الفصل السابع

ردا ليو ب إستفهام وقال ليو كيف يعني يجو البنات يختو ل الشباب حنه ٠٠؟ ردا ليو بضحكة وقال ليو انت ي سفيان متأكد عايش معانا هنا ف السودان ٠٠٠قال ليو جادي معاك انا وورييني ح يجو البنات ويختو ل الشباب ديل كُلهم حنة ف يدينهم؟

٠٠٠قال ليو اي ٠٠قال ليو وبنات كُبار ولا صُغار قال ليو يعني ف وحدات كُبار شوية ٠٠قال ليو لالا تمام ماشين كويس يا صحبي ٠٠٠ قال ليو شوف ي سفيان دي حاجة عادية جدا وطقوس وتقاليد ف أغلب الأعراس ف ما تتحسس ٠٠ قال ليو طقوس شنو وتقاليد شنو ؟ هااااا عثمان داير نصيحتي بت وحده تجي هنا ماف بالمنطق كدا انت ترضي بت تجي من جوا وتمسك ليها يد شاب وتحننو ؟

عثمان هوي انت قبل اي شي صحبي وانت عارف مواضيع زي دي بتجيب لي وجع راس ٠٠ هنا إدخل اوهاج وقال ليو ابرد ياسفيان نحنا جينا ك ضيوف بالله م تخرب للناس ديل العرس شنو حنه وبتاع اقفل الموضوع دا ياخ ٠٠قال ليو لالا تمام ح اسكت ٠٠عثمان قال ليو والله ي سيفو اي حاجة ولا زعلك وانا فاهم قصدك شنو وهو صح حرام بت تجي تمسك ليها يد شاب م بيحل ليها ونحنا كلنا عارفين النقطه دي بس جاهلِنا ساي وممشنها تبع العادات والتقاليد وقبل اي شي انت قلبك حار ي صحبي ٠٠قال ليو ابشر ياخ ٠٠اها يعني مافي بت ح تجي تتذاوق لينا ب جاي. ؟

قال ليو ان شاءالله بس ح تجي عمتي وحبوبتي وامي يختو لي الحنة وهم مُجهزين حالهم قال ليو لا لا تمام وابشر ي عريس وضربو ف كتفو جاا الوزير جاري ب سيفو وطلعو. وبقو بشرو بيو وبهناك الشباب كلهم قامو أبشر أبشر ٠٠٠ صلو المغرب وبعدو جو اهلو عملو ليو العادات كُلها وفاتو وناس سفيان اتونسو معاو شويه واتحركو علي البيت هو و اُوهاج٠٠٠ ف الخرطوم٠٠٠

نزلت من العربية قبل محطتي نسبة ل إنو م قادر أقعد ولاثانيه والأفكار عامله ضجيج كبير ف راسي مية سؤال ومالاقي ليهم جواب م كُنت قادر امشي البوتيك عشان اشتغل ٠٠سمعت الاذان بأذن مشيت اتوضيت ودخلت أقرب مسجد صادف طريقي ٠٠صلينا مع الإمام وقعدت شوية وما زلت حاسي ب راسي تقيل وصورة إسراء مافارقت خيالي لحظة طلعت من المسجد ومشيت ميدان كدا كان فيو شفع صغار بيلعبو كورة ونسبة ل إنو الواطه بدت تليل خلاص شالو الكورة ومشو وفضلت انا براي

وكنت قاعد ف حجر كبير كدا ٠٠٠الجوو كان بارد شديد وكُلي كان بيرجف بصوره م طبيعيه وما كُنت لابس سيوتر بس ف اللحظة دي قلبي كان مولع نار دخلت يدي ف جيبي وطلعت التلفون و سحبت الشاشه ودخلت الواتس للمرة التانيه علي أمل القي الموضوع دا كذب ساي وإسراء م اتخطبت ٠٠بس للاسف كان حقيقي وكل مرة اعاين ف الصورة حقتهم ٠٠لا هو طلع ارجل مني يعني ٠؟

عشان يجي يشيلها مني بين ليلة وضُحاها هو طلع احسن مني ف شنو مثلآ ؟ ضربت راسي بقوة وحاولت اسيطر علي نفسي واقنع ضميري انو الزواج. دا قسمه وهي طلعت ما من نصيبي بس احساس الغدر والخيانه م عايز يفارقني لحظه ٠٠طيب هي وقت بدلتني المفروض تصارحني وتقول لي انا ي يوسف ماعايزاك انا لقيت غيرك ؟ بس تهملني كدا والقي الخبر بطريقه تافهة زي دي ؟ معقولة حُبها لي طلع عابر ساي ؟ هُنت عليها للدرجة دي ٠٠؟

انا خليت اهلي نُصت نهار عشانها هي انا من سنة وحاجة م ارتحت زي اي مخلوق ٠٠٠مسكت راسي بقوة وطلع ماف زول ح يجاوب علي أسئلتي دي كُلها غيرها هي ٠٠٠٠هنا كُنت مجبور انو اتصل ليها وافهم هي لي خانتني؟ ٠٠فتحت التلفون تاني واتصلت ف رقمها الكُنت مسجلو ب وصية الرسول ٠٠الجرس الأول انتهي ومارفعت ٠٠رجعت وعاوته الاتصال تاني بعد جرسين حتي ردت ٠٠ دخلت ليها ف الموضوع طوالي وقلت ليها دي شنو الحالة الرافعاها دي؟

٠٠ ردت لي ب إنفعال وقالت لي دا الأحسن منك قلت ليها كيف يعني؟ قالت لي انت تدي وُعود ساي ووعد واحد م اوفيت بيو قُلت ليها انا الشهر الجاي كنت ح اجي كسلا قالت لي وماعندك اي شي جاي ساي؟ سنة وحاجة ماشفنا اي شي منك وين البيت وين حاجات العرس وين ووين٠٠٠الخ ؟

شكلك ي يوسف لقيت الخرطوم وسرحت فيها خلاص ٠٠قلت ليها إسراء قبل اي شي انا للان مُحترمك ومحترم العشرة الكانت بيناتنا وربنا يسعدك ي بت امي وين ما كُنتي ٠٠٠وقفلت الخط وانا بحاول استوعب ف الشي القالتو دا ٠٠كيف يعني ماشافوا اي حاجة ؟ ٠٠ ٠٠رجعت واتصلت لي عيوشه تاني بعد تلاته محاولة من الاتصال حتي ردت لي ٠٠فتحت الخط وكان صوتها باهت شديد وكأنو ماخده ليها بِكية اول م قلت ليها عيوش مالك ؟

انفجرت بالبكاء وقالت لي يوسف سامحنا ي اخوي ما كُنا قدر الأمانه٠٠ هنا طوالي عرفت إنو الموضوع ليو علاقه ب خطوبة إسراء كُنت متمني الكلام ال ح اسمعوا يكون غلط ٠٠قلت ليها عائشة اتكلمي ٠٠سكتت مسافه حتي ردت لي وقالت لي خطبوها يا يوسف قلت ليها اي عارف ٠٠٠ ردت ليو بخوف وقالت لي عرفت كيف ؟ قلت ليها م مهم وخلينا من دا كلو عائشة انا عندي بيت ف كسلا جاهز من كل شي اثاث وبُنيان وتشطيب؟

وهل وديتو لي ناس اسراء الشيلة قبل كم شهر وهل كل الحاجات ال ماقبل الشيلة وديتوها ليم ؟ وابوي اشتري لي الدكان الرسلت ليو حق قروشو ؟

٠٠سكتت مسافه وظاهر عليها بتحاول تستقوي في دُموعها ٠٠بعد فترة دامت من الصمت حتي ردت لي وقالت لي لا يا يوسف م عندك ولا شي هنا وإنت بعد ما مشيت من هنا تاني مافي زول فات لي أهل إسراء والقروش الكُنت بترسلها ٠٠٠ امي وابوي ووليد كانو بشيلوها٠٠٠اقسم بالله خطوبة إسراء م كسرتني قدر دا بقدر م اتكسرت من أهلي انا كُنت خاتي كُل ثقتي فيم بنسبه ل امي كنت برسل ليها كل نهاية اسبوع مصروفها ٠٠وكنت بسألها دايما لو مُحتاجة حاجة حتي ابوي كُنت مرتب ليو مصروف شهري أخواتي كُلهم م مقصر منهم ووليد دا قبل شهر مرسل ليو ُمرتبي كلو بس عشان يتم باقي عرسو ٠٠ السؤال الأهم هم لي ماراعو لي ؟

لي م إحترموا قراري لي م قدرو الحاجة المشيت عشانها ؟ معقوله كُنت حاجة هاملة بنسبه ليهم ؟ معقولة الناس دي كُلها كانت بتلعب ب مشاعري ٠٠قلت لي عائشة لا تمام وقفلت الخط طوالي ومن الزعل والغضب الكان سيد الموقف شلت التلفون وضربتو ف اقرب حجر و اتكسر علي تلاتة

أجزاء خليتو ف مكانو ولاعاينت ليو تاني واتحركت من مكاني كانت خيبة كبيرة بنسبه لي وانا م همتني القروش ولا خطوبة إسراء لأنو ليها الحق تعمل كدا ٠٠٠اهلي هم الكسروني٠٠ مشيت وطلعت الظلط طوالي وبقيت ماشي فيو ولوهلة حسيت ب حاجة وقفت جمبي إتلفت يميني وكان دا إبراهيم راكب موتر قال لي شنو ي زول م جيت السوق هناك عاينت ليو بعدم مبالاة وقلت ليو خليت الشغل ردا لي ب استفهام وقال لي مالك؟

كدي أسي أرح اركب ٠٠ركبت معاو ومشينا أقرب قهوة وقعدنا فيها قال لي اها ف شنو قلت ليو مافي اي شي ٠٠قال لي اديك سجارة تروق شويه ومنو تقدر تحكي لي الحصل شنو ؟ قلت ليو تمام جيبها دخل يدو ف جيبو وطلع علبة سجاير ناولني وحدة وشال وحدة. وشلت منو الولاعة٠٠٠٠ ف جانب آخر٠٠٠٠ قالت ليها عائشة دي طرشت ولاشنو يا امي لينا ساعة واقفين هنا ؟؟

قالت ليها دقي الباب بقوة تاني يمكن نايمة دنقرت ف الواطة وشالت طوبة وبقت تضرب ف الباب بقوة كبيرة لحظات بس وجات فتحتو ليهم ٠٠وكانت ملامح وشها باهته شديد٠٠ امها قالت ليها بسم الله مالك ي بت ٠٠٠هديل كانت مستغربة شديد وقالت ليها عائشة ف شنو ؟ م ردت عليهم ورجعت دخلت جوا وهم طوالي دخلو ب وراها وكُل لوحات الاستغراب باينه فيم ٠٠