رواية سلام قلبي الفصل الحادي والثلاثون 31 - بقلم غير معروف

تقات: كعدت ويه صوت اذان الفجر يوووو شكد نمت من رزلني امين الضهر لسه كله منورة علي الحقير واكفلي على الزلة من لما تعاركنا اخر مرة قبل شهرين
لسه اذكر جنت نايمه فززني اتصال رقم غريب  تجاهلت الاتصال ورة شويه رجع رن رفعته ضايجه انصدمت رقم مهند ضليت فاتحة عيوني كلهة وتجي ابالي افلام الرعب كلهة متت خوف فتحت الاتصال اجاني صوت رجولي  تعبان كلش

عمر: الو

تقات: الو منو ويايه

عمر: انتي مرت مهند الله يرحمه

تقات: بلي منو ويايه

عمر: خيتي را ح احجي وياج وكلني امل انتي توصلين الكلام لاخوج واخو زوجج الله يرحمه لان عجزت ادز ناس وميقبلون يسمعون اني ما خايف على نفسي والله من المواجهة بس ابني يحتاجني واهلي ما عدهم غيري تكدرين تسمعيني

تقات: وين لكيت الموبايل منو انت

عمر: بداعت عزيزج بس اسمعيني

تقات: تفضل

عمر: اني من بغداد داومت كليه اربع سنين هناك لكيت بنت الحلال الي حبهة كلبي ولان اني سني وهية شيعيه عجزت يلا قبلوا اني يتيم الاب ربتني امي على الحلال والحرام ما اعرف شنو سنه وشيعه ربيت واني احترم الامام والنبي والصحابه ربتني امي على الحب ما كرهت طائفه منو الصح منو الغلط ميهمني الله يحاسبهم منو اني واجي اكول هذا صح وهذا غلط تزوجت بعد سنه من المعانات بدموعي جبتهة لمرتي وما جنت اقبل تجي للبصره ابد وكملت فرحتنه بخبر حملها ومن وصلت لشهرها ضلت تلح اجيبهة هنا  من شفت خوفهة ودموعها وحقها لان اول طفل اني جبتهة واجيت وامي ويانه ضليت افتر لان ما اندل فجاءة مرتي بالطريق بدت تصرخ وتبجي خفت خاف تولد واني حتى المستشفى ما اندلها طبيت لشارع وبدة الطلق مبين بين ثنين اني من خوفي على مرتي وامي وصوت صراخها باذني مشيت بسرعه وفجاءة صار ولد كبال السيارة اني كبل وكفت بس هو وكع اني نزلت بسرعه نزلت امي كتلهة اخذي تكسي وصعدت الولد سالت الواكفين اريد اعرف اقرب مستشفى وين واحد من الولد كال اني اخذ امك وامشي كدامك الحكني هو مشه واني وراه اشوف الولد ينزف من صفحته

تقات: اختنكت مهند مو

عمر: نزلت دموعي بس خل اكمل

تقات: اي

عمر: المهم وصلت للمستشفى نزلت زوجتي وزوجج حاير بيهم اخذوهم مني كعدت انتضر طلع الطبيب من غرفه زوجج كلي ماكو شي يخوف الرصاصه ما داخله بجسمه سطحيه بس ماذيته والكليه ما ادري شبيهة  اني عقلي وكف كتله بس هو مدعوم كال مابي اي شي او اي اثر ضربه ما بي شي غير هاي الرصاصه ضليت احمد الله واشكره كال روح ادفع خلي اندخله للعمليه اني ركضت دفعت الحساب وامي حايرة بمرتي انطيتهة فلوس وضليت يم غرفه العمليات انتضر مهند طلع الطبيب عصبي وضايج وكفت كلي البقيه بحياتك خسرنه المريض حاولت افهم ليش كال جسمه ما تحمل العمليه وياخذ ادويه تخدر الخلايا وهواي حجي ما فهمت شي لان دايخ اتصلت على رقم مكتوب عليه علي جاوب واجه يركض وراه اجو اهلج وتهجم علي عليه لو ما امن المستشفى طلعوني منهم بالكوة الولد الي وصلني كلي ذولة متكدرلهم اشرد احسنلك وامي شلون مرتي عدهة ولادة تكفل يوصلهم من تولد انطيته فلوس وطلعت رحت لاهل زوجتي ابوهة عندة بيت فارغ كعدني بي لان اخذوا معلوماتي من المستشفى واسمي بكل السيطرات مطلوب وكل فترة ادز عمام لو معارف ويردهم اخو زوجج وابني بدة يوكف ويخطي اول خطواته واني ما شايفه ولا شايله والله خيتي ما كتلته

تقات: صافنه وهو يبجي عدلت كعدتي زين فكرت بيت عمي لان مدير بالشرطة ومن سالفه شمس الشارع كله كامرات اضافه الى شهادة الطبيب اخذت اسم المستشفى والطبيب منه ونهيت المكالمه ادري باجر الفصل لازم اروح الصبح طبعا سالفه الكامرات ما دبرتهة بس الطبيب فعلا اكد كلامه  وتذكرة بالذات لان عمليته كلش بسيطه وتوفى وحاولت احجي ويه علي وامين وسكتوني وصار العصر واجو الشيوخ والكعدة  وكلهم يرضون الصلح الا علي وكم واحد

علي: الدم بالدم اريد الي كتل اخويه اني احاسبه

الشيخ: يا ابني كول يا الله صار ساعه نحجي واحنه جاين ونيتنه طيبه لخاطر امه وحيدهة

علي: جان ما اشترتله سيارة يمشي سريع ويتصرف برعونيه

تقات: سمعتهم  رادوا يطلعون اني لبست عباتي وطبيت

امين: تقات اطلعي منا شجابج

تقات: اعذرني خويه بس عندي حجي وياكم شفت كومه زلم تراجعت بعدين فكرت اني خاطرت وطبيت خلي احجي عاد انكتل لشي يسوة  اكو شيخ شاب بعدة رفع حاجبه تفضلي نسمعج    التفتت على علي ما كافي دموع ما كفتك دموعي ودموع امك ما كافي حزنك ليش تيتم طفل وترمل مرته  وتكسر امه ليش لان اخوك توفى زين   مات هو انت ترتاح ما اصدك كل تعب عمي وصلك وسفرك وصرت دكتور وافكارك هيج يعني انت تاخذ بثارك وهم ياخذون بثارة وراح تصير حرب طوائف ويا ريت هو قاتل صدوك وبديت احجي الي سمعته والكل يسمع بدون ميحجون  وراهة حجة ابو حاجب 

شيخ عماد: هاي الحرمه بت منو

امين: اختي ارمله المرحوم

شيخ عماد: الله يحفظج دخله الديوان صعبه والديوان بس للزلم  بس انتي اجيتي وحجيتي الحق بدون خوف

تقات:فعلا الديوان للزلم بس لمن الزلم تنصف بدون ضلم احد صدكني ما راح تدخل حرمه  للديوان تحول نضري لعلي  طلعت وامي وخواتي يلطمن ونور يمي خايفه تريد تهزمني اني كعدت بالصاله شفت الديوان فرغ طب علي مثل الاعصار يركض بتجاهي  لزمني من ركبتي ورفعني

علي: منو انتي وتقللين من قيمتي كبال الكل  شكد صلفه كل العكل والزلم ما وكفت بعينج

تقات:  اهلي يجروني من ايدة وهو يخنكني حسيت روحي راح تطلع وركبتي والدم تجمع براسي  اجه امين دفعه

امين:تخبلت تضربهة كل احنه ما وكفنه بعينك متستحي

علي: ما سمعت حجيها ما الوم مهند من ضربج وسكطج منو انتي وتطبين وتحجين وكلنه كاعدين

تقات:  صرخت بوجهة اني مرت مهند  اني عروس وماتت فرحتي منورة امثالك لو ما شايلين سلاح لكلشي ما جان اخوك مات مو شفتوا هذا الولد ما عندة احد استقويتوا عليه كل عمري تاذوني وما احجي امي الي موجودة بالبيت بس اني يتيمه تعرف شنو احساس اليتم وامك عايشه لو ابويه واخوتي يكفخون بيه لان ما اسمع كلام وليش ما اسمع كلام امي لان تكولي روحي ذبي نفط على فراش سعاد لو حطي ملح بالاكل لو ولو  وانضرب لان ما اقبل بالغلط  اشوف اخويه مبتعد عني دون خواتي لان ما اسمع كلام امي واني ما اهتميت   ربيت نفسي بنفسي كلت اتزوج ارتاح  زوجوني بدون عرس بدون بدله حرموني واستكثروا عليه حتى الفرحة حلم كل بنيه عرس وبدله بس اني ميصير احلم اني تقات الشيطانه وك حتى انت ما خلصت من سمك تجي من سفرك تسويلي مشكله لان واحد راد يتقدملي بس راد يعرف شنو جوابي واختك بصفي  وحجيت عليه وعلى شرفي اذوني الي اقبل لان تعودت بس كافي ضلم حررررام عليكم  اريد اجر النفس ما اكدر يا ربي شصار اختنكت اريد هوة عيوني تغوش واحس روحي دتطلع

علي: ركضت عليهة حاولت اهديهة ماكو شلتهة ورحت للسيارة وامين ويايه وبقيت الكل صافن ومتعجب مثلي وصدوك كل ما اروح لبيت عمي تنضرب كبالي لو امهة تتعارك وياهة  كل كلمه تطلع من كلبهة اوووف مثل الطفله تبرطم وترجع تكمل مهضومه  امين الجنت اتوقعه جبل وقوي ينزلن دموعه ويكعد بيهة ويحجي حتى اني بجيت

امين: لج اكعدي والله اخذ حقج منهم ابوس باختي كل هذا ومتشكي واني اكول من اغلاطها مالهة عين تحجي ابوس بيدها هي ماكو حتى نفس ماكو

تقات: كعدت بالمستشفى امين يبوس بيدي وبراسي  كعدت عدل حضنته وابجي سكتني راسي يوجعني ودايخة رجعت للبيت خواتي يحضنن بيه ويبجن ونور يمي حتى ابويه كاعد يمي شنو اريد هو يجيبه اول مرة احسهم اهلي ويحبوني امي  تعارك وياهة ابويه وراحت لبيت اختهة بس علي ماكو ورة يومين انحلت سالفه عمر انطه الموبايل لامين وراح لاهلة  وبيومهة علي ماخذة لبغداد حتى مناك يسافر وبعد ما شفته فزيت على صوت امي تكولي شبيج متصلين رحت توضيت شفت الشمس طالعه صليت قضاء وكعدت اقرة  ما حسيت الا من صارت بالعشرة  رحت سويت ريوك الي وملزمتي بيدي اقره  واسمع ضحك امين ونور يوووو واخير تصالحوا بس يتعاركون

امين: انطيت الف لامين والموبايل يلعب ورحت لنور تعاي ننزل بالغرفه

نور: ما امك متقبل خل اروح اسوي الغدة

امين: اني اجيب من برة يلا تعاي نزلت اخذت امين نزلت شمرته على تقات فزت رحت حضنتهة بست راسهة ولج لا تخلين احد يحجي عليج لو ما محروك كلبي عليج ما اضوج  

تقات: ابتسمت حقك والله بس صارت

امين: عينج على هذا شويه لما تجي امه

تقات: شلته هو حاط الموبايل على اذنه ويدردم مدري شنو يحجي وابو صعد  اخذته وطبيت للغرفه  قفلت الباب حتى ميطلع

ذكريات العزوف 💔💔
نجاة محمد