رواية سلام قلبي الفصل الرابع والثلاثون 34 - بقلم غير معروف

نور: دخلنه بغداد بعد ساعات حسيت بنسمه باردة تدخل لصدري حتى هواج غير وصلنه لبيت اهلي فارغ

امين:خل اتصل اشوف وينهم

نور: ليش ما انطيتهم خبر راح نجي وين موبايلي اخابر بابا اكولة

امين: لا هسة اني اخابرة يكول بالمنصور بيت سلام رايحين

نور؛ اجه اخو سلام بعد ما اتفقوا على مكان معين لابس اسود وضايج وشكو اخو سلام غير اخوية يجي وصلنه مو بيت قصر هاي بيت منو

نزار: بيت سلام

نور:طبينه كلهم لابسين اسود امي وامه واخويه هاي شبيهم منو مات ضليت ادور بابا اي ذاك كاعد ويه ابو سلام سلمت ردوا امي تبجي سلام نزل صفنت سمنان عضلات وصدرة عريض متغير صاير كلش حلو بيدة طفله حلوة كلش شبيكم ليش لابسين اسود ماما ليش تبجين ماكو رد ليش محد يجاوبني لا تخافون ما انصدم عادي تعودت احجي منتضرة رد محد جاوب يوووو اروح اسال ميس بس وينهة امي صوتهة عله صفنت ماما وين ميس

نزار: الله يرحمهة

نور: التفتت عليه ما اخذت بحجيه عقلي رافض هيج شي مستحيل وكفت يم الدرج مييييس لج ميييس منتضره تزل مو الا تكشخين نزلي

سلام: يمه تعاي اخذي ملاك رحت لنور ميس راحت يم الارحم منج ومني ما ماتت ارتاحت متدرين شكد تعذبت هي

نور: مصدومه من حجيه صافنه بوجهة سلام اصغر مني ومنك مجانت تشكي من شي شلون يعني جذب غير جذبه هههههه وخر عني خل اشوفهة هسة الكه بيدهة الحمر ادري بيهة متنزل الا تتحمر

سلام: لوكيميا وبفترة العلاج صار عدهة عجز بوضائف الكبد

نور: كعدت بمكاني صافنه ضليت اصرخ ليش لج ميس ليش هيج تكرهيني رحتي قبلي وحركتي كلبي عليج ليش ضليت ابجي ابويه ركض عليه هو وامي يبجون اخوية واكف من بعيد ليش ما كلتولي ليش تخلوني بحسرة شوفتهة ادري تكرهني بس اختي يا ناس اختي هاي

ابو ميس: لج بابا الف مرة اتصلنه على رجلج اليوم وباجر ملينه شهر نتصل يوميه ويتحجج صار اربع ايام من ماتت نتصل ميجاوب

نور: التفتت لامين واكف كبالي  ردت اوكف احس رجلي انشلت بالكوه وكفت اجه سلام لزمني اشوف بيك يوم يا امين حتى حزن على اختي مثل العالم ما حزنت لا بجيت لا شكيت ثوب يا امين كون الله يحرك كلبك ومتكدر تحجي مو بجي حتى حجي متحجي

امين: نور والله ما ادري هيج مريضه عبالي مرض عرضي وتطيب واجيبج

نور: شفت مزهريه بنهايه الدرج شمرتهة عليه انعل ابوك لابو الجابك عليه يا جلب طالع مسوم على امك احجي بحركة وابجي اجه ابنه يركض حضني يبجي اخترع سلام شاله حضنه يسكت بي 

مؤيد: تعاي نور كافي الله يرحمهة متدرين شكد رادت تشوفج حتى تبريهة الذمه جنطتج وين ابقي  يمنه فترة

نور: ما ارجع مؤيد حباب ما اريد ارجع وك سودة بوجهي على هالقسمه ما شفت منهة بس شلاع الكلب

مؤيد: ششششش كافي ما ارجعج يلا تعالي

نور: ضليت ابجي اريد اروح لبيتنه حباب

سلام: خزرتهة مؤيد نزل جنطتهة صعدهة بالغرفه البصف غرفتك

امين:نور اني اسبوعين واجي

نور:هو يحجي واني شمرت عليه نص البيت سلام طلعه برة امي اجت يمي حطت راسي بحضنهة وتبجي من اجيت العزا خلصان واهلي يبجون بس متكيفين ويه الوضع كلهم يكولون ارتاحت ورة ساعتين اجه سلام انطاني موبايل

سلام: افتحي اول فيديو هذا امانه ميس من ترتاحين نشوفه كلنه راح اربط الموبايل بالتلفزيون

نور: صيحهم خل يجون بس حجيت كلهم طبوا  واكفين ورة الباب يمكن كعدوا على الجربايه اجت ماما حضنتني استغربت من تصرفاتهة ما ادري يمكن لان فقدت ميس تخاف تفقدني فززني صوت ميس

ميس: هلو نور شلونج طبعا اني زعلانه منج ليش ما اجيتي شفتيني هيج كلبج قاسي يمكن حقج نور اني اتمنى الله ينطيني كم يوم لما تجين نور سامحيني على كلشي سويته اذيتج هواي بس والله جنت اغار اي جنت اغار سنين اني اشوف محمد واكف يم الباب حبيته اشوفه واكف ويباوع ضحكته سيارته لبسه من اجت امه اني بدلت وحطيت مكياج ركضت حتى تشوفني انصدمت من خطبتج ضليت ومن اشوفج متحبي اموت من عرفت هو مات اني متت بس محجيت شي كتمت كلشي بكلبي لبست العبايه لان هو يحبهة تخبلت من اذكرة وراهة عرفت كاتب كلشي باسمج تخبلت اكثر قررت اخونه اي صادقت هواي بس ما برد كلبي جان سلام خاطبني اني وافقت لان يشبهة ردت احرك كلبج  ردت تحسين بوجعي من اخذتي الي احبه ولان يشبه محمد راح تحبي غصب عنج انصدمت بسلام حبج الج  انكسرت مرة ثانيه وصرت عدائيه اني رحت للدكتور وخليته يقنعج انتي متحبين سلام مجرد وهم وقصيت عليه قصه مالهة علاقه بعلاقتكم اني جنت اكول لسلام تصيحلك محمد اني هواي غلطت وخربطت وانت سلام اذيتك هواي بس والله تمردت عليك لان تحبهة وجع بكلبي وجع من اشوف صورهة بمحفضتك اني حبيتك والله بس متاخر لو الله يكتبلي عمر اعوفك واني ازوجك نور لو اعرف اموته لامين انت بابا سامحني اذا اذيتك ادري اني ما استاهل دموعك وماما حبيبتي والله نور كلبهة طيب بس اني دائما تصديهة احبكم كلكم ادعولي بالرحمه وما اشوف عذاب القبر والله خايفه من الضلمه والديدان من اتخيل ضيق القبر كلش اخاف بس ادعولي يمكن الله راد يخفف من عذاب يوم القيامه ابتلاني بهذا المرض سلام دير بالك على ملوكه وسويلها تحليل كل فترة نور اذا سلام سافر روحي وياه لا تضلين يم امين واهلة انتي تستاهلين الاحسن مؤيد سامحني اذا سويت شي ينزل راسك كل مرة ينطوني العلاج احس بالوجع من وكع شعري اذكرك اكول والله استاهل لان ما اذيتني ابد دللتني واني جازيت دلالك بتصرفاتي  ماما ملوكه حبيبي اني كلش مقهورة راح تشوفيني بهذا شكلي  مراح اضل وياج ديري بالج على بابا لان هو اتحمل هواي وصبر على كلشي سويته وسامحني لخاطرج احبكم

نور: خلص الفيديو ضليت ابجي امي شبكتني ابويه حاط ايدة على وجهة ويبجي سلام حاضن بنته وواكف يباوع بعصبيه مؤيد وشروق متحاضنين ويبجون وكفت حسيت بخنكه قوية رحت للحمام اتقيئ اريد هوة ماكو متت طلعت سلام ركض عليه انطه بنته لامه وشالني ركض للحديقه ذب على وجهي مي ماكو وكعت ما حسيت على شي من كعدت لكيت سلام واكف فوك راسي ملاك بصفي وامين الزغير  يمهة شصار

سلام: انهيار عصبي نور امج وابوج صارلهم اسبوع ماتوا من البجي توهم ينسون اجيتي رجعوا كانوا اليوم ماتت لا تبجين كبالهم بدل البجي صلي اقري قران تره وجعهم مينحمل ماكو اعز من الضنه

نور: اي صح بس مو بيدي والله كلبي يوجعني عليهة

سلام: الله يرحمهة ويغفرلها

نور: ورة اسبوع تكيفنه ويه عدم وجود ميس سلام كله برة البيت متغيرة احواله كلش عندة معامل مكياج وعطور ويشتغل تجارة اسلحه مرخصه شي ميشبه شي ما شفته الا ورة اسبوع من اجه امين يرجعني

امين: ليش تحمليني ذنب ما سويته ما ادري والله

نور: رجعه ما ارجع ومتطلع منا الا تطلكني تقدم يجر بايدي طب سلام

سلام: امين كافي بلا مشاكل طلكهة وفضهة

امين: نور شبيج تخبلتي لج اني امين

نور:  عقد الخدمه خلص انتهى تعبت اهلك مسويني خدامه يمهم واسكت وانت متذكرني بس وقت حاجتك واسكت كافي تعبت ارحم بحالي احجي بعصبيه وحركه واني اسبوع ما اكل على العصير والحليب عايشه بس ذني اشربهن متت وجع بمعدتي صار لعبت نفسي احس طعم دم بحلكي لعبت نفسي اكثر ما تحملت حتى اروح للحمام ضليت اذب من راسي بمكاني امي وشروق صرخن اني احس روحي دتطلع الكاع كلهة دم اتقيئ دم اني شفت الدم وكعت

ذكريات العزوف 💔💔

نجاة محمد