب هذه بلووه مو شايب
غسق: هي ماتقبل على سوالفه خطيه
مسره: ارشد صارله شهر ماكو ميجي للبيت ومحد يدري بي وين رائد وغسان مبقو مكان مادور عليه
وهي المسكينه متخبله وكل شوي متعاركه ويا رجلها
غسق: ماهتميت اصلاً هي بقت تباوعلي ماحجيت غيرت الموضوع
مسره: ماما كالت لكيتي شغل
غسق: اي كعدت حجيتلها تغدينا سوه وصعدت غيرت ملابسي خاله اني رايحه محتاجه شي
ام مسره: لا يمه الله وياج
غسق: طلعت تمشيت لراس الشارع واني مخليه ايدي على گلبي لا يطلع بوجهي اخذت تكسي للمكان العياده نزلت جريت نفس واخيراً ابتعد فتحت العياده دخلت نضفتها علسريع شفت قائمه المراجعين الشغله مو صعبه عليه لأن مشتغلتها قبل بس الفرق ذيج نسائيه وهذه باطنيه بدو المراجعين يجون شوي ودخل الدكتور سلمت عليه مجاوبني دخلت للعياده كال عشر دقايق ودخليلي مريض طلعت كعدت بمكاني واني عيني علئ الساعه وره عشر دقايق بديت ادخله المراجعين دخلت اخر واحد وكعدت شفت ساعه ب 6 ونص طلع المراجع والدكتوو دك الجرس كمت رحتله
الدكتور: تفضلي كعدي احاجيج
غسق: بلعت ريگ وكعدت
الدكتور: الصراحه اني هل كم يوم راح اسافر ومجنت مرتب اموري
غسق: استغربت ليش يحجيلي اني شعلي؟
مفهمت دكتور
الدكتور: اني مو بحاجه سكرتيره وكلش اعتذر
غسق: شنو السبب بدر مني شي؟
الدكتور: لا الخلل مو بيج بلعكس عجبني شغلج وتنضيمج وهدوئ المراجعين لأن كل مره اجيب وحده تكعد تضحك وتتشاقه ويا المراجعين وصوتها واصل لاخر الدنيا
بس الخلل بحساباتي اتمنى تقدرين موقفي
غسق: هزيت راسي بقهر عادي دكتور مصار شي طلعت لحگني انطاني اجر اليوم عفته ومشيت خطوتين واني دايخه ممعقوله بدون سبب هيج سوه مداخله بعقلي مال ممراجع حساباته طلعت جهازي خابرت رنا جاوبتني بصوت يضحك واني صوتي يتلاطم
رنا: يا هلاا والله هسه ردت اتصل بيج اسألج شلونج بشغلج
غسق: رنا طردني من الشغل سكتت شوي مبين مصدومه مثلي
رنا: شنو السبب
غسق: هاي المشكله ماعرفت السبب واصلا ماكو سبب يكول ممراجع حساباتي
رنا: هاي شنو ممعقوله دگطعي افتهم السالفه واخابرج
غسق: كطعته منها ورجعت للبيت مسره رايحه سئلتني خاله شلونج ويا الشغل كتلها زين عندي امل رنا تقنعه ارجع
لازمه جهازي وصافنه ربع ساعه اتصلت بيه
رنا: غسق تره هو هم متعجب ابن عمج كايله يبطلج من يمه ليش تصير مشاكل يكول كعد گبالي يحجي معلگ
غسق: صفنت يا ابن عم
رنا: الجان وياج البارحه
غسق: بلعت ريگي اني اعتذر رنا اخاف مسمعكم حجايه
رنا: ولا يهمج والله تمنيتج تشتغلين ويا
غسق: خير ان شالله افتهم السالفه وارجع اتصل بيج ختمت منها وبقيت ارجف من الاعصااب حتئ رقمه ماعندي اكعد افوخ گلبي بي وارتاح تمدد شوي وصاحتني خاله نزلت شفت اربع نسوان سلمت عليهم عبالي جيران خاله
وحده بيهن بقت تباوعلي من فوك ليجوه عبالك تفحصني ترخصت منهم حضرت ضيافه ودخلت
حجت وحده بيهن
انه اليوم جايتكم لبنيتكم اطليها لوليدي على سنه الله ورسوله واحنه سألنه عنكم وعن سمعتكم الطيبه
غسق: بلعت ريگي بقيت اباوع على خاله وهي تباوعلي
ام مسره: قصدكم على غسق؟
اي اكو غيرها شايفها ابني ويحمد بيها ورايدها حرمه اله
ام مسره: منو ابنج
مهاب
غسق: بلعت ريگي الحروف ضاعت مني هذه شيريد يوصلي يعني البراسي اسوووي جريت نفس وترخصت من خاله احجي خاله انتي شتعرفين عني وجايه تخطبيني؟ صفنت بوجهي معاجبها
والله انه ماعرف عنج شي بس هو يكول سأل عنج ويحمدون بيج وبأهلج
غسق: اني اهلي متوفين كلهم وهذه بيت خالتي ام مسره ام صديقتي واني متزوجه ومنفصله وجان عندي طفل مات حجيتهن كلهن دفعه وحده هي شهگت
يعني انتي مطلگه فوكاها عندج طفل
غسق: اي خااله وحالياً اني مناويه اتزوج شايله الفكره من راسي ربي يرزقه ببنيه تسعده ماحجت بعد شي مثل النصدمت ترخصت من خالتي وطلعت جريت نفس عباله اقبل بي واخذه بلاحضان واطير من الفرح
ام مسره: يمه ليش هيج سويتي؟
غسق: شسويت خاله
ام مسره: حتئ لو جانت ناويه تاخذج لابنها من شافت اسلوبج بلكلام وياها بطلت
غسق: احسن خاله ماريد اتزوج شسوي بشلعان الگلب
ام مسره: الله يسعدج يمه
غسق: ابتسمت الها وصعدت مرت يومين اني من البيت مطالعه خفت منه كلشي يسوي وخاله تسألني ليش مترحين للشغل كتلها الدكتور سافر سكتت اليوم الثالث كعدت من الدوم غيرت ملابسي ونزلت لازم اروح ادور شغل مابقى هيج كاعده
شفت خاله ابتسمت انطتني علاج لعمو اجيب وياي اخذته وطلعت التفت مو خوف منه بس ادري بي مراح يسكت واحد مخبل كلشي اتوقع منه واني وين ما اكو واحد مخبل طايح حضه يجي عليه
حرت وين اروح طلعت الموبايل خابرت رنا
جاوبتني. تسالمنا رنا اكو شغل بلحضانه كلش محتاجه لشغل والله
رنا: تعاي نتفاهم
غسق: مسافه الطريق واني يمج
سديته منها اخذت تكسي ورحت وصلت عدها ابتسمتلي كعدنا سولفنا شوي
رنا: شعجب ابن عمج هيج سوه
غسق: والله مادري عنه خبلني غمزتلي
رنا: مبين مسحوول
غسق: ابتسمت الله عليج هو وجهي بس يتلاطم مو وجه سحل
رنا: والله جنج گمر
غسق: اكتفييت ببتسامه
رنا: مبين لأن تشتغلين عند دكتور مقابل بس والله هو حباب مو مال هيج سوالف اذا تردين ارجعي اشتغلي اهنا والله اني حبيتج مايهون علي تبقين هيج
غسق: مادري شلون اشكرج رنا
رنا: حبيبتي ماكو داعي للشكر همه الاطفال هم حبوج
غسق: كمت يم الجهال ابوس ييهم واحد واحد اكو واحد بيهم عمره سنتين شفته واجه سند ابالي لزمت كمت ابوس بي خلص الدوام طلعت تمشيت صار بوجهي اشرلي صعدي ماهتميتله اشترت لتكسي وكف داركب لزم ايدي اشرله يروح لااا تلززززمنييي
مهاب: امشييي كدامي
غسق: والله اصرررخ الم علييك العااالم مااهتم سحبني للسياره شمرني بيها باوعتله انتتتت مراقبنيييي
مجاوبني ولا كأنو احجي ويااا حيل نرفزنيي
بقيت ساكته ومف يم منطقه جوول ويين جايبنييي احجييي ليش سااكت
مهاب: كلااامج شنوو معنا ؟
غسق: يا كلام؟
مهاب: الحاجيته يم الوالده والنسووان؟
وطريقه كلاامج ويااهم
غسق: اني كتلك مااريدد اتزوج ليش ادز اهلك؟
مهاب: ترديهم بهلطريقه؟
غسق: ماحجيت شي غلط امك ماتعرف بيه منفصله وعندي ولد واهلي كلهم متوفين عبالها بيت خاله مسره اهلي حجيتلها الحقيقه بس هي تنرفزت نفخ الدخان والتفتلي
مهاب: ضروري تعرف؟
غسق: طبعاً ليش باجر عگبه يكعدون يعيرون بيه
مهاب: اي وكتيلهم شحصلتي؟
غسق: بلعت ريگ زواج ماتزوج خليها ابالك عض شفته
مهاب: يحتاجلنا كعده افهم مشكلتج شنو
غسق: كعدتيش رجعنيي للبيت
مهاب: تلحگين تلحگين
غسق: حجاها وحرگ السياره شنوو الحگ رجعنيي كتلك التفت عليه مهاب التفتلي وتفاحه ادم تحرگت
رجعني الله عليك ماكو شي يصير بلغصب واني حالياً فكره الزواج شايلتها من بالي
مهاب: انطي لنفسج فرصه ثانيه الدنيا متوكف على تجربه فاشله
غسق: انت مامجبوو تتزوج وحده منفصله واهلك مراح يوافقون واحنه اصلاً مانتوالم دروبنا تختلف
مهاب: اكو احد ابالج؟
غسق: جريت نفس هذه يحتاجله صبر ايوب واني حيل مباقي هزيت راسي لا
مهاب: احجيلي لعد شنو السبب اريد اعرف عنج اكثر
غسق: ااجا اتصال شو هذه انهد يغلط ويسب مابقى غلط يعتب عليه سده وشمره زمخ بيه
مهاب: احجييي اسمعج
غسق: شحجيي؟
مهاب: كلشي يخصج احجيي
اسمعج
غسق: بلعت ريگي معاجبني احجي
مهاب: تاالي وياج لخاااطر الكائنات مو طيحتي حضي وشليتي حااالي
غسق: محد جااابرك بعددين تعال انت شلوون تروح على الدكتور دكله يبطلني باوعلي بطرف عينه
مهاب: وانتيي عاجبج كضااها عليج عزيزتي وعزيزتي
غسق: عاجبني او لا شعليك انت
مهاب: برابيك كلشي يعجبجن بس من واحد يجي عليجن بحلال الله تتعزززن
غسق: بقيت صافنه عليه معليك بيه كتلك وارجع اكلك لو تخطبني الف مره مراح اوافق زواج ماتزوج جر خشمه وعدل كعدته وهو بعدخ يسوق بس زيد السرعه قويت نفسي ماحجيت وهو يزيد بسرعته
ويين راايح مجاوبني رجعت كورت السوال
مهاب: نتفاهم خابري خالتج كليلها راح تباتين عند رنا
غسق: شنو اباااات ويين
مهاب: بشيب الخلفووني
غسق: شترريد انتت شتررريد منين طلعتلللي مدددكلي
مهاب: من ........امي
غسق: بقيت فاتحه عيووني ممعقوله هذه
بقيت ساكته شحجي ويا يعني وهو السااانه فاااالت واذا الكلام ميعجبه يسوي نفسه ابد ميسمع
مهاب: احجيلي اسمعج
غسق: شحجي بابا شحجييي انت صاااحي
مهاب: لا سكران بيج
غسق: خليت ايدي على راسي بتعب خاله منتضره العلاااج.
مهاب: باجر
غسق: طلعت الموبايل دورت اسم غسان طلعته انتبهه عليه سحبه من ايدي باوع على الاسم
مهاب: منو هذه الثاني؟
غسق: اخوي
مهاب: غساان نفس الولد الشفته بلبيت الي امه تخربطت ؟
غسق: لا زوج مسره
مهاب: شكو مخابرته؟
غسق: يعني شكووو غير ياخذ العلاج لخاله
مهاب: انطيني العلاج اوصي احد ياخذه الها
غسق: اي بدربك وصي يكول الخاله اني يمك
باوعلي بطرف عينه
نزل يم نفس البيت الجابني اله اول مره
مهاب: نزززلي
غسق: ويين جايبني لخاطر الله
مهاب: كتلج نتفاهم
غسق: مانزل ماعرف اهلك اني
مهاب: محد موجود رايحين زياره لبيت كرايبنا
غسق: بلعت ريگي مانزل ويااك لا تعب نفسك
طبك الباب حييل واجه يم يم بابي سحبني عوووف ايدددي مووو صاحي انتت عااالج نفسك تقرب همسلي
مهاب: انتِ علاجي
غسق: اني صخامك
دخلنا للبيت فارغ كعدت على حافه القنفه خايفه دخل وطبگ الباب بقيت اباوع عليه كعد كدامي طلع جكاره ورثها
مهاب: تحجيلي من اول مافتحتيرعينج لليوم
وبيت منو هذه الرحتيله وانتي فاقده ومنو هذه اللزم وجهج تحجين بتفاصييل
غسق: بقيت مركزه بعيونه
مهاب: اشتعلووو لا تباعين هيج لا ميصير خير
غسق: انت ليش هيج هامك امري؟ وعايف شغلك وتراقب بيه
مهاب: هاوويج واريدج حرمتي
غسق: بس ميصير بلگوه اني عندي اسبابي للرفض وانت يوم بعد يوم دتاذيني وتجبرني بالله احلفك تقبلها على خواتك رجال غريب يجيبهن لبيت يابه شنو
يريد يعرف سبب رفضها
مهاب: يابه بمحمد شاريج بروحي انتي ليش هيج تحسسيني واحد كو... ابن كو....
غسق: تستاهل الاحسن مني اني مافيدك
مهاب: رايدج الج
غسق: ماعرفك بعدين اني مو تعتبرني كاتله اخوووك شلون تريدد تتزوجني بس فهمني
مهاب: مو اخوووي خاالي
غسق: انووب خالك يا خوفي تاالي يطلع ابوك
ابتسم
مهاب: اطمئني عمج عايش منتضر اليوم اليزفج لابنه
غسق: رفعتله حاجبي ماتزوج انسان ماعرفه ماعيد الغلط مرتين خزرني
مهاب: يلكائنات شتريدين تعرفين رجال خالي مختلي
والله وكعني بيج وانطاح حضي خلاني افتر وراج مثل الطفل
غسق: محد جااابرك تفتر ورااايه
مهاب: انعل روحك رسول على هلبلووه لووو ميت انه بس هم يكولون العار مايصير بي شي
غسق: داريد احجي نفتحت باب البره تقرب من الشباك
التفتلي فرگ وجه
مهاب: الاهل رجعو كعدي يتعرفون عليج
غسق: بقيت صافنه بوجه بالله لو شافوني عدهم وحدنا شراح يكون تفكيرهم دخلو بقو صافنين علينا
واني گلبي صار طبل من شفتهم حسيت بحجم غلطتي من نظراتهم وكعدت اسب نفسي لان طاوعته واجيت ويا
يتبع<>
للكاتبه ود الباشا
"ليست الأشياء كلها قابلة للفهم أو القول كما يحب الناس عادة أن يجعلونا نعتقد، فمعظم الأحداث لا يمكن التعبير عنها بالكلمات وتحدث في مكان لم تطأه يومًا كلمة."
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!