رواية سلام قلبي الفصل السادس والعشرون 26 - بقلم غير معروف

امين: اسيل لا تخبليني شبيچ شفتهة ازرگت اخذناهة للمستشفى لازم عمليه فتح قلب نسبه نجاح العمليه 20٪ دخلت للعمليه ساعتين منتضريهة طلع الدكتور وجهة كله حزن عرفت خسرت اسيل وما اشوفهة بعد هاي اول خسارة وكانت مؤذيه بشكل كبير

نور: صار يومي كله ويه امين الزغير الي عرفته اسم امين الحقيقي ايوب ولقبه امين اسيل فراقها چان صعب لكل العائله امين ابتعد هواي عني طلع الاربعين وهو تاركني عفته ع راحته

ذكريات: الاحلام ما تركتني ابد وكانوا يصيرن حقيقه اگعد بنص الليل اصرخ وفهد يسكتني اضل ابچي صرت اشوف خيال اسود وين ما اروح بالحمام والغرفه بالبيت ويوصل الموضوع احلم شخص ينام ويايه واحس فعليا بهذا الشي بيوم أربعين اسيل رحت لبيت اهلي رجعت بالليل اول ما فتحت باب الغرفه حسيت بخنگه طبيت سبحت وطلعت نمت حسيت احد جرني من شعري حيل ضرب راسي بالحايط وضليت احچي ما اعرف شنو اجه فهد يحاول يلزمني واني بين الي اشوفه وافصل من الواقع كانوا يغمى عليه بس من افز اني واگفه وراهة وگعت ما حسيت على شي

فهد: حاولت اصحيها ماكو متجاوب ركضت ع السويچ ادورة وين شمرته التفت لگيتها واگف تحچي ويايه

ذكريات: على شنو تدور

فهد: ضليت صافن يوجعچ شي

ذكريات: اي راسي كلش ياذيني رفعت ايدي على راسي شعري وگع ودم هاي شنو فهد شصار

فهد: وگعتي حبيبي متتذكرين

ذكريات: لا حياتي كلشي ما اذكر

فهد: اي لان وگعتي على راسچ تعاي اشوف خاف جرح عميق شفتهة مبيهة شي يلا نامي لا تخافين احچي هيچ واني خايف اكثر منها راح تخبلني ضليت گاعد للصبح ورايه دوام وخايف شلون اعوفها حضرت ملابسهة قررت اخليهة يم اهلها احسن لبست ملابسي گعدتهة اخذتهة يم اهلهة ورحت للدوام

نور: نسيت شي اسمه امين بحياتي كله يم الطفل هو هم ابتعد كلش تقات عقدت واتفقوا تزوج بدون عرس تبدل وتروح هي ضاجت كلش بس تكتم بداخلهة متحجي تقات وذكريات احلى من خواتهم ثلج وملامح حلوة عكس البقيه  صح حلوات بس هنة احلى بهواي مثل مهند وعلي  مهند ابيض وعيونه صفر علي عكسه طويل وضخم عيونه سود نضرته حاده ميلوگله حتى يكون طبيب امين حار بذكريات الي متنام بالليل ولا بالنهار بس تصرخ رجلهة اجه كم مرة متريده

ذكريات:ما أريده خل يطلع اكرهة

فهد: ذكريات حبيبي شبيج لج اني فهد حبيبج

ذكريات: اطلع بره ما أريدك تخنكني من تجي

امين: هاي شبيج متخبله عليه اني البيه كافيني روحي ويه رجلج

ذكريات: ما أريده اكرهة

امين: بس خل افتهم شكو  اوكعيلي على عله خل اسكت

فهد: عوفهة امين ع راحتهة  خليت وطلعت الف فكرة أبالي عجبهة واحد بالكليه لو شافت عليه شي افتر بصاله بيت عمي الجكاره بيدي وحدة ورة الخ تعبت كعدت حطيت راسي بين أيدي تعبت شكد حبيتهة تعبتني بكد حبهة عفتهة جانت نايمه بحضني ارجع هيج متريدني ليش شصاير

امين: طلعت شفت فهد لازم راسه وكاعد رحت يمه

فهد: بس كولي شبيهة عفتهة نايمه بحضني وتضحك

امين: متنام بالليل بس تبجي والصبح كاعدة وحدهة ما ادري شبيهة لا اكل لا شرب

فهد: راح اروح للبيت تعبان كلش انام ساعتين واجي اشوفهة

امين: نام هنا الغرف فارغة تضل رايح جاي

فهد: اكولك هي من شوكت هيج

امين: من جبتهة لسه لا تضل تفكر امشي نام وباجر ناخذهة لدكتور نشوف شبيهة خاف حاله نفسيه

فهد: هذا المخبلني من شنو  حاله نفسيه مدللهة ما مقصر بشي سفر فلوس كلشي تريد يمهة

امين: ما ادري روح نام وباجر الله كريم صعدت لغرفتي سمعت صوت نور تحجي ويه امين وتناغيله رحت فتحت باب الغرفه صفنت بوجهي تقدمت أخذته منهة ضليت افتر غفى نيمته بفراشه غيرت ملابسي ونمت بصفهة حضنتهة ارتاحيت مغمض عيوني وافكر همزين اكو ليل الواحد يفصل شويه عن الدنيا وهمومهة بالنهايه احنه بشر مو حديد  الله رحيم بعباده رغم معاصينا يغفرلنا وينطينه فرصه بيوم جديد حتى نستغفر ونترك معاصينا رغم اني ما عصيت الله بشي ماشي عدل بس ضلمي لنور أكبر ذنب سويته بحياتي شكد اذيتهة خايف من حوبتهة كلش احس ما عدهة سند غير الله لا اخو بي حظ وحنين ولا ام توكف وياهة وابوهة مريض منو الهة من اضلمهة غير الله ضليت استغفر مسحت ع راسهة رفعت راسهة صافنه

نور: شبيك

امين: احس كل الي ديصير بيه من دعواتج كله تكولين حسبي الله ونعم الوكيل

نور: ليش هيج تحجي اني من اكول هيج مو قصدي ادعي بس حاله عصبيه شسوي احس روحي لا حول ولا قوة لا اهلي قريبين ويأخذون حقي ولا انت تنصفني

امين: هو هذا الخايف منه دعاء الي ما عنده بس الله سند

نور: حطيت ايدي على خده ضايج مني

امين: انتي تكرهيني

نور: صفنت صح ما اكرهة بس حبه راح ما احبه واريدة مثل قبل نفرت منه ما اعرف فترة مبتعد عني ما احس بأمان يمه ما احس اني شي يخصه فرض امين صار فرض بحياتي

امين: ليش سكتي

نور: يلا نام كافي باجر وراك كعدة من الصبح سحبت الغطى ونمت  كعدت الصبح المفروض اليوم تقات تروح يم رجلهة طلعت من الغرفه رحت يمهة شويه
تحجي والدمعه مستقره بعينها

تقات: بس فهميني شنو ذنبي اطلع بدون عرس حتى الفصليه هم  يسولهة إلا أني  اجلوا العرس ورة السنه يعني الا هسة  شنو  مسويه مكسورة ويردون يشمروني هيج

نور: مو مهم العرس بلكي تنسعدين وياه ما شاء الله متوالمين  انتي حلوة وهو ما قاصر جماله يوسفي هي على البدله وبلكي ورة السنه يسويلج حفله بسيطة

تقات: انشاء الله  ذكريات شلون صارت

نور: ما ادري نافرة فهد كلش وبس تتعارك ما ادري شبيهة

تقات: الليل كله متنام بس تحجي والله عبالي تخابر لو عدهة شي من تقربت لكيتهة فاتحة عيونهة وتحجي كانما احد يمهة تسولف وياه مو صاحيه

نور: ما ادري الله يصبرة فهد يموت عليهة

تقات: اي والله الليل كله يفتر بالبيت ما غمضت عينه صار الضهر اجه عمي ومهند ويه السيد عقدلنا ورحت وياهم يمكن لو افر الدنيا كلهة ماكو مثل حظي حمدت الله وشكرته

....................................

سلام: ميس لهنا وانتهت وياج ما بيه اتحمل بعد يوميه واكول باجر تكبر وتعقل بس فهميني بشنو قصرت وياج هيج تعاندين

ميس: اني هيج عجبك عجبك ما عجبك الله وياك

سلام: لزمتهة ضربتها طلعت حركة كلبي واخذتهة يم اهلهة رجعت للبيت غمضت عيني وطيف نور ميروح من بالي اوووووف شكد حبيتج تالي اخذتي هذا الهمجي تذكرت من نامت بحضني شكد جنت مرتاح طلعت موبايلي ضليت اشوف صورنه طلعت رقمهة اتصلت فتحته سمعت صوتهة مبين يمهة جهال سديته شمصبرني على ميس غير شوفت عيونج كل سنه من اعرف اجيتي

....................................................................

تقات:  بالليل اجت مرت عمي نصحتني شلون احتوي مهند ولازم التزم بصلاتي و اخذتني للغرفه  ضليت كاعده نص ساعه طب مهند بيدة العشه تعشينه طفه الضوة وراح نام اني هم سبحت لبست ملابسي ونمت واسبوع احنه هيج وبس احجي يضرب صح كفخة بس انقهر كلش  يوم ورة يوم صار يضربني على اتفه الاسباب متت

ذكريات العزوف💔💔
نجاة محمد