رواية شيخ الشباب(بنت المؤمن) الفصل التاسع والثلاثون 39 - بقلم زهراء العراقيه

بنت المؤمن
شيخ الشباب²
من كتابات زهراء العراقية

أدمنتُ أحزاني فصرت
أخاف ألّا أحزنا
وطعنت ألافاً من المرّات
حتّى صار يوجعني
بأن لا أُطعنا
-نزار قباني

بعد فترة مرت
____________

كنت حاطة تليفوني واكتب خاطرة مثل كل ليلة واخليها مسودة قيد النشر

الشهر الثالث مر على فراق تلك الروح
آلتي غادرتنا " ألم أخبرك أن وجودك كحياة الرصاصة قصير ، وخلودك ك الجرح ال "بليغ" ..!

نَزلت المخدة عن الحايط الي منتكية عليه ، نزلتها على فراشي ونمت على ضهري متحنطة  تقي اجه على بطني

اني على الارض و فراشات الجهال يمي ،رقية وابنها على اسرتهم
حسيت الباب ينفتح رفعت راسي شفت ظل واحد قصير ..

ظل واكف

-منو

اتقرب و اجه دحس نفسه يمي
همست
-قاسم!

غفيت الصبح ومثل كل يوم الكاه يمي بس اليوم شفته من اجه البارحه ..
وخرت رجلين تقي عني وايد علي
الي ما اعرف اشلون عاف سريره واجاني ،و طلعت اركض اسوي ريوك قبل موعد علاج امي لازم بموعده حساب مضبوط متوجب علينا

حطيت اللحليب على نار هادية و البيض حطيته يستلك و رحت دخلت  الها هليام ابوية يترك الباب مفتوح حتى
ادخل وانطيها العلاج الصبح وهو يتولى علاج نص الليل ...

وكفت يمها حركت شعرها وبابا نايم على طرف السرير ..همست حتى لا اصحيه وياها
-ماما  ماما ...

فتحت  ببطئ تثاوبت و سألت عن الساعة
بنفس الهمس رديت
- بالستة ونص موعد علاجج بعد نص ساعة ...

جبت الكرسي ، و حطيت ادية اجو ابطها و وكعدتها علية و مشيتها للتواليت من وصلنا كامت و هي تسند نفسها بالحايط وتتوجع من رجليها و دخلت ....
واني رحت هدرت الجاي ورجعت اخذتها
كالت اريد اتريك بالصالة ..
حطيتها كدام الميز و رحت جبت صينية ريوكها  وعفتها تاكل على كيفها ..
رحت اعزل بالمطبخ البارحه عفته ما عزلته تعبت  من الخطار الي اجه يشوف امي وبقى على العشا بيت خالي ..
امي تخربطت بالليل قبل اسبوع سكرها صعد مثل الصعدة الي صابتها من  صارت سالفة  سمعتي ،بس هالمرة عافيتها اثرت على راسها شعلته كلة شيب  وبالوجه ازدادت التجاعيد

خلصت رحت اكعد رقية واراضيها البارحة عصبت عليها لأن جابت الشال الي اخذته من غراض فاطمة و راوته لامي خلتها تنهار بجي
وحيل قسيت عليها خطية نامت دمعتها بعينها .

همست يم اذنها
-رقرق روقة الزعلانه الي لوتيه سوت نفسها زعلانه وما غسلت المواعين

كعدت تفرك بعيونها

-زينب

-صباح الخير

-صباح صباح الخير الخير
انت انت كعدتيني ؟

-لا هذا خيالي

شافتني مصنعة الابتسامة

-ما ما زعلانه  مو مو
وشبكتيني

- لا
انت خاف زعلانه لان صيحت عليج

- اني اني عبالي زعلتج بعد بعد ما اعيدها ما اعيدها ...

- خوش صيري سباعية و لا تظلين تبجين بأمج
امنا مريضة

- بس بس انت ليش ماخذه شال شال فاطمة وانت وانت ما اتلبسين شال شال

مجاوبت و رحت كعدت البقية وكالعادة اصعد 

اكعد مصطفى ومقتدى

-اكعدوو ولكم اريد صمون

مقتدى-قاسم يجيب

-خوش والله هليام لكيت واحد غيرك قاسم كلشي شايل عنك ما تتصخر صاير

- يوو  روحي جعبتي

-شنو جعبت هاي ما فهمت
معناها

رفع مصطفى راسة
-معناها لزكتي وصدك لزكتي بعد اضرب من امي 

ابتسمت بملعة عين   وطلعت
-ماكو منكم فايدة

لكيت امي مخلصة

-خلصتي يمة

- اي ... هذا خبز الشعير بالكوة ابلعة

-اتحملي يمة شنسوي.....

العصر  ابوية اخذ امي عدها مراجعة واجت اختها  من الضحى حتى اتروح وياها اني طلبت منها.

وبتول ماخذها كان ابوها يمة من البارحة

كنت الاعب  عبد الله   حاطته على رجليه الممدودة واناغي اله وهو يضحك الي..

-شنو رأيك نصعد ننظف الطابق الفوك صارلي ايام ما صاعده اله

اخذته وياي وحطيته بحجلته و هو يلعب واني انظف بغرفة مقتدى

يم الشباك شفت كطف جكاير !!
-هذا شنو ؟

اخذت الكطف ورحت لغرفة مرتضى طالع كان  ، دورت على باكيت اله ما لكيت  .. دورت سلة المهملات لكيت بيها كطوف (بقايا الجكاير) بس تختلف عنها اسم المنتج مختلف ...صفنت
منو منهم مقتدى لو مصطفى؟
لو اثنينهم ؟

سمعت صوت صراخ
نزلت شايلة الولد على صدري حاطته

صحت بيهم
حطيت الولد بالارض و طلعت علاوي من وسطهم مشبعيه كتل

- تقي صديق
ضربت صديق  لان اني بينهم وهم ودفر علاوي وكعه ،
لزمته وهزيته

-انت بعمره وهيج اضربه ؟
حقير

كام يبجي .. واجت رقية اشبك بصديق

-انت لا اتحضني غلط لا عود هو مسكين مسلط علينا لو يكتل علي لو
تقي

-خطية خطية زينب
تعال صديق اسوي الك حلاوة حليبية

-لا اسوين شي
كلتها واخذت تقي فرقتهم  و عفت عبدلله يمها يلعب وصعدت اعزل بالطابق الفوك   وتقي شغلت اله تليفوني...
اجتني ريحة غريبة  واني انظف

-هاي شنو من الجيران الريحة ؟

اجيت انزل لفت نظري سلة بالممر بيها باكيت غريب

-مرتضى باكيته ازرك  هذا رصاصي ؟

يوه يمكن مغير
بس شفت بقايا بغرفتهم ذولة

بس مقتدى مستحيل يدخن  رجعت لغرفتهم نفشت ملابسهم ماكو شي

رجعت اصفط بيهن . 

الباب ندك
يمكن سيد محمد مرجع بتول ما عنده احد يرعاها ياخذها يومين تلاثة ويرجعها يمنا...

المشكلة  امه مسافرة لايران  وية بتها برحلة علاج لوجها المشوه من كزاز الحادث ..

من فوك صيحت

-قاسم قاسم افتح الباب..

مدري سمع او لا ، بقيت فوك بغرفة الولد

اهنا

-زينب زينب
هذا صوت مصطفى اجه ويه ابوه!؟
جان يم بيت عمه.

دبست حجاب من شهد و نزلت

صوت الصياح خرعني والريحه من بديت انزل ملت ريتي عبالي منا طلعت  ؟

حريكة  تخنك
والجهال يتراكضون

مصطفى- بوية هاي الطباخ طاك شسوي

يصيح بهلع
دا انزل و شفت السيد خطف للمطبخ ..

دخلت وراه،  وشفت المطبخ مشتعل الدخان منه !

فتح باب الكاونتر و طلع القنينة وملص المنظم منها 

اني ترست اله ماي و هو اخذه
نكع الطباخ والسواد مالي السيراميك والساحبة المطفية...

-هاي شنو  ؟

من حظي السيئ اجه مرتضى من برة وشاف محمد يطفي بالنهار والجهال تلكته خالو حريق حريق
ردت اروح اشوف رقية شسوت

صيح عليه مرتضى

-ثولة انت زين  ما حركتينا

اشلون اتعوفين الجهال وحدها تلعب

-اني جنت..........

قاطعني بزجر قوي
- لو ما جاي السيد جان احتركتو غبية

كلامه بصياح و السيد واكف
و مرتضى بالباب ساد الطريق ،
وكدامه هاني مكدرت احجي شي ردت اطلع صاح بيه انظف المكان

واستمر يصيح وينتر عليه كدامه..
باوعت للسيد حاني راسه

- انعدم المطبخ من اهمالج..
تنهدت و حبست  اعتراضي بصبري

السيد- قدر وما صار الحمد لله
همه ذولة وكحين

-الجهال شعليهم هي ناسية جدر
اعيونها دومها على الموبايل وعايفتهم

عفته وطلعت من المطبخ وهو فتحلي مجال

طلع السيد ...

و مرتضى هم صاحلي اني جنت كاعده بالاستقبال و اعصابي فايرة فور و لكيته واكف

-نظفي المطبخ لا يجي وابوج ويخترع
غباء عايفة الجهال تتملعب

طلعت رقية ..

-مو هي اني اني نسيت الحلاوة الحلاوة

وجنت جنت الاعب صديق

(تاركة  شيالة الجدورة يم عين النار و لاكفة نار و حاركة تغليف غطاء الطباخ النايلوني محترك وهو الي مسوي ريحة فضيعه اني فوك وساده الباب تجيني الريحه خفيفه عبالي مو منا و قاسم يلعب طالع بالفرع من جاي ابوه الا داخل و صاحو لابوهم من شافو النار تخوف هذا كله و رقية طالعه بالحديقة الخلفية تشم الريحه وما تتذكر هي شنو حاطه على النار بحيث الجدر محترك اسود والصخام تارس الي حول الطباخ ..)

-شفت هاي رقية وماكو غير عايفه وصلة وحاركه الدنيا

-اني احاسب رقية! اللوم عليج انت
الرجال دخل وشاف جهالة بخطر كله منج ومن اهمالج

- دكافي عاد انت مو خالهم وهاي الثولة اختك خالتهم اكعد يمهم انت
وخلصني منكم ابتليت لو ما ابتليت

اتعاركنا وعلت اصواتنا اثنينا .

- اصيح لأن تعبت حيل فوكاها مهملة طالعه بعينكم
كلت الها لا تتلطمين اسوين شي وصعدت اكرب فوك
غرفكم ما تندخل

- اش السانج شطولة ما مسؤولة

-اي ما مسؤولة هاي مو مسؤوليتي
شعليه اني
قابل خلقت رقيب لغيري

رقية- نسيتها نسيتها

-شوف اختك كلشي مابيها تفتهم وتعرف كلشي بس وحده اعتمادية
تعرفني دوم وراها
وحتى لو صار شي اللوم عليه
تعتمد بغبائها دوم علينا واني...

-اش

- كافي تراعوها واني طايح حظي بينكم
سويت الي المو واجب وصار فرض احاسب عليه

دفعت الي كدامي عثرات الجهال بطريقي و دا اروح لطريقي وتذكرت شي ما كلته ورجعت اله

- وها صدك جنت اني بغرفتك وانظف بيها
ما جنت العب بالتليفون يا تليفون هذا
اني حايرة بيكم كلكم وبس امك يراد الها صبر ومراعاة

- كل هاي اني ما حجيت عليها جاي اكلج لا تعتمدين على رقية

دخل بابا يسحل بأمي ...

-اسكتي كافي

- اشبيكم اصياحكم واصل لبرة..

- بوية صيح عليه كدام السيد

-اش
دفعني كعدني على القنفة ...

وجعني ظهري.  

صاح بيه بابا

-بعد اضربها واني واكف ..

خلة وصعد لغرفته ...

بابا ودة امي لغرفتها وصاح الي .رحت وراه
-تعالي ساعدي امج تغير ملابسها وخل ترتاح تعبت 
اخذ ملابسة وراح للحمام...

نيمت امي على فراشها

- مشتهية ع العشا جبن عرب وخلي مقتدى يجيب خبز حار

-صار

-ها زنوبة تعبتج امج

-شنو
سمعتج تشكين من حملنا واني داخله للهول
- لا عفية لا تاخذيها عليج انت اخر شخص اشكي من حمله

-بالاول والتالي كلتيها حمل ..

عضيت شفتي ندم وطلعت لبرة ضايجه من الي صار ..

رحت للغرفة لكيت رقية تبجي ضوجتني بعد اكثر وطلعت للهول

لكيت الجهال مطشرين الحلويات الي جابهن بابا وياه والبقلاوة مدبكة الارضية

-تقي اشلون تمسحها بالكاع وتاكلها
ااوف

تعالو غسلوو

تقي- ما مخلص ..

-وين عبود ؟

سألت عنه واتفقدته بالهول ماكو ..رجعت للغرفة ماكو يم رقية تبجي وابنها يبوس بيها يرضيها .
طلعت للممر شفته كاعد ياكل بقلاوة ولايصها بالارض
ضحكلي وطلعت اسنونه محليته
-حبيبي عبودي ولا يمك انت عايش حياتك تفتهم والله

رفعلي اديه يريدني اشيله
شلته و ملطخ وجهي دبك وياه
تعود عليه حيل صارلة اقل من ثلاث اشهر يمي لكن بدة يوعة عليه دومه يمي
واجهت صعوبة وبعدين صارت الفة بينا

صاحلي ابوية ..

-عبودي تعال وياي جني راح اترزل بلكت من يشوفك جدك يحن علينا

اخذت عبودي و دخلت لأبوية للغرفة ..

- ها

- المطبخ شصاير بيه

- بس الطباخ ومبيه شي انظفه و تمام يصير ا ني اني
سكتت مغمضة اعيوني احاول اهدأ نبرتي

- اعتذر بوية ما تنعاد بعد املص المنظم عنها ..

-بس رقية تطبخ  وهاي اول مرة يصير هيج

- اي مو جانت تطبخ كدام عيني او عين امي .

- ليش اتعلين صوتج على اخوج

دنكت ساكته

-صيحي اختج وتعالي وياها

رحت  كلت الها ورجعت وهي خلفي تمشي وتمسح بوجهه..

وكفنا اثنينا مثل المذنبات ..

-ليش ما تنتبهين
رديت
- بعد ما تنعاد...
قاطعني والدي
-احجي وية رقية

رفعت نظرها رقية متعرف تجاوب

- مرة انت مو طفل تحطين شي وتنسيه زين ما حركتي البيت عليكم

ما شميتي الريحه ما اذكرتي
لو معتمده  على اختج

- نسيت نسيت
و طكتها بجية

امي كالت
- تحتار بيج لو باطفال اختج
الطباخ اذا حطيتي شي عليه اكعدي يمه

- ص صار

ابوية
- لا تبجين بوية انت ام صيري سباعية نبهة
بطلي لا مبالا
روحي غسلي وجهج وساعدج اختج بتنظيف المطبخ ..

يلا روحن اثنينجن ملامحكم تبجي

من كال اخر جملة اثنينا ردنا نطلع ونشرد
- زينب

التفتت
-ها بابا

- لا تعلين صوتج على اخوج  بعد
-صار

رحت للغرفة راضيت رقية وطلعنه اثنينا مرينا من غرفة بابا سمعت صوت بابا يخاطب مرتضى رجعت ما رحت للمطبخ وكفت اسمع شيكول لمرتضى

بابا
-  ليش تضغط عليها ما تلاحظ هي قايمة بيكم كلكم

امي
-مرتك يم اهلهة ما حجينا شي
مرة حامل
واختك قايمة بيك حالك حال اخوتك واني عليلة صرت للحمام هي تاخذني
على كيفكم وياها

بابا- ساعدوها مو بس اصياح عليها

مرتضى
- حقك بوية

- مصيح عليها كدام رجل اختك ؟

- ما ادري صرت عصبي عليها من خوفي عليهم...

رحت للمطبخ  عفتهم يحاسبون بيه بس بكلبي نغزة عليه وندم لان صيحت بوجه وقللت منه لو عايفته من يهدأ و مبررة اله هو الكبير
،

كنت اعشي امي بغرفتها قبلنا حتى تاخذ علاجها...
خلصت وديت  الصينية الصغيرة ورجعت وجبت ماي بطاسة وامسح الها حلكها ما اكومها بس وقت الضرورة..

لكيتها مبتسمة

حطيت الطاسة على الميز
- شنو الجبن ما شبعج
ليش اضحكين

- كبرتي يزينب و كل واحد بينا متكل عليج من جانب

- يوم بس لا زعلتي مني

-حقج يا صغيرة البيت تشكين
داعبت خدي

-اصغر بناتي كبرت وشالت حمل مو حملها
قربي راسج

قربته وباست خدي و لزمته

- طيبة و حبابة الله راح يباوع عليج
ويعوضج خير
تعالي لحضني اشم  ريحتج
حطيت راسي على صدرها

- اول وتالي محمد ياخذ اولاده والحمل يخف
اول وتالي يشوف حياته ويجيب مرة لبيته

-يزوج غير فاطمة!!!

-لعد هو رجال ما يظل
الله يرزقة ببت حلال  تراعي اولاده وتخاف الله بيهم وانت جايج الدوام  اشكد اله بعد؟

- اكثر من شهر بعد مو هسة

- راح اقنع ابوج مدامه لان يرجع اختج لرجلها  يخف حملها عليج
عاد اظل بس اني علة

-يمة يا ماما لا تكولين هيج لا تخليني احس بالاتأنيب انت مو علة

- كومي صدري وجعني كومي فركي رجليه

طلعتهن والشراين تخوف سودة ..

اطاح الله المرض بمرض يقتله ويشفي امي!
وتالي الليل اتصلت بيه شهد

-ها شنو مشتبه عبالج مرتضى وذكرتيني نص الليل

-هههههه لا اليوم ما حجينا اهواي

اشلونها الزعلانه

-يووه مرتضى سولف  الج نكرتنا ؟!

-هههه مو لزكت اله احجي وياه وهو ما يتحاجى ضايج
بعدين اعترفلي بالمختصر مضوجج وضايج عليج

- اي صيح عليه كدام السيد واتعاركنا

- هاا
مرتضى گلبة ما ينطيه ترة و

-اش انت الثانية تعلميني بأخوية اعرفة
هو بس صار عصبي وحقة
اني هم مضغوطة طكيت بوجهه

- يراد النا طلعة مثل ذيج المرة تذكرين من زرنا سوة اشلون ونسة

-  قصدج من رحنا للكوفة و مرتضى جان تعبان وبس يريد يرجع عشانه من العصر وما خلاج ترحين للسوك
بس ما ارتاح  من رجعنا رحنا للحلة و تدودهنا بين ممرات المستشفيات !

سكتت شهد

- روحي نامي ودربالج على النونو باي..

،

بعد ايام بابا ماخذ امي يزورها بكربلاء
هو هليام حاير بيها بين الاطباء والمزارات حالتها النفسية دتأثر سلبا على صحتها ..
باتو اهناك عند بيت اختها مزوجه اهناك ويظلون كم يوم

بالليل اشتغلت بتول بجي .

اتقربت يمها كاعدة على القنفة وحاطه اديها على اذنها وتبجي
تكره الاصوات العالية لدرجة صوتها سادة اذنها منه !

كعدت يمها طفرت للقنفة الثانية

- بتولة ليش تبجين
انت جبيرة

- اريد بابا

-ابوج عنده شغل ما يكدر يتفرغ الج
انت ايدج هاي بعدج مكدرين تحركيها
باجر موعد العلاج الطبيعي مالتج ويجي الصبح ياخذج ..

-هسة هسة

-هسة الرجال نايم
وبالله احتاجيتي روحه للتواليت
اشلون ابوج يحتار بيج جدتج ماكو(بعدها مسافرة وية بتها للعلاج  والتجميل)وهو رجع لبيتكم

-وماما ؟

-حبيبتي مو الف مرة كلنا ماما صعدت للسما بين النجوم عايشة...

تباوع للفراغ وتحجي وياي

-يعني ما تنزل اشوية

رديت بهدوء وعطف
- لا ما تكدر

-ليش ؟

ها ها ليش

-لان لان بعد صعدت روحها للسما

-انت جذابة
ماما مو فوك جو بالقبر انت اجذبين

-  جسمها جوة التراب بس روحها
صاعده يعني اني مو جذابه

- اكدر اروح الها

-ها لا لا طبعا

-انت روحي الها

-ها ؟
ترديني اموت ؟

- بس روحي جيبيها وتعالي

- ياريت يصير اذا رحت ما ارجع بعد
و اتظل بس رقية يمج تغسلج و تنيمج و

- لا لا ما اريدها ما اريدها بس تبوس و تلزك تلزم بيه ما اريدها

بتول تتعقد من واحد يلمسها ولا تحب الحضن والبوس
بس امها كانت تكدر تلزمها حتى اني كنت بالسابق اجنبها ما الزمها

-زين بتولة

- خل نكوم هسة ننام

بدا وجها يذهب عنه البؤس وينشف
عنه الدمع

-ردت الزم ايدها نسيت صاحت

-لا تلزميني

ايدج ايدج
وخريها

صاحت بيه وراحت

ليش اصيح عليه واضح تعاطفنا جاي يجيب نتيجة عكسية ...

هي نامت واني كعدت ابحث كيفية التعامل مع اطفال الي عدهم طيف توحد..

- هاي شنو تناقضات مدا افهم
شي
هي معدها توحد قوي
لان تخلي امها وابوها يتواصلون وياها
و تتواصل وية صديقه وحده
ليش احس الي اسويه دلال  ومبالغة

اجاني قاسم مثل كل يوم ،هذا اكله ماكو مجال يمي يجي وينام علينا
جريت تقي عنه لفراشي ونمت ..
كعدت الصبح
و حضرت بتول لأبوها اجه اخذها ..
استغربت نومه عبودي للتسعة ونص
رحتله لكيته  مصخن

خابرت خالتي أسالها شسوي اله

كالت انطي خافض حرارة و كمادات ..

ما راحت مرتضى كال ناخذه للطبيب العصر
بعدها تنحس وصار بس يبجي  ..

العصر عفنا صوفي ومقتدى يم رقية وابنها ورحنا للطبيب اني ومرتضى والفريق مالتي حشر نفسة وياي

تقي و صديق وقاسم ..
دخلنا للمجمع الطبي وحجزنا بس جان حيل ازدحام واحنه رقم حجزنا ٤٠ ..

خنكه وبس اني كاعده ومرتضى والجهال للسيارة  رجعو  ينتظرون ..

فحط ..كمت افتر بيه الا سكت .تعبت ردت اكعد لكيت مكاني مأخوذ ونص النسوان واكفه .
رحت سألت السكرتيرة
كالت الرقم ه و  ٦  دخلو ..
وانت ٤٠ 
يعني ساعة اذا ع الموجود الا يوصل سراج

رحت لمرتضى......

من شافني
سال
-ها شو رجعتي

كعدت وراه
- خنكه اختنكت

اشبيهم ذولة يبجون
اقصد تقي وتومه

-اشمدريني شافو مدري شنو ويردون اخذه الهم

تقي-مسدس ابو الصجم اهناك يلا حباب خالو

مرتضى-اسكت كافي كلت الك اكره هاي السوالف ..

ظلو يبجون وعبودي هم فحط
مرتضى
-اني صوجي جبتكم

-اكلك مرتضى ميخالف ننفه عنهم بالحديقة الورة بيتنا و نكعد ننتظر اهناك  كالت  ساعة الا يوصل سراي

-نرجع للبيت مو احسن 

-خطية خل يشمون هوى

اخذنا للحديقة وما سكتو صديق وتقي
استسلم وكال رايح اشتري الهم ظلي اهنا وانت قاسم  ظل يمها

اخذا تقي وصديق وراح لسيارته يرجعون للماركت الي بصف المجمع الطبي شافو بيه العاب

كعدت مستحية مو عادتي الكعدة بالحدائق العامة بس افضل من كعدة العيادة .والطفل سكت يباوع للجهال  الي تلعب بالمزاليك و ابتسمت للرجال الصغير الي مرافقني قاسم  راح يتمزلك

يناغي عبودي وبوسط تراتيلة وانغامه ..

شفت كدامي يمشي من خلف سور الحديقة  المشبك لمحته بشعرة الطويل العنيد السرح الي تاركه   نازل على ظهرة رافض ومتحدي العادات و ببجامة برمودة حربية و فانيلة سودة اخذتله صورة ببالي للذكرى الليلية
حزت بنفسي ما شافني

ضليت العب برجلين عبودي واحس حسرة بداخلي لان ما شافني  خليل

-اشلونج

ارتجفت مفاصلي وبسرعة خطفت نظري للي كاعد يمي تارك مسافة مسوي نفسه يباوع للجهال ...

-البقية بحياتج

ما صارت فرصة اعزيج ...

- مرتضى على جية

- اشلونج
اشوفج مكسورة حيل

التفتت عليه منفعلة ماله حق يثير جراحي

رجعت العب برجل الطفل بتوتر

- لا تخافين هسة رايح
بس  كعدتج اهنا كدام بيتنا هيجت حناني !
يعني اشوفج واروح ما كدرت الزم روحي

-كعدتك يمي  غلط  لا يشوفنا احد

-مو يمج اني...

وكف و دنك سوة نفسة ياخذ شي من الارض ..

وباوع الي من جوة وابتسم الي وراح ...

هاي هي مشى طلع من الحديقة كلها وهم گلبي حزن واحتسر علية

بين صفنتي شفته من برة الحديقة يسوق بدراجه ويمشي بطيئ
والتفت عليه وغمز ...

و ظل يعيد بالطريق يروح ويرجع خلاني صافنه على شعراته يطيرن وياه
كانهن شي مألوف عليه وجزء منه مشتاقه الهن
باحد لفاته غمز و دخل للحديقة

حط التليفون على اذنه يخابر و وصل يمي اني كاعد على مصطبة  و كدامي  ممر كرانيت مشى عليه و هو يحجي بالتليفون بصوت عالي

- مشتاق الك يلهيبة علم علم وتشع ...

خلاني ادنك خجلانه هذا يقصدني ...

-محلو(مزداد جمال) سعدون حيل

راح ....

اه منه الا اتغزل لا راح بعده الشوك بعيونه

...
- شوفي اذا خسرتي جديات اخذ تليفونج لمدة يومين منج

-يلا يلا

- راح أسالج السؤال الثالث
تذكرين الاجابة عن السؤال من غير اعادة  ، واذا تعيدين تخسرين ...

شنو تغديتي اليوم

- بانية ب..
سكتت و ضحكت
و تمن

-عفية
زين
السؤال الرابع ابنج شنو اسمة الثلاثي

-علي
اخذت نفسها وكالت
ياسر   عبد ...

سكتت اهواي الا كملت الله

-كوليها بسرعة

-علي ياسر
عبد الله

بتول -لا اصيحين رقية

رقية جاي ادربها تحجي من غير اعادة واخر شي حتى لا تعيد صاحت عبدالله  خلت بتول اصيح واسد اذنها ..

- جيد
لهنا وجيد
لازم تدربين باجر هم من نكعد الصبح  حتى لو تبطين او اصيحين بالكلام ميخالف المهم لا تعيدين خوش

-خوش خوش

-ها؟

-خوش وحده

قاسم جان يلعب بالتليفون ضحك من يمه ..

واجت ام محمد من السفر واخذ محمد اولاده من عدنا بقى فقط عبد الله لان تعود عليه و اني قرب موعد دوامي ..

وبابا متفق وية ياسر يأجر يمنا وياخذ رقية هيج الا ياسر غض نظر عن الدعوة هو أجلها وصبر علينا بشدتنا وهسة بابا وافق من سمع بياسر يريد يرجع يقيم دعوة، لكن ماكو بفرعنا بيت للأيجار حاليا منتظرين ناس جيرانه مؤجرين  يشيلون يردون والله كريم

▪︎ياسر

واخيرا تكسر حجر عناد الشيخ وقبل يردلي ام ابني
بس حطلي عقدة لازم ادبر بيت الها يمه يريدها و ما يريدها   يم أسرة كبيرة اسرتي ولا تتعايش وية زوجة ثانية ..

مالي غير الموافقة على شروطة التعسيفية افضل من الانفصال

كلت لياسمين بوقتها ضاجت ولحد هسة كل ما ينذكر الموضوع تتكدر بس ما تحجي هذا حگي انه رجال متمكن وما مجذب اعليها مخلي مرت ابوي تكول الها قبل لا حتى اشوفها انه مطلك واذا سمحت الظروف ارجع مرتي الاولية....

مرن شهرين وماكو البيت الي اريد اجرة بفرعهم ما فرغ وماكو بيوت للايجار يمهم والا نفس الفرع جان الموضوع بيه صعوبه لهذا السبب

جابو الي علي والعجيب فات اسبوع ومن رديته الهم و يومين ردوه الي تعجبت اشعجب امه خلته ؟

ما صبرت و خابرت مرتضى

-ها ابو علاوي حبيبي اشلونك

- غالي مرتضى حبيبي بخير
اكلك شو علاوي رجعلي اول تالي
قبلت المرة

-ههههههه
والله الصراحة اطفال المرحومة اختي التوم  رجعو يمنا متعلقين بخالتهم  وهي طالبة وبس طلايب بينهم وبين علي البارحه واحد منهم ضربة بصجمة اجه يطير اله عينه الا اشوية

ففرقناهم شنسوي

-انه اخوك لا عمي زين سويتو جا تعوق الولد ..

سديت الخط ورحت لزهراء تبجي

شلتها و طلعت ادور امها

-ياسة تعالي شوفيها عوفي البيدج وتعالي

صاحتلي امي(مرت ابوي)
-جيبها ياسر امها بالحمام ..

وديتها الها

مرت بوي بدت تغني الها
- يزهرة زهرتي تفرشلي لنومتي و دليني قبلتي
يزهرة زهرتي

وهي تلاعب بالطفلة سألتها
-يمة وتالي وية ياسمين

-اشبيها

كعدت يمها وكلت شاكي
-ظالة مبوزة علية جا انه مو كايل الها

-جا حبتك البنية وتغار اعليك قابل بيدها

- بس هي تدري

-جا اگليبها بيدها
لا تضغط اعليها بشنو مأذيتك اتريدها تضحك الك و تدللك خل تبرد السالفة

- وانت

-شنهو اشبيه انه

-قابلة اردها

-جا انه شنهو الي بالسالفة
انت مثل المثل

-يا مثل

- **** ومستحي

ضحكت بصوت

-اي جا اتريد تاخذ رايي انه و انت الضحكة تارسة وجهك و متونس  واتريدها و كلساع جايني خو مو غلط خو ما اظلم بت اختج وطايح بيه أسئلة
اتريدني اريحك
ردها وفضني

- هههههههه يمة انه غير الكة بيت يم اهلة على حظي  ابوها قبل من مدة وانه مناطر بيت يمهم شنهو يكلك كضن البيوت

-هذا حظك ما تكمل وياك بعرس اليتيم غاب الكمر

- خالة زهراء يمج
سمعنا صوت ياسمين ..قريب منا ودخلت

-اي يمة خليها يمي و روحي مشطي شعرج

- خوش

-شفتي يمة وجه المكلوب هاي اشلون بيها خاف اتظل هيج لو من اصير صدك تغير عليه وتسوي مشاكل و تزعل وتعوفني

- لا تخاف البنية يتيمة ماعدها ام تتلكاها من تزعل

- يمة لا تحسسيني أستغلالي لوضعها

-جا  انه اخليك تستغلها ..
مرتك مريضة وانت اتريد مرة صاحية واشوفكم متألفين ومراعيها
بقت ترد مرتك ما تردها ما نكدر نمنعك
وتظل الضرة مرة وانه الي جربتها

- قبل لا تحولين على امي اروح لبت اختج ...

دخلت لكيتها تضحك وبثوب نوم احمر

ياسمين
- ولج  اكعدي راحه رجلج لا يطلكج ههههههههه
شافتني دخلت سكتت ضحكها ونهت الاتصال ..

لبست  روبها الابيض بورد احمر  و كعدت تمشط بشعرها

ما طخيت الها تراضي على اساس ما بينا شي

سألت
- شنهو راح تنام

- لا انه اريد مرتي تكمل وتجي

- شنو اتريد

- اريد احضنها

اجت يمي بعيون تندي حنية

- مشتاق الي ؟

-حيييييييل كد رحمة ربج يا ظالمة اسبوع
اسبوع وجه مبوز و دشداشة كشمير ردنها واصل لرجليج

-على اساس انت هامك ما اتراضيني اذا مشتاق

-ليش احنه بينا زعل صار

سكتت
جريتها يمي

- احنه ما بينا هاي السوالف زعل و زاعلتك وعتاب
ياسة اني افهمج من طرفت عينج ..

- تحبني لو تحبها اكث....

حطيت اصبعي على حلكها

-هشش كافي
هاي غرفتج خاص بينا انه وياج بس الي يخصنا بيها لا ادخلين ثالث بيها
ابتسمت توسعت لضحكة خالية من الصوت زادتها حلاوة و اغراء بدت طاقة المودة تجدد بشتياق مفعم بالتبادل و انصهرنا بنهاية المطاف بحمم الملگة

الصبح

كعدت على صوتها تغني لزهراء بتنا ..

- كعدت الحلوة يا اصباح الخير

ندكت الباب تفليش عرفته هذا علي

دخلته شايلة

- تعال صبح على اختك

حطيته يمها وهي على رجلين امها

تفل عليها

-ولك علي

شرد خاف مني راح لامي هو ينام يمها...
رحتله

-ولك تعال اغسلك وجهك

اخذته واني اكله

- نخلص وتبوسها

- اليد ماما
-علي شكلنا مو كلنا تظل يمي منا من نجيب امك يمنا

- و هالة هالة

-يا هالة

نشفت وجه  ورحنا لغرفتي

-ها ولك يا هالة

-هالة دينب
-ما افهم كلامك
اكلج اسلكينا بيض و سوي حليب لعلاي

-صار
بس هاك زهيرة

بس حطيتها بحضني علي راد يضرب وجه وخرت ايده

-اكعد بابا لا تأذيها ..

خابرني مرتضى بلغني جيرانهم الاسبوع الجاي يشيل..انه ما انتظرت وكت كلت اله باجر جايب الشيخ وخل اردها
وابوها ردها وما شفتها ولا طلعها الي
طلبت من مرتضى راح ورجع خالي وابوها ظال كاعد يسبح أيست ورحت ..احنه بعدنا بينا شحنات غير مستلطفني بسبب عنادي وجبرة

▪︎زينب

ولج رقية يلا

-اي اي هسة

طلعت و حاطه الكحل
عوجت حلكي و شلت المكناسة و ادوات التنظيف ومقتدى وقاسم و الفريق الي رجعلي  تقي وصديق وعلي

كدامي يتراكضون دخلنا لبيت رقية الي اجرة ياسر بينا بس بيت واحد

المفاتيح اخذناهن من مرتضى

وبدينا ننظف ونغسل ندكت الباب  طلع ياسر جاي يسوي الكهربائيات ، مقتدى يمه بالهول احنه رحنا للغرف ننظف...

ندكت الباب وراها سمعت صوته لخليل

-حبيبي اشلونك

خاف محتاج شي اجيت اساعدك

ياسر- مو قبل اشوية جنت يمكم
واخذت منكم عدة بعد شكو جاي مو كلت الك ما احتاج

اصواتهم يمنا وبيها صدى همين لان البيت فارغ من الاثاث العصر يجيبوه

رقية خلصت اخر غرفة كلت الها يلا خل نروح  ،  جايب ولد يمه ..

-يا هم ما ما اشوفه اشوفه
ما شفته بس بس بالمحكمة اشوية هم هم
ما.

- ولج خليل اهنا ولزك مبين ياسر  جاي داري يمكن من رجلج احنه اهنا وجاي

-  اريد اشوف اشوفه ياسر ياسر

لبست عباتي

-عيني انت ابقي يم رجلج اني عايفة طفل نايم يم امي وراية هم طبخ ونفخ

وصلت للممر المطبخ

وصلت للطارمة لكيته واكفلي وحاط اديه بجيوبة

- وين رايحة من غير اشلونك ابو ابراهيم ؟

-ها

-جا ما كلت الج ابنا ابراهيم

فكرت اشلون شافني اني طالعة؟
وهو ما قصرن اعيونه قرني
-شفتج من شباك الهول جا انه اعمه ما اشوف الهوى من يمر شارد بعباته لوتي عباله ما ادري بيه ..

سمعت صوت ياسر

-خليل

رحت اريد اطلع و سمعت اصواتهم سوة يووه ياسر شافنه اكيد من شباك الهول ..
يكله

-روح لبيتك ناقص

اف غبية ليش وكفت اله
-يا عزة نسيت الجهال يمهم ذولة ما يتأمنون يم رقية و ياسر ملتهي ..

يوووه اخابر مقتدى يرجعهم

دا اريد افتح بابنا

- شنهي هاي  ليش رحتي ابسرعة زنوب

غمضت اعيوني والگلب يرعد ما ودي ادخل
الابتسامة بوجودة بس تعرف طريقها بصدق  حتى من قوة حضورة اشفافي تهتز وية اديه

التفتت  عليه

-ما دام ابوج رأف بحال ياسر
راح يساعدنا هذا الشي لا تأيسين مني ما اعوفنج انه بعد مطموغ بكصتج

شوفي هاي كصتج بيها خليل واضحه ذيج وينها

بلعت ريكي بهلع حقيقي واني ملتفته عليه بس نظري مو يمه صار  ودخلت ركض للبيت  ودگات گلبي تدك دك مو طبيعي احسها راح توكف
-يمة يمة

رحت لأمي ناسية مرضها ماعندي درع غيرها

-يمة يمة الحكي الحكي بابا بابا وسيد محمد شافوني واكفه بالباب وية خليل يمة الحكي عليه!!!

يتبع ....

هذا الغلاف الرسمي بالفيس بوك لأهل البيجات الي تنشر القصة