رواية سلام قلبي الفصل الخامس والثلاثون 35 - بقلم غير معروف

نور: فتحت عيوني دايخه سلام يغسل بوجهي وجهة اصفر وايدة ترجف حلكي بي طعم دم لعبت نفسي

امين:كومي اخذج للمستشفى وضعج ميطمن

نور: رحت للمغسله غسلت حلكي وطلعت ليمون اكلت كلهم صافنين عليه مؤيد اريد اروح لبيتي

مؤيد: امشي اخذج للطبيب يمعودة والله كلبي خلص ما اتحمل بعد

نور: من اشوف ورقه طلاكي بيدي اروح وياك لجهنم وهسة اريد بيتي

امين: نور ما اطلكج اني اموت من دونج وانتي تدرين امشي اخذج للدكتور وجهج اصفر

نور: لا متموت لا تخاف ودكتور ما اروح من اخلص منك يلا اروح

سلام: لا تاخذين علاج بس خلي نشوف شبيج

نور: حسيت بحرارة بوجهي وراسي وجعني مسحت وجهي ايدي كلهة دم هاي منين شديصير بيه حطيت ايدي على خشمي يووو والله لعبت نفسي رحت غسلت واخذت كلينس كل شويه ابدل وحدة ليش مديوكف

مؤيد: امين طلكهة تعبنه كافي

امين: اذا ترتاحين هيج اعوفج فترة وارجع

نور: لو يبقه اخر يوم بعمري البصرة ما اوصلهة وما اصيرلك مرة

سلام: امين اكسر الشر وطلكهة حرام عليك

امين: ما اطلك رجعت للبصرة مصدوم اني شلون ضيعتهة من ايدي يا ربي شسوي ضليت يومين ما اكدر انام ما عندي غير احرمهة من امين هي تحبه كلش اكيد راح تقبل وترجع ورة اسبوع اجه مبلغ من المحكمة رافعه قضيه طلاق رحت شفتهة كاعدة بالحديقه مال بيت اهلهة وجهة اصفر كلش شوكت تبطلين عناد وترجعين

نور: لو اخر يوم بحياتي ما ارجع مستحيل لا تتامل طلكني وشوفلك غيري اني مصدومه من نفسي شلون بقيت وياك كل هالفترة اني الجنت مدللة ورده ما اشيل من الكاع اخذتني وبيوم عرسي كسرتني وخطبت وسكتت تعوفني اشهر وترجع بمزاجك واسكت خدامه لاهلك وهم سكتت حارمني من اهلي وتموت اختي ومتجيبني وتخليني حالي حال الغربه اجي اخذ من خاطر اهلي ليش لان امين اشتراني مستعبدني حضرتك ايوب اصحه وشوف شدسوي جدك غلط من لقبك امين مو كل امانه تكدر تحفظهة اهلي امنوا بيك وللبصرة دزوني بيدك شسويت بيه بس الله ينتقم منك مو باهلك اهلك ميستاهلون كون حوبتي تطلع بيك وبامك

امين: متجين اخذ ابني واروح

نور:ههههههههه ضحكتني عبالك تلوي ذراعي بي اخذة

امين: جريت ابني منهة ضل يصرخ خبل روحه لك شبيك شمسويه بالطفل

نور: ماما روح ويه بابا

امين: الوح وياج مااااا

امين: جريته حيل وجهة صار ازرك بس يصرخ كلت يومين ويتعود ضل يضرب بوجهي نزل يركض نور على كعدتها راح نام بحضنهة حضنته طب مؤيد

مؤيد: يعني منخلص امشي روح كافي طلكهة اختي راح تموت يوميه واكعه ومتقبل ناخذها للمستشفى

امين: ايست فد مرة طب سلام هم ضل يحجي حطيت ايدي على راسي عرفت خسرتهة ما بيهة مجال كتلهم اطلكهة بس خل تبريني الذمه يلا اطلك

نور: ضليت اضحك المهم اخلص اكو الله يدري بكلشي فعلا طلكني وخلصت بقت العدة واهلي والحرب منورة ابنه بالكوة خلصن الايام وخشمي الدم خبلني حتى صلاة بالكوة اصلي احس نفسي مو طاهرة كل اسبوع لازم اتقيئ دم وتطلع روحي ابنه يمي مينام الا بحضني هو وملاك فديتهة كلش حلوة التهيت بيهة ام سلام اجتي يمي هي وامي مرات اخذ امين وملاك اروح انام يم بابا يضل حاضني وايدة على راسي لما اغفى مؤيد هو وقرودة كل يومين جاين وشوق تنضف البيت وتطبخ تسوي واهس لكلشي

مؤيد: اي ست نور شوكت تحنين عليه وترحين تحللين

نور؛ باجر الصبح

شروق: لعد سلام شوكت يجي تاخر هالمرة هواي

مؤيد: ما اعرف يتصل يوميه يسال على ملاك ويسدة بس على الاغلب يرجع هالايام لان تعب

نور: بالليل حسيت اكو احد بالغرفه فزيت لكيت ام سلام دتسحب ملاك من يمي ها خاله شبيهة

ام سلام: ابوها اجه يريدها خطيه يكول اشتاقيتلها كلش

نور: الحمد لله على سلامته لعد امين وين

ام سلام: راح يم سلام من سمع صوته عوفي ترة سلام يحب الجهال كلش

نور: والله ما بيه حيل اروح اجيبه تعبني هالولد صاير حرك كلش لبست وطلعت شفت سلام صفن بوجهي

سلام: ليش هالكد ضعفانه

نور: احسن رشاقه

سلام: يا رشاقه يمعودة وجهج اصفر كلش صافيه نصج حضري روحج باجر نروح لكربلاء

نور:شنسوي هناك

سلام: نروح لمستشفى الكفيل يكولون زينه ونغير جو للجهال شروق الصبح مو للضهر وانتي تفترين على بنطرون هذا وتشيرت ذاك من هسة حضري روحج

شروق: هو اني على كد ايدك كبل رزلتني

سلام:مؤيد اخذها للغرفه خلصني من لسانها والله تعبان

مؤيد: شوفي حتى اخوج يدري دواج يمي دتعالي نصعد ما طول اجه يحير بالجهال ينامون يمه واني استفرد بيج

سلام: اسكت لا اجيب الجهال واجي انام يمكم حتى اني

مؤيد: مو اهد قرودي عليك من الصبح يكعدوك يوميه

سلام: شروق ديري بالج عليه لبسي احمر اليوم هههههههه وانتو قرود مؤيد تعالوا خالو نلعب بلي خلي ماما وبابا يرتاحون

نور: متت ضحك على سوالفهم ليش ميس ما جانت سعيدة عائله مترابطه شروق ومؤيد الحب بعيونهم واضح نضراتهم لو كل شويه اشوفهم بمكان يبوسها لو هي تبوسه اول ميطب الله يساعدك وتبوسه من خدة ملابسه واكله حتى احذيته تصبغهن وتضمهن يجي بس يلبس اخويه اختيارة صح من حبها

سلام: كعدت الصبح على صوت المنبه غسلت وجهي واسناني غيرت ملابسي وملابس ملاك كبرانه حبيبتي بعد ما اسافر الا ويايه ما اريد افوت هالمرحله اول كلمه من تزحف اول خطوة شلتها كعدت الجهال
امين فز يسال على امه اخذته لغرفتهة كعدها طلعت جان امين مبدل بس هي لا استغربت

نور: سلام شروق كاعدة

سلام: والله ما ادري ليش محتاجه شي

نور:ملابسي كلهن ميصيرن عليه كلش نشاز ضعفانه كلش

سلام: ليش متاكلين

نور:تلعب نفسي ما اتحمل اي شي وجع راسي ولعبان نفس والدم وطعمه

سلام: شرووووق

شروق: كاعدة والله كاعدة وجهالي لبسوا ملابسهم ومؤيد خلص بس سد حلكك

سلام: تعاي احاجيج

شروق: ها عيني

سلام: بنطرون وقميص لنور لان ملابسهة مديصيرن عليهة

شروق: تدللين حبي دقايق واجي

نور:نزلت ملابس ما ملبوسات

شروق: هذني ما لبستهن لان مؤيد كل سفرة يجيب هواي ما لحكت البسهن

نور:عاشت ايدج حبي غيرت ملابسي حبيت جسمي كلش صح ضعفانه بس الملابس حلوات عليه اني طويله من لبست البنطرون والقميص كلش حلوات لفيت الشال وكعدنه ساعه ننتضر شروق ومؤيد عرفت ليش حذرهة سلام من خلصوا طكهة هلهولة متت ضحك عليه رحنه كلمن سيارة بس امين راح ويه سلام كعدة بحضنه ويسوق وياه وملاك يمي هالفترة تعلقت بيه وصلنه الف تحليل سويت من دكتور لدكتور رنين وتحاليل بانواعها ناضور كله سليم واحد يكول ورم واحد كيس على الكبد كل غرفه ينطوني اسم مرض شكل بس من يشوفون التحاليل يكولون نضيف وما بيج شي وسلام يمشي ويغلط عليهم لان لو ندخل دكتور واحد ويكتب تحاليل هواي اسهل من كل دكتور يدزنه على الثاني الحلو بالمستشفى نضام ومرتبه كلش بس كل طبيب ازدحام اكثر من القبله اهلي كعدوا بالكافتريا مال المستشفى صار الضهر نزلوا للسرداب ياكلون واني وسلام نفتر من طبيب لطبيب لان ميقبل يعوفني صرفنا مليون وما وصلنه لشي كل طبيب وصفه شكل سلام شمرهن واخذني للسيارة خابرهم كلهم خلصوا وتعالوا للكراج

سلام:والله انعلبوكم لابو الدزني عليكم

نور: هسة انت شبيك هيج اعصاب كافي

سلام:ترة تكاليف التحاليل والعلاج مو قليله باللة احنه الله رازقنه وعدنه خير من الله بس الما عدهم شلون تروح للحكومي يشلون حالك وكلشي ماكو تجي هنا تصرف وذله يذلون البشر وتالي كلهم مطايه محد عرف شنو الموضوع

نور:سلام شبيك التحاليل نضيفه يعني يطلعون بيه شي كوة كلهم كتبوا فيتامينات ومقويات مال فقر الدم ما بيه شي كافي

سلام: باجر نروح لاربيل ونشوف شبيج هذولة مطايه

نور:وجع راسي مينحمل بس سكتت بلعت دوة ورحت يم مؤيد سيارته اكبر تمددت وشروق راحت يم سلام ملاك ضلت تبجي اخذتها نومتها يمي وصلنه لبيت سلام اني اعترضت ما ارتاح هنا ابد اصلا بس شكل الحرس مطوقين البيت يقبض الكلب

سلام: امشوا طبوا خل اشوف البلوة شبيهة

نور: اريد بيتنه شعندي هنا

سلام:نور ليش مبهذله اهلي واهلج هنا كلنه سوة نعيش على شنو شايفه نفسج

نور: ما شايفه نفسي بس اني ما احب ادوخكم بمشاكلي هناك ارتاح من امين يكسر يصخم ياذي بيتي مو انحرج لو اضوج من تصير مشكله ما استحي لو اضوج اهلي وبيتي

سلام:دنجبي بابا ترة هذا بيت مؤيد مثل ما هو بيتي فلوسي وفلوسه كلشي بالنص اخوج مصيبه اكثر منج انطه فلوس يلا قبل يكعد هنا

نور:ما اريد اروح لاربيل صرت زينه

سلام:اني خايف لان ميوجعج شي لو تتوجعين احسن

نور: ياااا امدة حضي مدري بيا سيان نايم

سلام:ههههههه اي والله شبيج دائما الامراض مثل البشر اكو واحد مثل الكتاب المفتوح يوجعج بحجيه بس تعالجين نفسج ويروح خلص بس اكو يخرب وراج هذا يخوف لان يغدر ويهدج تدرين مرض السرطان ليش يكولون عليه خبيث

نور:ليش

سلام: شوفي من درسنه مكونات الدم عرفنا شي اسمه كريات الدم البيض هاي تتغذة على الامراض الي هي الفيروسات وتعوف البروتين والمواد المفيدة هذا شي معروف تجي خلايا مرض السرطان تحوط نفسهة بغشى بروتين توهم الخلايا الدفاعيه لهذا اكتشاف المرض دائما يكون متاخر وحتى اعراضه قليله

نور: ما اعرف شنو اكولك بس احس نفسي زينه يلا رايحه انام كلش تعب

سلام:اكلي يلا تره اكلنه بس لفه من الصبح لسه وجيبي امين يمي اليوم سوالفه حلوة الجلب

.................................. ...................

علي: ورة ما رجعتها بيومين حسيت روحي راح تطلع اريدها بس ما اتصلت ولا هي اتصلت مر شهرين  دزتلي رساله

تقات: ((راح اطلع ويه ذكريات للدكتورة لان فهد ما موجود))

علي: ((منو يوصلكم))

تقات: ((حسنين))

علي: ((اوك روحي بس لا تتاخرين)) وراهة ما جاوبت ضجت منها ليش متحبني هففف امي كالت وصلني لبيت عمك صعدت للغرفه ابدل ومتحلف الا اروح اموتها كتل وصلنه لبيتهم واستلمني امين يشكي الا شويه يبجي وكلهم ضدة

خالد: انت ما عرفت تحتويها ضرب وتزعل شهور وهي زغيرة تريد تتدلل تحس واحد يحبها هاي سماح اكبر منها اربع سنين لازم اطب واطلع اكولها احبج وكل مناسبه هديه واحتفال من تضوج اخذها تغير جو اني وياك فرق اشهر بزواجنه مرتين اخذتها لايران من غير المحافظات كل فترة مكان وانت حابسهة وتركض على الشغل وتحل مشاكل يا خويه هسة مو هاي مرتي تجي امك وامك لا احجي ولا اتدخل اكولها حلن مشاكلجن بعيد عني

امين: هو اني شفت دربي ليش تخليني اكل خرة من مرض اسيل لابني ومرضه لان سبيعي لذكريات وابويه وموت مهند وتقات وحالتهة النفسيه هاي حبلت هاي جابت هاي تعاركت ويه رجلها هاي تصالحت خاطر الله ليش متسكت لك من يحجون يكولون خوات امين واخوان امين ميكولون بنات ضرار لو خوات خالد عوفني خاطر محمد

علي: هي وين بكل هذا امين مرتك كل ما اجي بعيونهة حزن وزعل حسرة اشوف ضحكتها مرتك بعدها طفله تريد تطلع تشوف الناس وخصوصا بغداد مو مثل هنا

امين: راح اروح على باب الله احسن من الكعدة لان اختنكت

علي: طلع امين اجت ذكريات بالكوة تمشي ها ولج صايرة بطه

ذكريات:كول بطريق وهذا ابن عمك عايفني ولازك بالشغل

علي: خلي الرجال بحاله شايل هم العراق وحمايته وينه و وينج مثلا يروح يشوف الملهى خاف واحد يضوج الرقاصه تدرين هم عدها حقوق وهي مواطنه والجيش في خدمه الشعب

ذكريات: لو تموت وتمرغل روحك هم ما اشك بي

علي: والله مبين ابن عمي مفشلنه وياج هيج متأكدة ما راح يخونج

فهد: تريد تجرب وتشوف مهاراتي ما اقصر تره

علي: بسم الله الرحمن الرحيم هذا منين يحجي

ذكريات: ضحكت دنحجي فيديو وانت استلمتني

علي:ها ولك تعال بسرعه خطيه المره تعبت حتى تشيل اسد اول واحد

فهد: اني بالسيارة جاي بالليل يمكم وعوف اميرتي اخيك صار شهرين ما شايفها اذا زعلت اموتك

علي: لا عمي كلشي ولا زعل ام اسد حتى هسة اخذها للدكتورة واشتريلها ورد وشمع حتى تحتفلون واسويلكم اجواء وكذا

فهد: هههههه الضاهر الضرب من جنت زغير فاد وياك

علي: بس ضرب بس شكيت راسي علمود ام خشم حتى لعب متخلينه نلعب يغار الافندي احلى شي من طلعت هي اختي بالرضاعه بويه خلصت من الضرب والاهانه كل شويه وكع بيهة جاسر ومهند

فهد: اي امنت من طلعت اخوها جنت احسك خطر وعدوي

ذكريات: حبيبي من تجي تعال اخذني من بيت اهلي احبك مح اروح اشوف تقات وين صارت

علي: يلا ولك ولي وتعال بسرعه مرتك ولادتها كلش قريبه

فهد: شمدريك

علي: غير دكتور شنو مو بعينك

فهد: ما ادري والله طولت كلش خلصت شهرها خايف لو عمليه اموت ولو طبيعي هم اموت وين تتحمل وجع هاي

علي: مو عمليه بس اكو واحد يعوف مرته بهيج فترة لو انت يمهة ولادتها اسهل واقرب خصوصا اول طفل هي لازم تقارب يصير حتى تكون ولادتها طبيعيه

فهد: ما اعرف اول واخر طفل لو تموت ما اخليها تسوي بعد روحي طلعت كلش اخاف عليها بنيتهة ضعيفه

علي: لا ما بيهة شي تركض بالمستشفى جنهة حصان الله يسهل عليهة يلا اجو في امان الله رفعت راسي على تقات خزرتهة سلام عليكم

تقات: عليكم السلام

ذكريات: من هسة لو تتعاركون انزع عباتي واكعد وخلي ابني يموت ولا اتحمل عركتكم

علي: ليش نتعارك يلا روحوا للسيارة

تقات: لعد حسنين وين

علي: راح يوصل امي لشمس ويجي

تقات: نزلنه يم الدكتورة هو نزل ويانه واكف بالباب هوسة وحارة بس ذكريات صديقتهة طبت بسرعه وطلعت طلعنه للسوك اشترينه شغلات هواي اتصل علي بالمول هو واكف بعيد الو

ذكريات العزوف 💔💔
نجاة محمد