رواية سلام قلبي الفصل الرابع والعشرون 24 - بقلم غير معروف

امين: نور احنه باچر رايحين وانشاء الله ما قصرت وياچ بشي

نور: حشاك من التقصير الله يحفظلك امين

امين: يحفظلچ اعزازچ

نور: طب سلم ع بابا وراحوا متت بيومهة ما نمت الليل كله الفجر صليت وحضنت بابا ونمت توني اغفه رن موبايلي رساله من حسنين

حسنين: ها ولچ شلونچ

نور: ولاچة ساعه ٥ شعدك گاعد

حسنين: مو امون اجه يمچ وهو ميتحمل حلاه وانتي عسل فصعد السكر وحايرين بي فگلت اگعدچ بس احنه گاعدين منوراچ

نور: حسنين احچي مثل الاوادم شكو شصار

حسنين: عمو امين صاعد سكرة واحنه بالمستشفى شبيه يعني بربچ شمسويه بالرجال وگفه بالگوة يوگف

نور: انت طالعه عينك ها ولچ وامون اعلمك من اجي بعدين شكو ماخذين المزعطة وياهم

حسنين: منو زعطوط عيني عيني انقبلت طب والبنات لخه عليه

نور: اگعد راحة مهند زمانك امين شلون صار

حسنين: خطيه بالمستشفى وكلما يگعد يسال ع ابنه
نور: ليش شبي

حسنين: مو سبيعي وامه صحتهة بالنازل وعمي حاير بي مترجعين والله اشتاقيت لخبالچ

نور: ما اگدر اعوف اهلي وحدهم

حسنين: جيبيهم وياچ لبيتچ مو عندچ بيت هنا هم يغيرون جو وهم ترجعين لعمي

نور: روح انطي الموبايل خل احچي وياه

امين: من رجعت من يمهم كلما اتذكر نضرات سلام وشلون دفعتني اشوط اريد ارجع اضربهة اريح گلبي واستغفر ربي اخر شي راسي يوجعني وما اشوف بعيني انسطرت اخذوني للمستشفى سكر صاعد نص ساعه اجه حسنين شايل موبايله گلي يردوك ويضحك حطيته ع اذني الوو

نور: الو شلون صرت

امين: برحمه الله

نور: امين اريد اجي

امين: اذا چنتي تغارين من اسيل هسة لازم تغارين من امين لان ماخذ كل وقتي نور اني عندي مسؤليات اهلي وهسة ابني ما افكر بروحي ولازم ارضي الي احبهة حتى لو اموت عليچ اني مو الچ لان لازم اهتم بخواتي حتى ميحسون بنقص ويعوضوا بغير مكان ولازم اهتم بابوية وامي وخالة سعاد واسيل ومرضهة وهسة ابني نور اني روحي يمچ بس مجبور اكون يمهم

نور: اوك حروح يلا باي

امين: نور

نور؛ هااا شتريد بعد مو حاطني باخر القائمة

امين: راح ادز عادل يجيبچ

نور: ما اجي وحدي اهلي ويايه

امين: هلا بيهم شوكت يجيچ

نور: باچر الصبح

امين: ليش مو اليوم

نور: اريد انام ما نمت الليل كله واحضر غراضي هم باچر احسن

امين: نور

نور: همممم

امين: احبچ

نور: غمضت عيوني ضليت ابچي شگد انتضرت هاي الكلمه هم راح ارجع وهم راح يهملني شسوي يا ربي

امين: ليش تبچين مو تعبت والله منوراچ

نور: اسفه والله مو قصدي ادفعك

امين: كافي عادي تعودت ع چفصاتچ ابو تك رجل توني انساها اجيتي دفعتيني

نور: انت شگد حقود هسة انت شگد تاذيني انسه بسرعه اربع شهور ما ذكرتني باتصال

امين؛ مو حاضرتني حضرتچ

نور: اتصل من اي احد

امين: احترمت كون تريدين تبقين وحدچ ما ردت الح

نور: هاااا لو اگلك طلگني تحترم هذا الشي

امين: لا شگد متردين ضلي يم اهلچ طلاگ ماكو

نور: اوك ضاله يم اهلي ما اجي وخل انشوف ليون نوصل

امين؛ عادل باچر يجي عليچ سلميلي ع بغداد عفت روحي هناك

نور: شقصدك

امين؛, عبالچ افوتلچ سالفه الدفعه اردها اضعاف وجع لگلبچ

نور: امين انت د تخربط بالحچي منتبه

امين: يلا حروح

ذكريات: من رجعنا من بغداد گبل لبيت عمي هو طابق واحد لان كلش چبير بس فهد من تعين بنه سويت فوگ يختلف عن الجوة كلش حلو طبينا لگينه عمال فهد عگد حاجبه دنصعد نزلت شمس وبنات ٢ من گد ما حلوات شبهتهن باميرات دزني فهد صفن گلي اگولچ احنه خاف متنه بالطريق گتله ليش گلي هو لو حوريات شاردات من الجنه لو متنه وذني حور العين
:: اوك خل يفيدنك

فهد: شمس شسالفه العمال

شمس: جاسر بنه حمام بالغرفه اسفه گعدنه بالصاله مالتكم خلصوا هم بس انضف اجوي صديقاتي فگعدتهم بالغرفه

فهد: ماكو اشكال بس مو محجبات دير بالچ تره يامه صديقات سون بلاوي

شمس: لا عمي شعندي وياهن اجن باركن وراحن

ذكريات: اجه فهد صالحني ويحچي ويايه جابلي سيت نوم يجنن شوكت اشتريته

فهد: يووو من چنتي ثالث متوسط اشتريته وضميته

ذكريات: ركضت سبحت ولبسته سشورت شعري وحطيت مكياج هو هم طب سبح من طلع حضنته احبك

فهد: تعاي خل اشبع باچر اروح

ذكريات: وين تروح

فهد: دوام

ذكريات: يوووو لا تروح

فهد: هنة عشرة ايام واجي

ذكريات: عزززة يووووو والله اموت

فهد: دتعالي موتي بين ايدي

ذكريات: ضلينه سهرانين للصبح طلع الضوة راح لبس البدله جر البيرية لبسهة ميلهة اني حضنته حيل لا تباوع ع البنات هناك حباب

فهد: ماكو بنات حبيبي بس منتسبين وبعدين شكو اباوع وعندي اميرتهن حبيبي أمني ترة اني عشگتچ واخذتچ مو خطبه نسوان حتى تخافين ومن قبل ما اتزوج ما عندي انتي شاغلة الفكر والگلب وكلشي

ذكريات: والله لو ساحرتلك متحبني هالگد انت مخبل مو صاحي

فهد: اوووف هالبياض والعيون الرماديه اخذن گلبي وعقلي

ذكريات: فتحت القميص حطيت راسي ع صدرة هو سحب راسي باسه ونزل جنطته جوة متصعد للغرفه لان الجنطة دليل ع هو موجود بالبيت من تنشال من المطبخ يعني طلع ميقبل احد يصعد للغرفه يشوفه لان نومة كلش خفيف فيخلي الجنطة حتى امه تامن كميه الغرابه بفهد لا تعد ولا تحصى لو تنفست بصوت عالي يگعد رجعت نمت ورة نص ساعه حلمت امشي بطريق مابي ضوة وحدي امشي وابچي واكو شي مثل الضل ويايه اشرد منه ويركض ورايه اختنگت فزيت اتصلت ع فهد گلي بالطريق حياتي نزلت سويت ريوگ الي والهم گعدوا اتريگوا شمس دتقرة تحضر للثالث اني هالسنه ثالثه خايفه كلش شلون ادرس وفهد شاغل تفكيري عندي ملازم گعدت اقرة الضهر فهد اتصل گلي وصلت وراح اتغدة امنت شوية

نور: ثاني يوم عادل اجه حضرت كلشي وطلعنه وصلنه گبل للبيت ما رحت سلمت نيمت بابا البيت نضيف وصيت حسنين ع كم شغله ومسواگ ونمت اجه امين يعيط

امين: شوفي يم اهلچ تصرفين من فلوس المرحوم سكتت وما ردت الح بس تجين هنا هم نفس الشي ما ارضه وماكو رجال يتقبل مرته تصرف فلوس رجلهة متوفي طليقهة ميصير تردين شي اتصلي اني اجيبلچ لا مثل قبل تسكتين وتتصرفين من كيفچ

نور: بدت رحمه الله لو مراجعه احسن استغفر الله اي تامر بشي ثاني

امين: عدلي اسلوبچ احسن ما اتعامل وياچ بغير طريقه ومتعجبچ صدگيني

نور: حط فلوس ع الميز وطلع اني سبحت وغيرت ملابسي رحت لاهلة سلمت وشفت اسيل ابنه بالگاع اباوعلة من بعيد احس گلبي وجعني هاي ثمرة حبهة اله والله يعلم يجوز هو هم يحبهة امه حطته بحضني اني جمدت ذبيته بالگاع ضل يصرخ اجه امين شاله بسرعه سكت الضاهر متعلم عليه عفتهم ورجعت لگيت بابا يحچي خطيه چان بالگوة تطلع الكلمه من حلگه وما مفهومة هسة احسن گال ايدي تحكني سويتله مساج

ذكريات العزوف💔💔
نجاة محمد

عندي امتحان عذورني

FatimeRaad
كاتبه موهوبه قريت اول بارت كلش عجبني من يصيرلي مجال اكملهة تابعوهة وانطوا رئيكم بالقصة