رواية سلام قلبي الفصل الثاني والثلاثون 32 - بقلم غير معروف

تقات: اجه امين يزحف حط راسه على المخدة ويايه يحجي كلشي ما افهم منه وكلشي ما افهم من الملزمه دوخني لك عمه اسكت اريد اقره استسلمت شمرت الملزمه ضليت العب وياه اخر شي تعب رفع ايدة تافي تافي ضليت اعظ بخدودة كام يبجي دك موبايل امين زحف ركض فتحه وحطه على اذنه يلغي ابه ما ابه ركضت جاوبت الو

علي:سلام عليكم

تقات:عليكم السلام منو ويايه

علي:شكو تفتحين خط لو متعرفين منو

تقات: شفت الاسم علي ابن عمي يووووو شكد غثه امين مو هنا من يجي اكولة

علي: شلونهن ملابس التخرج حلوات لو لا

تقات: يعني انت تعرف ليش حجة ويايه بس حقارة سويت المشكله مو

علي: لا لا ما اصدك ولج صايرة ذكيه  المهم اني جاي اتغدة يمكم اخوج عزمني سويلي حلاوة شعريه

تقات: سم اكو تريد سديته كبور اي والله كون يروح ويضيع جوازة هناك واخلص منه فتحت الباب سمعت صوت نور تدور على امين

نور: ولك ماما متكولي وين اختفيت تقات

تقات: تعالي هنا

مناجات: صباح الخير

نور: صباح النور

تقات: امين ليش ما راح للشغل اكو شي

نور: لا بس من البارحة كال راح يجي علي ويمكن ما اطلع الصبح مالي خلك

تقات: يبوووو يعني صدك راح يجي الغثه اكولج اني راح اروح لبيت خالد احسن

نور: ما ادري والله اني هم شلت همج لان هالمرة بالنعل

تقات: كعدت حطيت ايدي على وجهي نزلت ايدي على ركبتي لسه اتذكر شلون خنكني لو ما امين دفعه جان متت اثار اصابعه ضلن اسبوع رحت للكنتور اطلع شال وعبايه اندكت الباب اجو ملاك وخالد وجهالهة هم معزومين فقدت الامل وين اولي وراهة اجه جاسر وشمس يبوووو شراح يخلصها نزل امين كال يلا سون المقبلات واللبن اروح اجيب الاكل هو راح واحنه هم طلعنه نسوي المقبلات اخر شي كالوا شنسوي حلاوة

شمس: بما انو العزيمه لان علي اجه من السفر خلي نسوي حلاوة شعريه هو يحبهة

تقات: عفتهم وطلعت ورة شويه طبت ذكريات جايه من المستشفى بدت تطبق بطنهة كبرانه كلش بلكوة تمشي وحسنين يضحك عليهة  اخر شي شرف استاذ علي هو وامه فرشنه السفرة وكعدنه كلنه اني صرت مقابيله

علي: شخبار الكليه تقات مسيطرة

تقات: كلش زينه الحمد لله

علي: انشاء الله خير ولو البنيه مو مال محاماه لو داخله تربيه احسن

تقات: ليش شنو الفرق تدري تثبتلي وللمرة الثانيه تفكيرك رجعي

علي: لا ليش تفكيري رجعي بس اكو شغلات البنيه مترهم الهة او صعب عليها وبعدين الحجي مو مني حتى بالقران الرجال قوامون على النساء والمهر على الرجال والعمل على الرجال وهواي اشياء اكيد اكو حكمه ورة هالشي فلهذاء مو كلشي يرهم للمرة

تقات: الرجال قوامون على النساء تكليف لا تشريف اولا  والعمل على الرجل لان هي تكون مسؤلة عن تربيه اولادة وهالشي اصعب من العمل المرة اقوى من الرجل بهواي بس مجتمعنه حطلها هواي قيود لهذا كلشي يصير نسكت

علي: طبعا انتي ما مشمولة ما عندج قيود خزرتهة شكد صلفه  واني بالنسبه الي المرة كائن ارق من انو تشتغل وتطب وتطلع مو ضعيفه بس النزاكة مطلوبه والا اتزوج واحد من اصدقائي احسن

تقات: لا عندي قيود  ملتزمه بيهة عاد عايشه حياتي وما اتدخل بحياة غيري

امين: صلوا على محمد شبيكم تقات كافي عاد

تقات: هو بدة

علي: كيدهن عضيم طلعت اني  البديت الله حذر منجن اجي اني احجي

تقات: الله ذكر كيد الرجال قبل النساء روح اقرة قران عدل وركز بسورة يوسف

علي: اي راح الزم ختمه بلكي تتزوجين واخلص

تقات: ردت احجي شفت نور تباوع على الاحذيه تاشر بعيونهة

نور: تردين امدادت

تقات: هو هم هيج متت ضحك هو صفن بوجهي ميدري شسالفه

امين:، على اساس عزمناك تتصالحون انت وتقات بس ماكو امل منكم

علي: لا شعندي وياهة بس احب اداهرهة

امين: اي علي شوكت تخلص دراسه لو ناوي تستقر هناك

علي: لا ارجع هالسنه بس يطلع التعين

امين: شنو تخصصك

علي: تشريح 

امين: شحبيت منه اصلا شلون قررت تدرس هيج شي

علي: علمود تقات دخلت   حتى اشرحهة واخلص منهة

تقات: ها هسة اني يمك

علي: مو بيدي والله هههههه

امين: شعجب ما فكرت تستقر هناك

علي: والله مفكر حتى راتبي هناك اضعاف بس امي وابويه ما اكدر اعوفهم وميقبلون يجون ويايه لازم ارجع

امين: الله كريم

علي: الحمد لله سفرة دايمه  تقات تكدرين تجين تنطيني خاولي

تقات: اي لحضه

علي: رحت غسلت ايدي اجت ورايه تتمايل شوكت تبطل هالمشيه ما ادري 

تقات: راح اخليها هنا

علي: ترة اعرف اني اخذها انتضري اريد احجي وياج

تقات: ها اوك

علي: هنا امشي بالمطبخ او بالاستقبال لو على الدرج

تقات: اي كعدت هو ضل واكف

علي: تقات اني قررت اجي هنا اعيش وانتي تعرفين امي وابويه ما ضل الهم بس اني وشمس اني قررت اتزوج واستقر وتعرفين قبل وفاة مهند امي راحت خطبت بنت خالتي وراهة توفى وهي تزوجت اصلا لان اني صرفت نضر عن الموضوع

تقات: اي صح عمتي دائما تكولي  ما بقالي احد وخطيه بس هي وعمي بالبيت وانت اختار وحدة تعينهة مو تاذيهة وماكو احسن من بنات خالك وخالاتك يساعدنهة لان فقدت ثنين بعمر الورد

علي: من فتحت امي الموضوع رشحتج الج صح اني وياج دوم نتجادل بس امي ارتاحت وياج  اني ما اريد تجاوبين فكري اول مرة واني ما كلت لاحد حتى ميضغطون عليج

تقات: علي اصلا لا افكر بالموضوع ولا شي  انت متناسبني افكارك وطريقه تفكيرك مو مثلي انت صح مثقف ودارس بس افكارك رجعيه اني غلطت مرة من تزوجت بدون تفاهم مستحيل اعيدهة

علي: تقات انتي السويتي مو قليل لج جان اجيتي كعدتيني فهمتيني مو تتصرفين من كيفيج احنه ليش نتعارك انتي هنتيني وفوك كل هذا سكتت وما حجيت شي

تقات: سكتت انت ردت تموتني

علي: خزرتهة  تقات ما اريد اذكر الي صار المهم فكري منا ليوم الجمعه

تقات: خفت احجي  الله كريم

ذكريات: ها ولكم شدتسون تستعيدون ايام الطفولة

تقات: هههههه يي

علي: تتذكرين كم مرة تزوجنه تالي خنتيني واخذتي فهد

ذكريات: احلى شي لمن تجيبلي حشيش من برة عود هاي ورد ويجي فهد يضربك

علي: تتذكرين من جانت تقات  تكول يلا دولي اصيل علوسة

ذكريات: ههههههه يي جانت متكدر تلفظ الراء

علي: يي والله ايام حلوة

تقات: راح اروح اصب جاي تعالوا نكعد يمهم

علي: يلا

تقات: طلعوا بيت عمي اني فكري يم حجي علي وراهة نسيت الموضوع لان مستحيل  بدت الامتحانات ومقتنعه باجابتي واكو دكتور شافني كم مرة بالقاعه اجه فاتحني بموضوع الزواج هو ارمل وعندة طفل بس يم امه ويريد يتزوج شفته مناسب لان اني ارمله و هو هم وافقت واجت امه واخته كشخة وحبابين واندمجوا ويه نور لان من بغداد  طلعوا جيران بس نور متعرفهم  امين سال عليه كالوا خوش ولد  سال هاشم  مدح بي بس كال يرجع لبغداد ترة لان هو هنا فترة سنتين ويرجع امين تردد

امين: يعني يضربج يموتج كلشي مندري خواتج كبال عيني واني خايف عليهن وخل ادز علي يسال اكثر لان هو عندة معارف بالكليه اكثر

تقات: هو من دخلت علي ايست اني احجي ويه روحي بعدين كلت كلشي قسمه

ذكريات العزوف 💔💔
نجاه محمد