رواية شوگ و ورد الفصل الثامن والثلاثون 38 - بقلم wad. al.Basha

للكاتبه:  ود الباشا

متندم بگد الفرق مابين شكل وعمري
حتى الحزن صاير ملل وياي وانه بصغري
انتفس ويمي الهوى ليش اختنگ ما ادري
يمكن لان گلبي كبر
جاي احس ضيگ صدري

غسق: كعدت اسب نفسي لان طاوعته واجيت ويا
باوعولي وكأنما وحد موزينه كدامهم حجه واحد جبير بلعمر

منووو هاي مهااب

غسق: هو ساكت يباوعلي امه جاوبته

ام مهاب:  مو انتي نفسج الخطبناااج ؟

مهاب:  اي يمه نفسها جبتها وكل ضني بلبيت اجت تعتذر منج على الصار ذاك اليوم واغلب كلامها حتى تغيضني لأن جان اكو خلاف بيناتنا

ام مهاب:  يعني شنوو مهاب فهمني تره راسي افتر

مهاب:  يعني يمه كلامها الحجته الكم كله حتى بس تغيضني بي هي ممنفصله وبعدها ممتزوجه

غسق: حجه الرجال العرفته ابو

ابو مهاب:  بنتي احجي لا تخافين منه انه بضهرج

مهاب:  ياابه تحسسني خاطفها

غسق: رفعت راسي ثنين نسوان متوسطات بلعمر واكفات يباوعن عليه وثنين شابات و3 شباب وامه وابو تمنيت الكاع تنشك وتبلعني على هلموقف السخيف صحيت من صفنتي على صوته هو وخازرني

مهاب:  احجيي ليش ساكته مو انتي كلتي اروح لوالدتك وافهمها كلشي حجيته بلحظه غضب

ابو مهاب: عيووونك لا تخزرها ابن الچلب

غسق: فرگ وجه واندار على ابو

مهاب: حشااك يابه انه چلب ابن سطعش چلب

غسق: عود راد يگحلها عماها اكو نفاضه كدام ابو شمره عليه هو كام يضحك التفتت شفت امه تخزرني

ابو مهاب:  احجي الج الاماان

غسق:  مباوعت  على مهاب ادري بي راح يتحلفلي
بس اني ماريد اتزوج وهو مديفهم هلشي خبلني
عمو هو جابني غصب اهنا والله حتى موبايلي اخذه مني وين ماروح يلحگني
اني مو استنقاص بي او استصغار لا والله الف وحده تتمنا بس اني فكره الزواج شايلتها من راسي مريت بتجربه فاشله وابني مصار 3 اشهر من مات وگلبي لليوم ملجوم ردت اكمل كلامي دفر الطبله الكدامي

مهاب:  لاااا تخبلييييني غسسسق لاااا طلعين خبااالاتي عليييج

غسق: كام ابو دفعه صار قريب مني خفت يمد ايده عليه كدامهم لأن فقد

مهاب:  يعنيي هسه انه طلعت ساااحل روحي عليج

غسق: مجاوبته زمخ بي ابو

ابو مهااب:  انتتتت لشوكت تبقى هيج طايح حظظ وماتسمع الگلمه بنيه ماااتريدك غصببب هوو كلشي عندك غصب

مهاب: ياابه تريددددني افهمها بس هي هاي كلاووووات البنات يتعززن ويتبربكن عليناااااا

ابو مهاب:  مررراد اخذها رجعها لبيتها وانت يا ويلك يا سواد ليلك توصللها مره ثااانيه

غسق: غسق: مخلي ايده ثنينهن بجيوب البنطرون ويباوع عليه عيونه يردن ينطن مشيت خطوتين وكفني صوت امه

ام مهاب:  لحظه

غسق: التفتت عليها

ام مهاب:  الكلام الحجيتي بيوم الاجينه صدك لو مثل مايكول مهاب؟

غسق: كل حرف حجيته صدك خاله مامجذبه بشي هزت راسها وباوعت على مهاب بعدم رضا عفتهم وطلعت مخنوكه من هالموقف السخيف النحطيت بي
عباله يخليني كدام امر الواقع واقبل جريت نفس اجه اخو

مراد: ركبي خيتي اوصلج

غسق: لا شكرا اني اروح بس اريد موبايلي

مراد:  وينه

غسق: عند مهاب هز راسه وراح يجيبه شوي وطلع شياطين تتكامز فوك راسه وكف كبالي مانطاني الجهاز

مهاب:  راح تندمين

غسق: حجاها وربت على كتف مراد الموباايل

مهاب:  ماااكوو صخاام وصلها خويه بأمانتك

غسق: ماكو داعي اني اروح

مهاب:  العناااد مخلوووق منج صعدددي

غسق: صعدت واني ساكته بس خل اطلع منا حتى عنواني اغيره ساعه السوده الشفتك بيها طول الطريق ساكتين تالي انتبهت مو نفس الطريق هو حتى ماسالني على العنوان خويه هذه مو طريقنا باوعلي من المرايه مجاوبني مو داحجي وياااك
افتتتح الباب نززلني شنووو انتووو لخاطر الله

مراد: شويه سكتي اذا متصير زحمه عليج

غسق: شنووو اسكتتت وين ماخذني وصلنا لمكان الخطفوني بي رجعنيي

مراد: نزلي لا تعبيني

غسق: بقيت كاعده وهو يحجي علمود انزل منطيته اذن الطرشه بس شنو گلبي من الخوف يريد يطلع من مكانه سمعت صوت سياره التفت شفت سيارته خفت اكثر نزل تقرب

مهاب: تكدر ترجع اذا الوالد سألك عليه كله سافر ويا صديقه

غسق: بلعت ريكي مشى الولد خطوتين صحت بي لا تروووح رجعنيييي ركب السياره وراح
التفتت عليه يدخن ويباوعلي اشرلي براسه بمعنى ندخل رجعني مشى بخطوات ثكيله دخل جوه التفتلي

مهاب:  تره اكو عقارب وحيايه لو تفوتين احسنلج

غسق: نزلت عيني على الكاع خفت بلعت ريكي رفعت راسي ماكو داخل جوه دخلت وراء شفت كاعد ومخلي راسه بين ثنين ايده رفع راسه عليه

مهاب:  ليش سويتي هيج؟

غسق: شتريد انت كام من مكانه تقرب مني خله عينه بعيني

مهاب: يعني برئيج شرييد؟ انه اثول الحبيت وحده مثلج كاطعه فيشه الاحساااس

غسق: شتعرررف عنييي انت وحبيتني شتعرف ابتسم صفح

مهاب:  غسق محمود اخوج خليل امج وابوج توفو بحاادث على طريق اربيل واخوج هم مات منتحر بمستشفى لان مدمن مخدرات عندج ثنين عمام واعتقد ثنين خوال وكلهم عااريه شريف مابيهم وهسه انتي  تكعدين تحجيلي كلشي عنج علمود نتفاهم

غسق: كعدت على الكرسي مصدومه شون عرفت ميل راسه يباوع عليه

مهاب: اعرف عنج كلشي تقريباً بس منتضر افتهم منج واكو اسأله براسي تفتر مالكيتلهم جواب

غسق: اذا احجيلك تعوفني بحالي بقى صافن بعيوني

مهاب: يريحج هلشي؟

غسق: هزيت راسي اي انت تستحق وحده احسن مني

مهاب: بس انه ماريد الاحسن

غسق: توعدني تبعد من دربي هز راسه

مهاب: اوعدج بنت محمود انه اريد راحتج
الظاهر مقسوملي اتعذب

غسق: الله يكتبلك النصيب الحلو الينسيك كلشي
طلع جكاره وكعد اشرلي بمعنى احجي حجيتله كلشي
من الحادث الصار لليوم حتى حجيتله على عمي محمد وخالي كرم وعمر وارشد
كام دفر الكرسي وبقى يباوعلي

مهاب: لووو باقيه بيت عمج ومنجبه مصااار ويااج كل هذه ماعشتيي هيج وصرررتي بااايد هلحقييير

غسق: مسحت دموعي اعتقد حجيتلك على مرته وحجيتلك ابن اخوها شلون تهمني وعمي مصدكهم وهو اصلا ميريدني لليوم مسأل عليه عايشه ميته شلوون بعد ابقى عدهم

مهاب: كواوي..... عفيه عائله شرررريف مابيهم
وانتي الغبره حتئ تفكير ماتعرفين تفكرين
روجه تاخذج وروجه تجييج انه الهم سهله

غسق: لا تغلط
طگ اصبعتين وجه صار اسود مادري من كلامي من اجيبله طاري عمر وارشد وجه ينگلب

مهاب:  اطكلج اصبعتييين عيني انجازاتج متنعد تستاهلين الگلاده الذهبيه طكيتي مرارتي الله يطگ گلب عدوووانج

غسق: حجيتلك كلشي رجعني باوعلي صفح

مهاب:  باجر ارجعج ومثل ماتفقت وياج بعد وجهي ماتشوفي اخليج بحسرته

غسق: شنوو باجر هسه رجعني حباب خاله يضل بالها عليه

مهاب: باجر الصبح ارجعج يعني هسه انتي مبتعده مني تخافين لا اطلع نفس الخنثه الختاريتي

غسق: اني ماختاريته هو هم جبرني مثل ما انت هسه دتجبرني رفعلي حاجب ودك على رجله

مهاب:  من اكوول برابيك محد يصدكني عمي وين نكدرلج احنا

غسق: اسألك شسوأل
انت شلون اليوم تخليني بهيج موقف كدام اهلج مفكرت ياخذون عني نظره محلوه؟  تصرفك ابد مجان حلوو تره

مهاب:  عود انه نچر وجيت اخليج كدام امر الواقع واخليج ترضين ونعقد سيد تالي خليتيني صافن حتئ الكلام طار من راسي ومعرفت شبرر وشكوول ولا تخافين يعرفون انه الجابرج

غسق: ليش تجبرنيي على شي اني ماريده

مهاب:  حبيتج ومحمد

غسق: بقيت اباوع بعيونه بيهن لمعه  شتت فكري بقيت كاعده وهو طلع بره يخابر شوي ودخل
رجعنيي للبييت

مهاب:  باجر

غسق: ليييش باجرر وبعدين اني مابقى اهنا انت مو كلت كلها حيايه وعكارب ضحك شكووو تضحك
حجيت نكته حگ طرف حاجبه

مهاب:  انومج بحضني

غسق: مهاااب لا تتمادددده وخليني اروح حجيتلك كلشي

مهاب:   عيونه لمهاب

غسق: باوعتله صفح كام عدل قميصه

مهاب:  لا تباوعين هيج كومي اخذج يلااا

غسق: كمت ممصدكه طلعنا ركبت السياره حركها

مهاب:  بانت الفرحه بعينج هيج صاير ثگيل على گلبج؟

غسق: مو قصه ثكيل اني ممستعد للارتباط لا هسه ولا بعدين انت وعدتني تبتعد عني بعد ماكو داعي نحجي بهلموضوع هز راسه وصلنا يم بيت خاله ام مسره شفت سياره ارشد وغسان التفت على الباب شفتهم واكفين

مهاب:  منو ذولي؟

غسق: باوعت عليه غسان رجل مسره

مهاب: وذاك؟  نفسه الشفته بلبيت

غسق: هزيت راسي بمعنى اي

مهاب:  شيسوووي اهناااا

غسق:  شمدرينيي اني

مهاب: نزلي يلا

غسق: ويين جااي مجاوبني نزل وطبگ السياره
نزلت وراء شافونا تقدمو علينا ارشد رافع حاجبه وغسان مصدوم

غسان:  غسسق ويين جنتيي

مهاب:  جانت عدنا

ارشد:  شتسوي عدكم ومنو انتو اصلاً

غسق: بلعت ريكي شفت نظراتهم واحد للثاني متبشر بخير اخته صديقتيي وتاخرت وجهازي مادري بي وين نسيته بسياره التكسي وخطيه هو جابليا حجيت كلشي دفعه وحده ارشد خازرني وغسان يباوعلي ممصدك
مادري شلون طلع عندي الحجي

ارشد:  غسق: اذا هذه مائذيج احجيي لا دوريله حجج ولا تخافين منه

غسق: باوعت على مهاب عاض طرف شفته ويباوع بحقد على ارشد

مهاب: اي واذا مائذيها شتريد تسووي بعد ط..... انت

ارشد: اصلخ جلدك ولخلقك

غسق: مهاب ضحك ضحكه بصوت علي بقيت اباوع عليه

مهاب: متخوووف چلبي اغاتي روح خليك بحياتك ولا تدخل بسوالف اكبر منك وليدي الحباب

غسان: صدك جذب صلو علنبي

غسق: التفت على مهاب خازرته شكراً الك وصلتني

ارشد:  غسسق اشتكييي عليه لا تضمضمين اله

غسق: ردت احجي ومهاب هجم عليه ضربه

مهاب: انت ماتفتهم بلعين والاغاتيي الا تنخبز هاي نجومك اخليهن بطيبه گلبك لا تحاول تلعب وياي اخليك براسي ولخلقك اكرهك حياتك

غسق: غسان يحاول يفاككهم بس مكدر عليهم
كااافي مهاااب عوووفه سحبت ايد ارشد لزمني مهاب دفعني حيل وزمخ بيه

مهاب:  دخلييييي جوه لا حضج. اطيييحه دخلييي

غسق: ديحجي وياي وهجم عليه ارشد سحبت مهاب ردت هلمهزله تنتهي طلعت خاله والجيران من صوتهم غسان لازم ارشد حيل وذاك جنه ثوور وهذه شراره تطلع من عيونه
مهابب كاافي حباب روحح عوووفه

مهاب: عليييش خايفه منه صرصره ادوووسه برجلللي

غسق: مخايفه بس روح منا هسه يشتكي عليك

مهاب: دخلييي جوه انتيييي يلاااا

غسق: دفعني للباب لزمتني خاله

ام مسره:  ولج شصاير ياهو هذه

غسق: خااله فاككيهم فدووه راح يتاكتلون شفت خاله وكعت من طولها وكمت اصيح بيهم يجون يشوفوها اجه غسان صاح ماااي ركضت جبتبه بطل غسل وجهه شفت مهاب واكف يدخن وعيونه براسه وارشد مرتجي على سيارته فتحت عينها خاله دخلناها جوه غسان قاس ضغطها والسكر طبيعي عافها وطلع لارشد تقربت منها لزمت ايدها سلامتج خاله خفت عليج ابتسمت

ام مسره:  مابيه شي سا امي سويت هيج علمود يلتهون بيه ومايتكاتلون

غسق: يعني مابيج شي هززت راسها دخل مهاب

مهاب:  مابيج غير العافيه حجيه

ام مسره:  الله يحفظك وليدي

مهاب:  اخذج للمستشفى يجيگون وضعج

ام مسره:  ريتك سالم بس مابيه شي

مهاب: انه اترخص ثيمالاه

غسق: الله وياك باوعلي واشرلي تعاي كمت رحت وراء بدون ما خاله تحس ماريد تسألني او تصير مشكله ثانيه وكف بلكراج الباب مفتوحه شفت ارشد وغسان بره

مهااب:  عييينج وين

غسق: لا تصيح شبيك فرك وجهه بعصبيه

مهاب:  استغفر الله

غسق: شتريد

مهاب:  هذه كل يوم يجي اهنا

غسق: شدراني اني

مهاب:  غسسق وكلااام الله ومحمد اسمع واكفه عنده حاجيه ويا اوكلج تبن

غسق: لا تتجاوز وبعدين اذا احجي ويا او اوكف يمه انت مايخصك تقرب خطوه صار قريب عليه

مهاب:  مو راح اخذج سحل يشهد الله عليه واشووف شون مايخصني

غسق: شفته باوع ورايه وابتسم نص ابتسامه
التفتت شفت دوريه وكفت يم ارشد
مووو كتلك ررووح

مهاب:  انه انتضرتهم اشرد منهم وسفه والله اليوم العب الغالي على الغالي

غسق: مهااب بعدني ممكمله حجه

مهاب:  روح مهاب

غسق: هيه مو مال شقه هسه يذب عليك تهمه ينومك سنه ليكدام بلسجن طگها بضحكه

مهاب:  دخلي جوه وباجر نتشاوف بس علمود تتطمنين عليه ادري بيج گلبج راح يصير نار

غسق: غمزلي وراح التفت عليه يمشي بكل ثقه وارشد يباوع عليه بستهزاء عفتهم ودخلت جووه افكر بتصرفاته مو طبيعيه كعدت يم خاله دخل غسان عصبي

غسان:  كووومي احاجيج

غسق: حجاها وطلع طلعت وراء شفته يدخن ويهز برجله

غسان:  شجابج على هذه وشسوووين وياااا غسق فهميني عقل مضل برراسي

غسق: كتلك اخو صديقتي جابني وانتو توليتوو

غسان:  غسق مو جاهل انه گبالج تقشمريني الولد عيونه عليج وصارلج ساعه تحجين ويا بلكراج

غسق: كتلك اخو صديقتي بس ماعندي ويا شي انت غلطان

غسان:  مااشي راح اصدگج بس لا تعيديها مره ثانيه تره عمتي اليوم تاذت حييل عليج انطيها خبر قبل لا ترحين لمكان

غسق: تعتذر مو بقصد والله بس التهيت ان شالله متتكرر هز راسه عفته ودخلت جوه شفت خاله نايمه دخلت للمطبخ اكلت لگمه وصعدت فوك من الاعب مدري شلون نمت حتى مافكرت بشي وكلت همزين اخذه ارشد يسجنه شوي ارتاح منه كعدت الصبح غيرت ملابسي وطلعت للحضانه صار بوجهي مهاب بلعت ريگي واستغفرت لأن زودها حييل اشرلي رگبي عفتها وكملت مشيتي وكانما مشايفته اخذت تكسي ورجعت للبيت دك جهازي طلعته هو اليتصل جاوبته

مهاب: تعبتيني

غسق: محد جابرك تتعب

مهاب:  مراح تشوفيني مره ثانيه بس اذا شفتج وياا احركج ومحمد خليها ابالج

غسق: كطعه بوجهي بقيت صافنه علجهاز من كل عقله هذه نااقصنيي اني وصلت للبيت نزلت شفت سياره غسان خفت لا خاله صاير بيها شي
دكيت الباب طلعت مسره سلمت عليها حجيت بخوف خاله بيها شي؟ 

مسره: لا اجينا نشوفها لا تخافين ماكو شي

غسق: دخلنا سلمت عليهم وصعدت غيرت ملابسي نفتحت الباب دخلت مسره كعدت يمي

مسره:  شونج بدوامج

غسق: تعب بس احسن من ماكو علئ الاقل مطلعه مصرفي

مسره: ارشد هم يتعرضلج

غسق: لا. ليش

مسره:  سمعته يكول لامه اريد ارجعها واطلگ ريتاج
وامه شجعته عبالي ديتعرضلج

غسق: ليش ريتاج بعدها مجايه

مسره:  لا يريد يطلكها من سالفه سند لليوم اهلها جابوها بس طردهم. هي وياهم وتعارك ويا ابو

غسق: نارهم تاكل حطبهم اني شكو بيهم

مسره:  يعني مترجعيله؟

غسق: نجوم السما اقربله والله لو يصبووو ذهب عباله غسق القديمه ويكعد يقشمرني وياخذ طفل ثاني مني

مسره:  احتمال اتندم ويريد يصحح غلطته

غسق: مسره واني ابقى على الاحتمالات على مايقشمرني هلسالفه يشيلها من باله احسناله
مافيده اني رفعت جتفها

مسره:  براحتج

غسق: نزلنا جوه كعدنا يم خاله سوالف وضحك دك جهازي شفته رقم غريب منو هذه بعد جاوبته طلع صوت ارشد

ارشد: شونج

غسق: جنت زينه

ارشد:  خلينا نكعد بمكان نحجي

غسق: ماعندي حجي وياك

ارشد:  اخرر مره اتمنى ماترفضين

غسق: تعذرني كطعته بوجه وبقيت صافنه ماكوو هيج انساان حقييير مر اليوم عادي ثاني يوم حضرت نفسي للحضانه طلعت شفته واكف براس الشارع تذكرت الايام الجان يوكفلي بيها ويوصلني الشغلي وكفت اخذ تكسي وسويت نفسي اصلاً مشايفته نزل من السياره بملابس الدوام وكف بصفي

ارشد:  صباح الخير

غسق: روح بطريقك

ارشد:  نكعد بمكان نسوولف

غسق: مااعندي شي اسولف بي وياااك البيناتنه خلص

ارشد:  مووو بكيفج

غسق: وكف تكسي بس كله توكل باوعتله خازرت انتت شتررريد مووو كافي السويته بيه

ارشد:  نسولف نحل البيناتنه هم انه المحتاجج وهم انتي محتاجتني

غسق: مامحتاجه احددد اني واذا احتاجيت انت اخر واحد افكر بي عفته ومشيت ركبت تكسي للحضانه وگلبي بارد لأن ماسكتتله كعدت يم رنا وماخذتني صفنه ارشد منا ومهاب منا واني واكعه بنصهم وثنينهم وجهم مابي رحمه وميخافون من شي راح اتخبل

رنا:  وين صاافنه صار ساعه احجي ويياج

غسق: رسمت ابتسامه خجل على وجهي اعتذر اخذتني صفنه

رنا:  وره الدوام عازمتكم على مطعم

غسق: ان شالله

رنا: محتاجه شي اكو شي مضايقج؟

غسق:  صفنت بوجهه مادري شحجي ومنين ابدي

رنا:  نفسه ابن عمج صح

غسق: هزيت راسي اي

رنا:  ليش ما تنطي فرصه مبين يحبج

غسق: ماريد اضلمه وياي هو بعده اعزب واني منفصله وجايبه طفل والصراحه ماريد باجر عگبه اخذ المقسوم من اهله وكرايبه لابد يحجون

رنا: معليج بأحد اهم شي هو فكري زين

غسق: خزيت راسي بس علمود انهي هلكلام العقيم الي مابي اي نهايه

انتهى الدوام واني رحت ويا رنا بنفس السياره والباقسن شي الخط جابهم وشي اجوي تكسي وشي بسياراتهم كعدنا سوالف وضحك تذكرت خاله خابرتها انطيتها خبر كالت براحتج بلحظه حسيت روحي كاعده بنص خواتي واهلي وناسي احلى شي عدنا ماكو وحده حاقده علثاني او وحده تحجي بضهر الثانيه لهل سبب كلش احب مكان شغلي رفعت راسي صار بوجهي خالي كرم ويا وحده صغيره بلعمر ملابسها ومكياججها وترتيبها بلعت ريك ودنجت راسي خفت يعرفني
اكيد مطلع مرته وجهاله من الصبح لليل يجدي بيهم وهو يتونس بلفلوس ويصرفها على البنات
كرهته اضعاف كرهي اله الزلم انذاال بمعنى الكلمه ومستحيل يحبون غير نفسهم

رنا:  ابو صابر اليوم نايم براسج صفنه تاخذج وصفنه تجيبج

غسق: ابتسمت لأن تعبانه شوي

رنا:  اخذي اجازه ارتاحي مبين التعب بوجهج

غسق: راحتي بلحضانه صايره هل ايام من اشوف الاطفال ارتاح خلت ايدها جوه خدها

رنا:  لعد اكيد صفناتج بيها حب اخاف واكعه بابن عمج وماتدرين

غسق: ابتسمت مصدكه ابن عمي بعيده عن الحب لا ادگ بابه ولا يدگ بابي

رنا:  والله يجي ويتربع بگلبج بدون استاذان مستحيل يدك الباب مثل مادكولين

غسق: اكتفيت بلسكوت حجت وحده من البنات اسمها مريم

مريم:  غسق اذا اجوج خطابه توافقين رجال منفصل عنده ثنين جهال بيتج وحد وهو موضف

غسق: بقيت صافنه عليها فاجئتني

مريم:  الصراحه صار فتره عيني عليج اني ومستحيل نلگه مثل هدوئج وشفت تعاملج ويا الجهال وكلت اكيد
راح تحبينهم

غسق: الصراحه فاجئتيني افكر واردلج خبر

مريم ياريت والله فكري زين يدللج والله

غسق: هزيت راسي همست رنا

رنا: اخوها خوش ادمي وفقير وهمه امورهم زينه
بس بعد انتي شوفي نفسج تكدرين تعيشين ويا وعنده ثنين اطفال

غسق: مجاوبتها كاعده على اعصابي بس اريدهم يخلصون علمود نطلع تالي ترخصت منهم تحججت بخاله وطلعت واكفه اخذت تكسي ورجعت للبيت اضرب اخماس باسداس ماكدر اتخيل نفسي متزوجه

وصلنا للبيت شفت سياره ارشد بلباب اجاني دگ جهازي مهاب مجاوبت داريد افتح الباب واجتني رساله

مهاب: لا توصلين للبيتتت

غسق: داريد اضم الموبايل شحطت سيارته يمي باوعتله ونداريت على الباب اخاف ادخل ويدخل يسحلني كبالهم صعدت وحرك بسرعه بدون مايحجي حرف شصااير ليش اجيت مو كلت ابعد من ثخامج طريقج

مهاب:  الچلب ابن الجلب اهنا وجاااايب امه يقنعوج ترجعيييبن

غسق: يحجي بصياح وجكاره بايده
هلشي اني اقرره ارجعله او لا
لا انت يخصك ولا هو يكدر يجبرني على شي

مهاب:  متطوره ست غسق كاعده وشاكه الحلگ بلمطعم خاطبيج وهسه جااي حبيب الگلب يرجعج وانتي فرحان بلعبااااس ابو فاضل طلقه براسج وراسه

غسق: سكتت مجاوبته وين ماخذني

مهاب:  لجهنم

غسق: باوعتله انت مو انسجنت شلوون طلعت ابتسم صفح

مهاب:  قريت دعاء االفرج وره نص ساعه طلعت تم الافراج

غسق: دك جهازي خاله جاوبتها

ام مسره:  يمه ارشد وامه عدنا جايين يحجون وياج شو تاخرتي

غسق: باوعتله سويت الجهاز كتم شوكت ترجعني

مهاب:  بررربوووك ضيفتي اليووم

غسق: لا تغلط فتحت الكتم خاله اني اجيت ويا البنات لبيت رنا يمكن اتاخر اخذه الجهاز من ايدي فتح السبيگر

ام مسره:  ولج يمه لا تفتحين الساانه هلگاولي عليج رجعي تفاهمي ويا

غسق: ماريد اشوفه يتعب ويروح

ام مسره:  براحتج

غسق: ختمته وياها انداريت عليه وين ماخذني انت تاااالي وياك لخاطر الله

مهاب:  نروح نتونس كم يوم مليت من هل اجواء المشحونه.

غسق: داريد اجاوبه سحب الموبايل مني مهاااب وين ماخذنيي

مهاب: مكان راح تحبي نبض گلبه لمهاب

غسق: رجعني ماكدر اغيب من الحضانه غير يوم اخذ اجازه ونروح واذا على ارشد هسه رايح من بيتنا صفنت صدك انت شمدريك جاي لبيتنا وشمدريك خطبوني بلمطعم

مهاب:  حتئ النفس التتنفسي اعرفه شنو

غسق: دك جهازه باوع عليه وغمض حيل

مهاب: ابن القنادر موو وكتتتتك خررره بيك

غسق: فتح الخط ماحجه بس يسمع الطرف الثاني

مهاب:  ماكو غيري

غسق: رجع سكت بعصبيه شمر الجهااز وباوعلي

مهاب:  فتحي الچگمچه بيها چيس صغير انطينيا

غسق: سويت مثل ما كال خليته بايده حبوب شنو هاي

مهاب وجع راس

غسق: طبگ ثنين شرب ورهم بطل مااي ولاف سيارته نرجع وصلني يم باب البيت عيونه دم مبين صدك راسه مأذي

مهاب:  اذا سمعت واكفه حاجيه ويا كلمه وحده اشگج شگ وكتاب الله سوالف الكح...... ماحبها

غسق: باوعتله متقززه لا تغلط عفتها ونزلت دكيت الباب طلعت خالتي سلمت عليها

ام مسره:  ليش ما اجيتي تحجين ويا

غسق: خاله مايفيد الحجي اني مااريد ارجعله ولا مفكره بهلسالفه السواء بيه كافي وزايد عليه

ام مسره:  يكول متندم ومستعد اسوي التريده واكعدها ابيت وحدها

غسق: مستحيل هلشي يصير وصليلهم الحجي خاله خليهم يبتعدون مابيه حيل مشاكل والله

ام مسره: لو تشوفي يا غسق مادكولين هذه نفسه ارشد

غسق: اي خاله اعوف هو يتلون مثل الحيه كل ساعه بجلد شكل اندكت الباب خليتزالحجاب على راسي ورحت فتحتها شفت ارشد رجعت خطوتين ليوره خايفه وكأنو مهاب كدامي

ارشد:  حلوو صايره تجذبين ودكولين انه ويا المعلمات وتالي تنزلين من سيارته شتعرفين عنهرهذع وهيج واثقه منا لج بلااوي وره راسه هذذه

غسق: ميخصك بيه شتريد جااي ابتسم بحقاره مثل كل مره

ارشد:  علئ شنو هيج ناتفه ريشج ترره يغرگج. ويا بلوحل بدون ماتحسين

غسق: وشحاركگ انت عود لا طلعني من الوحل وخلقتج ماريد اشوفها بعد اتقزز منك كلش

ارشد:  حقج والله بس خليها ابالج راح تترحمين لايامج وياي

غسق: داريد احجي اندفرت الباب رجعت ليوره
دخل عيونه ناطه هجم على ارشد مطله بلكاع وبقى يضرب بي بقو يتلاون ثنينهم ردت اروح اصيح خاله خفت عليها سحبت مهاب مينسحب مهااب عووفه شدتسوووي طلعت خاله شافتهم بقت تصيح عافه وكف رفع اصبعه بوجه

مهاب:  وكتاااب الله

ارشد:  ليش انت تعرف الله علموود تحلف بكتابه لك ناقص سوالفك المكسره كلها يمي لوما الواسطات الاجتك جان هسه انت خااايس بلسجن

مهاب:  انه اكووول تحتررم نفسك وابتعد مني ومن الاشياء التخصني لا تخليني اخليك ابالي تره متتحمل وانت ابن الماما والبابا دخليييي جوه

غسق: باوعلي وزمخ بيه رجعت خطوه ليوره
تقرب منه ارشد همس بذانه وهذه انگلب غوول

يتبع <>
للكاتبه ود الباشا

عدمنً نسولف وجعنا
وياهو يتحمل حچينا..

من كثر ضيم العلينا
عيوننا ملت بچينا..