رواية #سلالة العنفوان...ذنب عينيك الفصل الثالث والتسعون 93 - بقلم الكاتبه سمو العراق

الذنب35
رواية.. ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔💔

سألت القلب..
كيف أحتفظ  بإنسان  أحبه؟؟
    فقال :
إنتبه له ولا تجرحه..
وبالكذب لاتخدعه..
وبالصراحة عامله..
ومن الحب لا تحرمه..
وعن روحك لاتبعده..وبالجمال أوصفه.
فالحب مثل القلب والمشاعر مثل الدم..
فإذا توقف القلب عن ضخ المشاعر..مات
الانسان وهو حي.
..................

فاروق

حكم جان ظالم لذياب حكم زلزل كل كيانه حكم دمر عائلة كامله

عشرين سنه!! يفوت بيها خريف وسيف وشتا وربيع مشاكل واهات حنين وغربه

جنين لحد الان يتغذه علئ امه ونايم بين احشائها يكبر ويكون بسن العشرين يعيش بعيد عن حنان ابو يعيش يتيم وابو علئ،قيد الحياة ...

عشرين سنه بعيد عن اهله وناسه انعدمت عنده الحياة وعاش بقفص من الظلم والحسرة مثل الطير المحبوس ومنتظر الفرج

ما صار عنده امل بالحياة بعد هاي العشرين يمكن يموت بالسجن وهو منتظر الفرج

يطلع من بعد العشرين متغيره العالم متغيره الوجوه ما ضل شخص مثل ما عهده هذا الي جنت افكر بي بعد الحكم العشرين سنه مثل الاعدام بس يكون موت ببطئ بعيد المدئ عن التنفيذ...

باوعتله وجهه صار شاحب مثل الاموات ونزل راسه وهزاه باسئ بتعب بروح مجروحه وكأن الالم انكطع عنده وسلم امره الرب العالمين

جنت اتمنئ،أبعد عنه الحزن لو بيدي اقضي عشر سنين بالسجن وهو عشره والله هذا تفكيري اتقاسم وياه بالحزن راضي بكل شئ

بش هل حكم اله وحده هو الوحيد الي راح يقضيها بهل زنزانة بعيد عن اهله وناسه بعيد عن محبوبته وعشيقته بعيد عن اطفاله وعائلتة ...

تارك وراه عائلة تنتظره انسانه تحبه وتموت علئ تراب رجليه بحاجتة اكثر من حاجة اي شخص اطفال يكبرون وهم بعيدين عنه ما يعرفونه يمكن بالمستقبل...

انتفض مره ثانيه الشامخ ضد الحكم وكذلك رجل عمتي شوتيه لكن الامر انحسم ورغم كل هذا فياض هم انتفض والحكم ما عجبه جان رايد اعدام

وهو اذا انعدم ذياب قربئ ما راح تكون ملك يمين ولازم ترجع الفياض ويكعد يطالب،بيها كونها بنت اخو وعرضه وشرفه عديم الشرف ...

لهذا السبب هو جان مكطع نفسه حتئ،يكون الحكم اعدام حتئ يعرف شلون يستفرد بقربئ ويذلها ويحرمها من اطفالها ويسيطر عليها وبهل حاله تنمحي جريمة امها

القاضي سكت الكل بالحكم النهائي الي جان مرفوض من الطرفين

شفت ذياب ساكت ما بدر منه اي ردة فعل بس،بعدها رفع ايده ومسح وجهه بتوتر وبقوه وجر حسرة بوجع

طلب منهم القاضي يرجع للزنزانه فاحنه اني،وجدي وعمر ورجل عمتي وحتئ ابو سوزان جان متواجد

حجينه وياه كله رجل شوتية...لا تخاف يول ان شاء اللة يجي عفو يشملك لا تيأس من رحمة ربك

والشامخ لزم ايده وهو يطمنه ..اي ذيبي لا تخاف ولا تزعل روحك انه وياك انه ما راح اعوفك ولا دقيقه يا جدك خليك سبع ولا تضوج روحك

رد عليه بتنهيده...يعني راح اعيش علئ امل العفو العام ؟ راح اعيش بسراب و وهم تعبت تعبببت جنت ادعي ربي اطلع بسرعه مشتاگ الكم جثير مشتاك لويلادي اهاجس نار مشتعله بصدري اهاجس روحي راح تطلع

لزمت اديه بلهفه اطمنه.. لا تحجي هيج ذياب الصبر مفتاح الفرج اصبر وانت مظلوم دافعت عن شرفك وعرضك الله ما ينساك وحاشاة ان يظلم عبده

رد عليه بحسرة وعيونه حمر وطاكه من التعب ومن الارهاق كال...ونعم بالله بس يعز عليه الفراك يعز عليه اعيش عشرين سنه هينا بعيد عنكم ترا هل حكم مثل،الموت ويمكن الموت ارحم

احتمال من اموت روحي تحوم عليكم اشوفكم افرح الفرحكم الحزنكم روحي هايمه ببيكم بس هينا شلون اعيش بقلق عشرين سنه

شلون عايشين شلون قربئ هساع محزونه علية دمعتها ما نشفت امي شحالها من بعدي تنام عينها لو تقضي اليل كلو وهي تناجي ربها يفك اسري

شمحتاجات شيردن شلون عايشات اكو احد مزعلهن نامن زعلانات لو راضيات انه اهم شئ عندي امي وقربئ لان كل الناس تعيش الا هن ما يكدرن ما يكدرن يعيشن وانه بعيد عنهن

الشامخ جر نفس وطبطب علئ جتفه رد عليه ...كةل يله يا بعد جدك ان شاء اللة ما يعوزن شئ وانه واخوك موجودين

ولا تهتم لا الويلادك ولا امك ولا مرتك بعيونه هم وان شاء اللة ما ينذلون بوجودنا يذيب....

عض شفايفه وهو يكتم اهاته رد عليه ببتسامه حزينه...ادري بيكم ما تقصرون بس،انه شلون بيه « حجاها بحسره والم»

رديت عليه...ان شاء اللة ما نخليك كل يوم نجيك ونجيبلك علي وغدير وحتئ الطفل الجديد هم نجيبه الك عمي حتئ،من سوزان تخلف اجيبلك فروخي،واجي بعد شتريد...

ضحك..ههه ما تقصر فاروق بس ما اوصيك علئ،قربئ ترا يتيمه محد الها وانت تعرف بحالها

رديت عليه واشرت لعيوني...اخليها بعيوني والله اقصر ويه نفسي و ويه عائلتي وما اقصر وياهم

جاوبني بحزن...ادري بيك والله ادري محد يقصر بس الئ متئ يوم يومين سنه سنتين مو عشرين سنه وانتم كل شخص اله مشاغله اكيد ما تكدرون عشرين سنه تصرفون عليهم وتطيبون خاطرهم

بس هااا كل القربئ خلي تصير سباعيه ولا تصير فاهيه خلي،الاملاك الخليتهن عندها تستغلهن وتصرف منهن شنو تحتاج ولا تقصر ويه نفسها ولا ويه جهالها...وكلها لا تضوج واذا واحد يحاجيها خليها ترد علي ولا تسكت لان هاي الوادم الفقير تاكلو وتذلو خليها تطلع لسانها...

تنهدت ما يدري بيها المسكينة تخورست ولا تنطق والله من واحد يشوفها شلون تاشر بيدها ومن تحجي و وجهها اصفر وعيونها محوره وسواد حالك تحت عيونها يعني حييل متغيره وجهها يبجي،ويقهر

والله فعلا تقهر خاصه من فقدت صوتها والم فضيع بارز علئ ملامحها ...

احتاريت شكله شترد يا ذياب شترد لا صوت لا كلام اليحاجيها ما ترد عليه غير بدمعتها تاذت ببعدك يا ذياب ما عندها غير السكوت والدموع تشكي حالها الله يعينها ويعينك يا ذياب

هو من شاف سكوتي استغرب وشك كال..شبيك فاروق

رديت عليه بارتباك..هااا لا ما بيه شئ بس احس مختنك ذياب حاول تطمنه تبين انت راح تكون بخير وان شاء اللة جبل ما يهزك ريح

جر نفس ...شكد ما اريد اكون قوي بس ترجع الحقيقه وتضربني بقسوة عشرين سنه مو هينه ولا شويه شيضل بالعمر من تخلص هل عشرين سنه

جاوبه الشامخ...كول يا الله بوية ذياب خلي املك بربك جبير وان شاء اللة ما ينساك

ضلينه نصبر بي ونحجي وياه ونطمنه وهو يهدئ شويه ويرجع يذكر امه وقربى وجهاله وتنتكس حالته من جديد وصعب الي صار وياه الله يعينه ويفرج عنه بحق لا اله الا الله...

بعد هم اخذو  وراحو واحنه من بعد الحكم هم رجعنه محتارين شلون نخبر النسوان بالحكم يعني اكيد يتخبلن هن لو يدرن اعدام جان ..جان شويه هدئن بس احنه ما كلنه...

وصلت خبرت سوزان و وئام تخبلن خاصه وئام ضلت تبجي وتنوح و سوزان تسكت بيها وتحاول تهديها بس وئام حتئ علئ،وجهها ضلت تلطم تخبلت انجنت كلنه ما لازمينها...

..........

قربى...

هو شخص واحد تدور عليه اول ما تفز من نومك
غيابة يكرهك بالدنيا كلها...

وجوده يحلي الدنيا بعيونك كلمة منه ممكن ات يحول يومك ونفسيتك الئ اجمل شئ..

وهو نفس الشخص الي يخليك تطير من الفرحه واذا صار عليه تتكسر جناحاتك

وهو نفس،الشخص الي يخليك تحس بدكت كلبك وهو نفسه الي يحسسك ان هل دكات حتوكف بمجرد ما تحس ان هل شخص بخطر

وهو نفس الشخص الي راح يبقئ عايش وياك للابد اما بذكريات حلوه تخليك تعيش وانت منتعش ومحب للحياة ..او بكلمة حلوة وموقف حلو يشهدلة ..

جنه كاعدين علئ نار منتظرين الحكم اني،بيه طبيعه من اتوتر واخاف او اكون قلقه احب اكون الوحدي ما احب اكون يم شخص احب اختلي بنفسي بعيد عن العالم كلها...

طلعت بالمزرعه واني افرك باديه بتوتر واديه ورجلية صارت ثلج بردت حيييل اطرافي جمدت وعقلي احس حيطك من الوجع ومن التفكير والقلق

ياربي هذا حالي لعد شلون حال ذياب ياربي ارفق بحاله وخفف عنه وساعده ابعد الحزن عنه وريح گلبه صبره يا ربي ...

ما اعرف شنو الحكم ولا اعرف شنو الس،صار ببغداد كاعده هنا بالغربية وروحي هايمه ببغداد...

اتصلت حفصه علئ،سوزان اكثر من مره لكن للاسف ما حصلتها مما زاد الرعب بداخلنه

خالتي ام ذياب جانت تلوم علئ نفسها دكول ليش ما رحت ويه الشامخ ما وكفت ويه ذيب وصبرت عنو جانت تحجي وتبجي وتزيد من خوفي ورعبي...

مشيت بالمزرعه من دون اراده امشي،من دون هدف ولا اعرف وين رايحه كعدت علئ،جذع النخلة وضليت بعيده عن العالم سارحه للبعيد...

ورجفه معتلية كل جسمي...اجه علاوي ورايه من شفته ابتسمت وهو اجه شمر نفسه بحضني،وبساني كال..ماما انتي،بعد ما تجحين عود ما تحجين

بسته براسه باسف وحضنته ما كدرت ارد علية بس هل شي الصار ويايه تعبني احس بخنكه مو طبيعية

والدكتور،المره رحتله كال هذا علاج اشربي ما يسبب ضرر للحمل وبلكي يرجع صوتج شربت بس تعبني لان يخليني انام واكعد مكتوم علئ صدري و وجع بگلبي يخفق بشده

لذلك تركت العلاج حسيت سبب عندي حالة نفسية واذيه مو طبيعيه ...

شويه وانفتح الباب وصوت الهورن مال السياره سوه ضجه وكفت بلهفه ورجفه اجه الشامخ اكييد جايب خبر عن ذياب ياربي فرحني فرحني بذياب فدوه اروحلك...

دخل الشامخ بكل هيبته وعيونه جانت تجدح شرار ومبين الزعل علئ وجهه خفت من شكله ومن دخولة سبب عندي رعب وهبطه لزمت بطني حسيتها تكطعت ورجليه ما عانتني علئ المشي وكفت ثواني ولزمت رجلية بوجع وكلبي،يخفق بقوة...

شفته دخل للاستقبال اتبعته بصمت مريب هو اول ما دخل اجت خالتي ام ذياب تركض عليه بحنان الام والعاطفة الغلبتها...

كلتلها بروح هايمه ومذبوحه...هاااا عمي بشرني الحكم الصالح ذياب

جر نفس وزفره كلها...والله بصراحه ما اعرف شكول

رمشت بعيونها وغلبها الحنين نزلت دموعها ...ذياب مو بخير مووو؟

عضيت شفايفي وحضنت اديه لصدري واني اداري دموعي منتظرة اجابته

جر نفس ورد كال...كل شئ مقدر ومكتوب والله ما ينسئ عبدو حتئ لو جان الحكم قاسي اكيد لازم ما نيأس من رحمة الرحمن ولازم نكون علئ،امل حتئ لو مهما صار ...

بلعت ريكها بمراره وردت علية...عمي فدوه بعد ما اكدر اصبر كلي شنو الحكم

جر نفس واستغفر ربه وقبض علئ سبحته رد عليها بحزم...انحكم عشرين سنه

فتحت عيوني مصدومه من كلامه ورجليه ما عانني كعدت بمكاني مذهوله مصدومه عبالك رايحه بغير عالم عبالك بدوامه تدور بيه مثل الداخل بمتاهه..

ما اسمع بس صراخ خالتي،وحفصه وصوت الشامخ الصاخب ومسوي ضجه وهو ينهرهن عن الي يسونه

رمشت بعيوني...شنو معناها معناها عشرين سنه بحرها بصيفها بالمها وحزنها وفرحها ما راح اشوف ذياب ما اكمل شبابي وياه ما اتمتع بحبه وحنانه ودلاله واحساسه

اكون فاقده الكل شئ فاقده الروحي وعقلي وكياني اني الي اذا راح الشغله ببغداد واسبوع او عشرة ايام ويجي اعيش بتعاسه احس نفسي ما عايشه من يجي عبالك مو ايام مبتعد عني عبالك سنين!!

معقولة اكدر اعيش وهو بعيد عني لا يوم لا يومين لا سنه لا سنتين عشرين سنه يا ذياب عشرين سنه!

محرومه منك عشرين سنه متبهذله وانت بعيد عني عشرين سنه...

بجيت اريد اصرخ صوت ما طلع اليه احس بانهيار عظيم بصدري الم نازف بكياني اريد اعبر عن حزني ما كدرت صوتي ما سعفني

لطمت علئ صدري لطمت علئ،وجهي واني،بمكاني اجت حفصه لزمتني هي وخالتي ما خلني

باوعتلها بحيره والدمعه نازفه علئ،خدي اباوعلها مثل امي اريد اشكيلها الهم بداخلي حضنته بالم و وجع نابع من اعماق صدري وجع سكن واستوطن صدري

هوايه والله هواية عشرين سنه عشرين سنه واني،بحاجتة عشرين سنه اتمرض هو مو يمي اموت هو مو يمي اجيب هو مو يمي ما يشاركني يومي ولا احلامي ولا امنياتي بعيد كل البعد عني

بعد هم سلمو امرهم الرب العباد وصبروا واحتسبو واني كل صبر ما عندي جزعت للاسف وياست

ناجيت ربي بصمت مريب...ليش،يا ربي ليش ليش كل شخص احبه يبتعد عني ليش مكتوب عليه اعيش وحيده من دون سند من دون اي شخص يحبني بهاي الحياة ليش يا ربي لازم اعاني لازم اكون وحيده اعيش حياة بارده وتعيسه حياة ما بيها دفو خالية من كل مشاعر ومن كل احساس خاليه من الفرحه

ليش هذا المكتوب عليه من صغري من يوم الماتت امي واني كبرت عليه المسؤؤلية اني زاد عذابي زاد همي ما شفت يوم حلو جنت تحت جناح امي ما حاسه علئ شئ ما حاسه بالم و وجع قهر عندي الدنيا حلوه من ماتت امي كبرت الف سنه شيبت من الهم والغم وصرت اكبر من عمري

فتحتلي باب فرج وجمعتني بذياب ليش يارب ينسد هل باب بوجهي مره ثانية وتضلم الدنيا بوجهي الئ متئ اضل هيج شضل من العمر اخذ امانتك يا رب وريح گلبي ما اكدر اعيش من دونه ما اكدر اعيش وهو بعيد عني

بعدها استغفرت ربي عن كلامي استغفر الله ياربي واحد يوصل بيه الجزع يتمنئ الموت يفكر بس بنفسه نسيت اطفالي علي وغدير وهم بحاجتي

اني ماتت امي واني جبيره تبهذلت شحالهم هم هل اطفال الي،بحاجتي وبحاجة ابوهم...

جريت نفس ربي يطول بعمري واكون سند الهم من بعد ابوهم ويفرج عن ابوهم ويفك اسره بحق الامام الحسين عليه السلام...

تحسست بطني والدموع بعيني كبرت بطني يا ذياب ابنك كبر واني انتظر جيه منك وانت ما اجيت وطالت المده وطال البعاد وين انطي وجهي شلون اصبر نفسي بفراكك شلون اعيش واني بعيده عنك

همست الطفلي البريئ...ادعيلي البابا يروحي ادعيله

يا بعد وجهي شبعد وجهك علية....

.................

وئام...

من عرفت ذياب انحكم عشرين سنه اهاجس روحي انمزعت من صدري اهاجس انه الانحكمت عشرين سنه مو ذياب

عشرين مو شويه جثيره ما ادري شلون راح نصبر كل هل سنين

المشكله مو هينا المشكلة بالناس الشامته فريال واهلها يكولون هاي حوبتنه لان ذياب فضل الغريبه علينه وضرب قتيبه هل الله شور بي ورب العرش بالمرصاد ما رضئ عن افعالو تجاهنا وهل عاقبه عن كل شئ سواه ضدنه...

جان كلامهم مثل الموس الجارح اني بصراحه ما اوصل عندهم ولا عندي علاقه بيهم بس اسمع من عمتي ام عمر لان هي تروح وترد عليهم وتجي تحجيلي واني اهاجس نار اتمنئ اروح واجتلهم كلهم جتله من هاي الزينه بس اخاف من عمر ما يقبل اروح اتكاون وياهم...

عمتي ام عمر اخذت محمد وراحت البيت اخوي فاروق سوزان مريضه شويه ودزتها صبيحه تشوفها

وعمر كل عاده لو يم فاروق لو بشغله واني مكابله طيبه وكاعده جني بومه مرات اخلصها بجي ومرات اخابر امي من البصره كلت بس تجي عطلة المدارس اروح عليهم اخلص العطلة عندهم لان تعبت ومليت اريد اطلع اختنكت كاعده هينا الوحدي...

اندك الباب رحت كلت يا الله بلكي خطار يفرج عني ويسمع همومي اشكيلو الي بداخلي واحجي وياه...

اول ما فتحت الباب واشوفها بثينه وامها تفاجئت من شفتهن وهم انصدمت بنفس الوقت هذن شجابهن شكد مكروهات انه كل واحد ينتمي الفصيلة فياض اكرهو وما احبو اتمنئ اخنكو واشرب من دمو

هم السبب بسجن ذياب وبهذلتو ايمت ربي يخلصنه من شرهم ومن حقدهم...

من شافن نفسهن غير مرحب بيهن انصكعن واستحن كالن...نكدر ندخل لو ما ترضين

جاوبتهن من دون نفس ..تفضلي

دخلن جوه واني،دخلت وراهن كعدن وجبتلهن ضيافه كالن...درينه ذياب انحكم عشرين سنه

جريت نفس حزين وجاوبتهن...اي الفضل للغول فياض الله ينتقم منو

ردت بحقد ...امييين

جاوبتها بملل...شعندكم جايين

عضت على شفايفها كالت...يوسف ودانه عليكم ما كدر يجي لان هو مراقب،من قبل فياض واحنه اجينه حتئ نساعدكم

استغربت...عليش شكو شناوي عليه فياض العار بعد ذيب وانحكم عشرين سنه حالو حال المؤبد شيردون منو بعد..

كالت...اووووف فياض ما ناوي يترك قربى وخلي يديرون بالهم لان فياض عنده هناك جواسيس استخباراتيه يجيبون اله اخبار عن الشامخ

وقرر يقتحم بيت الشامخ من الشامخ يروح ويترك البيت خالي ياخذ قربئ ويستغل الموقف الصالحه فديروا بالكم ولا تخلون قربئ الوحدها

وهذا الكلام نصا من يوسف ديروا بالكم علئ قربئ ولا تخلونها الوحدها لان فياض حاد سنونه عليكم هل مره والله ويشمرها عند عمتها ام شرهان وام شرهان راسها وألف سيف الا تكتل قربئ وتنتقم منها دكول هي السبب بموتت شرهان هي الموتت شرهان وراح مثل شربة المي بسببها

ودكول هي،دنت اله واهس وخلته يركض وراها وهي اصلا الخابرته وكلتله تعال للشقه وغدرو هي،ورجلها

وهي وبناتها الماجدات الحزبيات ناويات نية كشرة علئ قربئ ويردن ياخذن حق شرهان ودم ركبته منهن وحتئ رادن يدخلنها بالدعوه ويفروها عليكم بس فياض ما قبل خاف تنفتح عليه ابواب هو بغنئ عنها...

مسحت وجهي بتوتر...هل كلام باطل هل كلام ما الو صحه هو شرهان يستاهل القتل لان تعده علئ،حرمة اخوي وتجاوز جثير وحتئ الحكم بحق ذياب باطل

ام بثينة ...هل كلام ما يفيد هسه احنه هم نريد نتخلص من فياض اخذ حق رجلي وراح تزوج وحده كح...ونظراته وسخه علئ بثينه حتئ نويت ازوجها لاي،واحد واسترها...ولا اخلي هل ساقط يدنسها

جريت نفس...الله كريم الله يسترها ومشكورة لان كلتيلي عن فياض الله يكثر من امثالج

بعدها صفنت عزا يا يكثر من امثالها شو هي لاعبه لعب لا ان شاء اللة يقلل من امثالها

بعد ما راحت خليت وانتظرت عمر يجي اجه هو وعمتي وحجيت وياهم كال عمر...الشغله مو مال اتصال خلي نروح للغربيه

والله خلينه ورحنه للغربية حجيت ويه الشامخ عن ام بثينه وهو كال بسيطه انه اتصرف فوك ما ذيب انحكم عشرين سنه انوب جاي يطالب بحرمتو

كال ما يكدر يطولها وانه الشامخ اذبحو واكص راسو الكحو للجلاب ادبسز....

حمدت الله وشكرته لان ساندينها ويحبو وما حملوها سبب موت ذياب،ولو هو ذياب كل شويه يوصي عليها وحتئ موصي عمر عليها

بس هي حالها يكسر الخاطر ويدمي مسكينه لا صوت لا كلام وجهه اصفر ومتغيره

انه بصراحه من شفتها ما تحجي،مثل الذليلة ومكسورة الخاطر ما تحملت بجيت عليها بصوت عالي

شفت بيها ذياب شفت بيها عيون ذياب شفت بيها شخصية ذياب حسيتها قطعه منو حضنتها بلهفه وبجيت وكاني حاضنه ذياب عبالك طفل من اطفال ذياب مو حرمتو

كد ما تقهر اكثر من اطفالها....

.................

سوزان....

مرة الايام طبيعية كل الي،صار حاولت اتغاضه عنه حاولت ابعد الشكوك عني،وقل تواصلي،ويه فريال

رغم هي تجي كل يوم للجامعه بس اني،ما اطلع الها وحتئ اذا اطلع اكولها عندي محاضرات وعندي دروس او إمتحان فما اكدر التقي بيج لهذا السبب اني شوية راسي بارد وبعيده عن الضغوط ...

فاروق هماتين يدرس وكل اسبوع هو يروح لمرة ذياب ياخذ الها كل شئتحتاجه هي واطفالها وابد ما مقصر وياهم ...

حسيت بي يحبها كاخت ابد ما يتجاوز وياها او يذكرها بشئ محلو اصلا ما يلتقي بيها كل الي،يقدمه الها ينطي لام ذياب وهي توصله الها وهذا الكلام عن لسان حفصه

مما اثار حفيضتي وسكتت ...مرة الشهور والايام بطني كبرت ودكتورتي بشرتني مثل ما توقعت كالت انتي حامل بتؤم ماما

ما اعرف من كالت حامل بتؤم الفرحه الي غمرتني ما اعرف شلون اوصفها شلون اعبر عنها كولش ما عرفت اتصرف

من فرحتي حضنت الدكتورة وبجيت من اعماق روحي اضحك وابجي وارجف ...

طلعت اركض بشرت فاروق بالكلام الي دار وهو فرحته كانت اكبر مني ميعرف شلون يتصرف ويفرح

ضل مثل المصدوم ومدهوش ويصيح...صدددددك صددك توم توم سوزان صددددك

باسني وحضني،بالشارع وهو يعبر عن فرحته رجع كلي ...شني جنسهم

جاوبته بلهفه وفرحه...ما اعرف ما اعرف بس عرفت هم توم وبس

احتضن اكتافي كال بحب...مو مهم المهم انتي تطلعين بصحة وعافية ونفرح بالتوم الراح يجينه

ابتسمت بحب علئ كلامه...اي اي صلا ما اريد اعرف شنو جنسهم ...

خلينه ورجعنه طبعا اني من شهر الرابع الدكتورة كالت اشك عندج توأم وبعد ما راجعت من شهر الرابع لحد الان كل ما احجي ويه ام فاروق وتستلكني جدته عليمن هي ياهي تروح الدكتورة بس لعوبه

احنه نحبل ونجيب محد يدري بينه عاد كل ما اتحمس اروح هي تخرب عليه الحماس وبعد ما اروح

لحد ما دخلت بالسابع كلتلي الدكتوره عندج توأم

كالت من تدخلين بشهر التاسع لازم تجين الي حتئ يا اما عملية يا اما طبيعي واني اجيبج جانت الدكتورة كورديه وتجنن ...شكد حبيتها...

والله فاتت الاشهر ودخلنه بالالفين وصارت عندي ولاده كنت كاعده دا ادرس عادي بكل هدوء،ما حسيت غير شئ طك ببطني،ما اعرف شصار بيه لزمت بطني بوجع واحتاريت من وجعي شسوي...

وكفت شفت ملابسي تبللت مي تفاجئت من الي صار ويايه واستغربت شنو هل حاله الي صارت عندي هل شئ مو طبيعي ...

وبعدها صار عندي وجع مميت ضليت محتاره محد هنا وبس اني بالبيت صرخت بوجع ولزمت اسفل بطني بالم ورجلية ترجف ما كدرت لسيطر عليهن...

رجفه اعتلت كل جسمي ضليت اصرخ وكوه وصلت للتليفون دكيت الرقم واتصلت طلعت لي نادين صحت بيها...نااادين بسررررعه تعالو حموت اوووف دا اولد اوووه  ماما وجع وجع لاااا يطاق

ردت عليه بسرعه...يله يله حبيبتي هسه جايين بسرعه همزين ابوج موجود...

شمرت السماعه من دون ما اقفلها ورتجيت علئ،القنفه عضيت شفايفي واني اكتم وجعي احس اعصابي وكفت احس عيوني حتطلع من راسي

صرخت واعض بالمخده واصيح...لك فااااروق فااااروق وينك اووووه ما اكدر طلعوهم من بطني اووووي حموت اطلعو حبابين عفيييه ااااااه

دخل فاروق من شافني انصدم شمر السويج وركض عليه لزمني كال...هاااا سوزانتي هااا يبا راح يشرفون يهالنه مو صح

ضربته بقبضة ايدي بعصبية...عوفنه من يهالك اخذني حموووووت طلعهم طلعهم بطني حتطك اوووه ماما دا اتوجع ...

راح اخذ السويج مالته واجه يركض عليه شالني،بين اديه بسرعه واخذني بالسياره واني اعيط واتوسل بيهم ما ياذوني هيج ويكونون هادئين مثلي ما يطلعون مثل فاروق ...

عطت بي بغضب وبكاء...كوله من وراك فااااااروق انت السبب اذا متت اوووف بطني دا اموت

باوعلي بطرف عينه...غير انتي ردتي توم وانه ما قصرت حققت التردينه

عضيت شفايفي...اووووووي دا اموووت

وصلنه للمستشفئ ومحد ويايه دخلوني الصالة الولاده والدمعه بعيني تجري والوجع هدني أخذتني الدكتورة سعفوني ...

وبدت تولد بيه وتهدي بيه ضربتني ابره وجيبتني بس،بعد ما شبعت عياط وبجي جبت الطفل الاول وبعدها الثاني

ضحكت الدكتورة كالت...ما شاء اللة ما شاء اللة توم بنات يتشابهن ويجنن

من بين دموعي بجيت وضحكت وكلبي اتلهف احضنهن وابوسهن مديت ايدي الهن اريدهن

كالت ..هسه انطيهن الج بس خلي ينظفوهن وناخذهن للخدج يرتاحن شويه الكاتكيت الحلوات مثلج

ضحكت علئ دكتورتي جان تموت عليه دكول انتي حيل نازكه وحلوه ومرتبه ومثقفه اكيد اطفالج مثلج حلوين اني من شهر السابع من عرفت بيه توم صرت هوايه اراجع دكتورتي واهتميت الصحة الطفل وتركت نصائح بيبي صالحه...

بعدها جابتهن الدكتوره ما شاء اللة صدك هن صغار حييل وناعمات كل وحده وزنها اعتقد كيلو ونص بس معانيهن تجنن ..

كالت الدكتورة...اسميهن اني ؟

هزيت راسي بقبول كالت...انتي مو اسمج سوزان سميهن شيفان وديلان

ابتسمت بتعب علئ كلامها ورديت بوجع...تمام حلو حييل سميهن...

شويه ودخل عليه فاروق وبابا ونادين وعمه ام عمر و وئام تخبلو عليهن شلون ناعمات وضعفان ورغم ضعاف بس يجنن حلوكهن صغار وخشمهن مثل خشم البزون شلون حلوات...

طلعت لبيت بابا ونادين خطيه مخلت شئ مسوته اليه واني مخبله عليهن ما اخلي واحد يفتح الباب ولا يبوسهن ولا يتقرب منهن حتئ فاروق باعدته عنهن ما اخلي يبوسهن

وهو متخبل يكول ما عندج ذوق وما عندج اتكيت كتله يا اتكيت يا بطيخ من شفت ديلان وشيفان نسيت ابو الاتكيت هههه

كرست كل وقتي الهن ودوم اباوعلهن بحب واضل للصبح بس اباوع الهن

اجت باجي جميلة وبيبي صالحه باجي تخبلت عليهن كالت محد خلاني استقر ببغداد لا فاروق ولا وئام بس الضاهر هل بنيات راح يخلي استقر ببغداد

عاد اني فرحت ...اي اي الله عليج باجي النبي عليج عيشي ويانه هنا ونبي ترتاحين اكثر وهماتين نكون كولش سعداء بيج ويتعلقن بيج شيفان وديلان ...

رد عليه فاروق بقهر...انوب سمتهن شيفان وديلان اسماء ولد كرديه احلف بالقران

جاوبته...ميخالف بس حلوات

ردت صالحه...لاااع مو حلوات جا سميتي وحده خالده و وحده خلود

باوعتلها بهدوء..لا بيبي فدوه ونبي حلوه أسمائهم وعلى وزن اسمي

باجي كالت...اي اي حلوات مال مثغفات كلش حبيته

بست خالتي بحب لان هيج كالت وما كسرت خاطري مثل فاروق ...يكول اسماء،ولد ولو صدك اعتقد هن اسماء ولد ههههههههههه....بس ميخالف عاجبني...

..............

قربان. 

بعد ما درينه بولادة سوزان جابت توم بنات حيل فرحنه الها سوزان تستاهل كولش تستاهل ربي يوفقها ويحفظ بناتها لان سوزان ما تاذي ولا فد يوم تجاوزت علئ شخص الله رزقها علئ كد نيتها

ويكولون ما شاء اللة بناتها حييل حلوات مثل البلابل معاني مثل طيور اي اذا هي سوزان تجنن وفاروق كولش حلو اكيد الانتاج يطلع بلبل مطعم بالكناري...

اما اني حاليا بالشهر الثامن بطني هماتين كبرت حيل ومرات تصير عندي اوجاع

واحس ما بيه حيل اطلك ولا بي حيل اجيب ما عندي طاقه للولاده جسمي هزيل وضعيفه ما بيها حيل حتئ اضحك مو انوب اطلك ...

حسيت هل طفل ظالمته ويايه هوايه انقهرت عليه حطيت ايدي على بطني وضحكت حاجيته بصمت...ههههه حبيبي مالك شغل بمزاجي اكيد من تجي اعشكك اكثر من ابوك اشو اني حابتك واحس برابط حلو بيني وبين انت سلوتي من بعد غياب ذياب انت شاركتني الحزن وتقاسمت ويايه الهم وانت بضلمة رحمي...

حبيبي انت الي تعرف بكل شعوري وبكل احساس دا احس بي انت النبض وكل شئ اليه معزتك مثل غدير وعلي وما افرق بينكم حتئ لو بابا مموجود واعنذر اذا ما دا ريتك وما اهتميت المشاعرك وانت ببطني ..

اعتذر والله عن كل شئ بدر مني عن كل اذيه سببتها الك احبببك هاي رسالتي الك تعرف رغم فقدت صوتي ومحد يسمعني،ولا اشكي الشخص بس احس بيك انت الوحيد الي تسمعني وتسمع همي وتفهمني واشكيلك من دون تردد

ههههههههههه ول ول طلعت صديقي واني ما ادري يا حلو انت يا جمييل...

باوعت العلي كاعد يلعب وغدير وحفصه اخذت ملابسي كلت خلي اسبح لان نظفت السمج وكليته واحس صرت كلي ريحة سمج...

فتحت الدوش حتئ يصير بخار وعلكت ملابسي النظيفه دا انزع ملابسي وما احس الا انشلت وانركعت اتزحلكت بالصابون ..

انضرب راسي بالدوش بكل قوه ورجلي انخلعت صرررخت من الوجع والالم ورجلي حسيت انكسرت اريد صوتي يطلع ماكو

حسيت بدفا علئ ملابسي تحسست ملابسي واشوف ارضيه الحمام انترست دم انرعبت وضليت احاول اصرررخ احاول اكوم اساعد نفسي واخلي واحد يساعدني ماااكو

زحفت علئ ركبي لاااا مستحيل اموت من النزف هنا ولا صوتي يسعفني ولا واحد منهم يجيني دخيلك ياااربي. 

نهاية البارت...يتبع

كونوا انتم كونوا بخير...احبكم 💔

نور سمو العراق😘

لا تنسوا التصويت و المشاركه بكم نكتمل😍