رواية سلام قلبي الفصل التاسع عشر 19 - بقلم غير معروف

مهند؛ اني طالع اشتري جكاير تردون شي
ذكريات: لا بس شمس مجايبه ملابسهة خابر عمو يجيبلها شي لان مو نفس قياسنه
مهند: تدلل تريگت هي
ذكريات: اي اكلت
مهند: الحمد لله يلا في امان الله
ذكريات: الله وياك سديت باب المطبخ دقيقتين وصوت الطلق زلزل البيت فهد اجه يركض شايل مسدس جرني ضليت لازمه ايده وين طالع
فهد: طبي جوه وكلكم انجمعوا بغرفه وحده اگعدو لحد يوگف
ذكريات: ضليت لازمه ايده ما لا تطلع
فهد: وخررري دفعتهة وگعت ما اهتميت
طلعت اركض لگيت مهند گاعد ورة الحايط همزين ما طلع ضليت اضرب بالهوة طببته وطبيت صعدت للسطح اشوف كم واحد اعرف راسي من رجلي ربع ساعه وراحوا سمعت صوت جوه يصيحن نزلت اركض ذكريات وجهة كله دم توقعت طلقه لو من كسر جام المطبخ متوقعت من دفعتي هي شافتني ضلت تبچي
نضرات الخوف موتتني بدل ما تحس اني امانهة تخاف مني اجو امين وجاسر والولد اني عفت البيت وطلعت ما اريد اشوف احد
امين: اني اگول احسن شي مهند ياخذ شمس ومرت عمي ويسافرون هذا ما منه امان واني راح اروح اشتكي عليه
جاسر؛ لا تشتكي ولا تعب روحك فهد گال كلهم ملثمين هاي شغله وهو مسنود يعني ايس لو يكتل واحد ينسجن بس 3 ايام للاسف هذا بلدنا العضيم نسيت وين عايش
امين: ضليت دايخ اسيل تخربطت ما تحملت
اخذت جواز حسنين ومهند والبقيه نور قفلت هي وذكريات ميروحن بس البقيه قبلوا خل اخلص ما افكر بيهم من اطلع راح يصير شي

ذكريات: صارت ب 2 بالليل وفهد ماكو ضلينه كاعدين كلنه امه گلبتهة فاتحة وجاسر تخبل ساعه ب 4 سمعنه صوت واحد طفر ع البيت طلعوا يشوفون منو امين كال هذا فهد
امين: وينك من الصبح لسه ما خلينه واحد ما سالنا عليك
فهد: چنت بالنجف
امين: غير تحچي امك كلبتهة مناحة جاسر مثل المخبل وين صرت
فهد: ذكريات راسهة شلون صار
امين: شلون صلف يسالني ع اختي

فهد: لا صدك شلون صارت دفعتهة اركض لمهند ما ادري تتاذه هيج
امين: ما بيهة شي باجر الگعده اليوم شيخهم خابر
فهد: انشاء الله سويلي طريق اريد اسبح وانام متت طبيت سبحت وطلعت اريد انام بس روحي يمهة خاف تاذت دزيتلهة رساله شلون صرتي طلع مرئي بس مجاوبت نمت كعدنه الصبح حضرنه الكراسي والبيت مهند اخذ شمس وامه واسيل وحسنين حتى البنات راحوا بقت ذكريات ونور وخاله سعاد ذكريات من تشوفني تشرد
امين: فهد حاول تبعد جاسر لهي باي شي من يجون خايف من هدوءة كلش
فهد: والله اني هم
امين: اجو عامر عمامه مخربطين استحيفت شيوخ عشيرتنه حاضرين ويه ذوله والطامه الكبرى يكول شمس مو بنيه وسترت عليهة ومن لزمتهة ويه حبيبهة انهزمت جاسر گاعد صافن اخر شي نطق
جاسر: هي مو بنيه وواعدت واحد عارنا ذبة علينه احنه نغسله طلگهة
عامر: ما اريد اطلگهة مرتي واريدها
جاسر: مو توك تحجي عليهة
عامر؛ هي خطاءت واني اربيهة
جاسر: والله يا شيخ بتنه عفيفه ابنكم مو رجال واكبر دليل هذا حچيه
فهد: ما عندك مرة يمنه بعد طلگ لو تصير السالفة دعاوي وتطلگ ورجلك فوگ راسك
ضرار: بويه احنه ننطيك مهله اسبوع ما طلگت نهدر دمك ونسويهة ثارات احنه ساكتين لخاطر منسوي عداوات بين العشيرتين
عامر: انتو ما عرفتوا تربون اني شكو جبتولي بنيه معيوبة
جاسر: المعيوبة يومين ونيشانهة گبالك هاي گدام الكل عرسي على شمس بعد باچر

الشيخ: شلون نسيت عدتهة
جاسر: ابنكم ما داخل عليهة ما عليهة عدة وهو مطلگهة و السيد يشهد گاعد بالغرفه الثانيه عامر تحجي لو ادز ع السيد سكت ودنج راسه اجه السيد گال طلكتهم ووصلني والشهود اخو وصديقه
الشيخ؛ علوية من نسل رسول الله هيج تسوي بيهة ما خفت دمعتهة تحرگك الله ينتقم منك
ابو عامر: هسة احنا رايدين الصلح والسماح منكم
الشيخ: يا صلح يا سماح اريد اسال الشيوخ لو وحدة من بناتكم هيج يصير وياهة ترجعوهة تسامحون شو نزلتوا روسكم هاي البنيه لو ما طلگهة اني عگالي ما حطة ع راسي بعد
جاسر: يطلگة برضا غصب عنه يطلگهة
امين: طلعوا مهند يريد يرجع ضايج وحسنين يريد يقره وكتبه مو كلهن اخذهن جاسر گال اني ارجعهم طلع ب ١ الضهر للمطار صعدت للغرفه نور تركض ورايه متت ضحك عليهة
نور: لا تضحك اشتاقيتلك حموت حس شبيك
امين: والحسين مخبله تعاي اليوم اكلچ
نور: خل اسبح واجيك كلني ريحة تگلاه
امين: اني اسبحچ
نور: مااااا روح اگعد
امين: وجع منتضرچ طبت سبحت طلعت لافه الخاولي ع جسمهة و تطگ سن بسن شبيچ
نور: منو مطفي السخان
امين: اني البارحة لان حمى والمي ينزل ع المنور گلت اجيب مصلح ونسيت
نور: ثلجت حموت
امين: تعاي ادفيچ اجت حضنتني
نور: ست اسيل تنام بحضنك گدام الكل واني متقبل الزم ايدك تدري والله مرات اكرهك
امين: حبيبي اسيل اخاف عليهة حساسه ومريضه واخاف امي تشوفنه تسويلج سالفه وتسمعچ حچي وامي ما اگدر اردهة لهذا ابتعدت
نور: ممممممم هو اني ساكته شحاچيه
امين: ام السان كل هذا وساكته
نور: امين اني كلش اشتاقلك اريد افرك رجلك ضهرك احضنك احسسك باهتمامي اسمعك كلمه حلوة صح وضع البيت زفت بس شسوي
امين: هو بس البارحة عفتچ. واصلا مرات اضرب السرة واجي يمچ لو تريدلچ عركة عادي متحضر اني
نور: عفته لبست ملابسي
امين:, وين مو اشتاقيتلك واريدك وحس شو راح تشردين
نور:, مشطت شعري ونزلت عفته نايم هو ٢٤ ساعه يم اسيل بس نومت الليل يمي وفوگ القهر ميعترف هو مقصر ما يوم گلي شنو مشتهية شمعتازة ينطي فلوس ويروح الا اربيك استاذ امين

فهد: الضهر ذكريات صعدت للغرفه البيت فارغ صعدت لغرفتهة لگيتهة حاطة سماعات ومغمضه رفعت اللحاف نمت يمهة حست ع المندر نزل فتحت عيونهة
ذكريات: فهد شسوي هنا حباب روح امين هسة يجي
فهد: قفلت الباب
ذكريات: صخام بوجهي حباب عليك الله روح
فهد؛ اشششش
ذكريات؛ احس گلبي حيوگف سكتت هو سحبني لحضنه يمسد شعري
فهد: توجعچ الضربه بعدهة
ذكريات: بس شويه
فهد: ليش تخافين مني
ذكريات: لان انت تضرب ايمان اختك ومرة كتلت ولد بالشارع اخاف والله فهد
فهد: شششش لا تبچين
ذكريات: انفاسة ع وجهي جسمه حار كلش الجو بارد وهو تنور انت مصخن
فهد: لا بس هاي نار حبچ حرگتني حرگ
ذكريات: سكتت اخاف احچي شي بعد شمس شصار بسالفتهة
فهد: لا تتدخلين بهيچ سوالف حبي
ذكريات: اوك يلا روح خاف امين يجي
فهد: ذكريات
ذكريات: ممممممم
فهد: اني طالع بس تفض سالفه شمس نتزوج
ذكريات: سكتتت هو طلع نوع ما ارتاحيت ويايه حباب بس خاف ورة العرس يتغير خفت التفكير خبلني
جاسر؛ رحت وصلت لاربيل خابرتهم لمو غراضكم نرجع تعالوا للمطار ساعه ونص اجو رجعنه للبصره گعدت عمامي وشمس گبالي فتحنه موضوع عامر والحچي الحچاه
شمس: ضليت ابچي والله حتى موبايل ماكو الله لا ينطي
جاسر: كافي لا تبچين باجر اعقد عليچ
شمس: شنو الناس شتگول عليه اتطلگت من واحد ورة يومين تزوجت غيرة
جاسر: شعليچ بالناس الناس لو ما حچت بزواجچ تحچي بحچي عامر
شمس: بابا مروتك من وگعه لوگعه ما اريد اريد ارتاح يم اهلي
ابو شمس: والله بويه اشيلچ بعيوني بس عامر مراح يعوفچ الا يگطع الامل وهذا الشي يصير بس بزواجچ
امين: سمعنه دگت الباب طلعت هاشم وحسام سامعين بالي صار قدمو العرس الخميس ومضل غير يومين البيت انگلب وجاسر عرسه باچر يبووووو

ذكريات العزوف 💔💔
نجاه محمد

اسفه لان تاخرت بس كتبت بارت الي ورة هذا وانذكر النجف بي تمنيت ازور النجف صار هواي مزايرة طبعا من اروح لازم انام بالصحن ما احس ابددد وانام مرتاحة ومامنه دعيتلكم من گلبي انشاء كلكم الله يوفقكم وتنكتبلكم الزيارة

هذا رابط اول قصه كتبتهة اول مرة تنشر بالبيج ناشر عجبته ونشرهة اتمنى تروحن تعقلون بالفيس اسم البيج عطر الروح الناشر بارق العراقي     اسم القصه عشقني فعشقت اخاه

البارت قصير باجر هم انشر واعوضكم احبكم 😘😘