رواية سلام قلبي الفصل الخامس والعشرون 25 - بقلم غير معروف

نور: احس روحي ضايعه ع كلشي ابچي بيومهة انكسر الگلاص ضليت نص ساعه ابچي محد يعرف هالاحساس الا المجربه من تتاذة من اقرب الناس الك بس متبچي لان مو من حقك هو مغلطان حتى تعاتب وتبچي تضل تدور ع اي عذر حتى تطلع حرگتك بي امين ما خطاء بحقي بس مجرد خاينه شرعيه بعقد الله مبارك بي والناس شاهدة عليه اصعب شعور ممكن تمر بي المراءة هي هاي الخيانه متگدر تحچي شي ولا تعترض وباليوم الي يعوفهة وتدري بي راح يحضن يبوس ينام ويه غيرها لازم تبتسم بوجهة وتضحك منو گال أن الرجل اقوى من المراءة ويتحمل اكثر منهة لو كان فعلا هذا الشي مچان تنزل عليهة ضرة وتتحمل تتحمل مسؤلية تربيه جيل جديد. رضاعه تربيه تنضيف زوج بيت عيال المراءة مو ضعيفه ابد الا (امام رجل احبته) هذا ضعفچ يا اما يجي رجل يحتويچ ويقويچ اما يجي رجل يستغله ويأذيچ گعدت بالگاع حاضنه روحي وابچي احس بوجع بلعومي يأذيني كلش حاولت ابلع ريگي اكثر من مرة وما اگدر تمنيت مني اول طفل اول فرحة نمت بمكاني يم الطباخ فزيت ع صوت امين يحچي ويه امي وبيدة ابنه اخذته امي منه اجه يمي شالني للغرفه حضني حيل اني ضليت ابچي
امين: كافي شبيچ ع شنو هالدموع
نور: هدئت شويه ونمت راسي يوجعني ودخت هو ضل يمسد شعري ويحچي ساعه شعر وراهة سالفه وراهة باسني اني گعدت دنيا حارة وصيفهم يكتل موت احمر شغلت السبلت وطفيت الضوة هو طلع شاف ابنه ورجع

نور: امين

امين: ها حبيبي

نور: منو تحب اكثر اني لو ابنك

امين: هو هذا سؤال بالله تخبلتي

نور: جاوبني حباب

امين: نور لا تتوقعين بغيابچ متت او حليتي الموضوع غيابچ وجفاچ خلاني اتكيف ويه عدم وجودچ اني صح مقصر وياچ بس هاي طاقتي يبنت الناس بدل متوگفين ويايه وتشيلين من حملي عفتيني ورحتي بس كل السويتي والراح تسوي اني اضل احبچ صح امين احبه والبزر اعز من كلشي بالدنيا بس احبچ اكثر

نور: امين اني احتاج اضل وحدي بعد خطاء مني رجعت اني ما اگدر اتعايش ويه ابنك لو اني لو هو واكيد ما اگولك عوف ابنك واصير انانيه اني انسحب افضل ماكو امل من حبنه

امين: نامي هسة من تگعدين نحچي

نور: گعدت لگيت سلام ومؤيد جاين ياخذون ابويه وامي وسلام ضايج كلش اشرتله شكو دنگ راسه اتحسر وطلع مؤيد ضل يبوس بامي وابويه ومرته حامل فرحنالهم اخذ اهلي وراحوا سمعت صوت طفل يبچي امين طلع ويه اهلي والطفل يصرخ ركضت شلته ناعم كلش ابيض كلش وعيونه بارزة ويدور بحلگه جوعان خفت انطي ممه ضليت افتر بي احچي وياه سكت اجه امين حاچيته بلهفة وين الممه جوعان

امين: يمچ توهة امچ سوتله

نور: اخذتهة بس حطيتهة بحلگه ضل يرضع ربع ساعه وراهة طلعهة بلسانه

امين: شبع كافي حطي ع متنچ ومسدي ع ضهرة ربع ساعه وذبي

نور: سويت مثل ما گال ضل يتقيئ عليه هاي شنو ولك يبووووو

امين: هههههههه جيبي وروحي بدلي

نور: بدلت ورجعت لگيته نايم امين ماكو طلعت للمطبخ هم ماكو رحت للموبايل اتصل ميجاوب رجعت گعدت يم الطفل

ذكريات: من يوم الراح فهد گوابيس ما اگدر انام اشوف واحد نايم يمي وافز مثل المخبله مرات انزل يم عمتي مرات اضل گاعدة تخبلت فهد كله مشغول يتصل باليوم مرة نص ساعه ويروح ودوام بعد شهر ضلينه اني وشمس يوم نطبخ يوم مكياج يوم حمله تنظيف لان كل مواقع التواصل الاجتماعي فهد حذفهن بقه ماسنجر ووتساب البقيه ممنوع مرن ٨ ايام باليوم التاسع انفتحت الباب شفت فهد واگف وراهة اجه يمي اني حضنته وضليت ابوس بي حضنته حيل ونمت گعدت الصبح فهد يتصل بك :: فهد وينك عفتني من الصبح وليش مگتلي راح اجي علمود احضر روحي

فهد: حبيبي اني بالطريق توني طلعت احسبي خمس ساعات اني يمچ

ذكريات: يا طريق مو چنت البارحة بحضني

فهد: انشاء الله يلا الله وياكم

ذكريات: دزلي رساله صديقي يمي ضليت صافنه اني متاكدة البارحة حضنته اي والله حضنته رحت للحمام سبحت مشطت شعري وطلعت رتبت نفسي نظفت الغرفه عطرتها نزلت سويتله غدة وصعدت سبحت ومكياج گعدت انتضرة فتح الباب شمر البيريه ع القنفه واجه حضني حيل ويهمس اشتاقيتلچ عطرة مله الغرفه حضنته ابوس بي هو غمض عيونه مدد ع الچربايه اشرلي تعاي رحت يمه حضني وغفه نص ساعه وگعد سبح وغير ملابسه اشرلي ع الفرشه بدلتهة رجع نام رحت يمه ما قبل يگعد نمت بصفه
فهد: ولچ امشي نزلي تعبان ميت تعب ما بيه حيل لا تنامين يمي منا من اگعد

ذكريات: نام منو يمك

فهد: ما اگدر اشوف هالحسن وما اقربله

ذكريات: حضنته ونمنه

نور: نمت يم امين الزغير فزيت ع صوت خاله سعاد سلمت عليهة ضلت يمي ساعتين وراحت اخذت امين وياهة گالت ضلوا وحدكم تفاهموا واكسروا الهجر البينكم وضلت تحچي تگولي الام التربي مو الي تحبل گلتلي اني عندي ٣ ولد وكلهم ما شلتهم ببطني بس ربيت فعلا كلهم يحترموها ويحبوهة خصوصا عادل بدلت تراك ستن مشطت ونمت تذكرت مرة حطيت رموش گلي حلوات رحت حطيت ومكيجت اخذني الواهس رفعت شعري حسيت بجوع طلعت افتر ادور اكل لگيت لحم سويت مخلمه وچاي هو اجه حضني وگعد ياكل طب سبح ورجع گعد يمي

امين؛ تعالي للغرفه انام صارت ب ١١

نور: منتضرة الوطني يجي حتى اشغل السبلت حارة

امين: شغلته ع مولدة البستان يصير

نور: رحت وياه بس اخجل منه كلش هو حضني اني بچيت هو ضل يكفر ويصيح طردني من الغرفه ونام وحدة رجعت للغرفه طبيت وياه بالفراش

امين؛ انعل ابوچ لابو الجابني عليچ امشي ولي خل انخمد اكلت خرة من يوم التزوجتچ كل دكه ولا الثانيه وساكت اكول اني مقصر متگولين شتريدين مني
كل ما اجي يمچ تعوين روحي اعوي ع راحتچ اريد انطمر

نور: هههههههههههههه

امين: ههههه استغفر الله بابا شتردين

نور: نزلت راسي يم وجهة لحيته صاير بيهة شيب حطيت شفتي عليهة ابوسهة هو غمض عيونه لثمت مكان الشيب حسيت برجفه جسمه جوة ايدي سحبني لحضنه ضل يبوسني وعشنه يوم احلى من العرس لان حبنا اكبر غفيت ع ايدة هو هم حضني ونام ما گعدنه الا ثاني يوم الضهر رحنه لبيت عمي تغدينه وگعدت يم اسيل شويه وراهة اجت ام اسيل خطبت تقات لمهند ابنهة الچبير اسيل اشرتلي رحت يمهة

اسيل: نور تتذكرين يوم الشفتيني ابچي نزلتي من الكوشه وگعدتي يمي انتي وبدلتچ وما اهتميتي للناس

نور: يي

اسيل: اريد حنيه گلبچ وياي تنطيهة لابني هذا لا حول ولا قوة ديري بالچ عليه ولا تنطي لاحد حتى لو امي رادته اريدة يطلع مثل ابو ربي ع مخافه الله وعلمي الحلال والحرام خلي يحب ربه بوسي يوميه الصبح بدالي گوليله امك تحبك لو تخرج بوسيلياه وكليله امك يمك بكل خطوة روحي وياه

نور: اسيل شبيچ يوجعچ شي

اسيل: لا مكدر احچي هواي جيبي ذاك الصندوك

نور: شنو هذا

اسيل: هاي جمعتهن اله يساعدنه بعرسه خاف يحتاج شي خلي ياخذ ذني وهذا الذهب لمرته

نور: ضليت ابچي انتي انطيهيا انتي راح تحضرين عرسه وتبوسي كل يوم

اسيل: امين اريد امين

نور: ركضت اصيح امين مو بالبيت خابرته اجه بسرعه

امين: شكو شبيج

نور: اسيل تريدك ما ادري شبيهة

امين؛ طبيت للغرفه يمهة امي وخواتي يبچن

اسيل: ايوووب

امين: عيونه شبيچ اخذچ للمستشفى

اسيل: لا ابني انطي لنور حتى لو تطلگتوا ابني يضل يمهة لا تنطوا لاهلي امي وابويه امانه الله ورسوله دير بالك عليهم

امين: اسيل لا تخبليني شبيچ

ذكريات العزوف💔💔
نجاة محمد