رواية شوگ و ورد الفصل السادس والثلاثون 36 - بقلم wad. al.Basha

للكاتبه: ود الباشا

‏"أحيانًا يرمي الحظ الاشياء العزيزة عليك، في أيدي الآخرين".

غسق: كعدت بلكاع مصدومه وكع من الدرج
غمضت عيني بقوه ورجعت فتحتها اني غلطانه سمعت غلط كمت بسرعه غيرت ملابسي وايدي ترجف. ونزلت جوه شافتني خاله

ام مسره: وين بنتي

غسق: همست وكع من الدرج

ام مسره: اسم الله منوو وكع

غسق: عفتها وطلعت بدون ما اجاوبها واكللها احس عقلي طار طلعت من البيت فلس مشايله بقيت امشي بلشاررع واردد وكع من الدرج الناس تباوع عليه عبالهم مخبله وكف واحد كدامي رفعت راسي

شبييج

غسق: وكع من الدرج

منوو شصاااير

غسق: وخررر معلييك مشيت خطوه سحبني من ايدي
سحبتها بسرعه لاا تلزمني لا تلزمنييي وخررر معلييك كتلك

ياابه شبيج شوفي حالج امشي كدامي اوصلج وين ماتردين

غسق: اني ماكتلت اخوك والله ابني ميموت مووو ابني مايموت ميموت اني حاولت انقذ اخوك واكيد رب العالمين راح ينقذ. ابني بقى يباوع بوجهي

وين ابنج

غسق: اجتي خاله لابسه عبايتها مفتوحه ونعالاتها

ام مسره: ولج يمه شصاير فدوه لكلبج هبطتيني لا بيه اعوف البيت ولا بيه اجي وراج

اكدر اساعدكم بشي يمه

ام مسره: والله ياابني ماعرف شسالفه
غسق يممه اصحي واحجيلنه

غسق: خابري مسره خاله حبابه كليلها بيا مستشفى

ام مسره: منو واكع

غسق: سند حجيتها وبجيت شالت موبايلها دكت الرقم محد جاوب بقت تباوع عليه بقلق

ام مسره: يمه اخاف غلطانه امشي ويااي للبيت نفتهم السالفه

غسق: هزيت راسي مغلطانه خاله والله وكلبي ناغزني التفت لهذه مادري منين يطلعلي دائماً واكف يباوع علينا ويدخن اخذني للمستشفى

غير نعرف يا مستشفى

غسق: شهگت بتعب ماتحمل فراگ وموت والله گلبي خلصان

ام مسره: عندج رقم ارررشد

غسق: اي بجهازي

ام مسره: امشي كدامي انشوفه يمكن يرد ونفتهم منه

غسق: رجعنا للبيت رحت على موبايلي طلعت رقم ارشد وايدي ترجف بقيت ادك عليه ميجاوب شمرت الموبايل وكمت

ام مسره: وييين

غسق: اروح لبيتهم خاله كلبي مشتعل نار. خليني ارتاح فدوه لگلبج هزت راسها ومسحت دموعها

ام مسره: اجي وياج

غسق: لا خالو وحده خطيه ماتاخر واتصل بيج اطمنج ادعيلي مشيت للباب وتذكرت ماعندي فلوس تقربت منها عيوني تبجي خجل ويا دموعي خاله اعرف دداثكل عليج بس ماعندي غيرج والله

ام مسره: بنيتي عيوني الج حالج من حال مسره الله يشهد علي

غسق: اريد خمستالاف كروه ماعندي حجيتها بحسره وألم وضيم محجت شي راحت جابت ثنين عشرات يعني عشرين اخذت وحده ورجعتلها وحده مقبلت همستلها بتعب كافي والله عفتها وطلعت الدنيا طالعه من عيني صار كبالي هذه الغثيث وابد مووو وكته

هوووب اوكفي احاجيج

غسق: توووخر من كدااامي لا اطلع ضيميي كله بيك
طبك حواجبه

وين رايحه

غسق: شعليييك بابا شعلييك ابوووي اخوي ومادري وخر من كدامي تقرب مني همس بغضب وطابك حواجبه عباله يهمني او اخاف منه

صووتج لا تعليي لا اطلع روحج كتلج وييين رايحه جاوبي على كد السوااال

غسق: درت وجهي استغفرت ورجعت التفت عليه واني جاوووبتك ميخصك وفعلاً ميخصك عفته ومشيت سحبني من ايدي سحبتها بلكوه بس جان اقوه مني عضيته مفااد عووفني خلينيي اروح اشوفه الله عليك عوووفني

انه اوصلج بس امشييي النااس دتتفرج علينه اشتعلت ابهاتهم

غسق: ركبت السياره ركع بابها قوي واجه ركب التفتلي

شنووو هاي سوااالف المزعطه العندددج من البدايه وفضيها خليتينا فلمم للنااااس

غسق: محد عاتب عليك توصلني اولا طلبت منك هيج تسوي كدام الناس مجاوبني انطيته العنوان بيت ارشد وصلنه شفت كم واحد واكف بلباب والباب مفتوحه
ايدي كامت ترجف اريد احجي صوتي ميطلع بس شفافي ترجف

لا حول ولا قوه الا باالله شلون سالفه يابه شبيييج شو دترجفين

غسق: اسالهم ليش واكفين بلباب
مجاوبني خله جكارته بحلگه ونزل خليت ايدي على وجهي امسح دموعي باوعت ديتقدم للسياره بحيره فتح الباب همستله ليش واكفين اهنا

عدهم ميت

غسق: بقيت اباوع عليه وعيوني تلالي بدموعها وبعد محسيت بشي كعدت على ضربات خفيفه على خدي

واخيراً شصارلج شبيج اخذج للمستشفى

غسق: هزيت راسي لا باوعت مغير مكانه وين احنا رجعني لهناك

منين تعرفيهم زحمه واكفين ابابهم

غسق: ميخصك كتلك ميخصك رجعنييي باوعلي صفح لو ما حالتي ومقدر موقفي جان ركعني عيونه نطت عليه دار السياره وكفنا يم بابهم نزلت دخلت بسرعه نزل ورايه شفت غسان كاعد ومخلي ايده على راسه غسان ابني وين رفع راسه باوعلي عيوونه حمر

غسان: غسق شجابج

غسق: كتلك ابني ويين حباب احجيي لا تحرك كلبى اكثر

غسان: تعاي كعدي هسه جري نفس ليش هيج حالتج

غسق: غسااان كتلك ابنييي وييين مجااايه اهنا علمود تشخص حالتي التفت شفت هذه واكف وصافن بوجهي ممفتهم السالفه

غسان: بس كعدي شربي ماي افهمج السالفه

غسق: يااا سالفه تفهمني بيها اني سئلتك سوأل جاوبني وفضها وين مسره فرك وجه عفته ودخلت جوه درت وجهي شفت هذه لاحكني وييين

مادري غير وياج وين ترحين

غسق: روح رحمه الله والديك ساعدتني

امشي ارجعج للبيت

غسق: اني عود ارجع احجي ويا بلكوه روحي رايحه عفته ودخلت للمطبخ شفت خاله خدودها املخه وكاعده تبجي بحركه گلب شافتني كامت وكفت رجعت وكعت رجليها ماحملوها

ام ارشد: الله استجاااب دعاااج ولج غسق

غسق: كعدت كبالها خاله شصاير حجيتها ودموعي نزلت

ام ارشد: مو دعيتي وكلتي الله يحرك كلبه مثل ماحرك گلبي ولج امي حرك كلبه راح ابو الضحكه الحلوه سند راااح وحرگ روحنا ويا روحته

غسق: بقيت اباوع عليها بصدمه اني جنت محضره نفسي لهيج خبر بس من سمعته وتاكدت منه مادري شصارلي اريد استوعب السمعته اريد اكللها ليش اعاتبها ابني انتووو سبب موته وانتو سبب حسرتي عليه صوتي ماطلع ردت اصرخ ابجي. اخفف من الاصراخ الديصير بداخلي زحفت ليوره عقلي مديستوعب السمعه صحيت على صرخه ريتااج هي وتصيح

ريتاج:  عمووووو وينك عممممه

غسق: كمت بدون تفكير دخلت جوه شفت ارشد فاقد نايم عليها ويريد يكتلها هي بس تصرخ مبين هسه جاي داخل من باب الصاله وكفت بمكاني ماتحركت بقيت اباوع عليهم تعب هلكد ماضربها وكف فرك وجه ومبين القهر عليه عيونه دم والدموع متيبسه بيها صارت عينه بعيني تقرب وكف كدامي عيوني اطلقت سراحها من شفت دموعه تنزل من عيونه

ارشد: ليششش دعيتي عليه راااح احترررك كلبي اضعاااف حركه گلبج الله اخذ حووووبتج مني راااح ماااات وهو بعده مشايفه شي من الدنيييا

غسق: جذااب طلعه لا تضمه مااريده والله وبعد حتى ماااكلك خليني اشوووفه بس طلعه لا تجذب عليه ودكووول مااات لا تجذذذذب دار وجه واشووف اكتافه تهتز بقوه وكفت كباله لاااا تبجي ماميت عفت ورحت اصعد ادور عليه سحبني من ايدي

ارشد:  كتتلج مات ماااات سند مااات طلعت حوووبتج وجنت منتضرها بس مو بابني

غسق: لاااا دكوووول مااات حباب لا دكووول لزم وجهي بثنين ايده يهدي بيه واندفع واني نسحبت
مسح وجه وسحب خشمه

ارشد:  منو انت؟  وبأي حق تدفعني

انت الي بأي حق تلزمها اكسر ايدك ومحمد

ارشد:  غسااااان 

غسق: اجه غسان يركض واني عيوني بيهم فاصله

ارشد:  طلع هلزباله من بيتي لا ابتلي بي

غسق: ارشد هيج حجه وذاك هجم عليه ضربه اهنا بعد متحملت صرخت بعلو صووتي كااااافي ماهتمولي بقي واحد يضرب بثاني علما غسان سيطر على الوضع لزم ارشد وارشد يهد ويرد انتبهت كلها واكفه بس مو بحال يجون يفاككون

امشيي كدامي يلااا

غسق: بعدني محاجيه سحبني من ايدي للكراج هو يلعن ويسب وييين

ارجعج للبييت وين يعنيي

غسق: كعدت بلكاع حيلي مهدود همست ابني مات بعد ماكدر اشووفه حتى هاي الساعه الجنت اشوفه بيها بعد ماكو صفنت وكانما تذكرت شي دخلت اركض جوه شفت غسان بعده لازم ارشد وكفت كدامه اررريد اشوفه وينه اخر مره اشوفه لا تحرررمني من هلشي

ارشد:  مااات داكلج مااااااات طلعت حوببتج ارتااحي  افرررحي  ضحكي علييييش تبجييين عليييش

غسق: على شنوو افرح ابني ابني الماااات واني مشبعانه منه رااح واني مو يمه حجيت ويا بنفعال سمعنا صوت طبه بلمطبخ هو عافنا وركض رحنا وراء شفت خاله واكعه من طولها ردت اتقربلها مكدرت وكعت ورجعت سندت نفسي على الحايط ارشد شال امه وركض بيها للمستشفى دخلت مسره تقربت مني وهي تبجي حضنتني لا تبجين كولي جذب كوليلي مسحي دموعج مابي شي

مسره:  طير بلجنه لا تسوين هيج بنفسج

غسق: ماشبعت منه بعدني اريد احضنه اريد العب ويا اريد اشوفه من يكبر اريد افرح بي حرموووني منه حرموني من ريحته تتتاالي مااات مسرررره مااات عااافني زيين هو يعرررف اني كل يوووم احااارب نفسي علمود انام وهو مو بحضننيي ميعرررف بكل هذه اكيد هو زعلان مني شلون عفته بسهوله شلون محاربت عليه اكثر شلووون ماخذته من نص عيووونهم

مسره:  كومي وياي

غسق: دفنوو مخلوني اشوفه دفنوو هو صغييير يخاااف من الظلمه يخااف اكيد هسه جوعان مسحت دموعها وسندتني طلعت وياها شفت هذه الرجال عجيب امره بعده واكف يم غسان ثنينهم يدخنون شافني اتقرب مني

ماكو داعي باقيه اهنا امشي ارجعج

غسق: انت شعندك باقي ليهسه

منتضرج

غسق: محد كايلك انتضرني

غسان:  حبيبي روح انه ارجعها اخذ راحتك انت

ماتحرك خطوه منا الا انتي وياي

غسق: استغفر الله ربي همستلي مسره

مسره:  منو هذه ؟

غسق: مادري حتي اسمه صخامه ماعرفه
وهو لازكلي تقرب غسان

غسان:  اكوول اخذي هذه ورجعي للبيت اذا يرجع ارشد يشوفه تصير مشكله واحنه مناقصين غسق والله حيلنا مهدود وحساابج وياي بعدين

غسق: كله يرجع اني ارجع بتكسي

غسان:  اعتبري تكسي ورجعي ويا مايقنع فوكاها يضرب المقابيل بعرض الحايط مهامه شي

غسق: هزيت راسي عفتهم ومشيت ركبت السياره وهو اجه ورايه

اخذج للمستشفى

غسق: ميحتاج انت ابعد من طريقي اني بخير
مجاوبني وصلني للبيت قبل لا انزل همسلي

بقيه بحياتج طير بلجنه ان شالله

غسق: تسلم

لا ترحين لهناك مره ثانيه

غسق: مجاوبته نزلت بدون ما احجي فتحت الباب ودخلت خاله منتضرتني بلصاله اول ما شافتني ركضت عليه شمرت نفسي بحضنها بدون اي ردة فعل وهي حضنتني

ام مسره:  ولج امي بقيه بحياتج طير بلجنه

غسق: مخلوني اشبع منه مارحموو بحالي وبحاله علما مات خاله اني باقيه بحسرته وهو باقي بحسره امه ليش هيج بقت تمسد على راسي وتحجي وياي تحاول تهديني مرت الايام وهاي شهرين علئ وفاته مسره
بين يوم والثاني تجي تشوفني تحاول تغيرلي جو بس اني غصته بكلبي والله مو بيدي اليوم احتي مسره كعدت كبالي خازرتني ابتسمت شبيج

مسره: بعدين وياج شوفي حاالج غسق صفيتي جلد وعظم حررام علييج.

غسق: شسوي مسره شسوي مو بايدي اني كلبي ديحترك كل يوم اكو لو عايش جان هلكد عمره لو جان عايش هسه ديزحف

مسره: حبيبتي انتي والله مقدره وضعج بس هم ميصير التفتي النفسج شوفي ماما شلون مقهوره عليج وانه من ارجع لبيتي ابقئ افكر بيج والله حتى مشاكل ويا عمتي صارت من تشوفني صافنه دكوم ترزلني ومالي وهس لشي فكري بينا احنه النحبج شنو ذنبنا نشوفج هلشكل

غسق: دمعت هي وتحجي حضنتها وكمنا ثنينا نبجي
لو جان يمي مجان راح مسره لو راجعه ومداريته ومخليه عيني عليه مجان مات بس اني هملته اني خليته تنازلت عنه

مسره: مو انتي والله مو انتي شنو ذنبج هم مخلوج تشوفي وحرموج منه كاافي تفكرين رجعي عسق القديمه واوكفي على رجلج وكسرري خشمهم

غسق: شلون وكع مسره كل مره اسألج متجاوبيني هلمره جاوبيني ريحي كلبي طفل هيج عمر شلون واكع الله عليج لا تجذبين عليه  جرت حسره

مسره: المسعده ماخذته فوك ومن ذتنزل بايدها الطفل وسله الحليب ممسيطره رجلها ملتويه علئ الدرج وبدال ما تلزم الطفل لازمه الدرج. بتك ايد خايفه توكع هي والطفل واكع منها

غسق: حسبي الله عليهم واحد واحد حركو كلبي
عليه

مسره: شمرها بيت ابوها والله لو تشوفين حالهم مو احسن من حالج خاصه ام ارشد وارشد منتهين

غسق: لا تجيبين طاريهم عساااهم بلحرك
بقينا نسولف اني وياها علما اجه غسان اخذها جريت نفس ورحت يم خاله كعدت تقنعني انسئ الصار كلامهم ميفرق من كلام مسره قررت من باجر ادور شغل وحجيت ويا خاله ابتسمت فرحانه وكاالت ياريت اطلعين من قوقعتج بعدين صفنت وسئلتني

ام مسره: يمه هذه الولد اليي جان ويااج بيوم الطلعتي منووو.

غسق: صفنت بوجها يا ولد خاله شوكت طلعت

ام مسره:  بيوم وكعه سند من طلعت وراج شفتج واكفه ويا 

غسق: قلصت عيني مادري يمكن هو حب يساعدنا ماردت احجيلها الصار وتخاف

ام مسره:  صار كم مره اطلع للمسواك اشوفه واكف بسيارته ويباوع علئ البيت ومن اسأله يكول بيت اختي هذه البصفنا ومنتضرها تطلع اني علي بالي تعرفي

غسق: هزيت راسي لا واني افكر بكلامها هذه شيريد مني ليش واكف اهنا ومتاكده يجذب ماعنده كرايب اهنا هو حتئ بيوم الطلعت صار بوجهي متاكده ديراقبني صعدت لغرفتي نمت كمت ثاني يوم غيرت ملابسي لفيت حجابي ونزلت صبحت علئ خاله شافتتي ابتسمت

ام مسره: يا هلا بهلصباح هلا بصباح السعاده

غسق: ابتسمت وبست راسها اكلت لكمه وردت اطلع استوقفني صوتها تصيح باسمي التفت محتاجه شي خاله

ام مسره: يا اامي سلامتج

غسق: فتحت ايدي وخلت بيها حمرتين

ام مسره: بروح اهلج لا ترديني خليها جوه ايدج وشوكت ما اشتغلتي رديهم الي

غسق:  دمعت عيني هيج داثكل عليج والله خاله افضالج صارت هوواي. طبطبت علي جتفي

ام مسره:  ماكو افضال بين الام وبنتها

غسق: بست راسها وطلعت
التفت شفت سياره تمشي ورايه بطيئ انتضرتها تفوت بس مفاتت بقت واكفه تقربت دكيت الجام شفت ولد شاب
ليش دتلحكنيي وليش واكف اباب بيتنا منو انت؟

اعصابج وانه شكو الحكج. اعرفج تعرفيني

غسق: اسأل هلسوأل النفسك عيني والله اذا شفتج تلحكني اشتكي عليك عفته ومشيت افوور
افتريت افتريت ورحت للحضانه عندي امل يرجعوني المكان الوحيد الي ارتاحيت بشغلي
شفت مس رنا سلمت عليها وهي هم استقبالها حار

رنا:  اشتقينا والله

غسق: اني اشوق

رنا:  متغيره غسق وجهج ذبلان وضعفانه بيج شي لا سامح الله

غسق:  ابني انطاج عمره

رنا:  لا حول ولا قوه الا بالله العلي العظيم البقيه بحيااتج قهرتيني والله

غسق: تسلمين رنا اني جايتج اريد اشتغل ومدالكه شغل افتريت افتريت ورجعت اهنا

رنا: اجيتي بوكتج شوفي ابن عمي  دكتور هو بمثابه اخوي والله وطلب مني اشوفله وحده ثقه تشتغل يمئ سكرتيره اخابره اذا بعده ملاكي وحده مناسبه اوصي عليج احسلج من دوخه الجهال

غسق:  اتعبج وياي والله تسويلي فضل جبير
ابتسمت اخذت موبايلها ااتصلت وخلته علئ اذنها من بعد السلام سألته بعدها ابتسمت ابتسامه عريضه عرفت بي بعده ممشغل احد اني هم ابتسمت لا اردياً
ختمت منه

رنا:  العصر نروحله اني وياج للعياده وشوفي الوضع اذا يناسبج

غسق: هزيت راسي بأمتنان كمت حضنتها واني اتشكرها اتفقنا العصر نتلاكه بمكان وترخصت منها
طلعت مكدرت ادخل اشوف الاطفال رغم شي بداخلي يدفعني اروح اشوفهم العب وياهم بس مكدرت طلعت لراس الشارع اخذت تكسي للبيت بنص الطريق استغفر ابو التكسي شكو عمو

هذه مدري شبي الشارع كله كدامه واكف وراي يرمش مطاااايه بلشواررع سياقه مايعرفوها شنووو واحدهم اهم شي يكعد وره الستيرن يحس نفسه امير زمانه

غسق: ميخالف خلي يروح لا تهتمله داكمل حجايتي وكفت سياره كدامنا بقيت اباوع مصدومه صارلي شهرين مشايفته شيريد مني هذه جنت شاكه هو اليراقبني بس هسه تاكدت حنه ضهره لجامه السايق يحجي ويا

انه مو صار ساعه ارمشلك ليش متوكف فوكاها تبيع سوالف عليه وتاشر بايدك وتبسبس والله حضك وبختك بهلورده المركبها جان شوفتك الامهات شتجيب

غسق: السايق كام يعتذر منه شمر عليه الكروه واشرلي نزلي لا تاخذ منه وامشي كمل طريقك

كتتتلج نزلي

غسق: منووو انت وتتأمر علي
خويه تحرك رحمه لوالديك ليش واكف
اجه فتح الباب سحب ايدي اشر لابر التكسي يتحرك
سحبت ايدي منه بلكوه  لااا تلزمني مررره ثااانيه
رمقني بنظره من فوك ليجوه اشرلي علئ سيارته
منو انت شتريد مني لخاطر الله

امشي للسياره

غسق: ركبت وحلفت بداخلي اخر مره اني شعرف من هذه واركب

شلونج

غسق: جنت زينه

ممبين باقيه بس الهيكل

غسق: ميخصك

اي صح شهرين منتضر اشوووفج يوم يوم  ردت ادخل احاجيج بلبيت بس خفت تجيج حجايه

غسق: عليش منتضر
اعتقد حجيتلك كل العندي وماكو شي ثاني تسالني عليه

منو هذه الزمج شيقربلج؟ 

غسق: درت وجهي علئ الجامه نزلني اهنا

ردي علئ سوألي بدون لف ودوران

غسق:  لا بالله ماتريد انطيك دليل فوكاها همست ناقصني مخابيل بحياتي نزلني اهنااا اني غبيه ركبت وياك

اذا متجاوبين علئ كل اسئلتي اليوم اخليج ضيفه خفيفه عندي

غسق: انت منو واكعد اجاوب اسئلتك الله عليك لا تاذيني ونزلني اهنا

يااابه حسبيني فضووولي تره مو كل الناس مثلج صار كم شهر اشوفج مسألتيني حتئ على اسمي

غسق: اعتقد هو هذه الصح مادخل بشي مايخصني حتئ اسمك اذا ماتريد دكوله انت حررر. اكعد اجبرك قابل

اي انه اجبر وبعد بكيفج

غسق: باوعت عليه بطرف عيني مخلي مسدس بحزامه. ولابسس بنطرون جنز وقميص اسود وحذاء اسود

جوعانه؟

غسق: هزيت راسي لا غمزلي طبكت حواجبي بعلامه استفهام

اكلتيني بعيونج كلت اكيد جوعانه

غسق: ماعتقد تضحك يلاا نزلني وارجع اكرر والله مره ثانيه اذا طلعت بوجهي اشتكي عليك ضحك بصوت خشن  ماعتقد حجيت نكته لحضرتك

بنسبه الي كلامج كله أن كأن زين او شين هو يدغدغ مسامعي ويخليني اضحك وابتسم لا اردياً

غسق: صفكوله نزار القباااني فرع باب الشرجي
ابتسم

خررب شكلج مال غزل انتي مال دك ونوح ولطم شكلج يجيب الحزن والتايهه

غسق: نزلني كتلك العصر عندي موعد وبعدني ممحضره نفسيي طبك حواجبه وحجه بنبره تخوف

موعد ايش؟

غسق: شعليك يا اخي شعليك لا تدخل بشي ميخصك
باوعلي صفح ونفخ الدخان بدون ميجاوبني بقئ يفتر بلسياره طلعت الموبايل شفت الساعه صارت ب 2 موعدي ويا رنا ب 4
بقيت ساكته عسا ولعل يتعب ويرجعني ربع ساعه وهدوء لا هو يحجي ولا اني هو منتضرني امل واشبع فضوله واني منتضرته يمل ويرجعني

مراح تحجين ؟

غسق: شنو احجي؟

موعد شنو وتحجيلي وتفهميني علئ الصار قبل شهرين؟

غسق: شراح تستفاد؟
وبعدين اكدر اني اسألك سوال هز راسه بمعنى اي
انت تقبل اختك تصعد ويا احد غريب ويكعد يستجوبها بهلطريقه؟ اني ساكته اريدك انت تحس بس شو كاعد تتماده اكثر

انه اذا ماعندي غايه ويااج ماكعد اسولف ويااج واسألج
بس انتي هجوميه بشكل وماتخليني اوصلج الكلام بشكل صحيح

غسق: ماريد اسمع منك كلام ولا اريد تطلع بوجهي مره ثانيه هز راسه
وبقئ يمشي هوواي علما حسيت راح نطلع من بغداد من كثر ما مشئ باوعت عليه تملكني الخوف وتمنيت لو مطالعه من البيت وين جايبني

زعفرانيه

غسق: شصخم اهنا رجعنيي

اعرفج علئ اهلي علمود تعرفين نيتي ويااج شريفه مو مثل ماتفكرين

غسق: فركت وجهي بتوتر وكف يم بيت بقيت صافنه عليه كلش جبير
طفئ السياره

انزلي يلااا

غسق: تحلللم رجعنييي

كللتتت انزلي وانه بليل ارجعج

غسق: تحلم انزل طلع واحد يركض حضنه وكأنو من فتره مشايفه شافني ابتسم وسلم

مهاب ليش ماكلت وياك خطار

غسق: صفنت علئ اسمه ثاني مره اسمع هل اسم

مهاب: صدفه صارت كلت اجيبها عدكم

يابه حياكم الله يلا الغده جاهز تغدو ويانه امك منتضرتك شافت سيارتك بلكامره

مهاب: نزلي يلا

غسق: كتلك رجعني مانزل الولد ربت علئ جتفه وراح وكف يم باب البيت

مهاب:  انتتتي شتردين تخبلينييي نزلي تعرفي على اهلييي وبليل اجي اخطبج من اهلج وفضت راحت

غسق: منووو كال اني موووافقه عليك فرك وجه بتوتر

مهاب:  وليش حتى متوافقين انطيني سبب

غسق: ماكو سبب اني مناويه اتزوج هسه ولا مفكره بلسالفه

مهاب:  الكلام وياااج ضايع اجي لاهلج ونشوووف

غسق: ركزت بعيونه الحمر وهمست ماعندي اهل نزلت دموعي رگب وسد باب السياره

مهاب:  لا تبجين احلفج بعزيز گلبج
انه اعتذر مو قصدي

غسق: رجعني للبيت

مهاب: نزلي تغدي واخذج وين ماتردين

غسق: ماكدر اني ماعرفك ولا اعرف احد بهلبيت شلوون تريدني انزل ماحجه شي نزل وراح وكف الولد وهو يباوع علئ السياره دخل حوه بلربع ساعه يلا طلع بايده صينيه ركب خلاها علئ رجلي بيها لفتين ولبن وطرشي شنو هاي باوعلي وباوع لصينيه

مهاب:  شنو يعني اكل؟  تشوفين غير شي وانه مادري
اكلي وسكتي

غسق: مجوعانه انت اكلهن

مهاب: اكلت الحمدالله

غسق: اشرلي اكلي اخذت لفه اكلتها وبلكوه تنبلع عندي احس نظراته عليه متقيده حتئ بكعدتي اكلت نص لفه وسحبت ايدي باوعتله يسوق مترهي ولا كانما جايبني غصب وصار ٣ ساعات مطيح حظي تذكرت السياره الشفتها الصبح  انت ليش مراقبني؟ اشر علئ نفسه

مهاب:  انه

غسق: اي انت مخلي واحد يراقبني الصبح شفته

مهاب:  استغفر الله ياابه استجني شويه زليخه هم ما شكت بيوسف يراقبها علئ شنو اراقبج مثلاً ماعندي شغله وعمله اكعد اراقب ست الحسن والجمال

غسق: خوش حجي بعد لا تطلع بوجهي رجاءً  مجاوبني
صفن شويه وكال بنبره خشنه

مهاب:  تره فاض الصبر بيه وحق كفيل زينب

يتبع<>
للكاتبه ود الباشا

‏لم يعد بإمكاني كتابة نص طويل، ولا قراءة نص طويل، لا دخول علاقات طويلة ، لا البكاء بغزارة ولا الضحك عميقا، ولا التحسر بقوة على شيء ضاع، لم يعد بإمكاني الجموح بطموحاتي ولا السفر بخيالاتي، ولا استقبال يوم جديد بشهية مفتوحة، كل شيء يطفو على السطح.