رواية سلام قلبي الفصل التاسع والعشرون 29 - بقلم غير معروف

سلام: ما اريد طفل مستحيل اخليها تكمل حملها ليش اخلي الطفل يتعذب مكافي اني ماكل خررة

ابو سلام: انت تنجب وتاكل خرة وميس تبقى وانت تطلع

سلام: اي هاي الجنت منتضرهة انت طردتني بقيهة يمك خل تفيدك اخذت ملابسي وطلعت لبيت صديقي اسبوعين وامي اتصلت تبجي هي  مريضه وعايشه على الادويه

ام سلام: يمه لخاطري ارجع واتحملها شعندي غيرك اني

سلام: غمضت عيوني يمه اني احس روحي مو رجال واللهز اموت يوميه  شنو يفرض عليه كلشي ما كافي يتحكم بحياتي كم مرة طردني ولخاطرج ارجع  وهاي العار جابهة لا شغل فالحة لا بفراش مريحتني شكو مكعدهة يمي حتى نخدمهة وهي تضل تراسل هذا وذاك مو اني ما حجيت كلشي فخليهة تروح بكرامتها احسن

ام سلام: يمه تعال اخذني وياك ما ابقه وياهم

سلام: اي اجي اخذج واشيلج بعيوني اجرت بيت زغير نكعد بي اني وياج

ام سلام: شوكت تجي

سلام: بس اشتري اثاث البيت اجي اخذج     اخذت اجازة وحاير بهاي المصيبه الوكعت على راسي  نمت شويه وطلعت اشتريت اثاث البيت بقه بس الصخان ما بقه عندي وهسة صيف ما احتاجه تسوكت ورحت نمت متت تعب باجر اروح اخذ امي

تقات: رجعت ثاني يوم لبيت عيالي عمتي حبابه بس مو كلش راضيه على زواجنه فعلاقتي بيهة بس السلام  طبيت للغرفه هوسة نضفتهة ومسحتهة نزلت ويه عمتي طبخنه الغدة اجه مهند و عمي تغدينه شفت مهند صعد اني ورة شويه صعدت اول ما طبيت  جرني من شعري

مهند: مو كتلج روحه لاهلج ماكو ليش من اجه اخوج رحتي وياه لو انتي خابرتي
وكعت عليهة الجمرة صارت على فخذي صرخت ضليت ابجي هو اجه شالني شمرني على الجربايه وطلع هواي فكرت ارجع لاهلي وهواي كلت اشرد وارجع اكول امين ميستاهل فكرت هواي لما دخت ونمت ما حسيت بعد الا بالليل احس مكان الحرك ينغز كلبي من الوجع متت كعدت ابجي حطلي دهن ما فاد بس الوب رايحه جايه انطاني فاليوم بلعته ورة نص ساعه غفيت ما كعدت الا الصبح الضاهر قوي انطاني راح يبدي الدوام بس لا ميقبل اذا اهلي ميقبل اروح ما اتوقع يخليني اداوم 
رحت للمطبخ نضفت وطبخت اذن رحت صليت هو اجه من الشغل يحجي ما اجاوب خلصت البيدي ورحت للغرفه سمعت صوت جوة مهند يحجي ويه احد يمكن صوت علي معقولة رجع من السفر  نزلت شفت علي بالدرج خزرني سلمت رد السلام وطب لغرفته شبي هذا كبر عائله مشخوطين

فهد: يلا عمه تاخرت

سعاد: شبيكم دكم حار فلفل بس تريدون تطيرون انت وامين

فهد: مو خاف ميستقبلنه  رحت للغرفه طلعت ذكريات وركبتهة بالسيارة صرت اعاملها مثل الطفل اخاف عليهة من الهوا  رحنه لكربلاء زرنه ورحنا لسيد وصفوا النه دخلنه عليه  اني صح ما مقتنع بهذا الشي بس ما بقه بس هذا الدرب ما جربته  اخذ خيرة ضل يحجي هواي كانوا عايش ويانه كال سحر اسود بالغرفه والي شمرته وحدة اسمها سلاسل ومرتك متلبسهة جن عاشق اني تخبلت شيحجي هذا ضليت ادخن يا الله شراح اسوي 

فهد: سامع بهذا الاسم مدري وين

سعاد: مرت حماها لشمس سلاسل

فهد: صفنت وهيه ليش هيج تسوي مثلا ما عدنه شي وياهة  زين والحل شنو كلي طلع السحر من الغرفه واغسل لمرتك غسل الميت وذب ملابسها بمي جاري والسحر جيبه ابطله وذبه بمي جاري رجعت ذكريات للبيت وكبل رحت لغرفتي ويه امين وجاسر دورنه بكل زاويه ماكو شي سحبت الكنتور لكيت شعر ورمل  صفنت طلعنا وراهة ضليت ادور  رفعت المندر من الجربايه ماكو شي ذبيتهة من ايدي من وكعت سمعت صوت رجعت رفعتهة فتحت السحاب شفت دم ولعابه مقفولة ايديها ضليت صافن نزلت غراض الغرفه كلهن جوة ما ضل شي ولو بيدي حتى السيراميك اشيله  طلعت من الغرفه اخذت الغراض للسيد ورحت ذبيتهن بمي جاري وذكريات غسلت وذبينه ملابسها  شويه تحسنت متصرخ  ونامت بالليل شويه ارتاحيت للصبح فزيت على صوت باب الحمام انفتح بسرعه وهي مو يمي ركضت يمهة لكيتها تتقيئ ضلت ربع ساعه يلا استقرت غسلت وطلعت ابتسمت بوجهي

ذكريات: جوعانه

فهد: طلعت سويت بيض وجاي اكلت بسرعه غسلت ورجعت نامت حضنتهة ونمت كعدنه الضهر طبت غسلت وطلعت اني طلعت وراهة 

امين: منور  البيت اليوم ذكريات كاعدة وطلعت من الغرفه يرادلها ذبيحه

ذكريات: امين كافي حباب وشوكت تصبون الاكل متت من الجوع

امين: امشي نروح للمطبخ اليوم نور سطرتنه بالريحه يمكن دولمه

فهد: اي بعدج توج طبتي بعتيني وركضتي لاخوج

ذكريات: شعندي غيره حاير بيه صارله شهرين

فهد: واني ما حرت على اساس

ذكريات: ابتسمتله

امين: عوفي خل يولي تعالي ناكل طبينه للمطبخ نور واكفه ويه مناجات وامي كاعدة تاكل ها يمه تاكلين بالختله وبالسفره تكولين ما اشتهي

ام امين: ماكله من خيرك انت شعليك

امين: بالعافيه هسة شكلت اني رحت يم نور شطابخين

نور: دولمه وفهد جاب مندي دجاج

امين:، همست باذنها صعدي فوك بسرعه

نور: خل اصب شلون اصعد غير وقت غدة

امين: طلعي حجة اي شي

ام امين: شكاعدين تتبسبسون انت وياهة

امين: على الدولمه  شكلها حلو  واني مشتهيهة كلش

نور: هي دائما حلوة هيج بس انت مزاجي

امين: اي مو ثكيله ع المعدة من اضوج ابتعد عن هيج اكلات

نور: هااا صرت متتحملني وثكيله ع المعدة

امين: منو يمج احجي ع الدولمه حامضه وطيبه

نور: عفته وصعدت هو صعد ورايه طب وقفل الباب

امين: حضنتهة شبي الحلو اليوم

نور: ما بيه شي وخر خل ابدل لامين وانزل

امين: اشتاقيت لدلالج حضنج الدافي

نور: ثكيله ع المعدة اخاف عليك

امين: ضحكت على عقليتهة يابه اتشاقى

نور: اريد اروح لاهلي صار هواي ما رايحة

امين: حقج باجر اخذج اسبوع وارجعي

نور: ممممممم اوك نزلت صبيت الاكل تغدينه وضحك جو البيت حلو ذكريات تعافت سبحان الله ما توقعت السحر هيج يسوي بالبشر جانت ميته اجت شمس وكالت فعلا اجت سلاسل من جانوا ديبنون وصعدتهة لغرفه فهد ضلت تبجي ممصدكة هيج اذتهة  صعدت لغرفتي امين صعد ورايه حضني ونام اني هم نمت وياه ثاني يوم كلي لبسي ورة الضهر نطلع لاهلج

تقات: نزلت يم عمتي شويه مهند صاحلي صعدت

مهند: اخوية اجه راح يضل اسبوعين لبسج انتبهي عليه الشال لا تذبي كله وياج  راح انام كعديني ساعه ب٦ نطلع نشتري ملابس للكليه

تقات: اطلع وياك

مهند: اي ما اعرف اشتري هيج اشياء

تقات: صفنت هذا شبي مخبل نام صارت سته الا ربع بدلت وحطيت مكياج خفيف كعدته طلعنه اشترالي هواي ملابس واحذيه وجنط يضحك ويسولف اخذني للمطعم اكلنه ورجعنه للبيت صعدت الملابس ونزلت وياهم سوالف وضحك عمتي كالت باجر اروح لبيت اختي اخطب لعلي انتي طبخي الغدة جاوبتهة تدللين ثاني يوم كعدت وحدي بالبيت عمي طالع وعلي ما ادري اذا موجود او لا لان كله بالغرفه طبخت الغدة وغسلت الملابس اندكت الباب لبست شال وطلعت فتحتهة شفت ازهر (الي راد يخطبني) كبالي شايل صينيه بيهة مواعين مبين مال ثواب اخذت الماعون صارت سيارة مهند كبالي فزيت وطبيت بسرعه  اكمل شغلي هو طب يمشي بسرعه وعيونه حمر سحبني من شعري ضربني اذاني كلش بضربتة بحيث اريد اوكف ما اكدر الباب اندكت راح يفتح اخذت موبايلي خابرت امين ابجي ما فهم من شي بس خمس دقايق سمعت صوته يتعارك يريد يشوفني ومهند ميقبل وعلي يهدي بيهم امين طب للغرفه شافني ضل يتعارك ضرب مهند وعلي واكف يفاكك

امين: لبسي عباتج ونزلي للسيارة بسرعه نزلت اركض وهو ورايه طبيت لبيت اهلي وصلت للباب مكدرت اكمل مشي بعد وكعت شالني امين طببني  نور لابسه وبيدهة جنطه صافنه علينا ليش ضربج شكو

تقات: والله ما سويت شي اجه واحد دك الباب محد اكو كلت خاف عمتي لو عمي فتحت الباب طلع ولد بيدة صينيه مال ثواب اخذت الماعون هو اجه طب ضربني احجي واشهك امين حضني

امين: ماكو رجعه مترجعيله بعد

تقات:سمعت صوت الباب متت خوف ضليت ارجف خاف هو

امين: حتى اذبحه

تقات: طلع عمي ومرت عمي طبوا شافوني صافنين مرت عمي كالت يمه عفتكم ما بيكم شي شصار هي حجت هيج اني ضليت ابجي شافوني بس ابجي لا اخذوا حق ولا باطل بالليل سمعت صوت الموبايل جاوبت ما شفت جنت نايمه ومطفيه الو

مهند: تقات ارجعيلي

تقات: ضليت ابجي ليش هيج تسوي ويايه ما سويتلك شي اني

مهند: اغار والله ما اتحمل احس روحي ما مكفيج اني مو رجال مو بس والله فترت العلاج تمر واخذج وتصيرين مرتي

تقات: مهند شدتحجي شبيك

مهند: من صارت سالفه شمس صار عندي شك بكل البشر واختنك واحتصر من اعصب ما اسيطر على تصرفاتي  واحجي ويه روحي تخبلت رحت للدكتور اعصابي من الصدمه متضررة اخذ علاج هذا العلاج يخليني انام هواي وما اسيطر على اعصابي حتى ايدي لساني يخدرن هواي  لهذا ما اقتربت منج ما اكدر واخاف اتفشل  بس والله حبيتح

تقات: يحجي ويشهك مهند شبيك

مهند: تقات لا تروحين لغيري اني والله مجان بيه شي بس من الدوة

تقات: ساكته ورة شويه سمعت صوت بابهم وصياح سمعت صوت طلق انسد الخط رحت لامين ركض كتله طلع هو وعادل وحسنين وابويه وياهم  صار الصبح ومحد يجاوب اني بس دموعي ينزلن نور واكفه تسكت بيه اجه جاسر خله شمس وطلع ب٩ طب حسنين عيونه حمر وياه ولد ما اعرفهم طلعت خاله سعاد تسأل شصار

سعاد: ها يمه شبيك

حسنين: بيبي انريد ننصب الجادر

تقات: شكو شصار طب امين ويه ابويه ركضتله ركزت بملامح وجهة اريد اعرف شكو حضني حيل

امين: البقيه بحياتج

ذكريات العزوف💔💔
نجاه محمد