رواية سلام قلبي الفصل العشرون 20 - بقلم غير معروف

امين: سمعنه دگت الباب طلعت هاشم وحسام سامعين بالي صار قدمو العرس الخميس ومضل غير يومين البيت انگلب وجاسر عرسه باچر يبووووو وست نور زعلانه ادري مقصر بس هاي طاقتي شسوي

شمس: ضليت ابچي اني اصلا سالفه الزواج كرهتة انوب اتزوج ورة يومين طلاگي  طلعوا جابوا بدله بيضه وجاب سيد عقدنه كلشي صار ركض ركض بالليل نضفوا جسمي والصبح يحضرون للزفه اني بس ابچي وهو يخزر كرهت روحي مقبلت اروح صالون اني حطيت مكياج خفيف لليل زفونه عرسنة مابي فرح لو رگص مجرد طلق مثل الحرب صار دخلنه للغرفه هو طلع ربع ساعه ورجع

جاسر: شوفي هسة ب ٩ تسعه وعشر اني اطلع بيدي النيشان مو برضاچ غصب عنچ تردين بالضرب لو مو منغير ضرب ضلت يمچ اني اطب اغسل واطلع انتي نازعه البدله ومتحضرة

شمس: الله بيمن بلاني ضليت ابچي جريت قيطان البدلة مينفتح طلع خزرني
جاسر: شحچيت اني

شمس: مينفتح اني شعليه

جاسر: فتحتلها القيطان هي طبت للحمام تغسل بدلت اني گاعد ع الچربايه وهي واگفه ::متگعدين قصاص لو شمعه فگر

شمس: گعدت اريد ابچي اخاف اريد احچي اخاف

جاسر: بس اگلچ شغله زواجنه هو راح يثبت شرفچ وينفي كلام عامر انت كلشي بيدچ ترفعين راس ابوچ لو تنزلي لان اني مراح اقربلچ غصب عنچ صح حچيت بس مستحيل انفذ

شمس: سحبني لحضنه حضني

جاسر: انتي متدرين شگد احبچ وشگد فرحت لان عامر طلع مو خوش مصائب قوم عند قوم فوائد وهسة راح اقربلچ لا تتحركين تتاذين

شمس: نمت هو خلص اخذ النيشان وطلع اني قفلت الباب ما اريد احد يفوت لعبت نفسي امه محمد كلهة تتزوج وتخلف بس يمي عاكسه اجت امي وام جاسر مثل ما توقعت ما فتحت الباب ورة نص ساعه هو فتح الباب عندة مفتاح ثاني وطب

جاسر: ليش قفلتي الباب

شمس: ما اريد اشوف احد رحت نمت احس وجع بطني مو طبيعي ضليت ابچي بهدوء هو حس عليه

جاسر: شبيچ تونين

شمس: ما بيه شي بطني توجعني حضن راسي ضل يمسد شعري بس اني متاذيه كلش لل٥ الفجر اني گاعدة والالم يزيد مينقص اخر شي حسيت ملابسي مبللة الفراش كله دم رحت للحمام هو گعد يحچي ويايه اني متت خوف شنو ديصير بيه

جاسر: لبسي اخذچ للمستشفى خاف نزف

شمس: وصلنه للمستشفى فحصتني الدكتورة خلصت  صافنه بوجهي

الدكتورة: ماما انتي امچ عايشه

شمس؛ اي الحمد لله

الدكتورة: ماما گوليلهة تدير بالهة عليچ وين عنچ وانتي تلعبين بروحچ

شمس: جاسر بالباب واگف يسمع اني خفت:: ليش اكو شي

الدكتورة: انتي تاخذين مانع حمل

شمس: لا حتى دوة وجع راس اخاف اخذ باستمرار حتى لو احس بوجع الا كلش قوي يلا اخذ

الدكتورة: انتي ماخذة او منطيچ دوة يمنع الحمل ويقطع الحيض هذا الدوة يكسر البيوض الي بالرحم وياذي الجسم نسبه حملچ من تقطعي قليله اذا استمريتي عليه اكثر من ست اشهر وسبب الدم انتي قطعتي الدوة وهذا دم الشهريه متجمع برحمچ ومن قطعتي نزل

شمس: بس اني ما ماخذة اي دوة

الدكتورة: ما اعرف امي هذا الطلع عندي واني رشحت هذا الشي نفخة جسمچ مو طبيعيه اطرافچ ناعمة بس جسمچ منفوخ وراح اكتبلچ تحاليل سويهن افضل

شمس: طلعت جاسر عصبي كلش اخذت الادويه مسكنات ومنضم الشهريه احس جسمي مبند تعبانه كلش بس رجعنه امي وامه بالباب خايفين لان ما لگونه طلعنه وما گلنه لاحد طبيت بدلت الفرشة فرشت وحدة لخ سبحت لگيت علاگة بيهة شغلات نسائيه يمكن هو اشتراهن لبست شي خفيف ونمت هففف باردة بس مرتاحة هو هم سبح اجه حضني اني هم حضنته حيل

جاسر: ها فكيتي چنچ مخبله چنتي

شمس: اريد انام باچر نحچي حباب ضلينه نايمن لل١ الضهر محد اجه دگ الباب گعدت سبحت وطلعت يمهم كلهة مجتمعه بيت امين صاير مزار خطيه ميحچي ونور بس تكرب خواته هم بس مو مثلهة علاوي اخوية اجه من السفر رايح لعامر ضاربة كاسر ايدة واجه

علي: ليش ما خابرتوني من البدايه چان شگيته واخلي الامر مالته ين...ة

امين؛ اكل خرة ولك بنات گاعدات وهسة انت قصرت علگت ايدة برگبته واجيت

علي: شفت تقات اجت اريد اگوم اگطعهة امين عندي سالفه وياك

امين: خير انشاء الله

علي: بعدين وحدنه

امين: انشاء الله

شمس: علي ريح گلبي العدهة اخو مثله ميضيع حقهة

جاسر: واگف گبالهة حاضنه اخوهة وگاعدة احمحم اصخم مو يمي اصلا

امين: وهاي طلعنه شكو علي شسالفتك

علي: امين انت اخوية ووگفاتك ويايه هواي تقات بنت عمي واحبهة ورايد مصلحتهة

امين: احچي شكو شبيهة تقات

علي: اليوم مريت للكليه قبل ما اجي ردت اشوف اسيل ابويه گلي جيبهة لان خابرت متخربطة

امين: علي احچيلي الزبدة شبيهة تقات

علي: واگفه يم ازهر اخو فادي ويضحكون وهي خجلانه وگفتهم مريبه وهاي امه عرمة الله ميجرعهة تروح تطلع حچي عليهة

امين: هذا هو اني اتصرف رحت لتقات جريتهة من ايدهة طببتهة للغرفه ويامن واگفه اليوم بالكليه
تقات: شنو ويامن واگفه  تسولفين

امين: تعرفين كلش زين شنو قصدي

تقات: والله كله ويه خواتي واسيل

امين: ضربتهة راجدي ليش تچذبين

تقات: والله ما  سويت شي امين شبيك

امين: وازهر التضحكين بوجهة وواگفه وياه احنه دزيناچ تدرسين لو تدورين سوالف تعبانه

تقات: والله امين ما اعرفه غير هو صديقكم واجه گلي حاب اتقدملچ بس اريد موافقه منچ اني گتله تفضلوا  حتى نضرات ماكو بينه واسيل شاهدة وسمعت كلامنه والله شبيك ويايه بس تضرب الله ياخذني واخلص امي تضرب عادل يضرب وحتى انت ليش شمسويه

امين: طلعت سالت اسيل نفس الحچي وهي ضلت تلوم علي لان وصل السالفه غلط او  هو فهم غلط تقات اعتكفت وضلت كله بالغرفه انقهرت عليهة بس هي هواي تغلط وامي هواي تشكي منهة هي اكثر وحدة اني بعيد عنهة حتى حچي قليل بينه رحت للغرفه احچي وياهة مصخنه وجهة اصفر تقات
تقات: ضليت ابچي تعبت من چنت زغيرة  امي مسيطرة عليه وكله شتگولي اسوي ولو ما اسوي تشكي لامين لو عادل مرات ابوية وعادل چان يموتني بس امين يصيح عليه ويبتعد عني مو مثل خواتي بكلشي يذكرهن مرات اكره امي مرات اگول تريد مصلحتي من كبرت من تگولي سوي شغلات مرات تريد تضوج خالة سعاد وهسة نور ما اقبل تضل تشكي مني اني اغلس حلمي اتزوج واخلص من اهلي مكان ما بي بس اني وزوجي ويصير عندي اطفال حياه مستقره من اجه ازهر اعترفلي فرحت ما اعرفه صح بس صديق الولد دائما يمدحوا من اجه امين ضربني طلعت روحي تمرضت

امين: احچي وياهة تبچي صحت امي اخذناهة للمستشفى الدكتور گال نفسي مرضها مو عضوي من صحت احچي وياهة ضلت بس تبجي

تقات: اريد علي وينه اجه ضليت اعيط واغلط عليه فوگ ضيم الدنيا انت جاي عليه مو اختك واگفه يمي لو ما اعمى ما شفتهة اشرد من البيت حتى ما اگعد يم امي  وتضل تنگ براسي تجي انت جاي من السويد مناك لهنا عفت الدنيا كلهة جاي على تقات هسة لو احبه ما احچي تجيك التهايم وانت نايم امشي ولي عاب لوجهك لفيت راسي ورجعت نمت

علي: هسة اريد اضوج ما اگدر شعرهة مكفش وتاشر بيدهة وخشمهة ينزل وتمسح اني وامين نضحك منا من نامت اعذرني خوية بس والله من خوفي عليهة عبالي اكو شي

امين: ما صار شي خطية ضربتهة كلش تاذت اليوم بالليل اطلعهة افرهة وهذا ازهر اني اعلمه ما عدنه باب يروح للكليه

علي: لا تروح ولا تحچي ما قصرت خليته من يوصل بابكم يركض مثل بيبيب

امين: هههههههه ولا تگعد راحة انت

ذكريات العزوف💔💔
نجاة محمد